للأوجَاعِ قلُوب .. لا تُسيّرها - عَاطِفه !










[ البآرت العشرون ]









. . كِنت الحبيب اللِي
عَودنِي الفَرح |
وسَقى أيامِي
بِشُوق / وحَنين
مِن . . بَعدك
يِنسينِي الجِرح
ويِمحِي مِن
تفاصِيلِي الأنين .!
مِن يَطوِي
صفحَات التَرح
ويِرجعنَا لذِيك
السِنين
لأيامِنا / لَحظاتِنَا
المَليانَة مَرح
مِن يدَفِي | البَرد
فِي هَذَا الشِتا !
ومِن يِلَون سَمانَا
بِأمانِي الهَنا !
ومِن يِزرَع
فِي أغصانَا
الوفا !
ومِن يِحَطِم
كِل وجهاتِ
الشِقا !
مِن يدَفِي | البَرد
فِي هَذَا الشِتا !
ومِن يِغنِي على
أحلامِي أنا !




بَس وِدِي تِعرَف
إن الغَلا فِينِي تَعداك
وإن الأمانِي طَارَت مع الريح
وقلبَها مَكسُور | كأنهَا طيرٍ
فَقَد لَه جِناح !
وكِل هَمه على عشِه الَمَهجُور | |











ღ.
ღ.
ღ.








دخلنا داخل البيت واستقبلنا أبو مشاعل بكل حفواه وهو يرحب وجلسنا بمجلس الرجال راكان جالس بزواية وبجنبه عبدالعزيز ومن الجهة الثانية أبو سلطان وسلطان



أبو مشاعل: اقلطوا ياحي الله من جاء
أبو سلطان: الله يبقيك ي أبو مشاعل
وبعد السلام وسؤال عن الحال



أبو سلطان: يا أبو مشاعل أنا اليوم جيت هنا وكلنا شرف اننا نسابك
وطالب يد المصون بنتك مشاعل لولدي راكان على سنة الله ورسوله



عبدالعزيز: وش فيك تخبصت
راكان يأشر له يسكت يبي ينهي هالمسرحية وهالفصل بذات
أبو مشاعل: والله يا أبو سلطان ما راح الاقي احسن من هالنسب ولا راح القى رجال يخاف على بنتي ويصونها عقب عيني
أبو سلطان: لك طولة العمر يا أبو مشاعل
أبو مشاعل: ولك يا أبو سلطان .. بس تعرف لازم نشاور البنت
أبو سلطان: حقك يا أبو مشاعل واسأل عن راكان حتى نكون على بينه
أبو مشاعل: على خير إن شاء الله .. عيل اترخص بشوف شور الحريم
أبو سلطان: حقك يا أبو مشاعل




راكان: انت وش فيك
عبدالعزيز: مالت عليك من عريس وهو يغمز له
ناس يطلبون الشوفه وانت ولاهمك
راكان: أي شوفه انت ثاني اقول بخطب وبروح
عبدالعزيز: أي هين بتروح أجل ها
راكان: أثرك عله اقلب وجهك عني لا اشوتك
عبدالعزيز: ول عليك راحمتها مرتك من الحين
راكان: بتسكت ولا شلون
عبدالعزيز: ههههههههههههه بنسكت
خالد: عزيز بسك صدعته رجال
عبدالعزيز: هههههه خلاص هوناا




أبو مشاعل: يــا أم مشاعل .. أم مشـــــاعل

أم مشاعل خرجت من المجلس الحريم ووصلت عنده: آمر يا أبو مشاعل
أبو مشاعل: نادي لي مشاعل وانتي بعد
أم مشاعل: ابشر ..





نادت أم مشاعل على بنتها مشاعل كانت عارفه الخبر من 3 أيام واستخارت وارتاحت ..
وصلوا صالة ودخلوا ..
أبو مشاعل: والله وكبرت يا مشاعل وصرت عروس
أم مشاعل ودمعة تهطل من عيونها: أي والله صدقت
مشاعل بخجل ساكته
ابتسم بمحبة: تتدرين اليوم من جانا ..
نزلت راسها مشاعل
أبو مشاعل وهو يرفع راسها ويناظر بعيونها الخجلانه
: أبو سلطان وعياله جاي هنا بخصوص يخطبك يابنتي لـ نسيبه راكان
وش رأيك يابنتي انتي موافقة ترى ما راح اغصبك






عارفه يايبه من كثر اللي جوني ورفضتهم وكلهم بنفس السبب " ما اطيق شيء اسمه رجال " وانتهت وعدت
راح اوفق يايبه عشانك بس .. هزيت راسي ماقدرت انطق هالكلمة انا مابي اتجوز بس غصب عني والله غصب ..
أبو مشاعل: ها يبه ما رديتي علي
نطقت بصوت مخنوق: موافقة يبه
وعلى طول خرجت ودخلت لغرفتي وقفلت الباب أكثر من مرة وطحت بطولي وقعدت ابكي ليه ليييييييييييييه انا مابي زواج بس وافقت عشان تعب ابوي آآآآآآآآآآه يايبه
سمعت صوت زغاريط واللي وصلت لمسامعي وآآآآآه ياقلبي انجبرت تصبر ياقلبي تصبر
مشاعل: يااااااااااااااااااااارب يااااارب صبر قلبي واعني يارب











ღ.
ღ.
ღ.













تحركت ببطئ رفعت جسدها نحيل من جلسة السرير وهي تعاتبها بنظرات ذابلة ..
أم عساف: سمي بالله واشربي لتس هالشوربه كود يرجع لتس صحتس ترى يابنيتي جسمتس له حق عليتس ..
مدت يدها وسحبت الملعقه البيضاء وغمستها بطاسة الشوربه وهي تلعب بالمعلقه وبالها وكل فكرها مشغول بعناد
أم عساف:فجير وش بلاتس ما تأكلين .!!
أم عساف وهي تحط يدها على شعر فجر وبنبرة كلها حنان:
فجر يمتس وش بلاتس..
بحزن نطقت وهي تترتسل بكلامها:
وش اقول يا خالتي .. وش تبين احكي لتس عن وجع قلبي .. يا خالتي انا ما واجهت خجلي والحيا اللي متمسكه فيه اصلا انا مالي وجه اقابل فيه .. انا الخوف ركب فيني وتلبس ولاهو قادر يفكني مير الغربة وانتي اخبر اني ماقد تعديت حارتنا والبلا يا خالتي انه كان طيب معي وحنون بس وش ترجين من وحده فاقده حنان تعبت يا خالتي وتعبي يهد جبال تتدرين ساعات ينأنبني ضميري وساعات بروود يذبحني انا مقصره بحقه حيل ضحكت و فجأة بكت بهسترية ..
أم عساف: لا حول ولا قوة إلا بالله استهدي بالله وانا خالتس .. والوجعيه مصيرها بتبرى وبتدفى .. وربتس كريم ماينسى عباده اشكي ولا يخيب لتس رجا صبري قلبتس ياقليب خالتس امسحي هالدميعات وصلي وادعي لربتس .. وزيني لرجلتس ترى الرجال مايجعبه إلا المره اللي تهىتم برجلها وتدراي زوجها ادري ان نصياحي متأوخره لكن الله يعلم بمحبتس لتس .. اذكري ربتس واستغفريه ترى يابنيتي الاستغفار فضله عظيم لكن حنا نتجاهله الله يغفرلنا ويستر علينا
بعد ما هدأت من البكاء عانقت خالتها: الله لايحرمني منتس يا خالتي ..
أم عساف بحب: ولا منتس يافجير ..





