السلاآآآم عليكم

شلوووونكم عضوووات شخبااركم

سوووري ع التاخير صاير المنتدى يعلق عندي وكل ما نزلت رد علق...

ما قدرت ارد عليكم ولا انزل البارت امس.. بس الحين ان شاء الله بنزله

ان شاء الله يعجبكم

-
-
-

آآالبــآآرت السـآآآبع و العشــرووون
-
-
-
ارحم عيوني لو عيونك تبيني
حرام هذا الحب تقتل مـــعانــــيه
مو حب هذا إلي تسويه فيـني
في فرق بين الحب وإلي تســويه
يا ساكن ما بين عيني وبـيني
لا تصدم إلي صرت أغلى أمانيه
جيتك بقلبٍ شايله في يميــني
كلمـــه تجيبه لك وكلــمه تــوديـه
أرجوك بلي باقي ٍ من حنيني
حرام من يسعد عيــونك تبــكيــه
بالله شوفوا الفرق بينه وبيني
هــمه يزعــني وأنا همي أرضيه
هذي قيودك حلها من أيديني
حبٍ يذل القــلب يانــاس مـا أبيه
موحب هذا إلي يسويه فيني
في فرق بين الحب وإلي يسويه-
-

جوري: من سعيده الحظ؟
نواف: اكيد تعرفين التاجر المرحوم صالح الـ.... انا خطبت بنته خوله الـ... وهي وافقه
جوري انصدمت و بصراخ قالت: ايش؟؟؟
نواف ببرود ابتسمت: ههه غريبه ردت فعلك هذي؟؟
جوري رغم انها حاولت تتماسك و تهدأ بس ما قدرت: كيف عرفت خوله !!!! و كيف متصور انها ممكن توافق على شخص مثلك..
نواف بنبره استفزازيه: بس خوله موافقه انها تتزوجني ... طبعا بعد ما سمعت عن وسامتي و ثروتي و...
جوري باتفجار اكثـر : مستحيل خووووووووله تفكر في هذي الاشياااااااااااااااااااااااااء
نواف:اللي يسمعك يقول انك مربيتها و تعرفينها عدل...
جوري: لا تمثل الغباء يا نوااااااآآآف انت اكثـر شخص اتعرف عيال بوبدر ايش بالنسبه لي...
نواف ببرود: وايش هم اللي بينك وبينهم..
جوري باندفااااع: انا امـــ........
جوري وقفت لما حست ان الكلمه صعب تطلع من فمها ، نواف ابتسمت و كمل عنها: ليش سكتي؟؟ كملي انتي ايش؟؟؟
جوري حست بصغر و اذلال رمت نفسها على الكرسي و حطت يدها على راسها: انا ولا شيء...
نواف بكل هدوء عارضها: هذا ماهو صحيح يا جوري... انا تعرفت عليك وانا عمري18 سنه كنتي دايما عيونك علي مثل طفل صغير دايما تتاكدين من اني اكل و اشرب خلال الاجتماعات ولما اتغيب كنت تتاكدين من اني ماني مريض..
وقتها حسيتك تحبين الاطفال و تموتين فيهم رغم اني سمعت انه ما عندك اطفال عينت من يراقبك و عرفوا لي كل شيء عن شخيصتك الثانيه منيره.. قررت اشوفك كيف تعاملينهم و انبهرت لانهم ما كانوا اطفالك بحق و حقيقي...
جوري: هذا ماهو صحيح انا مالي طفل غير يووووسف...
نواف: والدليل انك ما فاتحتيه بموضوع الرجوع لزوجته من انفصل عنها ...
جوري نزلت راسها: انا اعرف انه راح يرجعها عاجلا ام اجل و اعرف كيف يحبها و ........
نواف : وانها اجهضت الطفل اللي كانت حامل فيه منه
جوري بصدمه: نعم؟؟؟
نواف بابتسامه: يظهر يا جوري اني اعرف عن عائلتك اكثر منك...
