كاتب الموضوع :
نية صافية
المنتدى :
القصص المكتمله من وحي قلم الاعضاء
ღღالجـــــــــــــــزء الــــخامس عشـــــــر ღღ
ميثة كانت معصبة حدها مسحت دموعها
و حاولت تتصل بفيصل لكنها ترددت بسبب الخوووف و الربكة
فقالت بتستناه إليـــــــــــن ما يرجع أحســـن >> فقعدت على أعصابها المشدودة تستناه
و تفهم منه كل الأمور
في المستشفى ( عبدالعزيز )
فهد: انزين و اللحين شو الصرفة
فيصل: ما ادري يا فهد بروحي محتار
فهد: يعني سفرتك راح تنلغي
فيصل: اكيد راح تنلغي حياة ولدي أهم من سفرتي مع حرمتي
فهد: بس صعبه شو راح تقول لميثة اللحين
فيصل: لازم اعترف لها بكل شي
فهد: بصراحه هذا هو الخيار الزين انت لازم تقول لها ان عندك ولد
فيصل تنهد: ان شاء الله بس تتفهم
فهد: لا ميثة عاقله ان شاء الله راح تتفهم
فيصل: الله يسمع منك
فهد: شوف انا راح ارتبلك حجوزات السفر لعلاج ولدك
فيصل: مشكور ما تقصر تعبتك معاي
فهد: افا عليك انت اخوي قبل ما تكون ولد عمي
ابتسم فيصل
فهد: اخيرا ابتسمت
فيصل: لا تلومني اذا ما ابتسم وايد هذا كله بسبب معاناتي
فهد: ما عليه هونها و تهون و لا تنسى ان هالشي اختبار من عند رب العالمين
فيصل: بس انا خايف على ولدي
فهد: لا لا تخاف خلى ثقتك بالله قويه و لا تنسى ان ولدك بإذن الله راح يشفى قريب
فيصل: و الله بستخف ان راح ولدي عني
فهد: عين من الله خير و عزوز ما عليه شر ان شاء الله
فيصل: اليـــــــوم عمي بو زينب اتصلي
فهد: حليله شخباره
فيصل: بخير الحمدلله و يسلم عليك
فهد: الله يسلمه من كل شر
فيصل: قالي بيرد الامارات قريب بس قلتله ما يصير دام انا بسفر ولدي بعد جم من يوم
فهد: ليش رد البحرين مع انه كان هني بالامارات قاعد مع ولدك
فيصل: عمتي ام زينب قالت لازم يحضر عرس مهم عندهم من اقاربهم و عمي بعد شده موت وافق يسير
فهد: و الله فيه الخير هالريال كفاية ان قام بولدك و يتابع علاجه و انت بعد ما كنت مقصر لا معاهم و لا مع ولدك
فيصل صد صوب ولده النايم: حليله و الله هامني اليوم وايد تعب ولدي
فهد: الله الشافي ان شاء الله
فيصل: تعرف خلاص انا اللحين مصر اني اخبر الكل عن ولدي
فهد: كل هذا عشان عزوز
فيصل: هذا الغالي ولد الغالية كل شي عشانه يهون
فتح عزوز عينونه
فيصل: فديت هالطله
عزوز ما قدر يتكلم لانه تعبان
فهد: تعبان وايد حبيبي اناديلك الدكتور؟؟
عزوز هز راسه بالرفض
فيصل: انزين حبيبي شو تحب تاكل
فهد: مب لازم ياكل اكل مستشفى؟؟
فيصل: يابوك شو هالاكل اللي بالمستشفى جنه اكل واحد يبا يسوي ريجيم خلني اييبله اللي هو مشتهيه احسن
فهد: ها عزوز حبيبي شو تحب تاكل
عزوز: ما ابغي
فهد: لا لازم تاكل تبا فطاير؟؟
عزوز هز راسه بالايجاب
فيصل: بس فطاير عيل هذا ما يسد ما تبا شي ثاني
عزوز هز راسه بلا
فهد: خلاص انت تم معاه و انا بسير اييبله الاكل و برد و انت شو تحب تاكل
فيصل ابتسم: فطاير مثل ولدي
فهد: خلاص اوكيك ربع ساعه و راد لكم
بعد خمس دقايق
طرش فيصل مسج لميثة
( أنا اليوم ببات بالمستشفى واحد من الربع مسوي حادث )
في اليوم التالي:
في بيت بوفهد
نورة: اونــــــــــــــه
ظبية: أنــــــــا ما اصدق
محمد: شو فيكم بسم الله
نورة: لا يعني مستغربين معقوله انت بعظمة لسانك تقول لنا انك راح تحوطنا فبوظبي
محمد: اقول تراكم ما تنعطون ويه هذي فرصة المفروض تستغلونها
ظبية: هيه صدقه محمد لازم نستغل هالفرصه عقب هو بروحه بيسافر بنفتقده وايد
محمد: من جيه ابغي اطلعكم بس عاد ما اعرف متى
منصور نزل لهم تحت و يايب وراه الوساده
و سار صوب يدته و رقد حواليها
ام فهد: وافديتك انا اكيد تعبان
منصور رقد بدون ما يحس على عمره
ام فهد: ويــــــــه بسم الله عليه ليكون فيه شي
ظبية: ليكون مريض امايه شوفي تاكدي
ام فهد حطت ايدها على يبهته و عقب على صدره ما شافت حرارة
ام فهد: لا ما فيه شي
ظبية: غريبه عيل ليش تعبان مع انه البارح نايم من وقت
نورة سارت صوبه: منصور منصور
منصور فتح نص عين
نورة: شوفيك
منصور: ابا ارقد
نورة: بسك رقاد قوم
منصور: لا بعدي بنام يمكن تطلع ماما مرة ثانية
الكـــــــــــــــــــــــل سكــــــــــــــــــــت
منصور: يدووه
ام فهد تطالعه بحنية: آمرك فديتك
منصور: ماما تسلم عليكم كلكم
محد عرف شو يرد عليه
غير محمد اللي تكلم: كيف سلمت علينا
منصور: شفتها البارحه
محمد: وين
منصور: بالحلم ياتلي و كانت بيــــــــضة وايد و تبتسم و هي فرحانه و قالتلي انها اشتاقت لبابا و اشتاقتلي و قالتلي بعد اسلم عليكم كلكم
ظبية ذرفن دموعها بدون سابق انذار
ام فهد: الله يرحمج يا ام منصور الله يرحمج و يغمد روحج الجنه آآمين يا رب العالمين
نورة: هيه انا مرة سمعت ان الميت عادي يسلم على اهله عن طريق الحلم
محمد: سبحان الله
نورة: و الله دانة لها وحشة
ام فهد: عيل فهد شو تقولين عنه المسجين
ظبية: الله يعينه و يصبره ان شاء الله على فراقها
منصور فتح عيونه مرة ثانية
منصور: بابا قال راح يشوفها ماما بالجنه و راح يتم معاها و انا قلتله بيي معاكم
ام فهد تمسح على راسه بحنية: فديتك يا منصور اسميك رحيم مثل ابوك
بوريم: فاطمـــــــــــة فاطمــــــــــــة
نورما (فاطمة): ماذا تريد
بوريم: هيا لقد تأخرنا
نورما: انني فعلا بخير لكنك انت تبالغ
بوريم: لا يجب ان نذهب للمستشفى فانت تعبة جدا منذ البارحه انظري كيف اصبح وجهك شاحبا
فاطمة: عزيزي لا تقلق فانا بخير صدقني
بوريم: لن يرتاح لي بال الا ان اتاكد انك بخير
طبعا مثل ما تعرفون نورما غيرت اسمها من يوم ما دخلت الاسلام لاسم فاطمة و صارت اللحين تتعلم امور وايد بالاسلام و قامت تتعلم اللغة العربية و دشت دورة لتعليم القرآن و دورة عامة لتعليم امور الدين
طبعا فاطمة عبايتها مب مثل عياية بنات هالايام اللي يالله يالله تستر
فاطمة تلبس عباة الراس طبعا كلكم عارفينها و صارت تلبس حتى قفازات و تغطي ويهها كامل اذا طلعت و لبسها اللحين كله واسع و رمت كل اشرطة الاغاني و تركت المحرمات و غيره من المعاصي
طلعوا فاطمة و سالم ( بوريم) على المستشفى
و اول ما وصلوا قعدت فاطمة بغرفة الانتظار و قال لها زوجها بانه راح يسير و بيرد
و عقب ما تمت هي بروحها شافت مشهد يقطع بالقلب
بشكل لا ارادي دمعت عيون فاطمة
شافت شغالة قاعدة عند وحده عيوز
و الشغالة قاعدة تتنازع على العيوز >> على فكرة العيوز شوي مخرفة بسبب كبر السن
العيوز: ابغي ماي سيري فديتج ييبيلي ماي
الشغالة: انا ما يقدر يجيب ماي