بعد ماشربت شوي من الشوربه حست العافيه ردت لها الحمدلله على كل حال .. نزلت أم عساف عشان تأخذ راحتها .. وفعلا دخلت دورة المياه وجددت وضوئها ورجعت دخلت غرفتها ولبست شرشف الصلاة ومدت سجادتها وبدأت تصلي ركعتين .. طالبه من ربها العفو والغفران عسى الله يغفر لنا ذنوبنا




بعد ما انتهت من صلاتها .،، خذت لها شور ساخن تهدي اعصابها القلقانه كل ماغمضت عيونها تشوف منظر الحادث ودم اللي ينزل من جبهته .. ماقدرت تتطول وعلى طول لبست فستان ابيض شموا بسيط وحلق ذهبي مع ساعتها ذهبية .. زبطت نفسها وسحبت جوالها من تسرحية ودقت على صقر




صقر: هلا فجر
فجر: طمني ياعمي عساه خرج
صقر: للأسف ماخرج على العمموم هي كلها وقت ويظهر إن شاء الله وتقر عيونك به
فجر: ما خرج ياعمي شلون تخرج وهو معك عمي شلوووووون
صقر: يالليل فجير بسك صياح
نظر فيه عناد وسحب الجوال منه:
ليه تصحين





هذا صوته ولا انا اتوهم
عناد: ما تردين
بصوت مرتجف والعبره خانقتها: عــ ـــ ــنـ ـــ ــاد انـــ ــــ ـــت عــ ـــ ــنــ ــــاد
تنهد: انا جاي الحين جهزي نفسك بنروح للمزرعة سمعتي ..
فجر ساكته وهي تهز راسها وكأنه تشوفه قدام عيونها
عناد: سمعتيني ولا لا
فجر: أي أي سمعت ونطقت بخجل:
أنا آسفه

وقفل جوالها يعلن انتهاء البطارية رمته بقهر على سريرها




عناد: الوووو الوووو فجر
صقر: خير في شي
عناد بغضب: قفلت الجوال
صقر: يمكن مافي إرسال
عناد: تنكت حضرتك
صقر: قلنا احتمال مو أكيد
عناد: اسكت ولي يرحم والدينك
صقر: انت من صدقك بتروح المزرعة
عناد بتصميم وعناد: أي رايح عندك مانع
صقر يغير موده: لا بس عندي دواس
عناد: سامج
صقر: اوهووووو انت وش حكايتك الحين .. متعصب ليش
عناد: يدخلوني السجن بمكان المجرمين وتبني ما عصب ..
صقر: لا حول ولا قوة إلا بالله .. اهم شيء انك خرجت الحين
عناد: أي بعد طلوع الروح وخصوصا هالضابط الله لا يعيده
صقر: هد ابو شباب لا تشب علينا بس
خلاص هو خلقه متقرف من اللي لابسه يوم كامل محبوس بزنزانه تخنق انصدم بالمستنقع اللي متواجد فيه .. يحاول يسيطر على نفسه وعلى غضبه يبي يطفي نار القهر لازم يشوف خيله ما ينفس غضبه إلا مع خيله ..






صقر: وين وصلت
عناد بصمت مخيف ..
صقر: ابو بتال ترى فجر قلقانه عليك لا اوصيك بها




التفت لصقر ونظر فيه ورجع ناظر في الطريق .. شاف جواله داخل في درج المفتوح سحب الجوال وفتحه وشاف المكالمات الهائلة




من ابوه وامه واخته جود
دق على امه .. واللي تهللت معالم الفرحة بوجهها
: ياهلا والله بسندي شلونك يا عناد عساك طيب يمه ..
ارتاح لصوتها الحنون والدافئ ابتسم بشوق: هلا يمه أنا بخير انت بشيرني عنك
أم عناد وهي تمسح دموعها: بخير يوم اني سمعت صوتك .. صدق انك بالسعودية
عناد: أي يمه وإن شاء الله كلها نص ساعة ونجيكم
أم عناد: وشلون فجر عساها طيبه
غمض عيونه ونطق بكلمة: بخير
أم عناد: وينها ابي اسمع صوتها
عناد: هي مشغولة الحين لكن من تجي عندك استلميها
أم عناد: يمي وش بلاه صوتك انت بخير يمه قولي الصدق
عناد تنهد بتعب ورغم صداع وبطنه اللي خالي من الأكل غمض عيونه بإرهاق
: أي يمه بخير بخير لا تتقلين ولي يخليك لي
أم عناد: زين يمه ريح نفسك وتعال باين من صوتك انك ما ردقت
عناد: أي والله يمه بس ماعليه راح اجي اليوم عندك وبرقد بحضنك بعد
أم عناد: هذه ساعة المباركة انتبه على نفسك يمه
عناد: ابشري يالغالية ..






صقر: انت ليه ما ترتاح وتروح للمزرعة بعدين
عناد سكت
تنهد صقر ويقول بينه وبين نفسه " طول عمرك عنيد ،، الله يستر من عنادك يا عناد الله يستر "




وصلوا ووقف سيارته صقر نزل منه عناد وشكره وراح ..
استغرب من سيارة الواقفة أمام بوابة المدخل الرئيسي للفيلا .. ومشى ووصل للسيارة ودق الشباك .. بس مافي احد ابتعد عن الباب وشاف شخص جالس بكل اريحه بالحديقة فتح عيونه من صدمة وهو عارف انه تقاسيم هالجسد مو غريبة عليه مشى وبسرعة ووصل عنده وسكت من صدمة من هول المنظر واللي اجبره على الصمت والصمت القاتل




وهو رفع راسه والتقت عيونه بعيون عناد كالسهم الحاد
ارتجف من الهوا البارد واللي داعب شعره وبانت رجفه ورعشه اللي مايبي احد يشوفه ولا احد ينبته له
عناد غمض عيونه وعلى سريع ابتسم: حياك وش مجلسك هنا
نطق بصوت غريب على مسامع عناد بصوت اشبه بصوت تعب والذبول
: انا هنا عشان الوالدة
وكأنه طفل خايف من عقاب ابوه ..
ابتعد
بس مسكه عناد من كتفه
: ليه يا عساف ليه سويت هالشيء ووهمتني انك تحبها عمر اللي يحب مايضر حبيبها .. وفوق كذا زفتة جهيان ماتكون زوجتك هزه من كتوفه وصرخ بصوت بارد: ياحيف عليك ياحيف انت انسان واطي وقليل الكلمة عليك
عساف بتعب: انا انا
عناد وعيونه الحمرا من الغضب ومن الارهاق وقلة النوم
: انت شنووووووووووووو ليه ليه يا عساف ليه تخدعني انا وش قصرت معك عشان تجايزني .. ماتوقعت هالشيء منك ابد ماتوقعته .. وانا اشوف ليه غايب 8 سنين هانت عليك امك خاف الله .. انت زنيت وتعرف العقاب تعرفه وإلا لا
عساف ودموعه تهطل: اعرفه و ربك عاقبني ياعناد انا مريض بالخبيث مريض ابعد ابعد لا ينقل لك المرض
تركه عناد وابتعد اكثر من خمسة خطوات وهو متألم للحال اللي وصله ..






عساف: عناد لحظة
وقف وهو معطيه ظهره
عساف: تكفى يا عناد سامحني تفكى يا أخوك لا تردني خايب .. تكفى قل زوجتك تسامحني ادري اني اذيتك انت وهي تكفوووون سامحوني وطاح بتعب
مغشي عليه




مسكه عناد وهو يهزه: عساف عســـــاف قووووم عساف
أم عساف توها خرجت وانصدمت بولدها طايح على الارض ضربت على صدرها: ويلي عليك يمه عساف يمه عساف .. وعلى طول راحت له وهي تلهث من تعب
: وش بلاه ولدي وش علته
عناد بحزن: مابه إلا الخير يا خالتي .. انتي اجلسي هنا وانا بنقله للمستشفى لا تخافين
أم عساف: خذني معك ياولدي ماتحمل احتريكم
أم عناد ويبوسها على راسها وبكل حنان: لا تقلقين راح اطمنك .. اترخص ..
أخذ المفتاح والألم يجتاحه الميدلية ماغيرها نفسها مثل ما كانت من قبل 8 السنين فتح باب السيارة ودخله بالمقعدة اللي جنب المقود ونزل المقعده لتحت ودخل من الجهة الثانية وحرك السيارة وبسرعة خيالية مشى حتى صوت الكفارات حكت بالارضيه واصدرت صوت مزعج










ღ.
ღ.
ღ.








