كاتب الموضوع :
اسطورة !
المنتدى :
القصص المكتمله
كلام الناس مايسوَى شي ولا يأثر في حبنا ولا شي مهما يقولوا مايسوُّن شي
والله مايقدروا يغيروا شي لأن اللي بيننا مو أي شي وحبنا أعظم من كل شي
مين قال ما أهواك و انه عندي سواك
أنا فين وفين ألقاك تعال وأنت تشوف
اشلون أتمنى قربك وبجنون بعد أحبك
وشاري فيك قلبك تعال وكافي خوف
لا يهمك كثر الكلام فكر كيف نبني الغرام وكيف نعيش الهيـام
يالله نرجّع الأحـلام وبلاش عتاب و ملام اسمع مني أحلى كلام
لو قالوا اني ما أحبك وايش يـكون رأيك
تصدقهـم إذنك .. والا .. يكذبهـم قلبك
أدري بيكذبهم قلبك لأن ما يخيب فيني ظنك
لأنهم يحسدونك .. والا .. لأنهم يكروهونك
يقولوا مهما يقولـوا يقولوا لأنهم ما يقدروا
يلوموا والا مايلومـوا لأنهم أصلاً ما يطولوا
أصلاً هم ما يحسون فينـــا
ولا يدرون كيف تلاقينـــا
كلمهم شوي عني خلهم يغارون مني يمكن يحسون بحبي
والا يـعرفون اني صعب أبعدك عني و مالك غير حبي
أصلاً مايعرفون اللي بيننـــا
وكيف نعيش أحلى ليالينــا
البارت الثالث:ب
عد التعب الشديد و الارهاق من يوم العرس الطويل توجهت ام بدر مع زوجها لغرفتهم، الراحه كان الشيء الي محتاجينه له و بشده ..
جلس بو بدر على سريره و اطلق نفس طويل دليل الارهاق و الاحساس بالراحه بعد شد و تعب طويل: الحمد لله.. على السلامه!!
ضحكت ام بدر و هي تقرب له كوب ماي بارد: اي والله الحمد لله على السلامه... انتهى العرس من غير مشاكل ..
بو بدر: فوزيه و امـها ما جوا صح؟.
ام بدر بابتسامه: حافظوا على الباقي من كرامتهم و ما حضروا..
بو بدر: الحمد لله والله اني كنت خايف من هالسوسه و امـها..
ام بدر بثقه و قوه: ما في داعي للخوف طول ما انا موجوده... مافي قوه في العالم كلها تقدر تجبرنا نزوجها ولدنا .. واذا بتنتحر كيفها.. انا ما انسى كلمتها بعد موت فيصل!!!!!
بو بدر و هو يضغط على راسه: القصه صارت قديمه يا منيـره..و مافي داعي نفتح جروح تسكرت من زمان..
ام بدر و عيونها امتلت حزن: جروح تسكرت هااا..
بو بدر: شلونها في العرس؟
ام بدر بتأفف: زينـه .. مسحت الميك اب اللي حطيته و جلست لحالها بعيد عن الكل..
بو بدر غمض عيونه : لا حول و لا قوه الا بالله.. .. انا ما عاد فيني اتحمل اشوفها بالحال اكثـر..
ام بدر : اذا تبي الحق انت السبب..... حاولت اسحبها بالقوه من الوضع اللي هي فيه بس انت رفضت و طلبت نتركها براحتها و هذي هي النتيجه صار لها اكثر من ثلاث سنين معزوله عن الناس حتى عرس اخوها بالموت رضت تروح له ..
بو بدر: انا ناوي اكلمها اليوم بعد العرس.. اتوقع نفسيتها تحسنت شوي...
ام بدر باستغراب زوجها ابدا ما يقدم على خطوه من غير دافع: ليش؟ في شي انا ما اعرفه..
بو بدر : مرزوق الــ.. ولد زايد ولد عمي
ام بدر وهي تلوي وجهها و تنتظر التكمله: ايش فيه؟
بو بدر: خطب خوله مني قبل كم يوم!!!!!
ام بدر بانفجار: طبعا رفضت صح!!!!!!!1
بو بدر: طلبت منه ينتظر و بلغته بحالة خوله النفسيه و الانعزاليه ..قال انه مستعد يتحملها في كل الاحوال...
ام بدر : وااااااي وايش قلت له؟؟
بو بدر: طلبت منه كم يوم اخذ راي خوله و اليوم شفته في العرس و سالني عن الموضوع..
