كاتب الموضوع :
FYAFI
المنتدى :
الارشيف
مراااحب..
انا كاتبه الروايه وراح اتكفل بنقلها لكم...
عشان حبيت اشوف ردودكم بنفسي واتابعها...
واشكر صاحبتي فيافي على مجهودها ^^
وهذا تكمله البارت الثاني...!
ودي...
*************** طلعت السجاره الخامسه وولعتها: اوووووف الله يلعنك ياليان..معقوله تسوي كل هذا والقهررر اني ماسويت لها شي مع هالـ***** ماجد ااااااخ بس لو اشوفه قسم لا اتوطى بطنه هالواطي..طيييب والنهايه يعني شسوي..لحظه لحظه..هو قال 6 شهور وبعدها كل شي يصير رسمي هالمده كاافيه اني اجمع مبلغ من وراهم..واهررررب..اييه هو الحل الوحيد..اهرب منهم وماهموني اصلا وجودهم بحياتي مثل عدمهم ولا انا من متى يهمني امي وابوي وخواتي هه ..عبود بيساعدني اكيد
وراي شغل كثير..اجهز شقه اتخبى فيها..لازم القى شقه..هههه الله يارسيل اللحين صدق راح تبدا حياتك..مو انا اللي يجبروني علييييه مو انا اللي تتزوج بواحد حقير ونذل..الا صحيح ليان وش دراها بموضوع ماجد..آآخ منها كل شي من تحت راسها..معقوله كل هذا بس لانه تركها لالا الموضوع اكبر من كذا..ماعلينا خليني بمشكلتي هذي..
********************************
ياسر: يا ام عيون زرق ليه وجهك اصغر من عمك تقل بزر ياحليلهم الاجنبيات قد مايكبرون بس مايبان عليهم
عكس العجوز اللي جنبها
شوق: ياااااسر انطم والله لا اعلم ابوي
فيصل: ايييه هذا انتو يالسعوديات عند الحق زعلتو
شوق: والله اللي يسمعك الحين يقول انك متشقق من الوسامه..خرطي
فيصل: الله كل هالخشه والذرابه والاناقه مو ماليه عينك
ياسر: اقول رح غير بجامتك..بزر انت تلبس لي قطو ودجاجه فضحتنا قدام خلق الله قال اناقه
الكل: هههههههههههههههههه
فيصل: مويسير ((ياشر على الصوره اللي ببجامته)) هذي مو دجاجه يا باشه هذا صوص.. حتى شف ياحليلها
ملونه واحد ازرق وواحد اخضر
ياسر: لا وبعد توصف مع وجهك.. كلها واحد ترى
فيصل: امحق من ترقيع..اسكت بس يرحم امك مسوي خبير مثلي طير ياعمي
ياسر: بلا تميلح وقم غير لوعت كبدي بهالبجامه
فيصل يرمش بعيونه: بنات عجبتكم صح
شوق وجوان: لا
ياسر: هههههههه لقط وجهك..
..اما جوان وشوق ماتو ضحك عليهم..
..دخلت منيره الصاله مع وليد اللي كان شايل ولد منيره..
وليد ومنيره: السلام عليكم
الكل: وعليكم السلام
منيره: الا ياجوان..ماتفكرين تحشمين نفسك عن هالرجال..وتتغطين
جوان: امممم الصراحه لا..يعني انا نعمه مني اني البس العبايه بالخرجات..عاد انتي عارفه اني لما كنت بسويسرا ماكنت اعرفها اصلا..يعني شي احسن من ولا شي..وغير كذا ترى كلهم اخواني ومابينا شي..ولا منتي واثقه بشباب عايلتك
منيره: بالعكس انا واثقع فيهم بس ماينوثق فيك انتي..مين يدري وش بتسوي بنت الكفار
جوان: اهاا يعني قصدك اني افكر اسحبهم لي..هههههههه لا تخافين انا ما اعرف لحركات النص كم هذي اللي لعبتيها على زوجك قبل..حطي في بالك ان اللي يبيني يجيني مو انا اللي تتميلح وتجري ورى الرجال..ولا لو سويتها صدقيني بطرحهم كلهم بس حرام..فيه عوانس كثير بالعايله ولازم الشباب يغطون نقصهم..(( لفت للشباب)) ما هيك شباب..!
