الحان يعزفها القدر ، للكاتبه : اخر ضحكتي شهقة بكاء ..

الــحـــآآن يــعــزفــهــآآ آلــقــدر

..الكاتبه \\ آخـر ضحگتي شهـقة بگآآء..




الــــبــــآآرتــ الآول ...!!




دخل جابر بكل ثقه داخل قصره الفخم القابع بمدينه الرياض بهامته وفخامته
الداله على شده ثراء ساكنيه..قصر عائله الرالي..
جابر الرالي..ثاني ابن لراشد الرالي اكبر الهوامير..
المعروف بقسوته بالعمل والدوس بلا رحمه على من يقف بطريقه..
يصل صيته من اقاصي الغرب حتى اخر جزر الشرق..
دخل ومعه فتاه صغيره عمرها 16 وستكون الطامه الكبرى لعائلته
دخل الصاله التي اجتمعت فيها عائله الرالي
عم السكوت المكان عند دخول جابر ليحمل لهم الفاجعه

جابر: انا جاي اضيف بنت للعايله هذي
بنت كنت مخبيها من زمان بس جا الوقت اللي تظهر فيه وتعيش زي كل واحد من اولاد عايله الرالي
سحب البنت الصغيره لقدام: هذي جوان.....قاطعته زوجته فوزيه

شهقت فوزيه: بنت ياجابر بنت مو مني انا زوجتك لا ياجابر لا ..واغمى عليها بدون سابق انذار..


********************




سلمها ابوها ورقه الطلاق: ليان ماجد طلقك

ام ليان انهارت: ليييه يطلقها..وبكره يوم زواجهم لييييه..شنقول للناس

ابو ليان: ماهمونا الناس..يمكن فيه خيره لبنتنا..

مسكت ليان الورقه ودموعها مو راضيه تطلع من الصدمه: كييف يطلقني بعد ما اخذها..كيف يطلقني بعد ما اخذها..لا مستحيل لالالالا..اكيد بيرجع اكيد يمزح كالعاده..يمه ماجد بيرجع صح..

حطت ام ليان يدها على فمها تخف عبرتها: حبيبتي ليان..

صرخت ليان وركضت لغرفتها وقفلت الباب..رمت نفسها على السرير تتذكر...

دخلت معاه الشقه اللي كتبها باسمها..

ماجد: تعالي ياليان..لا تخافي هذي شقتنا بعد مانتزوج..
وقفت ليان اللي عمرها 16عند الباب وهي خايفه تدخل: ماجد رجعني البيت..اخاف اهلي يرجعون ومايلقوني
ماجد: ليوني حياتي يعني انتي خايفه مني..انا خطيبك اللحين..انا دنيتك ياروحي
اتقدم لها ومسك يدها ودخلها بعدها قفل الباب....وانقفل بعدها باب العوده....








********************




تمر الايام والسنين بسرعه وتتغير الاحداث لتنقلب راسا على عقب

فـ بعد اربع سنوات

**************


دخلت فوزيه غرفه جوان لتجد الجناح في حاله يرثى لها
فوضه تعم المكان..اكياس لمانغو وزارا وبيرشكا لم تلمس بعد
اكياس الشيبسات والغازيات منتشره بكل جهه
صوت موسيقى صاخبه
غطاء السرير مفروش على الارض ومخداته متراميه
كل ذلك تتوسطه فتاه تقف فوق سريرها وترقص مع الانغام برشاقه
وحركات طائشه طفوليه..

جوان: هذا حالك ياعنيد دايم بهجرك تزيد وانا داري ياحبيبي راح ترجع من جديد
ياحبيبي بس....

فجآه انقطع صوت الاغاني..

شهقت جوان: مين هذا اللي ناوي ينكد عيشت..(فتحت عيونها للاخر) فوووز

فوزيه: جوان انا كم مره قلتلك بطلي حركات الهمج وخليك بنت عاقله وبنت تليق انها تحمل لقب الرالي

..مسكتها من اذنها ونزلتها من السرير..

جوان: اااه فووز فكيني اذني آآآه تعوريني كذا

فوزيه: ليه انتي كذا مو زي باقي البنات..ليه تتعبيني معاك كانك طفله عمرها 5 سنوات

جوان: طيب طيب توبه بس فكيني اوف اذني

..تركت فوزيه اذنها وطالعتها نظرات قهر..

جوان: يالييييل مالقيتي غيري تزعجيني روحي عند عيالك وازعجيهم مو انا والله غش

فوزيه: لما تكبرين وتعقلين انا وقتها راح اتركك براحتك فاهمه انقلعي عن وجهي

جوان: اووف وين اطلع وانتي بجناحي

فوزيه: انا بطلع اللحين لكن ان رجعت وماشفت جناحك مرتب والله مابيصير خير..وطلعت..

جوان: ياربي انا شمصبرني بالله على ذي العايله اووف اووف والله مو حاله

اخذت الايفون ايبود والسماعات ونزلت للدور الارضي : مييييري وصمخ روحي نظفي جناحي

ميري: ياربي انتا كل شوي وسخ وسخ صدك بزر وراحت

جوان فهت: الله الله حتى ذي اللي مايجي طولها قد اصبعي صاير لسانها شبر ونص..

حطت السماعات باذنها وبدات ترقص وتغني بواحد من صالات القصر

بدر: جوااااااان

جوان سافهته او بالاصح ماتسمعه ومندمجه

مشي بدر بطوله الفارع وهيبته اللي اخذها من ابوه..وهو معصب..والمعروف انه اذا عصب مايعرف احد

قرب بدر منها وشدها من شعرها : ياحماره انتي متى تعقلين هاه اتصرفي قد عمرك
احشمي طولك ذا..

جوان: يمه يمه بسم الله من فين طلعت يمه قلبي..وقفت ونزلت السماعات واتخصرت..
خيرر استاذ معقد وش تبي اللحين كيفي انا اوقف وارقص براحتي عندك مانع

بدر رفع صوته اكثر: جوان قسما بالله ان ماذلفتي عن وجهي ولا والله لا امحطك بالعقال

جوان: بل بل شفيك انت الثاني اوف صدق عايله معقده مش فري مش فري

طالع فيها بدر من فوق لتحت
من شبشبها الفسفوري الفوشي بشكل ارانب واذانيها طويله لشورتها الجينز الماسك لتيشيرتها الابيض
وعليها رسمات وخطوط بالوان فسفوريه اللي واضح انه هي مسويته كالعاده
لشعرها الفكتوريا المصبغ باللوان عجيبه

جوان بوزت: بدر خلاص اوف لا تعصب والله تخوف

بدر: صدق بزر..ابتسم لها وراح..

جوان: اشفيه هذا الثاني..صدق خورافيين

طالعت شكلها بالمرايه ورفعت غرتها المزعجه..شعرها الاسود كثيف الواصل لنهايه رقبتها قاصته فكتوريا ومخصلته بالاحمر البانذنجاني والاشقر وخصله خضرا وخصله بنفسجي وخصله كحلي
انفها صغير وعيونها واسعه طفوليه بلون زرقه البحر ..شفايفها الصغيره التوتيه المنفوخه..وبياضها الصارخ
جسمها النحييف..
كان جمالها مخيف وجذاب جدا..امتزاج البرائه مع الانوثه..فتاه بملامح تذووب الجليد بنعومتها وانوثتها الصارخه وستايلها الغريب

ابتسمت وبانت غمازاتها لكن فجاه اختفت ابتسامتها: يامامي بدر نظراته تخوفني..مالت عليه هذا اللي ناقص افكر بالاخ المعقد..اصلا هو اذا عصب يصرخ يمكن تعبان بس
حطت السماعات وبدات ترقص ولا هامها احد

فوزيه: جوااااااان

جوان: تروح فين عن اللي بيحيبك وعشان خاطرك على استعداد يبع نفسو عشان نفسو يكون جنبك كفايه بعاد

سحبت فوزيه السماعات والابود منها ورميته بالارض وصرخت: انتي ماتفهمين تبين تجننيني يعني

جوان: يالله اشفيكم علي انتي من جهه وولدك من جهه اوف مو حاله هذي

فوزيه: لو انك بنت عاقله وتفهمين ووتصرفين تصرفات لايقه بشابه لها مستوى اجتماعي راقي
كان ما ازعجناك زي ماتقولين

بين هذا الصراخ دخل مهاد القصر بكل هدوء كالعاده وطالع فيهم بكل برود وطلع لجناحه

جوان: هاها كملت العايله المعقده اوف..انتي مالك شغل فاهمه
انا حررره ومالك خص فيني..الاخ المعقد والثاني مايندرى ابكم ولا اصمخ والبنت طول يومها هايجه برا البيت والام الحمدلله والشكر والاب الطامه الكبرى مدري هو حي يرزق ولا مدفون تحت الارض..

