الحمد لله وصلت معكم الروايه كنت مقرره ماقراها إلا
بعد ماتكتمل لكن ماقدرت اصبر والروايه من كتابات ام وسن
الله يعطيك العافيه
التعليق يعجبني رياض وديمه
قاهرني فياض الزفت وراحمه نجود على مابلاها
ننتظرك قريب ام وسن

بيجي اليوم الي تتخلى نجود عن فياض ويلاحقها تلحق
اما رياض هههههه ديمه ناويه له نيههههههههه ماوافقت عبط
سعد بتلقى وضحاء القويه الي موريم طبعا

مساء\صباح الخير

يعطيك الف عافية ام وسن بردتي كبد في فياضوة جعلة دوم بهالحالة يستااااااااااااااهل ماجاة ليت نجود شافته مع هالبزر كان تشمتت فيه

طارق وترف مثل توم و جيري مره كذا ومره كذا متى العقل بيطب عيهم محد يدري

ديمة ورياض واخيرا مابغى تحقق امنية هالرياض نشف ريقة وماضنتي موافقة ديوم بسبب كلمة ولد اخوها ابد اتوقع ان ابو فياض قالها شغله عن ولد رياض انهم بياخذونه او وام فياض وتعيش ديوم مع رياض كانم توهم متزوجين >> يمكن

وضحى ومساعد راح تكون دخلتهها على ساعد دخلت خير وراح تبري جروحة وتعبي قلبة وتنسية ريم .. حبيت وضحى وكلامها يحلوها

عزام وندى راحيبقى هالحب ياعزام واذا عرفت سبب اجهاض ندى ومت ولدك راح يبقى هالحب والا مثل اخوك طارق عرق النذاله والغرور يخليك تعاقبها على ذنب مااقترفته

ابو فياض عكسك لامار شخصية جدا رائعة يحب اولاده ويخاف عليهم يكفي ان امهم بحر الزين

يعطيك الف عافية ام وسن وتسلم يدينك

صباح الخيرات والليرات ..............صباحك فل وياسمين ام سونة ........تسلم ايدك على البارت الخطنطر دوووووووم الابداع ياقلبي ......

رويض وديييييييوم

يوه يوه يوه اجل وافقت دويمه خخخخخخخخخخ والله ان تطلع هالطفاقة الي براسك يارويض وبتشوف اي كلمة ورفعة خشم بتدبها بوجهك انت الي حفيت وخطبت بدل المرة امرار مالك وجه ترفع خشتك وتسوي فيها مثل الشايب اخوك خوب انا مااعندي ثقة فيكم انا ابي اعرف شي واحد ورى ابوكم يوم يربيكم ماعلمكم الحب شوفوه لليوم يموت ولا يضيق خلق حرمته مو انتو مالت عليكم من جيل اغبر

بس ليه ديوووووووووووووم وافقت الحين مااعتقد لاخجل ولا حيا من عمها البنت صريحة وسيدة لاتلف ولا تجامل احد على حساب نفسها ولا اعتقد كلام الخبل ولد اخوها هز فيها شعرة ...........بس ديوم بتخبرنا قريب اعرفها ماتخلي بخاطرنا شي وخصوصا لو اجتمعت بالمطفوقة ترييييييف بس لايكون من فرحتها انو الوضيحي بتصير حرمة اخوها والله عاد هالبنت مااقدر اعرف الي يدور بمخها بس ياهي بتجنن رويض ههههههههههه



غنادر وعزيز

على انها اعقل خواتها واركدهم بس بعض الاحيان تقهر يعني اكثر من العشق الي يعشقها عليه عزيز شتبغي الرجال ماقال شي غلط وخير لو حملت الحين يعني كنا نعيب على ندى وملاقتها ودلعها الماصخ الحين هي كل ماقال الرجال شي قالت لين نستقر وتصير اوضاعنا احسن ..........ياربي عليها اشياء تجيب اللوعة عساك تطلعين حامل بورع عزيز ساعتها مابتفتحي حلقك بكلمة .......