يتبع *

ღ.
ღ.
ღ.






جمانه: اهااا طيب انتي حاضره زواج هنوف
مها: أكيد ذي من دفعتنا
جمانه وهي تضرب جبهتها: أي صح .. طيب كيف خالك وكيف تجهيزاته
مها: خبرك عتيق رجال مغصوب بس امي ناشبت له نشبه
جمانه: يستاهل خليه كل يوم يسوي مقالبه فيني مالت عليه
مها: هههههههههههههه لا تذكريني على العموم بعد بكره زواجها طيب انتي وش قررتي تلبسين
جمانه: وش بلبس يعني ماعندي غير حق زواج فجر فديتها دوووبه والله لها وحشه
مها: والله انك صادقة .. طيب جمووون وش رأيك تجين عندي
جمانه: هههههههه مو اقولقك خبله وتقولين لي لا .. انا جايه اليوم عشان امي وكل اهلي بجون بيتكم خبرك عتيق بنحتفل بخالتس
مها: لا تتريقين انتي ووجهك
جمانه: اقول تلايطي بس بروح اتروش وازبط نفسي
مها: اوووكي مع سلامه
جمانه تستخف: الله يسلمتس
مها: هههههههه
جمانه: قفلي قفلي تراك محوم لي كبدي .. ماغير اسمع صوتك هالمليق
مها تتختصر: لا والله الليدي ديانا على غفلة .. اقول ارتاحي بس .. وقفلت عليها





جمانه: شوفي نذله قفلت بوجههي
ملك: هههه اما انتي عبيطة تسبينها وتبينها تهرج معك صدق انك فاضيه
جمانه: اقووول لا يكثر وبالله غيري اللون الوردي من كثر ماتلبسينه تجيني نفسيات
ملك: اوووووه والله عاجبني أنا ..
جمانه: ناس يلبسون عودي ذهبي طيب على اقل اسود كلش وردي وردي وش هالطفولة اللي فيتس
ملك: هههههه مالك دخل ..
جمانه: تعالي تعالي وش بها عيونك حمرت زيادة
ملك: ها لالا مافي شيء القطارة اللي جابها عزوز مازبطت معي
جمانه: عيني بعينك
ملك: اوووف خلاص جموونه روحي غيري انتي تدرين مافي وقت
جمانه: اووووه صح نسيت يالله تشاوو




تنهدت ان جمانه مالزمت انها تعرف ووهي اصلا تعرف:
الله يسامحك يا سامي الله يسامحك




جود وهي تتمسك بفستان ملك وتحركه: مي
ملك نزلت نفسها لمستوى جود وهي تقرص خدودها المورده: ياعيون عمتووو فديتك والله
جود وهي تبكي: بااا ماما ..
ملك: لا حول ولا قوة إلا بالله .. ابشري من عيوني الحين نكلم بابا ويأخذنا لعند ماما
فرحت .. وباست ملك على خدها
لمتها ملك: يا حياتي والله أمكم لها فقده الله يهدي البال ..






وصل سلطان واللي جاء عشان يغير ثوبه وروح لعمله

ملك: هذا هو بابا جاء ..
سلطان: وين بوسة بابا
جرت له جود وحضنته وباسته: با ماما با ماما
سلطان: من عيوني الحين نروح لها كم جودي عندي أنا ..
وباسها على خدها ..
: أجل جواد وينه
ملك: بغرفته لا هو راضي يأكل من يومين ماغير يشرب مويه
سلطان: هالولد بذبح عمره .. انا بروح له وانتي جهزي جود
ملك: اوووكي
وحمدت ربها ان سلطان بعد ما انتبه على عيونها وإلا كان بسوي لها قضية ياكبرها





صعد فوق وفتح الباب وشافه متسطح بسريره ومتلحف ببطانيته تفاحيه ..
سلطان: جواد
يوم شاف ابوه نقز وحضنه وقعد يبكي
سلطان: افاااا والله جواد يبكي
جواد: ليه تأخرت علينا
مسح على شعره وهو يتهند: شغل بابا أخذ وقتي كله بس ابشروو الحين بنروح لماما ونتمشى
جواد: والله بابا
سلطان: أي ياعيون يا أبوك يالله قوم تروش والبس لك بدله
جواد: لالالا مابي ابي ثوب
سلطان: ثوب ثوب ولا يهمك
جواد حضنه وعلى طول دخل للحمام الولد مستانس ان بروح لامه وابوه بريجعون لبعض
ما كان يدري باللي صاير





وهو بعد غير ثوبه ولبس له الزي العسكري ..


ملك: اوووووف جمانه يالله ترى حنا متأخرين
جمانه وهي تقفل أزارير عبايتها: خلاص جيت .. ما شاء الله جودي بتروح معنا
ملك: لا بتروح عند أمها
جمانه: سلطان اللي بوصلنا
ملك تهز راسها وخرجت
تنهدت جمانه وهي عارفه انها لازم تعتذر لأخوها .. قفلت باب البيت وراها وركبت السيارة وقفلت الباب السيارة
: السلام عليكم
سلطان: وعليكم السلام
سكت اوووووه باين ان سلطان صوته تعبان والله توني انتبهت اووووووف كيف طافني هذا شيء صدق اني مجنونه
: سلطان
سلطان: هلا
جمانه: آسفه
ابتسم لها وهو يشوف نظراتها من المرايا اللي قدام عيونه
: على شنو
جمانه: انت ادرى
سلطان: أي ان شاء الله
جمانه: يعني شنووو
سلطان: يعني يصير خير
جمانه تأفتت في نفسها " أنا وش لي تليقف .. بطقاق هو ومرته انا وش اللي حارقني اووووووووف "









ღ.
ღ.
ღ.








وهي تنتظر دخوله وتبي تستقبله أفضل استقبال لأنه يستاهل بنظرها .. بس تفجأت بدخول بخالتها وهي تبكي .. خافت وهرولت عندها
: خالتي وش فيتس عسى ماشر
أم عساف: وغلي على وليدي بروح مني وليدي راح آآآه ياحرقة قلبي
الخوف تغلل فيها
: خالتي وش به عساف !!؟
أم عساف: شفته طايح بالأرض وصديقه عناد اخذه للمستفى
شهقت برعب وهي تحاول تستوعب: صديقه شلون
أم عساف: عناد هذا صديق عساف
الحين بس الصورة وضحت عندها .. عساف عناد اصدقاء






اهي من قبل كانت تسمع صديق وتوأم روح عساف هو عناد بس هي ببالها ان عناد شخص غير لكن طلع هو نفسه زوجها ياربي ليش ليش استغفر الله العظيم
أم عساف: فجير قومي خلينا نيسر له قومي يابنتي والله ان رجولي ماهي بشايلتني
كانت مصدومة .. لالالالالالالا وش اللي يصير ياربي مو معقولة




أم عساف: فجر فجر يمي قومي خليني اروح لوليدي
فجر: ها طيب طيب
أم عساف: انتي وش فيتس بارده قومي تحركي يا فجير قوووومي
فجر: إن شاء الله يا خالتي ..
كلمت اوني تكلم سائق زوجها .



خرجت هي وخالتها واوني معهم ..
فجر " اوووه وشلون اعرف المستشفى جوالي شاحنه فضى علي مافي غير جوال اوني "





فجر: اوني
اوني: نعم مدام
فجر: عطيني جوالتس شوي
اوني: تيب ماما
ومدت لها الجوال وأخذتها فجر منها .. وتذكرت انها ماهي حافظه رقم عناد اووووف هذا وقته لا حووول ولا قوة إلا بالله .. رحت لقائمة الاسماء وحمدلله لقيت اسمه ضغطت على الاتصال ورن أكثر من مرة








ღ.
ღ.
ღ.









