كاتب الموضوع :
♫ معزوفة حنين ♫
المنتدى :
القصص المكتمله
الجزء الثاني عشر
في الفندق
دخل خالد الجناح الي حجزه ودخلت بعده منى
منى كنت أطالع الجناح الي حجزه خالد كان مرررره
روعه سمت بالله تحس انها بتبكي من الضيقه الي
تحسها في صدرها وما تدري اش سببها
شافت خالد داخل الغرفه
جلست على الكنبه في الصالة بعد ما نزلت عبايتي
جلست انتظر خالد أحسه طول داخل مدري اش يسوي
هالكثر داخل يمكن يتسبح طيب الحين انا اش اسوي
اجلس هنا مثل الهبله ابي أغير ملابسي ومستحيه
ادخل يمكن يلبس ما فيني أحط نفسي معه بموقف
محرج
انتظرت شوي ما طلع
شو فيه هذا ما طلع ليكون نسي اني موجودة
ما أمداني أكمل أفكاري الا ولي خرج علي
ما شاء الله عليه تقولي برج العرب من طوله
خخخخخخ قويه برج العرب
بس ما شاء الله عليه طول يمكن أجي لبطنه
يالله
طالعت فيه شفته يناظرني بستغراب
خالد: اش فيك ليش ما غيرتي
ورد بمزح ولا عاجبك الفستان ما تبي تغيريه
انحرجت منه مرررره قمت بسرعة
ورديت عليه بصوت واطي
منى: لا بس كنت انتظرك تخلص
خالد:آه طيب كنتي استعملتي الغرفه الثانية
منى شو هذا بيطولها وهي صغيره
منى:اوكي المرة الثانية
ضحك خالد بقوه:هههههههههههه شو المرة الثانية ذي
شو ناويه تتزوجي مره ثانيه
انحررررجت مرررره منه
ومريت بسرعه من جنبه ودخل الغرفه
وسكرت الباب
منى: شو هذا من جده ولا يستهبل
شو ها لأسلوب الهبل ولا على باله يمزح الاخو
طالعت وجهي في المرايه واي مره احمر
من يلموني مستلمني الأخ ومطيح الميانه
كني اعرفه من زمان
رحت لشنطتي دورت لي لبس يناسب
وضعيتي معه
لقيت قميص نوم لونه بنفسج حلو وأحسه
استر شي دخلت الحمام مسحت المكياج
طولت مره وانا اغسل فيه مدري هاي الكوفيرا
كم حاطه طبقت أساس في وجهي
طالعت وجهي بالمرايه
اوه كويس راح باقي الأصعب
باقي التسريحة الحين يدي بتتكسر على ما اخلص
اوف الله يعين
جلست عشر دقايق أفك في التسريحة
اوه أخيرا خلصت تسبحت ولبست
طلعت من الحمام وانا أجفف شعري
رحت عند التسريحة طالعت في المرايه
اشوف باقي فيه أثار المكياج بس الحمدلله راح
أخذت لوشن ابي أحط على يدي ورجلي
جلست على كرسي التسريحة ومسحت
يدي بلوشن رفعت القميص الين فوق ركبي
عشان امسح رجلي كمان وانا امسح
لفيت اخذ من الوشن عشان رجلي الثانية
لمحت في المرايه شي خلا ادم يتجمد في
عروقي لفيت بسرعه اتاكد من الي شفته
شفت خالد منسدح على الكنبه في طرف الغرفه
ويطالع فيه نزلت القميص بسرعة
شفت عيونه وهي تراقب القميص يوم نزلته
خالد بتريقه: اوه توك تنبهي عادي كملي
شفتك خلاص
نزلت وجهي من الخجل
شو هذا متى دخل بعدين لش ما نبهني
انه موجود ولا خذاها حلا كل شوي يحرجني
خالد: شو خلصتي ما بتكملي
نزلت راسي اكتر احس شوي وتنكسر
رقبتي
منى: لا خلاص خلصت
خالد بضحكه يكتمها وهو متجه ناحيها
أعجبه شكلها وهي خجلانه
قرب منها الين وصل عندها وجلس عند
رجليها
خالد: امممم لسه رجلك هذي ما مسحتيها
بلوشن
منى برتباك:اها لا خالص خلصت
خالد يمسك رجلها: تبين انا امسح لك
وقفت منى بسرعه شو من جده هذا ولا يستهبل
منى: لا شكرا ما فيه داعي
وقف خالد : اوك كيفك يالله ما بتنامي
منى مرتبكة مره وتقرك يديها بقوه : اوكي
نام انا شو وبنام لسه ما فيني نوم
شفته يطالع فيه بعدين توجه الى الكرسي
خالد: كيفك متى تبي تنامي نامي انا حدي ميت
نوم
شفته انسدح وتغطى بالحاف وأعطاني ظهره
حطيت يدي على قلبي اوه كيف دقات قلبي سريعه
ما يلام موقف لا أنحسد عليه
خرجت الصالة كويس بينام ويفكني من الحراجات
احس ان خالد مره عادي عنده ومو مقدر ان
انا بنت استحي وبعدين انا لحد الحين ما اعرفه
ولا اعرف شخصيته كثير هو الحق
عليه ما عودني عليه أيام الملكه
