كاتب الموضوع :
♫ معزوفة حنين ♫
المنتدى :
الارشيف
وصلت جده ومن المطار على هذا المكتب مباشرة وطلبت استعادة ماتبقى من المبلغ وقدره اربعمائه وثمانون الف ريال
.. واعطوني استماره لتعبئتها لسحب المبلغ وابلغوني انه خلال يومين سيتم تحويل المبلغ وغادرت المكتب وبعد عشره
ايام تم تحويل المبلغ المتبقي وقررت بعدها بداية رحلة: كيف اعيد مالي ..؟
ولأنه لايوجد دليل على اي تهمه بدأت باستدراج اليمني علي بامعلم الى فندق البلاد بجده بحجة وجود مستثمرين واني
ارغب في عموله دون علم المكتب واحضرت شاهدين واجلستهما قريبا من جلستنا وبعد حضوره وبدأت نقاشي معه
بانه المسئول عن خسارة حسابي وانني سأشتكيه لاسترد مالي فحاول المراوغه لكن هذه المره لم يتمكن فانهار في
نهاية النقاش وقال ان المكتب تبين له انه للنصب والاحتيال وان البرنامج المستخدم برنامج وهمي وانه خدع كما
خدعنا حيث لم يعلم عن ذلك ..
وبعد ذلك احضرت الشهود ليجلسوا معنا في نفس الجلسه وطلبت اعادة ماقال ففعل ثم تركته يغادر على ان يحضر
بيانات جميع المواطنين الذين ضاعت اموالهم في هذا المكتب ..
وبعد يومين وجدت رساله على البريد الالكتروني تحتوي بيانات المواطنين الضحايا ولم تكن مفاجأه حيث البيانات لمدة
شهر واحد بلغت اكثرمن عشرين مليون دولار ولايوجد عميل واحد له ارباح ..
وبعد الاطلاع على هذا التقرير قمت بارساله الى زميلي النقيب ماجد العتبيي كونه اول الضحايا وطلبت منه ان يتصل
على جميع المساهمين الذين خسرو اموالهم وان يخبرهم باقوال علي بامعلم وانا سأتفرغ لمتابعة الاشقر والغامدي
وبقية افراد العصابه الذين يعملون في هذا المكتب ..
وبعدها اتصلت على رئيس وحدة جرائم الاموال في البحث الجنائي بشرطة جده زميلي النقيب فهد الخالد العنزي
وشرحت له القصه الى نهايتها فقال: هذا صميم عملي وانا الان اوجه الدوريات لان عندنا اوامر بالبحث عن هذه
المكاتب وبالفعل وصلت الدوريات وتم القبض على الاشقر والغامدي وبامعلم وبدأ التحقيق معهم ووردني اتصال من
النقيب فهد الخالد العنزي يقول فيه: الجماعه متورطين والادله دامغه وتراهم اعترفوا ..
فقلت: الحمد لله بيض الله وجهك ..
وفي ثاني يوم قام أحد أقارب بندر الغامدي يدعى احمد الغامدي الذي يعمل وكيلا للأمير خالد بن سعود بن ناصر بن عبد
العزيز بالاتصال على النقيب علي بلغيث وابلغه ان الامير يأمر باطلاق سراحهم فما كان من النقيب فهد الخالد الا ان
خاف على نفسه فأطلقهم بدون كفاله وطلب ان يحضروا اوراق الكفاله لاحقا وفعلا لم تحضر اوراق الكفاله الا بعد اسبوعين ..
وبعد خروجهم ارسل الاشقر رساله على جوالي يقول: لو قابلتك يا**** بدعس عليك وفلوس احلم ياحمار .. استفزتني
الرساله كثيرا حاولت الاتصال عليه لكن لم يجب على اتصالاتي المتكرره لكني ايقنت ان الموضوع خرج من دائرة
النظام الى اللانظام والمحسوبيه وان الموقوفين الثلاثه قد خرجوا من التهمه التي ابلغني ان النقيب فهد الخالد انهم متورطون ..
فقمت بالاتصال على النقيب فهد الخالد العنزي لاستوضح ماالذي قلب الامور رأسا على عقب فلم يرد علي فحاولت
الاتصال به بكل الوسائل ولكن محاولاتي كلها باءت بالفشل وعرفت من مصادر خاصه انه فعلا تم فتح محاضر رسميه
للتحقيق وانه ثبت تورطهم ولكن انقذهم بعد الله تدخل وكيل الامير وان القضيه تم احتواؤها بل المصيبه الاعظم ان
حسان الاشقر لديه سوابق عديده في النصب والاحتيال واخرها قضيه مع البنك البريطاني وسجن فيها ثلاث سنوات في سجن المدينه المنوره وان جواز سفره مرهون لدى شرطة المدينه على ذمة مبالغ ماليه ..
