بسم الله
بدايه رائعة غاليتي
موفقه ان شاء الله في البقيه
سجليني واحده من متابعي روايتك

السسلام عليكم
اخبار الكل ؟!

اعتذر عن عدم التزامي بالموعد وطرح البارت الثاني يوم الاحد
كان عندي ظروف
وان شاء الله بارت الليله يعجبكم
والثلثاء اكييد بطرحه بإذن الله

ما اطول عليكم








[ 2 ]











ألمانيا

الساعه 12 وربع الظـهر
بـأوتيل محمـَد الخـآص " ابو صِبا "

فخـآمه مذهـِله واناقه تخطف الابصار , كـل هذا تحـِس فيه بمجرّد مرورك من جنب الاوتيل الضـَخم , فمـآ بالك باللي دآخله !


نتجـِه للطـآبق العلوّي اللي فيه الجنـآح الخاص للعـآئله .
كـآنت اصوآت نوتات البيانو ممليّه السكون اللي يحيط بالقاعه الضـخمه اللي بالجناح . .

بعـَد وهـله فـآرقت اصابعها الناعمه اللي فيهـا مناكير بلون التوت البيانو
غـآده وهي تترك الكـِتاب اللي بيدها وتصفّق : برآفوو يجـَنن هالمقطـَع , صايره تتحسنين بسرعه
صِبا بابتسامه : ميرسي , بس مو حـآبه اكمّل الحين . .
جيمس بهدوء " بالالماني " : اخبرهم يجهزون الشـآور طـال عمرك ؟
صِبا بشويش : ايه
رمت غـآده الكتاب على الكرسي الهزآز اللي كـانت جالسه فيه ومسكـَت كرسي صِبا الطبي وقالت وهي تدفعه : يالله يالله يا أمووره الشـآور ينتظرنـا . .
ابتسمت صِبا بشويش وكتمـَت ألمْهـا !
وهي من اول ما جـآها الحادث تكره الروحـَه للتوآليت لـأي شي كـان , صعبه عليها بدون مسـآعده . .

وبعد لحظات وصلت للتواليت الوآسع ولقـَت البـآث جاهز ودآفي
غـآده تحط مـلابس صِبا دآخل التواليت : يالله ادخْلك ؟
صِبا بضيق : انا بدخـَل لحـالي حطّي الروب قريب منّي وبس " وبلعت ريقها " كم مره اقولك انه الشـآور ما يتعّبني !
غـاده : بس . .
قاطعتها صِبا بغصّه وهي تحاول تـَخفي دموعها : غاده لو سمحتي انا ماني مشلوله عشان تساعديني بكل شي , اقدر اروّش حـالي
غـاده باستسلام : اففف , على راحتك حبيبتي , وقبل لا انسـى بابا اتصل بالمدرّبه وبتجي بالليل
صِبا تتنهّد وهي متضايقه : طيب يصير خير . .

ومثل كل مره اول ما تحطّها غـآده بالبانيو , تجْلس صِبا طول الشاور تبكي بدموع حـآره على حالها و تتذكـَر الحادث وينقلب المود من سيئ الى اسوأ



نتجه للرياض
4 ونص العصر



دآخـَل فلّة جميله مبنـِيه على ارض شـآسعه وضـَخمه
" فلّـة عزّام "

بالمجلس اللي تحت
ام عـآدل وهي تقـَلب صور الخطوبـَه بيدها وتكـَلم اختها : شرآيك بهذي الصوره مو طـآلع فيها عادل احلى من اللي تو ؟
ام عزّام بابتسامه وهي تاخذ منها الصوره : ماشاء الله لايقين على بعض , الله يتـَمم ويتزوجون على خير
ام عـآدل : آمين يارب , والله ماني مصدقـَه انه مرّ اسبوع من خطبـَته وبيتزوّج بعد شهرين
- هالايـام الوقت يمر بسرعـَه , وان شـاء الله تفرحين بهند وترتاحين منهم كـَلهم
ام عـادل بضحكه : هههه وش بـلاك نسيتي ندآ !
ام عزّام بابتسامه حلوه : لـا ندآ حـَق عزّام
- اي صحيح , وش صـآر متى بتقررون الموعد عشان اخليها تكـَلم ابوهـا ؟
ام عزّام : والله وانا اختك , كـَلمته قريب وقـال انه هالايام شوي مشغول بالشركات , عاد اذا رجـَع من المانيا بشوفـَه اذا خلّص وبعدها نجي نخطـَبها ان شـاء الله
ام عـادل بابتسامه وهي تشرَب فنجـان القهوه براحه : ان شـاء الله . . .



