ام وسن ما قصرتي
بارت ولا اروع
يعطيك العافيه

رياض وديمه
الحين البنت انخطبت وانت تناظر ولا تقدمت لها مع
ان ريم قالت لك ان فيه ناس بيخطبونها
بس انت أكيد بتوقف الخطبه هذه وتقول لهم انك احق فيها
لأنك ولد عمها بس هي ياترى هي بتوافق عليك

طارق وترف
ابد ما حبيت منك النغزه هذه الموت قضاء مو من البنيه
المشكله انها تحبك وتغفر لك كل خطاك

ندى وعزام
جاك من يربيك ويعلمك السنع
خلي عنك الدلع وطاوعيه تراه اقشر

عزيز وغنادر
جابت راسك بنت بحر الزين ونسيت التهديد والوعيد
تستأهل غنادر الحب البنت طيبه

هيا وظافر
من جد ترحمين الغيره لاعبه فيك لعب
والحلوه حامل بعد
فيه حريم يجلسون سنين ما يحملون بس بعد الزواج
تحمل سبحان الله

ودمتي مبدعه

انا. ماعرف. اناقش. او احلل. الشخصيات

لكن. وقفتي. عند. نقطه. مهمه. مادري. يبي. يوقف. الخطبه. او يسكت.

وهيا. وغيرته. طبيعيه. لكن. تعدت. الحدود. انانيه. وهذا. حال. اغلب. الحريم. اذا. دخلو على. الشريكه.

ديمه توقعت. ترفض.

دمتي مبدعه أم وسن

بارت روعه

هويا وظاافر وينهم مالهم حس بهالبارت

بحر الزين عسى ماشر ليه غيرت رأيها كانت هي وزوجها يقنعوون رياض بديمه وهو اللي رافض يمكن خايفه أن ديمه هي اللي ماتتحمل ولدها والا ديمه خفيف دمها وكل من عرفها حبها والدليل قارئااااااااااتك وأنا أول المعجبات فيها
ويمكن خايفه أنها ماتتحمل ولده عبود

طارق واضح أنه من نوعية الرجال اللي مايبين حبه لزوجته الا بالشديد القوي (حرااام عليهم )

وفياض طبعه مثل طارئ ابو الطوارئ

عزام وندى

يعني مافهمنا وضعهم هل صار طبيعي كأي زوجين وعرف أنها ماهي مثل زوجته الأولى وأنها عفيفه وصاينه نفسها

سارة قطعت قلبي

ريم وسلماان ماتوقعت يجتمعون أبد وكان عندي أحساس أنها بترجع لمساعد أبو عيالها <<<الله يعينها على موقف عيالها من زواجها خاصة أصيل <<ما أدري هذا أسمه والا أتوهم

صباح الخيرات ........كيفك ام وسونة .........صار لي فترة ماعلقت على الرواية اسمحيلي ياام وسون والله كل مااجي بعلق تطلع لي سالفة ....المهم قريت هالارتات الي تجنن تسلم ايدك لاخلا ولا عدم منك ماقصرتي


عزوز وغنادر

احلى ثنائي بالوقت الحاضر بس طبعا مانقدر نفرح لانهم توهم معاريس جدد بس عزوز امه داعية له من قلب لذلك اخذ غنودة جمال وفتنة واخلاق وسنع ...وهو بنفسه اعترف انو ماكان يحلم بيوم بنص مواصفاتها الله يهنيه فيها ويقدرها بس قهرني يو ذكر ندى اول يوم لهم وهي تصحيه لو يعرف انو ذيك المغرورة لو اخذها ماتنزلت تصحيه من النوم ولسى ماشاف عزوز شي من غنودة الي بيحمد ربه ليل نهار بس شكل غنودة تقبلته عن قبل ليه ام وسونة ماحطيتي لنا رايها بعزيز


طارق وترف

ترف كنت افتكرها عاقلة بس بعد الي سوته طلعت ابد ماتحفظ سر وهي الي حدت طارق يسوي الي سواه فيها ...وطويرق غبي كلمتين على بعض مايعرف يحكي على ايش شوفة النفس وماادري هل بيستمر حالهم والله بيتعدلون


