المنتدى :
الشعر والشعراء
سمعت صوتك واتصالك وفزيت
سمعت صوتك واتصالك وفزّيـت
وأنا من أول خاطري فيه ضيقـه
كنت احسب إني عن غرامك تخليت
ولأ إني اجحد فرحتـي والحقيقـة
واثرك سكنت بخافقي واستقريـت
وان المشاعر في بحورك غريقـة
يا مسرفٍ بالحال واش فيك صديت
من غيبتك وسط الضماير حريقـة
قصدك غلا ,, غالي ولو ما تغليت
نذر إنك اغلى من جميع الخليقـة
والله ما عمرك بغيـرك تساويـت
تفرق مثل نوض السحاب وبريقـه
المشكلة ما تـدري أنـك توليـت
على الجريح اللّي طريقك طريقـه
والمشكلة تخطي وتحسبني اخطيت
ومن الغلا لرضاك نفسي طليقـة
وأنت بجفاك وزود ظلمك تماديـت
كنك مثل ( شارون ) محدٍ يعيقـه
ظالم وفي ظلمك وطعنك توصيـت
واكبر غلط طعن الرفيق لرفيقـه
اغرقتني في بحر حبـك وقفيـت
حملت قلبي فـوق مـا لا يطيقـه
واليوم جيت وجابـك الله وهليـت
المشكة مشاعـري لـك رقيقـة
سمعت صوتك واتصالك وفزيـت
وأنا من أول خاطري فيه ضيقـة
|
14-06-11, 11:30 PM
جديد مواضيع قسم الشعر والشعراء
العرض العادي
