كاتب الموضوع :
♫ معزوفة حنين ♫
المنتدى :
الارشيف
للأوجَاعِ قلُوب .. لا تُسيّرها - عَاطِفه !
[ البآرت الثآمن ]
لُو أهِمك : مَا تَركتْ
الآه تِسحَب الفرحَه
مِنْ | وَريدي .
لُو أهمِك : كَانْ
مَديتْ " كَفك "
وانتَشلتْ الحزن
وبعثرَات ( الأنيني ) .
لُو أهمِك : كِنتْ
فَزِيت وَسرقَت
لمحَة هـ " الوجع "
مِنْ | عُيوني .
لُو أهمِك : مَا دَفنتْ
التَعب فِي ( غَصّة )
حنيني .
انْسِحب منِي بدُونِي
... وَ لا عادْ تجيني !
وانسَى كِلْ اللِي – صَارْ
وشفْ لِك دَرب ثانِي
غِير دربِي .
اللِي ( جَانِي ) منك
مُو قليل ،
وانتَ تدرِي كِنتْ
لـ / حياتي " نَسيمْ " .
بَسْ الحِين ما عِدتْ
فِي حَياتِي حبيب
انت | صَفحَة رمادية
طوتَها الأيام
و .. ( السنينْ ) .
بَسْ كافِي اللِي
حَصل منك مُو
أي " تَقصيرْ "
مو كِلمَة وداع
بسيطَة وغَطت
على ( حنينْ ) .
انتْ خليتِني
أشَهق حزن
وأزفِر :
" التَجريحْ "
وشلُون أنام
وانتْ بَعثرتْ
أحلامِي وَ طارَتْ
مع ( الريحْ ) .
بَس باقِي عبرَه
ما نَامَتْ مع
... الليلْ .
رُوح .. وادفنها
بعيد عن هـ المَدى
و " طيرْ " .
هدوووء الغرفة مرعب جد كل اللي تعرفه انه راح ترجع لخآلتها بتعيش عندها هذا القرار اللي اتخذته صح هنا مكآآن أبوها بس غصه بداخلها وش فايدة وجودها دام ابوها رحل عن هالقصر ودنيا بكبرها
آآآآآآآآآآآآآآآآآآآآآآه يبه وحشتني بعد 18 السنة اقابلك واجلس معك 3 اسابيع جربت حياتك يبه رميت ثقلي وهمومي لك وشكيت لك بس بخاطري غصه يبه انا ابكي تعال ومسح دموعي .. فقدتك يبه
فقدتك .. مسحت دموعي وش قلت يافجيرر مالقلنا بلاش دمووووع الله يرحمك يبه ويغمد مثواك الجنة .. قمت وخرجت من الغرفة شفت جآنيت
جآنيت: يسعد صبآحك مسس فجر ..
ابتسمت لها ابتسامه باهته: تسلمين .. جدتي قعدت من نوم ..
جآنيت: اي وكلهن ناطرين بصآلة الطعام ..
هزيت راسي لها بالموافقه ورحت عنها نزلت وبكل مكان اتذكر طيف ابوي ممكن هنا كان يقرأ جريدة الصباح وهنا يشرب قهوته المفضله .. وهنا وهنا ووو حطيت يدي على فمي وشهقت موب قادرة اظل
اكثر من كذا القصر على كبره خانقني .. مسحت دموعي من جديد ودخلت عليهم وشفت جدي وجدتي وعمي صقر ..
صقر وهو يقوم من مكآنه: اهلاً بجلالة الملكه انرتِ موقعك ..
ابتسمت نص ابتسامة ..
صقر: اي يبه ضحكي وش عليك ..
أم بتال: صقيييير اركد وبلاتس من هالطفاقه
صقر: أفااااا يمه شايفتني مجنون ..
فجر ضحكت هنا ..
صقر: احم احم الوالد بشنو سرحآن ..
أبو بتال: سفره دايمه وقام ..
سكت وكل واحد التهى بصحنه ..
رفعت راسها: جدتي ممكن طلب ..
أم بتال بحنيه: قولي يمتس عيوني لتس ..
صقر: اي اي وانا لي الله ..
ابتسمت ابتسامة صفراء: ابي اروح لبيت خالتي ..