وعلى الرغم من ذلك كله اصبح النصاب الاشقر صديقا حميما للنقيب فهد الخالد رئيس جرائم المال والاروع من ذلك
اصبح الأشقر يخاطب صديقه فهد الخالد خطابات رسميه للنصب على المواطنين والنقيب فهد الخالد يساعده في ذلك (انعم واكرم) وقد وقع خطاب منها تحت يدي وهو مرفق لمن اراد التثبت.
هذا وفي هذه الأثناء ورد اتصال من سعد الشمراني يبلغني انه اجرى الاتصالات وانه وجد مجموعه من المتضررين قد
تقدمت فعليا بشكاوي الى امارة مكه والبعض سيتقدم بدعواه في الأيام القادمه وان عددهم حوالي سبعة عشر مواطنا
فقلت اذا الان يجب علينا ان نتقدم بدعوانا الى الاماره والى مؤسسة النقد و الى وزارة التجاره بفرعيهما في الرياض
وجده والى غسيل الاموال وبالفعل بدأ الجميع بتقديم الشكاوي على الجهات المحدده والمسئوله حتى بلغت واحد خمسين شكوى ضد الاشقر والغامدي ومن معهم ..
وبدأ كل منا يتابع شكواه وانا واحد منهم احيلت معامله المحافظه الى شرطة السلامه بجده وتوجهت اليها فوجدت
المعامله احيلت الى الملازم تركي العاجي ووجدت الملازم وفتح المحضر وذكرت اقوالي كاملة مفصله وبعدها قال مرني بعد شهر لكي نستدعيهم بالطرق الرسميه النظاميه ..
وعدت له بعد شهر كما قال فوجدت المعامله كما هي لم يتخذ عليها اي اجراء وسألت عن اسباب تعطيل المعامله فقال
انه انشغل لكن راجعني بعد شهر تجد النتائج والتحقيق انتهى وعدت بعد الشهرالثاني فلم اجد الملازم تركي حيث تم نقله
من شرطة السلامه ووجدت المعامله احيلت كما هي للملازم رجب الزهراني وراجعت الملازم رجب فاجاب ان لديه
توجيهات مدير مركز شرطة السلامه العقيد مصطفى القريري بعدم التحقيق في قضيتك فسألته عن الاسباب فقال لايدري
تركته واتجهت الى العقيد القريري وعرفته بنفسي وانا لي قضيه عند الملازم رجب ولي ثلاثه اشهر والمعامله كما هي
والان يقول انك منعته من التحقيق فقال: ياأخ سلطان معاملتك حولت علينا باجراء خاطئ وانت مالك حق تقيم دعوى ..
قلت له: باي نظام تستقبل المعامله قبل ثلاثه اشهر وتوجه عليها بالتحقيق وتوجيه المحافظ واضح وصريح باعطاء كل ذي حق حقه والحين تقول اجراء خاطئ ..
وتلعثم لسانه وبدأ يغالط نفسه وقال: انا ما عندي اوامر بالقبض عليهم ..
قلت له: النظام معروف عندك امر بالتحقيق تطلبه عن طريق العمده واذا ما حضر يحضر بالقوه الجبريه وانت عارف الكلام هذا وابي تعطيني الحين خطاب للبحث الجنائي وانا احضرهم واصلا فيه كفالات حضوريه في البحث الجنائي ليش ماتحضرهم ..
قال: احنا ننتظرهم شهرين ثانيه اذا ما حضرو نعطيك خطاب..
قلت له وانا اخلاقي صفر: في اي نظام كلامك ذا اول مره اسمعه يااخي اذا انت تعرفهم والا بينك وبينهم مصالح علمني لاتتعبني رايح جاي لان المسأله ماهي طبيعيه فيها امور مخفيه ..
قال لي: لا تعطي عقلك غيرك ..
قلت له: عقلي معي ونبي نقصر السالفه فيه خطاب وإلا والله ما يردني الا وزيرالداخليه ..
بعد طول جدال وافق على الخطاب وتمت احالته لضابط البحث الجنائي الملازم محمود الغامدي بشرطة السلامه وقمت بمراجعة ملازم محمود وسألته ما الاجراء المتخذ..