فوزيه: ايا قليله التربيه يابنت اليهوديه هذا جزانا اننا مربينك وملقطينك من الفقر يامال الفقر..ولا ابوك لما مات ماترك لك قرش يابنت الفاجره احمدي ربك اننا مارميناك بدار الايتام ولا قدام زباله

..وجات تبي تعطيها كف بس جوان مسكت يدها: مو انتي اللي تقولين عن امي وابوي هالكلام لانهم اشرف منك ومن انك تذكرينهم على لسانك وماعاش من يمد يده على جوان مازن الرالي فاهمه..صدقيني بتندمين..

سرور : يمه اتركيها تراها بزررر ماتدري وين الله حاطها..انتي اصلا ماتشوفين كيف شكلها

جوان: انا تاركه العقل لك انتي وامك واخوانك ههههه بعدين انتي الثانيه مالك شغل
انا كيفي حره ماعندي اهل يعني اسوي اللي ابي وقت ما ابي وابن امه وابوه اللي يوقف بوجهي..طالعت فيهم بنظرات حقد..
يعني لا تفكرون تمنعوني وتقيدوني بحياتي صدقوني بتندمون

سرور: هههه.. تقولين كلام انتي مو قده تراك بزر بالاخير

عصبت جوان : هييييه انا مو بزر لا تقولين عني بزر شوفني كبيره لا تعيدينها فاهمه

سرور: صدق بزر..

جوان صرخت:انتي اسكتي...اوووووه صدق ماعندكم سالفه انا اوريكم

..طلعت لجنااحها بس قبل ماتدخل نزلت دمعه خانت شجاعتها لكن قدرت تمسحها..

جوان تكلم نفسها بصوت اقرب للهمس: جوان شفييك تبكين تراهم مايسوون ظفرك صح
مو اول مره يسبون اهلك مو اول مره يعاملونك كذا انتي قويه ياجوان طلعت من تحت بلوزتها
سلسله فيها تعليقه على شكل قلب ضغطتها وانفتحت طلع فيها صورتها مع امها وابوها
يوم كان عمرها 15 سنه..ابتسمت وبدات تتحسس الصوره باناملها النحيفه المايله للحمره من شده بياضها
اللي ورثته عن امها السويسريه..ماما..نزلت دمعه ثانيه بس قدرت تمسحها..ماما بابا وحشتوني
اشتقتلكم مره..رفعت راسها لفوق عشان تمنع دموعها من النزول

:جونج

شهقت جوان بقوه ولفت لمكان الصوت..

كان مهاد منحني وحاط راسه جنب راسها لما ناداها بصوته المبحوح

جوان: يمممه بسم الله اووه اووه بسم الله الرحمن الرحيم انت..انت من وين طلعت يمه انت شبح يمه قلبي

بعدت عنه ووقفت قباله ومدت يدها النحيفه واشرت باصباعها بطريقه اتهاميه
:انت..انت مين سمح لك تجي عندي هاه وتتنصت على خصوصياتي هاه..ماتعرف انه هذا قله ذوق ياولد فوز

مهاد دخل يدينه بجيوبه وطالع فيها لفتره

جوان: خير شفيك.. مضيع شي بوجهي..

مهاد: مو شغلك

جوان: كيف مو شغلي وهذا وجهي يالطيف غبي

دخلت جناحها وقفلت الباب بقوه وصرخت: عايله غبيه اكرهكم

طلعت فوزيه ووراها بنتها سرور على صوت صراخ جوان: شفيها هذي بعد..ياربي منها من اول ماجات وحياتنا قالبه فوق تحت..



**************************************



بأحدى القصور المكتوبه باسم الرالي..سلمان الرالي..

رسيل: سحر وخري عني تراني مو ناقصتك قسم بالله لا ارفسك برجلي ابعدي

سحر: رووسي روووسي خليني اجرب احط لك ميك اب بلييييز

رسيل: شايفتني بنت يعني

سحر اتخصرت: وانتي ايش يعني

رسيل حطت يدها على شعرها الناعم المقصوص بوي وحركته بيدها: اقول تلايطي شكلي اعطيتك فيس اكثر من اللازم

سحر بوزت: بس رسوولي انا احبك

راحت رسيل لسحر وطردتها من الغرفه: تراك بزر ماتجين قد اصبعي روحي ذاكري الف باء احسن..وقفلت الباب بوجهها

..بكيت سحر بصوت عالي: رسوولي انا احبك والله اسفه انا

اتأففت رسيل وطلعت لها: خلاص سحوره خلاااص

سحر مدت بوزها: طيب قولي تحبيني

رسيل اتنهدت: انا احبك هااه رضيتي يالسندريلا

سحر ضحكت بكل برائه : هههه حتى انا احبك رسولي

رسيل ابتسمت على اختها اللي عمرها 9 سنوات وعلى دلعها

جاهم اخوهم عمر يركض وبعد سحر عن رسيل: بعدي عن رسولي يادوبيه..ولف لرسيل..رسوولي تعالي نلعب كوره

سحر: انا مو دبيه ورسوولي تحبني وتجلس عندي ونلعب بالمكياج

عمر: كذابه رسوولي ماتحبك تحبني انا

سحر بكيت: رسوولي شوفيه يقول انتي ماتحبيني ليييه

رسيل ماتت ضحك عليهم: الله يرجكم..يالله كل واحد على داره وانا بذاكر اللحين

قفلت الباب ورمت نفسها على السرير..وسحبت خصله من شعرها: يالييييل طول شعري

راحت عند المرايه واخذت المقص وصارت تقصه بطريقه احترافيه
بعد ماخلصت طالعت بالمرايه باعجاب: كذا اوكي

رسيل كان فيها جمال عايله الرالي لكن مخبيته ورى ستايلها..كان شعرها بندقي بطبيعته وناعم..بشرتها بيضاء مايله للسمار..انفها واقف بشموخ
عيونها نعسانه وشفايفها صغيره..جسمها نحييف وتحب تخفي ملامح انوثتها بالملابس..راح تنكشف شخصيتها مع الاحداث اكثر..

اخذت التليفون ودقت على الخدمات عشان ينظفون الشعر المقصوص..
خرجت من جناحها وهي تدندن اغنيه جبار حبك وبطريقها للحديقه لمحت خواتها وجالسين بالحديقه ويضحكون..لفت عشان ترجع لجناحها قبل ماينتبهون لها ويتشمتون فيها..كالعااده..

فرح: رسييييل..شفناك لا تخجلين تعالي

وقفت رسيل بمكانها وابتسمت غصب ولفت لهم : سلامتك حياتي بس نسيت جوالي وكنت بروح اجيبه

دلال: ماننحرمش هالطله اقول تعالي اجلسي..عاد رفييقاتك اكيد ملو منك تعالي واعطينا وجه مو حنا خواتك

جاتهم رسيل: هه حلو بس لا تعيدينها

جلست باقرب كرسي لها ورفعت يدها وجلست تلعب بخواتمها

فرح: يعني يامختفيه يامنكتمه مافي خيار ثالث

دلال: مدري وش تحس فيه هالبنت اوه قصدي البووي هههههه

جمايل: الا رسيل ماقلتيلي سمعت انك انفصلتي من الجامعه ثلاثه ايام..سلامات عسى ماشر

ابتسمت رسيل: تبين تعرفين كيف

جمايل: ايه ياليت تطربينا بعمايلك الحلوه

رسيل: من عيوني..انا اوريك كيف

نطت من الكرسي بسرعه وسحبت اختها جمايل اللي كانت جالسه من بلوزتها ووقفتها وقربتها منها

رسيل: هاه جمايل عساك فهمتي كيف ولا تبيني افهمك اكثر

جمايل صرخت: ماااااامي متوحشه فكيني يامتوحشه يامريضه..بنات بعدوها عني بنااااات

دلال تصارخ: اتركيها يامريضه اتركيييها

فرح:انتي مو بنت انتي وحش اتركيييها ماااامي الحقي جوجو بتموت

جات امهم على صراخ بناتها مفجوعه وشهقت: يمه بنتي..رسييييل اتركي اختك اتركيهااا

التفت رسيل لامها وبعدها طالعت بجمايل ورميتها بالارض بقووه

جمايل قعدت تصييح وركضوا لها خواتها فرح ودلال

ام عمر: رسيييل شسويتي باختك شهالحركات

..طالعت فيهم رسيل باستحقار وراحت لجناحها..


*****************************************



في قصر اخر من قصور الرالي..قصر سالم الرالي..

نزلت من الدرج بسرعه وهي تصارخ: يممممه يمممممه شووووفي..

لما وصلت الدرجه الاخيره التفت رجلها وطاحت: آآي..وش ذا الشبشب يزحلق..

فيصل وياسر: ههههههههههههههههه

منيره: اثقلي يابنت

شوق: ضحكتم من سركم بلااا..وانتي خليك مع ولدك بو خدود لا اجي وامغطها له..

وليد: لاحووووول بدأ شغل المخفه..

شوق تتخصر: نعم نعم سيد عانس..وش قلت..

