صباح الورد ..........صباح اللابداع والتميز ........صباح الفل ام سونة .......تسلم ايدك ياقلبي بارت مسكت بصراحة ومليان احداث ........بس الله يستر من الي جاي

ترف وطويرق

والله هالترف مايمدينا نمدحها الا وتعل القلب الحين توني اقول زين سوت بطويرق يوم خلته يرجع بدونها وخصوصا انو حرة هلاكوه بعدها بقلبها بس الخبلة فكرتها متهورة بكل شي تقدر تكذب الا الحمل والوحام يعني اذا سئلتها امها بعدين ايش المبرر بس مو هذا الي قهرني اجل كيف بتعطيه درس اذا بتحاتي بيتركني لو لا باموت لو تخلى عني اجل خليه يهين فيك ويجرح وانتي ساكته ياحظي خليه يعرف انك مو لعبة عنجه ياخذ الي يبي واذا قضى رمى عليك كلام ماتتحمله حرمة
مو كل مابغى يسكتك ذكرك بالي ربي اختارهم ..........هو غلطان ويجيب المرض ولازمه ضربة بعجرة على راسه المصدي يرفع الضغط ولايطاق المغرور


ديوم ورويض

وقسم تفكيرها يجيب المرض الحين رافضة الي يعرفها ويعرف خبالتها ورقالتها يعني الي بياخذها ومايعرفها هل بيتحملها ولا بيرضى فيها وهي فاصلة اغلب وقتها ولا ضامنة اهل المحروس الي بياخذها بيتحملوها وبتجوز لهم لو اخذت واحد مثل عزيز ولا مساعد غير يرجعوها من اول اسبوع لكن الي يعرفها اخذها وهو راضي فيها صدق ماادري ساعات مخها كيف يفكر

ورويض ماسمعت الي يقول مايحسد المال الا اصحابه صكيت نفسك عين من كثر ماتبربر على هالعرس عاد الحين ايش الي بيصير هل بتتزوج وضحة انت مااعتقد ولا تناسبك اصلا ...........ياهالوضحة الي ابتلشنا فيها وموعارفين ندبس احد فيها بس الا فياضوه لاتاخذه ابو عيون مسود الوجه


ندى وعزام

اجل عبود هو السبب والله شكل حمل ندى من النوع الضعيف اذا بزر نزل الي ببطنها الله يعينها اجل كثير حريم يجهضون من اسباب بسيطة جدا ..........الله يعوضها وتفكيرها سليم مليون بالمية شراح تستفيد اذا تكلمت الولد وراح ومايحتاج تزرع حزازيات بقلوب احد


غنادر وعزيز

بسرعة غنادر تخلة عن حلمها الي كانت ذابحة عمرها عليه .........بس الحين ايش بتدرس بعد هالتعب اما عزيز ماصدق جاته حجة يالله ان شاء الله خيرة ..........بس فعلا حركات ديمة وترف مالها داعي خير وين قاعدات يعني مهما كان ترف موصغيرة ومتزوجة تسوي نفس حركات ديمة المطفوقة المستشفى للمرضى المحتاجين الحين المريض ينتظر دوره وهم قاعدين يلعبون بالاجهزة لو الموظفات مهتمات بلغو عليهم الامن مهما كان للمزح حدود والمستشفيات لها احترامها


ريم وسليمان

واخيرا سليمان حقق حلمه بس شكل سويرة الي ياما تشمتت في الناس جاية تبغي تخرب عليهم بس الله لاينولها الي ببالها لاني من يوم موقفها من نجود الي ماضرتها وهي فرحانة وشمتانة انو فياضوه بيتزوج اختها وفرحتها بزواج مريم من الشايب علشان تتشمت بعمتها ام زوجها وانا تمنيت انها تعيش نفس موقفهم يمكن تتذكر حالة غيرها موهي فرحت لزواجات خواتها خلاص هي مو احسن منهم على الاقل هم ازواجهم يكنون لهم مشاعر بس سليمان قلبه من سنين مو لها وهي ماكلفت خاطرها تكسب قلبه بس تفكيرها بالعيال هم الي بيربطوها فيه ربطوك بس مامنعو زواجه عليك

خليها تيجي ماراح ينحرق الا قلبها لما تشوف فرحة سلمان بعيونه الي ماشافتها ليلة زواجه منها هي قصرت في البداية والحين تحصد الي سوته