ترى عزيز يقلب عليك وتندمي بعدين من كثر ماتكرري هالكلمة دام الرجال سنع تسنعي واكسبيه لو تشوفي حال خواتك وخصوصا تريفة تبلعي لسانك بس


هيا وظافر

ياليل البعاريييييييين هذي كيف تفكر ابي افهم انا الحين انتي بالاربعين والوحدة بالاربعين لايعة كبدها ومنقرفة من حالها تعب مابعد الولادة وحريم وزيارات وادوية واعشاب وورع يبي سهر وتعب وانتي تبغين ظافر يلصق فيك مالت عليك يالبقرة يجي يشم ريحة الادوية والحلبة والبلاوي وينقد عليك والا يجي يسهر مع بنتك والا من زود الخبال بس زين انو ظافر لليوم ماخبرها شي عن الطلاق يمكن يصير شي ويرجع هذيك بسكات مايندرى عن تفكير ظويفر

يالله عاد الهي بعمرك وبنتك وانتي ساكته ماصارت غيرة من الطمع تبغي كل شي لها نست يوم ياخذها وكرهها له ...يالله خلي سويرة تلهي فيك شوي خوب مريم حامل ولا فيها تعابلك وتقوم فيك طول الوقت


مساعد والوضيحي

على قد فرحتي انو وضحى بتتزوج غير فياضوه على قد ماني راحمتها انها بتاخذ ابو ايد طويلة والشكاك والي عنده عيال طوله وهي المسكينة اول بختها تمنيتها تاخذ واحد اول بخته هي مااقول الا ابوها رماها ولا اهتم فيها ماكأنها وحيدته بصراحة ولا واحد عجبني من العلل الي مرشحينهم لها بس يالله الله يصبرها ومتأكدة انها بتصبر على بلوتها لانها متربية بالبادية وقسوة العيشة علمتها اشياء كثيرة ..........الله يعينها على ثقيل الطينة وعياله الي شافت غثاهم هههههه

تريف وطويرق

ياصبر الارض على هالاثنين متى بيهجدو تريف قلنا اكسري غروره عدلي حاله المايل مو تميلي وراه يخلف الله عليك بس روحي اخذي الوصفة من امك شوفي الشايب مايبي غيرها وموشايف غيرها ماغير يرد العطايا علشان عيونها شوفي كيف مروضته بلكت تريحي بالك من الثور الي عندك مو هو يروق ويبي يكمل يومه معك وانتي بدل ماتشغلين كيد النساء وتأدبيه طيرتي الفرصة عليك ولو مد ايده انتي مو كفوه .......... وبعدين يالخبلة روحي اكشفي خواتك حملن الا انتي حتى لو ندى راح ورعها بس ضمنت انو فيها عيال لازم تجيك نغزات من امه ولا حكي من خالته النسرة تلحلحي بس ... يالله ننتظر ونشوف اخرت الحال المايل


عزام وندى

والله ياعزاموه لاتلعب عليك هالدلوعة وتصير خاتم لها ترى هي ماتنعطى وجه ابد لاتقسى حيل عليها ولا ترخي وتمدح فيها خلك متخذ الوسط في تعاملك معاها واذا ربي كتب لها تحمل بتحمل غصب عنها ......بس المسألة محتاجة لوقت وربك كريم


فياضوه ونجودة

نجود الله يصبرك على مابلاك ياصبر الارض على العلة الي عندك فوق شينه قوة عينه طالع يغازل ويغضب ربه ويبي التوفيق ويوم ماحصل رجع يتحجج وابليس مسانده على نفس الكرسي ..........يابنت الناس لاتسكتي له اذا شفتيه رايق شغلي عليه الخطط كلها مايفيد معاه لاصبر ولا حشيمة ولا تزين ولا تلبس ابو عيون وسيعة لايصدق لابوعود ولا بحكي مالت بس


اما فياضوووووووووووووووه الشايب العايب خليته اخر واحد بمزمز فيه على كيفي ...........خير يالاخو خير تصارخ وتنافخ روعت الورعان عساك للروعة الي مالك فيها طب خير تراك رافعن ضغطي وواقف لي بالحلق مو قادرة ابلعك الحين طباخ نجود مو عاجبك اي متعود على المطاعم الخايسة لايكون فارا الي كنت ماخذها تطبخ احسن منها بس والا الي صادتك معاها نجود بالفندق مبدعة في طبخها مالت عليك بس يالاحول يالاثول يالي ماتفرق بين الممثلات الهنديات من العربيات طاح حضك وانسدح اكثر من ماهو منسدح ..........

اجل تبي الوضيحي لك هههههههههههه كسحك الشايب وخلاك بيزة ماتسوى هههههههه ام سونة الله يوسعك صدرك مثل ماوسعتي صدورنا بهالبارتين كثري الله يخليك من كسحات فياضوه اجل هج من المجلس بعد الكسحة والله وعرف لك ابوك والا انت كفو بنات ناس وحمايل كفوك البزران الي يلعبون عليك والخمة الي تشوفهم بالشوارع وينقعوك بالحمامات من كثر وساختك الي مهما سوو مابتروح ........طير بس لوتهج عنك نجود مالقيت الي تسواها في صبرها ...ياني بخاطري حكي لو اعيد وازيد فيه مابنخلص


تسلم ايدك ياقلبي لاخلا ولا عدم منك