وبـألمانيا
1 ونص الظهر
شـَركه عزّام

كالعاده يدور بمـَكتبه الضخم وحـاط القلم بأذنه ويقرآ اوراق المناقصـات الناجحـه والجديده
عزّام غاطس بالقرآئـه وهو يكلّم مدير اعماله : عيد لي اسمـاء الشركات المتوقـَعه

" ناصر " مدير الاعمال : شركـَه لايف , شركـَه العم طلال , وشركـَه قوون اللي بالولـايات , وآخر شي شركـَه محمد الـمنصور .

بلّم شوي بعد ما سمـَع اسم الشركـآت اللي قـآلها ناصر , بعدها قال بابتسامه مـآكره : خلنا نتعاقد مع محمد الـمنصور .
نـاصر يراجع الاوراق : اممممم , بس طـال عمرك الشركه بتغلق تعاقدها قريب لـأنها اكتفت , فمـا اتوقع راح نقدر نبدا شي معهم !

تذَكر عزّام انه محمد ابو صِبا وما اهتم بكلام ناصر وطلب منه يتجهون الحين للشركه ويبدون التعاقد !
فوافق ناصر بعد ما حاول يقنع عزّام انه مستحيل يقبلون , بس عزّام كان مصّر و مستحيل يفرّط بأي فرصه تقرّبه من صِبا .

بجِهه ثـآنيه
بأوتيل فخـَم ولطيف . .

ندآ وهي واقفه عند باب غرفة نايف : ما سأل عني عزّام ؟
نايف وهو يرتب اغراضه بالشنطه : لـا , وبعدين ليش يسأل يعني ؟
ندا تقلّب عيونها : مالك دخـل . . وترآ عادي شفيها اذا سأل قريب بيصير خطيبي . .
نايف يناظرها بشويش : بلا كلام فاضي , توه ماصار شي اكيد يعني لا تطيرين باحلامك لبعيد
ندا بإنفعال : نايف اكرمنا بسكوتك , وبعدين ليش مايصير شي , هو يحب وحده ثانيه مثلا ؟
نايف : ..................
ندا بقهر : نايفووه لا تلعب باعصابي , هو يحب وحده غيري ؟!
نايف يتأفف : وانا شدراني يعني
ندا وهي تروح : اجل لا تفّتي على كيفك . . .

ابتسم نايف ابتسامه خفيفه , وترك شنطته وجلس عالسرير وهو يتذَكر نظرات عزّام لـ صِبا لما كانوا بالحفله . .
نايف بنفسه : غريب امرك مع اني عارف انك مستحيل تحب بنت , بس يعني لا غـاب القط العب يا فـآر !



8 ونص الليل
بغرفة صِبا . .

كـانت نايمه بفرآشها المـَلكي , بس شكلها مو مرتـاحه بالنومـَه . .
صِبا بهمس وهي نايمه : لـا تزيدها . . لا تزيد السرعه . . لـا لـا !
وفزّت بسرعه وفتحت عيونها بقوّه وهي مرعووبه من اللي شافته !
حطّت يدها على قلبها اللي كان يدق بسرعـَه وتحس انّه بيطلع من مكانه
ناظرت حولها تبي تتأكد هي وين بالظبط , وارتاحت اول ما عرفت أنه كان مجرّد حِلم . .

