موقف فى الفندق --- مشارك فى المسابقه

الحقيقه الموقف ده ماحصلش معايا لكن مع زوجى
كان سافر فى رمضان من فتره علشان يعمل عمره
وكان معاه شريك فى الغرفه فى الفندق اللى نزل فيه
طبعآ زى ماانتم عارفين درجة الحراره فى المملكه
مرتفعه ازاى وطبعآ محدش يقدر يعيش من غير المكيفات
وجوزى لأنه مابيتحملش درجة الحراه العاليه
كان يرجع من الحرم على غرفته فى الفندق ويشغل التكييف
على أعلى درجه المهم مع اختلاف الحراره بين الخارج
وغرفته بدأت درجة حرارته ترتفع وبدأ يتعب جدآ
فطلب من شريكه فى الغرفه انه يقلل درجة التكييف
هو ماطلبش منه يقفله لكن يخلى درجة البروده مش عاليه
لأنه بدأ يتعب جدآ والموضوع قلب معاه بنزله شعبيه
المهم شريكه ده الله يسامحه رفض على الرغم من
حالة زوجى واصر على موقفه وقال لجوزى لو تعبان
يغير الغرفه لكن التكييف هيفضل زى ماهو
ولأنه كان فى رمضان والعمره بتكون زحمه
كان الفندق كمبليت وما كانش فيه اى غرفه فاضيه
كانت النتيجه ان زوجى استسلم واتسبب ده
فى اصابته بحمى شديده جدآ
لكن ربنا ستر واحد اصدقائه اخذه للمستشفى
وقضى زوجى معظم فترة العمره فى السرير
وده بسبب انسان مافكرش غير فى نفسه
وماهمهوش ان غيره يتأذى
((كان الله فى عون العبد ماكان العبد فى عون اخيه))
مع تحياتى وودى