حابة أشكر جميع من تابع ويتابع كتاباتي وبالذات كبريائي حياتي وبدويه والعصماء وهذا أنا بكمل بس حبايبي اعذروني أبي أوجز لكم اليوم جانب من الأحداث مش لاني حزينه ومش حابه اتذكرها لا بس لاني حاولت ومن فترة طويله اتناساها المهم وبعكس ما تمنينا وخططنا وبمشيئة الله أنا حملت بدري يعني بعد فرحي 4 اشهر ورغم وحامي اللي كان أغلبه نوم حاولت إني ما أفرط في حقوق زوجي وخاصة إني كنت لا أزال ادرس بالجامعه وفي البداية انا ما كان ودي به الحمل وفي أحيان كثيره أتمنى لو اسقط كنت اخاف كثير زواج ودراسه وفوق هذا أطفال وأنا لسا صغيره بس تركت امر هذا الحمل لله وبعكس زوجي اللي كان طاير بهذا الحمل وبالذات لما خبرته الدكتوره أنو الجنين ذكر يـــــــــــــــــــــــــاالله قد ايش فرح المهم حبايبي وبشهور حملي الأخيره بدت تظهر المشاكل مابيني وبينه وخصوصا" انو كان مرررررره عصبي وبسرعه يزعل أحيانا" كنت أحسه مثل ألأطفال لا ويزعل ويجلس بالأيام ما يكلمني رغم إني كنت دايما أحاول أصالحه وأرضيه واللي أتعبني نفسيا" اكثر مرض والدي اللي أستغرق فترة طويلة حتى شافاه الله الزبده بدأ مسلسل المشاكل مابيني وبينه وكان في كل مره يزعل يحط الحق علي واخيرا" وفي يوم تخاصمنا انا وياه وجيت أنا عند أهلي اغير جو على أساس إنه يجيني آخر الليل , ورغم إعتراضه في البدايه وافق وفعلا" الساعه 11 ليلا" اتصل عشان يمرني قمت أنا عندت وقلت لاتمرني ماني رايحه معك اليوم خليها بكره المهم كلمه مني وكلمه منه وقفل السماعه , ادري إني غلطت بس هو كبر السالفه , وتركني عندي أهلي أيام ثم أسبوع واسبوعين ماتتخيلون كيف كانت نفسيتي واللي زاد الطين بلة إنه خلال هذي الفتره سافر لدولة خليجية ولا هامه أي شيء يغير جو وانا مصدومه او بمعنى اصح مذهوله وين كلمات الغرام فين الحب اللي ياما حكى عنه ولا حتى فكر يتصل أسبوعين حتى أهله ما دقوا , وكل هذا كوم ونظرات صاحباتي وأهلي واقاربي كوم أمي كل يوم تسألني وأحيان كل ساعه ما إتصل ما دق وصاحباتي يغمزوني هاه فين رايحين اليوم وفلانه ما يسمع فيها فلان .....الخ واخيرا" اتصل فيه والدي وطلب منه يجي عشان يتفاهم معه وفعلا" جاء ويالــــــــيته ماجاء جاء جاء حبيبي ورفض يتكلم لحد ما يشوفني , وبكل برود بدا يكيل لي التهم لا ويحرض ابوي ضدي وما خلا عيب أو ذنب لا والصقه بي بصراحه لو إن احد من حبايبي وأعز حبايبي كان حلف لي باللي قاله ماصدقت وقلت كذاب بس.... , ابوي طبعا" ماسكت له ردح له مثل ماردح هو والاخ اللي ماكرهته في يوم مثل ماكرهته ذاك اليوم اعطاني ذيك النظره على اساس إنه يحسسني بالدونيه والقرف قبل ما يمشي , هنا عاد قامت أمي تبرر له وتتعذر مني له ما على لسانها إلا ذي صغيره وخليك أعقل منها , وتوعده ما تتكرر , المهم وتحت إلحاح امي وبضغط من أخواتي اللي كل همهم ما تتطلق أختهم وتصير حديث المجتمع ويتيتم طفلها اللي مابعد شاف دنيا , رجعت معاه وأنا أبعد ما أكون عنه , وشوي شوي هدت الأمور ورجعنا حبايب بس رغم هذا لساني مانسيت الجرح اللي سببه لي , وخلفت منه ورغم المشاكل اللي واجهناها الا إني ظليت صابره مش بس عشانه أو عشاني أحبه لا السبب الاهم هو الطفل اللي كل ماناظرت بعيونه قلت حرام ينحرم وغيره يتربى بحضن أبوه , حبايبي وجاء اليوم اللي من شدة الضغوط الروتينيه , قررنا أنا وزوجي نسافر نغير جو , وفعلا" سافرنا ببداية السفرة كان كل شيء طبيعي بعدين , بديت أحس أنه مش طايقني يتهرب مني ماينزل معاي نتمشى , وفوق كل هذا يجلس بالساعات قدام الكمبيوتر, اااااااه بس , والله يابنات إني كنت عارفه وش بيصير , حاسه بزوجي وإن فيه شيء مش طبيعي , ولما أسأله يقولي تتوهمين , والأ شغل وضغط..... الخ ومن ها الأعذار المهم قررنا نرجع ونلغي السفرة وفعلا" رجعنا ودوبنا وصلنا ودوبني داخلة بتحمم , الأ وزوجي جائي , وببرود وتوتر بدا يصارحني , أنا مش مرتاح أنا تعبان أحس بقلق ... ابغى أوديك لأهلك , أنا ورغم أحساسي السابق إلا إني جلست أبكي , وما على لساني إلأ ليش ليش بتطلقني ليش ليش ليش ليش , بيش قصرت , وكل اللي قاله : أنتي ما قصرتي بأي شئ العيب مو منك مني أنا مو مرتاح ياااااااااه هنا وقفت بكي وبديت اكلمه عن حضانة ولدي وكيف لازم تكون , وبكل ألم وندهاش سألني مايهمك , قلت لا مو ذنبي إنك مو مرتاح معي أنا ماقصرت معك , وبديت ألم أغراضي ولكم أن تتخيلوا , أمي من دقايق تسألني بتجينا ,انا أقول لها لا بكره إن شاء وإذ بي فجاءة أدخل عليها وتقريبا" بجميع شنطي واغراضي , وجلست فترة عند أهلي ماتعدت الـــــ 15 يوم وإذ بزوجي يتصل على جوالي طبعا قبلها أرسل رساله , ولما ما أتصلت إتصل بس أنا مارديت , المهم وفي ليلة دقت أخته الكبيره , تسألني عن حالي ولدي , وبعدين بدأت تتكلم عن أخوها تحاول تصلح بيننا , واخيرا" طلبت مني أكلمه ,او على الأقل أرد على إتصالاته , في البدايه تمنعت بس بعدين وكمان عشان ولدي وبصراحه أكبر لاني كنت أحبه رضيت أرد عليه وأول سؤال سألته إياه ليش تسوي فيني كذا ؟ اعتذر عن المتابعه الأن وإن شاء الله أكمل لأحقا" 
23-07-11, 05:52 PM
جديد مواضيع قسم أريد حلا
العرض العادي
