كاتب الموضوع :
ام وسن
المنتدى :
الارشيف
اقتباس :-
المشاركة الأصلية كتبت بواسطة نجلاء الريم  |
مساء الخير
معليش معندي شي بس حس بخاطري ان الروايه تصير بالصفحه الثانيه فبنسولف عن الثنائي الغريب
نجود وفياض هل زواج فياض وهو صغير ونجود اصغر حسسه انه ماستمتع باالعرس وعلوم العرس ويبي يجدد
ولا طفاسسسسسه ولو وش سوت نجود مهوب راكد او هو عينه زايغه ومن صنف الرجال اللي تسلاب لابستن ثياب
والله اني تعبانه وادور الهذر تدوير علشان الرد ما يحذف وتنورنا الروايه بالصفحه الاولى
معليش كنت منزله راسي شفت جزمة المنتظري موجهه لي
همتكن يالله يلبنات حللوا شخصية زير النساءتعم الفايدة
|
مساااااااء الخير والاحساااس والطيبه..
بارك الله جهودك>>فيس معجب جدا في الحركه..هخهخهخه
شوفي يااا عسل انتي.. فياض قليل ادب ومو قصده انه ماعاش حياته بزواجه.. اصلاا هو السبب باللي هو ونجود فيه. وما اعتقد ان وقت زواجه من نجود وهو بريء وقطوه مغمضه ؟؟ نجود كبنت وصغيره طبيعي بتكون مستحيه وماتقدر تبادر بالخطوات اللي مفروض هو يبادر فيها .. ؟؟ ماتقدر تتغزل فيه وهو عنها صاد.. ولا تعبر عن اعجابها فيه وهو معطيها ركبه.. ؟ هالشي هو المفروض انه يسويه مهوب نجود وخصووصاا باول زواجهم اشوف انههو المسؤل عن الوضع اللي هم فيه مو نجود... اصلا شوفي اول ماخطبوا له نجود وش سوى؟؟ انحاش طس للبنان ولقى يارا وهيييص معهااااا ليييييييييين قال بس. ولاا ننسى سالفه الترويشه ام سااعه ونص ترويشه ولا بالاحلام ..هو لو تزوج كبير والا صغير هذا واحد عينه فارغه ويبي له تاديب من نوع ثاني ويمكن مايفوقه من اللي هو فيه الا ان فضيحته تكون بقلاااااااااااااقل..
وغير كذا انا اللي اسمعه ان اللي يتزوجون صغار تكون علاقتهم اقوى وكل واحد يحاول انه يتعاون مع الثاني عشان حياتهم تنجح اذا كانوا طبعا تكانه مو مطيورين ..وتلقين اكثر الازواج علاقتهم قويه اللي تزوجوا وهم صغار.. مع اني ماني مع هالشي بس ان فياض يتعذر بزواجه من نجود بسن صغير فهذا عذر اقبح من ذنب.. الا صدق هو كم عمره يوم يتزوج نجود.. ؟؟ اعتقد مهوب بالطعش ابد ..يا انه ابو اثنين وعشرين اواربع وعشرين .. يعني اذا كان زواجه بهالسن بهو مو صغير .. مع اني افضل زواج الرجال بسن الثلاثين بس بعد لو تزوج وهو ابو 24 فهو سن مقبول للزواج وطبيعي ..بس عاد ابو عين فاارغه لو يتزوج وهو بالخمسين ماراح يعبر مع زوجته لان عينه مايملاها حتى التراب .
شكراا نجوووله احس اني للحين ماقلت اللي بخاطري كله بهالفياض ويخوني التعبير من كثر ما انا مبغضته هالبغيض النسونجي..
|
14-06-12, 12:16 PM
جديد مواضيع قسم الارشيف
العرض العادي