وليد..ياسر @_@ تنحوا..!!
فيصل: ايه صح
منيره: ياغبي تسب بنات عمك
فيصل: يعني من زينهم بنات عمي..تبيني اطلع فضايحهم الحين
شوق: اوووف اصلا لو ما جوان جات كان صدق بنتحر منهم معقدين حيلات حيلات
منيره:انتو اللي يجلس معاكم ينجن صدق مالكم رب..((وطلعت))
شوق:ههههههههههههههههههه فكه
وليد: عيب تراها اختك
شوق: وش اللي عيب وانت شايفها تسب جوان وتبي المناقره معاها..عاد من زين اللي طاقه معاهم سوالف هه البقرات الثلاث
جوان (( ياربي وين ما اروح اسوي مشاكل )): طيب انا بروح انام..
ياسر: ما كأنه بدري
وليد: خليها براحتها
جوان ((ايه يبون الفكه)): اوك..سلام
قامت شوق بتلحقها..
وليد: شوق لحظه ابيك شوي
شوق رجعت جلست: شنو
وليد: شفيها جوان..ليه رجعت
شوق: ابد بس عمي رجع وماتبي معاه مشاكل وبتنام عندنا لحد مايروح
وليد:اهاا..طيب ماقالت لك شصار لما راحت
شوق: عندك بدر ودق عليه
وليد:طيب يالله ورينا مقفاك
..شوق كشت عليه وراحت..
***************************
دخلت معاه الشقه اللي كتبها باسمها..
ماجد: تعالي ياليان..لا تخافي هذي شقتنا بعد مانتزوج..
وقفت ليان اللي عمرها 16عند الباب وهي خايفه تدخل: ماجد رجعني البيت..اخاف اهلي يرجعون ومايلقوني
ماجد: ليوني حياتي يعني انتي خايفه مني..انا خطيبك اللحين..انا دنيتك ياروحي
اتقدم لها ومسك يدها ودخلها بعدها قفل الباب....
جلست ليان على الكنبه بعد مافرجها ماجد على كل البيت..
ليان: وااو صراحه ذوقك خيال
ماجد: تسلمين ياعمري..امم ليونه باقي غرفه وحده وانا مسوي فيها مفاجاه راح تعجبك
ليان: جد..يله خلينا نشوفها
ماجد: اوك بس انتي اسبقيني وانا بروح اجيب شي نشربه
ليان: اوك
دخلت ليان الغرفه..واتفاجات منها..كان كل شي احمر باحمر ((الله اللغرفه كلها احمر..لوني المفضل..ياقلبي مجودي يعرف كل شي احبه..))راحت تتفرج بالغرفه ولفت نظرها طاوله فيها صور..لفها الفضول وراحت لها..طالعت فيها..الصدمه شلتها حتى من الكلام..((لا مستحيل...لالالالا..هذي انا..مع شباب..بمناظر خليعه..لا هذي مو انا بس انا..كيف كذا..انا عمري ماطالعت حتى بشباب غير ماجد بس..شقهت..ماجد شافها لازم اشرح له فيه غلط بالموضوع )) لفت على صوت قفله الباب..كان ماجد متكي على الباب وعيونه لتحت..
انفجر سيل الدموع بعيون ليان: ماجد..
ماجد على نفس وضعيته: ..............
ليان: ماجد انت مصدق ان هذي انا...ماجد صدقني..صدقني عمري ما طالعت باي مخلوق غيرك انت..
ماجد: كذابه
ليان: لااا ماجد اقسم بالله ماخرجت مع احد..اصلا انت عارفني انا ما اطلع لوحدي كثير..انا صغيره على اني اطلع معاهم اصلا..انا عمري مافكرت اخونك..ماجد انا احبك كيف تبغاني اخونك قولي كييييف صدقت فيني هالصور..اكيد احد مركبها انا مستحيل اسوي كذا
ماجد: يعني تبغيني اصدقك واكذب كلام حبيبك طارق..ورسيل
ليان حست الدنيا تدور فيها: رسيييييييل
..................