جوري: وليش كل هذا الاهتمام في عائلتي...
نواف: اولا كنت مخطط اعرف عن شركائي الجدد اكثــر و ثانيا لاسباب خاصه...
جوري: لانك ناوي تتزوج خوله!!
نواف: هههههههههههههههه انتي صدقتي؟؟
جوري:يعني انت كنت تكذب...
نواف: اولا مافي حرمه ممكن تتحملني في الدنيا كلها.. وشيء طبعي تمل مني بنتك خوله و تطلب الطلاق وهذا راح يوتر العلاقه بينا... وهو شيء ارفضه انا حتى وان كنتي ناوي تنهين الشراكه اللي بينا...
جوري: اجل ليش كذبت...؟؟

نواف: انا كنت مقرر اسوي هذا الشيء من مده حتى اغيض يوسف و أأكد لايمان انها كانت غلطانه بالتصور اللي تصورته فيه..
جوري: وايش دخل ايمان في يوسف؟؟
نواف: ايمان متحمسه لموضوع خوله مع يوسف و تظن انهم مثال للحب و الاخلاص المتبادل.. لكن التوتر اللي صار بينهم و الللي ادى للطلاق و بعدها اجهاضها كان كافي لاثبات العكس و في النهايه قلت ان خطبتها ووافقت وهي في منتصف هذي الاحداث راح تتزحزح هذي الفكره من عقلها...
جوري: تتلاعب في ولدي و بنتي حتى تثبت فكره غبيه في بالك!!!
نواف: اعترفتي انها بنتك..
جوري: ايوووووووووه بنتي ارتحت الحين...
نواف: اجل اسمعي اللي اكتشفته من ورا تخطيطي هذاااااآآ
جوري: ايش اللي اكتشفته..
نواف: بنتك خوله ما عندها اي استعداد ترجع لولدك يوسف و ماهو بس هذا .. انخطبت لمن هو اسوء مني..
جوري توسعت عيونها صدمه: خوله انخطبت... منو اللي خطبها..
نواف بابتسامه خبيثه: ابراهيم الـ.... ولد عم زوجه خالد واللي كان محجر عليها لسنوات واللي استنتجت من اللي صار انها فتحت تحجيرها لما بداوا اتفاقيه مبادله.. خوله في مقابل نهى..
جوري باشمئزاز: ابراااااااااااااااهيم!! ابرااااااهيم من بعد يوووسف... مستحيللل انا لايمكن اسمح لخوله تضيع نفسها...
نواف رفع حاجبه و هو يمشي لباب المكتب : الكلام سهل... لكن خل نشوووف تصرفك ايشلون بتكون..يااااااااااااااا جووري
طلع نواف و ترك جوري بوسط الم و تشتت فضيعين لدقايق قامت بعدها من مكانها و على طول لمكان واحد كان لازم تروح له من زمان..
-
-
-
خوله كانت على سريرها في بيتها متمدده بالم و حزن تتامل شاشه موبايلها الرقم المعتاد كان يرن و يرن و هي ما كانت ترد بس عيونها كانت تتامل الاسم باستمرار نهى كانت جنبها تسوي مساج لرجلها و تحاول تضحكها: عاد تدرين اختي غاليه كانت دايما تقول عني اني اسخف بنت بالعالم لان نكتي محد يضحك عليها... ايش رايك انتي يا خوله؟
خوله ببرود يعكس المها و تعبابها الكبير: حرام عليها.. الله يعلم لولا وجودك معي كان وضعي اسوء...
نهى بضحك: يعني انا مسليه...
خوله: اكيـد...
انفتح باب غرفه خوله و دخلت وفاء و معها صينيه فيه شوربه و شرائح دجاج مشويه وعلى وجهها ابتسامه عريضه: وقت الغدااااااااااااااء..
نهى : وااااااااو شكله نايس...