العيوز: سيري الغاليه سيري الله يرضى عليج تراني هلكانة عطش
الشغالة ما عطت العيوز سالفة و كانت تتكلم بالتلفون
نورما اقصد فاطمة لقطت بعض الكلمات لانها ما فهمت عدل
و العيوز تمت شوي تهاذي و عقب تمت تحن على الشغالة تييبلها ماي
لكن الشغالة راحت و حطت ايدها بقو على حلج العيوز: انتي ليش ما يسكتي خلاص شت يور ماوث
فاطمة وقفت بسرعه و سارت للشغالة و خوزت ايدها من على حلج العيوز
فاطمة: الا تخافين من ربك من فعل ذلك
الشغالة خافت: و انتي ما شانك
فاطمة: الا تعرفين معنى الرحمة يا فتاة لم تعاملينها بهذه القسوة
الشغالة: لا تتدخلي بما لا يعنيك
العيوز: منو انتي و شو قاعده تقولين
فاطمة ما فهمت عليها شو قالت
فاطمة مسكت ايد العيوز و حبتها
العيوز: فديتج اميه فديتج ابوي الله لا حرمني منج
فاطمة فهمت كلمة فديتج و استانست على هالكلمة و عرفت ان العيوز فرحت
العيوز تمت تاشر على الدوا اللي مفرور: وافديتج انا ييبيلي دواي اللي فرته عني الشغاله
شافت فاطمة وين ما تاشر العيوز و انصدمت يوم شافت الدوا مفرور
و عقب التفت على الشغالة: ماذا فعلت بالدواء لم رميته
الشغاله طبعا الشغاله كانت تعرف انجليزي من جيه كانت تفهم على فاطمة: هذا الدواء ليس دوائها
فاطمة: بل هو دوائها >> راحت فاطمة و خذت الدوا و رجعته داخل الكيسه و حطته فحضن العيوز
العيوز: ابغي ماي ابغي ماي لدواي ييبولي ماي ابغي ماي
الشغاله صارخت عليها: زين زين لا يسوي حشرة انا بالبيت بيجيب حق انتي ماي
فاطمة ما تمالكت اعصابها: بالله عليك ما الذي تقولينه هيا اسرعي و احضري الماء هيااااااا كي تاكل المسكينة دوائها
الشغاله: ااااااااففففف
فاطمة: قلت لك هياااا تحركي
الشغالة: لا لن اتحرك من هنا >> خدامات اخر زمــــــــن
فاطمة كانت عادي تروح تييب لها ماي بس خافت تروح و الشغاله تسوي بالعيوز شي
و عقب شوي يا بو ريم و يوم رفع راسه يدور حرمته شافها عن وحده عيوز و سار لها
بو ريم: هيا حبيبتي جاء دورك الآن لدنخل للطبيبة
فاطمة: لا اقدر ان اترك هذه المراة لوحدها
بو ريم التفت على العيــــــــــــوز و تيـــــــــــــبس بمكانـــــــــــــــــــه يوم شاف انها امـــــــــــــه
فاطمة: ما بك تحدق بها هكذا
العيوز: ودونـــــــــــــــي البيت ابغي اشرب قهوتي و حطولي السح
بو ريم رااااااااااااااااااح لأمـــــــــــــــــــــه و نزل على الارض و باس يدها اربع مرات و عقب حب راسها و هو يصيــــــــح
العيوز ( ام سالم ): شو فيـــــك يا ولدي مضيع اهلك و لا انت مريـــض بلاك تصيح
فاطمة ما عرفت تفسر اللي يصير: سالم بالله عليك ما بك
بوريم: انها امــــــــــــــي انها امـــــــــــــــــــي يا فاطمة
فاطمة ما عرررررررفت شو تقـــــــــــــــــــول انصدمـــــــــــــــــت
معقوووووووووووول اللي يصير معقوووووووول
فاطمة صاحت: الحمدلله الحمدلله لقد استجاب الله دعائي عندما طلبت منه ان تتصالح انت و امك في يوم من الايام الحمدلله يا سبحان الله ان الله على كل شي قدير
بوريم: ثلاثة عشر سنة و انا لم أراااااااها تخيلي ذلك يا فاطمة
فاطمة سارت صوبه: قل الحمدلله على كل حال و حالك انت افضل عن حال العاقين بوالديهم
بوريم: ياللــــــــــــه فديــــــــــــتج يا امييييييييه و الله اشتقت لــــج ساامحـــــــــــيني فديتج سامحيني و الله من اليوم ورايح راح اكــــــــــــــون بار فيــــــــــــج و ما راح استغنى عنج و راح اعوضج عن اللي فات
ام سالم: ابويه منو انت ؟؟ و شو قاعد تقـــــول ؟؟ ليكون خبل
بو ريم: ههههههه فديتج و الله
فاطمة: هههه كم هي رائعه
بوريم: يــــلا أماية تعالي وياي
العيوز: وابوي عليك انا شو تبا فيني ياللي ما تستحي
بوريم: قومي فديتج بخذج معاي البيت
العيوز: هيه وداني بيتي بسير اشرب قهوه و بسير اشوف هوشي و بقري ما سرت العزبة من يومين
بوريم: ههههه بعدج على الطير يلي
ام سالم: الا ابويه ما قلتلي انت ولد منو
بوريم مسك ايدها و باسها: انا ولدج سالم
ام سالم: لا انا ولدي سار عني و تركني
بوريم: سامحني يا اميه سامحيني ام ريم هي السبب هي اللي وشوشتني عليج
ام سالم: ام ريم منو ام ريم
بوريم: مب مهم تعرفين المهم اني شفتج و خلاص الا ما قلتيلي انتي وين تسكنين اللحين
ام سالم: اسكن بالبيت مع الشغاله
بوريم: يعني وين
ام سالم: انت عورتلي راسي انا ابغي ارتاح ابغي اشرب قهوه راسي مصدع ييبولي قهوه
بوريم: ان شاء الله ان شاء الله اللي تبينه بس انرد البيت بنصبلج قهوه
صد بوريم على الشغاله: وين مكان بيتكم
الشغاله خبرته وين
بوريم: يالله ساكنين بآخر الدنيا لا لا انا لازم اييب اماية تسكن عندي و انتي بنسفرج قريــــــــب
فرحت الشغالة يوم سمعت طاري السفر
و من فرحتها سارت تييب ماي حق ام سالم و تعطيها دواها
و عقب راحت فاطمة تسوي بعض الفحوصات للبيبي
في بيت خالد
شيخة كانت تكلم امها بالتلفون
و ام خالد تسمع الراديو >> مستحيل تستعنى عن هالراديو لانه كان لزوجها المرحوم من زمان اول
شيخه مطفرة من ازعاج الراديو: افففففففففف قصري على الراديو ما اسمع امي شو تقول
ام خالد: ان شاء الله >> راحت و علت على صوت الراديو.. تحب تعاند
شيخه: اوووووووهــــــــــــــــووو عاد
ام خالد: شو تقولين>> تسوي عمرها ما تسمع
شيخه: بتقصرين و لا شـــــــــــــو
ام خالد علت زيادة على اغنية بروغــــة و لا عليها من شيخه
شيخه: قصري عسى الله يقصر من عمرج و ياخذج
ام خالد: و ياخذج انتي معاااااااااي قولي آميــــــــــن يالحمسة
شيخه: اوووووه انتي الكلام معاج ضايع اروووح اكلم امي بجناحي احسن من هني
سارت شيخه و هي معصبة و هي شاله التلفون معاها
ام خالد: سيرة يدي اللي ما رد
ام خالد: جولياااااا جولياااااااا
جوليا: yes madam what do you want ( شو تبين مدام )
ام خالد متعلمة من خالد شوي انجليزي فقالت: هذا شو يسمونه يا ربي شو هالكلمة اللي قالها لي خالد شوو شوو
ام خالد: هــــيه تذكرت.. jolia go to kitchen kaled >> كانت تبا تقول سيري نادي خالد من غرفته
جوليا: what, مدام انتي شو يقول
ام خالد: و الله و الشغاله صارت تتكلم عربي و فهمت لغتنا و انا ما فهمت لغتهم يلا ما علينا اقول جوليا سيري نادي خالد قوليله ينزل هني عندي
جوليا: ok madam
و بعد دقيقتين نزل خالد
ام خالد: يالله عنبو ما تقول عندي ام محتاجة حد تسولف معاه حد تقعد معاه
خالد: السموحه فديتج كنت ارتب ملفات الحسابات
