ديمه ورياض : متحمسه جدا لقصتهم
رياض زي اغلب الرجال ينكر انه يبيها وحطها انه ولده تعلق فيها
وديمه طبيعي تكرهه دام هي تسمع هالكلام منه

ندى وعزام : استمتع وانا اقرى لهم حتى اني عدت مقاطعهم كذا مره
احسهم لهم عالم أخر بعيد عن الروايه

فياض ونجود : حياتهم مشكله عويصه لاتعليق لدي
فياض ماضيه قوي وندمه عليه ابد مو حل لان شي وصار ولافات الفوت ماينفع الصوت

ترف وطارق : ترف تكونين هبله لو سكتي
ماانتي عبده مملوكه عشان نهايتك حبس بحمام

طارق : درينا انك عصبي بس لاتخلي عصبيتك شماعه لكل اغلاطك

غنادر وعبدالعزيز : حياتهم رائعه لكني متخوفه من الجاي بسبب دراستها

^
مادري نسيت احد ولا لكن ذولا الي علقوا بذاكرتي

ام وسن : مو غريب عليك الابداع فروايتك اعطني حريتي الى الان عالقه بذاكرتي
لم انسى حدث منها لمدى روعتها

بس حبيت اطلبك طلب اذا تقدرين نهايه كل بارت تعطينا يوم محدد تنزلين فيه البارت الجاي عشان نكون بالصوره
لاني وصلت لاقصى درجات الحماس

رواية متميزة ام ووووووووووسن انا قارئة جديدة بروايتك وبهالقسم .من اول ما بديت روايتك قبل يومين مو كثير وانا كل ما اشيك عالنت افوت طوالي هووون وعالفون كماااااان .احس عيوني صارن قد النملة خخخخخخ كل ما اقرا فصل ما اقدر اتحمل واقرا اللي وراه .عندك اسلوب يشد القارئ بيطريقة عجيبة ...شخصياتك متميزة فعلا .وحبيت شخصية ديمة جدا ....احسها عنياتها .وما تستاهل غير هالخبل رياض

بانتظار البارت القااادم لا تطولي عليناقلبي.ويا ريت تبقي تقوليلنا متى بنزل كل باااارت

السلام عليكم ..


[ 26 ]
____






[ عزيز * ]
_______


.. طلعنآ بعد العشآ نريح وننآم ..
وقبل رحت لديمه .. بعلمهاا بخبر ملكتهاا
اللي تفركشت ...


اللي يكتب لهاا الخير ...
ما امدااني يضيق صدري ..
الاا ورياض متصل يبي يشووف
اذا اناا ابي فزعه لبكره بالملكه *..
او احتااج مساعده والاا شي ..


قلت له بضييق ..
/ والله ياخوك ما الله كتب نصيب *.!
*لعل فـ الامر خييره ...


رد بحيااديه ..
/ افااااااا يا ذا العلم ...!
يعني بكره الموعد تنكسل ..!


قلت وانا احاول ما ابين شي من ضيقتي ..
/ مايدرى ووش الخيره فيه ..
وربي بيعووضهم خيير ..


قاال بترردد ..
/ اااا يعني خلااص ..
هي مااهيب لم احد ...!!


ااااا اجل ياولد عمي تراني شاريهاا
ابي اخطبهااا ...
واسالو عني وشوفو رايهاا
عشاان اقول لابووي يجي يخطب رسمي*
ونتمم كل شي ..
*


مسكت نفسي .. وانا احس اني بطير
من الفرحه ...
قلت باتزان ..
/ مايحتااج نساال عنك ..
انت ولدناا .. وخابرينك ..
انا بشوف راي البنت وارد لك خبر ..



.. قلت لديمه وصدمني ردهاا ..!!
صدمني تقبلهاا لفكرة الملكه اللي انتهت قبل لاتبداا ..
وصدمني رفضهاا لريااض ...!
وصدمني اتهااامهاا لي اني بديت رضا غنادر
على مصلحتهاا ...!
نرفزتني الخبله ..



*طلعت منهااا معصب وداايخ وضاايق ..
.. شفت اللي شوفتهاا تبري العله ..
بكل نعوووومه تحرك مثل الفرااشه ...



.. قعدت آتحكحك بحيييره ..
مآآآش تعودت ع الحضن والدلع والدفى ..
والليلخ بالذااات ابي ارتااح ع صدرهاا
وانسى ديمه وحرقتهاا لاعصاابي ...



قلت آبستخف دمي عليهاا شوي ..
كود ترضى وتنسى ...
مع ان نفسيتي مااهيب لم مزح وخفه ..

/ كل مآسافرت مآ ارتاح بالسفر ...
الآ هالسفـــره آلمآء والخضرره والوجه الحسن ...


.. ابتسمت بهدووء ..
وهي تشيل كل اللي لآبسته ع اصابعها ونحرهآ ..
.. قربت لهآ ومآعآد بي صبر ..
طآآآر الثقل كلـــه ..!


.. قلت بهمس وآنآ آغمز لهآ ..
/ تعبنآ اليووم ..*
يآ الله ننآم ..!

.. صدت ورفعت خشمهآ وزمت شفآيفهآ بآعترآض ..!!
.. بعدت عن حضنهآ ع طوول وبهدووء ..
صحيح آبيهآ ولآنيب مخليهآ ..
بس مآنيب جآبر نفســي عليهآ ..
وآكرام النفس هواهآ ..


*.. مآحآولت اسألها ليه .. والا آترجآها
.. نفسي عزيزه ولآنيب هآينهآ ..
ولآتحسب انهاا بتضغط علي بهالطريقـــه ..
*عشآن اغير رايي فدراستها..



.. رحت لفرااشي ونمت ع طررف السرير ..
وعطيتهاا قفآآي وبدآخلي نآآر ..
تعووذت من ابلييس وقعدت استغفر ..
بعد ما امرتهاا بحده ..
طفي اللمبااات لااقضيتي ابناام ...