وفاء بنبره ساخره: ومن قال انه لك.. هذا للاميره اخت الامراء خوله الحلوووووووووووه بس..
نهى وهي تمثل البكاء: يعني انا ماني اميره..
وفاء بضحك: امممممممممممممم شغاله الاميره ممكن تكون اميره في الاحلآآآآآآآآم هههههههه
نهى: وفااااااااااااااؤؤؤؤؤ
خوله ضحكت على تعليقاااااتهم وهم ابتسموا لما شافوها تضحك.. وفاء رجعت للبيت بعد اللي صار لخوله خصوصا انها بحاجه لحرمه ذات خبره تهتم بخوله و علاقتها بسرعه قياسه تطورت مع نهى وصاروا احسن من اللي بينهم عشره عمر.. خوله كانت سعيده لانهم رجعوا مع بعض خصوصا وفاء ابتعدت عنهم بعد ما تزوج خالد الجود لانها كانت تكره تعاملها معها و اسلوبها ... اما الحين فبوجود نهى عاد الوضع لسابق عهده و رجعت العائله كما كانت...
وفاء جلست جنب خوله مدت الاكل: تبين تاكلين ولا اوكلك مثل الاميره...
خوله هزت راسها بالنفي: مالي نفس...
نهى بضحك: مالك نفس ولا... اكل وفاء ماهو عاجبك
وفاء: اسكتي انتي... اكلي مافي احسن منه .. صح يا خوله..
خوله هزت راسها بالايجاب و كملت: بس هما مالي نفس... ابي اشرب مويه بس...
وفاء: خوله انتي لازم تاكلين كذا ماهو زين ... انتي فقدت دم و سوائل كثيره بعد العمليه.. ولا نسيتي..
خوله تجمعت الدموع في عيونها و بعد ثواني بدت تنزل بتدفق: شلووون انسـى، وانا السبب..
وفاء حطت يدها على كتف خوله و بحنان حاولت تخفف عنها : مستحييييييييييل يكووون السبب انتي ... هذا ..
خوله: لا خطأي لاني ما كنت قويه كفايه ولاني ما عرفت اهتم بنفسي اكثـر و.......
وفاء حوطت يدها حول وضمتها لصدرها وهي تحاول تخفف عنها: استغفر الله ... هذا قضاء الله و قدره وانتي يا خوله توك صغيره و قدامك المستقبل و باذن الله بيجين اطفال غير اللي راح.....
خوله كان ودها تتكلم بس ماهي عارفه ايش تقول .. تقول لها ان هذا الشيء مستحيل لانها لايمكن ترجع ليوسف اولا و ثانيا لانها راح تتزوج واحد بيتسلى فيها كم يوم وبعدها بيرميها... تصير ارمله و مطلقه مرتين
رن جرس الباب و نهى ابتسمت: هذا اكيد خالد جاب لنا الاعشاب اللي طلبتها... بسوي لك شاي اعشاااااااااااااآآآب احلى من شغل وفاء..
وفاء مدت بوزها و خوله ابتسمت... نهى نزلت لباب البيت و شافت الشغاله تكلم حرمه كاشفه وجهها و استغربت من جرأتها شلون متوسطه البيت و تتلفتت كانها تدور على احد: من حضرتك...
جوري وهي رافعه حاجبها: انتي اكيـد نهى زوجه خالد ..ولا انا غلطانه..
نهى استغربت و هزت راسها بالايجاب: ايوه بس من انتي...؟؟
جوري مشت لعندها بثقه وهو الشيء اللي خوف نهى: وين خوله؟؟
نهى: خوله في غرفتها؟؟؟؟
جوري: وينها غرفتها.؟؟؟ اخذيني لها الحين..
نهى كانت في قمه الخوف من الحرمه اللي عيونها كلها قوه في الوقت اللي كانت نهى فاقده القوه فيه: بس
جوري: الحييييييييييييييييين
نهى مشت بخوف للغرفه خوله و جوري من وراها لحد ما قربت: بس من اقولها...