ام خالد: انزين ما علينا انا حبيت اذكرك ان ملجتك جريبة
خالد ابتسم: و منو قال اني نسيت
ام خالد: لا بس يعني ابلغك عسب تستعد
خالد: الا اقول اماية
ام خالد: هلا فديتك
خالد: شو رايج لو نعدل الجناح اليديد للعروس من الاسبوع الياي
ام خالد: لا شو من الاسبوع الياي لازم من باجر تبدا ترتب لهالامور ما باقي شي عن العرس
خالد: شورج يعني
ام خالد: هيه عسب نخلص بسرعه و نفتك
خالد كان بيقول شي بس شيخه توها نازله يايه لهم
شيخه: هلا حبيبي
ام خالد بوزت
خالد وسع لها المكان عسب تقعد حذاله
خالد: هاه خف العوار و لا بعده
شيخه و هي تطالع ام خالد: لا اللحين اهون
خالد: قتلج بوديج المستشفى بس انتي ما طعتي
شيخه ارتبكت: لا شو المستشفى العوار مب حاد عسب اروح المستشفى
ام خالد: المهم ما علينا نرد للأهم الا ما قلتلي من وين بتفرش للجناح اليديد
شيخه: أي جناح
ام خالد: جناح العروس
شيخه: ليش ان شاء الله ناوين تسوون لها جناح بعد
خالد: عروس و من حقها
شيخه: خالد
خالد: رجاءً شيخه رمسنا انا و انتي بهالموضوع الف مرة فمالا داعي تفتحينه مرة ثانية
شيخه: انت اصلا ما تحبني من جيه بتتزوج علي
ام خالد: الشرع محلل اربع
شيخه: انتــــــــــــي اسكتي ما ابغي اسمع لج حس
خالد: شيـــــــــــــــخه لا تطولين لسانج على امــــــــــــي
ابتسمت ام خالد بنصر
شيخه: امـــــك هي اساس البـــــــلى اكيد هي اللي قالتلك تزوج علي اصلا هي من يوم يومها حقوودة
خالد كان بيضربها
بس ام خالد قالت: لااااااااااا يا خااااااالد لااااا
خالد: خليني اسنعها و اعلمها الادب
ام خالد: الا الضرب يا خالد و لا تنسى انها حامل تعوذ من ابليس و اقعد
خالد: اعوووووذ بالله منك يا ابليس
شيخه صاحت: اصــــــلا انت تكرهني ما تحبني و لا تحب تشوف رقعة ويهي
خالد: انتي فاهمه الموضوع كله على هواج
شيخه: ترا هذا هو الصج شو بعد
شيخه صاحت و راحت فوق لغرفتها
ام خالد: لا حول و لا قوة الا بالله
خالد: اااااففففففف و تلوموني بعد يوم اني ابغي اتزوج وحده ثانية و ارتاح معها من هالعيشه اللي تكدر الواحد
ام خالد: ما عليه هونها و تهون و لا تنسى ان شيخه زوجتك يعني لازم تستحملها
خالد: صايرة ما تنبلع
ام خالد: خلاص اهدى انت بس و كل شي راح يرد مثل اول
عند شيخه بالغرفة
كانت تصيــــــــــــــح و تبكـــــــــــــي من الخاطر
شيخه: آآآآآآآآآآ يا ربي ليش انا يصيرلي جيه ليش آآآآ
حرام عليه و الله حرام انا احبه بس اللي ما تستحي على ويهها راح تاخذه مني
يا ربي شسوي انا بعمري يا ليتني امووووت و ارتااااااااااااح
على الساعة عشر و نص رجع
فيصل البيت
ام فيصل استغربت: هـــلا وليدي اثاريك وين كنت
فيصل سار لأمه: كنت بالمستشفى
ام فيصل: خير ان شاء الله شصاير
فيصل: كنت ازور واحد عزيز و غالي على قلبي و تطمنت عليه و رجعت
ام فيصل: جيه اثاريك من متى طالع و انا من الصبح هني بالصالة ما شفتك نزلت
فيصل: كنت من البارح عنده
ام فيصل: شوو من البارحه عنده و مخلي حرمتك بروحها و هي توها عروس
فيصل ببرود: هي ما قالت شي
ام فيصل: مب زين جيه يا اميه لازم تدير بالك على حرمتك تراها على ذمتك و انت مسؤول عنها
فيصل: ما عليه بعوضها بالايام الياية ان شاء الله
ام فيصل: شو بعد الايام الياية من اللحين ابغيك تعوضها و لا اقولك جدم موعد السفر و سيروا استانسوا انته و هي
فيصل: السفرة لغيتها خلاص
ام فيصل: اشــــــــــــو
فيصل: اللي سمعتيه يا اماية خلاص ماشي سفرة
ام فيصل: لا حول و لا قوة الا بالله حرام عليك يا وليدي
فيصل: ماله داعي هالسفرة عندي شغله اهم
ام فيصل: ما اعتقد في شي اهم من مرتك يا فيصل
فيصل: امبلا فيه و راح تعرفون قريب بكل شي بس مب اللحين
ام فيصل: خير يا ولدي فيه شي لا تخوفني عليك
فيصل: لا ان شاء الله بس انتو تتفهمون
ام فيصل: شكلها السالفة كبيره
فيصل: على حسب تقبلكم للوضع
ام فيصل: لااا تلعب باعصابي قولي شصاير
فيصل: فديتج اماية مب اللحين بالوقت المناسب بقولكم كلكم
و راح عقب حب راسها
ام فيصل: حبتك العافية
فيصل: يلاا انا بسير داري
ام فيصل: هيه يا اميه سير شوف حرمتك بلاها
فيصل عقد حياته: ليش شو فيها
ام فيصل: ما ادري شو فيها كانت فحزة الفجر مويمة و تعبانه و شكلها كانت تصيح
فيصل: تصــــــيح
ام فيصل: هيه تصيح حتى انها صلت الفجر و راحت على طول ترقد من التعب و للحين ما نزلت
فيصل خاف عليها ليكون صار فيها شي
و عقب صعد فوق يشوفها
و اول ما سار غرفة النوم ما لقاها هناك و
راح الصالة الخاصة لهم بعد ما لقاها
و سار صوب المطبخ التحضيري بعد مالقاها
يا ربيه هذي وينها في
و عقب سمع صوت فآخر غرفة النوم
يعني هي اكيد بالحمام
و بعد ثواني طلعت ميثة من الحمام
و كانت تنشف شعرها بالفوطة
و عقب قعدت على الكرسي و تنهدت بتعب
فيصل: انتي هنـــي
ميثة فتحت عيونها: بسم الله روعتني
فيصل راح قعد عند ميثة
و ميثة وقفت عنه بتروح
مسكها فيصل و قعدها
ميثة: ممكن تخليني اسير امشط شعري
مسك فيصل الكليب اللي
بيدها و رفع شعرها بشكل عشوائي و حط الكليب عليه
فيصل بصوت دافي: شو فيــــج ميثة
ميثة تعجبت من حنيته تمت ساكته
فيصل مسك ايدها و قعد يمسح عليهن: فيج شي
ميثة ما قدرت تتمالك عمرها فصاحت
فيصل خاف عليها: ميثــــة شو فيــــج الله يخليــــج تكلمي طمنيني عليــــج.. شي يعورج ؟؟
هزت ميثة راسها بلاا
فيصل رفع راسها بيده و حبها على راسها: زعـــــلانة ليـــش اني تركتج البارحة
ميثة بصوت مخلوط بالصياح: هيه زعلانة وايد بعد و لأنك..
فيصل: و لأني شو كملي اسمعج
ميثة زاد صياحها فما قدرت ترمس اكثر
فيصل: بديت اخاف صج ما تتكلمين
ميثة تصيح: إإنــ..ــت
فيصل: أنا شوو
ميثة عرفت انها ما راح تقدر تتكلم فراحت و يابت له الالبوم و فتحت على الصور
فيصل تم مبهت ما توقع انها عرفت كل شي بهالسرعه
نزل راسه و هو مستهم
ميثة: شـــــوووو ما عيبتك الصور و لا اغير على صور ثانية عسب تفسرلي الموضوع
فيصل: قعدي اول عسب اقدر اتفاهم وياج
ميثة: مب قاعده
فيصل صارخ عليها: قلـــــــــــتلج اقعـــــــــــــــدي
ميثة خافت و قعدت
فيصل مسك معصم ايدها بقو: أنـــــــــــــــــــــا شــــــــــــو قايلج
ميثة: آآآ بطل إيــــــــــــدي يعور
فيصل يرص اكثر: أنا شـــــــــــــــوووووووووو قايلج من قبل
ميثة: آآآآآآآآ إيدي
فيصل فلت ايدها: منو سمحلــــــــــج تنبشين أغراضــــــــــــي من وراي
ميثة كانت خايفة منه لانه معصب: لانــ...