بالجهة الأخرى
بالمتشفى فيصل التخصصي






رنين جواله أزعجه مد يده داخل جيبه وأخذ الجوال شاف اوني تتصل بك .. استغرب منها " لا يكون صاير شيء الله يستر " رد
: الوووو
فجر بتوتر: احم عناد انت بأي مستشفى
غمض عيونه وبقهر: ليه تسألين ..؟!
فجر بطنها مغصها " عناد صوته متغير اصلا هو من يوم ما قلت بنرد للسعودية وبروح لخالتي تصرفاته كلها تغيرت علي "
: عشــان عشان خالتي معي وتبي تشوف ولدها
قال بسخرية: وانتي ماتبين تشوفينه
انصدمت منه: اناااا
عناد: اسمعي يافجر انا قلت لخالتك اني راح لطمنها يعني لا تقلقين
فجر: بس
عناد: بدون بس والحين أنا مو فاضي






انصدمت قفل الجوال بوجهها " انا انا هو ليش فهمني غلط .. ياربي وش اسوي لخالتي الحين .. يعني انتي بتقنعني يافجر ما انت يقلقانه عليه .. أي والله قلقانه عليه كـ أخ ياربي لا تفهوني انتوا بعد غلط "




تنهدت وقالت له:
يعقوب روح لبيت خالة
يعقوب: تيب مدام
أم عساف: ليه لا يكون ولدي صار له شيء وانا مدري به
فجر: لا يا خالتي ولدك مافيه إلا العافيه .. بس احنا نروح هناك عناد يقول مافي زيارة له الحين
أم عساف: طيب وليدي هو بخير وش له يخلونه بالمستشفى
فجر: لا إن شاء الله بخرج بس انتي ادعي له يا خالتي ..
أم عساف: الله يقومقك بسلامة الله يقومقك ياولدي ..





" وصلنا بيت خالتي مدري وشلون هان علي اني ارجع له مرة ثانية .. ماقدر ادخله ولا اقدر اترك خالتي لوحدها آآآآآآ ياقلبي دلني على حل قررت ادخل مهما كانت ذي خالتي وهي بمقام امي نزلت معها ودخلنا البيت .. وآآآآآآآآآآآه ياكبر الحنين هذا البيت اللي عشت فيه من طفولتي .. آآآه وذكريات تهاجمني من كل صوب "











ღ.
ღ.
ღ.









خالد: ها شحالك اليوم شمس
شمس: رجولي يادكتور ما اقدر احركها
خالد ابتسم لها: بالطبيعي لأنك لك فترة طويلة ماقدرت تحركينها والخلايا كانت متوقفة عن العمل وإن شاء الله بتسعيد حركتها وبتقدرين تمشين .. ولازم تتمرنين أول ب أول
شمس: يعني اقدر امشي
هز راسه علامة الموافقة ..
خالد: الممرضة بتكون لك مرافقة وراح تهتم لك بشؤن اكلك ..
شمس هزت راسها وهي ماهي قادرة ترفع راسها واللي مغطيته بطرحة
خالد " ياويل قلبي فديت اللي مستحي .. اقول خليني اشوف شغلي لا خربها "
خالد: احم احم عن إذنك .. وخرج قفل الباب وراه








بدر: هههههه وش فيك واقف هنا .. تبي اكلم المراقب جلال
خالد: لا يامعود تبي تورطني انت .. آآآآآآه ما اقول غير ياحظك زواجك بعد بكره
بدر ضربه على كتفه: قل ما شاء الله لا تحسدني
خالد: ما شاء الله ما شاء الله
ورفع يده ، " الفال لي يارب "
بدر: هانت يا أبو عبدالعزيز
خالد: الله يعدي هالأيام على خير
بدر: اللهم آمين





سمعو صوت جهاز الانذار واللي كان بداخل بجيب لاب كوت تبعهم


بدر وخالد: الطورائ
بدر: يالله سريع خل نوصل
خالد: سرينا ..
وهم يجرون لحد ما وصلوا للطورائ وتأفجوا بعناد واقف






خالد: عناد عسى ماشر
عناد ووجهه اسود:
الحقوا على عساف طايح مريض
خالد: بدر انت ادخل وانا الحقك ، تعال عساف وش بلاه
عناد بحزن: يقول معه الخبيث
خالد انصدم
عناد: ادخل انا ماقدر ماقدر اشوفه بهالحال .. روح ولي يسلمك يا أبو عبدالعزيز
خالد: هدي هدي يا عناد اجلس وارتاح وانا بدخل .. لا حول ولا قوة إلا بالله ..






دخل خالد داخل .. وعناد واقف رايح وراجع وتوتر ذبحه .. فوق انه خطيب زوجته سابقا وهذا شيء اللي يقهر وغير انه صديقه إلا عديل الروح ..


هل قلب من القلوب تتوقف وإلا تستمر للحياة ؟؟






ღ.
ღ.
ღ.









وصل ملك لبيت عمه .. ووصل لبيت عمه أبو أمجد
نزلوا جود وجواد على سريع وسلطان معهم .. دق الجرس وفتح لهم الباب زياد ولد أمل
سلطان: فاتن موجودة
زياد: لااا
استغرب: وين راحت ؟!!
زياد: راحت المستشفى
سلطان انصدم: متى
زياد: قبل شوي ..







سلطان: يالليل .. وانت جالس مع مين
زياد: مع خالتي سارة
سلطان: اهااا طيب جواد انت وجود اجلسوا مع زياد وانا بروح اجيب الماما طيب
هزوا روسهم ببراءة

اتصل على أمجد ورد عليه وهو يعاتبه علمه مكان المسشتفى






وصل وهو قلقان عليها لها فترة طويلة ما شافها " الله يأخذكم يا عيال الكلب " وهو يضرب على السكان 3 شهور راحت هباء منثورا .. لا قدر يجلس مع اهله ولا يقدر يمسك عصابة الاشقر ..
سلطان : طيب بامعلم مصيركم بتطحون بيديني والله ما ارحمكم هين بس ..





وصل المستشفى ووقف سيارته بالمواقف ونزل وسأل الرسبشن
: فاتن محمد العالي
موظفة الاستقبال: غرفة 233
سلطان: مشكورة ..






قبل ما يروح لها خرج وأخذ لهاا باقة ورد وشكولاته
وصل للجناح 233 واتفأجا ان سرير خالي خرج وشاف رقم الغرفة 233 أجل وينها
دخل وشافها لابسه قميص المستشفى وانصدم وهو يشوف بطنها
شهقت وطاحت دموعها وعلى طول عطته ظهرها وبترجع للحمام ..
مشى وهو حاضنها من خلف وماسكها من خصرها: فاتن
فاتن: ابعــــــــــــــــــــد .. اتركني ..
لفها على جهته وتقابلت العيون العطشانه والمعتابه ..
فاتن: حرام عليك كذا تقسى علي حراااام





ღ.
ღ.
ღ.


نهاية البارت العشرون
قراءة ممتعة







السلَامِ عليكُم وَ رحمة الله وبركَاته
صبَاحِ ، مسَاءْ .. غنيّ بالبهجَة وَ الأنوَارْ


وبالنسبة للتأخير
يشهد الله علي ان البارت جهاز بس عدلته واضفت عليه كم صفحة
وكان عندي مناسبتاين
يوم 22 / 2 عيد ميلادي بس ما احتلفت إلا بعد يومين
ويوم 24 ملكة خالتي وتمت ولله الحمد



وشغل كله فوق راسي والله العظيم رجولي للأن بها شد عضلي من كثر ماتعبت
وغير كذا سهرانه ومكمله 24 ساعة يعني يوم كامل


والحمدلله نتائج مره تمام الحمدلله وشكر لك يارب


اتمنى اتمنى للي ردودهم برضوا مخلينها قصيرة
ابي اشوف اليوم توقعات تخمينات
مابي شكر ويعيطك العافيه والله ذا البارت تعبانة عليه


واتمنى من كل قلبي اشوف ردود تسعدني



أطيبُ التحايَا ، متبوعَة بالعَطرْ


بقلمي:
نَيرُوز أحمَدْ ,

للأوجَاعِ قلُوب .. لا تُسيّرها - عَاطِفه !