ينسدح وليد على الكنبه: لا سلامتك عبسي ماقلت شي..

ياسر: سيبك منها وليد ذي اشك ان المخ والمخيخ يشتغل عندها..

منيره: انا وش يجلسني مع ذولا الهمج..( قامت منيره واخذت ولدها معاها )

شوق: لا تكفى ياابن خلدون على غفله..

فيصل: حبيبتي شوق ورى ماتسكتين قبل لايجيك كف يلصقك بالجدار اللي وراك..

شوق: حبيبي فيصل ورى ماتكرمنا بسكاتك قبل لا اعرم كشه الصبار اللي فوق راسك بالماكينه..

وليد: اخواني حبايبي ورى ماتشحطون برا الصاله وتتناحرون لحد الموت..

تدخل امهم الصاله وتجلس جنب وليد..

ام وليد: يازين عيالي وهم مجتمعين..

شوق: والله ياماماتي العزيزه عيالك مايجتمعون الا على الفسق والعصيان..

ام وليد: عشتووو..بسم الله على عيالي الادب والزين كله فيهم..

ياسر: احم احم..

شوق: وانا يمه..

ام وليد:غلطه عمري..

كلهم يضحكون ماعاد شوق مبوزه..

شوق:خلاص يمه انا بسوي اضراب ومابي اكل ولا اشرب وبس بجلس بغرفتي..

فيصل: هذي الساعه المباركه..

ياسر يطالع لفوق ويتنهد:يالله بيكون البيت جنه..ونعيش بسعاده وهناء..

شوق وصلت حدها وقامت تصارخ: ياااسر يادوب كلمه وحده زياده وانتف حواجبك..حمااااار..

الكل فاطس ضحك..

فيصل: كبريت هالبنت..

شوق: يمه شوفيهم يتكلمون علي..

ياسر: ياشين الدلع على عبسي..

شوق: ضف وجهك ياشرشر..

ام وليد: خلاص ولعنه جبتولي الصداع..ماهي بحاله ذي كل ما اجلس معاكم قلبتوها صراخ وهواش.. انا وش
يجلسني هنا عند يأجوج ومأجوج خلني اقوم اقابل ابوكم احسن..

فيصل: يمه..

ام وليد: وصمه وش تبي..

فيصل: زوجيني..

ام وليد ترفع صوتها: عساك اللي مانيب قايله..وراك ماتلايط عن وجهي لا اقوم اعفس ذا الخشه..
الكل: هههههههههههههههههههه

فيصل: ول ول ول شوي شوي يمه اكلتيني بالحكي

وليد: خلاص يالغاليه ولاتزعلين..حقك علينا..

ام وليد: جب انت لا اقلب عليك..

شوق: أي يمه ذكرتيني..شرايك بتيشيرتي اللي لابسته..انا وجوان سوينا زي بعض امس لما جاتني
كان التيشيرت ابيض قطني..وعليها رسومات وكلام انجليزي وطابعين اصابعهم ..كانت رافعه شعرها الاسود الواصل لنص ظهرها
شكلها ناعم طفولي..عيونها واسعه وتلمع برائه..انفها صغير وشفايفها صغيره ومنفوخه..جسمها نحيف وبطول جوان تقريبا

فصيل: ام عيون زرقا الشيطانه ذيك هههههه ياويلي صدق ابليس بهيئه بشر عليها لسان ههههه

ياسر: رعب رعب على المجتمع السعودي على قولتها..ويقلد جوان..والله غش يالطيييف..ههههههههه

شوق: وليد شوف خوانك..وجع يوجعك انت وياه يمه شوفي عيالك

ام وليد: خلاص ياعيال استحوا هذي بنت خالتكم عيب

ياسر: يمه شوفي خرابيش الدجاج اللي راسمينها

فيصل: والله هالجوان خطييررره..خلها ترسم سيارتي وتبدع فيها هههههه

وليد: بس انت وياه خلاص ماتركتو للحريم شي..شوق خلاص اسكتي حلوه والله حلوه بس روقينا



********************



اما في قصر محمد الرالي....

راحت ليان مع صحبتها رغد للملحق اللي كان عباره عن غرفه تسجيل..تسجل فيه اغانيها..

جلست رغد على الكرسي عشان تضبط الصوت..وبدات ليان تغني وكأن ( الرااب ) هو الطريق الوحيد
اللي تعبر فيه عن قهرها..وحقدها..
اشرت لها رغد تبدا..
3
2
1

تجري الايام تاخذ معاها الماضي..وكل جرح..
قالولي طبيب يداوي وانا بداخلي بركان ثاير محد يقدر يطفيه
وعلى قائمه الجرح..انا طال انتظاري
قلت شهر شهرين هيا مرت العامين
وقلبي باقي ثاير يحكي خيانه شافها بالعين
وفين..؟
المكان التقت فيه..عيونا الاثنين..عيونا الاثنين..
ياما بكيت..حاولت ما افكر فيه..حاولت اشتت أي فكره تجي على بالي لِيه..
قطعت..عروق يدي ابغى الموت ولا ابيه..بكل لحظه طيفه يجيني يذكرني بغبائي
ضحكاته واهاتي..غيابه ودمعاتي..كيف كانت تضحياتي اكبر اجرام في حياتي..
اتمنى..
يموت..يتحرررق الف مره..
..واتشمت عليه..
قررت اغير كوني واتعلم هذا الفن..البرووود..
ما ادفع فيه عمري ثمن..
ابغى اتعلم التحقير واجَرِح في قلوب الغير
ابغى اتعامل باللؤم ما ابغى احن للخير
ابغى اجرح ابغى اهين ابغى اللعب بالمشاعر
اَذَوِق طعم المر واطعن بالخناجر ..حتى لو يترجوني او يحلفو بحياتي
..ما تحركني الدمعات حتى لو كانت عشاني..
وكل ما اعيش حكايه اقلبها احلى روايه
اديهم ايام عمري يعيشو هنا معايا..لكن كل ضحيه ليا حتذوق مر الخيانه
ولكل شي ثمن..ولكل شي نهايه
ليش ارضى..على قلبي الجرح وما اقول....حداوي جرحي بجرح غيري وهذا افضل الحلول
بتقولوا مو معقول واش ذنبهم الباقيين.. طيب اش كان ذنبي انا..لما اموت من الحنين
ما حكون اللي تبكي في اخر المشوار..دام الفرحه دايما بتكون للخاين والكذاب
ماحكرر غلطتي ثاني وارمي قلبي بالنار..توبه تغريني أي كلمه غرام
تعبت وانا ادور..لحالتي عنوان ودايما افكر..لكن مالقيت جواب
يمكن اني ندمت على كل اللي كان.. او عشان اني اخترت طريق الانتقام
واللي تاخذ بثارها تراها معذوره..مو كل دوا ياحبيبي يشفي مريضه
انا انجرح كبريائي..وعليه مقهوره..مايبغى لها كلام..بافعالي مجبوره
..انا اكرهك..
واكره كل اللي يحبك..اتمنى انك تعاني..ماتلقى احد جنبك
بوجهين تخدعني..شوف اش راح يتعمل فيك
راح تشوف طعنات الغدر من كل مكان تجيك
اشوفك ميت ضعيف ماتلقى لجرحك طبيب
لو تدور الكون..عمر الالم ما يطيب
يحطوك على جنب..يحاتجوك وقت الشماته
قلبك يحكي يشكي ينوح محد يهتم باهاتك
وترجعلي تترجاني تبغاني ماخليك لكن وربي لاخليك لو تموت ما اجيك
انا ماني مثاليه اقولك بالتوفيق..
ان شالله كل احبابك يتغيروا عليك وتضيع في الدنيا ماتلقى الطريق
واتخيل كل ذا..مايشفي غليلي فيك
واتخيل كل ذا..مايشفي غليلي فيك
21.......<< رقم البن حق البلاك تبعها
.....
رغد: وااااو..خطيره ياليان

ليان: انطمي وحطيها بسي دي ونزليها على المنتدى

رغد: صراحه تجنن ياليان..

ليان: ايه نزليها باسم MC.lan

طالعت رغد بشكل ليان او MC.lan

كانت ملامحها ناعمه..بس مخفيتها بستايلها..حالقه شق بسيط بحاجبها الايسر واذنها اليسار خارمته خمسه..وتحت شفايفها بعد..شعرها سايح مرره بطبيعته لتحت كتفها واسوود وفيه خصله عريضه زرقاء باليسار..نحيييفه وبياضها ناصع..عيونها نعسانه سودا..انفها سله سيف..شفايفها صغار..
كانت لابسه جاكيت زيتي مقفلته وبرمودا جينز وشوز وكاب زيتي..

ليان ببرود: خيرر مو عاجبك شكلي

رغد: لالالا..نزلت عيونها للارض..ليان ليه اتغيرتي

ليان: انا ما اتغيرت يارغد..انا مت..وطلعت من الغرفه..