فيصل: بتتكلمين و لا شوووووووو ترا كلام القطارة ما يمشي معاي
ميثة صاحـــــــت
فيصل: اااااففففففف كل ما قلنا شي صاحت
ميثة و هي تصيح: يعــــــــــني أنا ( و تاشر على عمرها ) زوجـــــــــتك الثانية صــــــــح
فيصل: هيــــــــه زوجتـــــــي الثانية
ميثة: و تقولهااااااااااا جــــــــــــــيه باردة مبردة
فيصل: هيـــــــه عيل كيف تبيني اقولها و انا اضحك مثــــــــلا
ميثة: لا و الله اشووووف ان السالفة عندك مثل العادي و لا كأنك مكترث مووووول
فيصل: عندج كـــــــــــــلام ثاني و لا خلصتي
ميثة: لااااااااااااا عندي و عندي وااااااااااايد كلااااااااااام لازم تسمعه
فيصل: قــــــــولي اسمعج
ميثة: لا تعتقد إنــــــــي ميته عليك و اني ادور رضاااك انســـــى هالشــــــي نهائيا لأني اصلا أنا من البداية كنت ما ابغيــــــــك و لا أفكــــــــر فيـــــك و لا رسمت آمااااااال عليـــــــــــك لانك عديم احساس و ما تقدرني و تأكد إني قومت الدنيا و ما قعدتها لما انت خطبتني لكن عمي هو اللي غصبنــــــــــــي عالزواج و انت حضرت جنابك ما تدري عن شي لانك مسافر و مسهي عن الدنيا
فيـــــــــــــــــصل انصدم من الكلام اللي سمعه ليش هي حكمت عليه بهالسرعه و هي أصلا ما تعرف عنه شي ما تعرف ان عانى وايد بحياته من موت زوجته لمرض ولده لزواجه منها ليش محد مقدر وضعه
فيصل تم يفكر بهالاشياء و ما تكلم مووووول
ميثة استغربت ليش ساكت و مافي اي تعبير على ويهه
ميثة: طـــــــــــــــــــــــــلقني
فيصل رفع راسه و هو يبتسم نصف ابتسامه باستهزاء
ميثة: شــــــــو ما تسمـــــــــــع قلتلك طلقـــــــــــني
فيصل ببرود يقهر: مشكلة اللي يتزوجون اليهال
ميثة: اووووه عـــــــــــاد ترااااك تعبتني معااااااااك بهالعيشه
فيصل: تونا بمشوار زواجنا بنكمل اسبوع و قلتي تعبتي
ميثة: يـــــــــــــاخي اكرهـــــــــــــــــــك انزين
فيصل بدون سابق انذار هزت هالكلمة قلبه و حس بحزن
و تذكر زوجته المرحومه
فيصل بصوت واطي: الله على زمانج يا زيــــــــــنب
ميثة ماتت قهر: ســـــــــــــير لها استنانس معاها شناطر حضرتك رووووح لام عيون خضر و خلها تونسك
فيصل حط ايده على راسه و ما سمع ميثة شو تقول
تذكر شريط ذكريات اسود تذكر مشهد
زوجته و هي مرمية على الشارع و الدم يغطي ويهها
و تذكر لما يا مثل المينون لها بالشارع و تم يصارخ و يناديها لكن ما فيه فايده
تذكر ولده عزوز لما يصيح الليل يدور امـــــــه و غيره من الاشياء اللي تعور القلب
ميثة فتحت ابواب كثيرة.. فيصل يحاول يقفلها عسب يتابع طريج حياته لكن بدون فايده
ميثة عصبت زوووووود: شـــــــــــــو ليش ساكـــــــــــــــت و لا تفكر بحبيبة القلب ترا قلتلك طلقني و سير لهاااااااا
فيصل: طــــــــــــلاق مب مطلـــــق
ميثة: مب كيـــــــــــــــــفك بطلقنـــــــــــــــي و اليـــــــــــوم بعد
فيصل: ميـــــــــــــــثة ترا وايـــــــــــــــــد سكت عنج
ميثة: رجاء لا تطولها و هي قصيرة طلقني و ريحني منك
فيصل: قتلج طلاق مب مطلق
ميثة: اوووووووووه انت شووو ما تفهم قلتلك اكرهـــــــــــــك ما اطيــــــقك حرااااااااااااام عليك انته شووووو تبااا فيني عندك مرة ثانية شله ما تطلقني روووووح لهااااا يعلهااااااااااا ما تربــــــــــــــــح قووووووول آآآآآميـــــــــــن
فيصل ما تحمل كلامها من حرته عطــــــــــــــــاهــــــــــــــا كــــــــــــــــف حامــــــــــــي على ويـــــــــــهها
و طاحت عقب ميثة على السرير تصيـــــــــــــح
فيصل: ان سمعـــــــــــــــتج تطرين زيــــــــــــنب بالســـــــــــــوء و الله ثم و الله لرااااااااااااااويــــــــــــــج الويــــــــــــــل ياللي ما تستحين على ويهج اشوووووووفني سكت عنج قمتي تتمادي اكثر بالكلاااااااااااااام و بعدين على فكرة اذا انتي تكرهيني فعرفي انج ما تعنيلي اي شي ابدااااااا و لا تنسي ان زينـــــــــــــب تاااااااااااااج على راااااااااااااااسج مسوودة الويــــــــــــه
و عقب طلع فيصل من البيت محرج
و تمت ميثة تعاني و تصيح و حرقها كلاام فيصل بالصميم
عند بوريم
ام سالم: وااااااااااي يا ظهري وااااااي الله يغربل ابليسكم تعبتوني هلكتوووووني واااااي يا ركبتي وااي تعبتوني هلكتوووني ابغي قهوتي وينها
سالم ( بوريم): اسميــــها حشرية
فاطمة: ماذا تعني بحشــــرية
سالم: اعني انها تتكلم كثيرا
فاطمة: هههه لا عليك انها عجوز طيبة
ام سالم: ابــــــــــي قهــــــــــــوة
سالم قرب لها دلة القهوه و صب لها فنيان: خذي فديــــــتج
ام سالم تمد يدها تاخذ الفنيان: هات هات ابويه.. الا ما قلتلـــــــــــي انت ولد منووو
سالم ابتسم: انا ولدج
ام سالم: جــــــــذاب
سالم: و الله ولدج
ام سالم: ويـــــــــــــــــــن الســـــــــــح مالــــــــي
سالم: نسمعج فديتج لا تصارخين
ام سالم: هااااااااااااااا
سالم: سلامتج ما قلت شي
ام سالم: سلااامة شو فيها سلامة
سالم: محد طرى سلامة
ام سالم: ليش منو طراها
سالم: لا اله الا الله
ام سالم: أذن ؟؟
سالم: يا اميــــــه بلاج تقلبين الرمسة
ام سالم: سيارة منوو انقلبت
سالم: لا حول ولا قوة الا بالله
ام سالم: وين شغالتي فديتها روحووو نادوووهااا خلوووها تهمزلي ريلي انا تعبانه واااااااي يا ريلي واااي تعورني
سالم راح و حب راسها: يالله يعل ربي يطول بعمرج و لا يحرمني منج
فاطمة: فديــــتج عمتي
ام سالم: فديتج انتي منو
فاطمة: انا زوجة سالم
ام سالم: شو فيه كلامج مقطع الا انت ابويه ما قلتلي انت ولد منوو
سالم: ههههههههههه اماية جم مرة بقولج انا ولدج
ام سالم: لا انت جذاب انت ما ولدي
شوي و دخلت عليهم ريم
و كانت هالمره ريم صابغة شعرها اشقر كامل
ام سالم: منووووو هالصفرة اللي هني
ريم مبققة عيونها: منـــــــــــــو هاذي الغجرية
ام سالم: بلاااااه صروالج جيه مرصص وين الكندووووورة المخووووووورة اندووووكم نست تلبسها خسج الله من بنت شووو هالفضيحه لبست الصروال و نست الكندورة امف عليج يالحمارة
سالم: ههههههههههههههه دواااااااااااااااج
ريم: ابوووويـــــــــه منوو هذي
سالم: يدتج
ريم: نعـــــــــــــــــــــــــــم اي يده
سالم: هذي امي
ريم: شــــــــــــــــــــو هذي ما راحت المقبره
سالم: لا بسم الله عليها