[ البآرت الحآدي والعشرون ]






















ودِي أنَادي صُوتك المجنُون
أغنِي وَ أغنِي لك دواووين / وَ أشعَارْ
أهمسْ بِصوتِي الحـَنونْ
أغرد بِمواوويلْ ليلِي – والنَهارْ
أصحّى وأقابل أناهيد العُيون
وأحاكِيك ما بين وااااعِي : و نايِمْ !
لَو اننَا يَا متِلف الرُوح * مبطينْ
بِالهوى ما كَانْ قليبي بِك " هاااوي "
ودِي لو الطير يعلمنِي أصيير
طَاير لِصدرك ومشتاق لك : بِجناحينْ
يعنِي انِي أحبك / لِحاااااالِي
وما أبِي من عُيونك سوى نظرَة
وَ مكانَة وأحاديثْ بـ : بالثوانِي
ولا الزعل ما أرضيه لعُيونك
وهاات ايدينك لأجل " أبُوس " الأيادِي
ولا تُروح وتخلي هالغياب يبدى
بلعبَة التقصيرْ !






أنَا أحبِك يعنِي انِي عايش بِصدرك
أنا أحبِك يعنِي أنادي صُوتك
أنَا أحبِك / أصُونك / أوعدِك مَا أجفيك
أنَا أحبك : فِي بعدك وغيبتك
أنَا أحبِك / أبد ما أصدك ولا أكسر بخاطِرك
أحبك يكفِي لا تتعبنِي بدُون أسباب !












ღ.
ღ.
ღ.











سلطان: ادري لو اعتذر من هنا لـ مئة سنة مابتصديقني
فاتن: ابعد عني يا سلطان ابعد الله يخليك يكفي اني تعبانة ومتوجعه حيل منك وانت ولا همك
سلطان: أفااا والله فتونه اكسري شيطان وش لي ما اهمك انتي بذات تهميني انتي قلبي وروحي ياروح سلطان
فاتن بزعل: أي واضح اشوف دايم ترسل رسائل واتصالات صكت المليون
ابتسم لها وهو يستنشق عبير شعرها السرمدي: اشتقت لك حيل حيل يا ام جواد
فاتن: وانا ما اشتقت لك ممكن تبعد عني
سلطان لفها على جهته وبان بطنها البارز انصدم: وش ذا
فاتن بحزن: ولا شيء






سلطان: فــــــــاتن
فاتن وهي منهاره وتضربه على صدره وتشمخه: مالك حق تسأل الحين مالك حق
سلطان: فاتن حبيبي هدي ياقلبي هدي مايسوى عليك
فاتن: لا والله لو غبت عنك 3 شهور وش تسوي تمسكني وتشقني بعد
سلطان وهو يمسك ذقنها ويمسح دموعها بحنان
: مو اشقك إلا انتحر بعد والله مايهون علي اترك انتي والعيال والاهل بعد بس والله كانت عندي قضية كبيرة يا فاتن انشغلت حيل لدرجة ماحك فيها راسي ادري اني غبي وما افتهم بس امسحيها بوجهي يا أم جواد
فاتن: ممابي
سلطان: أفااا وانا ابو جواد ماهقيتها منك يا أم جواد
فاتن: احسن
سلطان: هههههههههههههههههه يوم اقولقك وحشتيني موب مصدقه
فاتن وهي تضربه على صدره وترجع وتقول: ما اشتقت لك ما تفهم انت


سلطان وهو يمسك يديها ويثبتها على الجدار: ما اقولقك غبي ولا افتهم .. فاتن ويبوس جبينها بحب أحبك والله أحبك بس صديقني انشغلت بس اوعدك ما عاد اعودها اوعدك يا اعلى من سكن هالقلب ..
فاتن وهي تحضنه وتضربه على ظهره: حمار
سلطان: افااا ردينا لطير ياللي
فاتن: تستاهل
ضحك سلطان: تصدقين كأنك صرتي برميل وش تأكلين بغيابي هااا اعترفي على سريع لو سمحتي
فاتن: يادوووووووب انا ماتخنت
سلطان: إلا والله صايره برميل
فاتن وهي تضربه وتبكي: ابعد عني حمار ابعععععععععععععععععد
ضحك عليها: ههههههههه تصدقين عاد واحلى برميله يالله عاد بلاش صياح وي خدودك هالحمراء
فاتن: ابعد ابعد لا عاد تكلمني اصلا انا زعلانة منك
سلطان: عادي نرضيك وش ورانا
فاتن: ســـــــلطان
سلطان: آآآآه يا زين اسمي عيدها عيدها حبيت اسمي
طنشته وتسطحت على سرير
سلطان: ما تبين مساعدة
فاتن: لاتقرب مني
سلطان: حاضر وهو يبوس جبينها من جديد ويغطيها بالشرشف
رايح للدكتور وراجع لك
مسكته من معصمه: لااا سلطان لا تروح الله يخليك بعدين روح له
سلطان: ما طلبتي شيء .. وهذاني جالس عندك مو متحرك ابد
فاتن: احسن بعد












ღ.
ღ.
ღ.
















_


وكأن طعم هذا الشتاء مالح | مر | بارد نعم المصطلح الصحيح هو بارد ، أرصفته
باليه وبنيانه متهالكة ، وصفعاته تزيل ما تبقى بعيني / خدي من حب ، تلك الساعة
لم تعد تعرف الوقت ، ولا تستطيع رؤية الزمن مرة أخرى ، التاريخ لم يعد ينصفني
أو يعرفني هو عالق بوجهي ككل يوم أي يوم ، لا يثير في إلا بعضاً
من الروتين أو الرتابة . .
المكان سماءٌ سئمت من الصراخ ، تحلم بوطنٍ لا يتفتق ، وتتكأ على غصنٍ لا يتحطم
لم يعد للمكانٍ عينان ، فقد بصره من البكاء الكثيف الذي أذى عينه وأعماه !
كل الطرق موحشة | شاردة | معتمة ينقصها صوتُ الناي الذي يغني ، وصوتُ
قيثارة تعرف طريقها مسبقاً . .
ذالك الدكان لم يعد يقوى على الصمود تحت ضغوطات الحياه ، والعابرون وجدوا أماكن




أخرى كي تتكأ عليها أطرافهم / . . هذا الشتاء ، إبتلع الفرح في جوفه
فأخفاه عن المارين ، هذا الشتاءُ أبكاني كثيراً ، فلم أعُد اقوى على الإنتظار أكثر !
أنا عارية من أي إحساس خالية من اللاشيء إلا نومٌ يحتاجُ لعيني أتسولُ دفئاً وأتوسلُ
الله أن يزيل عن وجهي ما تبقى من ملوحة / شحوب ، أنا جائعة للحُب
فقيرة الحُب ، طفلة الحُب التي لم تنصفها الأيام ، أنا التي تُصارعُ الوجع !




على المقهى في ناصية الشارع ، الكُرسي الذي حفظ تقاسيم جسدي ويجدني لا أناسبُ غيره ، أظنُ غُبار الزمن / الأيام القاسية عانقتهُ حتى غلبهُ النُعاس ، تباً للبرد الذي الذي خلق فينا وطناً لنسيان ، وتباً للجرح الذي لا يُبرى مع الأيام ، وتباً للنعاس الذي ذوى بين أصابعي ونام ،
أتعلمُ أشتاقُ للدفءِ ، فقط لأنهُ يُزيل الصقيع عني [ فأنام ] !




