قامت ليان مفجوعه من الكابوس اللي شافته..والدموع على عينها..الذكريات ماتفارقها بكل لحظه بكل ليله بكل ثانيه..حست حالها مخنوقه..رسيل اللي كانت روحها اللي ماتفارقها خانتها وطعنتها بالظهر..مستحيل تسامحها..مستحيل..يكفي علاقتها مع ابوها اتوترت او بالاحرى انقطعت..ماصار يجي البيت لانها موجوده فيه..هي متاكده انه مايعرف بالموضوع بس مو عارفه سبب تركه للبيت..لكنها بالاخر عاذرته....(( ليه سويتي كذا يارسيل معقوله تسوين كل هذا فيني انا مع اني ما سويت لك شي..!! بس هين والله لا اوريك انتي وماجد...اللي صدق فيني اشياء انا ماسويتها ))
^×*×*× ((الــحـــآآن يــعــزفــهــآآ آلــقــدر )) ×*×*×^
في بيت ابو بدر...كل شي يترتب ويتجهز تحت اوامر سرور وفوزيه..والكل عرف بموضوع العزيمه وان فيها مفاجاه وراح تكون عائليه..
جوان راحت مع شوق السوق عشان يشترون ملابس..رسيل اللي رفضت تجي لكن جات تحت ضغط اهلها..ليان كانت رافضه تجي لكن حبت تشوف وجه رسيل كيف بعد الخبر...........
**********************
خرجت جوان من غرفه التبديل..اما شوق كانت الكوفيرا تمكيجها وتحط لها اللسمات الاخيره..
جون: شواقتي شو رايك...
كانت جوان لابس فستان حرير اسود لنص الفخذ.. توب..والظهر كله فتوح بس فيه شرايطحمرا على شكل ضرب..ولافه على الخصر سلسله ذهبيه نحيفه مع كعب اسود..وعامله ميك اب اوفر..كان مطلع شكلها واو
شوق: يلعنك بتغطين علينا كلنا..لا جد مآآره فنتاستك..مع الميك اب الاوفر طالعه هيك انوثه طاغيه هع
جوان ترمش بعيونها: ادري اني اخقق..ههههه يمديك ع الثقه
شوق: هنيالك ع هيك جمال..يلا اوت من وخلي الشغاله تجيب لي اكل جيعانه مرآ
جوان اتخصرت: خدامه ابوك انا..بس تصدقين حتى انا جيعانه
شوق: يلا اوت
نزلت جوان من الدرج وهي تغني..
I think god will give you someone much better then me
شافها فيصل وصفر: احلى احلى ياباربي ناويه علي انتي ((يحط يده على قلبه)) يمه الحقيني طحت ومحد سمى
علي وهـ بس ياحظي بنت عمي عيونها زرقا لا وروج احمر بعد انتي بتجلطيني كذا خخخخخ
جوان: هههههههههه الله يرجك
فيصل: قسم طالعه شي شي
جاهم ياسر: اوووه اوووه شهالملاك اللي في بيتنا
فيصل: غض النظر ياولد عيب
ياسر: انطم..جات علي يعني
جوان: وااااه اخرتوني عن شواقه..تبي اديب لها اكل اكيد ماتت جوع
ياسر: شف الدبيه جالسه تهضم اكل..ماتشوف هالجمال وتتعلم منه
جوان: وجع تراها شواقه ما ارضى عليها
فيصل: كااااي لقط خشمك ماعجبتها
: فييييييييييييييييصل ياااااااااسر
فيصل: يمه يمه هذا وليد
ياسر: امش امش قبل لا ياكلنا بقشورنا
راحوا فيصل وياسر بسرعه قبل لا يجيهم وليد اما جوان فقعت ضحك عليهم ودخلت المطبخ..بعدها رجعت لشوق
شوق: تو الناس لو نمتي هناك بعد
جوان: هههههه اسفه بس قابلت ياسر وفصييل
شوق: ماعلينا..كيف شكلي
كانت لابسه بلوزه حرير بيضا تنربط على الرقبه مع تنوره فوشيه منفوشه شوي وعليها شريطه بيضا مع كعب ابيض فيه شرايط ملفوفه لنص الساق..وعامله شعرها كيرلي مع ميك اب ناعم مطلعها كيوت
جوان: يادوبا مرررا طالعه نايس..وربي تجنني
لفت شوق على المرايه: وه وه طالعه اخقق..
