كاتب الموضوع :
ام وسن
المنتدى :
الارشيف
صباح الخيرااااااااااات ...........تسلم ايدك ام سونة على البارت بس القفلة ابد ماراقت لي تدري ليه لانو الهواجس تشتغل الين ينزل البارت الي بعده .....اه ياقلبي بس
طويرق وتروووووووف
طويرق اجل خذت قلبك بنت بحر الزين خخخخخخخخخخخخخخ يافرحت قلبي وشماتي فيك يالمغرور ..........بتموت غيرة عليها من كثر ماانت عارف خطاطيبها الي يتمنون زينها وسرقت قلبك الاغبر من طاحت عينك عليها تستاهل كفوك الي بيجيك من ترووووووف ماقصرت عليها انا رفعت ضغطي ولو ماني شايلة المرارة كان فقعت من فعايلك الغبرا .......
اجل في واحد عنده احساس وشفقة يعاير زوجته بكلام يذبح عن الي خطبوها وربي اختارهم شذنبها هو بكيفها ولا بكيفها يكفي احساسها هذاك الوقت وهي تسمع عن كل واحد بدل ماتنزف له يزفوه لقبره ولاهي مرة ولا مرتين
اقعد تحايل واكتب اشعار يمدحونها ترف مو يمك ابد ..........لازم تحفى علشان تنال رضاها علشان تمسكها هي عليك لو بيوم رجعت لموالك ماخليت كلمة ماقلتها وتبيها تحمل وين تحمل والنفسية زفت
تروووووووووف تعجبيني يابنت لو تسمعي خبر انو بيتزوج غيرك لو مارجعتي له لاتتزحزحي فرطتي بكرامتك كثير وياليت فاد وبان بعيونه خليه يحترق وهو يحس انك عايفته وانو ممكن يخسرك لانو عارف انك مابتقعدي ببيت ابوك الخطاب بيهلو عليك
مابيعرف قدرك الا بهالقرصة ويارب اشوف طويرق يدور بأنصاف الليالي يهوجس بأسمك ياتروف ويعلن الندم ويمكن ساعتها نرضى ترجعين له
هويا وظويفر
والله هذي المخبلة والي ماخذة حقها اقول لاتفرحي زوجك ابو الفزعات عنده شاغرين بدل شاغر واحد عاد لو يزوجوه على راسك غير تستخفي علينا خخخخخخخ يالله وهذا ظويفر الي ماكنتي طايقته صفى لك لحالك اشبعي فيه الله يهنيك ويعقلك .............وحتى نوال عطاك الي يسرك بموضوعها عسى بس ماتسوي شي يعل قلبه ويسوي فيك سواته باام محمد خخخخخخخخ شوفي سويرة تشمتت لين شبعت وصارت من حال الي تشممتت وفرحت عليهم
رويض ودويمه
والله انا قايلة هالاثنين خاربينها خاربينها وهذي جزاة ديوم على الحنة والماطل في الخطبة وعاد رياضوه ماعنده وقت ابد صايم مدة بدون حرمة والحين موشايف خير وهالهبلة معاه حتى ماتمقل بملامحها يادافع البلا الله يستر عليها من ليلة الزواج ........بس ابي افهم شي الشفاحة الي فيه وهو والشايب الاغبر اخوه على الحريم من وين وارثينها ابوهم مالية عينه وشبعانة ببحر الزين مهجدته ومثقلته بس هذولي يخلف الله عليهم
ديوم اهجدي ببيتكم ابرك لك المرة الجاية ماادري هالمطيور سبيسوي لو شافك .........مع اني مااظن انك تهجدي بكرة تنسي وتطيري لبيت عمك .........انتظر ردك على الي سواه رويض هالمرة هو الي فاز بالجولة بنشوف مين الي بيجمع نقاط اكثر
عزوز وغنودة
يوه يوه يوه صابتكم عيون المتابعين لالالالالالا مافرحنا بالبزر بنات كل وحدة تجيب غسولها اشوف بس والا لايكون هذي عين ندى توها واصل اثرها من يوم البر الا هي عينها وانا شكيت بالمتابعات وانا منهم ...والا احنا ياحليلنا مسميين عليهم هذيك ام عيون
الحين انا ابغي اعرف هالثور الهايج ليه ماراح لرويض ومسكه من رقبته وطلع حرته بدل هالمسكينة مايعرف يصير رجال مع الرجاجيل هذاك يسحب اخته مثل العنزة وهو ساكت وينفجر بحرمته
والله هالرجاجيل يعلون القلب بس على الاقل بعضهم يحسون لما يهدون يعتذرو ويندمو على سواياهم الي بوقت عصبية هذا ابد خرف والزهايمر اشتغل ونسى سواياه ........
ام سونة شفيهم بنات بحر الزين من اقل شي نزفو وطيحو ورعانهم هذيك من بزر دايس عليها وهذي من مسكة كتف هذا كله من الوجبات السريعة واكل المطاعم مخليهم مثل الورق مافيهم قوة .........بس ان شاء الله يكون نزيف من الطيحة وماتسقط كثير يصير لهم هالشي وربي يتمم عليهم حملهم
وضوح ومساعد
لالا عاد وضوح ماتبي تبين زينها الا لمساعد هالبرقع مانبيه عنده لاتخليه يجرم فيك ترى ايده طويلة ومتزوجك مغصوب تكشخي وتجهزي والبسي من لبس الي بتعاشريهم وايام البادية انسيها وتطوري لايعايرك خوب رجال هالعيلة استغفر الله يالسانهم يجيب المرض ياايدهم تلعب هذي مراجلهم وعسى بس تبردي قلبي فيه مسود الوجه
نجود وتريلة الحريم
مايناسب اقول زير الحريم حسبي الله عليه من واحد مايشبع هذا ماظلت لاعورة ولا منكسرة الا مخاويها خاوته الكلاب الجربة الخاين ..........وين الهيئة عنه ابي اعرف وين لاهيين مايجون يسحبونه مثل الخروف ويبردو خاطري فيه لكن دواك عند نجود اصبر ياابو ضروس ياهي بتتربيك من اول وجديد بتترك تربية عيالها وبتتفرغ لك يالشايب شبت في كرعانك نار حامية علشان لاتنط لايمين ولا يسار تسنتر بالبيت وعسى اذانك تلتهب علشان ماتقدر تمسك جوال تغازل فيه ...وعسى اصابيع ايدينك تتكسر علشان لاتمسك جوال وتشتغل مراسل ولا لاب توب ..........وعسى عينك تنتفخ وماتقدر تناظر زين علشان لاتحط لنا هالمحطات الي ملوعة كبودنا يعني مسكرينها عليك وحرمان من كل شي .........وساعتها وريني شلون بتجدد شبابك
الحين نجود وماسكة عليك صور خليعة وتسود الوجه ........وبتبتزك بالشريحة الي مشتريتها بدون ماتعرف مين الي تبتزك وبتسحب فلوسك الي مغتر فيها وتوزعها على العوجاء والمنكسرة وبتحرق اعصابك وبتخليك ماتتهنى ولا بشي .....ياني بفرح عليك ياني بضحك من قلب ......مثل ماعليت قلوبنا بنشوفك محترق ومنتفخ بس صبرك يافيازوه
ام سونة لاخلا ولا عدم منك ياقلبي
في انتظارك
|
10-06-12, 08:59 PM
جديد مواضيع قسم الارشيف
العرض العادي