فجر: خالتي الله يهديك بس ليه مكبره الامور صديقني بيخرج بسلامة ..
أم عساف: ماظنيت يافجير قلبي حساس انه موب بخير ..
فجر: ذكري الله وصلي على النبي ..
أم عساف: لا إله إلا الله ..
فجر: خالتي انا رايحه المطبخ بسوي لتس عصير الليمون يهدي اعصابتس ..
أم عساف سكتت وهي تتذكر يوم رجع من السفر كل جسده ينطق بالوجع ومستغربة من السخونه اللي تلازمه بكل وقت ووزدات سخونه عليه يوم زواج فجير ..
ضربت على صدرها وبحسره: وغلي عليك وغلي على وليدي يالله يالله انك تحفظه وتبيقه لي يالله ياكريم ..


مدت العصير لخالتها
: خالتي خذي اشربي
أم عساف: ماودي يابنتي ..
فجر: الله يرضى عليتس ياخالتي تراتس ما اكلتي شي ان لي خاطر عندتس تشربين هالعصير..
تنهدت وسحبت الكوب ورشفت لها رشفتين وفجأة طاح الكوب وانكسر ..
فجر: طاح الشر يا خالتي ..
أم عساف ويدها على قلبها
: بسم الله على وليدي بسم الله عليه والله ماقعدت هنيه انا رايحه لولدي حتى لو ادوره بكل مكان ..
فجر: بس ......
أم عساف وهي تقاطعها: اللي سمعتيه يافجر
فتحت طرحتها وعدلتها على راسها ..
فجر: لحظة يا خالتي انا جايه معتس بخاويتس ..












ღ.
ღ.
ღ.













توتر ذبحه اكره ماعنده لحظات الانتظار هو بإمكانه يدخل عنده ويكشف عليه بس قلبه مو متحمل هو غلط صح بس ،، انا قاطعته لمدة معينة اووووف متى بخرجون
اعصابه تلفت الود وده يجلس على مكتبه ويشرب عصيره المفضل البرتقال ويتصفح كتبه واعماله ،، هز راسه وهو يطير الافكار اللي مستحله عليه تنهد بتعب وعيونه كل مالها
تزيد بالاحمرار وتعب هد حيله ... ماقدر ينتظر أكثر توه بيمشي إلا يخرج دكتور بدر .. راح له بسرعة وهو متخوف
: ها بدر طمني ..



بدر: مابيدي شي اسويه حالته متأخرة جدا وللأسف مايسفعنا لا وقت ولا علاج
تكلم وهو متضايق ..
عناد: لا تقولها ..
بدر بحزن: ادعي له يا عناد ..
داهمته دوخة قوية وبيسقط إلا ينتبه له بدر وهو يصرخ على الممرضات واللي جابوا له سرير متحرك نقلوه لاحدى الاجنحه عاطه مغذي ونام









ღ.
ღ.
ღ.









بالمزرعه
وتحديدا ب سويت الحريم



أم عناد: يمه جود دقي على اخوك ماعيه يرد علي ..
جود: اوكي ماما ..
دقت عليه هي بعد بس مايرد عليها ..
جود: مايرد علي ي ماما ..



أم زيد: لاتخافين ياوخيتي امديه انشغل ولايقدر يجينا ..
أم عناد: والله قلبي مو مطمني جود يمه دقي على ابوك ..
جود: إن شاء الله من عيوني ..
بتدق على ابوها إلا هو اتصل ..
جود: يمه هذا ابوي دق
مدت الجوال لامها .. سحبت الجوال وردت




: الووو
بتال ابو عناد: شحالك يا ام عناد ..
ام عناد: ماني بخير ولدك رجع يا بتال وقال كلها نصف ساعة وجاي وادق عليه مايرد ..
أبو عناد: هدي يا ام عناد والغايب حجته معه ..
ام عناد: ابو عناد واللي يسلمك خلني اروح له والله قلبي ما كألني عليه ..
ابو عناد: استهدي بالله وإن شاء الله مو صاير إلا كل خير ..
ام عناد: لا إله إلا الله .. الله يسمع منك ي ابو عناد ..
ابو عناد: لا اوصيك بنفسك ديري بالك ..
ام عناد: وانت بعد ..
ابو عناد من عيوني ...





قفل من عندها واستأذن من ابوه واللي بزور رضى يوافق من بعد مكالمة دكتور بدر واللي خبره عن تعب عناد معقولة ان عناد مو مرتاح بزواجه زين فجر تدري ان زوجها
بالمستشفى يارب وش اللي صاير بك ي عناد ابوك الله يستر كل هالكلام يدور بباله .... وصل المستشفى فيصل التخصصي ..نزل من سيارة البنتلي وتركها مفتوحه ودخل المستشفى
وعلى سريع وهو يمشي وصل للرسبشن
ابو عناد: لو سمحت اخوي بسأل عن مريض نقلوته للجناح الخاص ..
موظف الاستقبال: الاسم من فضلك ..
بتال: عناد بتال آل سعود ..
موظف الاستقبال وهو بكتب الاسم على شاشة الكموبيتر المكتبي
: غرفة 215 الطابق الثاني ..
ابو عناد مشكور اخوي ماقصرت ..
ابتعد وهو يمشي ووباله مئة سؤال ضغط على زر المصعد واضغط على زر 2 وبقوة بعد ثواني إلا
انفتحت بوابة المصعد خرج ومشى بين الممرات وهو يبحث عن الجناح
وصل واخير عيونه بتقر بشوفة ولده تنهد ومسك مقبض الباب وفتحه بهدوء دخل وشاف بدر





واقف فوق راس ولده واللي كان نايم ..
د بدر: هلا عمي تفضل ..
ابو عناد ماتوقع يشوف ولده بهالتعب وبذات بهذا المنظر توقع يشوفه مستانس مع عروسته بس اللي يشوفه الحين غير عن اللي راسم اللي بباله ..
ابو عناد: وش بلاه يا بدر وش به ولدي ..
بدر: والله مو عارف وش اقولقك ياعمي بس عناد له فترة يبذل نفسه بجهد فوق طاقته وأدت للغياب واللاوعي وصدمته ب اعز رفيق ادت لطيحته المفجأة ..
ابو عناد: لا حول ولا قوة إلا بالله ومن هو صديقه ؟!!
بدر: عساف
ابو عناد: متعجب عساف ماغيره ولد عبدالله ..!!
بدر: ايه ياعمي عساف طايح عندنا ومريض ..
ابو عناد: سلامته طيب هو مريض من شنو ..
بدر: مدري وش اقول لك ياعمي لكن ربك لطيف بعباده على العموم ياعمي عناد ما راح يصحى إلا بالصباح ..







ابو عناد: ماعليه انا بجلس عنده مرافق ..
بدر: اللي تشوفه عن إذنك ..
ابو عناد: مشكور وماقصرت يا ولدي ..
بدر: ماله داعي تشكرني ياعمي ترى ماسويت إلا الواجب ..
خرج بدر وتقرب ابو عناد وهو يشوف ملامح ولده عمره ما كان بهالضعف إلا على وفاة المرحوم صلاح اخوي
: آآآه ياعناد وش بلاك يابوك وش صار لك يكون غلطنا انا وجدك على هالزيجه اكيد مافي غير هذا السبب المقنع مد يده واتصل على فجر لكن الجوال مقفول استغرب
كثير بس نسى وهو يتصل على تلفون الثابت ..





ردت عليه اوني
:يس سير
ابو عناد: اونى وين ماما فجر ؟؟
اونى: اوووه مدام في مسكين هو رووح مع خاله هوو مع زوج مال انا ..
ابو عناد: نعم خرجت من متى ..؟!!
اوني: من ساعه وحده ..









ღ.
ღ.
ღ.

ღ.
ღ.
ღ.







ابو عناد: لاحول ولا قوة إلا بالله ... طيب مادقت متى بتجي ..؟؟
اونى: نو سير ..

ابو عناد : استغفر الله واتوب إليه .. زين يا اونى لا رجعت بلغيها تتصل علي ضروري ..
اوني: اوكي سير

تنهد وش حكاية فجر وش اللي مرجعها لبيت خالتها اتصل على سايق وقاله يروح لبيت خالة فجر ويجبيها ..
وفعلا وصل السايق .,













ღ.
ღ.
ღ.