جوري دفعت نهى و دخلت الغرفه من غير تردد، وفاء وخوله تفاجأوا بس خوله تظاهرت بعدم الاهتمام بالوقت اللي كانت الصدمه مغطيه وجه وفاء: خالتي منـــــــــــيره؟؟؟؟ متى رجعتي؟؟؟
خوله رفعت عبونها بغضب لوجه امها او بالاحرى من كانت امها لسنوات و تذكرت وجه ولدها، مصدر المها وحزنها واللي يتصل عليها من يوم اللي صار وهي ترفض تكلمه.. او تقابله : شلونك يا خوله..
خوله بقهر و بنبره كانت تتمنى انها تكلم يوسف فيها: اذا جايه بخصوص ولدك العزيز اطلعي براه..
وفاء بصدمه من اسلوب خوله مع امها: خوله انتي شلون تكلمين امك كذاااااااااااا...
جوري حركت يدها باتجاه وفاء و باسلوبها المعتاد : وفاء ارجوك اتركينا لحالنا...
وفاء هزت راسها و طلعت على طول مع نهى اللي كانت واقفه عند الباب و ماهي فاهمه شيء من اللي يصير .. جوري قربت من خوله و بنبره هاديه: خوله من مده وانا انتظر الفرصه المناسبه حتى ازورك لكن...
خوله قاطعتها بسرعه: لكن تحركتي بس لما صار الموضوع يخص ولدك صح!!!!!!!!!!!
جوري: خوله هذااااااا ما هو اسلوب تتكلمين فيه معي..
خوله: اجل ايشلون اكلمك يا ام يوسف.... تخلتي عنا واحنا في اسوء ظروفنا و رجعتي بس لما صار وضع ولدك سيئ و ما عاد في مجال ارجع له .. وبكذا تثبتين انك امه الحقيقيه و ما انتي امنا...
جوري نزلت راسها باسى: انا ما انكر اني ام يوسف الحقيقيه، و احبه كثير و جيت هنا حتى ارجعك له... لكن هذا ما يغير حقيقه اني احبك واحب اخوانك كثيـــــــــــر و اتمنى نرجع مثل ما كنا...
خوله: ان كان هذا صحيح ليش ماااااااا رجعتي ... ليش ظلتي متفرجه واحنا في اسوء ظروفنا....
جوري: انا كنت في المستشفى و...
خوله: اذا كنتي تظنين انا ما اعرف من متى انتي طالعه من المستشفى وايش بالضبط كنتي تسوين فانتي غلطانه..... ولا الانتقام من بوفهد كان عندك اهم مناآآ ..
جوري: انا ما انكر ان الانتقام من بوفهد كان هدفي من سنين و ابوك كان الشيء اللي منعني عنه... بس لما مات ..
خوله قاطعتها: قررتي تتابعين حياتك الاصليه ترجعين لولدك العزيز و تنتقمين من ابوه...
جوري: جزء من كلامك صحيح...... بس .. انا كنت اقدر انتقم من بو فهد و ارجع يوسف اللي كنت عارفه بمكانه و بالمعامله اللي كانوا يعاملونه فيها من زمان... بس ... بالنسبه لي كنتوا انتوا اهم بكثـبر .. و كنت عارفه اني لو بدأت رحله الانتقام راح ينعكس هذا الشيء على حياتكم و راح تتاثرون .. باي تصرف اقدم عليه.... و اختفائي من يوم وفاه ابوك هو اولا لاني كنت تحت تأثير الصدمه و ثانيا هو لاني لازم ارجع حقكم اللي اخذه بوفهد و ارجع لكم حياتكم من غير اي تاثير على حياتكم ووضعكم الطبيعي ... اقنعت نفسي بعد ما شفت تحسن حياتكم بانكم مانتوا محتاجيني وهو شيء راح يجنبني اي مواجهة معكم خصوصا بعد ما عرفتوا اني ماني امكم الحقيقيه...
