كاتب الموضوع :
♫ معزوفة حنين ♫
المنتدى :
الارشيف
للأوجَاعِ قلُوب .. لا تُسيّرها - عَاطِفه !
[ البآرت الرآبع ]
أمُور أفتقدُها :
- يدُ صديقتي اليُسرَى .
- ضحكتها التِي لابُد لها بكلُ نَيسان بأنْ تَذهبَ لنزهَة قصيرَة .
- أقلامُنا المُتشابهَة .
- قصصُ الحُب التِي رويناهَا تحتَ الدرج وفوقَ الكتابْ , خلفَ أذن المُعلمة .
- البردُ الذي يسكنُ مقلتنَا فترَة الاختباراتْ .
- صوتُها الدافىء .. لطالما تركَ الحُزن خلفي !
تعلمينْ .. أنَ الحنينَ لَك يستيقظُ فِي كُل ليلَه .. يبدُو نحيلاً ولكنهُ بدينٌ بالأشواقْ التِي تضجُ
رأسه .. أراكِ تتدلينَ مِنْ رأسِ الكتابْ فِي كُل مَساء يَعجُ بذكراكِ ويتَخبطُ بِي ويُثيرُ كُل الذكرياتِ
المُعلقَة بالبَارحَة .. لنْ أعاتبَكْ فالعُمرْ قَصيرْ وأنا سأعُد الأيَام الصافيَة التِي قَضيناهَا سويّاً
أنا وأنتي كَ زهرَة الفُلْ التِي تسكنُ أيادينَا ..
أريدُ الوجه الذِي كانَ معك خالياً مِنْ تَجاعيدْ الزَمانْ .. أريدُ لَك بأن تُعلميني كَيفَ
لي أنْ أضحكَ بفمٍ مكسورْ .؟
فِي جيبِي كلامنا الممضوغْ سابقاً .. وأذكرُ تماماً الدُعاء الكبيرْ الذي منحتهِ لصدرِي
ذاتَ عشيَة عقيمَة مِنْ الفرح .. قلتِ سابقاً : " اللهُم أودعنِي حُزنها العظيمْ الذِي
يتمطّى ويجُوبُ مساحاتِ صدرها .. اللهُم اقطفْ لَها مِنَ السماء أماني مُحققَة " ..
صدقاً .. لطالمَا وددتُ أن أطيرَ مَعكْ على متنِ جناحٍ واحد لا يحوي سِوانَا ..
وصوتُك الذِي لطالمَا وجدتُ بِه نوعاً فريداً مِنْ البحّة .. أنتي القصيدَة يا شقيقَة
الرُوح التِي رسمتها عَنْ ظَهرِ قَلبْ ..
سَبابتِي لَن تنسَى الطريقَ الطويلَ " أنفَكْ " الذِي تسلكهُ حينَ تطرقُ عليكِ
بالعَتبْ .. أحنُ لأحاديثَ المساء التِي تَقُودنَا للسيرِ على مساحاتِ الحُب
القابعَة بينَ صدُرونَا ..
لُو تعلمينْ ماذَا أفتقدُ بِك بَعد .. يا جميلَة
أفتقدُ يَدك اليُسرى التِي تُزيلُ عَنْ عيني مَرارَة البُكاء .
ذاتَ لحظَة حنينْ طَرقتْ قلبِي
ღ.
ღ.
ღ.
اليوم الثآني على العصيريه ..
خرجت وهي أخلاقهآاا صفر .. كل ماتدق عليها ماترد .. دخلت السيآارة مع أخوهآا احمد ..
هنوف: أحمد رجعني ..
أحمد: هنوفه الحين خآيفة من الابر ..
هنوف: اي تعووور .. حمود تكفى رجعني ..
أحمد: هنووووووووووووف ..
هنوف: اوووووووووووف .. يعني لازم تحرجني ..
قهقه من قلب: أثرك منحرجه من عريس الغفلة ..
ضربته على كتفه: سخيـــــــــــف ..
وصلت للمستشفى .. وأنآاا مآابي انزل بس متأكدة من كلام حنين اللي للحين يرن بإذني ادق ولا ترد: اووووووووف ياحنين هذا وقتك .. دخلت للمستشفى ..
وبعد ماكتب هو البايناات .. جاني اخوي أحمد .. استحيت وقلت له: حمود خطي مو صاحي ..
أحمد: يالليل .. زين دخلي يالله عاااد ..
تمسكت بـ أحمد: احمد انــ ــت قلت له عن مرضي ..