اما الريم اعتقد دام العرس صار عيب عليها تقلل من احترام زوجها او تمنعه من اي شي لانها محاسبة واعتقد انها ماتبغي تحمل لقب مطلقة للمرة الثانية خلاص الي صار مكتوب من الله مافي شي يصير للانسان الا مكتوب له



في انتظارك ياعسل

يعطيك العافية ام وسن
حزنت حيل على وضع ندى وحملها الله يعوضها خير وان شاءالله مايسبب لها مشاكل هالجهاض مشاكل بالمستقبل وتحمل مرة ثانية ويثبت
رياض ورفض ديمة له هل رايح يكون سبب بانقاذ زواج اخوة فياض من نجود ويتزوج رياض بوضحى
هل مساعد راح يكون من نصيب وضحى
عندي احساس بان عزام راح يعرف سبب تسقيط ندى عن طريق الصدفة يعني تقول لامها او وحده من خواتهها ويسمعها اهو
غنادير رب ضارة نافعة يمكن لها خير بترك هالمهنة لانها وحده رقيقة وناعمه امممم مااحس يناسبا هالمهنه يناسبها تكون مصممه ديكور مصممة ملابس زي كذا يعني
عزيز يافرحتك بانها تركت هالمهنه بس اذا عرفت السبب ويش بتسوي

يعطيك الف عافية ام وسن على هالابداع

السلام عليكم ام وسن
ان قلت ابداع فهو من عادتس الابداع وان قلت اذهلتني القصه وروعتها فما اكون اول وحده ولا اخر وحده قالته
تنطق حروفس بالروعه والجمال اقرأ وخايفه تخلص الاجزاء مستمتعه واستمتعت وبستمتع بكل ما تكتبين حفظك الله وبارك لنا بعقليتس الفذه
نجي للشخصيات اللي حبيت وكرهت
ابو فياض وامو لفياض

يازينهم زيناااه ويازين حبهم لبعض ان كانو شخصيات حقيقيه سلميني عليهم


فياض ونجود
فياض شخصيه تمثل الرجل اللعاب بس يقاله بالحلال مسيار ومسفار وهالزواجات اللي مدري شلون قايله يخطي ويرجع يعتذر مع ان الرجال لايمكن يعتذر بسهوله او بالاصح ما يعتذر ابدا ويكون اعتذاره غير مباشر بس من حبه لنجوود يعتذر ويحاول انه يداري خاطرها المهشم من كثر ما كسر فيه

نجود والله تحبه لانها كل مرره ترضى وتقبل اعتذاره والحجه عشان العيال
الاكييد انه بيغلط غلطة عمره اللي ماراح تسامحه عليها


ترف وطارق
يااااصبر الارض على طارق يقههههر حيوان يحب ترف الا يموت عليها ويحب يقهرها ومع هالششي ولا عمره تعذر منها ويقلب زعلها عليه الى زعله عليها
وترف يا شيخه اتلهي على قول اخوانا المصاريه يعني حبه يخليس تمرمطين كرامتس بالارض قلعته الاناني المغرور انا لو منس بعد موقف هلاكووه بنت خاله وتأييده هو للكلام اني ما ارجع ولا ارد عليه من الاصل


هيا مررررررررررره ما حبيتها هي وظافر هي نذله واتمنى تندق رمتها وغرورها وهو ماله امااان صحيح يعجبني يوم يكسح بهيا بس بعد ما حبيتهم

ساره وسلمان

ساره ما تستاهل من سلمان هالتعامل بس هي تتحمل نتيجة جلوسها على ذمته بعد ما عرفت مكانتها بقلبه الا اني اقعد عند واحد عايفني

سلمان تحب ريم اعتقد عيشتك مع ريم بتكرهك فيها
لان الحب اللي من طرف واحد مشكله انك تتخيل وتعيش احلامك لكن في النهايه بتعيش مع الشخص الحقيقي مو اللي تخيلته في دماغك



ديما ورياض

حلويييين فاكهة الروايه واتمنى توافق على رياض وتضفه هو وولده وتاخذ اجرهم

وضحى اتمنى تاخذ مساعد وتريح وترتاح

احلى اثنين غنادر وعزيز حلوووووين بس اخاف تجيييهم مشاكل من عيون ديووم العسوله


ام وسن بانتظارس وكلي حمااااس للجاي

يا صباح الخير على ام وسن ومتابعاتها

اليوم الخبال معشش بروس اثنين من بطلاتنا

الخبله الاولى ترف

يا تروفه انتي عارف طبع رجلتس يوم تلفين وتدورين وتسوين شي ما انتي قده ليييييييييه


رجلتس ماهو من النوع الي تقدرين تعاندينه هذا بلوى طامه يبيع والله وما يسأل تبين تعيشين معه ارجعي لبيتس