فجر: خالتي لحظة الله يهديك وين تبينا نخرج بهالليل والله طريق يخوف لا اصبح الصبح نسيري لولدتس تكفين خالتي خلينا نرجع ..
أم عساف: ماني براجعه وبمشي إلين مالله يدلني على طريق وليدي انتي موب حاسه بالوجعيه اللي بقلبي ..
فجر: خالتي اوعدك بندوره بكل مكان بس خلينا نرجع الحين فشلة عيال الحارة يشوفونا تسذا ..
أم عساف: ماهيب فشيله كثر ماني قلقانه عليه لا جبتي الولد ذيك ساعة بتعرفين معنى الضنى ..
فجر: الله يسامحتس يا خالتي الله يسامحتس ..
أم عساف: لا تلوميني يابنتي ولد خالتس تعبان من يوم رجع من السفر وحالته منتكسه ماهوب عساف الاولي اللي كله نشاط وهمه ..
فجر: آآآه ياخالتي الله يلوم اللي يلومتس ...
فجأة التفت لورا وشافت سيارة واقفة عند باب خالتها
فجر: خالتي في احد واقف عند بيتس ..
أم عساف: خير اللهم جعله خير ..
فجر: خالتي خلينا نروح ونشوف من ..؟؟
أم عساف بقلة حيله: سرينا ....
مشوا لحد ما وصلوا لعند السيارة..
أم عساف: خير وليدي بغيت احد ..
وليد: انا سايق عمي ابو عناد جاي هنا بخصوص مرة طويل العمر عناد ..
فجر: بخوف اناا ..
وليد: اي طال عمره عمي ابو عناد طالبك ضروري ..
خافت زود وضغطت على يد خالتها
: يبيني انا
أم عساف: روحي يافجر وانا بشوف الجيران ..
فجر: لا خالتي وشلون تخليني بروحي انا ما اقدر اروح لوحدي مابي عناد بيزعل وربي بعد بيزعل ..
أم عساف بعناد: رووحي لعمتس وانا بروح لام خالد ولا ام فهد قلت لتس لا تخافين علي تيسري يمه لاتخليني ازعل عليتس ..

مشت ام عساف وهي معطيه ظهرها لفجر ومشت بسرعة ماتبي فجر تلحقها ..

فجر بخوف: خالتي ..








وليد: احم احم تفضلي مدام ..
تنهدت والخوف ما زال مستوطن بكل خلية فيها " معقولة عمي عرف بسالفتنا عناد قال له يا سواد وجهتس يافجير لا لا ما اظن
عناد يقول لعمي وحست بحرارة خدودها يارب وش اللي يصير فيني .. استغربت من الطريق الود ودها تسأل وين رايحه وانصدمت يوم
شافت مستشفى فيصل التخصصي خافت زود نزلت مع وليد واللي خبرها تروح طابق الثاني غرفة 215..راحت للمصعد ..









دخلت وضغطت على زر الثاني وانقفل المصعد وهي تستغفر لايكون صاير شي لعناد ياويلي يافجير لا إن شاء الله هو بخير صح قبل ساعة سمعت صوته ايه كل هذا
وسوايس من ابليس اعوذ بالله من الشيطان الرجيم
انفتحت بوابة المصعد طلعت وانا تلفت يمين ويسار ومن توتر نسيت رقم الغرفة
: ياررربي وش فيني انا وبالصدفة شفت عمي بتال
هو خرج ومستند على باب الغرفة ومغمض عينه

" مدري ليه منظره خوفني زيادة مشيت ببطئ له والكلمات مخنوقه "


فجر: عـ ....... عـمـي
فتح عيونه وفركها من تعب: فجر حمدلله على السلامة ..
فجر: الله يسلمك عمي خير وش صاير ..



مسكها من يدها وجلسها بكراسي الانتظار
: متى جيتوا متى وصلتوا هنا ..؟؟
فجر: البارحه على ساعة وحده نصف..
بتال: فجر انتي مرتاحة مع عناد ..
فجر باستغراب: مرتاحه وش تقصد عمي ..
بتال: اللي اقصده يابنتي عناد قد ضايقك زعلك بشئ ..
فجر: لا والله ماقد زعلني ولاضايقني وانا مرتاحة مع زوجي بس بس ليه تسأل عمي ... عناد شكى لك شيء قال شيء علي ..
استغرب منها: عناد توني شفته بس هو ما شكى لي وش مخبيه يافجر عني ..
فجر: هااا لا ولاشيء ياعمي اقصد ان ان ..
بتال: شنو يابنتي ترى حالة عناد ابد ماهيب عاجبتني إهو مريض ..
وعلامة الاعجاب والدهشة فوق راسها
: مريض مين قال لك ..
بتال: انا شفته بعيني يابنتي يافجر الله يرضى عليك وش صاير بعناد ماهو عناد الاولي ..
فجر بكت وبكت اللي خايفه منه صار
بتال: لا حول ولا قوة إلا بالله اهدي يابنتي وفهميني وش صاير بينكم ..
لكن فجر ما ردت عليه وهي تتخيله مريض كله بسبتي انا السبب انا السبب ..





بتال: سبب في شنو انتي وش تقولين يابنتي لاتبكين وفهمني وش قاعده تقولين ..
فجر وهي تمسح دموعها
: عمي هو هنا صح صح عمي ..
تنهد بتعب هالبنت راسها عنيد وظاهر ما راح تقول شيء..
: الغرفة اللي قدامك اسمعي يافجر انا رايح الحين وراجع في الصباح انتبهي على نفسك وعلى رجلك راح ادق عليك وأخذ اخباره منك ..
فجر: بس بس

انا ماجبت جوالي لان شاحنه خلص ..





بتال: ولايهمك خذي جوالي هذا راح ادق عليك ..
هزت راسها وخرج عمها وابتعد عنها سمت بالله وهي تقوم من مكانها ومسكت مقبض الباب بيدينها اللي تترتجف مترددة تدخل ويطردها مثل
عساف تنهدت وفتحت الباب دخلت داخل وشهقت يوم شافته متسطح على سرير الابيض وشاش ابيض ملتف حولين راسه ووجهه الاصفر الباهت والهلات
السوداء اول مرة تشوف ملامحه عن قرب تقدمت خطوة وجلست على سرير ومسكت يده اللي محتضنتها المغذي رفعت يده الكبيره وباستها أول مرة تتجرأ وتسويها
وهي تتلمس اهداب عينه ومن انفه يوم وصلت لفمه الجاف شهقت وبكت وهي تحضنه وتبكي على صدره
: سامحني عناد انا آسفه والله والله ما عاد عودها تكفى عناد سامحني والله والله توني اعرف ان صديقك عساف ولد خالتي والله ماكنت اعرف سامحني حبيبي
سامحني
وبكت وبكت لحد ماتعبت اهي بعد نوم مامر جوفنها تحس بصداع وقوي عليها غمضت عيونها بعدت عن صدره وانسدحت جنبه بنفس سرير الابيض وحطت راسها على
صدره وهي تدفن عمرها تحس بغشواه وعدم رؤيه وغابت بعالم الاحلام ...












ღ.
ღ.
ღ.