قال لي: هذا رقم جوالي واذا وجدت احد من المطلوبين كلمني في اي وقت وانا ارسل الدوريه للقبض عليهم ..
اخذت الاوامر وغادرت للبحث عن المطلوبين ووجدتهم واتصلت على الملازم محمود الذي لايجيب على اتصالاتي المتكرره على مدى ثلاثة ايام ..
واثناء استلامي في مقر امارة مكه اتصلت من التلفون الثابت على الملازم محمود فاجاب الاتصال طبعا لايعرف انه انا المتصل والا لما اجاب وسألته: هاه يامحمود ليه وش سالفتك انت والقريقري حقك ذا ماتبون تجيبونها البر ليه ماترد يااخي اذا كنت تعرفهم والا معطينك شي علمني ..
قال: لاوالله بس اني مشغول شوي لكن مرني بعد العيد وانا ارسل معك دوريه ..
اقفلت الاتصال وتذكرت زملائي الضحايا فقلت لعلي ارى ماذا فعلو وقمت بالاتصال بهم واحد تلو الاخر فكانت الاجابه
واحده ان العقيد القريري يماطل واتعبنا واحنا مافيه امل ناخذ حقنا لان الدعوى فيه امير ولا راح ناخذ لا حق ولاباطل
فحاولت اقناعهم بان الاشقر لديه سوابق وخريج سجون والدعوى ما فيها أمير ولا بطيخ بس جالسين يخوفونكم فلم افلح.
بعدها وردني اتصال من احد الزملاء الضحايا يخبرني انه ورده اتصال من شخص في المحافظه يدعى بدر العتيبي
ويقول ان امير المنطقه امر بتكوين لجنه للتحقيق وانه عضو من هذه اللجنه ولكنه بدأ يهددنا ويقول ان الاشقر
والغامدي وضعهم سليم وان اوراقهم سليمه ونظاميه وانهم اذا واصلو شكواهم فربما نحن الضحايا نتعرض للمساءله
والعقاب فاندهشت لما سمعته وطلبت رقم هاتف بدر العتيبي وبعدها قمت بالاتصال على زملائي الضحايا فردا فردا فوجدت نفس الاجابه انه يهددهم وبعدها تبادر الى ذهني انها لعبه وخدعه من الاشقر و الغامدي ..
فاتصلت على العمل لأتأكد فوجدت المعلومات تؤكد تكوين لجنه وان بدر العتيبي احد اعضائها واستغربت عدم اتصاله علي فقررت الاتصال عليه وبالفعل اتصلت عليه وعرفته بنفسي واني من ضمن المشتكين فقال: معروف وراح عليك اربعه مليون ..
قلت له: طيب ليه مااتصلت علي زي البقيه ..
قال لي: مالك شكوى عندي ..
قلت له: كيف مالي شكوى وانا اكبر الخاسرين بعدين كيف عرفتني وعرفت المبلغ الي انا خسرت وكيف تهدد المساكين الضعوف المشتكين وكيف طلعت اوراق الاشقر نظاميه وسليمه والاشقر توه طالع من السجن في قضية نصب واحتيال وجوازه مرهون الى الحين في سبعين الف للبنك البريطاني والمكتب بدون تصريح وكيف مهنة الاشقر مندوب مبيعات ويشتغل عند بدر الغامدي والغامدي ماهو كفيله وكيف الاشقر ماله سنه طالع من السجن ويملك خمس سيارات قيمتها اكثر من نصف مليون ريال ومستاجر فيلا بميه وعشرون الف ريال يا اخي اعطني نقطه وحده سليمه عندهم ..
و كنت بغاية الانفعال فرد علي: هاه والله شوف الموضوع اكبر من حجمي وانا رفعته لسمو الأميرالمحافظ ولا بيدي شي ..
فاستغربت ان اللجنه انهت اعمال التحقيق خلال يومين وبالتلفون والله هذا تطور عجيب يسجل لصالح حكومتنا الرشيده فطلبت مقابلته فرفض بحجة انتهاء علاقته بالقضيه وانه عنده اجازه وهو خارج جده.
وفيما بعد تبين ان الذي لف القضيه في البحث الجنائي وفي شرطة السلامه وفي وزارة التجاره وفي مؤسسة النقد هو الذي اكمل مهمته واحتواها بالمحافظه وخرج الابطال الاشقر والغامدي كالعاده من القضيه وهما مبتسمان .. والاحباط والهزيمه وجدتها عند جميع الزملاء الضحايا الهزيله وصراحة لم يعد عندي الشجاعه الكافيه لتحفيز زملائي الذين قرروا ترك دعاويهم فلم يجنو الا الخساير والتعب وانا قررت اخذ فترة اسبوع للاستجمام والراحه وبعدها الرجوع لاكمال رحلة كيف استعيد حقي ..