ام بدر بعصبيه: اسمع يا بو بدر حتى و ان وافقت خوله و هو شيء من المستحيل انا مستحيل اوااااااااااافق..
بو بدر: ليش تستبقين الامور و تنظرين لها بسلبيه... من يدر ممكن هذا الشيء يغير خوله و يطلعها من وحدتها ..
ام بدر: مستحيل مرزوق يطلع خوله من وحدتها وهو ...... على اي حال شيل من بالك فكره الزواج و خل خوله في حالها!!!!
بو بدر: واشوفها تضيع عمرها بهذا الشكل..
ام بدر: انا افهم خوله اكثر منكم كلكم و اعرف بالضبط الوقت اللي راح اتدخل فيه...
بو بدر: الله كريم
-
-
-
خوله دخلت لغرفتها و بسرعه البرق مسحت الكحل الخفيف اللي كان في عينها و بدلت ملابسـها استعداد للنوم لكن ماهو قبل لا تاخذ جوله على مجموعه الصـور المرتبه بشكل انيق على وحده من خزاناتها...
سحبت خوله صوره قديمه لاطفال في ملابس المدرسه الابتدائيه و صوره ثانيه للطفلين بسن اكبر.. كانت الاشكال في كل الصور تتغير الطول الملامح الشكل و الجسم.. لكن الابتسامه كانت نفسها...
حاولت خوله تبتسم مثل الصور لكن ماكان هذا الشيء ممكن.... : خالد لو اني شريره مثل توصفني دايما كان وريت هذي الصوره للجود...
رجعت خوله الصوره لمكانها و تمددت على فراشها .. : فعل الوقت يمر بسرعه...
- قبل 13 سنـه –
كان يوم مشرق و جميل بعد الامتحانات .. بو بدر عازم اقاربه و اصدقاءه على غذا في مزرعته .. الكل كان فرحان و سعيد ما عدا واحد...
دخل على امـه في المطبخ و بدا يبكي بقوه : خااااااااااالد ليش تبكي يا حبيبي؟؟؟
مشت لعندهم بنت صخمه تاكل شبيس و بيبسي : الرجال ما يبكي !
خالد في وسط بكاءه نظر للبنت بحقد: اتركيني في حالي!!!!!
خوله بضحك: ههههــ ما راح اتركك يا اختي الصغيره هههههههههههههههههه
خالد ببكاء مثل الاطفال: شريره!!!!!! ماما
ام بدر و هي تسحبه لحضنها: ما عليك منها قول لي ايش اللي صار
خالد: عيال عمي زايد يضحكون علي و يقولون لا تاكل يالدب!!!
خالد و خوله كانوا دبدوبيييييييييييييييين حيييل و محط سخريه اقاربهم ،،،
ام بدر: ما عليك منهم هذول ضيوفنا و لا تنسى ان لازم نتحترم الضيف يا خالد.
خوله و هي ترفع اكمامها لفوق باسترجال: اكيد غيرانين منك لانك ناجح في كل المواد بامتياز على عاكسهم .... انا راح اادبهم لك....
بعد عشر دقايق دخلت خوله بشعرها المنفوش و شكلها المعفوس لكن ابتسامه النصر كانت عريضه على وجهها: ادبتهم وخليت ثامر يبكي!!
خالد ابتسم و حضنها: مشكوووره..
خوله بثقه: العفو..
.......................: كان المفروض يا خالد انت اللي تأدبهم
خوله ابتسمت لما سمعت الصوت دخل بجسمه الطويل و ابتسمته العريضه و بدأ يعدل شعرها المنفوش ويمسح وجهها : كذا احلى..
خالد: اصلا خوووله ولد ماهي بنت..
خوله ضربت خالد ، بدا خالد يبكي من جديد..
ابتسم و قرب خوله لحضنه: لا يا خالد.. خوله بنت....(رفع وجه خوله له و عطاها المجال تتامل ملامحه الجذابه) بنت قمر و حلوه حييييييييل..