تغيرت ملامح صقر 180 درجة: ليه ناقصك شي هنا ..
وأنا اقول له: لا والله موب ناقصني بس ابي اجلس شوي عند خالتي ..
أم بتال: الله يرحتس يافجير .. هذا بيتس وبيت ابوتس ..
لفيت عنده: وش رأيتس ياعمي ..؟
صقر ابتسم لها: طيب وبتظلين لـ متى عندها ..
سكت وش اقول له: مدري ياعمي بس أكيد اني برجع ..
صقر: براحتك ..
فجر: جدتي أنا قلت شيء غلط ..
أم بتال: لا يمتس بس صقيير مطفوق اتركيه عنتس ..
فجر حضنت جدتي: الله لا يحرمني منتس ..
طاحت دمعة حآرة: ولا منتس يابنت الغالي ..
غمضت عيوني وأنا اتنهد: آآآآآآآآآآآآآآآآآه ياجدتي اشتقت له احس احس انه بـ يرجع ..
بكت أم بتال معها وماغيره جاء صقر وانصدم ويقول بمزح: ياللليل وانتوا دموعكم 24 ساعة جاهزه للتشغيل ..
بعدت عن جدتي وهي تمسح على راسي: خذ فجر وتمشواا أنا بروح اقيل ..
عرفت ان صقر متضايق بس ارتسمت البسمه من جديد: حرم المصون عنآد آآآند جلاله الملكه هلا تشرفتي بحضورك لسيارتي ..
ابتسمت له: إن شاء الله ..
سبقني عمي صقر .. وجآنيت اللي جابت عباتي اللي مضايقتني بس إن شاء اغيرها لأن قمآشها مرة يلمع .. لبست عبآتي ونقابي وخرجت ودخلت سيارة ..
صقر: امممم على وين تبين نروح بيت خآالتك وإلا نتمشى ..
ما حبيت اكسر خاطره مع اني اشتقت حيل لخالتي قلت له: براحتك ..
صقر: اممم لالا انتي وين ودك تروحين ..
قلت له: صدقني اللي يرحك ..
صقر: اللي رحني نروح لعمتك نور ومرة وحده نمر البحر ..
وانا مفهيه: هااا ..
ضحك: ههههههههههه امزح معك شوفي الحين أنا مشغول بس انتي آمري ..
قلت له: خلاص دامك مشغول وصلني لبيت خالتي ..
صقر: اوووكي وحرك سيآرته
بعد نصف ساعة وصلت لبيت خالتي ووقف سيارة وناظر فيني وقال ..
صقر: متى تبين ارجع لك ..؟
فجر: مدري ياعمي بس ابي اجلس اسبوع
صقر: اووف اسبوع مرة وحده وزين يهون عليك تتركيني بروحي ..
فجر: لا والله مايهون متى ماجيت حيآآآاك ..
صقر ابتسم: لا حبيبتي خذي راحتك ومتى مامليتي دقي علي وفوراً اجيك ..
فجر: تسلم عمي والله مو عارفه ..
قاطع كلامها: هذا واجبي حبيبتي انتبهي على نفسك ..
فجر: وانت بعد
خرجت من سيارة عمي تقدمت للبآب وبشوق دقيت الباب .. وبعد شوي فتحت لي خالتي وحضنتها ..
أم عساف: حي الله فجر خالتها وشلونتس يمه عساتس طيبه ..
ظليت ابكي: مخنووقه يا خالتي مخنوووقه ماقدرت اجلس عندهم اكثر .. اشتقت له كثير ..
أم عساف: لا حول ولا قوة إلا بالله الله يصبرك يمه ذكري ربك .. وتعالي سويت لتس الفطيره اللي تحبينها اكلي يمي جسمتس غدى عودن ..
جلست وراحت خالتي تجيب الفطيرة مدتها لي: سمي بالله وكلي وأنا خالتس ..
رفعت يدي واخذته واكلت الفطيرة وغمضت عيوني ودموعي ماوقفت عن النزول ..
أم عساف: بسك يافجر مايجوز على الميت هالصياح وهذا انتي العاقله ادعي له يمتس يمكن هالموت راحة له ماتدرين عن الله كآتبه ..
