السلام عليكم و رحمة الله و بركاته

صباح الخير و الرضا من الرحمن

الله عليج يا أم وسن إبداع و ماهو جديد عليج تسلمين يا قلبي

============================
(( طارق و ترف ))

طارق مدري اللي يطلع منه هذا هل من كثر صراحته أو إنه إنسان ما يعرف

يجامل أو يحاور بطريقة سلسة و حلوه ,, الصراحة طارق إنسان محير لما كان

يتناقش مع ترف بخصوص الشغل قلت ياحليلة الرجال عاقل بس للأسف خربها

بالأخير لما طلع البنت عن طورها ,, بس السؤال ليش طارق قال هالكلام لانه

اللي نفسه ما يرمي الكلام من غير حساب اكيد وراء هالشيء مغزى و هو مربط

الفرس ,, و ترف بشخصيتها اللي ما ترضى الهوان أكيد ما راح تسكت إذا كانت ردة

فعلها طلب الطلاق و هي عارفة أنها من أول الناس يقولون أنها فال شين على

الرجال فهذا يدل على أنها بايعة ,, و ما همها الأ كرامتها اللي طارق يحاول بشتى

الطرق يدوس عليها او خلنا نقول يلغي شخصتها القوية و الواثقة من نفسها ...

===========================
(( فياض و نجود ))

جمود من نوع غريب و للأسف الاثنين راضين بالوضع و مو هامهم شيء و كل

طرف يقطها على الثاني ,, و نسوا أنه بينهم عيال ممكن يتأثرون بحياة أبوهم

و أمهم ,, و فياض مثل كل الرجال أول حل مرة ثانية ادور راحتي عندها طب

ليش ما تفكر تلقى راحتك عن نجود ليش ما تكلمها و تحاول تصلح الوضع بينكم

و لا التجديد حلووو ,, و خصوصا أن للاسف نجود ما لها نية ابد للتغير ...

==========================
(( ندى ))
يا قو قلبج يا ندى لدرجة أن أبوج يترجاج و ترفضين ,,ليش شنو الشيء الجايد

اللي يخليج تتمسكين بالرفض بهالطريقة ,, هل ممكن أنها سامعة شيء عن

عبدالعزيز أو أنها تحب شخص ثاني مثلا ,, و لا جمالها غرها و كبرها على ولد

عمها ,, ترا ما يصون البنت إلا ولد عمها ,, بيجي يوم و تندمين فيه ...

==========================
(( غنادر ))

ضحيتي بنفسج عشان سمعة ابوج ,, بس عندي إحساس إن غنادر كانت

تكن شيء بقلبها لعبدالعزيز و استغلت هالفرصة و عسى الله يوفقها ...

===========================

أم وسن بانتظارج ...


..
..
..

السلام عليك ورحمه الله

مباارك عليك باقي الشهر ام وسن
بااااااارت حلوووووو الله يعافيك

فيااااض الله ياخذك انت اللحين قوم بمرتك وعاملها عدل بعدين فكر تزوج مره ثانيه
بس هذا انتو يامال الماحي عينك فارغه ورااح تستغل عنوسه هيا وتاخذهااااا لانك تعتبر فرصه لهااااا

طااارق اسلوبك مع ترف كلشش مو حلو اله ياخذ العدو هذا كلام تقوله لهاااااا في اول لقاء بينكم
بعد الملكه
بس تعجبني شخصيته ترف ايه ياعسل علميه قدره وحجمه لا يتطاول عليك

غناااادر الله يوفقك ان شااء وعزوز يقدر يسعدك ويهنيك وكبرتي حيل بعيني يوم انك ما رضيتي
ان ابوك يتفشل قداام جمااااعته

ندى مصيرك راااح تندمين وتتحسفين انك فرطتي بعزوز

ام وسن جعلك من العتقااااء من النااار يارب

تسلمي ام وسن بارت رائع

فياض /
لـ الدرجه هذه بلغت فيك الانانيه اهم شئ نفسك
يا مال العمى وجلي تسأل نجود عنها
الحين انت قم بحق زوجتك وعيالك بعدين فكر تتزوج

هياء/
اعتقد انها بتوافق عشان تقهر طارق ونجود
لانها في الأساس كانت تنتظر ان طارق يخطبها
فتركها وراح لـ ترف

عبد العزيز/
ياقلبي انت هذه وجهه وجه جاهه حسافه انت عليها
بس وراح تسوي بعد موافقة غنادر
وانت تبي المغروره يا ترى انت بتوافق عليها والا بتتركها

ترف وطارق/
حلوه ذي ياطارق جاي تقول لها ان ابوك هو اللي يبيها
وانت اللي خذتها
وماتبيها تعصب الا القتل فيك حلال

ودمتي مبدعه

السلاااام علييييكم



من العاااااااااااااااااايدين جميعاااااااااا
اعااده الله عليناا و عليكم بالامن والايماان وطاعة الرحمن ..



/ اول شي __ اعتذر عن انقطااعي .. نزلنا مكه فجأه وبدوون مقدماات
ودوبناا رجعنا اليووم الصبااح ..
فما استطعت اتواصل معكم ..


/ ثااني شي __ عن الرواايه وان جزء منها بالفصحى
احس انهاا مو صعبه ابدا وسلسه ..
وعموماا عاادي اذا تبون نكمل بالعاامي اذا انتم تشوفوونه اسهل مو مشكله
من الباارت الجااي نبداا ..

/ ثاالث شي __ ليلة العيد اذا هي اليووم في باارت متاخر
واذا بكرره ناجل الباارت لليلة العيد يعني لبكرره ..


وفقناا الله واياكم لماا يحب ويرضاا



ووووودي اعااايدكم بحلااااااااااو 
لانكم تستااهلووووووونه ..

السلام عليكم و رحمة الله و بركاته


صباح الخير و الرضا من الرحمن


قراء " يا ما نهيت القلب "


ام وسن قالت البارت ليلة العيد إن شاء الله


أرجو من الكل الألتزام عدم وضع ردود مخالفة


و إلا العضو راح يتحول للإدارة مباشرة



بياض الصبح



...
...
...