السلاام عليكم.
مرحباااا ملااايين بالحااامل والمحموووووووووووول ياامرحباا ملياااار بام سووونه.. كل عام وانتي بخير وعيدتس مبارك .. وسنه دراسيه طيبه باذن الله بمناسبه الدوام..هخهخهخه

تسلم الايادي ام سوونه ومازلتي مصدر فخر لي لانتس تحاولين تلتزمين قد ماتقدرين .. احييتس والله وارفع لتس القبعه اللي ماهيب علي بس ارفعها لتس لهالجمال والقوه والمتعه وخفه الدم الموجوده هنا..

ام سووونه توني الحين قريت النبضتين 41 و 42 .. واشوى اني قريتهم سوا حسيتهم جزء واحد طويل..فبيكون رد جامع للبارتين

طارق وترف.. طارق انت للحين بقمة الاناينه فعلا اناني و وماتفكر الا بنفسك.. اعجبتني ترف مره مره يوم ثارت عليك وهزاتك وقالت لك انها بتطلب الطلاق بكيفها ..انت ماتحمد ربك على النعمه اللي انت فيها لاازم تنكد على الضعيفه لكن انت تستاهل.. واهم شي انها خلتك تعرف انك ماتستغني عنها خف على البنيه وخلك هادي تراها تستاهل انك تدلعها مهوب تنكد عليها..اجل الهواش معها يطير الوقت امحق بريره لها ضعيفه .. يعني هذا اللي تقضي وقت فراغك فيه تتسلى بالتنكيد على الضعيفه وتمرر عيشتها..حسبك الله..
وبعدين الحين عرفت مفتاحها يله خلنا نشوف مراجلك يا طروق ..

فياض ونجود: اول شي فياض احس انك ان شااء الله بتتعدل وبتصير ادمي كويس.. بس تعال بسألك الحين يوم الشغاله طالعه عليك زلط ملط الحمد الله والشكر كيف تخليها عندك للحين؟؟ يعني انت عند ولد مراهق ويمكن اللي سوته للابو تسويه للولد ؟؟اكبر غلط انك ماعلمت نجود لازم تقول لها. والا تقلع هالشغاله اللي اخلاقها فاسده من بيتك.. والله يكفينا شرهن يااارب..
بس شكلك عقلت وكبرت وصرت رجال سنع.. والله يا ان نجود عرفت لك .. جيدين عيال ابو سلمان لقوا مفاتيح النصف الثاني لهم..خخخخخخ هذا طارق لقى مفتاح اختك وهذي اخته لقت مفتاحك .. وعقبال ساره ماتلقى مفتاح سلمان..هع

هيا وظافر : تستاهل ظافر اجل تمد يدك عليها قدام عيالك وحريمك وتبيها عادي ولا كنه لها كرامه ولا حشيمه.. خلليك انت ماتعودت الا على الضعيفه ام محمد تكفخها ولايهمك الامر لا اهل يفزعون لها ولا لها بيت تروح له ماعندها الا انت اللي مستغل ضعفها ولا رحمتها .. وهيا هي اللي بتربيك ..صح القطو العود ماينتربى بس معليه قرصه الاذن تنفع بعدين وتعرف انها مهيب هينه ولاتسمح لاحد انه يهينها..
وانت ماتراح ترضى هالشي لنوال فاكيد الناس مايرضونه لبناتهم يااا شيخ..
وانتي هياا ان شاااء الله ماتسرعتي بزواج هيثم ونوال.. ؟؟ البنت مسكينه شكلها خجووول مره وياخوفي انها ما تعجب الافندي هيثم.. اخاف بكره يقول ماتعرف تلبس ولا تعرف تكشخ ويهتم بالظاهر اكثر من الداخل؟
بس ان شااء الله يشوف منها كل الزين ويحمد ربه كل يوم الف مره ان نوال صارت من نصيبه..

ديمه ورياض: ههههههههههههههههه.. آآآآآآآآآآآآخ ياابطني يااااملح الروايه انتم.. وخصووووصااا ديوم .يخرب بيت المخ اللي عليتس.. اجل نظووووول وسدحتي اهله كلهم بالمستشفى...ههههههههههههه

احلى شي صلاة الميت على النظول.. والله تراني سمعت فيها ويقولون نتايجها طيبه على اللي سوووها لهم.. وادري انها بدعه.. بس مت ضحك وانا اتخيلهم مكفنينيتس ويصلون عليتس ويقولووون هذي نظوووول مهوب ميته..

يالله والله خاطري اشوفتس وانتي بالفستان الابيض شلون صايره اهم شي لاا يتلطخ الفستان بالذخيره اللي انتي بتاخذينها معتس..هخهخهخه

وانت رياض الف الحمد الله على سلامه عبووودي مايشوف شررر.. والله اعجبتني مرره طلعت عاقل وثقيل ومؤمن..هذا اهم شي .. الله يخليك لهالوالد ولديوم ونفرح فيكم وفي ولدكم ..

سلمان وساره وريم..مسكينه يااسااره والله رحمتس وانش ااء الله هالعمره تبرد على قلبتس ولاعاد تهتمين في هالسالمان ان راح والا جاء..
وانتي ريم ماشاااء الله عليتس والله باين ان هااسلمان ماعنده مشكله لو يظلم بس من رحمة ربي فيه انتس تذكرينه بالعدل والا لو عليه قلب على ساره وايام ساره وليالي ساره..

وعقب العمره كود انها تتقبل وجودتس وتهتم بنفسها وعيالها واصلا ربي ماراح يخيب املها يوم انها تركت الحرام عشان رضى ربي بيعوضها ربي خير ..