خوله:و ما قدرتي تمنعين نفسك لما جاك ولدك العزيز يترجاك تكلميني حتى ارجع له...
جوري: خوووووووووووله للمره الاخيره اقولك... لا تكلميني بهذا الاسلوب.... يوسف من زمان و هو يطلب مني ارجع لكم بس انا كنت امنع نفسي بالقوه حتى يكون رجوعي هو بعد ما ارجع حياتكم مثل ما كانت بالضبط واحسن...
خوله: مستحيل ترجع حياتنا مثل ما كانت...... ابداااااااااآآآآآآ
جوري: خوله ظنيت ان كلمه مستحيل مالها وجود في قاموسك....
خوله: انتي اللي علمتيني هذي المقوله... ولللاسف كانت جزء من مجموعه كذب كثيره.....في اشياء كثير مستحييييييييييلها و اهمها انك تكونين ام لي بعد اللي صار
جوري: خوله.. انا ما كذبت لما قلت لك اني امك.... امك الحقيقه هي اللي عطتني هذا الاسم.. واللي طلبت مني هذا الشيء....
خوله: اذا كان هذا دافعك الوحيد حتى للتمسك بهذا الاسم فانا اريحك منه... انتي مانتي امي....
جوري: انا لا يمكن اسمح لك تطرديني من حياتك ماهو قبل ما انفذ اخر مهمه لي كام لك يا خوله...
خوله: واللي هي...؟؟؟
جوري بعيون غاضبه: انا لايمكن اسمح لك تدمرين حياتك اللي ظليت سنين احافظ عليها بزواجك من ابراهيم الـ...
خوله ضحكت وبعدها تحول ضحكها لبكاء: حراااااااام عليك..... ظنيت للحظه انك فعلا جايه لهنا لانك اشتقتي لنا.... بس والحقيقه هي انك خايفه على مشاعر ولدك العزيز...
جوري: انتي ليش كل موضوع ترجعينه ليوووووووووسف..
خوله: لانها الحقيقه انتي من البدايه كنتي مخططه اني اكون لولدك العزيز وبكذا تظمنين وجوده جنبك و له انسانه ربت على عينك...
جوري: يعني تعترفين انك ربتي على عيني وانا اللي ربيتك يا خوله...
خوله: كان جزء من عملك ...حتى يرجع ولدك لك...
جوري بقهر انفجر: قولي بعد اني ذبحت فيصل علشان تتزوجين يوسف..
خوله انصدمت : ايش؟؟؟؟
جوري رفعت حاجبها: اي انا اللي ذبحت فيصل طبعا بعد خطه ذكيه ورطت فيها شخص ثاني لما جهزت المسدس له و طلبت من فيصل يستفزه و يمثل دور الميت بعد ما يرميه بطلقه مزيفه بس الحقيقه هي اني جهزت مسدس حقيقي و بكذا مات... و انا اللي ذبحت فهد اللي كان مخطط يدمر حياتكم و اخيرا وليش اخرا عندي استعداد كامل اذبح ابراهيم هذا ان تزوجتيه... فاااااااااهمه..
خوله تناست كل الكلام و ركزت على نقطه: انتي اللي ذبحتي فيييييييييييصل؟
جوري بكل غرور: ايوه.. انا ...
خوله نزلت الدموع من عيونها : ليش؟؟؟ ليش...
جوري: لان فيصل كان مخطط يتخلص منك بالحادث و ياخذ كل فلوسك.... ولما فشل .. قرر يستخدم طريقه ثانيه وهنا كان لازم اوقفه لاني سبق وهددته ان اذاك فراح اذبحه .. وهو الشيء اللي راح اسويه لابراهيم اللي هو نسخه جديده عن فيصل......