ღ.
ღ.
ღ.
بالقصر
في غرفة حنين
حنين: والله يا عنود كسر خاطري كله حزين ..
عنود: حنين وبعدين معك انتي تعرفين انه صديق ابوك وذا ولده اللي تتكلمين عنه ..
حنين بحزن: وش اسوي احبه يا عنود وتلمع بعيونها كل شباب تركتهم عشانه بس يعطيني وجه ..
عنود: انتي تعرفين اخته ..
حنين: اوووووووف يالهجود والله انها غبية كلش ماتقدر تخرج لا بارتي ولا مول وغيره إلا مع اخوانها وإلا ابوها مع انه ابوها ملياردير ..
عنود: ماتدرين عن أسرار البيوت ويالله قومي غسلي وجهك خالتي دقت علي عشانك ..
ضحكت بسخرية: هههههههههه لا تضحكيني خليها لاهيه بسفراتها وأنقاتها ..
عنود: حنين حبيبتي أنا مرة تأخرت ومعاذ برى ينتظرني ..
حضنتها: تسلمين عنوده الله لا يحرمني منك ..
وهي تقرص خدوودي: ولا منك يالله لا اوصيك بنفسك ..
حنين وهي تهز راسها: آآآآآآآآآآه يا عناد متى بتحس فيني متى ...؟؟؟
ღ.
ღ.
ღ.
هنوف: يمه ..
أم فياض: نعم وش بغيتي ..
هنوف: يمه خلينا نتمشى والله اني طفشانه ..
أم فياض: ايه من هاللي تسوينه ..
هنوف: يمه وش اللي اسويه بعد ..
أم فياض: هاتي جوالك أشوف ..
هنوف: إن شاء الله .. تفضلي ..
أم فياض وهي تدق عليه إلا رد: هذا هو رد كلميه واعزيمه يتعشا معك ..
هنوف: يممممممه .. بصوت كله همس ..
أم فياض: رجال على الجوال ..
رفعت الجوال وحطيته بإذني وقلت بخجل: الووو ..
بدر: اهلين كيفك يا الهنوف ..
هنوف: بخير وانت ..
بدر لا كويس فيه تتطور والله: بخير دامك بخير .. آمري ..
كحت: كح كح انت مشغول ..
وهو يترك ملف المريض على جنب: مع اني مشغول بس افضا لك آمري ..
كحيت بخجل وخدودي توردت ونظرات أمي اللي زودتني إحراج: احم بدر حياك تتعشا عندنا بالبيت ..
بدر ببتسامة: والله وكأنك حاسه لكن ابشري ربع ساعة وأكون عندك ..
هنوف بإرتباك: شكرا ..
ضحك بدر: هههههههههههه العفو حبيبتي ..
دق قلبي: يمه ذا وش يقول قلبي ليه صاير كذا استعجلت وأنا اقفل: طيب انتظرك مع سلامه ..
بدر: ياهلا حبيبتي سلام ..
أم فياض: وش فيك ماهو بجاي ..
فهيت وقلت لها: هااااااااا ..
ابتسمت أم فياض بحنان: يمه هنوف زوجك بـ يجي ..
رفعت نظري لأمي وقلت ببلاهه: زوجي ..
قربت امي وحطيت يدها على جبيني: لا ما انتي مسخنه وش فيك ..
انخجلت وقمت: هااا مافيني شيء بـ ــروح اغير لبسي ..
أم فياض: روحي يمه عسى الله يهديك ويوفقك ..
دخلت غرفتي وأنا ماسكه قلبي واضرب كف على خدودي: هيييييييييييه اصحي هذا بس قال حبيبتي انقلبتي كذا وش فيك
مو هذا اللي اخذ حبيبك منك .. اووووووووووووووف .. هزيت راسي لالالالا منناف تركني وسافر حتى بعد ماعرف اني تملكت هم بعد راح انسيه ياهنوف انسيه . فتحت دولابي وصرت افتش احلى لبس عندي ..
لقيت فستان ليموني هادئ طويل وله كم ولبست إكسوار ابيض وحطيت ميك اب ناعم وختمتها بعطري المفضل شانيل .. خرجت على صوت الجرس ونزلت على سريع متحمسه اشوفه ..
