[قصة مكتملة] عيني بعينه والقلوب بعاد / للكاتبة : قطرات الندى .. - الصفحة 8

22-07-11, 03:38 AM

المشاركة رقم: 36

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

الجزء السادس والعشرون

سمعت صوت في غرفة المكتب عرفت انه
خالد رحت اقول له ان خلصنا
بس سمعت شي خلاني أوقف
قبل ما أدق على الباب

سمعت خالد يكلم احد في الجوال

خالد:اسمعي انتي خلاص
انا كل ما أفض بدق عليك

خالد: أشفيك ما تسمعين قلت
لك لا عاد تدقي انتي انا
بدق لك

خالد: اووفف أشفيك ما تفهمين

خالد: اقول مع السلامه الكلام معك
ضايع وانا مو فاضي لك

خالد بحده: مع السلامه مع السلامه

حسيت انه بيطلع بعدت بسرعه عن الباب
ورحت لين الباب كأني توي جايه
سمعته يفتح باب المكتب
دخلت شفته وجهه باين عليه معصب

منى: خالد

لف علي بسرعه باين عليه مفزوع
كنه تفاجئ من وجودي اكيد بيتفاجئ

خالد:منى من متى انتي هنا ما انتبهت
عليك

منى :توي جيت أقولك انا خلصنا اش فيك
انتفضت كذا

خالد:لا ما فيه شي بس على بالي
انك عند احلام هاه خلصتوا

منى: ايه خلصنا

خالد:خلاص بروح اجيب المفاتيح وأجي

راح الغرفه وانا من داخلي مقهورة
منه من كان يكلم على الصباح معقولة
خالد يغازل لا خالد ما يسويها
ما يسويها اجل من الي كان يكلمها
ولا يقول انا بدق عليك
يمكن فاطمة أخته آه والله مدري
لازم افتح عيوني عليه الأيام هذي
زين وان طلع الي في بالي صحيح
والله يا خالد لا اطلع الدلع الي كنت
مدلعتك اياه طول الستة شهور وانا حاطتك
في عيوني وما زعلتك في شي
والله اني لطلعها من عيونك

خالد: منى اش فيك يالله امشي

منى:ها سوري ما انتبهت يالله

نزلنا تحت لقيت احلام تنتظرنا

احلام:هاه من الي تأخر اليوم انا
ولا انتوا

محد رد عليها مشينا
طول الطريق وحنا في السيارة
محد فتح فمه بحرف كلنا ساكتين
كنت احس بنار في صدري
كنت بظل مكاني عند باب المكتب
واذا طلع بواجهة اني سمعته

بس قلت اكيد بينكر ويدور له صرفه
وبعدين بيقلبها علي بيقول انا ما أثق
فيه وانا أتوهم ومن ذا الكلام

وبيطلعني انا الغلطانة وهو المظلوم
نزلنا كنت طول الوقت في
الكلية وانا سرحانة ومالي خلق
احد حتى سلوى حست علي
وسألتني كذا مره بس انا قلت
لها ان مافيه شي سكتت ومعاد
سالت
اكيد ما تبي تضايقني اكثر
كلمتني عن سالم قالت لي
ان زوجته حامل

سلوى: الله يا منى لو ترين
سالم يوم جاء يبشرنا تقولي
ملك كنوز الدنيا كان مرره فرحان
كان الدنيا مو سايعته مقد شفت سالم فرحان
كذا من بعد الحادث

منى: الله يهنيه سالم يستأهل كل خير
كيف مرته

سلوى: الحمدلله بخير
الفضل بعد الله لمها من يوم
تزوجها سالم الكل لاحظ التغير
سالم لو ندري زوجناه من زمان
بنت خايفة ربها وما تدور الا رضاه
لو تشوفي سالم كيف طاير بها ما توقعت
باقي بيحب بعد جواهر بس ربي
عوضه بمها

منى: ايه والله انا لما شفتها ذاك اليوم عندكم
ارتحت لها كلامها مره مريح ووجها يخلي
الواحد يحبها على طول
الله يهنيها معه ويعوضه بها عن جواهر

سلوى: اللهم آمين

جلسنا نسولف
لما خلص الدوام
رحت عند احلام وطلعنا

رجعت البيت والضيقة الي في صدري
احس لك مالها وتزيد
جلست انا واحلام مع خالتي
في الصالة كانوا يسولفون بس انا ما كنت
معهم انتبهت على خالتي تقول لأحلام
ان جارتنا ام حمزة بتجي أهي
وبنتها هند عندنا العصر
اصراحه مالي خلقهم ولولا
خوفي من زعل خالتي كنت ما نزلت
لهم وجلست في الجناح
مالي خلق مصاخة هند الي فيني مكفيني
دايم اذا جت عندنا ترمي على نغزات
تقهر وانا اطنش اخاف اليوم مقدر
امسك أعصابي وانفجر بوجهها
يالله الله يعين استحملهم ولله يعدي ها اليوم
على خير