اصوات زغاريط اللي ماليه الجو فرح وسعادة



جمانه: تصدقون ما اصدق ركونه تزوج
مها: اقول لايسمع اسمه تسذا ثم تشهدي على عمرك
جمانه: اقول اسكتي بس ما اقول إلا الله يصبر مرته على ملاقته
مها: ههههههههههههههههههه كل ما تذكر مقلب الحلاو اقعد اضحك
جمانه: ياحيوااااااانه لاتضحكين ضحكتي من سرك بلى في شكلك
مها وهي تمسك بطنها وملك ابتسمت وضحكت معها
جمانه: ضج انكم سامجين
مها بعد ماوقفت نوبة الضحك: بعض مما عندكم
جمانه: لاتكلميني انتي وهي بروح لأمي فديت قلبها ولخالاتي مالت عليكم وهي تكش بيدها


مها: آآآآآآآآآآآآآآآه وكأن المقلب توه صار
ملك: حرام عليك خلاص ماتشوفينها تضايقت
مها: ههههههههه مو بيدي




هذا الله يسلمكم اخوي سلطان
عنده بنوته اسمها (جود) توها صغيرة تقريبا عمرها سنتين او ثلاق>> اتوقع خرفت بالعمر بس ماعلينا
تعرفون الاطفال دائما مايمشون فاضين اليدين لازم بيدينهم شئ <<حالة الله
المهم هاذي جود ماتمشي الا بيدها وحدة رضاعة ويد الثانية مصاصة
اللي حولي يعرفون اني اتقرف من الاثنين(مصاصة+رضاعة)
مجننتهم بصراحة من اول ماادخل بيت اخوي
اخذ المصاصة وارميها مااحب اشوفها بفمها اكرهها
لو تشوفونهم دائما مسنترين عند الصيدلية يأخذون بالجملة مصاصات
ارحمهم والله ساعة او ساعتين وهي مرميه بالزبالة الله يكرمكم
المهم يمكن المصاصة اهون من الرضاعة < هاذي تقرفني مرة
تخيلوآ طفل يمشي ويرضع ياليته يرضع هو منسدح اهون شوي
كبر جدتي ويرضع>>يعععععععع قرف

المهم والزبدة سيد راكان عرف السالفة
لانه يستغرب كل شوي مها تقووله جب لجود مصاصة
ضاعت مدري وينها بالاخير جاء ولد اخوي جواد
فضح بي قال ترا عمتي جمانه هي اللي ترميها تقول
وع وترمي مايهمه احد >>ايه ي جواد ماقدرت تستر ع خالتك هين
المهم جاء يوم التحدي
وكنت عند بيت عمي أبو فهد
جاء راكان ومسك جواد على جنب قال
: عمتك جمانه موجودة
جواد: ايه
راكان: رح قلها يقووول خالي راكان اذا شربت رضاعة جود هاذي
>>وجايبها معه ولد اخوي قل له اللي تبي بقيمة 1500و اعطيها كاش
عاد انا ماصدقت تحداني واحب التحدي
قلت يقوووله من جد واللي يكذب علي يبيني اشرب قال لا والله يقوله جد
عاد مها وملك يقوولون قرف وشلون تشريبنها بعد فم جود ومن هالكلام
المهم قلت لهم:
ماعلي فيها تحدي ومقابل شئ والله ماافوتها
الحمدلله انه كان بالرضاعة عصير مو حليب ولا حامت كبدي سنة ماتأكل شئ
قال راكان: يالله تشربها دامني موجود
قلت له: عَ قد كلمته
جواد: ايه يالله بتشربين والا هاتي " الظاهر ولد اخوي هو يبي يشرب عشان يكسب "
بس انا هنته شوي
جمانه: خلاص اشربها الحين
انسدحت وغضمت وسميت وشربتها كنت بقمة القرف بصراحة عاد يوم خلصت
جود وجواد ينقزون من الفرحه: عاشت جمانه عاشت جمانه
جمانه: ايه عشت اجل ماعشت
المهم من يوم ماارسلت الرضاعة لراكان وهي فاضية
راكان: جد شربتها ولا كبت نصها
جواد: لا شربتها والله

يجي ولد اخوي جواد ومعه 1500
عاد واعشيهم ذاك الليلة بس انا جلست يومين مااكلت شئ
كله من هالرضاعة
المشكلة عاقبني يقوول تقعد نص ساعة ماتاكل شئ ولاتشرب وراه شئ
<< والله ماجبت خبره رحت لدورة المياة
( الله يكرمكم ورجعت كل اللي شربته)
واهم شئ اني كسبت 1500 ريال وانا مغمضة










أم خالد: تعالي يمه هنا
جمانه: فديتك خالتي .. يمه متى بنرجع
أم سلطان: لسة يابنتي بدري وش فيك طفشانه
جمانه وهي حمقانه: في ناس هنا يرفعون لي ضغطي وانا ابي اروح
أم سلطان: جمانه عن العياره زايده
جمانه: لا حوووووووول

قامت من عند الحريم وخرجت برا البيت وراحت للحوش من خلف ما كانت منتبه لنظراته

راكان: تفضل يا مشعل ترى البيت بيتك ياخوي
مشعل: تسلم يا أبو سعود

بعد ما وصل مشعل رجع لها وهو صاك على اسنانه: انتي وش جابك هنا
انصدمت منه وهي تمسح دموعها: انت اللي وش جابك
راكان بقلة صبر: قومي اذلفي داخل لا اشوف رقعة وجهك هنا
جمانه: مالك دخل
راكان: تعوذي من ابليس وادخلي داخل لاتخلين احط حرتي فيك
جمانه بتحدي: اتحداك اصلا
راكان: بنــــــــــــــــــــــــــت
وهو معطيها ظهره: ابعدي من هنا دام نفس عليك طيبه
جمانه: مابي يعني مابي انت ماتفهم
راكان: استغفر الله واتوب إليه وبعدين انتي وبعدين مع حركاتك الزمي حدودك وستري نفسك يابنت الناس

بس الحين توها انتبهت على لبسها القصير واللي حذرها سلطان ماتلبس الفساتين القصيرة ..
انصدم يوم شاف عيد ونظراته اللي تتفحصها: وش تسون هنا
راكان: انت وش جابك هنا
عيد بخبث: اللي جابك جابني
راكان: عيد انت فاهم السالفة غلط
ضحك عيد: اقول راكان بعد ماتشبع منها ارميها علي
راكان ضربه على كوعه وصرخ وكل عرق ينبض برقبته: انقلعي دااااااااااااااااااااااخل
من الخوف تصببت وتنهت وتسمرت واقفة بمكانها
لالالالالالالالالالالالالالا هذا هذا عيد لالالالالالالا يوووووووومه قلبي اخخ
راكان: ماتسمعين انتي ولا صمخه اذلفي لا بارك الله فيك
جمانه: لالالالالالالالالالالالالالالالالالالالالالالالالا .. لالالالالالالالالالالا

رااكان انصدم من فهاوتها هي غبية وإلا تستغبى
: يمين بالله ان مانقلعتي الحين لي تصرف معاك تصرف مايعجبك ظفي وجهك اشوف
واخير قررت تحرك رجولها ودخلت داخل من باب المطبخ الوراني وسندت نفسها على الجدار لالالالالالالالالا راسي آآآآآآه راسي لالالا معقولة خالي خالي يصير فيه تسذا عيد الاخ والاب والخال يصير كذا وهي تهز راسها وقلبها يدق طبوووووول


مها دخلت تشرب لها مويه وانصدمت بجمانه ووجهها المزرق
: بسم الله عليك وش فيك جمانه
وهي تهز راسها علامة الرفض
مها: ياويلي جمووون وش فيك حبيبتي
صرخت ب اعلى الصوت: يمممممممممممممممه خااااااااااااالتي لحقووووووا علي







ღ.
ღ.
ღ.






نهاية البارت
ادري انه قصير بس هذا اللي طلع معي
ترقبوني بالبارت القام وبأحداث شيقة وجميلة

قراءة ممتعة للجميع


واهنئ لطاقم الإشراف

ضمني بين الاهداب ، روح زايد
ليل الغرباء ، همسات وردة ، وردة الزيزفون ، معزوفة حنين


امارسُ عادَة حُبهم ، منذُ أصبحتُ وليدَة اللحُظة الأولى هنا

أراقبُ الطُيور المهاجرَة ، وهِي تحملُ بين أجنحتها
رسائلَ الامتياز |

ومنها للأعلى ب إذن الله


وبالنسبة للستآر
كان بالنصيب نونه حبيبة قلبي
واموولهـ وزيزفوني
يستاهلون ^^

بقلمي:
نَيرُوز أحمَدْ ,