جاتي تبي تدخل جناحها لكن وقفت واعطت نظره غرفه اهلها..
سمعت امها تناديها: ليااان بنتي ليااان..

حطت ليان يدها على اذنها وصارت تردد بهمسات تغالبها الدموع: لا لا امي ماتت انا قتلتها..انااا قتلتها..ياليتني انكتمت..مت..ولا فتحت فمي وقلت لها ليييييه..ياربي ما اخذتني قببل ما اقولها ليييه..يبه انا اسفه انا انا مو قصدي..لالا مستحيل اخليك تعرف السبب
يبه انا انا قتلت امي..والسبب اني مو موو مثل باقي البنات..انا ناقصه..

شهقت ليان على لمسه رغد..ليان بدون ماتلف على رغد عشان ماتشوف دموعها: انتي مارحتي..شمجلسك للحين..فارقيني يالله
..ودخلت جناحها وقفلت الباب..

رغد: شاللي غيرك ياليان..ليه اتنهدت وطلعت..

اما ليان

رمت نفسها على سريرها..
ليان: اووووف اللحين اكيد رغد زعلت..

اخذت جوالها ورسلت لها رساله ورمت جوالها على الطاوله..ونامت...






^×*×*× ((الــحـــآآن يــعــزفــهــآآ آلــقــدر )) ×*×*×^








>> المفروض احط تعريف للعايله الرالي..لكن التعريف راح يحرق كثير من الاحداث..وراح نترك مجرى الاحداث تعرفنا عليهم ^^ <<

اليوم الثاني...

كحلت جوان عيونها بالكحل الاسود وبخت من عطرها واخذت شنطتها وطلعت من جناحها

ونزلت لطاوله عشان تفطر..كان مورسيل بدر ومهاد وامهم..

جوان: صباح الخير جميعا..وجلست جنب بدر

بدر وفوزيه: صباح النور

جوان: فوز انا اليوم بتاخر واحتمال ماراح ارجع البيت طيب

فوزيه: ليه ان شالله على وين ناويه

جوان: سلامتك يابعدي بس بروح عند شوق..

طالعتها فوزيه بحنيه غريبه: اوكي حبيبتي روحي عندها اليوم وتقدرين تنامين عندها بعد..شرايك..

كبرت جوان عيونها..اما بدر شرق باكله واخذ كاس المويه اللي جنبه..وجوان تضرب ظهره

فوزيه:شفيكم علي..ايه مافيها شي

جوان طالعت فيها بنص عين

فوزيه: شفيك انتي..ايه ايه ابيك تروحين عندها عشان جاييني ضيوف من مستوى مرموق وانا اخاف على سمعه بنتي سرور لا شافوك..اخف يقولون انها مجنونه مثلك..

بدر بحده: يمممه

دخلت سرور بكل ثقه: صباحكم سرور وضحكاتها..

وقفت جوان: كويس..اجل بنام عندها ثلاثه ايام..الحمدلله شبعت..سيا

..اخذت جوان شنطتها ومشيت..خبطت بكتف سرور وطلعت..

سرور: اااي..شفيها هذي

فوزيه:يكون احسن بعد..الله لا يردك يابنت اليهوديه

بدر: يمه شهالكلام اللي تقولينه..لا تحطين عقلك بعقلها

قام مهاد وطلع..وطلع بدر وراه

فوزيه: اموت وعرف البنت شمسويه وليه واقفين معاها بنت الكافره هذي..

سرور: يمه ماعليك منها..الا ماقلتيلي مين جاينا اليوم..

....


طلع مهاد من القصر بيروح لسيارته..شافها جالسه عند مشتل صغير للورود..وراح لها

..مهاد وبدر توائم..نفس الشكل تقريبا..العيون النعسانه العسليه..الانف سله سيف والشفايف الصغيره والحواجب الكثيفه المرسومه رسم..اللون البرونزي...رغم انهم توائم الا ان اللي يشوفهم مايصدق انهم توائم..والاسباب نعرفها مع الاحداث..

شافها منحنيه وتطالع في الورود..قلدها بجلستها..

مهاد: جونج غريبه ماصرختي بوجه فوز

جوان وعيونها للورده اللي قدامها: مالي خلق لها مع الصباح

مهاد: اهاا..طيب قومي اتاخرتي عن الجامعه..
جوان: ماني رايحه..بروح بيت شوق على طول بس مو اللحين..

..مهاد قطف الورده ..

شهقت جوان: يامتووووحش لييييه

مهاد طالع الورده ببرود: مكانها مو عاجبني

جوان: ياااسلاااااااام

حطها مهاد على شعر جوان: هنا احلى

ضحكت جوان:هههههههههههه الله يرجك اكيد علي احلى

ابتسم مهاد: خبله

ضربته على كتفه بخفه:هههههه ماقلت شي جديد

جاهم بدر: شتسوون هنا..جوان ماعندك دوام

جوان ابتسمت: هلا بدير..لا ماني رايحه

مهاد قرص خد جوان وقام: يالله انا رايح

اعطاهم ظهره وراح..

جوان صرخت : مهادي لحظه

مهاد رفع يده بعلامه سلام وراح

جوان: اخوك هذا عجييييب

بدر اتنهد: ايه عجيب..وطالع فيها..مهادي هاه

جوان: ههههههههه يب..يالله يالله انقلع على شغلك

بدر: شف النذله وهذا انا كنت جاي عشان اوصلك

جوان:ههههههه لا مايحتاج تتعب نفسك..

ومدت جوان يدها لبدر اللي كان واقف وهو بدوره سحبها ووقفها

ومشيو مع بعض وهم يضحكون لمواقف السيارات

جوان: يالله الوداع..بقابلك بعد ثلاثه ايام

بدر ابتسم: ومين قال بعد ثلاثه ايام

جوان: انا قلته يالله كومار ركب السياره مابي اتاخر عليه اخاف يغسل شراعي..سيا

..وراحت تجري والغطا على كتفها كالعاده وركبت سياره كومار اما بدر ركب سيارته وراح..



**********************************




مابنكسر صابر لو فرصتي تمضي والحظ لو عاثر بصنع انا حظي
لو تنثر احلامي برجع ارتبها
ولو تصعب ايامي بعيش وماحسبها
رددت كلمات الاغنيه بعد مارتبت نفسها وجهزت حالها للجامعه
ونزلت..

: رسووولي صباح الخيررر

لفت رسيل للصوت الطفولي: صباح الورد سحورتي

سحر: رسوولي رسوولي قربي بعطيك حاجه طيب

رسيل:هههههه طيب

نزلت رسيل لحد ماصارت بمستوى سحر

سحر: غمضي عينك

غمضت رسيل عينها وو..باستها سحر على خدها: احبك رسوولي ..وجريت..
فتحت رسيل عيونها ولمست مكان البوسه وابتسمت..

:شفيك متنحه يالوحش

طالعت رسيل بكره لصاحبه الصوت

جمايل: اووف مع صباح الله خير اشوف ذا الفيس

رسيل:جمايل شكلك ناويه تتصفقين مع هالصبح

فرح: جمايل يلا يلا خلينا نلحق على روحنا قبل مايتوحش علينا الخفاش

..طالعت جمايل رسيل من فوق لتحت وراحت...

اتنهدت رسيل ومرت من عند طاوله الطعام بدون ماتعطيهم أي اعتبار

ام عمر:رسيل تعال كلي

رسيل: مالي نفس

دلال: احسن وفرتي اكل

رسيل:مابيه خليه لك

ونزلت من الدرج بسرعه وهي تنفجر من داخلها بس مابينت لهم
نزل عمر اللي عمره 6 سنوات من كرسيه بسرعه..

دلال: عموري وين رايح..تعاال

ركض عمر لجهه الدرج: رسوووولي رسوووولي

لفت رسيل وهي مبتسمه: ياقلب رسوولي

عمر قال بكل خجل: خذي هديه

اعطاها سندوتش جوته شرايح جبنه وشكه غريب..خبز مقطوع شوي والجبنه طايحه

عمر حط اصباعه بفمه: انا سويته

فرحت رسيل من قلب: يازين عمور اطلق واحد

ضحك عمر: هههههههههههه..طيب كليه

اكلت رسيل منه وباسته وطلعت



*******************************



ركضت شوق ورى اخوها فيصل بالمواقف قبل مايحرك بسيارته : فصييييييل فصيييييل

فيصل: لعنبوك وش فصيل اسمي فيصل فييصل

شوق بوزت: مدري جوان تقول كذا وانا اقلدها شمعنى هي ماتعصب عليها بس انا

فيصل يقلدها: شمعنى جوان ماتعصب عليها بس انا..مالت عليك وعليها..وانتي ماعندك غير جوان قالت وجوان سوت..خلك حرمه مثل اخوك فيصل

شوق: ايه انت قلتها بطرف لسانك..حرمه ههههههههههههههه

ضربها فيصل على جبهتها: وجع لا تدققين..المهم شتبين لاحقتني

شوق: تصرف هاه..المهم شسمه ابيك توصلني الجامعه مابي اروح مع جوفار..