أم فياض: وش فيك طايره كذا اهجدي يابنت حلاة البنت وهي ثقيلة ..
هنوف: إن شاء الله يمه .. خرجت للحوش وفتحت الباب له ..
ابتسم بحب وهو يبوسني من خدي توترت من قربه: كيفك ..
هنوف وقلت له بخجل: هلا تفضل ..
دخل بدر مجلس رجال .. ونزل رياض استقبله دخلت المطبخ: يمه ..
أم فياض: انتي اليوم وش بلاك ..
هنوف: يمه خايفه اجلس لوحدي ..
أم فياض: بتتعودين يمه خذي صحن القهوة بسلم على رجلك ..
خذت صحن القهوة ودخلت امي وسلمت على بدر وسألته عن احواله وخرجت هي ورياض ..
بدر: هنوف ..
رفعت له نظره: يالله قد هو حبوب صرخت بنفسي ووووووجع يا هنوووفه صايره تتمليقن برجال صدق فسختي الحيا ..
ضحك من قلب: هههههههههههههههههههههههه ..
خفت: وو.....ش اللي يضحك ..
قرص خدي وهو يمسك نفسه: ابد بس حياك حلووو لا تغيرنه .
حمرت خدودي: آهـــــــئ سمع أفكااري لاااااا بالله رحتي فيها يادهيسه ..
بدر: هنوف ..
هنوف بخجل: نعم ..
بدر: ينعم حالك امم متى ودك يكون موعد زواج ..
هنوف: هاااا ..
بدر ببتسامه: متى ودك يكون موعد زواجك .. وش رأيك بعد ثلاث شهور ..
صرخت برعب وش ثلاث شهور وأنا اهز راسي: لالالا مابي ثلاث شهور ..
بدر ابتسم على حركاتها: طيب متى تبين ..
هنوف: مدري ..
ابتسم على شقاوتها: طيب بعد خمس شهور ..
هنوف: لاااا انا ماجهزت نفسي ..
بدر: ترى خمس شهور كثير علي بس عشانك بتصبر ..
هنوف نزلت راسي ..
بدر: تفضلي ..
قدم لي كيس اخذته وشفت اللي داخله ..
بدر: ممكن ..
مديت له يدي ولبسني سآعة: عسى ذوقي عجبك ..
لمعت عيوني ..
مد يده ومسح دمعة قبل ماتطيح: أفاا ليه تبكين ..
ابتسمت له: ها لا بس عميت عيني ..
بدر: أهااا ..
هنوف: بدر مشكور ..
بدر ببتسامة: العفو إن شاء الله إنها عجبتك ..
هنوف: أكيد من ذوقك أكيد بعجبني ..
بدر قرص خدودي ..
بعدت عنه بخجل: بـ .....روح اجيب لك العشااا وصاروخ خرجت .. للمطبخ .. أمي شافتني: وش فيك ..
هنوف: يمه قلبي يعورني احس اني ما استاهل بدر ..
أم فياض: وش لزومه هالهرج ..
هنوف: مدري يمه بس هذا اللي أنا اشوفه ..
أم فياض: تعوذي من ابليس وخذي العشا وعشي رجلك ولا تقصرين عليه يمه ..
هزيت راسي: إن شاء الله ..
ღ.
ღ.
ღ.
ومرت الأيااام ..
أم عساف: يمه عساف وش فيتس ..
عساف: آآآآآآآآآه يمه حال عناد ماهو عاجبني تتدرين يمه ان فجر تظهر بنت عم عناد ..
أم عساف باستغراب: وشلون ..؟
عساف: شقت هالصقر بعزا أبو فجر .. آآآآآآآه يمه كل هاللي صار وتطلع فجر بنت عم عناد والله قويه بحقي يمه ..
أم عساف: يعني شنهو .
عساف: دام ظهر لها عيال عم مابتكون لي يايمه أكيد عيال عمانها هم احسن لها واولى ..
أم عساف وهي غضابنه: أنتي وش تقول وتهرج ..
عساف بحزن: يمه تتدرين ان عناد بيـأخذها بيأخذ حبيبتي مني ابتسم بحزن بس والله يمه هو يستاهلها على اقل هو
احسن مني ..
أم عساف: قووووم عن وجهي من رحت لخويك صرت تقول خيط وخيط قوووم عني ..
عساف بألم فز من مكانه: يمه يمكن ما ارجع لا تستنيني .. وباس راس امه وخرج ..
أم عساف: وغلي على وليدي وغلي عليك يمه ..
