.
.
القسم الثاني من البارت السابع والعشرين
ــــــــــــــــــــــــــــــــــــــــــــــــــ ـــــــــــــــ
عند صالح
منزل راسة على مقود السياره....ودموعه تنهمر من عيونه بعضها تبلل خده وبعضها تسقط على موضع نظراته
شعوره صعب...خليط بين الم استبدل بـ الامل اللي كان يشعر به والحزن اللي استبدل بـ السعاده والفرح اللي كان يشعر بها
والحرمان والفقدان...لاغلى ماسكن قلبه...امه..
حس بالباب يفتح....فرفع راسه...ناظر عبدالله وملامح وجهه واضح عليها الخوف والرهبه
ماتكلم...ورجع ونزل رأسه واسنده على الطاره(موقد السياره)...
سمع عبدالله يتكلم بنبره بان عليها القلق
عبدالله:صصالح...ارفع راسك...كـ كـلمني..
رفع صالح راسه بحركة بطيئه و بجمود ناظر عبدالله وقال بصوت مبحوح:وش تبي تكلمني فيه؟؟
ببيت ام صالح
" يمه...مايجوز تقابلين صالح لانه موولدك ومايحل لك؟!!"
ارفعت ام صالح نظراتها لـ مرام وعيونها تملاها الدموع وبكلام متقطع قالت:شـ شـ ـلــ ـ ـ ـون ما..مـ. . .ـا..يحـ..ـل لـ. . . ـي وانا
خـ ـ ـ ـالته من الرضاعه.!
قالت مرام بصدمة بانت على وجهها:هاه..(واكملت وهي تضرب جبينها قهر على انها ما فكرت بأن ام صالح تصير خالة صالح من الرضاعة لان امها(ام عبدالله) ارضعت صالح)..عبدالله راح لصالح بعد ما قلت له ان صالح مايـ...
قاطعتها ام صالح وقالت وعيونها ونظراتها تتنقل بين ساره ومرام ومها الموجودين حولها:اتصلي على عبدالله...اتصلي...
التقطت مرام الجوال بسرعه واتصلت على عبدالله...وبعد عدة رنات سمعت صوته اللي واضح عليه التعب...!!
عبدالله:الوو
مرام ببتسامه و بصوت بان عليه الفرحه:قول لصالح يجي...امي تنتظره...!!
عبدالله بحيره وتساؤل:بس...كيف يجي وهو
قاطعته مرام بفرحه حسها عبدالله من صوتها:امي(ام صالح)تصير خالتة صالح لان امي رضعة صالح... يعني تجوز له...تحل له ياعبدالله...وكلامي كان كله غلط...غلط ياعبدالله..!!!!!
عبدالله بفرحه وسعادة لاحدود لها:اللحين جاي...اللحين..!!
بعد ماسكر عبدالله المكالمه...مسكـ يد صالح اللي علامات الاستغراب ملت وجهه.؟!
قال عبدالله وهو يسحب صالح:تعال..نروح لامي...امي تبي تقابلكـ مشتاقه لك...
صالح بـ صدمه من انقلاب وتغير حال عبدالله وكلامه:شلون اقابلها..و..
قاطعه عبدالله وقال:انسى كل الكلام اللي قلته لك...امي او خالتي(ام صالح) تصير خالتكـ لان امي(ام عبدالله) رضعتكـ..
صالح بصدمه وتفاجئ:هاه...
سحب عبدالله صالح اللي ما استوعب الكلام اللي سمعه واللي الفرحه اخرست لسانه..ونزله من سيارته وركبه سيارته(سيارة عبدالله) ورجع وسكر سياره صالح...ورجع لسيارته وحرك متجه لبيت ام صالح؟!!
امام غرفة غاده
اخذت غدير الولد من يد ابوها اللي اخذ الولد من حمد الساهي والشارد واللي مسافره ذاكرته لقبل عدة سنوات
يتذكر شكلها...بشرتها السمراء...شعرها الاسود اللامع...ملامح وجهها...يتذكر كل مافيها.؟!!
كان كلها يومين ويتسكر عليهم باب...كلها يومين وبعدها يقضون شهر عسل مع بعض...كلها يومين ويصبح اسعد انسان بـ هالدنيا
لكن.... كل حساباته اخطأت وآماله انهدمت واحلامه راحت معها.. بعد ما قالو له انها توفيت بحادث.!!
قبل يومين من يوم الزواج توفيت بحادث وانتهت...وانهته معها...هي اصبحت ميته..وهواصبح حي لكنه بداخله ميت.!!