ريم: بس امي قالتلي من قبل انها ميته شو اللي طلعها من القبر
سالم: امج تجذب امايه حيه بس قالت جيه عسب ما تعرفين عنها شي و اللحين من اليوم و رايح امي بتسكن عندنا
ريم: اشـــــــــــــــوووووو بتسكن عندنا منوووووو قال
سالم: انا قلت
ريم: لا و الله اللحين هالمخرفة بتسكن عندنا
سالم: ريـــــــــــــــــــــم عيــــــــــــــــب
ريم: ابويه طلعها بررررررا البيت ما نبيها عندنا
سالم بصرامه: البيت بيتي و انا حررررر
ريم سكتت
ام سالم: ابــــــــــــــــي قهـــــــــــــوه
فاطمة: هههه ان شاء الله
و عقب سارت ريم غرفتها محرجة
عند شيماء
شيماء تحاول تتصل على حمدان بس هو ما يرد عليها
فحاولت للمرة الالف تتصله و يالله يالله رد عليها
حمدان: نــــــــــــعم خيــــر شــــو تبيــــــــن
شيماء: ليـــــــش تعاملني جيه حرام عليك انا حبيبتك
حمدان: حبج قرد قووولي آميــــــــن تخسين انتي حبيبتي
شيماء: حمدان أنا أحبـــــــــــــك و أبيــــــــــك
حمدان: لا و الله شرايج بعد اتين تخطبيني انتــــــي شو ما عندج كرامــــــــة ما عندج كيــــــان خلااااااص عااد استحي على ويهج عوووووذ بالله منج
شيماء صاحت: انت ليش تكرهني أنا أحبك
حمدان: ااااااااففففففف قالت احبك مرة ثانية
شيماء: و الله بسويلك اللي تبااااه بس دخــــــــــيلك لا تخليني بروحـــــــي
حمدان: اقــــــــــول احمدي ربـــــــج اني سترت عليج و ما فضحتج
شيماء: ما تهمني الفضيحه انا اللي يهمني انك انت تحبني و بــــــــس
حمدان: اقــــــــــــــول ترااااااااج عله و تتلزقين بالغصب
شيماء: انت ليش مب راضي تفهمني
حمدان: يعنـــــــــــي غصب احبــــــــــج
شيماء: و انا شو فيني عشان ما تحبني
حمدان: اقــــــــــــــول بعدي عن طريجــــــــــي احسلج لا اراويج النجووووم بعز الظهر
شيماء: اصــــــــلا من ظهرت منال بحياتك و انت هاملني على الهامش
حمدان: منال شيخة البنات هاي اللي ترمسين عنها طاهرة عفيفة ما تكلم الشباب من ورى اهلها و غير هذا كله فديتها هي راعية جمال و اخلاق اللي ما عند حد و انا متأكد ان سعادتي هو زواجـــــــــــي منها
شيماء: شــــــــــــــــــــــووووووووووووو
حمدان: اللي سمعتيه يا حلوة
شيماء: ناوي تتزوج هالخايســـــــــــــة
حمدان: حدج عــــــــــــــــــــاد لهني و بــــــــس ما اسمحلج تغلطين على منال و اذا بتتكلمين عن الخياسة ترا الخياسة منج و فيج
شيماء: حرام عليك و الله حرام عليك انت تعذبني بكلامك انا ما كلمت غيرك لاني احبك من كل قلبي المفروض انت تكون لي انا و بس
حمدان: اقول لا تحاولين تطولين من المكالمة تراج ما بتستفيدين شي
شيماء: يوووووووووووووم انك ما تحبني ليش رضيت تكلمني بالتلفون
حمدان: عجيب و الله شكلج نسيتي اللي قلته لج.. شو ما تذكرين لما قتلج اني اكلمج بس للسوالف لاني مب مال حب و خرابيط يعني ما جذبت عليج و لا لعبت عليج و كنتي تعرفين اني اكلم الف وحده
شيماء: بس انا شو اسوي بقلبي يوم انه حبك
حمدان: انتي شووو ما عندج كراااااااامة
شيماء صاحت مرة ثانية
حمدان: اوووووووووه
و عقب سكر بويهها
حمدان و هو مطفر: الله يعلن اليووووووووووم اللي كلمت فيييييييه البنااااااااااااات و عقب راح يكمل شغله مع البقية
،،دواك يالعيار محد قالك تكلم بنات بالفون،،
في بيت بوفهد
ظبية تدق الباب على مها هي و نورة
مها: تفضلي
ظبية ونورة دخلن بسرعه
ظبية: مبرووووووووووك مبرووووووك
مها: بسم الله على شووو
نورة بفرحه: بعد جم من يوم بتملجيــــــــــن
مها: شوووو بهالسرعه بس هم قايلين آخر الاسبوع
نورة: و شو يفرق
مها: بس انا و عقب سكتت
ظبية: بس شوووو ليكون بعد تبين تتعذرين ترااااا مافي اعذاااااار بس خلاااااااااص
مها استحت
ظبية: ياااااااااا ســـــــــــلام يعني بيصير عندنا عرس مرة ثانية
نورة: الا العرس شهر جم
مها: آخر ثمانية او يمكن اول تسعه
نورة: حرام.. بهالوقت بيكون محمد مسافر بالخارج
مها: حليله الله يوفقه
ظبية: المهم نرد لمحور كلامنا
مها: الا ما قلتولي منو خبركم
ظبية: توها ام خالد متصلة و قالت لامي
مها: آآه الله يستر من الياي تصدقون بعدي مرتبكة
نورة: عسب هو متزوج صح
مها: هيه حتى اني مرتبكة وايد
ظبية: تصدقين مهاوي انا من اشوف ام خالد على طول ارتاح يعني ما ايي على بالي ان خالد متزوج او ان زوجته تأذيج
شوي دقت عليهم ام فهد الباب
مها: تفضلي
ام فهد دخلت و هي مبتسمه: هاه فديتج بلغوج البنات
مها: ايه خالتي بلغوني
نورة: الله على اللي يستحون
ام فهد: بنات فديتكم ممكن تطلعون وتخلوني مع مها شوي ابغي اكلمها
نورة: ايه قولي جيه من الاول
ظبية: يلااا نورة خلينا نطلع
و عقب ما طلعن نورة و ظبية
مها: خير خالتي صاير شي
ام فهد قعدت و تنهدت: انا يايتنج ابلغج بموضوع مهم وايد يا مها
مها: قولي خالتي تراج خوفتيني
ام فهد: و الله ما ادري كيف ابدا لج بالسالفة
مها: الموضوع عن خالد
ام فهد: لا عن زوجة خالد
مها: ايه شفيها
ام فهد: تراها حـــــــــــامل
مها سكـــــــــــــــــتت
ام فهد: اليوم ام خالد قالتلي لازم ابلغج بهالشي عسب ما تقولين عنهم انهم استغفلوج عسب توافقين على خالد
مها: بس هم قالوا من البداية انها ما تييب عيال
ام فهد: هي اللحين بشهرها الاول
مها: يعني خلاص حملت
ام فهد: ايه خلاص احملت
مها: عيل خلاص
ام فهد: خلاص شوو
مها: مب لازم اتزوج خالد
ام فهد وقفت : شــــــــــــووو
مها: اللي سمعتيه خالتي خلاص دام ان الحرمة حملت فليش اتزوج خالد و اخرب عليه
ام فهد: بس ام خالد قالتلي ان خالد ولدها يحبـــج و مستعد يسوي اي شي عشانج
مها: و الله صعبه علي يا خالتي اتزوجه و مرته حامل على الاقل انا قبل كنت شوي متقبله الوضع لان خالد عنده عذر يعني ما كان عنده عيال و فكرت اني اتزوجه و اوافق عسب نبني حياة حلوة بوسط الذرية الصالحه بس مدام اللحين ان مرته حامل معناته خلاص ماله داعي وجودي ليش اخرب عليهم
ام فهد: يا مها يا حبيبتي لا تنسين ان خالد شاريج و هو يبيج سواء كانت حرمته تييب عيال او ما تييب عيال يا مها لا تتهورين و تخلين خالد يفلت من ادينج
مها نزلت راسها: و الله ما ادري يا خالتي
ام فهد: انتي تحبينه
مها هزت راسها بالايجاب
ام فهد: عيل خلاص شو المانع لا تقولين و تتعذرين بزوجته
مها: يعني اتوكل على الله و اتزوجه