•
•

[ غنااادر ]
_______


ماا اقدر آجبر رووحي عليه وآجآمله وآناام باحضاانه ..
وقلبـــي علييه شاايل ..
انآ ماا حبه ولآ اكرهه للحين *..
*لكن موااقفه معي خلتني آرتااح له ..
الآ اعترااضه ع مستقبلي صدمني ..!


ادري اهلنا للحين مآبعد تقبلو فكرة الطب والاختلاط ..
بس آناا آبي آكون آول دكتور بعايلتنا ..
وآحب الطب كمهنـــه ...

وحتى لو يبي يرفض ..
ماهو مبرر ينهي النقااش وهو ما ابتداا
.. طيب يقنعنـــي باسبابه واناا لي الحريه اقبلهاا والا لآ ..
اقتنع فيهاا والاا ما اقتنع ..
لكن تعسف ورفض ع طووول ...!
... ثم لو فيه اختلااط باكوون بادبي
وكلن يعمل بتربييته ..
راح البس محتشم .. ولاا راح يكون فيه خلوه
ولا رااح اعطي ووجه لااي واحد يستخف دمه معي ...


.. واللي يحترم نفسه يحترموونه النااس ..
*..ولو وحده غلطت ماايعمم الغلط ع الجمييع ..
.. اووووووف شكله نااام زعلااان ..
ابكيييفه هو اللي جاابه لنفسسه ..
.. استغفر الله ..
ربي لاتوااخذني ناام وبخاطره شي علي ..
تنهدت وآناا انسدح ع الجهه الثانييه
ونمت واناا افكر بطريقـــه اقنعه فيهاا ...



•
•



[ طآآآآرق ]
_______

.. آنقهرررت يوم شفت آهلهاا
الموضووع بيكوود اكثرر ..



طمنت خاالتي ع بنتهآ ..
وآنه انخفآض من قل الاكل و بس ..
وآناا حآس انهاا بتنكبني آذآ صحصحت
وبتكب كل شي صآر *لآهلهاا ..

بس وررربي لو سوتهاا*
انه آخر مآبيــــني وبينهااا ..
وهي الخسرآآآنه بحبهآ لي ...

*
.. كنت متكي ع الجدآر ومكتف يدينــي ..
ثاني رجلي ع الجدار ورااي وعااقد حوااجبي بتفكير ..
آدري غلطآآن .....
بس تخليهاا بيننآآ وابعتذر لهآ
وكل شي يتصلح ..
سآآعه غضب وهي وقفت بوجهــــي ...


.. شفت خاالتي طآلعه منها
وقربت لي ....
عدلت وقفتي وعينـــي بعينهاا من ورى برقعها
آبشووف ردة فعلهااا ...!
.. آنبهت يوم سمعت بنبرة صوتهاا تطمين وحناان لي ......!!

/ آبشررك يابووي ماافيهاا الآ العاافيه ..
بيعطونهاا هالمغذي وتطلع ..
الله يصلحهاا لآزم نلزم عليها تآكل والآ تطيح عليناا ..
آجل تقووول من يوووميين ما اشتهت العيششه !!
لو اني ماانيب خاابرتها توها مغسله
والاا قلت توحم ..!
.. آدخل شوفهاا .. ترآ مآعندهاا آحد ..
وكانك ودك آخذهاا هاليوومين عندي
لين تستصح ترااه ازيين لكم ..



تنحنحت وبرسميه ..
/ الله يبشرتس بخيير ..
آبدخل آشوفهااا ..
وآخذهآ لبيـتـــــنآ ..


.. دخلت وآناا مآوودي آدخل ..
ع الااقل لين ترووق ..
آدري شوفتهآ لــي بتستفزهااا ..
و لآ ابيها بعد تروح لاهلهاا ..
ابيهاا ترووق ببيتناا ثم اراضيهاا ...
مهمآ كآن ...
اللي سويته مآ يسوويه عآقل ..
ولاله عذر آبد ...



.. وقبل لآ افتح البااب ..
ترآآجعت *بتردد ..
آووووووووووف .. ليه آتردد !
عزمت *آمري ودخلت ..
خيير وش صار يعني ....!
كنت معصب وغلطت ..

**
اعتذاار وبعتذر ..
وغيييره مااعندي ..
ان رضت والاا البااب يفوت جمل ..
فتحت البااب بثقه ودخلت ..
طااحت عيني بعينــهاا وصدت ..


جلست ع الكرسي المقاابل لهاا*
وبصوت جهوري*
/ سلامااات مااتشوووفين شر*


ماردت علي ...!
انتظرت دقيقه والصمت بينناا
وهي معطيتني ظهرها وشكلهاا تبكي ..
وقفت وقلت بثقه ...
/ المغذي شووي ويخلص ..
آخلص اورااقتس وآجي آخذتس*..


.. ردت ببحه وهي ع نفس وضعهاا
/ برووح مع اهلي ..


ضبطت اعصاااابي
ورديت ببروود ظااهري ..
/ مالتس لواا
اهلتس قد رااحوو
وبنرجع سواا لبيتناا ..
وطلعت اخلص اورااقهاا ..
واصرف اهلهاا بعد ماتطمنوو عليهاا ..!



•
•


[ ترررف ]
_______



.. كآرهتـــه بهآ اللحظه ومآطيق آطآلع بوجهه ..
.. سكررت عيوووني بآلم لمن سمعت صوووته ....
.. بكل وقآحــــــه دآخل يتطمن علي ..!
.. آدري مآهوب حبآ فينــي آلآ خوفآ من آهلي ..
.. دعيت ربي مآيوآفق ع روحتي لآهلي ..
لآني لو رحت ماعااد نييب رآجعه له ..
وآناا مآ ابي افجع آمي وإبووي*
بردتي عليهم مااكملت الشهررين ..!