"حمد...حمد..."
نداءات ابوغاده وعته من ذكرياته الحزينه...وقال:هلا...
ابوغاده:خلاص اجي بكرا لشركه...و...
قاطعه حمد بشرود:لالالاتجي...انسى كل شي قلته لكـ...(وقال وهو يبوس راسه ابوغاده)واعذرني ياعمي على تصرفاتي معكـ.!!
قال ابوغاده بـ استغراب من تصرف حمد المفاجئ له حمد ولد التاجر الكبير يبوس راس احد موضفينه:معذور...بس..وش فيك غيرت رايك؟؟
حمد:مافيني شي..بس..بس ماله داعي اللي قلته لكـ....و..و..يالله مع السلامة..!!
مشى حمد وهو يفكر باللي اخذت عقله وقلبه بلحظه...باللي ذكرته بحبيبته اللي ماتت وتركته...باللي نسخة طبق الاصل من حبيبته.!!
امام بيت ام مشعل
وبسيارة عمر اللي جاء يمر ام مشعل لان مشعل مايرد... عشان يروحون لـ احدى الصيدليات....
ام مشعل راكبه بالمقعد الامامي اللي بجانب مقعد السواق...وشوق راكبه بـ احد المقاعد الخلفيه...
وماقدرت تكتم وجع والم الحراره اللي بجلدها...وبدت تتوجع...!!
وام مشعل تقول اصبري....وعمر نظراته متعلقه بالمرآة اللي تعكس منظر شوق..!!
عند وليد
منسدح على الارض وحاط يدينه خلف رأسه ويفكر...ودموعه تملى عيونه...ويحس بندم على ما فات...وتفاؤل للجاي..
اليوم سمع خبر كان قوي ومؤلم ومؤثر بنسبه له...خبر قتل رامي واعدام ناصر.!!
حمد ربه...ان اهتدى قبل ما يفوت الآوان...قبل مايروح لربه...وهو يحمل معه اثقال واحمال من اعظم واكبر الذنوب
قبل ما يندفن بقبره...ويصبح قبره اما روضه من رياض الجنة...او حفرة من حفر النار.!!
تذكر بلحظة كل ذنب وفعل سواه...وبلحظة تذكر كل شخص اساء له وحطم حياته...
اولهم امه...وخواته...كيف كان يعاملهم...تذكر لما كانت امه مريضه وهو ولا همه..وكأنها مب الانسانه اللي حملته ببطنها تسعة اشهر...
وكأنها مب اللي ضحت بحياتها وذلت نفسها بعد وفات ابوه عشان تعيشه احلى عيشية وتوفر له كل اللي يحتاجه.!!
كان يسئ لها ويعاملها مثل الخدامه ويمكن اسوء...لما كان يشتمها... تدعي له....!!
تذكر البنات اللي لعب عليهم...منهن اللي راحت لـ هالطريق بـ ارادته ومنهن غصبن عليه.!!
تذكر البنت اللي كانت تبي تنقله الايدز...واللحين ماتت..تذكر كل ماضيه وفعايله
قرر في نفسه ان يصلح لو جزء بسيط من اللي اهدمه وحطمه.!!
ببيت ام صالح..
وامام باب البيت الخارجي..
الكل جالس عند الباب ينتظرون صالح...متعطشين لجيته..ومتلهفين للقياه
مها وساره اللي متغطين بـ جلالاتهم...ومرام اللي ماسكه يد ام صالح اللي القلق والتوتر للحين مالي قلبها..!!
نظرات ام صالح تنتقل بين االباب وبين مرام ومها وساره...!
مشتاقه له...شوق ماله حدود..شوق ام لولدها اللي ماحملته...شوق ام لودها اللي انحرمت منه....ودها تضمه...تلمه..لعل وعسى...تطفي نار اللهفه والشوق اللي بداخلها..!!
انفتح الباب وبدأت دقات قلبها بالتزايد والتسارع...تحس ان الكل يسمع دقات قلبها...!!
دخل عبدالله...وهو يقول:صالح ادخل...
دخل صالح بخطوات بطيئه...وبملامح جافه..وبجسم مرتجف..وهو منزل نظراته للأرض ودقات قلبه اشبه بطبول.!!
رفع نظراته شاف...امه.. اللي افتحت يدينها وكأنها تقول تعال بضمكـ بروي عطشي بقربكـ...امه اللي عيونها ملتها الدموع وجسمها اللي يرتجف رجفة خفيفه... امه اللي انحرم منها...امه اللي مشتاق لها....امه اللي مايغلي احد كثرها..!!
