المنتدى :
الأطباق الرئيسية
هلوله تفضلي ادام الربيان الهندي
السلام عليكم ورحمة الله وبركاته
اخباركم اهل المطبخ وعلومكم 
اليوم جبت لكم ادام الربيان الهندي اخذته من النت وطبعا ولابد الي مايعجبني يتم حذفه 
هالمره قلت لامي وشو له دايم سعوديين دام الوحده مايسفرونها تتجنس في الاكل
المقادير:
كيس ربيان حوالي 2 كيلو أو أقل
فلفل رومي أخضر او ملون يقطع طوليا
كركم مسحوق
فلفل حار مسحوق حق الاندنوسيات >> دام مافيه زول شغاله نجيب اكلهم خخخخ
بصلة واحدة مقطعة صغار
ثوم حوالي 3 فصوص مقطع شرائح
قرفة أعواد كاملة حوالي 4
فلفل أسود ملعقة كبيرة
علبة صلصة طماطم ( حوالي 3 م ك أو 4 حسب حجم الربيان)
ماء حار حوالي كوبين
ملح
جلجلان (كزبرة ) مقطع صغار>> وهذي بعد ماحطيتها مالي حيل اقطع فاستبعدتها
عصير ليمونه او ليمونتين
الطريقه:
طبعا الربيان الي جبته مجمد فاطلعه قبل اطبخه بفتره عشان يذوب
بعد مايذوب يخلط بالكركم(الكركم حوالي ملعقه ونص او ثنتين الا شوي) ويترك جانبا لمدة ربع او نص ساعه
في قدر القلي نضع الزيت ونقلي الفلفل الرومي وبعده نقلي الربيان في نفس الزيت
بعدين سلمكم الله تجيبون القدر او الصاج الي تبين تسوين فيه الادام وتحطين شوي زيت ثم البصل والثوم وتقلب الين يصير لونها اشقر
ثم نضيف القرفه والفلفل الاسود وشوي ملح (لاتكثرين الملح لان الربيان يجي مالح) ونخلط جيدا ونتركها 5 دقايق على نار هادئه عشان تختلط النكهات
ثم نضيف صلصة الطماطم والماء ونخلطهم ونتركهم شوي الين تتكون صلصه ثخينه متجانسه (يمكن زيادة الماء على حسب الحاجه)
ثم نضيف عصير الليمون والكزبره
ثم الفلفل الحار ثم الفلفل الرومي المقلي ثم الربيان ونخلطهم شوي ونتركهم على نار هادئه لمدة ربع ساعه
هذا شكلها وهي تطبخ >> لاتفوتكم فقاعات الطبخ
بعدها ذوقي بقطعة خبز المرقه الثخينه وعدلي طم الملح والليمون على حسب ذوقك
الشكل النهائي
هلوله محل مايسري يمري وان كان تبين حد من اهل ليلاس يشارك في الاكل ماعندي مانع
همسه : هلوله لايضحكون عليك ويقولون عشان الدوره نزلت الطبخه تراني متهاوشه مع فجوره و رورو
التعديل الأخير تم بواسطة ♫ معزوفة حنين ♫ ; 17-06-11 الساعة 03:21 PM
سبب آخر: اضاافة وسام التطبيق المميز في الدورة ..
|
13-06-11, 06:05 AM
جديد مواضيع قسم الأطباق الرئيسية
العرض العادي