رجـَعت انسدحـَت بشويش , وصارعتها دموعهـا بحزن وانزلـَت على خدها الناعم . .
" افف , وش جابك بعقلي الحين "
دآيم يراودها هالحلم اللي عـاشته , ومستحيل تقدر تنســى أي جزء من اللي الحادث صار ذاك اليوم .

وغاصت بذاكرتها
" كـآنوا راجعين هي وخطيبهـا حمـَد من الملاهـي . .
وكـان حمد توّه شـاري سيارته الجديده " فيرآري سودآ " ومبسوط فيهـا موت .
صِبا وهي تناظر من الشباك السياره اللي جـايه : يـآآي حموودي شوف هالسياره سريعه
حمد مبوّز : لـآ والله ! يعني شقصدك سيارتي موب سريعه ؟
صِبا تبوسه على خدّه بلطـآفه : لا حبيبي مو قصدي كِذا
حمد خـآق : تتحديني اسوق اسرع منّه ؟
صِبا بضحكه خقّه : ههههه توّني راجعه من الملاهي مابي استقبل هبـال اكثر
ناظرها بوسـآمه وهو يبتسم , وسـَكر فتحه الفيرآري اللي كانت فوق وربط حزآمه وقـآل : يا خوّافه , اربطي حزامك وخلينا نشوف مين احلـى الملاهي والا انـا !
ابتسمت له وربطت حزآمها وبدآ سياقته بجنون
وصـآر اللي صـآر . .
توّفـى حمد على طول بعد الحادث وصبا جتّها ضربه قويه على راسها من اليسـار فصـارت ما تقدر تتحكّم بحركـَة رجولهـآ .

ومن بعـَد هالحادث وهي للـآن تحلم بهالموقف ومو قـادره تنسـآه ابد . "


حسّت على حالها انها بدت تصيح وبلعت ريقها بشويش وتعوّذت من ابليس .
بهاللّحظـآت اندق بـاب الغرفه . .
صِبا بغصه : مين ؟
جيمس : آسف طال عمرك بس سمعت صوت وحبيت اتأكد اذا تحتاجين شي .
صِبا بحزن : ادخـل ابغـآك
دخـل جيمس بهدوء واستغرب من إناره الغرفه الهاديه ووقف جنب السرير وينتظرها تأمره بأي لحظه . .
لكن صِبا ظلّت ساكته وتناظر السقف وهي منسدحـَه
تنحنح جيمس بشويش بعد ما طـال السكوت .
صِبا بصوت مبحوح : اذا ضاق خلقك وش احسن مكـان بتروح لـَه ؟
جيمس بهدوء : اي مكان تتمنينه طـال عمرك
لفّت عليه بشويش وناظرته من فوق لتحت
صِبا بابتسامه والضيقه باين عليهـا : تتذكر لمـا اول مرّه قابلتني ؟
استغرب جيمس سؤالها وقـال : اي اكيد
صِبا بضحكه : يووه كنت اكرهك , داايم تفتّن علّي عند ابوي لما اطلع مع حمـَد
ابتسم مجـامله لها وهو حـاس انها ودها تنفجر من الضيقه وقـامت تدوّر اي شي يخليها تلهـَى عن الموضوع الاسـآسي . .

جيمس بحنان : تبغين آخذك للبحر ترتاحين شوي ؟
صِبا ناظرته ودمعت عيونهـا : ايه , بس لا تعلّم ابوي لـأنه المدربه بتجي بالليل وانا مالي نفس لهـا
جيمس : اوك
ابتسم لهـا وعطـاها منديل تمسح دموعهـا . .

" جيمس : 27 سنه , البودي قارد الشخصي حق صِبا , المـاني الجنسيه
وضّفه محمد بالبدايه لما كان عمره 23 جـاسوس عند صِبا عشان يوصّل اخبارها له
ومن بعـَد موت حمد , حس انه من الطبيعي يحط لبنته حارس لـأنها صارت ما تقدر تدافع عن نفسها , وبحكم بـُنيـَه جيمس الجسميه اللي تساعده على هالوظيفه اختـاره محمّد بسهوله "

وبعـَد ما هـَدت شوي , جتهـا الخـادمه وساعدتهـا بلبسهـا
وطلـَعت من البيت مع جيمس بدون محد يدري . .