طلعت فوق ونمت على غير العادة
بالعادة انتظر خالد بس مدري
ليه احس ان مالي خلق اشوف وجهه

على العصر

جت احلام قالت الي أنهم جو
نزلت سلمت وجلست اسولف معهم
وانا مالي خلق احد

ام حمزة: كيفك يا منى عساك بخير

ابتسمت لها منى: الحمدلله
خالتي كيفك انتي

ام حمزة: الحمدلله بخير

منى: دوم الخير مو يوم ان شاء الله

ام حمزة: دام عزك يا بنتي

سكت اسمع سوالف احلام
وهند بدون ما أشارك في الكلام
ام خالد: احلام يمه روحي جيبي
الشاي والقهوة

احلام:حاضر يمه

منى: اجلسي احلام انا بجيبها

قمت رحت المطبخ
اشوف القهوة جاهزة و الشاهي
لقيت ألقيت القهوة لسه باقي
على النار بس خلاص جهزت

جبت الدله القهوة عشان أحطها فيها

في الصالة

هند: احلام ابي اروح الحمام

احلام: عادي البيت بيتك وانتي
تعرفي طريق الحمام روحي

هند: استأذن اجل

طلعت هند رايحه لحمام
لفت شافت خلاص الي في
الصالة ما عادوا يشوفوها
لفت راحت من الباب الخلفي
الي يودي للحديقة خلف البيت
ما احد يروح لها بالعادة كان الباب
قريب من المطبخ
طلعت هند من الباب للحديقة
ودقت على خالد

هند:الو

خالد: هلا انا ما قلت لك
لا عاد تدقي انا بدق لك

هند: ما علينا انت وينك

خالد: عند باب بيتنا ليش

هند: انا في حديقتكم الخلفية
أبيك تجي لمكان المعروف أبيك
بموضوع

خالد:انتي مجنونه كيف تبيني أجي الحين
تخيلي احد يشوفنا

هند: مافيه احد كلهم بصالة وبعدين
حديقتكم هي محد يجيها انا أبيك ضروري

خالد: يا بنت استهدي بالله وارجعي
مكانك وموضوعك هذا يتأجل

هند بحده:لا ما يتأجل يا خالد ولأني
براجعة الين ما أشوفك

خالد:اووفف خلاص جاي جاي
ثواني بس

نرجع لمنى في المطبخ

كنت اصب القهوة في الدله
شفت هند ماره ورايحه الباب
الخلفي
وبيدها جوالها شكلها بتكلم احد
وشكلها ما انتبهت لي

رتبت الحلا والفناجيل في الصينية
ورحت اقول لهند عشان تجي تتقهوا
معنا
رحت كنت بطلع بس رجعت بسرعه
وانا مصدومة خلاص لهنا وبس
ما عد اقدر استحمل اليوم

انتهى الجزء السادس والعشرون

24-07-11, 03:05 AM

المشاركة رقم: 37

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

الجزء السابع والعشرون

رتبت الحلا والفناجيل في الصينية
ورحت اقول لهند عشان تجي تتقهوا
معنا
رحت كنت بطلع بس رجعت بسرعه
وانا مصدومة خلاص لهنا وبس
ما عد اقدر استحمل اليوم

حسيت رجولي ما عاد تحملني
وانا اشوف خالد متوجه لهند
ويتكلم معها

كانوا بعاد شوي وما يشوفوني
قربت وانا نار بقلبي احس ما يطفيها
احد قربت اكثر عشان اسمع كلامهم

خالد:هاه اش تبغين بسرعه

هند بحده: اش فيك يا خالد قالب
علي مره حتى صرت يالله تكلمني
مو مثل قبل شو غيرتك زوجتك علي نسيتني
ونسيت أيامنا معا بعض

خالد: والله ما نسيتك وما نسيت أيامنا
وبعدني احبك بس منى أحسها بدت تشك
فيه من كثر اتصالاتك

هند: خلها تشك ما هي مصيرها تعرف اذا
تزوجنا ولا لتكون غيرت رايك ومعد
بتزوجني

خالد:هند وش ذا الكلام انا وعدك
متى قد أخلفت بوعدي معك

هند: طيب متى مليت وانا انتظر
انا أموت الف مره كل ما شفتها طالعه
معك ولا تذكرت انها قربك

خالد: هند حبيبتي وانا أبيك تكوني قربي في
اقرب وقت بس اش اسوي الأيام
هذي عندي مره ضغط في الشغل
وبعدين خلي لما أمهد لأهلي ومنى