جوري عطت خوله ظهرها بعد ما هددتها بذبح ابراهيم و دخلت بدوامه جديده: امي......لااااااااا جووووري ... ارجوك لا تتدخلي في حيااااااااااااااتي...
جوري: انا من الضروري اتدخل ان شفتك تدمرينها...
خوله: ومن تكونين حتى تتدخليييييييييييييييييييييييييييييين؟؟؟؟؟
جوري كانت تتكلم بقوه: انااااا... امك!!!!!!!!!!111
خوله بنفس القوه: لا مانتي امــــــــــــــــي
جوري القويه الشامخه اللي ما تخاف حست نفسها انكسـرت.. وبكل قوه من كلمتها:ليش .....ليش ياا خوله ليش تستمرييييييييييين في تجريحي....
خوله: لانك مانتي امي .. ومالك اي حق تتدخلين في حياتي ... عندك ولدك تحكمي في حياته كثر ما تبين زوجيه و تحكمي بزوجته كثر ما تبين..
جوري: يوسف ماله زوجه غيرك...
خوله هزت راسها بالنفي: لا... انا ما عدت زوجة يوسف لانه طلقني قبل لا اجهض بمعنى ثاني .. ما يقدر يردني الا بعقد جديد اوافق او لا... وهو شيء مستحيل اسويه....خصوصا بعد ما تسبب بموت طفلي... ابوه اخذه من امه ولدها وهو اخذ طفلي مني... كلهم من نفس الطينه ولازم اصير بعيده عنه حتى ما اصير مثلك... انسانه مغروره ظالمه ما تحب غير نفسهاااااااااأآآآآ
جوري وعيونها كلها دموع: انا كذاااااااااا يااا خوله..
خوله: ايــــــــــــــــــــــووووووووووووووووه
جوري ما عادت متحمله كلام بنتها القاسي حتى ما تنهار و تكسر صوره القوه اللي زرعتها فيهم طلعت بسرعه من البيت وهي تحاول تتمالك نفسها و تلاقت بخالد اللي كان توه داخل..
بصدمه خالد قال: انتي؟؟؟؟
جوري زادت صدمتها اكثر من كلمته.. ما كلف على عمره يقولها امي... سكتت وطلعت من البيت من غير لا تكلمه...
دخلت سيارتها و طلبت من السواق يحرك وهي حاله انهيارها و بدت تبكي و تبكي............
بحاله من الجنون دخلت لبيتها فتحت شنطتها و بدت ترمي ملابسها بجنون داخلها هنري استغرب دخولها المجنون و على طول ركض وراها: جوري الى اين؟؟؟
جوري بازمه بكاء وهي تدخل الملابس: لمستشفى الامراض النفسيه في لندن.... عند الدكتور جيمس للمكان اللي انتمي له...
هنري مسك يدها بس هي دفعتها بقوه: اهدأي ارجوك... جوري... ماذا جرى؟؟
جوري انهارت على الارض تبكي: لا اريد.... لا اريد ان اكون جوووووووووووووري... اريد ان اكووووون منيره..... منيرررررررره فقط....
هنري: جوري... شخصيه منيره كانت جزء من علاجك فقط... و ليست انتي.... تذكري هذا الشيء...
جوري: اعرف.... منيره و جوري شخصان مختلفان كليااا... جوري غنيه جميله ذات سلطه...لكنها لا تملك الحب الحنان الدفء و حب الناس لها... منيره كانت مريضه فقيره و ليس لها احد الا انها كانت محبوبه عطوفه رحومه... ارجووووووك هنري.... ارجوك اسمح لي ارجع منيره...
هنري: هذا مستحيل يا جوري... جسمك لن يتحمل العلاج مرتين.... وحتى وان رجعتي ... الجميع الان يعرف انك جوري... وان عدتي منيره لن تستطيع ان تدافعي عن اي من ابنائك الذين هم بحاجه لك....