اسرعت خطواته واقدامه...متجه لـ ام صالح...اللي اسمه واسمها مقترنين مع بعض من سنين..!!
قرب منها....ولمها وضمته بقوه...دموعه نزلت وبللت راسها وهو ضامها...قال بصوت متقطع باكي:اشـ...تقـ...ـت لكـ يـ ـ ـ ـمـ ـ ـه
قالت ام صالح وهي تلمس عدة اجزاء من جسم صالح بيدنيهاتبي تتأكد ان اللي قدامها صالح...ان اللي ضامها صالح...ومحد غير صالح
وبنبره حزينه باكيه:وانا اكثر ياوليدي...وانا اكثر..!!
ظلو ضامين بعض لثواني ويبكون...ويبكون اللي حولهم...
ساره اللي ارتمت في حظن مها وهي تبكي...عبدالله اللي مانع دموعه من النزول...ومرام اللي تبكي بشده.!!
قالت ام صالح وهي تناظر صالح وتدقق بتفاصيل ملامح وجهه بعد ما قامت من حظنه وبنبره باكية:
اوعدني ياوليدي انكـ ماتذوقني مر فرقاكـ
اوعدني يا صالح انكـ عني ابد ما تروح
اوعدني انك تبقى معي وانا ابقى معاك
اوعدني انك ماتزيد فوق جروحي جروح
قال صالح وهو يبكي بشده:
اوعدكـ يايمه اني ابقى طول العمر وياك
اوعدكـ اني ابني لك من الغلا صروح
اوعدكـ اني بالحب والفرح اروي ظماك
اوعدكـ يالغالية اني عندكـ ابد ما اروح
عند مشاعل وعبدالمجيد
"عجزت انساها...من اول مارجعت لسعوديه وانا احاول انساها ...لكني ماقدرت لـ درجة اني اناديك بـ اسمها...مشاعل....ابي..ابيك انتي تنسيني اياها...!!"
انصدمت مشاعل من كلام عبدالمجيد وانخرس لسانها ماتدري وش تقول...اركضت وتركت عبدالمجيد اللي حط يده على الجدار بعد ماراحت....فكرت بكلامه...هو يبي ينسى وهي تبي تنسى...هو محتاج لها وهي محتاجه له...كلهم مرادهم شي واحد..مرادهم انهم ينسوون ماضي حبهم...ويعيشون حاظر ومستقبل كله حب وفرح وسعاده..!!
ببيت عبدالعزيز...
وبغرفة نورة...
جالسة على الكرسي ونظراتها متعلقه بالارض ودموعها تنزل من عيونها وتبلل خدودها
اليوم بتروح ام عبدالعزيز بتخطب لـ زوجها...اليوم راح يكون بداية عذاب جديد لها...بداية دخول امرأة لعالمها هي وعبدالعزيز..!!
"فقدت الكل...مستحيل افرط بـ عبدالعزيز...هو اللي بقى لي بـدنيتي"
قالتها بنفسها وهي تمسح دموعها...
ارفعت نظراتها...شافت عبدالعزيز عند باب الغرفة متجه لمها...
على طول امسحت اثآر الدموع والبكي...وقامت من مكانها...
قرب عبدالعزيز لها...وطالع فيها ولاحظ انها كانت تبكي...وقال وهو يناظرها:نوره...ليه تبكين؟!!
قالت نوره وهي تنزل راسها ونظراتها للأرض:لالا...بس....تـ تـذكرت جدتي.!!
عبدالعزيز:نورة...ياحبيبتي..ترا البكي مب مرجعها...ادعي لها احسن من هالبكا...
قالت نوره والدموع تملى عيونها:غصبن علي ابكي لاتذكرتها...هي الوحيده اللي كانت باقيه لي بـ هالدنيا...واللحين راحت
عبدالعزيز بحنان :نوره...وانا وين رحت...انا زوجكـ وحبيبكـ وصديقكـ...وامي اعتبريها امكـ...
قالت نوره بنبره صوت حزينه ودموعها تسقط من عيونها:لو انكـ مثل ماتقول زوجي وحبيبي وصديقي...كن ما تروح تخطب عشان تتزوج علي.!!
عند ريما وخالد
".ريما ارجوكـ...خلينا نعيش مثل كل الازواج...لاتهدمين حياتي وحياتك بسبب عناد..وبسبب صديقتكـ اللي كانت تحبني واللحين تزوجت"
ريما:خالد...يكفي...اطلع برا...خلني بلحالي.!!