..وتركب سياره فيصل وسكرت الباب..

فتح فيصل بابها وسحبها من عبايتها وطلعها: اقول يالله اذلفي مع جوفار لا اذلف نعالي على راسك

..وركب سيارته وحرك..

صرخت شوق: وجع غبي اكرررررهك..مالت عليك من اخ

ياسر: خير خير تصارخين مع هالصباح ياوجه الديك
شوق: انت مالك شغل..جوووفاااااااار ياحماااار تعال وديني

..ركبت سياره جوفار وسكرت الباب بقوه..

ياسر: يالييييل النفسيات مع هالصبح

..ركب سيارته وراح..

..اما جوفار ركب سيارته وحرك وهو متأفف من شوق اللي واصله حدها من اخوانها..




......




بعد ساعتين..

ام وليد: يمه وليد بتروح الدوام اليوم..

وليد يقلب صفحات الجريده: لا يمه مو رايح..

ام وليد: وليد حبيبي ماودك تتزوج..

وليد: لا طبعا..على الاقل مو اللحين..

ام وليد: ليه يمه..طيب فيه وحده ببالك عشان احجزها لك

بهاللحظه انفتح باب القصر..ودخلت جوان..

ام وليد: جات اليهوديه..

رفع وليد عيونه من الجريده للبنت اللي جايه لهم..

جوان: مراحب عمتوو..مراحب وليد

ام وليد: وليد يمه انا بطلع داري بنام..مالي خلق لعوار الراس..

..وراحت..اما جوان جلست مكان ام وليد..

جوان: شفيها هذي بعد..بالبيت فوز وهذي هنا..والله مو حاله..

..ورجعت راسها لورى وغمضت عيونها..

..اما وليد جلس يسرق النظرات لها..

..شكلها كيوت وهي مغمضه عيونها..عيونها رغم برائتها لكن هالبراءه يخالطها عناد وغرور هالطفله اللي قدامه..فتحت عيونها الزرقا..وقدر وليد يلف نظره عنها قبل ماتلاحظه..

جوان: وليد شوق بالجامعه صح

وليد وعيونه للجريده: دامك عارفه ليه تسالين

جوان فصخت عبايتها وطبقتها وحطتها جنبها..بعدها طالعت فيه لفتره: تصدق وليد
وليد: ...............

جوان: احسك تحب..

..جوان لفت وجهها عنها وصارت عيونها تدور بالبيت.. رفع وليد عيونه لها ورفع حاجبه اليمين وصار يطالع فيها..كانت لابسه شورت اسود ضيق وبلوزه ضيقه خناق بدون اكمام لونها اسود..وتاركه شعرها براحته..حاطه رجل على رجل ويدينها حاطتهم على ركبتها

وليد: بغض النظر اذا كنت احب او لا..هذا الشي راجع لي واعتقد انه مو من خصوصياتك

جوان: يب مش من خصوصياتي بس هيك لقافه..ابتسمت بمكر.بس تراني عارفه من هي..

وليد رجع يطالع لجريدته : اهاا..بعدين ناظرها..وانا عارف من هو..

جوان عقدت حواجبه: مين اللي من هو..

وليد: ابد سلامتك

قامت جوان: لا قولي مين قصدك

وليد: ............

اتقدمت جوان منه ونزلت الجريده وطالعت وركزت عيونها بعيونه: وليد قول

وليد طالع فيها وجا بيرد بس قطع عليهم صوت فتح باب القصر..جوان بسرعه رجعت مكانها..

..دخلو فرح وجمايل ودلال..

فرح : منيييييييررررره وينـ..وانتبهت لوليد وجوان..ابتسمت بمكر واشرت للبنات وراحو لهم

جوان اتأففت: يالطيييف جو البقرات الثلاث

..اما وليد ابتسم على كلامها..

دلال: هااااي وليد..

رن جوال وليد واشر لها تسكت..

وليد: الوو..هلا والله بالقاطع..هههههه..بالله..يالله انتظرك اجل..ايه عندي..سلام

دلال: كيفك وليد..

وليد: بخير

طالعت فرح بجوان: كيفك جوان

طلعت جوان من شنطتها الايبود وحطته باذنها وطالعت فييها وبابتسامه: بخير قبل ما اسمع هالصوت..

..وعلت صوت الاغاني على الاخر لدرجه انهم سمعوه..

شوي انفتح باب القصر ودخل بدر بهامته ورزته وهيبته المعروفه..ولمحهم

قام وليد: ياهلا بالبدر

بدر: ياهلا فيك يابو سالم

وجلس مع وليد..وصاف بنات عمه الثلاثه

ابتسمت دلال من تحت لثمتها: كيفك بدر

بدر وعيونه لجوان: بخير...وقام عند جوان وسحب السماعه..انتي ماتتوبين ابد

ابتسمت جوان: افا عليك انا جوان هههه

جلس بدر جنبها: هااه وداعا لثلاثه ايام

جوان: ايه انت تف تف من شر حاسد اذا حسد بكل مكان ناط لي

وليد: ايه استاذ بدر سحبت علينا اللحين

جوان: شفت كيف يسحب على النجوم ويجلس مع القمر..صح بدير..هههههه

بدر ضربها على راسها بخفه: اقول مناك بس لا يكبر راسك

..اما البقرات الثلاث بيموتون من القهر..

..دخلت عليهم منيره معاها ولدها عبدالرحمن : هلا والله بالضيوف..اشوف اليوم الكل مجتمعين عندنا..عشان كذا البيت منور

وسلمت عليهم..معاد جوان كالعاده وراحت جلست جنب البنات..
اما جوان رجعت السماعات لاذنها ووجلست تلعب بالايبود..وبدر ووليد جلسوا يطالعون فيها..

بدر: وليد شرايك نطلع للحديقه

وليد اللي فهم حركه بدر: يالله طيب

بدر سحب يد جوان وطلع ورى بدر..وراحو..

فرح: شفتي كيف لاعبه بروس الشباب لعب

منيره: مالومها وحد فاجره بنت فاجره وش راح تطلع يعني..اصلا شوفي كيف لابسه

دلال بقهر: شفتي كيف بدر يعاملها كانها حبيبته..حتى مافكر يسلم علينا واكلها بنظراته..

جمايل: اذا قدامنا كذا اجل كيف بالبيت وهي ساكنه معاهم

دلال: وجع اسكتي..الا منيره انتي زوجك مارجع من السفر

منيره: لا بيرجع بعد يومين

دلال: اهااا




************************



رن جوالها وقومها من عز نومها..

ليان ببرودها الدايم: خيير

رغد: صباح الخير ليان...اسفه ازعجتك بس حبيت اتطمن عليك لانك ماجيتي الجامعه

ليان: انا ماني بخير..

اتنهدت رغد: ارتاحي ياليان..كتبت لك المحاضرات..راح امرك بعد ما يخل.....

قاطعتها ليان: لالا خلاص خليها عندك بكره اخذها منك..المهم انا اللحين بسكر خلاص طيرتي النوم عني

رغد: طيب بس انتبهي....طوط طوط طوط

رميت ليان الجوال وقامت من السرير ودخلت الحمام...

****

رغد طالعت رغد الجوال بحزن..

لمياء: انتي ليش متعبه نفسك معاها انا اشوفها ماتستحق صراحه

رغد: لا حرام يالمياء..انتي ماتعرفين معزتها بقلبي..انا اعرفها من الابتدائي..لا تدخلين بعلاقتنا خليك بحالك

لمياء: بكيفك انتي الخسرانه انك تلحقين وراها..يكفي انها مريضه نفسيا زي باقي بنات عمها

رغد: انا ما اسمح لك تتكلمين عنها او عن قريباتها فاهمه

سكتت لمياء وطالتها بكل احتقار..اما رغد قامت وراحت لدورات المياه وهي معصبه

سكرت الباب عليها بواحد من الدورات الداخيه..وجلست تبكي..

بهذا الوقت دخلت رسيل مع رهاام ((عبود))

: هاه يابو جواد شقلت
رسيل رميت الدخان ودعسته برجلها: اقول كل تبن تراهم خواتي يعني مارضى عليهم

عبود: اقول مناك بس..شف شيسوون فيك قال خوات قال

رسيل: ماعليك..طلعت سجاره ثانيه وولعتها لها رهام..

عبود: اقولك انت بس امر وانا اغسل لك شراع هالجمايل الكمخه

رسيل:ههههه والنعم فيك ياعبيد بس خلك بعيد عنهم

عبود: الا ماقلتلي..ليان بنت عمك صح

..طالعت فيها رسيل..

عبود: عمى لا تطالعني كذا..بس كان ودي اعرف شبينك انت وبنات عمك

رسيل: مابينا شي

عبود: شكلك مو مروق اليوم

لفت رسيل وجهها للمرايه وسكتت..سمعت صوت وحده تبكي ((ياربي هالصوت مو غريب علي مو غريب ))
لفت لعبود: عبيد طلبتك ياخي روح جيب لنا شي نشربه ووديه مكان الشله وانا بلحقك

عبود: تامر امر..

