* * * *
وبعْد ذيك الليله , فاجأني أبوي باليوم اللي بعده بأنه عبد المحسن اول ما عرف بـ موآفقتي , طلب الشوفـَه تكون يوم الاثنين وحبْ يسألني إذا اليوم يناسبني !
أنا الصرآحه ما عرفت وش أقول وأحترت كثييير بالرد بشكل مو صـآحي لكن أمي سهْلت الوضع وقالت انه اوكِ مافي مشكله لأن فششله افرض عليه واقول ابي مدْه اكثر بعد الاسبوع اللي أخذته هبال ووناسه وهواش وكـآن المفروض أفكْر فيه بجديه أكثر ! > طفّْشت الرجال فيني ههههه
لكنْ مامي الحلوه < تصالحنا هع > قرَرت انوو السسبت نروح نشتري فستان حلو ومُناسب والاحد يجهزونْي نفسياً والاثنين أنطلق < ابوك يالتخطيط العقيم !
ومع إنه ما عجبْني لكِن للأسف هذآ اللي صـآر وفرَض الوقت نفسسه بسرعـَه لأن يوم الاثنين جـا !
* * * *
يوم الاثنين | السساعه 10 وربع الصباح
كلية الطب – مدينة الملك خالد الطبيه
كـآنت تمْشي بعصبيه بالسيب اللي كان شِبه فاضي لأن التطبيقات خلْصت والكل نزلت نتايجه أمسس ومـآفيه غير الاطباء بالمسستشفى
هي لـابسه حجابها المُعتاد بدون نِقاب + عبايتها الكتْف المُزخرفَه . .
بلعْت ريقها أول ما وصلت لمكتِبه وشافت إسممه مكتوب على البـآب
" يا عسسى مافيه طـآرق بعد اليوم "
وتمالكت أعصـآبها ومحـَت الخوف اللي فيها بثقتْها المُعتاده , وطقْت الباب عششان تترك له مجـآل يتجهْز لعاصفة الغضْب اللي فيها !
طـآرق : تفضْل
أخذت شهيييق عميق وزفرتـَه , بعدين سمّت بالله ودخـَلت بكِل عنفوآن
طرفـَه بثقه : السسلام عليكم دكتور
فصـَخ نظارته لأنه كـآن يقرأ تقرير عن مريض بقسسمه , وحط الملف عالطاوله
طارق بهدوء : وعليكم السلام ورحمه الله " وبإستغراب " خير دكتوره طرفـَه ؟
" الحقييير , يرد السلام كامل وبكِل برود , لا وبعد يسأل عن سبب جيّتي ويناديني بالدكتوووره !! "
آه آه بموووت من القهْههههر , والله أحس نفسي بقلِب المكتب على خششته هالشييفه !!
طرفـَه تحاول تمْسك اعصابها : جيت عشان تقيمك ليْ !! ليه سقْطتني ؟!!
نزّل عيونـه للتقرير ورجَع يتصفحه ببرود وقـآل : هذا جنيتيه بيدينْك
طرفه بإنفلات وصوتها بدأ يعلى شوي : لو سمحت دكتور , أنا طلبت منْك إعاده بعد التطبيق الرئيسي وقلت لك إني كنت تعبانه والخطأ مو مقصوود !!
بس انت فاجأتي بالــ f
" وبلعت ريقها بغصّه " هذا ظِلم وانت عارف انه هالتقييم مهمْ ويحدد نجاحي من رسووبي , وانت بالدرجه اللي عطيتني اياها ضيّعت سننه من تعبي وهالشي مستحيل أرضى فيه !!
تنهْد وترك ملفَه وقال : لو سمحتي , ما ابغي جِدال بهالموضوع , النتيجه نزَلت وماني ناوي اغْيرها
طرفه بعصبيه : لييه هالظِلم والاسلوب الجاف , أنا لي الحق اشتكي عليك عند إدارة الجامعه وأطلب اعادة للتطبيق لأن هالشي مستحيل ينْسكِت عنْه !!