فجر: ونعم بالله ابتسمت خالتي انا بجلتس عندس موب راجعه للقصر ..
أم عساف بفرحه: هذا ساعة المباآركه مير بيتي اللي بنووور ..
حضنت خالتي: بوووجدتس ..
ღ.
ღ.
ღ.
عناد: عساف اكلمك أنااا ..
رفع راسه: نعم ..
عناد: انت وش فيك هااا متغير علي ..
ابتسم بسخرية: اسأل نفسك .. واسمح لي ..
وووقف وهو يطق طاولة بغضب: انت وش سالفتك ماتتكلم ساكت له
عساف: وتكلم بـ الأساس ليه .. عن إذنك
خرج من المقهى وهو مقهور خلاص يا عساف فجر ماهي بـ لك كآنت لك وانت خسرتها ..
رمى الفلوس على طاوله حتى القهوة ماذاقها على ماهي خرج من المقهى وعلى سيارته شافه يمشي بالرصيف ووقف سيارته: عساف اطلع نتفاهم ..
عساف مطنش كلامه وهو يمشي
عناد: عســـــــاف لحظة
عساف: ...........
عناد: سؤال وابي اعرف جاوبه انت متضايق مني ..
ضحك من قلب: ههههههههههههههههههههه وليه اتضايق وعلى منو اتضايق ..
عناد بغضب: وانت وبعدين مع برودك ياخي وش اللي ضايقك مني عساف لا يكون مقلب من مقالبك الخايسه ..
عساف: مدري من اللي مكثر مقآالبه بهالأيام .. وابتعد عنه وبعد
مخنووووق أول مرة يتلكم مع عناد بهالطريقة .. مايقدر والله مو مصدق انه خطبيته واللي مسميه له تظهر خطبية عناد واكيد هي وافقت كلكم خووووووووووووونه .. خوووووووونه ..
مو عارف لمين يشكي قرر يرجع البيت ومرة وحدة يجلس عند امه ..
ღ.
ღ.
ღ.
وفي خلال هذا الاسبوع بدأت ترد هاتفي الجوال اتصالات عديده من فتيات يفتن في صوتي في اول مكالمه واخطأن في الرقمين الاخيرين لرقم جوالي ويتحدثن بلهجات
عربيه مختلفه فتاره فتاه مغربيه وتارة فتاه مصريه ولبنانيه وتارة فتاة تحاول تقليد لهجة بنات جده ..
فشممت رائحة الاشقر النتنه وراء هذه الاتصالات و ان هناك كمين قادم لا محاله وراءه الاشقرعنصرالاستخبارات وتركت الأمر بانتظار الاوراق التي زعم الاشقر
وبعد ايام وفي الساعه الثانيه ليلا يتصل الاشقر و يبلغني ان الاوراق الرسميه المختومه من وزارتي التجاره في المملكه وسويسرا معه وان علي الحضور ..
وبالفعل نهضت من فراشي وتوجهت الى شارع صاري حيث ابلغني وعندما وصلت الى شارع صاري اتصلت عليه وابلغته اني في شارع صاري فوصف لي
موقع كبينة اتصالات وان الاوراق في ظرف عند موظف الكبينه وانه غادر لوجود ظرف طارئ فتوجهت الى الكابينه ووجدت الموظف في كابينة الاتصالات
وسألته عن الظرف فاجاب بانه موجود وطلب بطاقتي الشخصيه ليتأكد فعلا اني زامل وبعد ان تأكد سلمني الظرف وغادرت بسيارتي واثناء ذلك
لاحظت شخص يخرج بسرعه من الكابينه ويركب سياره كابرس قديمه فيها اربعة اشخاص مخفين وجوههم تحركو ا خلفي فغيرت مساري الى طرق
فرعيه فتبعوني ورجعت مره اخرى الى الطريق الرئيسي لاتمكن من التقاط رقم لوحة السياره ولكنهم فروا مسرعين بعدما عرفو اني انتبهت لهم
ولم اتمكن من معرفة رقم اللوحه
وبعد مغادرتهم بادرت الظرف لاطلع على اوراق الاشقر المختومه فوجدتها اوراق عاديه مكتوبه بخط اليد فادركت ان العمليه استدراج لمعرفة منزلي
من قبل اشخاص اتفق معهم الاشقر وتأكدت ان اللعب مع الاشقر أخذ منحى خطير جدا جدا جدا ...