جوان: وش تتوقعين المفاجاه اللي مسوينها
شوق: مدري..بس اللي اعرفه ان مفاجاتهم ماوراها غير البلاوي يعني من الحين اقولك لا تتحمسين
جوان: اكييد
*********************
بعد ثلاث ساعات الكل اجتمع في بيت ابو بدر..
رسيل جالسه لوحدها..ونفس الشي ليان..جوان وشوق مع بعض..سرور وفرح ودلال وجمايل ومنيره مع بعض..والحريم لوحدهم
جوان: شواقه ماتلاحظين نظرات ليان لرسيل
شوق: يب لاحظت مرررره حقد واضح بينهم..اموت واعرف وش وراهم
جوان: تتوقعين السبب هو ماجد..لانوو هم اتخاصمو بعد طلاقها صوح
شوق: تتوقعين كذا
جوان: معرفش بس هيك اظن
شوق: طيب اسمعي انتي روحي لليان وانا بروح لرسيل ونكلمهم عشان يجلسون معانا
جوان: حلوو..يالله
قامت كل وحده وراحوا لرسيل وليان
جوان: هااي ليان.آآ ممكن طلب
ليان: شور
..ليان كانت لابسه برمودا اسود وتيشيرت اصفر فيه كلام انجليزي مع جاكيت اسود وشوز اصفر..ومكحله عينها بكحل كثيف وشعرها عاملته ستريت..
جوان: انا وشوق طفشنا لوحدنا وحابين تجين معانا شرايك
ليان: لالا خليني هنا
جوان اتحمست: نوو بليز ليان خلينا نجلس ونتونس احسك فلاويه وحماس
ليان:هه بس مالي خلق
جوان: يختي احنا مابينا ميانه خلينا نسدحها اليوم ونصير فرندز يعني من خبرتي في البنات اشوفك مرآ وآو
ليان: يسلمو بس هذا مو جوي
جوان: لا تخافي ترانا نعجبك هيا قومي
وسحبتها جوان من يدها وقومتها..
...عند شوق ورسيل....
شوق: هاي ياحلو
رسيل: هايات
شوق: رسول حياتي شرايك تجين عندنا انا وجوان يعني حابين نتعمق اكثر مع بعض
رسيل بابتسامه جانبيه: اوك بس بيني وبينك احسكم مو طايقيني صح
شوق: خخخ مين قالك وربي من اول نفسنا ندخل معاك وكذا بس انتي معطيتنا طناش ياخي..وغير كذا ستايلك خوقاقي حيلات..
رسيل كانت لابسه بنطلون جينز مع شيرت ابيض وعليه جاكيت اسود رسمي رافعه القلاب والاكمام مع شوز اسود..والشعر سبايكي
رسيل: من ذوقك..ماشوفكم جربتو
شوق: اقووول يابو جواد قوم معاي لا اسدحك الحين
رسيل: ههههههههههه بس تصدقين مو لايق
شوق: سلك ياراجل
رسيل: ههههه ولا يهمك بحاول يابو نواف
شوق: احلى وصرنا ابو نواف..مشينا
رسيل: قدااام
وقفت رسيل ولما جات بتمشي شافت ليان كمان واقفه..رجعت وقفت
ليان طالعت برسيل ورفعت حاجب..رسيل رفعت لها نفس الحركه ورفعت حاجب
فرح: بنات الحقو شكل المضاربه بتقوم
جمايل: اووف النارين اشتعلت
دلال: راح يبدا الحماس
سرور: واو من زمان لنا عن هواشاتهم
جمايل: اووش بنات خلونا نتابع
اتقدمت رسيل لليان: ليان تعال معاي برا..اعتقد فيه بينا كلام كثثثير
ليان بابتسامه جانبيه: اكيد..خصوصا ان التهنئه وصلت والمفاجاه وضحت
ليان: طبعا..