وبفتره مو طويله وصـَلوا للشـاطئ .
نزّل جيمس صِبا من السياره وجلّسها على كرسيهـا الطبي
قال وهو يفتح صندوق السيـاره : الجو بـارد شوي بطلّع لك لحـاف . .
صِبا تتنهد وتناظر البحر : اوكِ
وحط جيمس اللحـاف اللي طلّعه على رجول صِبا ودفعهـا الى ان وصلوا عالرمـل وبدت صِبا تشّم ريحه البحر السـآحره .

جلست تناظر النـاس القليل اللي حولهـا
واحد جـاي مع اصحـابه ينبسط , والا جـاي لحاله يرمي على البحر همومه , والا جـاي مع حبيبته يغيّرون جوو . .
حسّت بالانكسـار لـأن وحدَتها وروتين حياتها ما يتغيّر ابد ودايم جالسه على هالكرسي المُمل , وناظرت بالرمل اللي تحتها وتمنّت تغمس رجولهـا فيه وتحس بدفـآه , لكـن للـأسف ما تقدر

بدت خصـلات شعرها الناعمه تتحرك مع النسيم الخفيف , فنْزلت دموعها الذبلانه على وجههـآ
جيمس بهمس وهو يناظرها : اجيب لك مناديل من السياره ؟
صِبا وهي تحاول تمسح وجهها بيدها : ايه

ورآح جيمس للسيـاره .


بنـَفس الجهه من البحـَر
كـان عزّام يتمـَشى عالرمل لحاله , ومبسووط آخر حد لـأنه محمد ابو صِبا وافق عالتعـاقد بين الشركتين .
عزّام بابتسامه وهو يكلم نفسه : امممم شلون اقابلهـا ؟ اروح بيتهم اسوي نفسي ابغـى اكلم ابوها !

قاطعه صوت موبـايله
عزّام طنّقر : هـا !
فهد : ها بوجهك , قول نعم يا حمـار
عزّام : هههه استغفر الله شوف مين يتكلم , وش تبي ؟
فهد : فاضي والا ؟
-اخلص علينا وش تبي
فهد يبوّز: اليوم فيه سهـره مع القمر " نيرا " تجي والا ؟
عزّام : ديسكو مرا ثانيه ؟
فهد خاق : آه يا قلبي يا نيرا , تقول سربراايز لك خصيصا . .
عزّام بابتسامه : مدري اراجع نفسي واعطيك خبر
- دق عليّ بدري عشان اذا رحت تمر معاي نكشخ بسيارتك
- ابوو المصلحه يا شييخ , ورا ما تقول لـأبوك يشتري لك زيها وتفكّني
- هههههه يعني لازم تذكرني انهم معاقبيني هالسنه
- هههههه ماعلينا , شوي وارد لك خبر , يالله فارق
فهد خـآق : يالبييه انت بس , الله معك ياحلوو

دخّل عزّام جواله وهو يضحك على فهد المجنون . .
" فهد : ولد تاجر مو شويه بألمانيا , يحب الوناسه والهبال , هو الولد الوحيد بين 3 بنات , ومسوي لـأهله بلاوي ودايم يعاقبه ابوه على دشارته المعتاده
طويل ومعضّل , عيونه سودا لكن يحب يلبس عدسات ملوّنه مع انه عنده قصر نظر ويلبس نظارات
صديق عزّام من 5 سنوات "

بهاللحظات وهو يكمّل مشيـَه لمـَح عزّام صِبا !
ناظرها يتأكد اذا هي والا , واول ما تأكد ابتسم وراح لهـا