ღ.
ღ.
ღ.
جلسنا أنا وخالتي نسولف واعتذرت مني انها بتقيل قلت لها تأخذ راحتها .. فتحت عباتي بعد ما تطمنت ان عساف مو راجع إلا المسا ..
وفجأة شفت الباب ينفتح خفت من يكون معه مفتاح البيت حطيت يدي لا يكون حراميه .. حاولت اهرب إلا وهو داخل صرخت بخووووووف: يممممممممممممممممه حرااااااااااااااااامي ..
جاء عندي وقفل فمي: اسكتي ياغبية انااا عساااااااااااااااااااااااااااااف ..
رفعت نظري ويديني اللي ترتجف من الخوف وتقابلت بنظراته اللي كلها عتب ولوم بعد عني ومسح يده وكأني شيء قذر: مبروووك يابنت الخاله ..
سكت وأنا للأن مو مستوعبه انه عساف موب حرامي ..
عساف: وش جابك هنا ..
للآن خايفه ومرعوبه: أنا أنا ....
عساف بسخريه: انتي شنووو على الاقل قولي موب موافقه تاخذيني .. بس حمدلله اللي كشفت لعبتكم الحقيرة .. واظن مالك مكان هنا ..
نزلت دموعي ..
وهو معطيني ظهري وبصوت ثابت: البيت اللي تخرجين منه بدون إذن مالك رجعه فيه ..
وأنا اشهق واخذت عباتي وولبستها وخرجت وانا اجري: اهئ اهئ لالالالالالالالالالالالا انا انا وش سويت له ماسويت لك شيء عساف ماسويت شيء والله .. ليه ليه يطردني كذا ليه آآآآآآآآآآآآآآآه
صرت امشي وامشي لحد ماخرجت من القريه بكبرها وصرت امشي وانا مو عارفه وين انا حسيت رجولي تشنجت البرودة والمشي هلكني جلست على الرصيف وين اروح مالي لا أم ولا أب
حتى خالتي بـ حرموني منهااااااااااااا آآآآآآآآآآآآآآآآآه
ღ.
ღ.
ღ.
فتح الباب وطرح شنطة السفر ..
شمس ببتسامة: حمدلله على سلامة يا فايز ..
فايز: الله يسلمك الحمام جاهز ..
تنهدت بألم: اي جاهز ..
فايز: ميري يا ميري تعالي خذي شنط وانتي جهزي الغدا
هزت راسها: آآآآآآآآآآآه هذا اللي ربي اللي قدرك عليه ضحكت على نفسي أما افكاركك وين شمس وتفكير زوجك وين قالتها بألم .. آآآآآآآآآآآآآآه يآآرب رحمتك وسعت كل شيء ..
بعد ما أخذ له شور ينعشه جلس وهو يتغدا
فايز: ليه ما تأكلين يامره ..
وانا منزله راسي: قاعده تغدا ..
فايز: عملي حسابك اني اصحابي جايين هنا يتعشون بيضي وجهي ..
شمس بإنكسار: إن شاء الله ..
وتغدا وهي ألم قلبها خلاص يا خالد تزوجت آآآآآآآآآآآآآآآه ياقلبي آآآه .. الله يسامحك ياخوي الله يسامحك .. يارب عوضني بجنة الفردوس الأعلى يارب انت اللي اعلم بحالي وبضعفي
آآآآآآآآآآآآآآآآآآه .. يآرب ينزع هالمشاعر مني يآآآآرب ..
ღ.
ღ.
ღ.
عهد: يمممممممممممممممممممممممممممممممه ..
سعيده أم رعد: خير وش له صريخ ..
حضنت أمها: نجحت يمه ..
أم رعد: مبرووووك وكم جبتي ..
عهد: 87%
أم رعد: وأنت يا رعد ..
دخل غرفته وقفل الباب ..
أم رعد: وش به اخوك .. لا يكون مانجح بس .. ودقت الباب عليه: افتح الباب لا يكون مانجحت ..
رعد: ما نجحت مانجحت زين ارتحتي وخرج من البيت ..
