كاتب الموضوع :
ام وسن
المنتدى :
الارشيف
صباح النور صباح الحب المنحور عند ال رواية ام وسن
بصراحه ام وسن الرواية هذي لزوم كل بنت ماعرست او حرمة معرسة تقراها وصفك دقيق واللي تكتبينةكل يوم اشوفه
حولي
بتضحكين علي \كل ما قريت بارت لقطت راس ابو العيال وحبيته ويتعجب وشبلاك اقول ابد الله يخليك لي
حب طارق لترف من اول قايله يحبها والدليل غيرته وكسره لها كل وقت خايف تروح منه (اعرف وحده شخصيا تعاني مثل
ترف بسبب وضع اهلها المادي والاجتماعي الي احسن من زوجها وهي ماحسسته ابد بهالشي بس مجننها بتحكمه
لا تروحين لاتجين لا لا لا لا لا وكم مره بغى الامر يوصل لطلاق بس تحبه وتتراجع ويرجع يتأسف لدرجة مرة اصرت وماكلمته مدة شهرين انمرض ماخلى احد من اهلها علشان يتوسط له حتى اهله بس هي كانت مجروحه منه مره دخل المستشفى واتصلت امه تترجاها هي تحبه بس تعبت ساعه فوق الغمام وبلحظه اسفل سافلين .تقول مره خلاص تعبت منه بطلع قعد يترجاها وانهبلت يوم دمعت عيونه ويحبب يديها وراسها
رضت وجلست بس هالمره حرمها من جمعة اهلها وقال اقعدي معي ابرك من اهلك واخوانك
اشباه الرجال مهيتيكم وحريمهم روحات وجيات سفر وحفلات وابوك ساكت
اهداها ابوها مره سيارة سوى فيها ابوك شايفني ماعندي وش قصده ليه وش معنى وردتها مع ان الابو معطي كل بناته وباعتها لا يزعل............ترا البنت حلوه ومعاها الماجستير وهو دكتور
نرجع لطلعتها الاخيره امه جتها في البيت استحت من الام وطلبتها طلب بس هالمره وبعدها لو تبي الطلاق تجيبه هي بيدها لها في بيت ابوها بعدها تعدل وضعه
احيانا من كثر الحب يخاف يفقدها فيكسر شيخاتها ويحطمها وهنا دور الحرمه تحسسه انها تبيه وما تبدله برجال العالم
فياض من اول قايله لنجود هذا ماله الا الكافور ودعاء اخر الليل والي الله بلاها بمثله ان ماجابت عيال تتركه بلا حسوفه
ماله لا طب ولا طبيب واللي عندها عيال تقعد عليهم وتصبر وتاخذ حبوب يجتمع هم عيال ورجال الابو لاهي ولاهو يم العيال
الله يعين من بلاها بمثله قهر في البيت وعند الناس وعند الحموله ولا يقول مالقيت الي ابخاطري......... انصح اللي عندها دخل او مقتدره ماديا تتركه وتخليه فقط محرم لو وش سوت ماراح يغيره وفياض من دبي للبنان للسعوديه للبزر للاجنبيه والخافي
اعظم الله ليه مادقت نجود على عيالها وابوه يجون ويشوفون سواد وجهه ويكسرون عينه اللي مثله لا حيا ولا مستحيا
عزيز سعودي مرررررررره لا ضاموك الرجال حط حرتك بمريتك
وهذا اللي حصل مع غنادر واللي يشفع له انه ماقصد يطيحها واكيد بيندم وممكن ماتسقط وعلى العموم دايم الحمل الاول
يكون فيه مشاكل ويمكن مشي السوق له دور لا تكبرينها غنادر عزيز يحبك ومداريك حتى امنيتك بالطب ما عارضها
لا تطرفين عينك بيدك وتكثرين العتاب هو اعبر منك ونادم كثر شعر راسه
رياض لا تحسبون كل الخطاب كذا هو عجاج والاخت قرطاس واللي سواه غلط لا مكان-ولا زمان يسمح بلي سواه
سبحان الله هو واخوه كل واحد بكفي واحد بالحلال والثاني بالحرام بس مافيه مقارنه
|
09-06-12, 08:50 AM
جديد مواضيع قسم الارشيف
العرض العادي