عزّام وهو يمشي صوبهـا وشاق الكـشره : صِبا والا ؟
رفعت راسهـا بشويش وناظرته بضيقه وقالت : هلـا
عزّام يمد يده ويسلم : هلـا فيك اخبارك
صِبا بابتسامه هاديه : بخير وانت ؟
عزّام " اكيد بخير دامي شفتك " : الحمد لله تمام
" ناظر حولها وقال " جايه لحالك ؟
صِبا تتنهّد بضيق : اي . .
حس عزّام انها متضايقه فقال بشويش : عسى ما شر شكلك كنتي تبكين
ناظرته بسرعه وهي تتصنّع الابتسامه وقالت : لالا ابد بس دخل تراب بعيوني
عزّام يبتسم لهـا : اشوآ , عاد توني كنت راجع من ابوك , حلوه هالصدفه شفتكم مع بعض بنفس اليوم
ابتسمت له بشويش وما ردت وجلست تناظر البحر . .

" افف ليش ما تتكلّم , شكلي جيت بوقت غلط , احس لو بنطق اي كلمه زياده بتصفقني طراق ههههه "
عزّام وهو يجي من ورآها ويدفّها بشويش عالرمل : امممم تعالي اوريك البحر من جهه ثانيه , شكلك متمـَلله مراا
صِبا بشويش : لا تشغل بالك مافيني شي . .
عزّام يمد بوزه : اجل ما يصير امشي معك حبتين ونتعرف اكثر ؟
صِبا بابتسامه عذآب : ههه , اوك . .
ومشوا شوي بعيد عن المكان اللي كانت صِبا فيه وهم ساكتين ويناظرون الناس . .
صِبا بقلبها وهي تناظر جوالها " خليني اسكر جوالي لا يتصل علّي ابوي ويخليني ارجع اتدرب , احسن شي انه عزّام جا بوقته ومره وحده افتكيت من جيمس اللي بيجلس يفتّن عند ابوي ويقوله اني كنت زعلانه "
عزّام بهمس : خلّص شحن آيفونك ؟
صِبا بابتسامه وهي ترقّعها : لـا بس فيه وحده قرقه تتصل علّي وانا ما ابغـى اكلّمها
عزّام : اهـا . .
صِبا وهي تلتفت عليه : سووري شكلك تعـَبت , ترى الكرسي اتوماتيكي اقدر اخليه يمشي لحـاله . .
عزّام بلطف : افـاا وش دعوه , وبعدين مين قال اني تعـَبت بالعكس مبسووط
ابتسمت صِبا وما تدري ليش حسّت انه من جد مبسوط وهو يدفعها !

فجأه بدت الدنيا تمطر بشويش . .
عزّام وهو يناظر السما : شكلها بتصير قوّيه , تبغين ندخل الكوفي القريب ؟
صِبا ارتبكت " اذا دخلناه بيلقاني جيمس ويرجعني للبيت " : لالا ما احبّه , خلنا نروح مكان بعيد عن هنا اخاف يقوآ الموج
عزّام استغرب : على راحتك " وابتسم " شركتي قريبه من هنا تبغين نروح لهـا ؟
صِبا انبسطت : اوك مافي مشكله
وافق عزّام بسرعه لـأنه المطر بدا يقوآ وما انتبه انه صِبا تبغـَى تبعّد عن اهلها كأنها بتنحـآش !

بالجهه الثانيه من البحر
كـان جيمس متغرّق بالمطر ويتّصل على صِبا صار له مدّه وهي مقفله جوالها !
وبعد ما استسلم , اتصل على طاقم الامن الخاص وطلب من 12 واحد يجون بسرعه عشان يحوّطون الشاطئ ويدورن على صِبا بدون علم احد من اهلها !
جيمس بقـَلبه : والله ولعبتي علّي , الحين بثواني رايح اجيب لك منديل تنحاشين وتورطيني معك . .
الله يستر بس لا يكون صار فيها شي والا احد خطـَفها !