.. ولآ آبي آقوولهم اللي صآآر
لآ لهم ولآ لغيررهم ....
لآنه آهاانه بحقي وحق آهلي ..
وبكره لو بنسى آهلي بيبقون يذكرونهاا
ويذكرووني بهاا ..
.. بس .....


.. مهمآ بلغ حبي له ...
الآ كرامتــــي ..
لحد هناا ويووووقف حبه ..!
وحقــــي من بين عيوونه آبآخذه ..


.. فكت الممرضه المغذي ..
ولبست وطلعت ورااه ..
والصمت هو جونااا ..


.. دخلنا البيت هو جلس بالصااله ..
وآنآ رجلي حآرت بمكآنهاا .....!
.. وقفت عند الباب وعجزت لآ ادخل ..
التفت علي ...


ورفع حاجبه مستنكر وقفتـــي ..
بهدوء قالي بأمر ..
/ آدخلـــي ..
ووش بلااتس وآقفه ..!



.. آآآآآآه وتسآل بعد وش بلآني ..!
بلآي الجرح اللي بليتنــي فيه ..
هزيت راااسي برفض وانا بمكااني ..


.. لآ اقدر احكي ولآ اقدر ابلع الغصه وآجيه
شفته آقبل علي ..
وانشد جسمي كله برفض لقربـــه ..
مسكني بيدي يبي يدخلني ..
وفلتهاا منه ..
مقدر والله .. غصب عني ...
مااقدر اتحاامل على نفسي اكثر من كذاا ..
ناظرت بشنطتي اللي بالصااله قريب الباب..
لهاا يومين هنااا بهالمكاان ....
كنت مجهزتهاا للعمره ..!



.. قلت وانا اصد عنه ..
/ ابرووح لآهلي ..
ماالي قعده بمكاان انهنت فيه ..


مسك اعصاابه وهو يحاول يضبطهاا
/ تعوذي من ابليس ..
انا بقوولتس اللي صاار عشاانـ..


صرخت بقهر
/ مآآآآآآبي مآآآبي اسمع اي اعذاار
لانهاا مرفوووضه قبل تقولهاا ..
.. ابي ابعد قبل لـ....

قاطعني بصرخه بعد مافلتت اعصاابه ..
/ بنت !!!!!!!!!!!
ادخلي احسن لتس ..
وقسم بالله لو عتبتي خطوووه
وووحده برا البيت مااالتس رجعه
وهذاااااني حلفت ...


تخطيته وخذت شنطتي اللي عيني عليها
وهو يحكي ...
شلتهاا وقلت له ..
/ انا اللي بـ بر بحلـــفك لاني منيب رااجعه له
لو تحفي رجوولك ياولد السلمااااان ..
**



[ ديمــــه ]
_______


.. مسووويه برج مرآقبــــه على عزيز و غنآدر ..
.. آحب آرآقب العرسآن ..
يمكن آصيد حركه هيييك والآ هييك ..
شفته يتلفت وسوويت عمري موب يمه ..
وآنااظره بطرف عينـــي وآراقب وجهه ويدينه ..
.. شفته ينغز غنآدر من جنــــبها ..
وهي آرفعت عينهاا وبسرعه ردتهاا للارض بحيآ *..
*
يوووووووووووووه*..*
الحمد لله والشكررر بس ..
.. ع ويش تستحي ..
والله لو ينغزني رجلي من جنبي لآلعن خييره ..
مآطيق آحد يلمسني مع جنـــٓبي ..
اقعد آضحك ضحك يووجع لحد مآ آبكي ..


.. شفته يقرب لهاا الحلاا والتمر ..
خزييييته بعيني ..!
ذا عزيز والآ مبدل .....!
ماانتب سهل مآ عااد الآ يوكلهاا ..


.. آلتفت عليهآ وبحنآن ..
/ غنآدر آطلعي ريحي فووق بغرفتــنآ ..
بكلم ديمـــــه وآجيتس ..

استأذنت وطلعت ..
وآنآ اطآلعهاا بعين ...
يآربي !!
حبه حبه تمشي ..!
وودي آشيلهاا واوصلهآ توصيل سريع ..
.. تخيلت عمري وآنا اشيلهاا هههه


تذكرت عزيز انه منااديني الحقه بالمقلط ..
مآ شآء الله علييه ..
محظووظ في غنيييده ..
هو عاادي جداا وهي تقطر حلآ وملح وزين ..
وفووق هذا رغم انهاا اصغر مني ..
آحس يعتمد عليهاا
ولو بتجيب اطفاال بتعرف تربيهم ..


.. وووه ..
لو آجيب بزر يمكن يشيب وهو فـ المهآد ..
مآعرف لهم ولآ حب لبس فصخ اكل غسل هم هم صح ..
الاا بنقطه ...
احب الآعبهم وارفع ضغطهم ..*
ومووب كل الاطفاال ..
بس الدبدوووبيين والحلوووين والنظفيين ..


.. بغيييت اتوطاا بعزيز الجاالس ما انتبهت له ..
.. مااشفته اشغلتني افكااري ...!

/ وووجع ووش فيتس ..!
بغيتي تطبيين في حضني ..!


.. ضحكت ..
ههههههه ووش اسووي
كنت سرحاانه ..


طاالعني برحمه وشفقه ..
/ ووش تفكرين فيه يا الغلااا ..!
اللي يرووح يجي بدآله خلف ..،


.. قلت بصدق ..
/ آفكر ....
غناادر غبيييه ..
ليش تواافق علييك وانت شين وكبيير عليهاا ودفش ..ولاملح ولا زيين ..
وهي صغييره وحلوووه ودلووعه ..


مااكملت مسبه لاانه رفسني برجله
وحذفني بمسباااحه ..
نطت عرووق عيييينه وعصب علي وهو يتلني بطرف كمي ..

/ قووووولي ذاا الحتسي عند غناادر
عشاان آهد ضرووتس ..
الرجااال مخاابر ماهييب منآظرر ..
*.. وهي مآ وافقت علي ..
الآ وهي عقلهاا في راسهاا ماهووب برجلهاا مثلتس ..!