ام سووونه متعه مختلفه تكون هنا بين النبضات ..تسلم الايادي يااا مبدعه
بانتظار باقي النبضات فلا تتركين انتظارنا يطول ان الله احيانا..
دمتي بكل الود والاعجاب ياغاليه

السلام عليكم ورحمة الله وبركااته

ادري الحين بتجيني كم دعوه ايااام رفعت الموووضوع يحسبون أم وسن. نزلت. بااارت جديد

يااابنات فال وكان انشالله

تسلم يمينك ام وسن
الله يوسع صدرك مثل مااانتي ممتعنااا بهالزين
طارق يما فرق العين رجااال. لا بصحك وشحك ولا انت متكسر سبعين كسره
الحين الحرمه حااامل وتزعبلك وتشيلك وتحطك وتخااانقه ياليت الكسر وموت الأعصاب ماااهي
برجلك الا بلسااانك الي طول قريح متغير عاده على الضعيفه
والي يقول ان ترف طويلة لسان يختي مااادون الحلق الا اليدين
الرجال مااااخلى ولا بقى. طق صك تقفيل تهزيء أهانه معاير لعنة خير
سلااااامات تبونه تنجم وتقول سيدي سمعن وطاااعه لييييه وين حناااااا باي عصر
لااا ويقول يمشي الوقت لا صارت عندي ياااشين الكبر وشوفةالنفس قل أني احبه ولا صااارت عندي
أستاسع صدري وتونست ولا ابي الا مقابله.
وين نصايح عزااام لك مع ان عزاام بكبره يبيله من ينصحه
طارق :مع أني عارف وش فيهااااا ...... ياليل البعااارين ومدامك عارف ليه التميلح
مدري وش تاليتك طرووووق المفروض. أخذت درس من أختها الريم الي اقفت ولا تحسفت لا يجيك ماجااا ابو اصيل
سلمان وريم وساره. تبين العمره سااره الله يجبر بخااطرك وياااخذ بيدك ويمسح على قلبك
الله ينسيك حب سلماان. وهو حاس انه ماهو عادل بس يحاول مايجرحك يابنت الحلال الله يسلم لك عيالك والعوض بهم
*لا ومابعد جابت له صغير توه مانساااك انتي والي على حبلك
الا اذا صااار شي الله العالم
هيثم ونوال أكيد انه بيحب عقلهااا وحيااااها. وبيعيش معهااا احلى عيشه
نجي لسفيه ال فيااااض
والله وخطتك نجوووده جااابت نتيجه بنعمم خطتك على الحريم المبليااات برجاال لعااابين مايملا عينهم الا التراابً
أوه الدعوى فنااادق وسهرااات بس عسى العقل يبتل ويدوم مااهو بس كم يوم وترجع حليمه لعاادته القديمه
اتوقع انه ضاااق صدره من الشغاله الي أكيد ماسوت هالسوات الا انه معطيها وجه قبل لو على الاقل ضحكه وهي
ماااصدقت خبر جته فارع دارع

يوووه تعبت.

لا تتاخرين علينا. ادمنااااااااا وأخاف لا تااااخرت الجرعه. علينااا اخترشنااا يا دافع البلاء*

iiهههههههههههههههههههههههههههههههههههههههههههههه نجيل اول من دعى انا <قلوب تنبض


ام وسن تاخرين ماتاخرين ماشاء الله محتفظه بشعبيتك واثق الخطى


ايوالله ماحرن قلبي الا هالطارق وغروره ودي من يكسر راسه




ديمه هههههههههههههههههههههههههههههههه هالبنت حفله من غير معازيم ماهيب صاحيه اجل نظول
يقطع شرها بس لبى قلبها معترفه العلم الا يسدح المسلمين بعينه ويقول مانيب نظول




رياض صدمتني ردة فعله ماشاء الله عليه يحفظ لك عبود وتخلف لك دويمه درزن بنات وعيال

ساره ياقلبي عليها مدري احس عقب العمره ماهيب راجعه يمكن يسووون حادث وتموت وعقب سلمان يتحسف انه ظلمها

ريم اسم الله عليتس ليت الطباين مثلتس تذكر بالعدل

ام وسن بانتظار المزيد والمزيد من حرفك



ف عز الكلام سكت الكلام

الذين يشاهدون محتوى الموضوع الآن : 21 ( الأعضاء 7 والزوار 14)
‏نجلاء الريم, ‏نظرة سكر, ‏اخر رد, ‏اصالة-نادرة, ‏سارونه1, ‏rahmouna, ‏همس الغرور


ياربيه لا تدعون علي يال20 بس ما كان وديًالرواايه تصير بالصفحة الثانية. ماتستاااهل الا. فوق فوق

هتونه ديمه ورسالتي الله يستر من شأفقتهم على على العرس
عسى ماتسدح كل العايله
ضاااق صدري على ساااره عسى مااايجيه شي بهالسفره
هيااااااا والله وهيبه هي وظااافر
ظااافر لقى الحياة عقب حريمه وهيا بزعمه انه ملكته وعطاه الخيط والمخيط
بس الرجال براااسه حب ماااطحن بس عسى مايجيب الرااابعه ولا يرجع ام محمد
معليشً رجااال الروايه قرطااااس بعجاااج. طر وطير مااابهم الراكد

ساااااااامحوني

لكل منا ظروفه وام وسن ماحبسها عنا الا اكيد الشديد القوي

حبايبي انتم عارفين قوانين المنتدى والردود المخالفه التزمو بها

حتى ماتتقفل الروايه وهالشي مايرضيكم


قلب ينبض