وقف له التاكسي ونزل ودفع حقه ووصل للبحر وجلس على حجره كبيره وبعيده عن الناس .. وهو يتأمل البحر قد ايه
هو متضايق .. شكى لصحآبه ويتفأجا بأن فجر خطيبة خويه مو أي خوي اللي خاوووه بـ طفولته ومراهقته وشبآبه
آآآآآآآآآآه يا عناد يا مصعبهاا منك .. على الاقل تقول ان خذت خطيبتك ضحكت بنفسي أي خطيبة ذي خاينة يا عساف
لالالالالالالا يا عساف انت وش تقول اكيد عمها مستقوي وجبرها لا تجيب لها عذر يا عساف هي ما تستاهل ظفر منك
وهو يدق قلبه وقف وقف لا تدق لا تددددددددددددددددق .. آآآآآآآآآآآآآآآآه نزل راسه ونزلت دمعة يتيمة ويا معصبها على
دموع رجال ويا مقهرها .. ارتاح شوي بعد ما شكى للبحر همه وودعه ورجع للمستشفى ومن حسن حظه تناوب
لدكتور بدر .. ونسى همه وانشغل بشغله ..
ღ.
ღ.
ღ.
بالقصر
وفي غرفة عناد
أم عناد: يمه عناد قووووم تعشااا يمه ..
عناد: يمه ما اشتهي خليني بروحي ..
أم عناد: انت كذا عاجبك حالك قوووم يمه لاتعبني فوق ما انا متعينه ان لي خاطر عندي قوم تعشا حتى ابوك مارضى
لكن ان شافك بريضى يتعشا ..
ابتسمت لها: إن شاء الله يمه وهذا أنا بقوم عشانك بس ..
غير ملابسه ودق على عساف اللي جواله مغلق .. تنهد ونزل وشاف ابوه وأخته جود باس راس ابوه: مساك الله بالخير ..
بتال أبو عناد: هلا يبه مساك الله بالرضى الرحمن ..
وبدأ الكل يلتهي بصحنه ..
فز عناد على حيله: حمدلله سفره دايمه عن إذنكم وخرجت من القصر وعلى سيارتي احترت وين اروح تذكرت شغلي وورحت للمستشفى وشفت عساف بس طنشني ولا كأنه شافني استغربت منه ظاهر انه ما انتبه لي بعدت ودخلت مكتبي وبدأت شغلي بكل جد وإجتهاد ..
ღ.
ღ.
ღ.
انتهى اسبوع الاستجمام واستأنفت الرحله بوقفة تأمل للأحداث السابقه فوجدت جميع الجهات الحكوميه التي طرقت
ابوابها ان الابواب موصده وبقي قسم غسيل الاموال التابع لادارة المخدرات بجده فلم اتابع معهم وبالفعل راجعت هذه
الاداره وقابلت الضابط المسئول عن الشكاوي التي قدمناها لهم فأخبرني انهم وبعد تلقي الشكاوي مباشرة ارسلوا فرقه
سريه دخلت المكتب على انهم مواطنون يرغبون الاستثمار وتأكدو فعلا من صدق الشكاوي وقامو برفع تقارير سريه
بان المكتب نشاطه نصب واحتيال والحق الضرر بالاقتصاد الوطني وأن التقارير وجهت الى محافظ جده والى هنا ينتهي دورنا الى ان يردنا توجيهات من مقام المرجع ..
وبدأت احلل كلام هذا المسئول فوجدته اول الصادقين ولكن المشكله تكمن في المحافظه فكأن ابو عبيد .. فكرت بان
اقدم دعوى مباشره في المحكمه فذهبت الى المحكمه لتقديم دعواي فرفضت المحكمه قبول الدعوى بذريعة ان دعواي
من تخصص ديوان المظالم فلما هممت بالتوجه لديوان المظالم وجدت اثنين من زملائي الضحايا يعودون من ديوان
المظالم بصك طويل ومصادق عليه من هيئة التدقيق يفيد ان الدعوى ليست من اختصاص ديوان المظالم ..
فوقفت حائرا فما العمل وانتهيت الى ان استعين بالله ثم بأهل الخبره فأرشدني الله الى محام كبير في جده كبير في اسمه وسنه وقدره وتجربته والله اكبر من كل شئ
جلست مع هذا المحامي وعرضت معاناتي ومشكلتي واستعرضت له الاحداث من بداية اتصال زميلي لزيارة المكتب
ببيوتات الاعمال حتى اني جالس معه فلما انتهيت تبسم لي وقال: يعني ما تعبت ولافهمت وباقي عندك امل ان فلوسك ترجع ..
