الله يبشرك بالخير ياوجه الخير يازاراوانا الحين رايحه اقرا القصه بس قبل ما أروح حابه اقول اظن طروق حبيب البي الوسيم اثبت لك ان دمه شربات ودمه خفييييف مره...........فيس يحرك انتي وترفوه وعلى فكره ترى حتى في قصة شدون انتي مع لطاموه وانامع الشاهه الحلوه بس اتفقنا في حب الدحمي مع طين ..ياحبي لك يازارا.

شكرا ياحياتي يا ام وسن وربي فرحانه يسعد ايامك.

السلام عليكم..
ام سووووووووووووووونه يااقلبي قلباااااااهــ وش هالابدااع ياعسل..حرام عليتس تخلينا لين يوم الاربعاااء.. عليّ الطلاق من بطلي اللي بقصتس ولابعد طلع للحين انتس تبكرين بالجزء وتخلينه يوم الاثنين ..هع
شووفي انا اليوم مثل ماقلت قبل قريت صغيرات على الحياة.. يااربي ياا ام سوونه من تعمقت بقرايتها وانا كله اقول بسم الله على ام سوونه الله يحفظها..عليتس خفة دم عسل وربي عسل الله يحفظتس ياارب ويرزقتس كل ماتمنين.. وللحين بكل صراحه مازلت متأثر فيها وفي الاحداث اللي فيها وفي وسن وجواد خصوووصاااا.. اعتقد كل طااقتس طلعتيها فيهم..
المهم نرجع لمحور قصتنا هنا..>>فيس رسمي ..هع
ام سوونه والله شكلي يوم اقرأ البارت اللي فات كان دمي ثقيل ومعكننه وضااربني عرق ثقل الطينه عشان كذا قلت اللي قلته بطارق..بس اليوم صرااحه.. ذبحني الضحك عليه هو ورسالته صح هي من خباله مرسلها وثقل دمه بس وقسم بالله مااقدرت امسك نفسي من الضحك ..ههههههههههههههههه.. الله يقلعه وشذا من وين جاب هالكلام.؟. الحين شاايفها حمقانه من كلامه ومتضاايقه وهوو الا مصرررررر يستمر يزعلها بثقل دمه .. صراحه انه اليوم اعجبني مره مع ابوهـ هالمهذري ..ابوهـ هذاااا مهوب صاحي مااعنده تفاهم .. وصراحه لما شفت كيف طارق تعامل مع ابوهـ يوم مسك العقال على امه شقوولتس ياا ام سوونه مدري حسيت بقلبي كذااا حاجه مدري وشي . قام يفرفر>>فيس ناصر القصبي..ههههههه
والله صدق من شفت كيف دافع عن امه وخواته قلت الله يخليه لهم ابووهـ هذاا شكله مايعرف لغه للتفاهم الا العقال .. او انه فاهم الرجوله غلط>>فيس ناقد عليه..
بس بيني وبينتس ام سوونه خواته يستاهلن العقال..>>فيس مهذري..هع
اما امه صرااحه رحمتهااا مرررررررره مررررررره ..يا اختي ماا الومهااااا خاايفه على وليدها .. مع انه يعني التشاااؤم حرام بس ياختي كل واحد منا فيه هالشي الله يعفي عنا.. ( اللهم لاطير الا طيرك، ولا خيرك الا خيرك، ولا إله غيرك)) >>دعاااء كفارة الطيره

ترف: الله يعينتس على مابلاتس ربي ..بس بكره والله ماعاد تقدرين تستغنين عنه .. وهو بعد نفس الشي .. بس تبين الصدق ودي اعرف وش الغرض اللي يخليه يتزوجتس انتي خص نص وهو ماايطيق اخوتس واخوتس مايدانيه؟؟ اكيييييييد فيه شي وخصوووصاااا ان نجوود مصره على زواجه منتس وهي الوحيده اللي تعرف بسالفه الزواج؟ اصرار نجود عليتس وانتي بكل هالكم الهائل من الشهره بانتس مقبره الرجال>>سوري يعني
وكل هالشؤم منتس وتخلي اخوهاا االاقرب والاحب لنفسها بانه يتزوجتس وانتي اخت زوجها اللي مايطيقها ولا يحترمها اكيد فيه سر بس وشووو؟؟؟