9 ونص بأوتيل محمـد

محمد جالس على اعصابه : ها ما ترد ؟
غاده : لا بابا , شكل مافي شبكه من الرعـَد , لـأنه حتـَى جيمس جواله مقفل
محمد يتأفف : يعني انتي تدرين انه صار لها 3 شهور تتهرّب من التدريبات وما تتدرب زي الناس , ليش تقومين وتقولين لهـا انه المدربه بتجي اليوم , يعني ما تعرفينها !
غاده تضايقت : آسفه بـابا
ام صِبا تضم غاده : حبيبي شفيك على البنت هي وش دراها يمكن نست , وبعدين لا تخاف على صِبا ان شاء الله مافيها شي دام جيمس معها

محمد بعصبيه وهو يقوم لغرفته : انا اوريها هالصِبا , اذا ما تعدّلت وما صارت تتدرب زي الناس , بتخليني ازوّجها جيمس غصب عشان يوريها شغلها عدل . .

غاده مبوّزه : الله يستر منه , هذي المره المليون اللي يهدد انه بيزوّجها جيمس , لا يكون بسوّيها !
ام صِبا بإبتسامه : لا تخافين , هو ما يقول كذا الا عشان تخاف منّه وتتعدل لـأنه يدري انها تكره جيمس . .
وبعدين لا تنسين انها دلوعته يعني مستحيل يرميها بسهوله !

غاده ماسكه ضحكتها : الله الله عاد هالجيمس يجنن , ليته يزوجني اياه
ام صِبا تضربها على ظهرها : اعقلي انتي الثانيه وش هالكلام
غاده تمّد لسانها : اوك اوك . . .


بنفس الوقت عند صِبا

توهم وصلوا للشركه لـأن الشوارع كانت زحمه بسبب المطر
وجلسوا بقاعه الاستقبال الكبيره اللي بالوسط
كانت صِبا متوقعه انه فيه موظفين بالشركه , لكن نـِست انه هالايام اجازه رسميه وقليل اللي يداومون !
فعشان كِذا كانت الشركه فاضيه . .

صِبا بارتباك وهي ماسكه الكوفي اللي معهـا وتناظر المطر من الشبابيك الكبيره اللي عاليمين : تتوقع متـَى بتوقّف ؟
عزّام وهو يجلس قبـآلها ويشرب ستار باكس : مدري شكلها مطوّله

صِبا بقلبها : " ياربي شهالورطـَه , لو جالسه بالكوفي اللي جنب البحر ابرك لي من الجلسه معاه لحالنا , لـا وبعد وش يدريني اذا هو مو صايع وراعي سوالف هذي ثاني مره اقابله وما اعرف مين يكون , الله يستر بس
" وتنهدت " لازم ما ابيّن اني خايفه منه واتصرف على طبيعتي "

عزّام يناظر يدها ترجف : شكلك بردانه ؟
صِبا تبلع ريقها وتتصنّع الابتسامه : شوي . .
عزّام وهو يقوم : المفروض تلبسين شي ثقيل الجو كان بارد من الصباح
" كانت صِبا لـابسه جينز سكيني اسود طويل , مع بلوزه زهريه هاي نك ساده ,وفوقها سكـارف - شال - اسود . "
عزّام يقوم: اصبري اروح اجيب لك جاكيت من السياره
- لالا والله مو بردانه
عزّام بإبتسامه تجـَنن وهو يطلع : اششش ولا كلمه
ابتسمت صِبا بشويش وحسّت برآحه شوي , يمكن شخصيته اللطيفه واسلوبه البسيط تخلّيها تحس بشويّة راحه معاه . .


برآ عند الباركنق

كـانت توهـا توّقف سيارتها السمـاويه وهي تشوف انوآر الشركه مولّعه . .
ندا وهي تكلّم بجوالها : يعني ما رد عليك قال انه بيجي ؟
فهد : لا اصلا شكلنا بنكنسل الروحه المطر يروّع . .
ندا بابتسامه : اوك يالله تشاو
فهد : بايوو

انبسطت ندا موت لـأنه خطّتها بتنجح
كـانت توهـا راجعه من الشوبنق واشترت لعزّام سوار يجنن حسّته بيناسبه وما عرفت كيف بتقدّمه له . .
فبعد ما مطـَرت دقت على واحد من الموظفين وسألت عنه وقال لها انه مشغول بالشركه , فقررت تسوي نفسها خايفه من المطر وكـأنها كانت قريبه من الشركه وقررت تنزل
وتسوّي السالفه كأنها صدفـَه بصدفه !