هند: واذا رفضت منى وش بسوي

خالد: انا حر محد له كلمه علي
ولي أبيه أسويه كيفها تبي ترضى
ترضى ولا كيفها

جاهم صوتها من ورى بحده: دامه بكيفي
طلقني الحين

لفوا الاثنين متفاجئين بوجودي

خالد: منى

منى بستهزاء: ايه منى
طلعت هذي الي كل يوم تكلمها

هند بعصبيه: اش قصدك بهذي انا لي اسم

منى:والله ما يشرفني اقول اسم وحده خاينه
لربها وأهلها

خالد بحده: منى احترمي نفسك

منى لفت حليه بسخريه:شو ما ترضى عليها
ايه صح اكيد ما ترضى لأنكم من طينه واحده

خالد بعصبيه: منى اسكتي دام النفس عليك
طيبه
هند:تري انا وخالد نحب بعض من
زمان وانتي الي خربتي علينا
كان بيخطبني بس امه رفضت لما عرفت
مكانك وخطبتك له عشان امك ولا هو يحبني انا

خالد بعصبيه:خلاص هند سكتي

كنت أحاول امسك نفسي وما ابكي قدامهم
ما ابي أشمتهم فيني
كفاية اني مخدوعة من يوم تزوجت

منى:دامه يحبك كل ها الحب خليه
الحين يطلقني عشانك اذا مو متزوجني
الا عشان امي

خالد بحده وهو يصك على أسنانه:لا يالله
برهن لها اشوف خلها تشوف تحبها من جد ولا
لا

هند: يحبني ويموت فيني وبيطلقك وتشوفي

منى:يالله وريني

خالد بقوه:خلاص بس سكتي

منى:لا ماني بساكتة مو انت الي تسكتني
انت واحد ما يستأهل حتى الواحد يطالع
فيه واذا جد رجال طلقني وشبع بلي اخترتها

خالد بعصبيه وهو يمسك يده بقوه: رجال
خصب عنك فاهمه

منى:لا مو رجال انت واحد خاين العشرة
وما تستاهل اني انا أكون مرتك لأنك ولا شي
انت وهي حثالة

ما حست الا بكف يجيها على وجهها

خالد: انتي طالق

حطيت يدي على خدي من قوة الكف
رفعت راسي شفت هند تبتسم فرحانه
طلعت في خالد بقوه ومسكت نفسي
عشان ما ابكي قدامهم انا ماني ضعيفة
ما بخلي احد يتشمت علي

منى بحده: والله يا خالد والله الي رفع سبع سماوات
يا ذا الكف لرجعه عشره وبتشوف

رحت عنهم بسرعه
طلعت الجناح ودخلت غرفة الضيوف وسكرت
الباب بقوه وقفلته
نزلت دموعي غصب عني
يعني طلعت هند الي كان يكلمها
لا ومواعدها بزواج وانا ليش سواء
كذا انا الي طول الستة شهور هذي
ادور رضاه ما كنت ازعله في شي
يغلط و يعصب وانا الي أراضيه مع انه
هو غلطان ليش اش لقى فيها ما لقاه فيه
اش الي أعطته وانا ما عطيته
أعطيته قلبي وروحي والله لو يطلب عيوني
ما تغلي عليه
حطيت يدي على خدي وانا ابكي بقوه
ضربني قدامها اهاني قدامها
بس والله ما أنساها لك يا خالد
رحت لشباك الي في الغرفه طالعت برى
الحين اش يسوون اكيد خلاص اتفقوا على
الزواج جلست ابكي بقوه

سمعت صوت جوالي يدق بشعر هذا
هو الي تبيه نغمتي الي رفضت أغيرها

هذا هو الي تبيه
اني ارحل من حياتك وأشعل عيوني بليه
بس خلاص هذا هو الي قدرته وقدره ربي عليك
بذمتك هذا كلام اني ارجع من جديد
ارجع افرش كل تعب عمري ونام
زين لحظه لسألوني الناس وينك
وان دروا ضحكة عيونك عن عيوني
سافرت ردت لعينك
بذمتك قول وش اقول
قول قول الله يخرب بيت بيتك
توني يا دوبي بدية بعت نفسي واشتريت
خطوه خطوه واشتريت توني بإطراف البداية
مدري وشلون انتهيت يا اخي حس
والله عيب الي تبيه اني ارحل من حياتك
وأشعل عيوني بليه
لا جبينك شمس وإحساسك مطر
ولا عيونك شوق وشعورك دفئ
جبتلك بيدي ابتسامات العمر
ليه تكسرها على أطراف الشفاء
شوف بعثرني احتياجي بالنظر
وشوف وجهي امتلاء منك بافا
ما تجي منك ولأكن يا بشر
منت أول من طعني بالجفاء
مسكت الجوال كانت حنان الي تدق
جلست ابكي حست ان كن الكلمات يقصدني فيها
ما قدرت أتحمل رميت الجوال بقوه في الجدار
وانا ابكي بقوه ليش انا ليش
ليش بعد ما أعطيته كل شي يسوي فيه كذا