عدلت جلستي وواسيت ثووبي ..
قلت بقهر ..
/ طيب عااد يصلح تعلمني من دون شووته ..!
اناا قلت اللي ف رااسي وافكر فيه *..
ااكذب عليك يعني ..!



*ترااجع وتسند ورااه ..
/ خل افكاارتس المعفنه في رااستس*
ولا تقوولينهاا لو لعمرتس ..


زفر وهو يتعووذ ..
ثم رجع يطاالعني بابتسااامه ..
صديت عنه يقاالي زعلانه ..
الحمد لله والشكرر ..*
صدق نفسيييه وش يضحكه وهو قبل ثوااني معصب ..!


/ معتس خبر ان تحااليلكم انتي وابراهيم
سلبييه ..
رديت بقهرره ..
/ ابركهاا من سااعه ..
دااامه خوويك فالطيور على اشكاالهاا تقع ..


فتح عيينه مصدوووم من ردي ..
علق بصدمه ..
وهو يخزني بقوووه ..
/ طاال لساااانتس ..
تردين علي ..!


قلت بضحكه ع شكله ..
/ هههههه توووبه توووبه اتوبهااا
ماعااد الاا ابلع لساني ..


ابتسم بثقل ..
/ زييين ماداام عاادي عندتس
فالحمد لله ..
وربي عووض عليتس ..
فيه دكتورر خطبتس مني ...
وتحااليله واالمه و ...


.. قااااطعته ..*
.. ماااانيييب مواافقه ..
ماااابي رياااض ..!


.. فتح فمه مذهووول ثم عقد حوااجبه ..
يممممه يااشينه لانااظر كذا ..
/ وووش درااتس انه ريااض...!!



.. تنحنحت وبدفااع ..
/ اصلا ماافي عايلتناا دكتور الاا ريااض
ولاا نيب مواافقه عليه ..



.. انفكت العقده شوي ..
.. بس لازال اثرهاا بين حوااجبه ..
كمل بثقه وتطنيش لرايي ..
/ البنت ماترد ولد عمها ..
وريااض رضيناا خلقه ودينه وبنزوجه ..
مااالتس حجه علييه ..


وقفت بعصبيــه وتخصرت وانا اهز..
/ لااا والله ....!
.. عشآن المداام ماتزعل عليييك
قلت ارضيهاا بغصيبة ديمه ع اخوهاا
المتخلف رااعي السواابق ..
.. وش يضمني بكره ماايجيني وبيده*
بزر اسيووي والا افريقي والاا من اي داهيه
ويقوول ذا بعد ولدي يوم كنت طاايش ..!

*
معصـــي والله آخذه ..
واللي يبي يرضي مرته يرضيهاا بعيد عني و *....


مااكملت لان الفنجاال ضرب بعرقووب رجلي
بغى يغمـــى علي ..
.. وقف بعصبـــيه وشد على يدي المكسوره
/ ومررض بلاا مرض ..
ووش دخل مرتي فـ الساالفه !!!!
.. لاعااد اسمعتس تقوولين مرتك ومرتك ...


ياااغبيييييييه ..
ابدي اخوهاا عليتس !!
لو انه ماينسفط ماابغيته لتس
*والله العظييم اني متكاثره عليتس
والاا انتي سفيييه ..
يبي لتس مية سنه عشاان تعقليين
وفيهاا تعقلين والااا لاا بعد ...
ترك يدي بعد ما استووعب بكااي من وجعهاا
ونفض يده مني ..
.. خلتس لااتوافقين ..
مانيب غااصبتس ..
بكره تعنسييين ولاايجيتس الاا كل شاايب والا عايب ..
وتقولين عزيز قاال ...


شفته يعطيني قفاااه ..
والدموع مغطييه وجهي ..
دخل ورااه سعود النذل وقعد يعاايرني ..

/ واااكككككككك وااااااككككك تبكي
ادموعهاااااا شوفوهاااا
هاااهااااهاااي تبين مصااصه والاا ننه ..


هناا *ماعااد تحملت ثقل دمه
وحرة عزيز سواا ..
دفيته بقووووووووووة حرتي وقهرري*
ع الجداار اللي ورااه .. وطلعت ..



•
•


[ فياااض ]
_______


طوول اليووم وانا براا
ابي اعصاابي واعصابهاا تهداا *بعد البعد ..

رجعت ع المغرب ..
وانصدمت ...
ولاااااا شي من اغراضهااا موجوود !!
مااصدقت ...!
رجعت افتش زيين ثااانيه وانااا مشتعل ناار ..
وووين راااحت ..!
مجنووووونه ذي ..
في ديره ماهيب ديرتهاا
وين بترووح يعني ...!


نزلت للرسبشن سريع اسالهم عنهاا
وللاسف ..
مايدروون ...!
لان اللي مناوبين الصبااح انتهى دوامهم ع المغرب ...
.. هي عااقله وبراسهاا ..
اكيد مارااح تفررط بروحهاا ...!
اجل ووين راااحت ...!!!
ماتعررف احد ابد هنااا ....
ياارب سترررك .. ياارب استر عليهااا واحفظها ..
*استودعتهاا الله الذي لاتضيع ودااائعه ..
..اتصلت بجواال عبوودي ولدي ..
وحاولت استغفله واستدرجه بالحكي ..
يمكن وصلهم منهاا خبر يطمنهم عنهاا والاا شي ...!
وقبل لاا اساال ولا سؤاال ..
رد عبوودي برد طفااا نيراااني واشعلهاا من جديد ..
/ يييييييبه لييش ماجيت مع امي وخالي طارق ...!
انت وااعدناا ..
اذا رجعتوو توديناا للي نبي ...


سالته بتوجس ..
/ من متى امك وااصله ..!


رد ببرآءه ..
/ يمكن من ساعه تقريبا ..
نزلهاا خاالي ورراح ..