سارة وسلمان والريم

سارة هي الي ماصانت كرامتها يوم عرفت علة سلمان من البداية وجاهدت انها تجيب عيال تفتكر انهم بيغيرون سلمان عليها من البداية المفروض كانت تفاهمت معاه حاولت تكسبه الي شفناه منها في البداية كان شي مو حلو هي تشمتت بغيرها وفرحت لضيقهم وخراب بيوتهم نجود في ايش ضرتها يوم تتشمت قدام سلمان اخوها على خطبت فياض لاختها ليه مارحمتها يمكن ربي كان وفقها وماصارت هي مكان نجود وحتى ام زوجها تشمتت فيها ورضت انو خواتها يحرقون قلوب حريم مثلها بس لنفسها ماترضى خليها تعيش هالشعور

هي وهيا ربي عطاهم على قد اعمالهم ... وحتى لما قالت لسلمان يطلق ريم ماراح ترتاح لانو سلمان ماراح يكون رحيم معاها وهي حرمته من حلمه يوم قرب ياخذه وبيزيد هجره وجفاه لها ماتدري يمكن زواجه من ريم يقربه لها لانو نفسيته بترتاح وبيجيها مروق ومابيقصر معاها لانو الريم ماراح ترضى تظلمها فمابال اذا هي بنت عمتها

وبصراحة كلامها للريم قاسي وصعب هي مجبورة ومالها ذنب اذا زوجها يحبها ويبيها ماقدرت على رجالها حطت حرتها بالريم ماحد بيحترق غيرها

اما الريم شكل سلمان بيخليها تطيح بهواه من اول اسبوع لانها بتلاقي فيه الي ماشافته مع مساعد حتى وهي عروس
بس ماعرفنا ردة فعل مساعد هل احترق قلبه لو لا يوم فضلت سلمان عليه وهو هالمرة ماقدر يمنع الزواجة



رياض وديمة

بصراحة ديمة ماادري كيف تفكر الزواج مسؤلية مو لعب اذا ظلت على نفس الاسلوب ماراح تتوفق بحياتها وابراهيم الي ذابح عمره مااعتقد بيتحملها بس رياضوه على غروره يعرف عنها اشياء كثيرة وبالعكس ام فياض ماتضمن انو لو اخذ وحدة اكبر بتكون احسن من ديمة .......اعتقد رياض بيسوي سواة مساعد وبيوقف الخطبة لانو يبيها بحكم انو ولد عمها واولا من غيره وساعتها ديمة ماراح تقدر ترفض الا اذا هو سكت وتم الموضوع


هويا وظافر

هيا مفكرة انها بس من عجايز ظافر راح تغار اجل لو تزوجت فياض وعنده نجود الاجمل والارتب منها والي تفوقها في كل شي شكانت سوت هل كانت بترتاح ابد

وانا بعد اعتقد انو ام محمد تتوهم ولافيها حمل ولا شي بس غيارة والله كم صار لها ماحملت الا في هالتوقيت بالذات ..هيا اذا تبي تكسب ظافر لازم تغير اسلوبها تماما ...ولو تجلس فترة مطنشته هو وحريمه وماتجلس معاهم ابد وتتحجج بتعبها ووحمها ظافر مابيتحمل بعدها ....اما غيرتها المجنونة بتنفره منها مابتقربه وهذا الي تبيه عجوز قريح


ندى وعزام

ندى مفكرة نفسها احسن من غيرها وماتعلمت درسها وعزام ماراح يجيب خبرها ولا بيدلعها هذي حوبات عزوز هذا هو متهني مع غنودة وبيسفرها شهر عسل وهي في البرور عند الابل خخخخخخخخخ جزاها علشان تغتر وتقفل البيبان زين هذا عزام ماهمته لاهي ولا جمالها ولا غرورها


مريم وابو سلمان


والله هالشايب طلع احسن من عياله مافيهم واحد مريح مرته حشى طالعين على امهم .......مريم ربي عوضها عن فعايل اخوانها فيها وان شاء الله قريب تبشرنا بحملها وتجيب تووم يفرحون قليبها بس الله يعينها على القشرة لو تموت تريح العالم من شرها

فياض ونجود

فياضوه عمره مايسوي شي ويتممه ...بس ان شاء الله يصدق بكلامه ويسافر مع نجود لو غصب يمكن تتغير النفوس ويقربون من بعض قبل مايضيع باقي عمرهم


ام سونة في انتظارك على نار