والحين يبي أتعامل معه وكأني اعرفه من سنين
حشا لو انا مطيحة معه أيام الملكه على التلفون
أربعه وعشرين ساعة كنت بنحرج من تصرفاته
جلست أتابع التلفزيون حست عيوني تتسكر لحالهم
معقولة تنام رحت الغرفه اتاكد فتحت الباب بهدوء
شفته نايم وشكله بسابع نومه
قربت من الكرسي بهدوء ورفعت الحاف انسدحت
على طرف السرير ما حسيت بنفسي الا وانا نايمه
اليوم الثاني في الصباح
في بيت ابو سالم
طلعت سلوى عند أهلها
في الصالة شافت أهلها جالسين يفطرون
ام سالم: تعالي يمه سلوى افطري معنى
جلست سلوى تفطر
سالم:شو كيف نمتي امس اكيد رجولك بتتكسر من التعب
الي تعبتوه امس
سلوى: اوه لا تذكرني والله اني يالله اقدر امشي احس
ان عضلات رجولي مشدودة
ام سالم: من الكعب الي لابسته عساك من الحال وردى
انتي وأخواتك
مريم: يمه اش تبين نلبس فساتين ونلبس عليها شبشب يعني
سلوى: لا وانتي الصادقة تبينا نمشي حافين
سالم: طيب عادي لو مشيتي حفيه وش بيصير يعني
مريم: لا والله تخيل اشكالنا
سلوى: بس ما شاء الله الزواج امس كان يجنن
سالم وهو رايح: انا بروح الدوام تبون شي معي
ام سالم: الله معك يا ولدي
سالم: اجل في أمان الله
مريم يوم طلع سالم لفت تكمل كلامها مع سلوى
مريم: شفتي القاعة الي اختاروها واااو ما شاء الله
عليهم باين أنهم من الناس الراهيه
سلوى: ايه ما شاء الله عليهم حتى فساتين أخواته
وامه باين عليهم النعمة
مريم: الله يهنيها منى تستاهل
سلوى : منى طيبه وتستاهل كل خير
في الفندق
فتحت عيوني وأحس اني لسه ابي ارجع أنام
بس أول ما دارت عيوني في المكان تذكرت اني في الفندق
قامت بسرعة لفيت على مكان خالد
بس ما لقيته قمت رحت للحمام غسلت وبدلت ملابسي
طلعت من الغرفه لصالة بس ما لقيت خالد
جلست على الكنبه مستغربه وين راح هذا
طالعت الساعة 11 الصباح تذكرت اني ما صليت
الفجر افففف استغفر الله رحت بسرعة أصلي وانا استغفر
أول مره أسويها وأنام عن الصلاة بس من تعب امس ما عاد حسيت بنفسي من الإرهاق
بعد ما خلصت الصلاة رحت الصالة وشغلت التلفزيون
جلست أتابع وانتظر هذا متى يجي
اندمجت ما حسيت الا وباب الجناح ينفتح ويدخل خالد
طالعت فيه مستغربه وين كان بس استحيت اسأله
قرب خالد وجلس جنبي
خالد: سوري بس صحيت حصلتك نايمه فطلعت شوي أتمشى
منى: عادي اصلا توي صحيت
خالد: آه طيب تري بنمشي على مكة العصر جهزي نفسك
منى بإحراج: كم بنجلس في مكة
خالد: امممم يمكن يومين بعدين نروح جده أسبوع
وبعدها نروح المدينه
كنت ابي اوديك برى المملكة بس تعرفي ظروف
عملي مقدر أطول في السفر
منى: لا عادي اصلا مكة احسن مكان يروحله
أي إنسان
خالد: اكيد مافيه احسن من بيت الله
نزلت راسي مدري وش اقول
بس حسيته لسه يطالع فيني رفعت عيوني
تلقت نظراتنا بس حسيت نظراته غريبة و مو مفهومه
مسك أطراف شعري بيده وجلس يلفه على أصبعه
جلس يتأملني وقال: تدرين منى انتي مرره حلوه
ما توقعت شكلك كذا ابد
انحرجت مره نزلت راسي ووجهي احمر مرره من الإحراج
رفع راسي بيده ومررا أصبعه على خدودي
خالد: لمتى وبتجلسي تستحي مني انا رجلك
بلعت ريقي بتوتر: اااا لسه ما تعود عليك
خالد: اعرف اني انا السبب ما كان بيننا تواصل
في أيام الملكه وما تعرفي أطباعي بس عادي العمر قدامنا
وبتعرفيني على راحتك
ريحني كثير تفهمه الوضع
كنت برد عليه بس رنت جواله قطعت علي
شفته يوم طلع جواله أول ما شاف الرقم قام
خالد: هذا واحد من الربع بكلمه في البلكونه
جهزي بعد ما تصلي بنطلع ونتغدى ونتمشى
شوي قبل نسافر
طالعت فيه يوم فتح باب البلكونه بس استغربت
ليش قفله ورآه بس ما اهتميت اكيد يتكلموا في الشغل
انتهى الجزء الثاني عشر
|
03-07-11, 11:00 AM
جديد مواضيع قسم القصص المكتمله
العرض العادي