قلت /
انت عندهاا عطهاا الجواال بكلمهاا
ولااحد يدري ..
ولاتقولها ابووي ...

سال بفضوول ..
/ ليييييه ..!

رديت اجاريه ..
/ انا بجيكم ع الفجر ..
ولاا ابي احد يدري ..
هاات امك ...


ثوااني وجاني صوتهاا العاادي
/ هلااا ..*
الوووو ...!
من معي ...!


كنت اسمعهاا واناا استغفر
واجذب انفااسي لاتنقطع من القهر
رديت بهمس وقسووه قبل لاتسكر

/ معتس رجلتس يامحترررمه
.. طاالعه بدوون اذني ولا شوري ..!
ومفزعه اخوووتس بعد ..

*زين خلي اخوووتس ينفعتس ..
ومثل مااخذتس يردتس ..
لان هذي اخر مره اكلمتس فيهاا
والبيت لابغيتيه *تدلين دربه ..
وسكرت السمااعه بوجهها ..


حريم مااينعطن وجه ..*
لادلعتهاا قالت من اناا بنته ..!
بنت شيووخ يوم يدللني ..
تعوذت من ابليس ورحت اشووف انا الحق على حجز والا لاا ..


•
•


[ نجووود ]
_______

نزلني طاارق ومشى ..
وحمدت ربي ان امي وابووي طالعين ..
ماافيه الاا عنود .. وعبود ولدي وغدو ..


سلمت وطلعت ..
قلت لعنود انا مصدعه وابي انام*
قبل تجي امي وابووي ...


قفلت غرفتي علي ..
وانهرت ابكي ..
محتااره .. واحس ان فكري مشووش
مدري اناا صح والا غلط ..


تذكرت كلاام طاارق لي ف الطياره
بعد ماعرف سبب زعلي وانهيااري ..
/ ماالتس حق ...
ابد مالتس حق ..
ولو اني داري ان هذي اسباابتس والله مااجيتس ..
.. انتي هالحين غلطتي وغلطتيني معتس ..
انا قلت يمكن الرجاال داخل عليها سكران
والاا شاايفته بوضع اعوذ بالله ...!


.. لكن اللي صار*
ماله ذنب فيه ..
هذا ماااضي وتااب عنه ..
ولاا لتس حق تحااسبينه على ماضيه
مادام هو تاايب عنه وتااركه ..


قلت وانا اشااهق بالبكي ..
/ تخييل ضاااامهاا قداااااامي ..!
ولااا احترم وجوودي ..!


/ هو اللي ضاامهاا والااهي
اللي تبلته وضمته ..
اذا هو عليه حق ..
واذا هي فهم هالشي عندهم عادي ..
الا المحافظين منهم ..
فلا تحاسبيينه على *تصرفهاا*
وتخربين بيتس وهي ولاا شالت همتس ولاا درت عنتس ...
وهو اكثر ما كثر الله الحريم ..
.. لا عفتيه غيرتس مااهوب عايفه
الاا يبوونه لو معه عشرره بزران ..
*

.. ارتااحي كم يوم ..
وبعدهاا نتفااهم ..
حناا غلطناا بحقه ..
ولازم نصلح غلطناا ..
والبااقي .. العتااب والتشره بينتس وبينه
وفي بيتكم ولاحدن يدري عنه ..
وهو عارف بغلطه .. وبياخذ مابخااطرتس
فلا تضيعينه من يدتس ..


•
•


[ ندى ]
_____


وحمي شيييين مررره ..
كبدي دايماا تلووع علي ..
وكل ماحطيت بكبدي لقمه رجعتها ..


تنوومت بالمستشفى ..
واحس اني خفيت شووي ..
بس كل ماساالتني الدكتوره
قلت للحين تعبااانه ..
خااف اطلع ويوديني لنيااقه
واناا ماعااد اتحمل الحر ولاا الترااب
ولاا الغبره ولاا حشرات الليل ...


يزورني عزام ..
بس ما استفيد من قعدته معي ..
كلهاا اتصاالاات وعلى جوالااته الاثنين ..
مااتفصل ابد ..
عماال واهله وصدقااه ورجاال اعماال*
.. صرت انتظر طلعته بفاارغ الصبر
ابي ارتااح واخذ رااحتي ..


.. واليوم جااني وبيده ورقة الخرووج
تفاجأت ...
وانقهرت يوم دريت ..
قلت بانفعااال ..
/ ليييش تطلعني على مسؤووليتك ..!
انااا تعباااانه ..
ابي اجلس هناا اريح لي ...


قاال وهو مستغرب ردة فعلي ..
/ احدن يبي قعدة المستشفى ..!
كلهاا امرااض ..
لو ماافيتس عله جااتس مية عله منهم ..


ثمن ساالت دكتورتس
قالت زوجتك طيبه بس تدلع عليناا


.. بكيت بانهياار بعد ماكشفووني ..
وانه دلع ماهووب كله تعب ..
/ ماااابي مااابي .. اهاااااهاااهاااا


جلس بجنبي وضمني له ..
/ بسم الله عليتس ...!!
وووش فيتس ...!
هقيت انتس بتفرحين ...
لهدرجه تعبااااانه ...!


رديت وانا اهز رااسي بنفي ..
*/ لاااااااااااا
بس مااابي البررر ..
اناا اخاااف من الحشرااات
وحتاا واناا نااايمه افز مية مرره*
واناا اتخيلهاا تمشي ع رجوولي والاا بظهري
والحرر مااطيقه ..
شوووف شوووف كيف قلبت سوداا ...!
ثم ....

بعدني عنه وهو يضحك من قلب ..
/ هههههههه اجل صااادقه الدكتوره
دلع بس ..!


ع العمووم بنطلع لبيتناا
مااهوب لمخيم النيااق ،..


.. ابتسمت بفرحه وانا امسح دموعي ..
/ قل والله ...!

ضحك بخفه ..
/ بس لين تولدين وتقومين بالسلاامه
ابي ولدي يطلع جلف ورجااال
ماهووب رااعي سوني وبلااك وملااهي ..