أحمد بحنان: ايوه قلت له يـا أخوك دخلي الله يرضى عليك ..
دخلت وشفت النيرس تبتسم لي .. ابتسمت لها بتوتر قلت لها بخوف: لا تعوريني طيب ..
هزت راسها علامه الموافقة .. رفعت عباتي وبلوزتي وغمضت عيوني بقووووة ..
النيرس: كــلاس ..
فتحت عيوني ببطئ: هاااا ..
ابتسمت لي: خلاص مدام ..
صرت ارمش ببلاهة .. المهمة خلصت وأنا اعد على اصباعي: بدون ما اصرخ وإلا ابكي ولا أهاوش رفعت يدي بحمآاس: يــــــــــــس ..
انتبهت على نفسها وهي تتأوه .. نزلت يدي وسنعت نفسي وخرجت لأخوي ..
أحمد: ها خلصتي ..
هزيت براسي ..
أحمد: خذي اشربي ..
تماسكت به: آآآآآآآآآآه ..
أحمد: هنووووف ..
تقرب منه بدر: عسى ما شر ..
أحمد: ما شر إن شاء الله .. أخذ أخته وجلسها على الكرسي: هنوف اخذتي دواك ..
وهي تهز بـ راسها بتعب ..
أحمد: متأكدة ..
هنوف: أحمد أنا بخير الحين ..
أحمد: زين قومي الحين ..
قامت هنوف ولا قدرت تتوازن مسكها أحمد وهو يعاتبهآ: عاجبك حالك ذا الحين .. أمشي قدامي ..
دخلها على دكتورها الخآص ..
دكتور: أخ أحمد المريضه لازم تسمتر بـ دواها ولا تقطع عنه ..
أحمد: إن شاء الله دكتور ..
وخرج هو وأخته من المستشفى ..
أحمد: هنوف .. إلا صحتك لا تتهاونين فيهااا .. فاهمة علي ..
هنوف هزت راسها وهي تبكي: إن شاء الله ..
سكت عنها .. عشان تفهم اللي سوته غلط وأكبر غلط بعد ..
ღ.
ღ.
ღ.
وبعد ذلك اللقاء باسبوعين تغيرت نفسيتي واحوالي وصار موضوع هذا المكتب والاشقر لايغادرني لافي صحوتي ولا منامي حتى اني في احدى الليالي صحوت من منامي الساعه الواحده او الثانيه ليلا وأخذت اخي عبدالعزيز وذهبنا للمكتب ووجدت امامي المدير الفذ حسان الاشقر ولم يعد نصابا كما كان في اول لقاء بل بدى رجل عظيم ذو هيبه وشخص سعودي يدعى ظافر الغامدي وادعى انه مالك المكتب ووجدتهما وكأنهما ينتظرانني حيث المكتب لم يكن فيه سوى الموظفين
وبدأت اتخاطب معهم وابلغتهم اني ارغب الاستثمار مع المكتب فقال الاشقر: جيت يا سلطان برجليك وهاك اليوم رافع خشمك انت بالذات لن اسمح بمشاركتك وانا حسان الاشقر اسأل عني في سويسرا يخبروك عني ..
فبدأت ارتجف واتصبب عرقا وطرى علي حالة من الخوف لم اعرف لها مثيل في حياتي كلها ثم رجوت الاستاذ حسان الاشقر ان يسامحني ويعفو عني وكان لي ذلك بعد موافقته الكريمه فاعطاني صور العقد وامرني بالتوقيع دون قراءة العقد وبعد ان وقعت العقد رفض تسليمي الا بعد تحويل المبلغ فوافقت ونفذت الاوامر بدون تردد وخرجت من المكتب وداخلي احساس ان هذا الاشقر نصاب ودجال ولن اسلمه مالي .. وبعد المغادره
اخذ اخي عبدالعزيز يلومني ويقول: انت مجنون هذا شكله نصاب ..
فثرت عليه غاضبا مبوخا اياه بانك لاتفهم ولاتتدخل في امور لا تخصك مع انه في داخلي يقين جازم بانه محق ..
ღ.
ღ.
ღ.
الحنين ذابحه من بعد ما أثرت عليه الحمى .. أحن لأمه وعآتب نفسه: كيف يروووح ويخلي أمه وخطيبته آآآآآآآآه يافجر وش حالكم الحين أنا جيت يايمه جيت يافجر ..
دخل هو وخالد والحنين وشوق ذابحهم وهم أول ماوضعوا خطواتهم بأرض المطآار انحنوا سجود الشكر للبآري .. والحمد والاستغفار ما غابت عن ثغرهم ..