أم رعد: وانا وش اللي بلاني بهالولد ظاهر على ابوه حسبي الله عليه ..
عهد: يمممه ..
أم رعد: رووووووووووحي عني عله مايتوفق ..
عهد: يمه ذا راعد مايصير تدعين عليه كذا ..
أم رعد: اقووووول ذلفي من وجهي لا بارك الله في ساعة اللي عرفت فيها ابووووك .. سود وجهي بين الخلق حسبي الله حسبي الله عليه ..
عهد بحزن ودخلت غرفتها: الله يحفظك يا اخووووي ويعينك يآآرب ..
ღ.
ღ.
ღ.
فاتن: اقول لك مارجع حتى مادق علي له شهر يا امل ولا يدق .. والله اني خايفه عليه ..
امل: بـ رجع يابنت الحلال الغايب عذره معه ..
فاتن: ادري وهو مو أول مرة بس الغريب ان ماطمني عليه لا يكون صاير له شيء وانا مدري ..
امل: لا تفاوووولين على رجلك وينهم عيالك روحي سليهم ولا اجلسي عند ملك و لا جمانه .. والله كان ودي اجيك بس رجلي عازم ربعه يتعاشون عندي ..
فاتن: ماعليه يا امل مو زعلانه بس خايفه الله يستر الله يستر ..
امل: يابنت هونيها وتهون يالله ما اطول عليك وبشريني ..
فاتن: إن شاء الله مع سلامه ..
قفلت من عند اختها والقلق والخوف مآلك قلبها .. نزلت تحت وشافت جمانه جالسه على تي في وملك ماسكه القرآن ..
فاتن: سلام عليكم ..
جمانه: هلا والله بـ أم جواد ..
فاتن: وين جواد و جود ..
جمانه: مع عزوز وداهم للبقالة ..
ملك: صدق الله العظيم .. حياك فاتن ..
ابتسمت لها بقلق: تسلمين إلا وينها عمتي ..
جمانه: نايمه تعرفين امي بهالوقت تحب تقيل ..
فاتن: ايه صح نسيت ..
جمانه: اللي موااخذ عقلك يتهنابووه ..
ملك ضحكت: ههههههههههه جموون بسك عنها ..
فاتن وعيونها تلمع: سلطان مادق عليكم ..
جمانه: لا مادق يعني بالله ماتعرفين ان زوجك الموقر يتأخر بشهوووور ..
ملك ناظرت جمانه وتأشر لها تسكت: أكيد بـ دق لا تخافين برجع إن شاء الله بس اكيد انه انشغل وجواله ماعنده إرسال وإلا جواله مقفل ..
جمانه: يوووه نسيت نتيجة اوووووووووف ونت منقطع ..
ملك: شوووفي مها ..
جمانه: والله جبتيها وأخذت سماعة تلفون ودقت
ღ.
ღ.
ღ.
وهو توه صاحي من نوووم .. خرج من غرفته البيت هدوء بهدوء ..
نزل للصالة وسمع صوت تلفون يرن رفع سماعة: الووو
جمانه: ياهلا بحبية قلبي اقووووول مهاووووي شفتي نتيجة ظهرت ..
ابتسم: لا بس إذا ودك نشوفها ..
جمانه ارتكبت وقفلت تلفون ..
أما هو ضحك من قلب: هالبنت عليها أوقاااااااااااااااات ههههه ..
مها: دووووم ضحكة ..
ابتسم لها: ترى بنت عمك دقت ..
مها شهقت: لا يكووووووون جمانه ..
وهو يقوم من مكانه: اي هي تبي نتيجتها ..
مها: صح بس أنا لاب توبي خرب ..
راكان: اوكي لاب توبي موجود .
مها وهي تغمز: عيني عينك ..
ضربها على راسها: بنت بلاش أفكار بايخة مثل وجهك ..
شهقت بقوة: انا تقول عن وجهي بايخة ..
راكان: ايه ويالله طسي عن وجهي اشوف ..
تمسكت بيده: لا ركوووووووني وين رايح ..
ناظرها بنص عين: وش ركوني بعد ..
وهي ترمش بهبال: دلعك ..
راكان: لا ولي يرحم ابوك لا تدلعيني مرة ثانية ..