.. تكتفت باعترااض ..
*/ لااا والله ...!
تبي ولدي والاا بنتي يطلعوون شهبااان ..!
ودفووش وجلوووف ..!


ناظرني بنص عين
/ اااهااا من زيه يعني ..!
قوليهاا ع بلااطه
مثل ابووهم ..


.. ضحكت ..
/ هههه واناا صاادقه مااكذبت ..
تنهدت بحسرره وانا اطالع يديني ..
.. تخييييييل ..!
ندى تحت اظافرهااا ترااب ..!
تخيييييييل ... !
ندى تجلس بدون نت ..!
تخييييييل ..
من جهاازي مااطبييت سووق ..!
تخيييييل ...



.. قاطعني بجديه ..
لاا تفكرييبن كذاا تتعبين
وتعبيني معتس ..
حااولي تتاقلمين ع جووي ومعي ..


انا بالاجاازه باكوون عند البل
**اياام الدووام نروح لبيتناا
وكل خميس وجمعه نرووح للبر ..


ماابي لعياالي وبنااتي الدلع الزاايد
الدلع مااينفع *الرجاال*
ولااهوب يلبق لكل بنت ..
ولاا هوب كل رجاال يتقبله ..


.. زعلني بكلاامه
احسه يقصد اني مدلعه ..
وماايلووق لي الدلع ..
صديت عنه وبوزت ..
/ وووه بس منه .. ووش ذا الاسلووب الخاايس
يسبني عيني عيينك ..!


.. لف وجهه لي بيده ..
وبخبث ..
/ ماا اقصدتس تراا
اتكلم عن المدلعاات عمومااا


دفيت يده عني بقهر .. وبزعل ..
/ وفيه رجاال .. والاا بس خلني سااكته ابرك
*

رفع حااجبه ..
/ اهااااا ...
اقوول قوومي بس بيذن المغرب ماطلعناا
ابي الحق نجيب لناا غداا

رديت بسدة نفس ..
/ يوووووووه انااا ماابي
ما اشتهي ... كبدي ثقيله ..

طنشني وعطااني قفااه
/ وكلي ولدي لين يشبع
وانتي بكيفتس انتي وكبدتس ..



تنهدت ..
ووووه بس مااافي امل يقوول عشاان خاطري كولي ..
.. والاا يااقلبي عشاان صحتك ..
اااه بس .. يرحم اياام دلع ابووي ودلااله ...

**


•
•


[ ساااره ]
_______

من يوم رجعت لبيتي واناا احااول اجذب انتبااهه
.. قصيت شعري وصبغته ..
شريت ملاابس جديده والوانهاا فواتح
صرت احرص ع الماكيااج مررره ..
بس اللي صدمني وقطع قلبي ..


انه مالااحظ لاقصة شعري ولاا صبغتي ..
يوم سألته مالاحظت علي شي ..!
طالعني بمجاامله ..
وقاال فيتس شي متغير .. بس مدري ووشو ..!

وبعد وقت قاال ببرود ..
اهاا يمكن شعرتس ..!


ااااه يااقلبي ..
عيووونه وقلبه معمييه عني ..
مايشوووفني ابد ..


شلت القهووه ..
وقاال بكلم لي رجاال ..
لاحد يدخل علي الممجلس ...


.. جلست نص سااعه توقعته خلص ..!
دخلت بهدوووء وهو كاان مرره منسجم ..
متمدد ع الكنب ومعطي البااب ظهره ..
وكل حوااسه مع الجواال ..
وقفت بمكااااني بصدمه ..!


/ ههه لااا ريووومه ..
ماصدقت تتكرمين وتردين علي ..

/ .......*
/ ااااه ريميتي ..*
والله اليوم اللي اضمتس ع صدري
هو يووم منااي ..
عسااني اعيش لذاك اليووم ..


/ .........
/ يابعدهم .. والله ودي اوافقتس
ولاا اكسر بخااطرتس
بس ماعااد بي صبر ..
ماعاد اشووف ف الووجيه الاا انتي ..


/ .........
/ انا مالي حاجه ف الحريم الااا انتي
وساره مانيب ظالمهاا باللي اقدر عليه واملكه
والاا ما املكه هو لتس وملكتس وبين ايديتس
ظلمتيني قبل تظلمين سااره
حبتس بقلبي جااير ..


/ ......
/ لاااا تكفيييين*
لاتسكررين ..
خليني انعش رووحي بصووتس
والله ياليلة معتس اشتريهاا بعمري كله ...


/......
/ خلااص اجل*
في حفظ البااري
بس تراناا على الوعد ..
اسبوعيين ع العرس ..
وان كاان تبين حفل وطقطقه امري بس ..


/ ....
/ اجل على اتفاقناا
وبتردد ..
طلبتس ...


.. *ابي بووسه تصبرني للجااي ...

*
.. انسحبت بهدوووء
وانا اجر رجوولي جر ..
ياحر جووفي حراااه ..
وصلت عياالي ف الصااله*
وطحت منهااره بينهم ..
صحيت ع كفووفه تصحيني ..
ويتساءل ..
/ وووش فيتس ياسااره ....!



ضربت صدري بقهر ..
*قلت بحسره ..
/ بموووووووووت ياسلمااان
ارحمني ...
طلق ريييييم ..


نفض يده مني ..
وبعد عني وعطااني ظهره ..
قاالي بحزن ..
/ وصلت اللقمه لفمي ياسااره
تبيني ارمي نعمة ربي فـ الترااب ..!



قلت بجنووون ..
/ اجل طلقني اناااااا


نفث هوا من صدره
وطالع فوق ..
حط عينه بعيني ..
وقاال برجا ..
/ الطلااق ماهووب حل ياسااره
بتخسرين اكثر وتشتتين عياالتس ..


.. فكري .. ولاتستعجلين ..
واللي تبينه بمشي لتس فيه ..
ماابي اظلمتس اكثر مما ظلمتس ..