وصل التآكسي ووقف بالحآرة عطاه قيمة مشواره وخرج من السيآرة .. ودع خآلد ووصل لبيته وقف البيت نفس ماهو والحآرة أول ما دخلها نفس ماهي بعد متغير شيء الوحيد اللي تغير وجوده هنا بعد مرور السنين الطويلة .. فتح البآب وشآفهآا وقلبه يخفق ويذكر الله على جمآلها .. متغطيه بجلال الصلاة ..
حست بخطوات: صدق الله العظيم .. وبآست المصحف رفعت نظرهآا وشافته وسكتت .. تذكرت نفسها وغطت عمرها ودخلت داخل ..
أم عساف: شبلاك يمي ..
فجر وعيونها تلمع وخدودها توردت: خــ ــــآلـــتي .. عســ ـــــآف ..
عسآف: يمـــه .. يـــ أم عسآآاف ..
ماقدرت تستند بطولهآا مسكتهآا فجر: خالتي أنتي بخير ..
دخل هو وجري وهو يحضنهآا ويبوس رجلها وراسها ويدينها ودموعه تحكي عن المعآناة اللي عآشها: يمه سآمحني .. سآحمني يمه ..
أم عسآف بعتب: اسآحمك على وشو .. من رحت ولا طمنتني عليك وحتى ماخذت شوري وتزوجت من هالكفآرات ..
عساف: والله يمه خفت اطيح بالحرااااااام والله يمه .. والله ماتزوجتها رغبه فيني لا تفكرين ولا قدرت اجي ببسب صعوبة الخروج وأنا لسة ما خلصت دراستي .. تكفين يمه سامحني وهو يبوس راسها مالي غيرك يمه أرجآآاك ..
أم عساف بكت بقهر الأيام اللي غاب عنها بكت جور وقهر وظلم وهي تحمي بنت أخيتها من الفقر والظلم اللي تتجرعه .. حضنهآآ عسآف: يمه رد علي سامحني يمه ..
أم عسآف: مسآمحتك يمه ..
آآآآآآآآآآآآآآآه يا منظرهم بكآني ضميت نفسي: يمه وينك عني .. آآآآآآآآآآآآآآآآآآآه يآآآرب صبرني يآآآآآآآآآآرب ..
دخلت الحمام وغسلت وجهي وابتسمت: عسآاااف رجع عسآآف ماتزوج إلا عشان يصون نفسه ولا يطيح بالحرام ابتسمت وقلبها يررف ويهلي به ..
أم عسآف: علومك يمي وغلي عليك وش له تنحف ..
عسآف بحب: من شوقي لكم .. يمه وش حال فجر ..
أم عسآف: ايه يايمه حآلها ما يعلمهآاا إلا الله ..
اندق البآب
أم عسآف: عسآه خير إن شاء الله ..
عسآاف: أنا بروح اشوف ارتاحي انتي .. قمت وفتحت الباب ..
صقر: هذا بيت أبو عسآف ..
عسآف: اي وصلت خير .. حياك تفضل
دخل صقر وهو متقرف وجلس بالمجلس ..
عسآف: يمه سوي قهوة في رجال ..
أم عسآف: إن شاء الله يمه .. يمي يا فجر ..
فجر: ابشري يا خالتي .. دخلت المطبخ وجهزت دلة القهوة والبن والهيل ..
عسآاف: سم ..
صقر: سم الله عدوك ..
بعد ما رشف من القهوة: أنت عسآاف ..
عسآف: ايه .. آمر أخوي ..
صقر ابتسم له: ما يأمر عليك عدو .. أنا عم فجر ..
عساف تلاشت ابتسامه: أي خدمة ..
صقر: ابي اشوف فجر ..
عسآف: وش يضمني أنك عمهآا ..
أخذ بوكه وطلع بطآقته الهويه: هذا أنا وذا أكبر دليل ..
عسآف يرد له البطاقة: والمطلوب ..
صقر: مثل ما قلت لك ابي اشوفها ..
عسآاف: طيب دقيقة بس ..
خرج عساف وهو ينآدي أمه: يمــه ..
أم عسآف: علامك يمي ..؟
عسآف: هذا عمك يا فجر ..
فجر بفرح: عمــــــي ..
عسآف بغيظ: ايه عمك .. على آخر عمره جاي يشوفك ..
أم عسآف: عســـــــآف ..
عسآف: انجزي يبي يشوفك ..
فجر: إن شاء الله خالتي اروح ..
وافقت لها وهي تناظرها بحنان ..