**طلعوا البنتين..وجوان اشرت لشوق انهم يلحقوا وراهم**
جمايل: اووووووف راحت علينا
فرح: اتوقعت بتبدا المعركه الطاحنه بس وقفوا
سرور: ياربيه خساره
دلال: وربي نذاله
جمايل: الا يا سرور ماعرفتي شنو السبرايز اللي مسوينه
سرور: اكيد عرفته
فرح: وات
سرور بدلع: لو قلتلك ماراح تصير مفاجاه
جمايل: مالت بس
***
طلعوا ليان ورسيل للحديقه..شوق وجوان متخبين بحيث يسمعون اللي يدور بينهم
رسيل كتفت يدها: ليان انتي كيف عرفتي ان ماجد راح تقدم لي
ليان: هههههه يعني نقول مبروك
رسيل: ليان جاوبي
ليان: وليش ماتقولين اني انا كنت سبب بتقدمه لك
رسيل: انتي ورى هالشي يعني
ليان: اكييد..يلا ماجد سوا لي شي مايغتفر وضيعني..وانا راح امشي على نفس خطواتك وخطواته..لحد مايجي الدور عليك
رسيل: ليان انتي ليه تخربطين بالكلام انتي مجنونه..اي خطوات واي دور تقصدين
ليان: رسيل اللي يسمعك الحين يقول انك بريئه بس اللي اعرفه انا واشوف غير
رسيل: طيب قولي انا وش سويت عشان تقلبين كل شي فوق راسي
ليان: والله ياحرم الشيخ ماجد..انتي ادرى
رسيل: ليان لا تعصبيني اكثر من كذا..وانا مستحيل اوافق على هالرخمه ماجد
ليان: ليه ماتوافقين..مو انتي سويتيي كل هذا عشانه
رسيل: اوووف طيب قولي انا وش سويت..
ليان: انتي غبيه ولا غبيه..يعني دور البراءه مو لايق صراحه
رسيل: ناويه تنضربين انتي..اقولك ماسويت شي..انتي عارفه ان عندي عقده من الرجال بالله كيف احب
ليان: والله الكذب جايز
رسيل: ليان انتي اكثر وحده عارفتني او كنتي على الاقل
ليان: كنت متوهمه اني عارفتك
رسيل صرخت: ليان يرحم امك قولي لي وش سووويت
ليان: مفتكره الصور اللي ركبتيها ووريتيها ماجد
رسيل انصدمت: صووور
ليان انفعلت: ايه صور ركبتيها..ركبتي صوري مع صور شباب ووريتيها ماجد..جبتي ولد وخليتيه يكلم ماجد ويحذره مني..وانتي عارفه اني مو كذا وكنتي عارفه قد ايش احبه
رسيل كان احد كب عليها مويه بارده: ليااااان انا مستحيل اسوي هالشي..كنت عارفه قد ايش تحبينه وعمري مافكرت اسوي كذا..اصلا انا ما اواطن هالمخلوق ما اوااطنه وكنت عارفه انه واطي بس اني اسوي فيك كذا لا
طبعا..ليان انتي كنتي روحي واكثر من اختي..مستحيل افكر ااذيك
ليان صرخت: كذاااابه..ماجد بنفسه قالي انك دقيتي عليه واعطيتيه الصور
رسيل بكل هدوء: طيب هو قالك اني سلمت له الصور بنفسي
ليان:...................
رسيل:وانتي عندك دليل انه انا
ليان:...................
رسيل اتنهدت: طيب لما تلقين دليل اني انا اللي سلمته..ذيك الساعه واجهيني..وعلى فكره هالزواج ماراح يتم وانتي خليتيني اصمم اكثر على اللي راح اسويه..