*•
•


[ ريااااض ]
________


كلمت ابووي بموضووعي ..
وقهررني برووده ..
يقوول لامريت بيت اخووي ..
قلت لـ عزيز ..


.. ياسلااام ..
اقعد اتبربس لين تطير مني بعد ..
كلمت عزيز وحطيت عنده خبر اني ابيهاا
والحين خل ابووي ع رااحته ..


.. استغربت اتصاال غنادر
وانهاا تبي تقضي معي كم سااعه بالمستشفى ..
او بالاحرى بعياادة التجميل ..
تبي تشووف طبيعة العمل ..


انا مالي علاقاات بالعياداات الخارجييه
بس يمكن سلووى تفيدني ..
ماشاااء الله علاقاتهاا تخطت حدود زملااء المهنه للمرضى نفسهم ..


كلمتهاا وماقصرت ..
قاالت خليهاا علي ..
بضبطك لك الوضع ..


واناا اثق ان كلمتهاا كلمة رجاال
خدوومه واذا وعدت وفت ..
واللي تبيييه تحصله ..


.. اتصلت بعزيز ..
وقلت له ضروري يجيب ديمه
بعد اسبوعين نفك الجبس ..
*

.. *رجعت للبيت ادور العاافيه ..
ابتعشاا وارجع للمستشفى ..
اول مادخلت مفتااحي بفتح الاا والبااب*
على رجله مشررع ..
عقدت حواجبي وعرفتهاا بيدهاا المجبسه*
وخرشتهاا الزاايده ..
.. كاانت بتمر بدون لااتكلمني ..
بس شي فيني يبيهاا ..
يبي يسمع صوتهاا ..
يبي يطوول وقفتها معي اكثر واكثر ..
قلت واناا اشوف تطنيشهاا * *..
*
/ ماتستحييين ..!
بنجي نخطبتس بكره وجايتنا اليووم ..

رجعت ..*
وقالت بتهديد ..
/ انت خاابرني ماابيك ..
ولاا انت تبيني ..
فـ اقصر الشر وهون من عمرك
قبل لاا افشلك واردك ...


قلت بتوتر ..
/ ووش درااتس اني ما ابيتس !


قالت بثقه ..
/ ماايحتااج *..
افعاالك تدري اللي مايدري .. *


قلت بدفاع ..
/ احيان الوااحد يتصرف
عكس اللي هو يبي ..
عشاان بس يغطي على اشيااء بداخله
مايبي الناس يعرفونهاا ..


ردت بغباااء قهرني ..
/ والله مدري ووش تقصد ..
بس المهم ..
كلم عزيز وقله انا هونت ..



ناظرت اراقب المكان حولنا
لايشوفناا احد ..
وقلت بثقه ..
/ من قاال اني هونت ..!
اناا صامل ..*
وبكره بنخطب رسمي ..
واخر الاسبووع وانت على ذمـــتي ..


سمعت صووت سيااره ..
وبعدت عن طريقهاا ..
قلت / سياارتكم ..



تخطتني وهمست ..
/ تحلـــــــــــــــم .....

*

•
•



*
*


*[ الى لقاء قريب .. اعذرووني والله ماقدر احدد متى بالضبط .. بس كل اسبووع بارت ]

اعذروني ياحلوين ع غياابي الاسبوع اللي فاات بدون ساابق انذار 
كناا بالبر وانقطع بيني وبينكم الارساال ..


وقلت مابرجع الا والبارت معي ..
الله يجمعناا ويااكم ع الخييير ..

السلام عليكم..

ام سوووونه ياامرحباااااااااا ملياااااااااااااااااااارات الملياااارات اول شي اجازه سعيده واهم شي انتس تستانسين ..

الله لايخلينا من هالحظور وهالزوووووووول ياافشلتي منتس فشلتاه اليوم جالسه مسنتره على المنتدى ابي ارد على الجزئين اللي فاتوا ..ماراح اقول توني اقراهم لاا والله قريتهم من نزلوا او من دخلت المنتدى عقب كل جزء بس ماحصلي ارد عليهم واليوم باذن الله بيكون ردي اووول رد على الجزء هذا اذا الله احيانا.. الله لايخلينا منتس ياااااااااااااااااااااااااارب..
فديت المثاابره..>>فيس يحظنتس بقووه

تدرين لو اني راده على الجزئين اللي قبل كان شرشحت هالحقير الواطي فياض.. قهرني قهرني وحر قلبي وذيك مسنتره بحظنه وهو جالس يتذكر احلى ثلاث شهور عاشها معها جعله والله يعيش بوكر حيه قليل الادب طايح ذكريات الخايس بحمام الهناااا وبنت الاجواد واقفه تحترق من الحره ومن زين الخشه يعرفهم على بعض .. بس تعال كيف جلست ساعه ونص بالحمام؟ والله انك خطير ..اطول حمام ياخذ عشر دقايق وبالدقيقه الحاديه عشر تبدا الوفود بطرق الباب ..ومابين انت حي والا ميت ومابين سبحت بماء السعوديه كله وخلصته يخلونك تحووووس لين تلبس والدقيقه الثانيه عشر يتم وصوووول القوى العظمى ومابين وش تسووي الى كل ذا سبوح يمال سبحة لولوه ومرووراا بترى شياطين الحمام بيذونك الا انت صااب عرق من العجله ويبي لك حمام ثاني.. انت ياا فياض اشرح لي وعلمني وفهمني كيف جلست سااعه ونص بالحمام وتتروش وانت كلك رواق ؟؟ افهم ربع ساعه ابلع نص ساعه بس سااااااااااااعه ونص الله لايغضب علينا لييييييييييييييييييييييييه>>فيس متبطح مستعد لسماع الشرح.. هههههههههههه