ابتسمت ودخلت مع عسآف ..
قام صقر: أنتي فجر ..
فجر: ايه ..
صقر: عسآف ممكن تتركنا بروحنآاا ..
عسآف بعد والقهر شاعل قلبه ..
صقر: أخبارك يافجر ..
فجر: بخير ..
صقر: أكيد مستغربة جيتي ..
هزأت راسهآا بعفويه ..
ابتسم بألم: جيت عشآان أخذك لأبوك ..
قامت بإنفعال وعصبية: عشان كذا وأنا اقول عمي غريبة جاي أثره مو لله ..
صقر: أبوك مريض يا فجر ويبي يشوفك قبل ما يسآفر ..
نست غضبهآا شوي: مريض ..
صقر: ايه مريض معه الخبيث وهو محتاج يشوفك ..
فجر: بـــ ـــس ..
صقر: أدري أنك مو مصدقه .. بس لازم تروحين معي والحين لأنه بعد بكره أبوك مسافر للـ علاج ..
هزت راسها ..
صقر وهو يمسح شعرها بحنان: الله يمكلك بعقلك .. يالله أنا انتظرك بسيآرتي ..
عسآف: مالهآاا مـ راح يايمه ..
أم عسآاف: عســاف يايمه أبوهآا تعبآن خله تشوفه .. هي ما بتظل عندهم
عسآف: حتى ولو يايمه أنا ما ارضآهآا على فجر .. روحي معهآا يمه ..
أم عٍسآف: الله يهديك يا عسآف يمي هذا ابوها ومن حقه تشوفه ..
عسآف: انتي معهآا يايمه .. وأنا وصلكم اوقف تآكسي ونروح ..
فجر: ما عليه يا خالتي خليه براحته ..
عسآف: ليه مجنون اخليك بروحك ..
فجر: تراني مع عمي أنا مو واحد غريب ..
عسآف: وش قًـــــــــصدك ..
مسكت فمها وبعدت ودخلت أخذت عبآتها وخرجت ..
عسآاف: لحظة من هو الغريب ..
نزل بهالوقت صقر: عسى ماشر ..
عسآاف: بنتنا ماتروح مع نآس غربيه ..
صقر: وانت شكو أنت ولد خالتها لا رحت ولا جيت .. لكن أنا عمها .. امشي يافجر ..
عسآف بعنآد طفولي: ما راح تروح معك .. افهم الكلام ..
صقر: والمطلوب ..
عسآف: أنا وصلهآا بنفسي .. دخلي داخل ..
دخلت فجر .. وعسآاف خرج يوقف له سيآرة أجرة ..
ღ.
ღ.
ღ.
ترف: والله ما قدرت ياخوي ..
مناف: انتي وش تقولين .. هنوف راحت لغيري خلاص ماعاد هي لي ..
ترف: الله يعوضك يا اخوي ..
مناف بجنون: عوووووووووض شنووو وأنتوا قتلتوا كل شيء فيني .. دخل غرفة أمه: يمه ..
وهي تفسخ ذهبها: نعم ..
مناف: يمه أنا وش قلت لك .. ما قلت هنوف لي ولا احد يأخذها غيري ..
أم مناف ببرود سطحي: طيب هي اللحين ماهي بـ لك هي لغيرك .. وبعدين غلا وش زودها عن الهنوف ..
مناف: زودها اني احبها يمه ..
أم مناف: وغلا بتحبها بعد الزواج ..
مناف: يمه اننتي بتهبليني ..
أم مناف: مناف غلا هي بنت خالتك وهي اولى من الغريب ..
مناف: الحين هنوف بنت عمي صارت غريبة ..
أم مناف: ايه غريبتين بعد .. روح ارتاح ترى توك جاااي من السفر ..
مناف: وليت مـــــاجيت .. وصفق الباب وخرج ..
ترف: زين يايمه هذا هو خرج ..
أم مناف: بـ يزعل ويرضى ..
ترف: لا حول ولا قوة إلا بالله ..
ღ.
ღ.
ღ.
بعد ما قعدت عند زوجها ماقدرت تظل أكثر من كذا ودخلت غرفتها وفكت شعرها بعصبية ورمت ثوبها بإهمال ودخلت دورة المياه وفتحت الدوش وجلست تحته وهي تضم نفسها .. تذكرت يوم تطابق تحليل وخدعة حنين لها .. آآآآآآآآآآآآآآآآآآآآآه مابي ليش ليش ياربي اهـــــــــــــــــــــــــــئ ..
دقت الباب صباح: هنوفه حبيبتي فتحي الباب ..