ناظرها وقـال بجديّه : دكتوره طرفـَه , اولاً انتي الحين تهدديني بطريقه غير مُحترمَه , وصوتك واصل لآخر السيب
فياليت تحترمين إني رجـآل غريب قدامِك واعتبر مُشرفِك ودكتورك واكبر منْك بالسن .
رفعت حاجبها وقالت بإستخفاف : حلوه ذي !! وانت خليت فيها إحتراام يا دكتور , تسقْط الناس على كيفك وتبغاني أطر النجاح منْك طراره
طارق وهو يرفع شعره بيده : لا إله الا الله . . لو سمحتي إذا ما كان عندك موضوع ثاني غير النتيجه , تقدرين تتفضلين لأني مشغول
سكتت شويْ وهي تحس بالإهانه القويّه ومسسسستحيل ترضى بهالشي !!
" أنا انْطرد !! ومن مين ؟! من طارقووه الشييفه الوقِح , والله ما حـَزرت يا دكتور , ودامك طلبت الاحترام بوريك إياه على اسلووبي "
طرفـَه بقوّه وإندفاع : انت كيف تسمح لنفسك تعاملني بهالاسلوب , دام انك رجـال , فأنا بعد حرمَه
أسلوبك وعصبيتك بالتطبيقات كِلها تِربك الكِل مو بسس أنا
" وعطته ظهرها وقالت بغرور قبل لا تطلع عشـآن تِقهره " حاول تغيّر اسلوبك يا دكتور , لأن الصراحه ما أدري شلون الناس تتعايش معـآك وانت بهالشخصيه الحجريه
ابتسم وقال وهو يوقْفها بكِلمته : بالبدايه , أنا ما اتعامل بهالشخصيه الغريبه على قولتك مع أي شخص
" لفّت عليه وعطته نظره قويْه وهي تنتظره يكمْل كلامه الغريب "
ناظرها وقال ببرود : البنت اللي جرائتها تتعدى الحدود , سواء بحجابها اوطريقة كلامها تستحق هالشخصيه من كِل رجّـآل مو بسس أنا
لأن الصراحه الحرمه بدون نِقاب واسلوب هادي ومُحترم , اسمحي لي ماهي حُرمـَه ابداً
طرفه بصراخ وهي مو مستوعِبه اللي تسمعه وواثقه إنه يقصدها : كيف تتجرأ !!!
طارق يلبس نظارته : انتي اللي جريئه من البدايه , انصحك بترم صيفي عشان لا تضيع السنه عليك دامِك مهتمْه وجايه تهددين بدون سبب مُقنع
" وابتسم بنوع من السخريه " وياليت تتنقْبين وصدقيني بتلقين أحسن مُعامله من كِل رجْـال ما يعجبك اسلوبـَه
أنهزْ كيانها من كلماته القويّه اللي أول مرْه تسمعها من إنسان يقدر يواجِه بهالجرائه والحِجه القوّيه , مع إنها متأكده انه تهرّب من الموضوع الاساسي ودخل بموضوع ثاني بأسلوب ذكي هي ما حسْت فيه !
وبحركـَه سرييعه طلعت من المكتب بدون نِقااش , وما تخفْي إنه القهر يمششي بدمْها وعيونْها ودْها تبكي لكْن هي حارمتها البِكا لين ما توصل البيت عالأقل !!
* * * *
12 وربع الظهر | بالبنْك
كنْت توني جايه من المكـآن اللي نصْلي فيه لمكتبي وقاعده أعدْل شعري اللي نزْل بسبب الطرحـَه بعد الصلـاه < ذيل حصـآن كالعاده هع
بهالوقت بعض صديقـآتي دايماً يجيبون غدا وبعضهم ينتظر لنهاية الدوآم زيْي انا < امي حاكمتني شسوي خخخخـ
فكانوا مسوّين اليوم زي الحـَلقه على مكتب وحدهْ وجالسين ياكلون من كنتاكي ويسولفون سالفة شدْتني بقووه < ما احب هالمطْعم يكرم النعمه
- لـا انا انْصحك تحقرينـَه , الرجـال يحب زوجته لا صارت ثقييله
زميلتي الثانيه بضيق : بس والله طفشت وانا جالسه ببيت أهلي , واذا اتصل عليّ قـال ارجْعي لبيتك ونتكلم مع بعض , انا ما اتفاهم مع ابوك واخوانْك !