ابتسمت وهي مرآ مبسوطه , واخذت مظلّتها ومسكت كيسه الهديه ونزل من السياره .


أما عزّام رجع داخـل الشركه ومعاه جاكيت اسود جلد رجـالي . .
صِبا بابتسامه هاديه وهي تشوفه متغرّق من المطر : مرآ اسفه والله ماكان لـازم تجيبه
عزّام بابتسامه وهو يحرّك شعره المبلول : ما تلاحظين انه من اول ما قابلتك وانتي كله تتأسفين !
نزّلت راسها بحيـا وهي تبتسم بشويش . .
عزّام وهو يجي من قدّامها ويساعدها تلبس الجاكيت : يالله دخلي يدينك
استحت صِبا من قربـَه وقالت بصوت ناعم : شكرا اقدر البس لحالي
عزّام يدخّل يدينها : ماعليه, خليني اساعدك

فجأه رعـَدت السمـا بصوت جبّـار , وجا بعدها بسرعه برق يخطف البصر !!
وكـان المشهد مخيف وواضح لـأنه شبابيك قاعه الاستقبال كبيره على قدّ الجدار . .

صرخَت صِبا بخووف وزاد ارتباكها لمّا رعـَدت , وسكرت عيونها بقوّه
وبحركه سريعه مالقت قدامها الا عزّام فمسكت بلوزته من عند الصدر ودفنت راسها !

عزّام وهو يناظر الشبابيك بسرعه : بسم الله !
قالت صِبا بصوت باكي وهي للـآن ماسكه بلوزه عزّام : ا . . ابغى اروح البيت
نزّل عزّام راسه لصِبا وناظرها كيف ماسكته ودافنه راسها بصدره وترجـِف , ودق قلبه بشويش بعد ما شاف فرق الحجم بينهم !
" عزّام دايم تجيه احاسيس غريبه لمّا يشوف اجسام اصغر من جسمه "

عزّام بقلبه : تعوّذ من ابليس , البنت مرعوبه وانا بحاله رومانسيه !

عزّام والحيا بدآ يمتلكه : اذكري الله ماصار شي . .
صِبا بصوت هامس : اخاف من الرعد
ارتبك عزّام منها وحاول يتمالك نفسه بهاللحظات اللي تُعتبر خطره بالنسبه له
وبحركه هاديه حط يدينه على يدين صِبا اللي كانت ماسكه بلوزته فيهم وبعّدها عنّه بشويش وقال : يالله ماعليه , شوي ويخف المطر واوصلك للبيت . .
صِبا بحيا وهي تمسح عينها اللي دمّعت شوي : طيّب
ابتسم عزّام لها وجلس مقابلها .


كل هالموقف شـآفه شخص ثالث كان موجود معاهم بدون ما يحسّون
اللي هي ندآ !!!

بعد ما دخـَلت من الباب الخلفي عشان تفاجئ عزّام , شافته وهو يلبّسها الجاكيت وشافتها وهي تضمّه !!
الغيره امتلكـَتها وما قدرت تصبر على هالمهزله اللي تشوفها مرّة ثانيه , فدمعت عينها بقهر وهي تطلع من الشركه
وركبت سيارتها بسرعه , وناظرت جوآلها اللي بيدها وهي ترجف , وقالت بصوت عالي وكأنها مجنونه : انا اورييك يا بنت الكلب , انا اوريك يالنجسسَه , والله ما امررها لك يالمعوّقه يا قليله الادب !!!



10 وربع الليل , قدام اوتيل محمد

نزَل جيمس من السياره , وهو مقهور من حركـَة صِبا
كان طول الوقت اللي فات يدوّر عليها حول البحر وقـَلب الدنيا فوق تحت ومالقهـا
فاستسلم للواقع وقرر يخبّر ابوهـا لـأن الوضع صار شبه خطير ويمكن يكون احد سـآرقها من جد . .