فأجبته املي في الله ليس له حدود وانا بطبعي عنيد ولا انهزم بسهوله بس صراحه انا ما فهمت ..
قال: ياابني الله يصلحك معاملتك واصحابك الي انضحك عليكم مالها حل تدري ليه ..
قلت له: ليه ؟؟
فاجاب الجواب القاتل ( .................... ...................... )
فدخلت في رحله من التوهان الفكري فلم اعد اعلم ما هو الموضوع الذي حضرت من اجله وبعد جهد كبير استطعت ان
استعيد بعض تركيزي لاسأله كيف وصلت الى هذه النتيجه وكيف عرفت وماهي الاثباتات والبراهين فدخل هو في موجه
غاضبه صاعده ادت الى كسر نقطة الدعم للشفقه علي لتصل الى نقطة المقاومه للغيظ من غبائي وتناحتي
فقلت كلامك غير مقنع فأين البرهان فقال ( ........................................... )
وفي هذه الاثناء حان وقت الاذان فغادرت من عنده ولم اراه بعدها ابدا حيث اسودت الدنيا في عيني أإلى هذا المستوى
بلغ مبلغ الذل بنا وعاودت التفكير في كلام المحامي فوجدته قد ابعدني عن غايتي ورحلت: كيف استعيد حقي ..؟
وقررت نسيان كلام المحامي بالكليه وعدت الى التفكير في قضيتي ووصلت الى ان اتقدم الى المحكمه العامه بجده
بدعوى اني سلفت صاحب المكتب المدعو بندر الغامدي اربعة ملايين وباءت المحاوله بالنجاح واحيل طلبي الى فضيلة
القاضي قهد الزهراني وحدد لي موعد جلسه ومرت الامور بسهوله وتأكدت من ان الطلب قد سلم للخصم بندرالغامدي
فأكد الموظف ذلك وحان الموعد المحدد وحضرت للمحكمه فلم يحضر خصمي بندر الغامدي وأجلت الجلسه لان الخصم لم يبلغ رسميا بالجلسه ..
فأخبرتهم ان الموظف السابق اكد لي استلام الطلب من الخصم لكن يكن لدي مايثبت وغادرت المحكمه على امل حضور الجلسه القادمه ولكن الله لم يشأ ذلك والاسباب تتضح لم سيأتي لاحقا.
في هذه الاثناء ادركت ان الحكومه ودوائرها التي انشئت لحفظ المواطن ليس هذا وقتها لتؤدي واجبها فعقدت العزم
على الخوض في مضمار خيار لم اكن ارغبه وهو المواجهه مع اخصامي الاشقرروالغامدي وجها لوجه وبدأت ابحث
عنهما فشرطة السلامه حتى بعد مضي خمسة اشهر لم تعقد النيه بعد لاكمال التحقيق وحاولت الاتصال بهما وبعد جهد
مضني استحصلت على مكالمه مع حسان الاشقر وطلبت منه فقط ان يثبت ان نشاط مكتبهم حقيقي وليس وهمي كما
قال علي بامعلم قال: انا مشغول حاليا وردي يوصلك قريب يابابا ..
وماهي الا يومين فقط حتى وردني اتصال من قسم غسيل الاموال بمخدرات جده يطلب مني الحضور لان البنك الاهلي
قدم ضدي بلاغ باشتباه قيامي بتوظيف اموال وفي حالة عدم حضوري سيضطر لسحبي بالقوه الجبريه فقلت انا متوجه
لك الان وفعلا توجهت الى غسيل الاموال ووجدت بلاغ من البنك الاهلي باني حولت اربعه مليون وخمسمئة الف ريال
الى سويسرا قبل ستة اشهر وانه يشتبه بقيامي بعمليات توظيف اموال وفتح محضرالتحقيق واقفل بعد الاشاره الى
واحد وخمسين دعوى سابقه بخصوص نفس الموضوع وخرجت بريئا من التهمه التي دبرها حسان الاشقر والذي ابلغني ان رده سيأتيني قريبا وبالفعل هذه المره صدق ..