طلعت رهام اما رسيل جلست بمكانها من دون ماتطلع صوت..شوي وطلعت رغد وهي تمسح دموعها
وانصدمت لما شافت رسيل..جات بترجع وتقفل الباب بس رسيل سبقتها وفتحت الباب

رسيل انصدمت: رغد..

رغد اللي ماكانت اقل صدمه منها: رسييل

رسيل: شفيك رغد..ليه كل هالدموع

رغد نزلت عيونها: مافيني شيء

رسيل: رغد يعني شنو مافيك شي..رغد انا رسيل نسيتيني

رغد: لا مانسيتك بس انتي اللي نسيتينا

اتنهدت رسيل: رغد تعالي ابيك شوي

رغد: مابي..مابينا كلام

طالعت فيها رسيل ولما جات بتطلع من الحمام..مسكت رغد يدها..

رغد: رسيل خلينا نرجع مثل اول انا وانتي وليان..طلبتك رسيل سامحيها..رسيل تعالي معاي نروح بيتها اليوم..هي وحيده ماعندها احد..حرام تتركينها وهي روحك يارسيل..هذي ليااان..مفتكره كيف كنتو مع بعض مفتكره يارسيل..رسيل ليه كذا رحتي من دون سبب..انتي جرحتي ليااان يوم رحتي..مابقى لها احد..رسيل تعالي معاي..

**********************************


بمكان ثاني بالجامعه..

عروب: نذللللله نذلللللله بنت عمك قسم قسم نذله..

شوق: يحتاج لها كم كف يادبها شوفي قليله الادب ماجات اليوم وفوق كذا ماترد..

عروب: والله انتو لو تسوون قروب هنا اسمه قروب بات الرالي هع ياكثركم..جوان شوق ليان رسيل..ياليييل الحماس لو بنات عمي كذا معاي كان سويت قروب مو مثلكم كل وحده بجهه..مالت عليكم من بنات عم

شوق طالعتها بنص عين: عررريب شقصدك..

عروب: ولا شي بس ياحرمه حالكم غبي..كل البنات مستغربين منكم تقل اعداء مو قرايب
انتي ماشفتي الاسبوع اللي فات كيف ليان ورسيل اتضاربو..حشى وحوش مو بنات

شوق: اموووت وعرف ذولا وش بينهم..اقولك كانو مثلنا انا وجوان اللحين..ومعاهم هالرغد

عروب:اهاا ورغد شتصير لهم..

شوق: هذي يابعد طوايفي انتي كانت بنت المدرسه الخصوصيه اللي كانت قبل قرن من الزمان تدرس الكمختين رسيل وليان..

عروب: ايه ليان ورسيل ينظبق عليهم مثل وافق شنن طبقه..نفس الطبايع بس رغيد هذي معاي بوحده من كلاساتي احسها على نياتها مالها صوت..

شوق: ترى ماكانو كذا..تصدقين الخبله جوان من يوم ماجات تقل مغناطيس جاذب للعواصف

عروب: لماذا

شوق: من يوم ماجات والعايله مقلوبه فوق تحت..بس تصدقين والله اشوفها احسن وحده

عروب: لماذا

شوق: دايما توقف بوجه عماني وعماتي محد يجربها على شي ماتسكت اذا احد غلط عليها

عروب: عكسك صح

ابتسمت شوق: يب..دق جوال شوق..يالله عروب حبيبتي هذا جوفار برا..اشوفك بكره

عروب: اووك حياتي..باي



*************************************



بعيد عن اجواء الجامعه والدراسه الى الاجواء المتوتره بقصر ابو وليد..بالتحديد في الحديقه...!

اختلط حديث وليد وبدر بالتجاره وعن اخر صفقات الشركه تحت تآففات جوان..

وقفت: انا بروح اخذ نفس واتمشى شوي..اوف منكم ماتملون من الشغل الله يخلف علي..وراحت..

وليد: هالبزر راسها يابس وعنيده..

بدر: لو تعرفها زين ياوليد بتغير رايك..

وليد: اهاا قول كذا يابو جابر..

بدر: اقول انطم لا يروح تفكيرك بعيد..

وليد: الا شخبار اخوك

بدر: والله النار شابه بينه وبين ابوي..شكل بيصير اليوم شي كايد الله يستر

قاطعتهم جوان: ليه عسى ماشر..وش ناوي عليه ابوك بعد..

وليد: هذي خصوصيات الكبار..لا تدخلين بشي مايخصك

جوان ردت بلا مبالاه: ايه صدق دام الموضوع فيه جابر وما ادراك ماجابر يعني مو من خصوصياتي..المهم بدر انا بروح معاك بطلت اجلس..

وليد: ليه مو عاجبك المكان يعني

جوان: دام البقرات الثلاث واختك هنا انا مالي قعده..مو ناقصه نسخ مستنسخه من فوز وبنتها

بدر: ههههههههه..طيب انا شويات وبروح..

: جواااااااااااانووه يا انذل خلق الله..انتي هنا

لفو على مكان صوت البنت اللي تصارخ

شوق: ياحقيره يانذله ياواطيه انتي هنااا..ليه ماتردين على جوالك..شوفي كم اتصال جاك مني ومن عرووب

جوان: سوري حاطه جوالي على الصامت

وليد: خير خير وين احنا وش هالالفاظ ست شوق

شوق انتبهت لوليد: اووه اووه اسفه بس مع الحماس اندفعت..كيفك بدر

بدر بابتسامه: الحمدلله..وقام..يالله اجل انا استاذنكم..

جوان: لحظه بدر بروح معاك

شوق: لالا وين رايحه انتي..اقول اهجدي

بدر: خلاص جوان خليك هنا..يالله اشوفكم على خير..

وليد وشوق: الله معاك

اما جوان عيونها كانت تلاحق بدر لحد ماطلع من القصر..

شوق تسحب جوان: يالله جوان خلينا نطلع داري حر هنا

جوان ماتحركت من مكانها: لا ماني رايحه..

شوق: اقول امشي

جوان: لالالا..لا بلحق بدر..قلبي مو متطمن وحاسه انه بيصير شي..ولفت لوليد..وليد عمي جابر بيرجع اليوم صح..

وليد بتفكير: أي بيرجع اليوم..وطالع بساعته..حتى اعتقد انه وصل..

جوان: وليد دق على بدر خله يرجع لي وانا بروح اجيب عبايتي

شوق: جوان وش فييك..صاير شي

دق وليد على بدر وراحت جوان تركض عشان تجيب عبايتها..وشوق واقفه بمكانها تحاول تستوعب السالفه..
لما شافت وليد انهى المكالمه: وليد وش صاير.. وش قصدها جوان

وليد سكت...ورجعت جوان..

وليد: يالله اطلعي تراه برا القصر

جوان: اووك..يالله شواقه اذا فضيت بدق عليك..باستها وراحت تركض..

شوق: جواااااان لا تنسي تطمنيني



**********************************




فتحت الخدامه باب القصر ودخلت رغد معها رسيل..

رغد: وين ليان

الخدامه: ليان فوق

رغد: طيب ناديها..احنا ننتظرها بالصاله

الخدامه: تيب

طلعت الخدامه وراحت رغد مع رسيل للصاله ..

رسيل: رغد انا حاسه ان جيتي هنا غلط..اوووووف وش جابني انا..

رغد: ماعليك رسيل بليز استحمليها..

رسيل: صدقيني لو غلطت علي باي كلمه ماراح اسكت لها..مو انا اللي اسكت عن حقي اوكي..

رغد: رسيل الله يخليك لا تزودينها..

رسيل:خلينا نشوفها اللحين وبعدها يصير خير..

رغد: بس..

رسيل لفت وجهها: انا ماعندي غير هالكلام..

دخلت ليان: رغد انا ماقلتلك خلي الملخصات بعدين مو الل....وانصدمت بوجود رسيل اللي وقفت..

ليان بصدمه: رسييييل



********************************




دخل ابو بدر القصر وهو منفجر وواصل اخر درجات العصبيه: مهااااااااد مهااااااااد وينك يالكلب

وعلى صوته جات منيره وبنتها سرور: خير يابو بدر وش فيك تصارخ..ليش رجعت وماخبرتنا..

ابو بدر: مابي اسمع صوتك..ولدك مهاد وينه اللحين...ووووينه هالملع** اللي ماتربى وينه..

نزل مهاد من الدرج بخطوات هاديه وواثقه..بكل برود تقدم لابوه..
: الحمدلله على السلامه..

ابو بدر: الله لا يسلمك يال***** وش سويت انت..من فين لك كل هالفلوس يا***..اجل تحاول تهدم شركه الرالي ..اللي بفلوسها انت تاكل وتشرب وتسرح وتمرح ياناكر المعروف..هذي شركه ابوك واعمامك ياقليل الاصل..