ام فهد: خالد ريال شهم و النعم فيه و انا متاكدة ان الريال المناسب لج
مها: طمنتي قلبي يا خالتي
ام فهد: فديتج انتي تستاهلين كل خير و ترا العرس تاريخ 25 \ 8
مها ابتسمت: على خير ان شاء الله
ام فهد: و عاد لا تستوين هيازة مثل ميثة ابغيج تتزهبين من وقت و تخلصين عمرج بسرعه
مها: ان شاء الله خالتي
في غرفة ظبية
ظبية صارت حياتها غيـــــــر عن قبل صارت انسانه ثانية
صارت متعلقة بربها وايد و غير هذا كله قامت تغير وايد اشياء بحياتها
و من كثر وقت الفراغ اللي عندها عادي تخلص خمس اجزاء من القرآن
و مووول ما تترك الاستغفار اللي دوم يلهج على لسانها
ظبية اللحين ما تترك الأذكار صارت تقولها مرة بالصبح و مرة بالمسا
و دوم بعد تتصـــدق بس بدون محد يدري عسب تاخذ الاجر كامل
و غير هذا كله صارت تصلي حتى النوافل ( الرواتب ) و ما تتركهن مول
و كل يوم تصلي صلاة قيام الليل لمدة ساعة او ساعتين كاملين عاد الين ما يأذن الفجر
تبدا تسبح و تذكر الله
حتى انها قامت تتقرب لربها عسب يغفر لها و يجنبها النار و دايما تسأل ربها
الجنة لها و لغيرها و طبعا مستحيل تنسى الدعوات الطيبة لامها و ابوها
لكن اللي صار لظبية اللحين انها قامت ترجع تفكر بسعيد
هي تتضايق لما تفكر فيه لانها تخاف ربها ما يرضى بهالشي
و هي لما تفكر فيه يكون بشكل لا ارادي يعني بشكل تلقائي
فما تدري اللحين ظبية كيف تتحكم بمشاعرها
تبغي تطفي هالتفكير لكن مب بيدها
كانت ظبية قاعدة على الكرسي الهزاز و ماسكة الدفتر
و كتبت قصيدة تطلع احساسها على ورق عسب ما يتم بداخلها و يشغل بالها كثير
انتفض احساسي للقلب يشتكـــي
ناعم المزايا عن الشوف منمحي
ذرف قلبي من حزنه دم يرتجــي
يا عسى لوعتي بلمحته تنجلـــي
صرخ الشوق من علته يعانــــي
أحبك لو يظلمني حكم الزمانـــي
و انت عنوان غرام الاشعـــاري
~~~>من أشعار كاتبة القصة: نيــة صافيـــة :)
عقب تنهدت ظبية و رجعت راسها على ورى و غمضت عيونها
و صارت تتنفس بشكل عميق عسب تنسى سعيد
و شوي شوي بدت غلا تحتل تفكيرها
يا ربيه كيف اشتقت لهالبنت خاطري اشوفها بس اخاف اشوف سعيد هناك
ايوااا لقيتها دام ان سعيد ايي لغلا العصر على قولة غلا خلاص عيل انا من اليوم و رايح راح
اسير لها بوقت الصبح
و جيه ما راح اشوف سعيد مووول
حتى لو اني ابغي اشوفه لازم اقاوم هالشعور و احاول اني ما اقابله مول
عسب ما يصير اي شي من بينا
يالله يا رب يسرلي اموري و وفقني بحياتي
آآآه و الله راحة لما يرجع الواحد لربه
عقب سارت ظبية شلت مسباحها و قعدت تقول ( سبحان الله و الحمدلله و لا إله إلا الله و الله أكبر ) مئة مرة
و بعد ما خلصت فتحت كتاب " أسعد امرأة بالعالم " للشيخ عائض القرني.. ( هذا الكتاب بقمة الروعة انصحكم فيه )
و قرت هالفقرة المؤثرة...
نعم .. لبسمتك الجميلة التي تبعثُ الحبَّ وترسلُ المودة للآخرين .
نعم .. لكلمتكِ الطيبة التي تبني الصداقات الشرعية وتذهب الأحقاد .
نعم .. لصدقةٍ مُتقبَّلةٍ تُسعد مسكيناً ، وتُفرح فقيراً ، وتُشبع جائعاً .
نعم .. لجلسةٍ مع القرآن تلاوةً وتدبراً وعملاً وتوبةً واستغفاراً .
نعم .. لكثرة الذكر والاستغفار ، وإدمان الدعاء ، وتصحيح التوبة .
نعم .. لتربية أبنائكِ على الدين ، وتعليمهم السنة ، وإرشادهم لما ينفعهم .
نعم .. للحشمة والحجاب الذي أمر الله به ، وهو طريق الصيانة والحفظ .
نعم .. لصحبة الخيرِّات ممن يَخَفْنَ الله ، ويحببْن الدين ، ويحترمْن القيم .
نعم .. لبرِّ الوالدين ، وصلة الرَّحِم ، وإكرام الجار ، وكفالةِ الأيتام .
نعم .. للقراءة النافعة ، والمطالعة المفيدة ، مع الكتاب الممتع الراشد .
من بعد ما قرت ظبية هالفقره ارتاحت لانها نفذت كل اللي فيه
و عقب هالفقرة قرت فقرة عن " لا "
لا .. لصرف عمركِ في التوافه من حبِّ للانتقام ومجادلةٍ لا خير فيها .
لا .. لتقديم المالِ وجمعه على صحتكِ وسعادتكِ ونومكِ وراحتكِ .
لا .. لتتبع أخطاء الآخرين واغتيابهم ونسيان عيوب النفس .
لا .. للانهماك في ملاذِّ النفس ، وإعطائها كلَّ ما تطلب وتشتهي .
لا .. لضياعِ الأوقات مع الفارغين ، وإنفاقِ الساعات في اللهو .
لا .. لإهمالِ الجسمِ والبيت من النظافة ، والروائح الزكية ، والنظام .
لا .. للمشروباتِ المحرَّمةِ ، والدخان والشيشة ، وكلِّ خبيث .
لا .. لتذكُّرِ مصيبةٍ مرَّت ، أو كارثةٍ سبقت ، أو خطأ حصل .
لا .. لنسيانِ الآخرة والعمل لها ، والغفلةِ عن تلك المشاهد .
لا .. لإهدارِ المالِ في المحرَّماتِ ، والإسرافِ في المباحاتِ، والتقصيرِ في الطاعات
عند ناصر و سارة فالشقة
ناصر: اقولج صايرة تلوع بالجبد افففف
سارة: ما عليه تحمل عسب الفلوس كل شي يهون
ناصر: ايـــــه عاد لين متى
سارة: إليـــــن ما تعطيك توكيل عام على ممتلكاتها
ناصر: تصدقين على هالطاري احس صعب اقنعها بالتوكيل
سارة: لا ما عليك منها هذي تموت فيك و اذا انت طلبت منها هالشي اكيد بتوافق
ناصر: بس جيه بتعرف اني استغلها
سارة: و يعني
ناصر: انا اقول اصبر عليها زود و عقب اطلب منها هالشي
سارة: خلاص اوكي
ناصر: شوفيج اليوم احسج مب على بعضج حبيبتي
سارة: لا ماشي لا تحاتي فديتك
ناصر: مب علي أنا
سارة تنهدت
ناصر: صج شو فيج
سارة: راشد
ناصر: افففف شفيه بعد هذا
سارة: مقهورة منه
ناصر: ليش بعد تنقهرين و انتي خلاص سويتي فيه اللي تبينه
سارة: بعدي ما شبعت من تعذيبي له
ناصر: ول خيبه كل اللي سويتيه فيه و تقولين ما شبعتي من تعذيبه
سارة: هيه ما شبعت
ناصر: لا حووول بس كفاية اللي سويتي فيه مب كفاية خليتيه يكره زوجته و دمرتي حياتهم
سارة: شو نسيت حالك انك شريكي بالسالفة
ناصر: لا ما نسيت بس الدور الكبير يرجع لج انتي
سارة ابتسمت بخبث
و شوي رن تلفون ناصر
ناصر: اااااففففففففففف هالقبسة متصله
سارة: رووووح لهاااااا
ناصر: مب متفيج لها
سارة: يلاااا رووووووووح
ناصر: زييييييين زييييييييييين يلااا بسير بس لا تغلقين تلفونج بتصلج عقب
سارة: اوكيه
و عقب ما طلع ناصر من الشقة
سارة ردت و قعدت و قالت بنفسها: هه حليلك يا ناصر لا أنت و لا حتى راشد تستاهلون حبي ما تدرون إني بس قاعده استغلكم يا أغبيااااااااا و أنت يا ناصر مثل ما اللحين تسرق حلال مرتك و تتزوجني عقب.. هم بعد أنا بسرق حلالك و بقطك بالشااااااااااااااارع... مستحييييييل أصلاااااااا أثق بريااااااااااااال واحد لأن كل الريايييييييييل خونه..