وعاقبيه وانتي في بيتس اما رايحه لبيت اهلك وغابنته مخليه امك واسطه لا ويوم طير عيونه عليتس مالقيت الا ظهر امتس تندسين وراه

اذا انتي تبين طارق ارجعي با اسرع وقت ترى كل ما طولتي كل مازادت الهوه بينكم

مادريتي ان وضحى تلوح با الافق والله يستر ما تنام براس وحده منكن

طارق عذره معه انتي تهجهجين من بيتس

وزود عليها من زين فعايل اخوتس فياض مسودها معه ولا تستبعدين انه ياخذ بحق اخته من اخوتس

وخصوص ان طارق داري بكل سوالف فياض العوج

ارجعي لبيتك ولا تحلمين ان واحد مثل طارق يعتذرلك

الرجل عمومآ قليل الاعتذار وان كانه بيذبح نفسه ويعتذر حتى وهو غلطان غلط كبير

مايجي اعتذاره الا اذا سافر وابعد عنتس ذيك الساعه يعتذر

ماقصده اعتذار لا بس هم عارفين ان حنا عاطفيات فا الاعتذار زيادة تعذيب

علشان تحرمين تزعلينه والا تعصينه

يعتذر ويخلي الهواجيس تضرب قلبتس

تقعدين تفكرين

الله يستر لايكون بيصير فيه بلا والا ما كان اعتذر

فا ارجعي يا تروفه

الخبله الثانيه ديما

ياهي دابله كبدي ورى رفضتي رياض يا ما ل الوجع وين بتلقين مثله

على اني كنت احبتس لكن الحين انقلعي محاربتس لين توافقين على رياض

لو انتس مستخيره كان قلت ما ارتاحت بس من الباب لطاقه رفض


انتي من بيتحمل خبالتس وطيرتس غير رياض

شوفي ما شاء الله غنوده اصغر منتس وهذي معرسه على اخوتس ومعينه خير

يا ليتس حولي انتي وبنات صيته

لقيت شي اقوى من خيزرانة ماما زارا

لي كهرباء شفته قبل فتره جنب عماره توها تنبني

بضبطكن فيه


ندى عين العقل الي سوته وخصوص ان عزام اقشر ماهو لازم كل شي يدري به

بتقعد في قلبه كل ماشاف عبود ها الضعيف وبتكون بذره لمشاكل بينكم

الله يعوض عليتس دايم التسقيط يجي عقبه حمل بسرعه

غنادر والي شافته با المستشفى

المشكله انها حالات فرديه ونادره لكن مثل ما يقولون الشر يعم والخير يخص

امي الله يشفيها قبل فتره عندها مراجعه تقول و احنا قدام باب المستشفى شفت ممرضه سعوديه كفخت زميل لها بعلبة بيبسي كبيره على وجه

وانتثر البيبسي عليه تقول هو ما قدر يرد عليها كلمه

ضربته ومشت وخلته ينفض بالطوه ولايدري وين يداري وجهه من الفشيله

تفكيرها سليم زوجها ما راح يستحمل الوضع وخصوص انه غيور وتزوجك قبل تتخصصين

يعني في مجال انك تغيرين وتحافظين على بيتك


سلمان والله انا ماودي يخرب عرسك على اني ما احب تجميع الحريم

بس مبطي مقيوله من دق باب الناس دقوله ابواب

ومن شق جيب الناس شقو له اجياب

خواتس طبوا على حريم وانتي ما انتي با احسن من ام سلمان ولا ام محمد

ودنا تحسين با الجمره الي وطاها غيرتس

جيت اهل الشمال الله يستر منها ماراح تمر مرور الكرام


الا ان عندهم معرس لوضحى يفكونا منها


ابدعتي ام وسن


با انتظارك متى مانزل البارت بس لاتطولين ابداعك مايخلي لصبر مكان

الله يعطيك العافيه ام وسونه عالبارت الحماسي

أتوقع ساره او مساعد يحاولون يفركشون الزواج

وديومه بتحن على ولد رياض بعد مايتعلق فيها وبتوافق

وأن تروفه حامل صدق وهي ماحست