مهاد بكل برود: انا ماسويت شي..زي ما انتو تلعبون انا بعد العب..التجاره فوز وخساره يابو بدر..وهالمره انا فزت وانت خسرت..بعدين..انا ماسرقت منكم ولا اختسلت..كلها فلوسي وشركتي..حلااااالي وورثته..

سحب ابو بدر مهاد من بلوزته: من متى عندك هالشركه وهالفلوس من وين..عن أي حلال تتكلم..يالكذاب اكيد سرقتها من الشركه..ادري فيك ياولد الحر****..

مهاد سحب يد ابوه: هالشي مايخصك..من وين جبت الفلوس وكيف سويت الشركه ومتى اسستها مو من حقك تعرف..وهالشركه اللي فرحان فيها انت واخوانك انا اللي راح اردها لراعيها..نسيت وينه ابوك ياولد راشد..

بهاللحظه رفع ابو بدر يده وضرب مهاد كف يحمل فيه كل ذره حقد على ولده..بهذا الوقت دخلت جوان وبدر اللي انصدمو من حركه ابو بدر...

بدر راح عند ابوه..اما جوان راحت لمهاد اللي ماهزته الضربه..

بدر: يبه ليه ضربته..

جوان: هييه شفيك انت انهبلت

ابو بدر: انت جب ولا كلمه يابنت الفاجره..وانت يامهادووه ياياني وياك اشوفك بالهبيت..والله لا احش رجولك حش

فوزيه: يمه مهااد جدك ماااات ماااات..ليه تسوي هالمشاكل بينك وبين ابووك..

مهاد: هه
بدر: لا يبه اتعوذ من ابليس..

طلع مهاد من البيت..بدون أي كلمه

جوان: شفيك ياخي..طول الفتره اللي كنت مسافر فيها كنا مفتكين من شرك..

ابو بدر: قسما بالله ان ما سكتي لا اكسر عصاي على ظهرك

بدر : جوان خلااااص بس

منيره انهارت: ليييه ياجاابر تطرده من البيت..ولدي وين بيروح ماله مكان..لييه تحرمني منه..

ابو بدر: هذا ابليس ينخاف منه ماينخاف عليه..عساني اسمع اسمه بهالبيت

طنشتهم جوان ولحقت ورى مهاد..طلعت من القصر وصارت تلتفت تدور مهاد..لحد مالمحته رايح جهه سيارته..

وراحت تركض وراه..: مهاااااااااااااااد مهاااااااااااااااااد





^×*×*× ((الــحـــآآن يــعــزفــهــآآ آلــقــدر )) ×*×*×^




‏

سلام بدايه اكثر من روعه
وننتظر القادم حتى نتعمق ولي عوده برد مفصل

^×*×*× ((الــحـــآآن يــعــزفــهــآآ آلــقــدر )) ×*×*×^




‏البــــآآرت الـــثـــآني..!






رسيل لفت وجهها: انا ماعندي غير هالكلام..

دخلت ليان: رغد انا ماقلتلك خلي الملخصات بعدين مو الل....وانصدمت بوجود رسيل اللي وقفت..

ليان بصدمه: رسييييل

وقفت رسيل واتقدمت لجهه ليان بكل ثقه: ليان خلينا نتكلم بهدوء..رغد ممكن تتركينا لوحدنا
رغد: طيب..راح اخليكم براحتكم

(وطلعت من الصاله ومابقي غير ليان ورسيل)

ليان: اعتقد كل شي واضح ومابيننا كلام..هنيالك كلامك طلع صح..وكنتي نعم الاخت وماقصرتي

رسيل: اهااا..اعتقد اني انذرتك وحذرتك من ماجد..لا تلوميني اذا انتي كنتي العاشقه الغبيه ووثقتي فيه وجريتي وراه يعني انا مالي ذنب بكل اللي صار ولا تحمليني نتيجه اغلاطك..انا مدري ايش صار بينكم بذيك الليله لكن اللي علي سويته وحاولت امنعك..وعلى فكره انا جيت هنا مو حبا فيك وطلبا لغفرانك وتكفيرا لذنبي..ترى الموضوع مو هامني بالمره

ليان: ههههههههههه رسيل لا تضحكيني وانا مالي خلق اضحك..لا تفكريني كنت غافله عن هالموضوع..صديقتي المخلصه رسيل كانت على علاقه مع خطيبي السابق وانا كنت باقي على ذمته..بس الواضح انه ضحك عليها وتركها

رسيل: شقصدك ليان

ليان: حبيبتي رسيل..انا كنت داريه بكل شي كان بينك وبين ماجد..انتي وحده سافله وطعنتيني بالظهر وبسببك ماجد تركني..

رسيل: ليان انتي وش قاعده تخربطين..انا من متى كنت اطيق ماجد عشان يكون بيني وبينه شي..

ليان: لا انا متاكده..متاكده انه بسببك انتي تركني..وعندي فوق مليون دليل يثبت هالشي..بس صدقيني بتندمين وراح يجي دورك وتصيرين مثلي بيوم من الايام..

رسيل: الظاهر ان الكلام معاك ماينفع..شكل الوحده اثرت عليك وصرتي مجنونه..

ليان: قولي اللي تقولينه وماجد راح يدفع الثمن غالي..بس راح انتظر لحد مايلعب لعبته عليك..ونصير انا وانتي بالهوا سوا

رسيل: هههههه ومن هو خالد عشان يلعب علي..لا تفكريني غبيه مثلك ينضحك علي بكم كلمه..وانتي اكثر وحده عارفتني اني مستحيل اهين نفسي عشان الحب او ههه عشان ولد..

ليان: أي هين هذا انا وهذا انتي والدنيا بينا وبتشوفين وش اللي راح يصير..ههههههههه صدقيني بتندمين على كل كلمه قلتيها لي..

رسيل: هه الواضح ان ماجد مهبل فيك ولا ماكان صرتي مريضه كذا وحالتك صعبه..كسرتي خاطري حييل يابنت

ليان: ههههههههه بالعكس انتي اللي كاسره خاطري حيلات حيلات..ومن الحين اقولك منك المال ومنه العيال

رسيل: لااااااا انتي انهبلتي رسمي

ليان: ههههههههههههههههههه انا اللي علي سويته وقلتلك الموضوع والباقي على ابوك..يالله كبرتي يارسيل

( طلعت ليان من الصاله وراحت لجناحها وهي تضحك..اما رسيل طلعت من قصر عمها واصله حدها ومطنشه رغد اللي كانت تناديها)






*****************************







ابو بدر: هذا ابليس ينخاف منه ماينخاف عليه..عساني اسمع اسمه بهالبيت

طنشتهم جوان ولحقت ورى مهاد..طلعت من القصر وصارت تلتفت تدور مهاد..لحد مالمحته رايح جهه سيارته..

وراحت تركض وراه..: مهاااااااااااااااد مهاااااااااااااااااد

وقف مهاد وغمض عينه واتنهد..يحاول يكبت غضبه: خير جوان

جوان: مهاد وين بتروح

مهاد: مو شغلك..

وقفت مهاد قدامه واتخصرت: لا بالله..اقوووول ماراح تتحرك لحد ماتجاوب

مهاد: جونج ترى مالي خلق للمخفه خلاص ادخلي البيت

شهقت جوان: مهااااد خدك احمر من الكف..الله يصيبه وش هاليد اللي تسوي كذا

مهاد بصرخه: جوان قلتلك ادخلي البيت

جوان: أي هذا انت نفس اخوك بدر ماينعرف لكم..كاني لعبه عندكم متى ماكنتو رايقين ضحكتو معاي ولا طفشتو مني قمتو تصارخون علي..مع كذا استحملكم واعتبركم مثل اخواني لان مالي غيركم هنا..ومستعده اتحملكم لاخر عمري بس...بس لا تتركوني مثلي امي وابوي..يعني يكفي انكم توقفون معاي ضد فوز وسرور و.................

قاطعها مهاد: جونج بدر بيكون معاك...انا اسف بس مضطر اني اروح اللحين

مشي مهاد من جنبها..لكنه وقف ولف لها: جونج

لفت جوان له: هاه

مهاد ابتسم: لا تخافين راح ارجع

ابتسمت جوان: وعد

مهاد: وعد..انتبهي على نفسك ولا تخلين فوز تبكيك اوكي

جوان: اوكي وانت بعد

مهاد: أي صح..كآني شفت دموع تنزل عشاني

جوان: اقول مناك بس لا يكبر راسك اصلا بس غبار دخل بعيني

مهاد:هههه طيب..