..مرت فتره صمت..
ليان:مو مهم اذا كنتي انتي او لا
رسيل رفعت حاجب
ليان: لان هذا كله مابيرجع اللي راح مني..ولا بيرجع امي وابوي..ولاني اكرهك واتمناك تموتين
سكتت رسيل شوي بعدين قالت:تصدقين..كنت في البدايه حاقده عليك لانك تركتيني بدون سبب..كرهتك..بس الحين اشفق عليك وبنفس الوقت اكرهك..صدق مسكينه
ليان: هه مدري مين المسكين انا ولا انتي..ههههههههههههه برجع اقولك مبروك
** وراحت **
***
بغرفه جوان..الهدوء كان سيد الموقف وكل وحده مصدومه
شوق: سمعتي الي سمعته
جوان: ايه
شوق: حاسه كل جسمي يرجف
جوان: صور مره وحده..ومن رسيل
شوق: انتي سمعتي رسيل تنكر وغير كذا مافي دليل انها هي شفيك انتي
جوان: طبيعي انكرت يعني كانت راح تقول مثلا
شوق: لالا من خبرتي في بنات عمي ترى رسيل تفخر باغلاطها ودقاتها بالناس يعني عادي تقول انا وبكل فخر بعد
جوان: وزواجها من ماجد المدبر من تحت راس ليان..اوف صدق داهيه هالبنت
شوق: احس رسيل مالها ذنب باللي صار
جوان: مدري
شوق: طيب ممكن احد حاقد عليهم وسواها..كل شي جايز بس متاكده مو رسيل
جوان: خليك من اللي صار وفكري باللي يصير
شوق اتنهدت: جواني خلينا ننزل تحت وبعدين نفكر
جوان: يالله
***
دخلوا الشباب مع الحريم بامر من ابو بدر عشان يعرفون المفاجاه
وتحت همسات الجميع وتنبآتهم بالمفاجاه..دخل ابو بدر وابو عمر وابو وليد..
ابو بدر: اليوم اجتمعنا بمناسبه جدا سعيده..بالتحديد تكون مناسبتين..
ابو عمر: ادخل ياخوي..
فجآه دخل عليهم بكل هيبه وسلطه..منصور..اكبر عيال الرالي..
: السلااااام عليكم
الجميع: وعليكم السلام
وكلهم اتوجهوا له وسلموا عليه ورحبوا فيه
ابو عمر: الحمدلله على السلامه ياخوي..والحين المفاجاه الثانيه..وهي خطبه بنتي رسيل على ماجد ولد اخوي منصور..
:السلام عليكم
..المفاجاه الاكبر دخووول مااجد..
كانت الصدمه على وجوه الجميع..رسيل جوان شوق..واضحه..
..وبعكس ما اتوقعوا من ليان..اللي قامت اول وحده وراحت لماجد بكل ثقه وابتسامه..
: الحمدلله على السلامه ياولد عمي..ونقول مبروك مقدما..منك المال ومنها العيال..
ماجد طالعها من فوق لتحت بعدها ابتسم: الله يسلمك وبارك فيك....وعقباالك
ليان: ههههههه اكيد..الله يسمع منك ويوافق عليه ابوووي
ماجد انصدم بس حوال مايبين: ان شالله
راحت ليان..والكل منصدم منها بقووووه
اتوجه الجميع لماجد وباركوا له واتحمدوا له بالسلامه ..ورسيل نفس الشي مع صدمتهم اللي كانت واضحه انه اختار رسيل....البويه.....
..رسيل تمنت الارض تنشق وتبلعها ولا تشوف وجهه..كارهته اكبر درجات الكره وانصدمت حيل من حركه ليان..وطلعت قبل مايشوفونها ويباركون لها
^×*×*× ((الــحـــآآن يــعــزفــهــآآ آلــقــدر )) ×*×*×^
|
28-06-11, 06:18 PM
جديد مواضيع قسم الارشيف
العرض العادي