عند ريم
ريم كانت تكلم مهره بالتلفون
مهره: الـــو.. الســــلامـ عليكــــمـ
ريم: هـــلآآآ و عليكـــم السلامـ اشحالج مهآآآري علؤؤمج
مهره: بخير و عافيه
مهره: من صوبج
ريم: بخير ما اشكي باس
مهره: دؤؤؤمـ يا ربيـ
ريم: ممم مهاري
مهره: آمري
ريم: و الله ما ادري شقولج ( سوت عمرها تصيح )
مهره: بسم الله شفيج حبوبة عسى ما شر
ريم: أنا وحيـــــــــــــــــده محد لي بهالدنيــــــا
مهره: بس انا نصحتج من قبل و قلتلج حاولي تتصالحين مع امج و ابوج
ريم: منووو قالج اني ما حاولت انا حاول بس هم صدوني
مهره: بس انزين فديتج لا تصيحين جيه تقطعين فوادي عليج
ريم: انا مالي بهالدنيـــا غيرج
مهره: و انا ماراح اهدج و اوعدج اتم معاج على طووول
ريم: يعني وعــــد ما تتخلين عني
مهره: هيه حبيبتي وعد ما اتخلى عنج انتي غالية علي
ريم: تسلمين انا من غيرج ما اعرف شو كنت بسوي
مهره: افا يا ريم نحن خوات اذا ما داريت عليج عيل اداري على منو
ريم: تصدقين اني ساكنة بالبيت بروحــــي
مهره: معقـــــــــــوووووله
ريم تنهدت بتصنع: شفتي كيف الدنيا ما ترحم
مهره: انا مب مصدقة معقوله في اهل يتركون بنية ببيت بروحها و هم عيل وين راحوا
ريم: سافروا
مهره: شوووو سافروا و خلووج هني
ريم: هيه سافروا و خلوني حراااااام عليهم
مهره: لا حول و لا قوة الا بالله
ريم: اقول مهاري
مهره: هـــلآ فديتج
ريم: انا بخليج اللحين بروح اصلي >> خل عنج من متى تصلين اصلا
مهره: خلاص عيل بخليج بس ديري بالج على روحج
ريم: ان شاء الله يـــلا مع الســــلامة
مهره: الله يحفظج
و عقب ما سكرت عنها
( شهالجذب يا ريم )
راشـــد كان قاعد حذال ريم: يحليلــــــــــها بسرعــــــــه ينقص عليــــــها
ريم: شفت عاد تراها غبية و بسرعه اقدر استغلها
راشد: بس انتي ما قلتيها تزورج
ريم: لا صبر شوي انا ما حبيت اقول لها من اول مرة هالمرة بس قلت لها اني اسكن بروحي و اهلي مسافرين و المرة الثانية راح اقول لها تزورني هني ببيتك و عقب بتركها هني عندك و سوا فيها اللي تبيـــــــــــه
راشد: هه غريبه احيدج تدارين عليها اللحين مررة مسترخصتنها
ريم: عســـــــــــب اغيـــــض بميرة هالعلة و اخليــــــها تنحرق على اختها
ظبية: اصــــلا اللي انتي سويتيه غلط في غلط
منال: اللحيـــن طلعت انا الغلطانـــة
ظبية: هيه نعم انتي الغلطانه و هو الغلطان
منال: بالله بشو غلطت انا
ظبية: الغلط اللي غلطيه انج كنتي قبل تسولفين مع حمدان بشكل عادي و تضحكين معاه و ماخذه راحتج معاه
منال: هيه بس هو ولد عمي
ظبية: حتى و لو بس بحدود
منال: ظبية اللي يسمعج يقول اني كشفت شعري جدامه و لا لابسة لبس فاضح جدامه
ظبية: لا انا ادري انج محتشمه بالكامل لكن مثل ما تسترين بدنج بعد لازم تسترين على لسانج
منال: سكتت
ظبية: شفتي حتى انتي حسيتي بغلطج
منال: بس انا ما كنت ادارك هالشي يعني لما كنت اشوفه كنت اسولف معاه عادي بشكل تلقائي
ظبية راحت لها و قعدت يمها: ادري فديتج و مدام اللحين عرفتي الغلط فاكيد ماراح تكررينه
منال: اصلا مثل ما قلتلج انا خلاص ما راح اكلمه مووول و راح ابتعد عنه نهائيا
ظبية: منال حبيبتي انا ادري انكم تحبون بعض فليش..
منال قاطعتها: لا تقولين نحب بعض
ظبية: لحظة خليني اكمل
منال: اسمعج
ظبية: الاشخاص اللي يحبون بعض يتزوجون بالنهاية بدون لف و دوران
منال: زواااااج
ظبية: هيه زواج,, صدقيني حمدان اذا يبيج ما راح يفرط فيج على طول بيخطبج
منال: بس
ظبية: بس شوو
منال تنهدت: و الله ما اعرف شقول
ظبية: ممكن انصحج بشي
منال: اكيد
ظبية: منال انتي تدرين اني اعزج وايد انا بغيت انصحج و اقولج لا تسلكين درب الحب اللي هدفه مب واضح لانج ان عشتي قصة حب و عشق و غرام مع حمدان راح تعذبين عمرج و راح تغضبين ربج
منال: كيف يعني اغضب ربي
ظبية: بتغضبين ربج اذا حبيتي واحد و سرتي تضحكين وياه و تسولفين وياه و تتضاربين وياه و هو اصلا مب محلل لج بس لو كان زوجج ذيك الساعه تصرفي معاه باللي تبينه ترا ربنا ما يرضى لما يشوف البشر يحللون الحرام ترا نهاية كل حب بدا بطريقة غلط هي الدمار
ميثة: هيه و الله صح كلامج
ظبية: الا اذا تااااااااب الانسان طبعا بتكوووووون حياته فووووووووق السحاب لكن هل الانسان لما يبدي شي بمعصية ينتهي بالتوفيق و السعاده
منال: طبعا لااا
ظبية: ليش
منال: لانها تفتح ابواب المعاصي و غيره
ظبية: ايوااا هذا اللي ابوصله.. ترا الشي اللي يبدا بحرام مستحيل ينتهي بشي حلو إلا في حالات ثانية و خاصة لأن ربنا يسامح و يغفر
منال: ما شاء الله عليـــــج يا ظبيــــــة علمج واســــــع الله يحفظج
ظبية: تسلمين حبيبتي
منال: و جاسم انا خلاااااص ببتعد عنه و بحاول اتجنبه
ظبية: شوفي بوقت السلام عادي سلمي عليه و سولفي معاه بس بحدود و يكون جدامنا طبعا
منال: احس اني بصيح اذا شفته
ظبية: ما عليه انتي حاولي تمسكي عمرج شوي
منال: بس قاهرنننننني
ظبية: ليش انه يكلم هذي اللي اسمها شيماء على قولتج
منال: وفيه حد غيرها هالعله
ظبية: تعالي اصلا مستحيل حمدان يتزوج وحده مثل شيماء
منال: بس هي قالتلي انه هو وعدها بالزواج
ظبية: غريبه بس يمكن يقص عليها
منال: ما ادري يا ظبية ما ادري
ظبية: انتي بعدج تحبينه
منال سكتت و نزلت راسها و صاحت
ظبية حضنتها: يا بعد عمري صدقيني بيي اليوم اللي راح يحس فيج و انا متاكده انه هو يحبج
منصور دخل عليهن و قعد مبهت بشكل منال: ليش تصيحين
ظبية: راسها يعورها
منصور: اسير عند ابويه اقوله يعطيني لها بندول > فديت منصور و الله راعي واجب و لا شو رايكم
ظبية: لا فديتك اللحين هي بتصح.. انت بغيت شي
منصور: بغيت اقولكم عن الطلعه
منال: أي طلعه
ظبية: طال عمرج الشيخ محمد اللي هو اخوي و اخيرا قرر يطلعنا طلعة جماعية
منصور: ترا احمد و جاسم و حمدان بعد بيسيرون
منال: شووووو حمدانووو وياهم
منصور: هيه بيخاوينا
ظبية: متى بنروح
منصور: اليوم فالليل
عبدالعزيز كان على السرير الابيض
قاعد بروحه يقاوم المرض
المرض قضى على قوته و خلى
جسمه ضعيف و هو حليله ما فيه
و لا شعره فراسه و لا حتى الحواجب و الرموش
كله تساقط بسبت المرض
أول ما عرفوا ان عبدالعزيز يعاني من
سرطان الدم كان بسبب نزيف حاد بأنفه
و لما ودوه المستشفى و شخصوا حالته
انصدموووا من النتيجه لما قالولهم ان عزوز
مصاب بسرطان الدم
أثر مرض سرطان الدم على حالة عزوز
بحيث ان المرض اثر على نخاع العظام
بتكوين دم غير ناضج..