ودارت رحى الافكار كيف نحن خمسة عشر مواطنا وتقدمنا بواحد و خمسين شكوى ونحن حقيقة متضررون ولم نستطع
حتى سماع رده وهو اجنبي واستطاع اجباري على فتح محضر في اقل من يومين من ابلاغي وعندما بحثت وصلت
لمعلومه ان حسان الاشقر من اساليبه التي يستخدمها مع خصومه توريطهم في قضايا والزج بهم في السجون وأحد
الضحايا رامي الذي نصب عليه الاشقر بمبلغ عشره مليون ريال وخدعه وبعد ذلك زج به في سجون ابها منذ اكثرمن
اربع سنوات ولايزال في السجن حتى الان حيث قام الاشقر بتعيين محامي وحرض المواطنين الذين خسروا اموالهم التي سلموها رامي وهو بدوره سلمها الاشقر ليقيمو دعوى ضد رامي
وفعلا تحقق للاشقر ما أراد فسجن رامي والمواطنين فقدو اموالهم ولم تعد وبعد دراستي لحالة رامي تأكدت من
معلومات وردت عن طريق احد الزملاء ان الاشقر الفلسطيني عنصر من عناصرالاستخبارات السعوديه المكلفه
بتجفيف جيوب المواطنين وان علي أخذ الحيطه والحذر ..
في هذه الاثناء اتصلت على الاشقر وابلغته ان قذارته واساليبه لا تنطلي على مثلي وان عليه اعادة مالي او اثبات ان
نشاط مكتبهم حقيقي او ان يكون رجلا ويواجهني فقال ان لديه اوراق رسميه من الشركه السويسريه مصادق عليها
من جهات رسميه من سويسرا ومن المملكه تثبت ان المسئول عن خسارتي مالي هو علي بامعلم وانها دليل قاطع لدى
الجهات الحكوميه يثبت مالي فحذرته ان تكون لعبة من الاعيبه فأكد لي صدقه وانه سيتصل علي خلال الاسبوع
ويسلمني الاوراق فقلت الاسبوع قريب ولنرى ..
ღ.
ღ.
ღ.
بالغرفه وبإحدى الفنادق الفآخرة
وتحديداً بـ ألمآنيا
زيد: مناف من جدك يا رجال ..
مناف: آآآآآآآآآآآآآآآه يا زيد والله ولا قدرت اجلس اكثر من كذا ,, نآآآر تكويني وتحرق لهبي ..
زيد: الله يكون بعونك زين وشغلك ..
مناف: بكمل الدكتوراه لا تخاف ..
زيد: مناف ..
قاطعه: تكفى يا زيد لا تخبر احد مابي أي شخص يعرف عني ..
زيد بحزن: تدري ان عمي صلاح توفى ..
مناف: إنا لا إله وإنا إليه راجعون .. عظم الله أجرك ..
زيد: جزاك الله خير ..
مناف: وكيف عناد ..؟
زيد: متغير يا مناف كله ينشغل بشغله ماشوف خشته ابد ..
مناف: الله يهونها يا أخوك ..
زيد: آمين .. يا مناف تأمرني على شيء ..
مناف: سلامتك يا أخوك أنت ..
ابتسم بحزن: الله يسلمك ..
ضحك بألم لصحآبه .. بعد ما سالفوا وغير مود زيد وانتهت المكالمة على خير ..
مناف: الله يصبرك يا عناد الله يصبرك يا أخوك ..
ღ.
ღ.
ღ.
بالفيلا
وبالصآلة التلفآز
شمس: يا ربي منك يا فايز ليه ماترد الله يهديك بس ..
رن جوالها ورفعته: الووووووووووو فايز ..
فادي: لا أنا أخوك .. شمس ..
شمس: هلا فادي اخبارك ..
فادي وهو كارها: ها اي حمدلله .. شمس ابي فلوس محتاج تعرفين
قاطعت كلامه وقالت بحزن: والله يا فادي ماعندي وفايز للآن مارجع لكن ان رجع ابشر باللي تبيه ..
فادي: اهااا سلام ..
قفلت من أخوها واختنقت دمعة بمحجر عيونها وطاحت وانسابت على خدها الرقيق: الله يسآمحك يا أخوي ليه رميتني
هالرميه .. آآآآآآآآآآآآآآآه ياقلبي لـ متى بتتحمل هالجووور والضيم .. وحتى زواجي ماهو معترف بـ سر
آآآآآآآآآآآآآآآآآآآآآآه يارب رحمتك وسعت كل شيء .. آآآه الله يجبر كسرك يا فجر الله يجبره ويعوضك عوض خير ..
ღ.
ღ.
ღ.
نهآية البآرت السآبع ..
إن شاء الله يعجبكم
نَيرُوز أحمَد
|
18-07-11, 12:56 AM
جديد مواضيع قسم الارشيف
العرض العادي