خالد بغضب وبصوت شبة عالي:لا ماني مخليكـ...لين تجاوبيني وتحددين مصيري معاكـ...يااني انا اطلقكـ وكلن يروح بحال سبيبله او نعيش مثل أي زوج وزوجته...لآني صراحةً مليت من هالعيشه...
ريما بنبره باكيه:خاالد قلت لك يكفي
خالد بغضب متزايد:لا مايكفي..جاوبيني تبين تعيشين معي ولا تبيني اطلقكـ وادور لي زوجة غيركـ تقدرني وتحبني وتحترمني.!!
امام احد المستشفيات
طلع مشعل...من المستشفى..بخطوات بطيئه..
وصل سيارته وفتحها وركب...ودعا ربه ان نتائج التحاليل اللي بتطلع بعد يومين تكون ايجابيه...شغل السياره وحركـ..!!
ــــــــــــــــــــــــــــــــــــــــــــــــــ ــــــــــــــــ
انتهى...
وحبيت اوضح بخصوص سالفة الرضاعة...
قال النبي صلى الله عليه وسلم : (يَحْرُمُ مِنْ الرَّضَاعِ مَا يَحْرُمُ مِنْ النَّسَبِ)
اي بمعنى مثل ما انت محرم لخالتكـ اخت امكـ تكون محرم لخالتكـ من الرضاعة
وانا ما افتي بـ هالشي...لكني هالكلام اخذته من كلام النبي صلى الله عليه وسلم وفتاوى احد العلماء...

القسم الثاني من البارت الثامن العشرين
ــــــــــــــــــــــــــــــــــــــــــــــــــ ـــــــــــــــــ
لف الشاب راسه يمين ويسار بخوف وبحركة سريعة...قرر يمشي يمين..لكن وليد مسكه بقوه ووقفه..ونادى احد رجال الهيئه بصوت عالي..
جآئو اثنين من رجال الهيئه ومسكو الشاب بقوه وبـ احكام وشكرو وليد على مساعدته لهم وطلبو منه يدليهم على الاماكن المشبوهه مثل ما دلاهم على هذي الاستراحة.!
ببيت ام صالح
وعند صالح وام صالح
صالح بتردد اكثر:يـ ـاسـ سـمين...بنت ام مشعل...ضرتكـ.!!
فتحت ام صالح عيونها بصدمه ونزلت راسها وقالت بعد سكوت دام دقائق:انت تبيها وشاريها
صالح بصوت واطي وضح عليه التردد:ايه..يمه.!!
ام صالح:طيب...نحدد موعد معهم عشان نروح نخطبها لك
باس صالح راس امه من الفرحه وابتسمت ام صالح لفرحة صالح رغم انها وافقت مجبوره لاجل سعادة صالح.!!
بـ احد المستشفيات
الدكتور:شاك انه في جسمكـ ورم سرطاني.!!
جمدت ملامح مشعل بصدمه وقال بعد ثواني من السكوت بصوت واطي:طيب...دكتور لو احلل متى تطلع نتايج التحاليل..
الدكتور:يومين ثلاث اربع ايام بالكثير وتطلع..
مشعل بحزن:طيب دكتور ممكن تجيب لي التحاليل اللي سويتهم عشان اعرضها على دكتور ثاني...
الدكتور:طيب
مشى الدكتور وجلس على كرسي مكتبه وقبل ما يفتح الدرج رن التفلون الموجود فوق طاولة مكتبة...مد يده ورفع السماعه...وسكر بعد ماقال لاحول ولا قوة الا بالله.!!
فتح احد الدروج بهدوء ارعب مشعل..وجلس دقايق يناظر في الاوراق الموجوده بالدرج وطلع ورقة..وناظرها وقال لمشعل:اعذرني اخوي اكتشفت اني غلطت بتحاليلكـ..(وقال وهو يمد الورقه اللي ماسكها بيده لمشعل)
هذي ورقة تحاليلك الصحيحه..والحمدلله انت سليم ومافيكـ شي..لكن للأٍسف انت غير قادر على الانجاب.!!
مشعل بعدم اتسعياب:دكتور فهمني...مافهمت؟!!
الدكتور:مافي وقت افهمك...لان صاحب التحليل اللي كنت احسبه لك اغمي عليه في احد الممرات
مشى الدكتور وخلى مشعل اللي للحين ما استوعب..!!