00 – 00
رجعت دموع خوله مره ثانيه للنزول وهي تتذكر وجهه و ابتسامته الدائمه فيصــل
أنا أحبـك و أموت فيـك و طيفك ساكـن في بالـي
وعيونـك أنـا أعشقهـا وأسهرهـا والسهر يحلالـي
في الزحمـه أفكـر فيـك و اشلون لو جلست لحالـي
أنا شمعه ولجـلك أحرقهـا لجل تنـورلك عتم الليالـي
تعال الحيـن بالله عليـك وشوف بحبك ايش جرالـي
عيوني تبكـي من شوقهـا وقلبي يشكـي من حالـي
كل همـي كيف أرضيـك وهذا كل حلمي و آمالـي
أدور الفرحـه و أسرقهـا وأعطيك من فرحي ياغالـي
اذا ما جيت أنـا أجيـك ولوغبت طيفك هنا قبالـي
هـذي دقنـي و احلقهـا لو لقيت مجنون فيك بدالـي-
-
-
بعد كم يوم
رن رن رن رن
ركضت الجود لمبايلها قبل لا يسحبه خالد منها كالعاده.. ما سمح لها تلمس موبايلها من يوم العرس..
الجود و بسرعه خارقه: الوووووووووووو...
خالد: اففففففففففف عشر دقايق مالك غيره........
الجود وهي تمد له لسانها: هلا والله الهنوف شلونكم و شلون الرياض وحشتوني.ز
الهنوف: انتي اكثر يا حياتي .. البيت ماله طعم من غيرك..
الجود: انتوا اللي استعجلتوا .. كان جلستوا في جده كم يوم....
الهنوف: ههههههه اترك الرياض و اجلس في جده ... عند الحر ههه
الجود وهي تفتح بلكونة الفندق و تتامل الجبال: مسكينه حتى الرايض حاره عكس النمسا...
الهنوف: وصلتوا النمسا...
الجود: البارح.. بس ما ادري احسها ممله.. خالد ناوي ياخذني للبندقيها (ايطاليا) يقول مدينه العشاق..
الهنوف و هي تطلق نفس عميق: حظك رجلك رومانسي..
الجود و هي ترد عليها بنفس النبره مستغله وجود خالد في الحمام: اي رمانسي.. اصلا برنامج السفر كله مجهزته اخته...
الهنوف: الارمله السوداء خخ
الجود: هههههههه حلو اللقب عجبني.. احسن من لقبي صاحبه الوجه الكئيب..
الهنوف: حرام عليك لقبك احسن... عموما انتي شفتيها..
الجود: اي راح يقدم فروض الطاعه و الولاء لاهله قبل لا نسافر.. و شفتها... كريهه.. ما تتكلم و لا تكشخ وووع..
الهنوف: احسن انسانه ليـوسف..
الجود باستغراب: يوسف؟؟ اي يوسف؟
الهنوف: يوسف اخوك من غيره..
الجود و هي توسع عيونها : انتي ايش قاعده تقولين.. يوسف و البائسه؟؟؟؟ شلون
الهنوف: اسمعي زين.. البائسه على قولك ارمله.,,, قطعه مستعمله و ابوي يبي يزوج يوسف.. نزوجه اياه منها نقويه العلاقه معهم و منها نعطيه شيء مستعمل كالعاده؟؟
الجود: عجبتني الفكره كثير بس المشكله يا حلوه ان البنت ماهي غير مرغوبه.. الناس يخطوبنها من طلعت من العده و في كل مره ترفض .. ايش اللي مخليك تتوقعين انها بتوافق على يوسف الغبي؟؟
الهنوف: هنا يجي دورك!!
الجود: من اي ناحيه؟؟
الهنوف: من ناحيه زوجك العاشق ولا نسيتي انه اخوها التوأم..
الجود وهي تمد بوزها: بحاول.. وان شاء الله انجح في اقناعه..
الهنوف: انتظر منك رد.. مع السلامه..
الجود: مع السلامه..
سكرت الجود الخط و بدت تتامل باب الحمام..في اي لحظه راح يطلع خالد..... هدفها الاول منه تقبل فكره زواج يوسف من خوله ... لكن المشكله هي شلون تخليه يقبل الفكره..
مشت لجهة التسريحه زادت اللمعه على وجهها و حطت قلووس احمر فتحت شعرها الطويل و رشت من عطره الرجالي...
طلع خالد من الحمام و انتبه على ريحه عطره القوي..
الجود سبقته قبل لا يعلق...وهي تقرب العطر من وجهها: عطرك رهيـــب .. و ذوقك جنان..
خالد باعجاب بدا يقرب منها: انتي الجنان..