مشـَى عالارض المبلله بخطوات كبيره وهو ماسك مظلّته وخايف من ردّة فعل محمد .
ادوارد وهو يمشي جنبه " بودي قارد الماني ثاني " : وش بتقول له الحين ؟
جيمس بهدوء وهو يدخـَل الاوتيل من الباب الرئيسي : بقول له الصدق , انت روح خبّر الرجـال ينتظرون اوامر الرئيس قريب , لـأنه الوضع شكله خطير !
ادوارد : اوك
وقبل لـا يتحرك ادوارد من مكانه لمـَح صِبا وهي بوسط قـآعه الاوتيل الرئيسيه ومعاهـا عزّام !


عند صِبا . .
عزّام بابتسامه : انتي ساكنه هنا على طول ؟
صِبا بارتباك وهي تناظر الناس يناظرونها مع عزّام : لـا بس لمـا نجي لـألمانيا . .
عزّام : اهـا
صِبا بقلبها : ياربي وش هالنشبه , الحين وش بيقولون الناس , اكيد بيفهمون السالفه غلط !
الحين المهم ابوي
ياربيييييه , قلت له يوقفني عند باب الاوتيل ويروح , بس نـاشب لي استتغفر الله !!

عزّام وهو قدام الاسنصير : اي طـابق ؟
صبا توهـا تنتبه : لـا لا , ودّني من اسنصير القاعه الثانيه , هذا حق المقيمين هنا
عزّام : اهـآ , اوك . .
ودفعهـا الى ان وصلوا لعند باب القاعه الثانيه
فجأه الجو صار غريب حبتين !
كان فيه شـاب طويل عريض لـابس هاي نك اسود مع جاكيت رصاصي طويل وجينز اسود , ومسوي شعره سبايكي ومملوح !
المشكله الاعظم , انّه جـالس يتهاوش ويدّف الحرّاس ويبغـى يدخل للقاعه اللي كانت مخصصه للعائله والناس المهمين بس !

الشاب وهو قالب الدنيا بصراخه العالي " كان يتكلم الماني " : بعّد عني ابغـى اقابل احد مهم !!
الحارس الاول : لو سمحت انت ما تفهم ؟
هذي قـاعه خاصّه
الحارس الثاني وهو يدفّه : مستحيل انت واشكالك يدخلون هنا مهما كـان !!

صِبا وهي جايه وتقاطعهم " بالالماني " : ايش فيه ؟
التفتوا الحرّاس والشاب مع بعض وناظروا صِبا
الحارس الاول : اسفين طـال عمرك بس هالشخص يبغـى يدخـَل ويقول انه بيقابل شخص مهم !
التفتت صِبا على الشاب اللي كـان يناظرهـا بشكل غريب !
طـآلت النظرات اللي مالها تفسير من الطرفين , والحرّاس وعزّام استغربوا الهدوء المفاجئ !

الشـاب بالعربي وهو مستغرب : صِبا ؟!!!
ناظرته صِبا بصدمه اول ما سمعت صوته وقـالت وهي مو مصدقه : معقووله !!!
ضحك الشـاب ضحكه تجـَنن حتى عزّام خق عليها > هع ماتلاحظون الولد يخق على اي كائن ههه !
وبدون مقدِمات ركض الشاب المسافه اللي تعتبر بعيده بينه وبين صِبا وحط يدينه تحت عضودها وشـآلها من الكرسي الطبي ودار فيها بنص القاعه والناس مفجووعه وهو ضـامها بشكل مو صـاحي ويضحك !

ارتسمت عـلامات الخوف والاستغراب على كل اللي كانوا موجودين بالقاعتين الرئيسيه والخاصه !











وهذي نهاية البارت
ان شاء الله ينال على اعجابكم
وانتظروني الثلثاء على موعدنا
دمتم بود

صباح الخير

تسلمييييييييييييين موو على الروايه

شكلها حلوه وبدايه موفقه ان شاء الله