نجود وفياض : الشي الوحيد اللي اتفقتوا عليه ان كل واحد يكره الثاني.. وانا اقوول كذابين كلكم.. انتم يبيلكم هززه في حياتكم .. وش هالحياة اعوذ بالله اوامر في اوامر في اوامر.. واووامر تنفذ وتنفذ وتنفذ.. وبعدين انت فياااض وش هالدلع اللي مدلعه رووحك ياا اخي تجي تلعب بشعرك عشان تنام جعله والله للحتات .. اجل تترك البنيه عشان كشتك تلعب فيها.. وزعلان من علاقة نجود باخوها.. ليش ماا تقوي علاقتها باخوها عشاان يوريك الويل يوم تهين اخته.. ولوو اني اشووف انها منهانه عندك من زمان.. انت يبي لك هزززززززه عنيفه بحياتك معها بس وش هالهزه ما ادري .. وش هالهزه اللي بتخليك تعرف غلاها عقب 15 سنه زواج..؟>>فيس متوقف عقله عن التفكير لطول الزمن..
وانتي نجود.. تعالي تعالي بقولتس شي >>فيس ماسك يدها ويكلمها بهدوء وشفقه..
شووفي يااا نجود بقولتس كلام مما شاهدت وسمعت وقرأت >>فيس حكيم..هع
يمكن يكون فياض حقير بتعامله معتس بس انتي اللي خليتيه يتماداا .. ايه لاا تناظرين فيني كذاااا.. لو انتي تكونين معه مثل ماتكونين مع اهله واخوتس كان قدرتي عليه او على الاقل قربتي منه نص المساافه اللي الحين بينكم فيها مئات الكيلومترات.. كل واحد فيكم يتحمل مسؤلية هالبعد .بس اشوف ان انتي اكثر . صامته ومنصاعه له ومافيه الا ان شاء الله ومنقاده له بدون نقاش ..يعني لما منعتس عن ملكت اخوتس اقل شي اقل شي ناقشتيه وقلتي اذا مزعلك الفستان اغيره ولايكون خاطرك الا طيب.. وبهالكلمه بتقدرين عليه.. احس فياااض حبوب بس للحين مااصدتي الموجه اللي تقدرين تفرينه عليها ..
واحس اكثر شي قهره من طارق انه عرف شلون يون معتس شي واحد .. وهو زوجتس ماوصل للي وصله طارق معتس.. ويمكن انتي اللي مخليتس بعيده عنه انتس سامعه عنه شي ؟؟ اوانتي يااا نجووووووود يمكن يكون قلبتس مع احد ثانيوعشان كذا ماتعبتي نفستس مع فياض.. لأ لأ ان شااء مايكون هالشي صحيح..
لكن قولة انتس ماتحبيه وهو يقول انه مايحبتس اصبري شوويه بس انتي وهوو وبعدين بتحسون انكم عرسان جدد..

هياااا :: ياا لله انه يصبر قليبتس هالغض قلبتس هالفتي..ماتدرين ياا هويا وين الخيره فيه.. وساره هذي شكلها اخت طارق ..يااعيني هالطارق خواته طاايحت ببنات المسلمين يمدحونه عندهم عشان يطيحن بغرامه..
هياااا ابشري وانا اختس اصبري وربي بيبدلتس باحسن منه ..

ندى وعبدالعزيز : اقول هات صووره نشوف شكلك ونحكم..هخهخهخه
ياا ندى بلاش هالغرور هالزين هذا من الله ماتخافين ربي ياخذه منتس.. بكره لوو يقب في وجهتس الفرن راح الجمال وراحت ايامه وشووفي عاد هذيك الساعه من بياخذ مشوهه وتصيرين تدورين عزيّز دواره عشان يجي ويخطبتس..
وقعي وقعي على الارض بس واحمدي ربتس على العافيه..والرجال مخابر مهوب مظاهر>ياامعلم الناس علم نفسك..هخهخهخه
بما ان عبدالعزيز حاطتس براسه بتاخذينه وانتي ماتشوفين الدرب وانا شكلي بكون من حزب عزوز.. وبوقف معه لين يجيب راستس ..وانت عزوز.. تدري وش اكثر شي بيخليها تنهار وتموت من الحره لو خطبت وحده ثانيه.. والله ان تمووت لو تدري انك خطبت لان هالشي يجرح غرورها .. وبتقول راح من بين ديني اكثر واحد يموت فيني.. صدقني لو تسووي اشااعه انك خاطب ان تنهااااااار وتموت من الحره.. كذا هالنوعيه المغرورات عشان حلاوتهم يموتون لما يدرون ان الشخص اللي كان يحبهن راح من بين يدينهم لان هذا معناته انه
خلاااص بح ماعاد له فيها نظر..فانت شغل عقلك شوويه وبتشوف الهوايل منها.>>فيسي ابو الخطط..
على فكره عزوز.. اناوااثقه انك مو قبيح بالشكل بالوصف اللي توصفك اياهـ هالمغروره المدلعه...