الجود باستعجال ماتبي الفرصه تروح منها: ان ما اضحك.. تلقى رجال يهتم بمظهره و يختار عطوره بفن مثلك.. اخواني مثلا يحطون اي عطر موجود قدامهم..
خالد ضحك على تعليقها: ههههه انا بالذات ما كنت اهتم بشكلي و ريحتي قبل........ بس تعلمت الاهتمام بالمظهر من خوله..
الجود باستغراب: خوله اختك؟؟؟ مو باين عليها الاهتمام
خالد رفع حاجب وكانها تخطت خط احمر في حياته: خوله مسكينه لو شفتيها قبل كم سنه كان ما قلتي هالشيء..
الجود بدلع تمثل الحزن: اسف يا حبيبي ما كنت اقصد..
خالد: الجود حياتي انا وياك بنسكن في البيت الكبير لعد ما نرجع اتمنى انك تكونين علاقه حسنه مع خوله يمكن.. يمكن تتحسن حالتها و تطلع من الحزن اللي هي فيه..
الجود: خالد يا حياتي خوله مستحيل تطلع من اللي هي فيه ان ظلت وسط البيت و البيئه اللي تذكرها بالماضي..
خالد بانصات: ايش اللي تقصدينه..
الجود: خوله مستحيل تتحسن اذا ظلت من غير زوج!!!
خالد بصدمه: تبين خوله تتزوج بعد فيصل,,, مستحيل اصلا هي رافضه هالشييء نهائيا.,
الجود: انت عاجبك حالها.. يا خالد انا لما خطبتني كنت رافضك بشكل تام تدري ليش لانك و رغم كل مميزاتك وسيم و مليونير و من عايله .. عندك عيب هو انك ساكن بعيد عن اهلي!!!
خالد: ووو؟
الجـود: ظلوا اهلي يقنعوني لحد ما وافقت و(بدت تلعب بشعرها بدلع) من خلال شوفتي لك في الملكه و كلامي معك على التيلفون بديت الين و انسى موضوع المكان.. و انتظر الساعه اللي تجمعني فيها غرفه وحده معك..
خالد ما كان قادر يقاوم دلع الجود و كلامها رد: و المعنى..
الجود: اختك لازم تزوجها انسان مثلك يراعيها و يهتم فيها ..انسان هادي و حساس .. انسان يكون ميسور علشان ما يكون متقدم لها بدافع الطمع ...
خالد: يا الجود اختي خوله ارمله... و الاشخاص اللي فيهم هذي المواصفات اللي ذكرتيها مستحيل يتزوجون ارمله.. الا في حالة كانت الزوجه الثانيه و هذا شيء مستحيل نقبل فيه!!!
الجود: ليش مستحيل اخوي يوسف مثلا يبيها (و سكرت فمها تعمد كان زل لسانها)
خالد وعيونه متوسعه: يوسف؟؟؟؟
الجود: اسفه يا خالد... ارجوك انسى الموضوع!!!
خالد: الجود تكلمي يوسف يبي يتزوج خوله؟؟
الجود: في الحقيقه هو كلمني و قال لي من اول ايام خطوبتنا انه ناوي يناسبك من جديد و يخطب خوله اللي مستحيل يلقى وحده انسب و احسن منها.. بس انا طلبت منه ينسى الموضوع لان خوله مستحيل تقبل فيه.. لكنه ما زال مصر .. حتى ابوي طلب مني افاتحك بالموضوع بس كنت خايفه تزعل..
خالد: وليش ازعل.. انتوا ما سويتوا شيء غلط يستاهل الزعل..
الجود بعيون برئيه: يعني مانت زعلان مني.... و بتكلم ابوك..
خالد بحب: اكيد..اتصلي على ابوك و بلغيه اني في صفه بس ان شاء الله خوله ترضى..
-
-
-
كانوا يتغدون على طاوله وحده لما رن موبايل الهنوف معلن مسج فتحته و ابتسمت في الوقت المناسب.. كل الاطراف موجوده.. انتظرت ابوها لما قامت و لحقته .. همست في اذنه و بعدها ابتعدت..
بو فهد: يوسف تعال ابيك..
يوسف قام من غداه غسـل و دخل المكتب بعد ابوه: هلا يا الغالي..
بوفهد بابتسامه: اقعد يا يوسف..