جوري: ان مت خلال العلاج.. فالكل سيكون سعيد... وان عدت منيره وظلمني الناس قد يعود اطفالي لي..
هنري: جوررررررري...
جوري ركضت لمكتبها و اخذت ملفين: هنري خذ ا..... ن حدث لي شيء خلال العلاج اعطي هذا لبدر وهذا ليوسف...
هنري: هل استطيع ان اعرف محتوا هذه الملفات..
جوري: بدر هو المسؤول عن ابناء بوبدر و سيتولى ميراثهم مني بالتاكيد.... والثاني نصيب يوسف في ميراثي ايضا...
هنري: جوري... لا تقولي مثل هذا الكلام..
جوري: لا بأس يا هنري..... لكن ان حدث لي شيء... اخبر خوله... اني اسفه...
جوري اخذت شنطتها و مشت بترنح لسيارتها وعلى طول للمطار... ذكرى وحده كانت في بالها طول الطريق..
-
خوله ام السنه والنص كانت تحاول تقوم و تمشي بس ما كانت قادره بو بدر كان يساعد خالد و منيره مع خوله ، خالد كان يمشيء بسهوله و ابوه يضحك على خوله اللي ما كانت قادره تمشي
بوبدر: شفتي يا منيره خالد احسن من خوله..
منيره: حرررررررااااااااام عليك بنتي مسكييينه توها نتفه كل شيء فيها صغير شلون تبيها تتحرك...
بوبدر: حاووولي...
منيره مدت يدها لخوله من جديد بس ما كان في تقدم...
جوري مشت لعندهم وجلست شوي بعيد: هاااي...
منيره : اهلا يااا حبيبتي تعالي اجلسي معنا...
جوري هزت راسها و جلست جنبها: ماذا تفعلون؟؟
منيره: انا اتحدى صالح من افضل خالد ام خوله..
جوري ابتسمت وبدت تراقبهم حركت عيونها لخوله ومدت يدها لها: تعالي يا خوله!!!
خوله رفعت نفسها و كانت بتمشى بس طاحت و صرخت: ماما!!!!!
جوري توسعت عيونها و التفتت لمنيره اللي كانت مبتسمه: نادتني ماما؟؟
منيره: لانها تعتبرك امها... اكثر مني...
جوري اخذت خوله وضمتها لصدرها بقوه: بنتي... بنتي.......خوله...
-
-
-
الدموع نزلت من عيون جوري وهي تشوف نفسها تبعد عن البيوت في اتجاه المطار ان كانت خوله اللي روحها فيها واللي اغلى حتى من ولدها يوسف تكرها و حاقده عليها فما في داعي ابدا تستمر في الحياه.
-
-
-
خالد دخل عند خوله اللي كانت لافه وجهها ومتظاهره بالنوم: خوله مافي داعي للتمثيل انا عارف انك صاحيه..
خوله ضحكت بخفه ورفعت راسها من الوساده: من كنا صغار وانت تصيدني لما اتظاهر اني نايمه...
خالد بابتسامه: انتي ما تنامين الا على بطنك و غير هذا دايما تتظاهرين ... امي علمتني هذا الشيء...
خوله نزلت راسها باسي: قصدك جوري...
خالد: انا ما اسمح لك تنادينا بهذا الاسم..
خوله بصدمه: ايش؟؟
خالد: هذي الحرمه سواء كانت جوري جوزيف او منيره جاسر... تظل الحرمه اللي ربتنا و حبتنا من كل قلبها و
خوله: وام يوسف!!!!!!1
خالد: تتوقعين يا خوله انسانه بنفس مركزها و ثروتها ما كانت تقدر تنتزع يوسف من ابوها من سنين؟؟؟
خوله: ما ادري..
خالد: انا اقولك... امي فضلت تظل معنا احنا اللي ماحنا من لحمها ودمها على ولدها الحقيقي ... طول هذي السنين ولما فكرت انها تقربه منها ابتعدنا احنا عنها...