رياض : من قريت قصتك وانك مساافر ورافض ترجع..مدري ليش هيا ببالي؟؟؟ هل بتكون نصيبك وانت نصيبها؟؟؟؟

ام سووووووووونه تسلم هاليد يااشيخه..
الابداع منكم وفيكم.. والله انتس بسم الله عليه مبدعه..وقمه بالابداع صدق من سمااتس اميره الادب النتي..
لاعدمنا هالحظور ياا الغاليه..واستمري وابهري وابدعي وفالتس التوفيق يااارب..
بانتظار الجزء الجاي يوم الاثنين.. عاد ام سوونه يرضيبتس اطلق ابونا وانا تووني مااشفته حتى.. ماا اعتقد ترضيناها علي ..هع

الا صدق من هي شحرورة ليلاس>>فيس مغمض عيونه.. هع

ههههههههههههه بركاتس يالشحروره غيرتي رايتس في طرووووق سبحانك يارب ماتوفر ابد ابد

الشحروره مين هذا النك الجديد لتس اطلق عليتس برعايتي ههههههههههههههههه

يسلمو ام وسونة على البارت الحلو ...........ماقصرتي ياعسل ......... شكل الشخصيات كثيرة واتوقع كل مرة بنتعرف على ناس جديدة


فياض ونجود

يوه عمره ب40 وعقله عقل بزر مالت عليه بس يعني يبغي فياض يشوف حال اخته معه وسوء معاملته لها ومايبغيه يوقف بوجهه صدق خايس يفكر كل الناس مثله بس ليه كل خواته حلوين وهو لا دام نجود اجمل منه بكثير ..........

الاثنين يقولون انهم مايحبون بعض اجل كيف صابرين طول هالمدة وبينهم كل هالعيال ليه ماانفصلو من بداية حياتهم لو صدق مافي حب بينهم

اصلا اشك انو الاثنين عندهم حب لكل واحد فيهم بس حب بطريقتهم ويبغي لهم شي كبير يغير الروتين الي بينهم ويفجر الحب الي داخلهم مااعتقد لو واحد منهم يصير له شي ماياخاف عليه ...........

وعلاقتهم غريبة فياض يكره نجود وهو ماينام الا اذا لعبت بشعره ونجود تلبي له اي طلب وتتقرب له وهي ماتحبه ؟؟؟؟؟؟؟؟مااعتقد انو مايحملون لبعض مشاعر



طارق وترف

يادافع البلا شهالرسايل الي بين هالاثنين استغفر الله بس مو صاحيين ابد ........طارق ماخذ السالفة ضحك ومسخرة بس بعدين بتتغير مشاعره ...........

وترف حبته من سنين يعني حتى قبل ماتتزوج الثلاثة اجل ليه وافقت تتزوج غيره وابوها شكله مايزوجهم غصب والا كان ندى من زمان بزارينها يركضون وراها

بس بنشوف كيف بتكون رسايلهم بعد 84 ساعة خخخخخخخخخ


ندى وعبد العزيز

ندى ماحبيتها ابد واتمنى عزوز يكسر خشمها وشكله الرجال مملك عليها لانو كيف بيفضحهم بالمحاكم وهو مايربطه فيها شي اجل لاتتميلح على المديرة ولا تتعب عمرها قليلة الحا رايحة مناظرة الرجال وحافظه ملامحه وعجبها بس مالها الا عزوز ولو ياخذها بالسلاح والله شرايك ام وسن ماذكرتك بأحد من ابطالك سواها قبل ؟؟؟؟؟؟؟؟؟



غنادر

يعني هي اخت ترف ومن ام ثانية طيب ليه اسم امها نورة بالبطاقة يعني هي نفس الام بس بالبطاقة اسم وعند الناس بحر الزين ؟؟؟؟؟؟؟؟؟؟والله كيف اتوقع بيكون لها قصة مثل خواتها

بس يعني عندهم اخوان غير فياض او كلهم بنات وهو الوحيد ........


ريم ليه تطلقت ومصرة ماترجع لزوجها رغم انو عندها عيال منه اكيد وراها قصة كبيرة متشوقين نعرفها ونتعرف عليها وعلى طليقها وسبب الطلاق



ام طارق وخواته الباقين شكلهم مابيقصرو على ترف الله يستر ماتسوي سواية ام صقر بس شكل ابو طارق حمش مو مثل ابو صقر الخروف عن جد كانت من الشخصيات الي كرهتهم حيل بسبب تدخلها بحياة عيالها



هيا

هل هي تقرب لسارة ؟؟؟؟؟ وبسببها حبت طارق مثل ترف حبته من كلام نجود او تقصد شي ثاني بس ليه محملة طارق المسؤلية دامه ماعشمها في شي هي الي حبته من نفسها نست انو كل شي قسمة ونصيب بس الله يستر ماتتغير على ترف وتعاديها


في انتظارك وانتظار المزيد من شخصياتك