في مكة المكرمة وفي الحرم المكي وفي الصفا والمروى
راكبة مشاعل الكرسي المتحرك(العربانه ) وعبدالمجيد يدفعها بسرعه
صرخت مشاعل وهي تقول:وقف...وقف..بمشي برجولي
ضحك عبدالمجيد وقال:مو انتي تقولين رجولك توجعك؟؟
مشاعل:وجع رجليني اهون من هالرعب اللي احس فيه اذا اسرعت بي..
عبدالمجيد:خلاص ماني مسرع بكـ..لاتنزلين..
مشاعل:وعد؟
عبدالمجيد ببتسامة:وعد
مشاعل: بخوف وبعفويه:لالالا بنزل ابتسامك ماتبشر بخير..تراني اخاف على نفسي..!!
قال عبدالمجيد وهو يدفع الكرسي المتحرك ويمشي:وانا اخاف على نفسك اكثر منك.!!
بعد ساعتين
وبيت ام صالح
وبصاله
ام صالح وام عبدالعزيز جالسين بصاله ومها ومرام متخبين ويتسمعون...
قالت ام عبدالعزيز بهدوء:انا اليوم جايه اخطب مرام..لولدي عبدالعزيز..وان شاء الله ما اطلع الا وانا سامعتن اللي يسرني
ابتسمت ام صالح وقالت بفرح وضح على ملامح وجهها:ان شاء الله...اشوف راي البنت...وارد لكـ...
ام عبدالعزيز:بس يا ام صالح قبل ما تأخذين راي البنت لازم اقولك ان ولدي متزوج من بنت عمه نوره..
ناظرت ام صالح ام عبدالعزيز بنظرات حاده:دامه متزوج ليه بيتزوج مرام.!!
نزلت ام عبدالعزيز راسها بـ احراج وقالت بهدوء:عبدالعزيز ولدي كان بيآخذ مرام من مده طويله لكن اللي اخرة (وقالت بعد ما اخذت نفس طويل)لما رحنا للقرية جلسنا مده وتوفيت خالتي..لكنها قبل ماتتوفى الله يرحمها
وصت عبدالعزيز يتزوج نوره بنت عمه وهو ماقدر يخالف وصية جدته وتزوجها
قالت ام صالح بعد تفكير:والله يا ام عبدالعزيز انا ما ارضى ازوج بنيتي مرام لواحد متزوج
وقبل ما ترد ام عبدالعزيز على ام صالح طلعت مرام من مخبئها وقالت بتسرع:بس انا راضية.ّ!!
بشركة ابوحمد (الله يرحمه)
جالس شاب عشريني بمكتب المرحوم ابوحمد ويناظر المكتب الفخم بغرور وجالس بـ احدى الكراسي القريبه المحامي الخاص للمرحوم...
فتح حمد الباب ودخل المكتب وناظر بـ استغراب لشخص اللي جالس بالمكتب...
حمد بتسأول:عفوا..اشوف الاخ مآخذ راحته.!!
المحامي:اجلس ياحمد عشان تتفاهمون..!!
حمد بغضب:وش تفاهمه...معقوله بعد كل هالسنين يطلع لنا اخو..!!
ريان(اخ حمد):شوف..انا بقولها من الاخر...انا جاي اخذ ورثي من املاك المرحوم وامشي...لان وقتي ثمين وماودي اضيعه
قاطع حمد ريان بعد ما نااظره بنظرات وضح عليها الغضب وقال:كن لك حق بتأخذه..لكن بعد ماتسوي التحاليل اللازمه وبعد ما نتأكد من صحة الاوراق اللي معك..!!
قال ريان بتخوف وضح على ملامحه ونبرة صوته:اي شي..تبيني اسويه انا مـ ـستعد له...اهم شي اخذ ورثي بالكاااااامل.!!
في بيت ابوخالد
صعد خالد الدرج وهو ماسك يد ريما بعد ما سلم على امه وابوه
قالت ريما بصوت واطي:اتركني..!!
خالد:مو انتي زوجتي بس عند اهلي...وانا لازم استغل الوقت اللي تكونين فيه زوجتي.!!
ببيت ابوغاده
دخلت ام غاده عند غدير وغاده
وجلست جنب غاده وقالت بهدوء:يابنيتي ياغاده..تو ام عمار كلمتني...وقالت لي شوفي راي بنتك غاده لانها ودها تخطبك لولدها مرزوق
قالت غدير مازحة:والله سوقك ماشي ياغادة...ابوحمد ماله مده طويله متوفي وانخطبتي
ناظرت ام غاده غدير نظراته اسكتتها وقالت لغاده:هاه يمه وش رايك؟؟
ــــــــــــــــــــــــــــــــــــــــــــــــــ ـــــــــــــــ