و طبعا الكل يدري ان انتاج الدم في حالة الاصابة
بسرطان الدم يكون خارج نطاق السيطره
و غير هذا كله هالمرض يمنع تطور الخلايا السليمة
و بالتالي راح تكثر الخلايا الدم البيضاء الفاسدة
عبدالعزيز يعاني من فقر دم شديد و مناعته جدا ضعيفه
و بالغصب ياكل و اذا اكل ما ياكل الا الشي القليل لفقدانه الشهيه
و تذكرون لما كان فيصل معصب على ميثة بليلة عرسها
هو بسبب وصول اتصال لفيصل من بعد التصوير من الدكتور
لاصابة ولده بتشنج و صداع شديد بالراس بسبب تأثير سرطان الدم على المخ
و فذيك الليلة عزوز بغى يمووووت من الالم و بعدها راح له فهد
و ما سمح لفيصل يسير لولده بحكم انه معرس و الليله عرسه
و العلاج الرئيسي لعزوز هو القضاء بشكل اساسي
على جميع الخلايا السرطانية عسب يشتغل نخاع العظم
بشكل سليم..
و عبدالعزيز حاليا يخضع لأدوية كيماوية اللي سببت له سقوط الشعر
و غير هذا كله يعاني عبدالعزيز من التهابات بالانف و اللثة و ارتفاع
درجات الحرارة على فترات و اصلا حتى لو اكل عزوز شي يحس بعسر هضم
و بآلام و انتفاخ بالبطن..
هذي نبذه عامة عن مرض عبدالعزيز
.......: فديته و فديت روحه يا ربي شوفه كيف تعبان
.......: قصري حسج يا مرة عن يقوم من النوم
.......: بس قطع قلبي ( صاحت )
.......: أنا شو اللي حدني على اني اييبج معاي بسسس يا مرة سكتي عن يقوم
.......: بغصب عني يا بو زينب لا تلومني هذا ولد الغالية بنيتي ( عاد أنا ما اعرف الرمسة البحرينية عدل لكن عاد انتوا طوفوها لي ) >> فديت اهل البحرين و الله
بو زينب: بس ما يصير يا ام زينب لا تبجين قولي الحمدلله على كل حال
ام زينب: اللهم لك الحمد و الشكر
بو زينب: شوفي كيف ضعفان بزياده عن قبل
ام زينب: اخاف ما يأكلونه عدل
بوزينب: لا بس هالمرض عوذ بالله منه مسببله فقدان شهيه
ام زينب: شوفه كيف نايم بتعب
بو زينب: الله يشفيك يا وليدي بالعاجل يا رب
ام زينب رفعت ايدها: آمين الله يسمع منك.. الا متى بتتصل لفيصل
بو زينب: بتصله عقب
ام زينب: لا انا اقول اتصله اللحين
بو زينب: اخافه راقد بهالوقت
ام زينب: لا ويه اللحين مب حزة نوم
بو زينب طلع تلفونه و اتصل على فيصل
فيصل استغرب يوم شاف رقم بو زينب داخل الدولة
فيصل: الو
بو زينب: هلا و الله بالغالي شلونك
فيصل: عمي انت شحالك
بو زينب: انا بخير و نعمة
فيصل: انت بالامارات
بو زينب: ايه تونا نازلين من المطار و على طول رحنا انا و ام زينب لعزوز
فيصل: يا عمي ليش متعبين عماركم و الله ما تهونون علي
بو زينب: لا تعب و لا شياته نحن لازم نكون عند ولد المرحومه و نوقف يمه
فيصل: بعدكم بالمستشفى
بو زينب: ايه يا ولدي
فيصل: خلاص عيل انا بييكم اللحين
في بيت خالد:
شيخه: الووووو انتي وينج الله يهداااااج
ام سعيد: هلا بنيتي انا كنت عند جارتنا ام سعود
شيخة: امااااااااااااية لحقي عليه
ام سعيد: خير شصاير ليكون العقربه ام خالد سوتلج شي
شيخه: لااااا مب جييييه السالفه
ام سعيد: قولي شصاير خرعتيني
شيخه: اماية خالد مصر يوديني المستشفى يطمن على البيبي شسوي اللحين
ام سعيد: ايه و الله راح تنكشفين ساعتها
شيخه: اماية دخيـــــــــــــلج هاتيلي صــــــرفه شسوي حدي خايفة
ام سعيد: خلاص خليه يعرف الحقيقة
شيخه: شوووووووو
ام سعيد: هيه عيل شوو تتوقعين ان هالجذبه بتدوم لج يعني
شيخه: امااااااااية و الله اني احب خالد و ابيه هو متعلق فيني و صابر علي بس عسب اني حامل لو درى اني جذبت عليه بيطلقني هذا عادي عنده يسويها
ام سعيد: لا يخسي الا هوو اصلا انتي لما بتروحين و تفحصين بيقولوج انج مب حامل يعني صار خطأ طبي من قبل يوم خبروج انج حامل و انتي اصلا مب حامل
شيخه: عيل انا شو استفدت من هالجذبه
ام سعيد: كنت اتحسبه بتعلق فيج
شيخه: هو تعلق فيني لكن لما بيدري بالصج راح يكرهني و يطلقني اماية انا حاسه بالخنقة و بالغصة ما ادري شسوي ساعديني
ام سعيد: و الله يا بنيتي ما ادري شقولج انا اقول لو تباتين عندي اسبوع احسن اللين ما ندبرها
شيخه صاحت: اماية تبيني اهد ريلي و هو بعد جم من يوم بيملج تبيني اخليه يتهنى و انا اتعذب آآآآه و الله انا تعبانه و احس بالضعف ما ادري شسوي ما ادري آآآ
ام سعيد استهمت على بنتها: يا ليتنا ما جذبنا على ريلج هالجذبه
شيخه بصوت متقطع: لا فــــات الفوت لما ينفع الصـــــوت ليتني اكره زوجي يا امايه جان طلبت منه الطلاق و ارتحت منه لكن انا احبه و ابيه و ما اتخيل وحده ثانية تاخذه مني
ام سعيد صاحت مع بنتها لانها وايد تحبها: شيخه تعالي عندي يا اماية اباج تباتين عندي عسب ترتاحين اكثر انا بطرشلج سعيد ايي ياخذج بدل ما قاعد بالمستشفى مع غلا و بتصل لريلج و بقوله اني ابيج تقعدين عندي جم من يووم
شيخه لمحت خالد ياي صوبها فعلى طول مسحت دموعها و سكرت عن امها و وقفت بتسير تستقبل زوجـــــها بس طاحت مغمي عليـــــــــها
خالد طااااااح قلبه لما شافها اطيح: شيخـــــــــــــــــــــــــــــــه شيـــــــــــــــــخه.. اماااااااااااية لحقـــــــــــــــــــــي على شيخـــــــــــــه مــــــا ترد
ام خالد يات من الصالة الثانية و اول ما شافت شيخه مغشي عليها شهقت: قوووم قوووم على المستشفى بســـــــررررعه شيلها و انا بييب عبايتها بسررررررررررررررعه
( يهم عليها الحال شيخه )
STOOOOOOOOOOOP
الطلعة اللي راح يطلعونها البنات مع الشباب مع بعض راح تستوي فيها مشكله بتفصل ما بين محبين يا ترى منو هم؟؟
فيصل لما بيواجه عائلته بولده من زوجته المرحومة جدامهم شو راح يكون ردة فعلهم؟؟ و شو راح يصير عن سفرة العلاج ؟؟ و هل فيصل بيحن على ميثة و لا بيكون مثل الصخر و قاسي عليها ؟؟
و ميثة شو اللي راح يأثر على حياتها جذريا ؟؟ و بيخليها تتذكر المواجع اللي صارت لها بالماضي ؟؟ و شو هالمواجع ؟؟
سارة و ناصر شو القرار اللي راح يتخذونه و راح ينفذونه ؟؟
و شو راح يصير على ملجة مها ؟؟ و هل راح تتهنى فيها ؟؟
و ظبية شو الشي اليديد اللي بيصير بحياتها ؟؟
|
11-07-11, 01:11 AM
جديد مواضيع قسم القصص المكتمله من وحي قلم الاعضاء
العرض العادي
