المنتدى :
الارشيف
ودي اتحمد لك الله بالسلامه مامداني
حــامد زيــد ورائعته ..
(((المباني )))
.
.
.
جابك الله من غيابن ضيق صدور المباني
قبل لا الوحشه تزعزع بيتك الصلب وتبيده
بيتك اللي من رحلت وكل جدرانه تعاني
ماتحمل ينتظر شهرين وعيونك بعيده
الله العالم لو انك جيت متأخر ثواني
ماتشوف الا بقايا من حصاه ومن حديده
من عرفتك وانت تايه من مواني في مواني
وتاركن قلبي مولع من وقيده في وقيده
ضاعت سنيني احد بهالليالي وتحداني
وانت ماتشبع غياب وماتخاف من النقيده
ودي اتحمدلك الله بالسلامه مامداني
كل ماتوصل برحله ترجع برحله جديده
دام تدري كل وجهن غير وجه الله فاني
ياخي اكسب لك ثواب وخاف ربك في عبيده
كان فيني عيب قلي فيني العيب الفلاني
كان هرجي مزعلك في شي قلي لاتعيده
عيب تصغر في عيوني وانت برقاب الغواني
ليه تستسهل طعوني وانت خابرني وليده
...... ان مت بيدك وش يفكك من خواني
لاحزنوا ربعي علي فرقاي وش اللي تستفيده
انت منت اللي عشقته انت اكيد انسان ثاني
ليه صرت بهالبرود وهالاحاسيس البليده
وين حبك للزعل وين العناد الاولاني
وين حنية زمان وفرحة العمر الرغيده
وين ذاك اللي ليا اقبل مايبات الا باماني
وين راح اللي ليا اقفى مايروح الا فقيده
واحدن من جابه الله بس يامر ويعصاني
الوحيد اللي اخاف ازعله وامشي معه سيده
مابغيت اطيح بيده لين ما ربي بلاني
والا انا لوهي بكيفي مابغيت اطيح بيده
ذاك بس اللي ليا من جيت له لخبط كياني
اللي بنظره ينشف دم قلبي في وريده
قبل اشوفه اجمع له احلى القصايد والمعاني
وان لقيته ماعرفت اقول له جمله مفيده
الف مره قبله اعد القصيده من لساني
و....... ان جيت عنده قمت اخربط بالقصيده
امدحه وانا ادري انه لو تباطاني نساني
انطحه وانا اعرفه مجنون وافكاره عنيده
من يسوي بي سواتك يالرهيف الاسمراني
منهو من الناس غيرك غلطته ترفع رصيده
من يقص جناح طيرك وانت اعز انسان جاني
ليه اخاف رماح غيرك وانت ضرباتك سديده
ان تبعتك اتبعك من طيبي وواسع بطاني
والا انا لاجيت اكيد انسان تدري كيف اكيده
اقدر انزعلك ثيابي والبس ثياب الاناني
واقدر اطلع من عذابي والعب بدورك واجيده
ومستعد اكسب رهاني لو بغيت اكسب رهاني
واخدعك باحساس كاذب واتحدى من يصيده
ابك انا لاشفت خلي حط غيري في مكاني
والله اني لا اتركه واصد واعشق سيد سيده
جيت مابيك تحقرني جيت ابيك تعز شاني
جيت ابي فزعة ضلوعك من مشاعرك البليده
خلني داخل حدودك واجبر بخاطر زماني
اكذب بباقي وعودك واصدق بلحظه سعيده
انتشلني من برودك لو تولع بالمحاني
عطني احساس بوجودك واخذ كل اللي تريده
تكفا وليا قلت تكفى بيع خلق الله عشاني
لاتضيع من يديني فرصة العمر الوحيده
يعلم الله شفت منك ومن غيابك ماكفاني
كان ماتقدر تخفف هم قلبي لاتزيده
شف غيابك وش مسوي بالصدور وبالمباني
وانت تدري كيف كانت صدمة غيابك شديده
والله انك لو وصلت البيت متأخر ثواني
ماتشوف الا بقايا من حصاه ومن حديده
.
.
.
.
بوووووحه مكرر مو ؟؟ مو مشكله يقول المثل الصيني :
(كثرالتكرار يزيد الزوااار )>>حكمة النوري وش رايكم يالادااره مو كلامي صحيح ؟؟؟؟
يعني ياليت تخلينها شهر عقب تطيرينهاا للارشيف هههههههه
.
.
|
27-06-11, 03:12 PM
جديد مواضيع قسم الارشيف
العرض العادي