(( ركب مهاد سيارته اما جوان انتظرت لحد ماطلعت السياره من القصر وبعدها دخلت..وشافت ابو بدر جالس بالصاله وفوزيه تضحك ولا هامها وسرور تدلع عند ابوها..الواضح انهم مالاحظوها..ورجعت طلعت وجلست على درج الباب وشنطتها بحظنها: اللحين ابو بدر وش قالهم عشان ينسونه..اكيد مهاد مسوي شي كايد وزعل الكمخه ذا..احسن..(اتنهدت)..ياربي وين اروح اللحين دام هذا هنا اكيد بيقلب البيت كله فوق راسي..اي صح خليني ارجع عند شواقه احسن لي من الجحيم اللي هنا..))






*********************************





باحد العماير السكنيه البسيطه...

جالسه بغرفتها وتطقطق على لاب توبها: اوووف مين هذا الغبي اللي حاط كلمه سر على شبكته ليييه النذاله ليييه
مالت عليه وجه الفقر لا وحاط رقمه بعد يعني دقو علي..

سمعت امها تناديها: عرووب تعالي الاكل جاهز

عروب صرخت: حاضر يمه اللحين جايه دقيقه بس

اخر محاوله للكلمه السر واذا ماجات..صرخت باعلى صوتها: حسوووود غبي نذل
سوت تحديث للشبكات..كبرت عيونها على الاخر..:رااااااااحت..تفوووو عليك ياوجه الفقر

طلعت عروب من غرفتها وصفقت باب غرفتها بقووه

فراس: عمى يعمي الشيطان شوي شوي على الباب

عروب: انطم

فراس: ابشري

عروب: هههههههههه دلخ

فراس: كف ترى خلاص لا كلام على طعام انا جيعان

ابو فراس: بس انت وياها كلو ولا انقعلو

عروب وفراس: ابشر

عروب فهت: صدق وجه فقر

ابو فراس عصب: شقلتي عريب

عروب طالعت فيه وبكل فهاوه: هاااه

ابو فراس:كلي لا اصكك بالصحن اللي قدامك

فهد: يبه ابي كراسه عشان الفني

اتنهد ابو فراس وغمض عيونه واتعوذ من الشيطان

عروب رفست فهد برجلها لانه جنبها وكبرت عيونها

فهد: آآآه حماره

صرخ ابو فراس: عرووووووب انقعلي على غرفتك

فراس: ههههههههههههههه

ابو فراس: وانت قم معها لا بارك الله فيكم من عيال

ام فراس: عروب شيلي اخوك وروحو لغرفكم خلاص

قامو فراس وعروب يضحكون ودخل كل واحد غرفته

جلست عروب على جهازها وجلست تدور على شبكات

عروب: اوووف ليه كذا حركات النص كم هذي قرررف

قفلت اللاب بقوه واخذت جوالها ودقت على

: خيررر مع هالليل

عروب: شويق انطمي حدي معصبه

شوق: ليه معصبه ياحظي

عروب: تخيلي بس ولمجرد التخيل ان واحد وجه فقر جنبنا حاط على شبكته رمز سري تخيلي بس القهر

شوق: شبكه شنو

عروب: شوووييييق لا تفقعين مخي بغبائك

شوق: اللحين انتي ليه داقه بالله يعني اذا كنت غبيه ليه تكلميني

عروب: لانك كمخه مثلي مالت عليك وعلى صداقتك اللي ماوراها غير عوار الراس

شوق: ههههههه اقول انتبهي بس لا ينط لك عرق بطلي صراخ وجع

عروب: يالبى انتي تعرفين تهديني ياذوق انتي

شوق: هههههههههههه معاك انفصام شخصيه انتي

عروب: ايه باصمين على جبهتي خريجه مستشفى شهار

شوق:ههههههههههه ايه شفتك بشهار وغرفتك مقابل غرفتي اللهم الفرق انك تخرجتي وانا رسبت

عروب:هههههههه يالله يالله بس خليني ادور على شبكات وانتي انقلعلي يالله بايوش

شوق: هههه طيب باي

عروب: شوويق لحظه لحظه

شوق:هاه

عروب: كلمتي الكمخه الثانيه

شوق: مين

عروب: آآآآهـ ياكبدي آآآهـ..شوويق يعلك الماحي مين غيرها يعني هاه

شوق: مييين طيب

عروب: اقول قفلي قفلي بالله..

شوق: اصلا بقفل لان شوق معاي انتظار خخخخ..باي

عروب: شويق شووويق...طوط طووط..تفووو عليك ياكلبه اوريك بكره..



*******************************************


شوق:الوو هلا جواني

جوان: شواقه اسمعي انا جايتك بالطريق ابي انام عندك هالفتره

شوق: طيب حياتي..عمي جابر رجع صح

جوان: ايه..عشان كذا

شوق: ياليته دايم يجي عشان تسكنين عندي هع

جوان: ههههههه لاااا عاد وربي اهاجر من السعوديه لو هذا رجع

شوق: الا ماقلتي لي وش صار هناك

جوان: لما اجيك اقولك المهم جهزيلي ملابس لاني ماجبت شي

شوق: طوويب..وبجهز لك الغدا بعد شكلك ماكلتي شي

جوان: لا مالي نفس

شوق: انطمي..يالله انتظرك ياحلوه انا بروح اجهز للسهره اليوم

جوان: اوكي باي

شوق: باي





******************************




خرجت من الحمام بعد ما اخذت لها شاور يهدي اعصابها وبراسها ميه سؤال وسؤال
بس قطع تفكيرها صوت الدق على الباب..قامت فتحت الباب

دلال: ابوي يبيك بمكتبه

رفعت رسيل حاجبها: متى وصل اصلا

دلال: من ساعتين..المهم روحي له هههه شكله ماسك عليك شي

رسيل: مبروك طيب

خرجت رسيل من جناحها وراحت لمكتب ابوها..دقه دقتين ثلاثه بعدها جاها الرد : تفضل..
..دخلت رسيل المكتب وهي متوتر..حاسه ان بيصير شي وغير كذا كلام ليان مخوفها اكثر..

رسيل: ناديتني يبه

ابو عمر: ايه..استريحي

(رسيل: يالييل ابو لمبه وجهه مايطمن ابد..يارب سترك)

ابو عمر: احم..يارسيل انتي عارفه ان كل بنت راح يجي نصيبها وتطلع من بيت اهلها وتروح لبييت زوجها
وحاب اقولك ان ولد عمك..ماجد..تقدم لك

رسيل كأن احد كب عليها مويه بارده: شنوو..مااااجد

ابو عمر: ايه ماجد..ليش عندك اعتراض

رسيل: يبه انا مابي اتزوج ماجد

ابو عمر: على كلن انا جاي اخبرك بس ومو جاي اخذ رايك..يعني لا تفكرين تقنعيني بالرفض لان بهذا
الموضوع بالذات..الرفض..ممنوع

رسيل: بس يبه...

قاطعها ابوها: رسيل..فكري زين هالزواج وراه مكاسب كبيره لنا..انا راح اعطيك مهله شهرين عشان تفكرين

..بصفه ان ماجد يكمل دراسته بالخارج وماراح يرجع غير بعد شهرين..وبعدها بيصير كل شي رسمي

ابتسمت رسيل بمكر: حاضر..اللي تشوفه

( قامت رسيل ومشت بس استوقفها صوت ابوها)
: رسيل اياك تتهورين وتسوين شي..تراني فاهمك زين

رسيل: لا تخاف...يا ابوووي

((خرجت رسيل من المكتب وفي بالها: شهرين..ليان..ماجد..زواج))

***


بجناح فرح...

فرح: اموت واعرف ابوي شكان يبي منها يعني صراحه..ابوي ورسيل..

دلال: ايييه ابوي احسه يكن لها معزه خاصه وهالشي مو بصالحنا

جمايل وهي تبرد اظافرها: خلوكم منها تراها ما تشكل تهديد ابد..يكفي شكلها مستحيل يجذب محاريس المستقبل اللي في بالنا

فرح: من هالناحيه الكل متطمن

دلال: بنات خلونا صريحين..لو هي غيرت ستايلها راح تصفنا على جنب..

فرح مبوزه: أي ملامحها حلوه حييل

جمايل: لا حبايبي مافي احد احسن من احد..اصلا انا اجمل بنات العايله وماكون جمايل بنت ابوي لو ماجبت راس اللي في بالي

دلال: مين اللي ناويه عليه

جمايل: مو شغلك..لا جبت راسه بقولك

فرح بمكر: واثقه فيك بس انتبهي زين ترى لو اللي في بالي حطت عيتها عليه قسم بتروحين وطي وبيصير لك مجرد حلم

جمايل: هههههههااي ضحكتيني..لا تخافين اللي بتشاركني فيه والله لا امحيها من الارض حتى لو كنتوا انتو..

فرح: نو حياتي خليني على جنب..حافظتك

دلال: بناااااااات فهموني شتقولون..مافهمت شي

جمايل: مشكلتك غبيه دلول

فرح بكل مياعه:حيييل

دلال: انقلعوا اوووف..اييييييه صح ترى اليوم فيه حفله عائليه وفيها مفاجاه في بيت عمي جابر فكرتو ايش تلبسون..




***