سمعت احلام تدق على الباب

احلام:منى وينك ليش طلعتي

حاولت أتمالك نفسي عشان ما تعرف اني ابكي
منى: أسفه احلام بس تعبانه شوي

احلام:وش فيك منى يوجعك شي

منى:لا احلام بس راسي يوجعني بس
خلاص انتي روحي انا شوي وصير احسن

سمعت صوت الباب تسكر دليل انها راحت
رجعت ابكي
مسحت دموعي بقوه انا ما لازم ابكي من هو
عشان ابكي عشانه انا لازم ما أخليه يهزني
رحت الحمام تسبحت طلعت سمعت يأذن
المغرب اكيد قد راحوا رحت توضيت
وصليت حسيت براحه يوم صليت
لما خلصت رحت غرفة الضيوف اشوف
جوالي اكلم حنان لقيته مفكك بس شكله
خلاص خرب اضربه شكلها كانت قويه
طلعت رحت عند احلام
دقيت باب غرفتها سمعت صوتها
فتحت الباب

احلام:هلا منى كيفك الحين

منى:الحمدلله ممكن جوالك جوالي طاح في المويه

احلام:ايه اكيد ما يغلا عليك ولو تبينه لك

منى: ما تقصرين
أخذت جوال احلام ورحت غرفتي
دقيت على حنان

حنان:الو هلا حلوم

منى:هلا احلام انا منى

حنان:منى ليش أدق على جوالك ما تردي

منى:جوالي اخترب حنان ابوي موجود

حنان:ايه توه جاي منى فيك شي

منى:لا ما فيني شي أعطيني ابوي

حنان: طيب لحظه
انتظرت شوي واسمع صوت ابوي

ابوعبدالله:هلا منى

منى:هلا ابوي كيفك

ابوعبدالله:الحمدلله كيفك انتي

منى: الحمدلله يخير ابوي
تقدر تجي عندي بعد العشاء

ابوعبدالله: ليه يا بنتي صاير شي

منى:لا يا ابوي ما صاير الا كل خير
بس بغيتك بموضوع مهم

ابوعبدالله:خلاص أصلي العشاء واجيك

منى:خلاص احتريك مع السلامه

ابوعبدالله:مع السلامه

رحت رجعت لأحلام الجوال رجعت غرفت الضيوف
قفلت علي جلست انتظر الين إذن العشاء
صليت ورحت قلت لخالتي ان
ابوي بيجي وبستقبله في المجلس الخارجي
جلست في المجلس الين سمعت دقت الجرس
رحت على طول افتح الباب
سلمت عليه ودخلنا المجلس

ابوعبدالله:وش فيك يا بنتي
شغلتي بالي

ما قدرت استحمل بكيت ورميت
روحي في حضن ابوي

ابوعبدالله بفزع:اش فيك يا منى ليكون خالد
مضايقك بشي
منى تبكى:بيه خالد طلقني

ابوعبدالله:وش وليش اش صار
وينه فيه والله ما يفكني منه احد اليوم
على باله بنات الناس لعبه

منى تبكي:لا يبه خله الله يخليك
يبه ما ابي احد يعرف انا ابي
اعتد هنا في بيته

انتهى الجزء السابع والعشرون

24-07-11, 03:05 AM

المشاركة رقم: 38

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

♪♪♪

بارت واحد هالمرة بس ..
قربنا للنهاية وبـ يصير كل يوم بارت لغاية ما ننتهي ان شاء الله على خير ..

قرآإءه ممتعــة للجميع ..
موعدنا بكرا ببارت برضوووو =) ..

♪♪♪

24-07-11, 01:34 PM

المشاركة رقم: 39

المعلومات
الكاتب:	ممتازه
اللقب:

البيانات
التسجيل:	Mar 2011
العضوية:	220938
المشاركات:	14
الجنس	أنثى
معدل التقييم:
نقاط التقييم:	10

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

شكرا على البارت يعني بتخلصين القصه قبل رمضان

24-07-11, 08:34 PM

المشاركة رقم: 40

المعلومات
الكاتب:	remas2007
اللقب:

البيانات
التسجيل:	Oct 2007
العضوية:	50496
المشاركات:	474
الجنس	أنثى
معدل التقييم:
نقاط التقييم:	542

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

خووووووويلد الحقيييييير
الحمدلله ان منى كشفته....مابغينااا
بس ليييه الحركه الغبيييه اللي مسويتهااا منى....ليش تبغى تكمل العده عنده
يعطيييك العااافيه حنووووون ....