انا.......نسختي المعدلة

عندي امتحان قصير اليوم الظهر....وما عندي نية أدرسه لحد الآن.....
في مشروع ببالي بحاول أطبقه وماخد كل وقتي.......
متضايقة من الحلم اللي بتكرر من فترة.....وبيني وبين حالي بدعي ربي تمشي الايام الجاية على خير....
خايفة من المستقبل القريب...بعرف انه في اشي مو مزبوط ينسج لي في الخفاء....والله يستر....

هل من العدل أن تضعك الحياة في امتحانات تعلم تماماً أنك راسب فيها مع مرتبة الشرف؟!
ام أن العدل أن تقضي عمرك في محاولات لاعادة هذه الامتحانات التي لن تنجح فيها ليس لصعوبتها بل لعجزك عن فهمها ؟!!
هل من سخرية القدر أن تربح رهاناً في قضية خاسرة....طالما جهدت في محاولات ارباحها؟

.........وهل يجب علي أن أرفع الراية البيضاء معلنة انسحابي من الحرب قبل اندلاع معاركها؟؟؟

اليوم بمشوار الترويحة من الجامعة شفت اشياء اتنين غيروا روتين هالمشوار اليومي بالنسبة الي.....
الأول ضحكني......لدرجة سرحت معه حتى اوعيت للاشي التاني اللي فاتني اوله واللي طبعاً ضايقني.....
انتبهت لسيارة ماشية قدامنا صاحبها كاتب على الزجاج الخلفي بخط أبيض بالبوند العريض
"والله لما أكبر رح أفرجيكوا"......
يمكن الموضوع شوي تافه وما بستاهل أهتم اله بس جد شدني هالكلام خاصة لما ذكرني بانسان كتير كان بحكيها وانا حاليا فاقدته.....وصارت ذكرياتي ترجعلي ورحت بعيد بعييييييييييييد معها.... حتى صار صحيت على صوت فرامل السيارة اللي قدامنا اللي ضلت تلف اربع أو خمس مرات حول نفسها حتى بالاخير غرست بالتل القريب منها.....ما بنكر انه خوفي ما كان اقل من خوف ركابها.....بس اللي ضايقني اكثر شي انه السايق اللي جنبي واللي بكون "خالي" شرد بذاكرته لحادث قريب الشبه من اللي صار قدامه.....بس حاول قدر الامكان يتمالك اعصابه ع الاقل قدامي لكني بعرف تمام المعرفة انه عاش اللي صار من جديد.....

صباح النعس.....
صحيت على أحلى صوت زمان ما سمعته.....
أصوات عصافير بتغرد مع بعض بشكل رهيييييييييييب بس بجنن.....
الدكتور اعتذر عن المحاضرة الاولى....وقاعدة بكتب وبألف.....بكره وبعده عطلة.......وماما ستختلي بي لتجعل شغل البيت كل البيت من نصيبي......امنيتي اعرف متى رح ييجي اليوم اللي يحكولي فيه " تم تحريم الشغل للأبد"........
يبدو الي اني بحلم.......يا الله شو نعسانة......