المهم فياض ارجع اقول انت وقح وحقير وماعندك سالفه وتبيها بعد ترضى عليك وزعلان منها يمال السم وتقول لها بيتس تدلينه عساك تضيع عنه ياا السامج..قهرتني على هالضعيفه اللي ماشافت معك يوم مثل خلق الله..هذا انت تعرف تدلع وتغنج لين ماتدلع ام عيالك ماغير هي عاقله وهي عاقله واذا عاقله ماتبي شووي دلال ودلع ياا ابو سروال وفنيله>>فيس خربت اخلاقه..ههههههههههههههه

نجود اتوقع ترجع لبيتها فعلا بس هناك بهذاك البيت اتوقع تتغير فعليا ويمكن تجلس كل شووي تتذكر يارا وكيف دلعها على فياض وهنا بتحاول تكون اقل شده من اول مع ان الوضع اللي وصلت له نجود اشوف ان فياض يتحمل نسبه كبيره منه وخصووصااان نجود تزوجت وهي صغيره وحضرت الافندي منحاش عنها وعن الزواج فيها يوم يتعرف على يارا واهلها..
نجود انا من حزبتس واي شي تبينه انا حاضره>>فيس والم للقشر..هع

طارق: جعلهم والله يطرقونك بحديده على راسك ياا عديم الاحساس البنت تاركها بالبيت لاا وش بيته بالحمام قاافل عليها يومين الا .وتبيها تستقبلك وهي تضحك وتقول وش هالمزح الخفيف ياامضروب.. والله مدري وش قصتكم ياا رجاجيل هالقصه مع الحمامات انت حابس حرمتك فيه يومين ورجل اختك رابص فيه ساعه ونص>>>فيس يبي بعد شرح من طارق..هع
اما عاد بجزء اليوم وانت تهاوش اختك وبتعذر من فياض بسبب انك لقطتها من بيروت وهو نايم بالعسل والذكريات اللي بتنقلب بصل باذن الله قلت الرجال مبدلينه ببيروت وين ولدنا طروق الثور الخبل اللي مايعرف يتفاهم مع احد.. اجل فياض واللي سواه ماااضي ولازم ماتحاسبه عليييييييه يااريح ابووي انت..>>فيس منقهر من هالعقل اللي نزل عليك فجأه والحرمه ناسيها بالحمام..


بس عاد كلامك صحيح ونجود لازم ماتحاسبه على اللي سواه ايام الشباب والطيش ..يااعيني بس لو هي اللي مسويه كذا كان الحين هي بخبر كان ومن سوالف الاولين يااحبت عيني هي...
بس يله نشوف وش بيطلع منك انت ورجل اختك.

ترف وش بتسووين الحين بتاخذين شنتطتس صدق وبتوكلين على بيتكم والا بيكون فيه حل ثاني وعقاب بتعاقبينه طارق بدون ماتطلعين من البيت؟؟؟

عزيز وغنادر:تعالوا تعالوا اقرأ عليكم بسم الله عليكم هذي عيونا اللي صابتكم ما امدانا نفرح برجال عاقل هنا الا وقلب الله جوكم ولحق الركب الغير سعيد ان شاء الله.. عزيز وش هذا وراك على البنيه ؟الحين انت عارف رغبتها وعارف وش ودها تسوووي ومسووي لها حفله وفرحتان فيه شاااب سعودي عنده ذووووق حتى لو كان خايف من طنازه الشرق الاوسط عليه بس فكر ونفذ وفرح قلب حرمته الضعيفه واخرتها تقلب علينا الليله وتخلينا كلنا نرقد زعلانين>>فيس الحشره مع الناس عيد..هع
ياليت صدق ماتبت بهالامر بروحك وتكلم غنادر فيه بكل جديه بدون تعصيب ولا مصادره اراء و ولا نفي لميولها وانا وااثقه انك بتقدر تحل انت وهي الموضوع ..بس الخوف الحين لما تجي هي للعياده وتدريانت عن خطتها وش بيصير بينكم.. عزيز هذا مستقبلها حرام عليك تحرمها منه عشان فكره اكل عليها الدهر وشرب>>ايه هين اكل عليها الدهروشرب آآآآآآآآآآآآآهـ بس ..
عزوز انت تفكر انك تكلم ديما ولازم ارائك هي اللي تمشي مو من مصلحتك تنام وهي متضاايقه صدقني عزيز غنادر غيييييييييييييييير.

نجي عاد لملح القصه وسكرها ونكهتها الخاصه فيه ديما ورياااض: يااااااااااااارب تتزوجون اليوم قبل بكره.. ديما هذي عليها اسلوووووووووووووب يجنن حبيتها مرررررررره مررررررره وهي تفكر ان ولدها بيشيب وهو بالمهاد..هههههههههههههههههه والله تخيلته شيبه ومهدينه..ههههههههههههههههههههههه
حلو انها عاارفه نفسها بالضبط واذا هي عارفه عيوبها بتحاول تغيرها اذا اهتمت برياض بتتغير .. بس صراحه دمه حلوو فيها انها بسيطه وتلقائيه وعلى سجيتها .تهبل وهي تكلم عزيز وتموت ضحك وهي تشوف حركات العرسان بكره ياا ستي انتي اللي بتوقفين بموقفهم بس ماراح احد يطالع فيتس لان مافيه احد مثلتس بحب الخبر..هخهخهخه
ام سووونه يسلم الابداع ورااعيته ياا اميره الادب النتي مبدعه مبدعه مبدعه من هناا لحد بيتكم..
تسلم الايادي يااعسل ولاعدمنا هالحظور الوافي الراقي الملتزم مشكوره مليون مره ياا اميرتنا وداائما بيكون هنا قراااء ينتظرون الابداع الابداع المنسكب من اناامللكم الذهبيه>>متعووووب على ابوها ابوها هالعباره..هههههههه

بانتظار البات القادم اذا الله احيانا بكل شووووووق فلا تتركين انتظارنا يطوووووووووول ..
بسااتين جوري لروحك الطاهره>>برضوه متعوب على ابو ابوها هالعباره..هخهخهخ