مساءك خير

مساءك غير

بارت اليوم امتداد لـ البارت السابق لـ التعريف بشخصيات روايه رائعه

فياض ونجود/
حال كثير من الأزواج حياة بلا حب حتى احترم مافيه
اجل تبيها تجي تلعب في شعرك عشان تنوم
ليش خادمه عندك هي
ونجود ليش الاستسلام هذا عشان أولادك والا فيه شئ ثاني
اللي فهمته انه يكره طارق بسبب كشفه لـ زواجه المسيار
وعلاقته مع اخته
يعني انت تغار عليها من اخوها والاايش

ندى وعبدالعزيز/
اقول بشويش على عمرك لاتناظرين فوق بعدين تطحين وتنكسر رقبتك
عشان ربي عطاك شوية جمال وتتكبرين
تهديد عبد العزيز لـ عمه بالمحاكم وش قصده فيه
بعد هو شمل ابوه مع عمه وندى معهم المحاكم وش بتسوي لك الا اذا كنت ملك عليها وهي ماتدري

هيا/
حب من طرف واحد يمكن بسب ساره تكون لمحت لها او عشمتهاان طارق يحبها

ترف وطارق/
بداية حياة كلها دعاوي هذا وانت تحبينه تدعين عليه بالموت
لو ماكنت تحبينه وش كان سويتي تقتلينه

دمتي مبدعه
ودام لنا نزف قلمك المبدع

السلاااااااااااااااااااااام عليكم
ام وسن والله لك وحشه يالغاليه رجعتي لنا الحمدلله انك مانسيتي قراءك اللي يستمتعون بقراءه ما تخطه اناملك الذهبيه

نور ليلاس والله

لي عوده بعد القراءه

ام ئ ام وسن فرحت كثير لما شفت اسمك منور الصفحة بداية مشوقة لكاتبة مبدعةاحجز لي مقعد في المقدمه لمتابعة رائعتك. يا ما نهيت القلب

السلام عليكم و رحمة الله وبركاته

صباح الخير و الرضا من الرحمن

ام وسن المبدعة المتألقة أنرتي سماء ليلاس بــ طلتك من جديد بـ " ياما نهيت القلب "

عنوان رائع يشد و يجذب بين طيات حروفه معاني كثيرة و أسرار و أحداث أكثر كلنا

شوق و فضول لــ انكشافها ...

=======================
(( ترف و طارق ))

شخصية قوية و قادرة على التحكم بالامور و لا بوحدة مثلها و بسنها و تمر بظروفها أقل شيء

كان ممكن يحصل لها انهيار بالثقة بنفسها و انطواء على ذاتها بس بشخصيتها القوية و ايمانها برب

العالمين و ان موت الرجال بحياتها ما هو إلا قضاء و قدر ,,بجانب هالشخصية القوية في فتاة

بعمر الزهور عاشقة و هني هو التضاد بالشخصية القوة و الحب و العشق اللي يعني حنان و عذوبة

و خصوصا مع شخصية طارق الغامضة اللي ما ينعرف جده من مزحه ,, طارق بطريقة تعامله

مع ترف و كل شوي يذكرها بأنها نحس على الرجال بحياتها أكيد وراه سبب هل هو انتقام لأخته

نجود من فياض أو هي استراتيجية رجل لكسب قلب الفتاة << القادم بيكشف ...

========================
(( فياض و نجود ))

برود أو جليد بينهم و السبب أن اثنينهم بنظرهم أني ما أحب الشخص الثاني إذا حياتي مالها معنى

من متى أصبح الحب هو اساس العلاقة بين الزوجين ,, أو من متى ارتبطت السعادة فيه الاهم

هو الاحترام و الود و هذا بعد مفقود بينهم السبب شنو الله أعلم و اكيد كل واحد منهم له وجه نظر

بس بما أن الحوار معدوم بينهم إذا راح يستمر هالحال على ما هو عليه ,,و خصوصا أن فياض

دور على حياة ثانية عشان يلقى و يعوض اللي ناقص بحياته مع نجود ...

========================
(( ندى و عبدالعزيز ))

ندى أنسانة كثر المدح كبر رأسها على ولد عمها و خلاها ما تشوف أبد من طرف أنفها و بما أنها

ملكة جمال العالم لازم تتزوج اللي يوازيها بالجمال و عبدالعزيز أكيد مو هالشخص ,بس عبدالعزيز

السالفة صارت عنده مثل التحدي و الله يعين ندى على هالشيء ...

========================
بانتظار القادم ...

..
..
..

حبييييييت هالقصه وجيت مسيره على اهلها واشوووووف الجزء نزل والا للحين..
ام سوونه اشتقناااااااااا..
شفتي فيااااااااااااض صراحه اني مستغربه مهه هو وزوجته.. خمس طعش سنه ومايطيقون بعض؟؟؟
ابي اعرف كيف كانت حياتهم باول حياتهم؟؟ يعني حياتهم بااارده كذا..يعني الواحد ممكنيتحمل هالوضع سنه سنتين ثلاااااااااث بالكثير وبعدين ينفجر بس 15 سنه .هذا صراحه شي فوق الخيال..
وعشان كذاا عندي توقع يقوووووووول ان نجوود يمكن ماتزوجت فياض الا وهي عارفه شي عن حياته وهو اللي مخليها بهالبرود.. اوانها كانت تحب احد وقلبها خلاص مافيه محل لفياض..بس اللي انا واثقه منه ان كل هالاسبااب موصحيحه والصحيح ان حياتهم قريبا بتصير شكل ثاااااااااااني