خوله: احنا ما ابتعدنا...
خالد: الا ابتعدنا... بعد ما عرفنا مكانها ليش ما في احد منا راح لها هااااااا؟؟؟ ظلينا ننتظرها هي تجي .... وهي فضلت تظل بعيده كحمايه لنا... بس في نفس الوقت كانت تتابعنا و مهتمه فينا من بعيد...
خوله باستغراب :مهتمه فينا..؟؟؟
خالد: تتصورين من اللي سهل موضوع وظيفتي هنا؟؟؟ و سهل الشغل على بدر و سمح لنا نحسن وضعنا الحالي.. بطريقه ما نحس فيها...
خوله: بس انا.......... انا يا خالد تاذيت كثير من يوسف...
خالد: خوووووووله يوسف زوجك انتي ومشاكل معه لا تدخلين احد ثاني فيها حتى وان كانت امه...
خوله: اناااااا ما ادري ايش لازم اسوي... احس نفسي تايهه وودي ارمي نفسي وهمي على اي احد .. حتى وان كانت امي اللي احبها...
خالد: خلينا ننتظر فتره وبعدها نرجع كل شيء مثل اول واحسـن...
خوله: الله يسمع منك يا اخوي... المهم اخبارك ايش مع حبيبة القلب؟
خالد ابتسم وجلس جنبها: تمام انسانه مرحه و حبوبه و تعرف متى تكون رومانسيه
خوله ضحكت : الله يوفقك معها و يكتب لك اللي فيه خيـر... ما ودك تسافر شهر العسل؟؟
خالد: اشلون اسافر واتركك في هذا الحال؟؟
خوله: بدر و وفاء موجودين و انا كلها يومين و بقدر امشي و امارس حياتي بشكل طبيعي...
خالد: مستحيييييييييييييييييييييل.... وفاء وبدر حالهم من حالي عرسااان جدد وحرام اروح واخليهم..
خالد بعد ما ضحك خوله طلع من عندها و مشى لغرفته...
خوله ابتسمت له رغم كل الالم اللي كانت حاسه فيه و رفعت موبايلها اللي كان واصلها على شاشته اكثر من رساله ....
امسحت من غير تردد رسايل يوسف ولا كلفت على عمرها تقراهم و فتحت رساله ابراهيم...
-
هلووو حبي كيفك.. اتمنى تكونين باحسن حال.....
لولا خوفي من اخوك المحقق كان جيت بنفسي و تطمنت عليك..... بس الحمد لله على كل حال.. والحين
قلبي... على الاقل قلت المده اللي كانت مانعتني عنك...
بعد كم اسبوووووع جاي اخطبك رسمي ... بس لا تنسين انا لايمكن اسمح لاي شيء يمنعني عنك...
ابراهيم..
-
خوله رجعت راسها للوساده و دخلت بدوامه تفكير عميق.... خايفه تسوي اللي اتفقت عليه مع خالد و يتورط مع ابراهيم و ياخذ نهى منه... وبكذا يتحطم خالد للمره الثانيه بعد ما شافت السعاده عليه معها....
مرت ذكرى في بالها..
( واحد راح ينجح لانك مصره و متمسكه فيه اما الثاني فمصيره الفشل لان تركيزك على واحد منهم معناه انه اهم من الثاني وانه ان تعارضوا مع بعض راح تختارين واحد منهم و ببساطه..((

خوله تنهدت: لما سموك سيده الحب يا ماغي ما كانوا غلطانين... عرفتي من البدايه اني راح اختار اهلي فوق حبي.... لان حبي لاهلي كان اقوووي... وانا الحين سعيده لانهم سعيدين و راح استمر في هذا الوضع على حسابي... حتى وان كان زواجي من ابراهيم انتحار...
ارسلت خوله الرساله لرئيسه النادي اللي هي عضوه فيه و حاولت تنام... بس هذا كان شيء صعب كثـير..