قعد يوسف و هو يراقب ابوه المبتسم شيء غريب عليه: هلا يا يبه
بو فهد : يوسف انت رجال مسلم مصلي و تعرف ربك... وما عدت صغير... متى يا ولدي ناوي تريحني و تخليني افرح فيك..
يوسف ابتسم و هو يسمع الكلام من ابوه: في الوقت اللي تتمناه يا يبه.
بوفهد وهو ماهو مصدق كان في كل مره يلمح ليوسف بموضوع الزواج كان يوسف يتهرب لكن هالمره يرحب بالموضوع بكل هدوء: اههه ما تعرف قد ايش هالكلمه فرحتني.... عموما ما راح تنتظر كثير انا مختار لك وحده...
يوسف استغرب يظهر ان ابوه مخطط لكل شيء : من هي يا يبه...
بو فهد: خوله اخت خالد رجل اختك الجود... مال و جمال و اصـل و البنت هااديه و ناعمه و كل شيء فيها حلو..
يوسف: تشتغل؟؟
بو فهد بتوتر: بنت في مستواها المالي ما تحتاج شغل.. عموما انا كنت ناوي اخطبها بس قلت اخذ رايك بالاول ..
يوسف: ما ادري يا يبه.. لازم اشوف البنت و ........
بوفهد و عيونه توسعت من العصبيه: تبي تفشلني مع الرجال..
يوسف: انا ما قلت شيء غلط علشا.........
بوفهد: الرجال مناسبنا و اهل خير و نسب تبي نطلب نشوف بنتهم بعد ما زوجنا ولدهم ايش تبي يقولون عنا.. مافي شوفه الا بعد الملكه!!
يوسف بانهزام: اللي تشوفه يا يبه
بوفهد بابتسامه نصر.. سحب موبايله و اتصل على الرقم............
-
-
-
بو بدر نزل موبايله بعد مكامه صعبه و تنهد بقوه...
ام بدر قربت منه بعد ما حست انه فيه شيء المكالمه اللي حصلها ما كانت طبيعيه: ايش صاير؟؟
بو بدر: نادي خوله!!
ام بدر: ايش صاير تكلم و ايش علاقه خوله ؟؟؟
بوبدر: قدرت ارفض مرزوق بكل سهوله لكن هالانسان صعب ارده... خصوصا انه عزيز و ماهو مثل مرزوق و ان هالمره راح تكون الثانيه...
ام بدر: خاطب جديد؟؟؟ من؟؟
بو بدر: خطيبها قبل فيصل .......... ولد اعز صديق...
يوسف اخو الجود
لا تسألنــي عن حالـي أنا بـخيـر دامك بعيـد
ولا تقــول انـي غالـي مـا راح أصـدّق أكيـد
يكـفينـي اللـي جرالـي و سؤالك مـاعـاد يفيـد
روح شـوف أحد بدالـي وهَـرْجك معي لا يزيـد
خـلاص شِلتك من بالـي وسكنت في قلب جديـد
وحققت باقــي آمالـي و صرت من بعدك شديـد
مـا أبـي ذيـك الليالـي قلبـي بـدونـها سعيـد
البـعـد عنـك يحلالـي و يحلالـي انك وحيــد
كنت شـي و مـا بقالـي و منـك مانـي مستفيـد
هـذي هِيـا أحـوالـي وأنا بـخيـر دامك بعيـد
-
-
-
-يتبع
-
-
مقتطفات البارت الجااي:
يـوسف : انتي ما عندك كرامه ... شلون تقبلين بانسان رافضك نهائيااااااااااا
خوله: لانك تملك شيء ما يملكه غيرك..
يوسف : اللي هو؟؟
-
فاتن: مسكين يوسف زوجته .... اعووذ بالله كانها داخله عزا ..
فهد: وليش مسكين انسانه مال و مال و مالل اهم شيء في الدنيا..
فاتن: و الحب؟
فهد: مافي شيء اسمه حب في الدنيا و لا انتي تصدقين كلام الافلام؟
-
-
الجود: اسمع زين يا خالد .. انا البس اللي ابيه ومالي دخل في احد.
خالد: انا ما قلت شيء.. بس لما يكون بدر هنا اتمنــى..
الجود وهي تمثل الدموع: حراام عليك توني عروس تسمعني هالكلام!!
خالد: اسف يا الجود سامحني.. بس...
-
-
|
22-06-11, 11:24 PM
المشاركة رقم: 11
جديد مواضيع قسم القصص المكتمله
العرض العادي