مها بخبث وهي تجري: إلا ركوووووووووووووووووووووني ..
مايحب احد يدلعه خير شر: والله انك مخفه الله يعين اللي بيأخذك ..
مها: إلا امه داعيت له باليلة القدر ..
ضحك راكان على خبالها .. وشاف اخته توها صحت: صح نووم ..
أم فهد: هلا باخوي فطرت ..
راكان: لا والله حدي جووعان ونفسي بقهوووو .. وهو يشدد على القهوة ..
أم فهد: يخسى الجوع الحين انادي لك مها تسوي لك ..
راكان: اي والله تسوين خير ..
أم فهد: يا مهاااااااااا مهاااااااااااا ..
مها وهي تناظر أمها: نعم يمه وش بغيتي ..
أم فهد: تعالي اسوي الفطور لخالك ..
مها وهي تطالع فيه: إن شاء الله يمه اقوووول ركوني ..
رمى عليها الخداديه وهو يرفع حوابجه: اقول انتبهي على القهوة لا تحرقينها كثير ..
مها: يممممه شفت أخووووك ..
أم فهد: سوي له وبلا كثرة كلام ..
وهي تهاووووش وتتوعد فيه ..
ضحك راكان على شكلها المعصب وربي هالمها توووحفة ..
ღ.
ღ.
ღ.
ترف: يعني إذا مادقيت مابتدق علي ..
مناف: لا والله بس ماكنت فاضي ..
ترف بزعل: ايه صح ماكنت فاضي .. مناف متى بترجع ..
مناف: ترف قفلي على هالسيرة ..
ترف بزعل حقيقي برطمت: يعني ما راح ترجع .. انا ماصدقت افتكيت من غربه تروح وترجع لها مرة ثانية وبدون لا ونيس ولا غيره ..
مناف: حبيبتي ترفه تراني متعود انتي طمنيني على نفسك وكيف نتايج ..
ترف: حمدلله نجحت بس موب فرحانه ليش يا مناف ترجع من لي غيرك ليه ما اخذتني معك ..
مناف: وين اخذك ياترف الله يهديك بس .. إلا ابوي رجع ..
ترف: ايووووه رجع قبل اسبوع ..
مناف: أهااااا .. وكيفها ..؟
ترف: بخير الله يستر عليها ..
مناف: خلاص راحت ..
ترف: ..........................
مناف: طيب هذا زيد يدق عليك ادق بعدين عليك يالله سلام وقفل الجوال
ذِكرَاكْ أصعَبْ
مِن غيابِك والحَنينْ
اللي توقدْ فيني
شيبْ راسي وراسِك
والهوى اللي كلينَا على
أبوابَه خبز الحب الجميل
جَف طيفه وصرت من بعاده
كئيب ,
فرقَاكْ كَانْ العيد بس الليلَة
انتَ بعيد ، أبعد
مِن النُجوم السَماء
وأقرب أحلام المنال
اللي هويناهَا سوا
صَارتْ تطير أبعد من أراضينَا
خلاص ذاكَ الدمع ما عادْ
يسيلْ على الخدينْ
والبُكاء سكت صُوته
وخف أنينه ،
والنسيانْ صبيته على عُيونِي
ممكن أنساك وأمشي لوحدِي
فِي هَذي الحَياة الطويلَة
خلاص .. صرتْ منْ بعدك حزينْ ,
آآآآآآآآآآآآآآآه يا هنوف خلاص نسيتني ليش ليش وهو يرمي كل شيء يشوفه قدامه ..
ღ.
ღ.
ღ.
النهاية البآرت الثآمن
سلطآآن وحكاية الاشقر والخطر ..؟
طرود وهروب فجر وإلى وين ..؟
قلق فآتن والخوف اللي متملك قلبها ؟
منآف والغربه وحبه اللي تهشم وضاع ؟
عناد وش بصير لا عرف ؟
صقر وما أدراك بصقر ؟
شمس واإنكسارها هل بينجبر ؟
عهد وش بصير معه ؟
مهآ ونتيجتها هي وو جمآنه ؟
رآكاان وغموضه ؟
بقلمي:
النيروز
|
05-09-11, 06:31 AM
جديد مواضيع قسم الارشيف
العرض العادي