ردت عليها الثانيه : يووووه عاد الزوج ما يحْب الحرمه اللي تحكمه وتعطيه عالسيدا كأنها تأمره وتغصبَه على طلباتها , انا الصرآحه انْصحك ترجعين بيتك وتتفاهمين معاه بهدوء . . .
جيت جنبهم وقلت بعفويه وانا آخذ من بطاطس وحده من البنات واجلس عالطاوله : منهي اللي متهاوشه مع زوجْها ؟!
وحده من زميلاتي بضحكه : يووه ورد اخاف تعطينها نصايح تورطين أبو اللي جابوها
انا بإبتسامه : تكفين يا ام النصايح , توْك مخطوبه يا فهيمه اعقلي هع !
قالت صاحبة المُشكله بضيق : الصرآحه انا ودْي أرجع , بس أمي تقول لا لازم ينفْذ طلباتي بالاول
وابوي يقول قولي له يجي وخلينا نتفاهم معاه انا واخوانك , بس وهو مو راضي بكل الحلْين , يبغاني ارجع وبس !!
مِسكت ضحكتي لأن حالتي مُشابهه لحالتها , ابوي مسكين وامْي متسلطه !
وحده من البنات وهي تتنهْد : والله يالرجـآل مالهم أمان
البدايه كِله رومانسيه وحبْ , وبعدين تكتشفينهم على حقيقتهم , يا يجيك صايع منتهي والثاني يجيك ماعنده الا سراط مستقييم , تبينه امشي عليه غصب , ماتبينه انقلعي بيت ابوك طالق !
وحده ثانيه تتفلسف : يووه يووه وش اقول ووش أخلي , بلاوي من هالطلاق والمششاكل , يعني لو يقولون لي الحين تبين تتزوجين قلت لـا وألف لا !
أرعبتني صرآحه بعض وجهات نظر البنات القويْه والسلبيه خصوصاً إني متشائمه وآخذها عالطاير , وحبيت اوسْع النِطاق
فقلت : يعني وشو الزواج لهالدرجه مو زين ؟!
وحده تدقْني على كتفي: ماعليك منْهن , كلهم يموتون على ازواجهم ويخافون عليهم من الهوا , انتي بس قولي لوحده منهم تزوّج عليك , أضعف الامل تنهبل او تنتحر هههه " وغمزت لي " بسس حكي حريم
ضحكوا الاغلبيه على تعليقها اللطيف لأنها قالت الحقيقه , وجلسوا يدخـَلون بمواضيع ثانيه لدرجه إنهم وصلوا للسياسه بالاخير خخخخـ وجا اوباما وغطْى الدنيا عليّ انا وسالفتي اللي جايه عندهم بس عشانها !
بهالوقت كنت شبه معهم وشبِه مو معْهم , حيروني بقوّه وارتبكت زياده على إرتباكي بسبب الشوفه اليوم !!
" ياويلك يا ورد , وش جاك توافقين بسرعه !
المفروض اسمع مشاكلهم بالاول بعدين احكم ههههه
بس الصرآحه مافي أمـَل استسلم و اليوم الشوفـَه وبعدها التفكير الجدْي وربك بيحلها "
بلعْت ريقي ورمشت بحيا وقلت وانا اقوم : خفوها يالله اخلصوا بلا سسوالف بلا طعم , اخاف يجونا مُراجِعات ويشوفونا سبهلله واكل وسوآلف
وحده من البنات : ههههه ماعليك حبيبتي , بس يدرون إننا نسولف عن الزواج جوّ طبوا معنا
ابتسْمت للصبـآيا , وحبيت انْفرد بمكتبي عشان أخلص اغلب شغلي واتفرْغ بالتجهيز للشوفـَه بعد ما ارجع . .
وكِل تفكيري حول شكْل هالمطوّع المجهول !
" عندي إحساس انه لو ثوبه قصير ببكي ههههههه "
22-07-11, 11:53 PM
جديد مواضيع قسم الارشيف
العرض العادي