هنوف: مابي .. آآآآآآآآآآآآآآه ..
صبآاح: عشاني ..
فتحت الباب ورمت نفسها بحضن أختها وهي مبلوله ..
صبآاح: الله يهديك بس غير تأخذين برد الحين ..
هنوف: خليني .. آآآآآآآآآه يا صباح احبه والله احبه ..
صبآاح: هنووووف مايجوز انتي على ذمة الرجال ..
هنوف: البلا اني مغصبوبة عليه .. اخوك وابوك ما قصروا فيني ..
صبآااح: لا تنسين مناف لا تقدم ولا غيره حتى يوم أنك انخطبتي لا تحرك ولا شيء وفوق كذا شفتي أمه اليوم جايه تبارك لك وهديتها قدامك ..
رمتها بقهر: بـــــــــــــــس أنا ابيه مابي خاااااااايفة صباح والله خااااااايفة ..
صبآاح وهي تقرأ عليها المعوذات .. وشوي سمعت أنفاسها المنتظمة عرفت أن أختها ناااااااامت سدحتها على سريرها ولحفتها وباستها بحنان: الله يهديك يا هنوف ويوفقك يآآآرب ..
خرجت من عند أختها قابلت أخوها أحمد ..
أحمد: اخبارها الحين ..
صبآاح: نامت انا رايحه .. تأمرني على شيء ..
أحمد: سلامتك ..
ღ.
ღ.
ღ.
وفي اليوم التالي توجهت للبنك الراجحي وبعت اسهمي في السوق بسعر السوق مم سبب لي خساره ثمانمائة الف ريال وحولت المبلغ الذي قدره اربعه مليون وخمسمائة الف ريال الى البنك الاهلي ومن البنك الاهلي الى البنك السويسري حسب اوامر المدير حسان الاشقر وظافر الغامدي واتجهت فورا الى المكتب لأخبر حسان الاشقر الذي وجدته في سيارته امام المكتب وعند دخولي المكتب ناداني تعال يانقيب سلطان باسلوب ساخر حولت الفلوس فقلت نعم وسلمته صورة الحواله الدوليه ثم ابتسم وقال: انتظرني عشر دقايق وراجع لك .. وانتظرته من الساعه الخامسه عصرا حتى الثانيه ليلا ولكن لم يحضر وغادرت وانا بي حسرة عظيمه واسألة في داخلي لا اجابات لها ..
ღ.
ღ.
ღ.
هيا: خاااايفة من التحصيلي ..
جمآنه: كم جبتي بالقدرات ..
هيا: 86 ..
جمآانه: ما شاء الله حلووووة .. يالله شدي حيلك باتحصلي ..
هيا: دعواتك ..
جمآنه: الله يوفقك يآرب وأشوفك دكتورة أطفال ..
هيا: آمين ..
جمانه: وكيف اختبارات الثانوية ..
هيا: لا حمدلله تمام أنا مستهمه التحصيلي ..
جمآنه: متى اختبارك ..؟
هيا: الاسبوع الجاااي ..
جمآنه: يالله بالتوفيق إن شاء الله ..
هيا: الله يسمع منك ..
جمآنه: يالله ما اطول عليك ياحبيتي ..
هيا: ياهلا فيك ..
قفلت من عند بنت خالتها .. ودخلت ليونفر: هيـــــــــاااااااااا ..
هيا: نعم ..
ليونوفر: سعود يقولك يالله تعشي ..
هيا: طيب جااايه الحين ..
ღ.
ღ.
ღ.
شوق: فهد والله كنت بخبرك بس نسيت ..
فهد: إذا تذكرت تعالي وقول لي ..
شوق: فهودي حبيبي .. والله العظيم كنت بقولك بس لهيت والله العظيم ..
فهد: ما عاد تعودينها ..
شوق وهي تمد اصبعها: والله والله والله ما عاد اعيدها ..
قربها من حضنها: دوووووووبه اشتقت لك ..
شوق: وأنا بعد .. بس كنت مشتوقه له ..
فهد وهو يقرص خدودها: الله يعوضنآاا ..
شوق حضنته: آمين .. فهد ..
فهد: يا روحه ..
شوق بحب كبير له: أحــبك
ღ.
ღ.
ღ.
آرائكمـ وانتقاداتكمـ ..
أتمنى ألاقي ردودكمـ وتحليل الشخصيات عليكمـ ~..
بقلمي:
نَيرُوز أحمَدْ ,
|
12-07-11, 04:17 PM
جديد مواضيع قسم الارشيف
العرض العادي
