كاتب الموضوع :
♫ معزوفة حنين ♫
المنتدى :
القصص المكتمله
القسم الثاني من البارت السادس والعشرين
ببيت عبدالعزيز
وبغرفه ام عبدالعزيز
جالس عبدالعزيز بطرف سرير امه المنسدحه على السرير
قال عبدالعزيز لـ امه:يمه ابيك تروحين بكرا لـ اام صالح عشان تكلمينها بخصوص مرام...
ام عبدالعزيز:ان شاء الله بكرا اروح...بس مو كأنك مستعجل..
عبدالعزيز:يمه..انتي تدرين اني اتمنى مرام تكون زوجة(ن) لي من يوم وانا صغير..واللحين جاء الوقت اللي تصير مرام فيه زوجتي..
وفجأه انفتح الباب...ودخلت نوره.!
رفع عبدالعزيز نظراته لـ نوره وهوخايف و متفاجئ من دخولها
استوطنت الراحه قلبه لما شاف ملامح وجههاماتدل على انها سمعت شي ازعجها او ضايقها....
كانت لابسه بيجيامه قطنيه ورديه وبيدها كاس ماء وبيدها الثانيه حبوب
مشت نوره لـ سرير ام عبدالعزيز بخطوات طويله بطيئه ..وحطت كأس الماء على الطاوله اللي بجانب السرير وبملامح جامده ماتعبر عن أي شي مدت الحبه لـ ام عبدالعزيز وهي تقول"خوذي ياخالتي موعد حبوبك" وبعد ماوضعت ام عبدالعزيز الحبه داخل فمها مدت الماء....
ناظرتها ام عبدالعزيز بنظرات عطف وشفقه ماقدرت تخفيها وقالت:جزاك الله خير يابنتي..
قالت نوره وهي تحاول ماتبين حزنها والمها وصدمتها:هذا و..واجبي ياخالتي
مشت نوره بخطوات قصيره بطيئه متجه لـ الباب..
وبعد ماطلعت نوره من الغرفه..التفت ام عبدالعزيز الـ عبدالعزيز بملامح عابسه وقالت:شلون بتتزوج عليه....ذي اذهبه لازم تصونها ياوليدي.!!
ناظر عبدالعزيز الارض...بدون مايرد على امه...لانه ما عنده رد او جواب...لانه يدري ويعرف ان نوره مافي مثلها..لكنه.!!
يحب ويعشق مرام...وما ظن ان نوره بتدخل حياته وتقلبها رأساً على عقب...وماظن ان نوره راح تكون هي العثره اللي راح توقف امام حبه لمرام...وماظن ان هالعثره راح تكون صعبه ومالها ذنب ....وان القدر هو اللي حطها بـ هالموضع
وده يحقق حلم وحب الطفوله...اللي كل يوم يزيد..ويزيد...ويزيد
وبنفس الوقت ماوده يظلم البنت اللي فقدت كل شي..امها وابوها وجدها وجدتها...البنت اللي بدأت تحتل وتملك مكانه بقلبه.!!
بغرفه نوره
منسدحه على جنبها بالسرير...
والدموع متجمعه بعيونها...وملامحها كاسيها الحزن...وتقول بنفسها بألم..
"شلون بيتزوج علي...وش قصرت فيه انا...عشان يتزوج علي... بيتزوج علي بعد ما حبيته وتعلقت فيه"
"طيب ليه ماقالي اني زوجة مؤقته...ليه..ليه ماقالي عشان ما احبه وابني معه حياة وآمال طلعت وهم وسراب.."
"اكيد البنت اللي بيتزوجها بباله قبل لاياخذني...بس..مستحيل اخليه يتزوج علي...انا موانانيه...بس انا احبه..احبه"
اطلقت آهه موجعه وقالت بصوت مسموع وموجع.. ودموعها تنزل"ليتكـ عايشه ياجدتي"..!!
استغفرت ربها ومسحت دموعها بطرف احد اصابعها وهي تتذكر كلام ام عبدالعزيز"تزيني له...خليه يتعلق بك...لاتتركينه...عوديه على اهتمامك فيه وتدليعك له...وكل كلمه قالتها..."
قررت في نفسها..انها تزيد هالـ اهتمام وتحاول تبين له حبها الدفين...لانها تظن انه اذا حس بحبها راح تقدر تشيل فكرة الزواج من باله
او على الاقل يعطف ويشفق عليها...ومايتزوج.؟!!!!!!!!!!!!!
قطع حبل افكارها عبدالعزيز اللي جلس جنبها و حط يده على كتفها...
اول ماحست بلمسته تعدلت وهي مخترعه وناظرت عبدالعزيز بحيا
وقالت ببراءتها الطفوليه اللي اسرت عبدالعزيز :عبـ عبـدالعزيز..
ابتسم عبدالعزيز على شكلها وقال بمرح:ليكون شايفه جني...
قالت نوره وهي تحاول تبعد كل هالـ افكار المتزاحمه والمتناقضه عن فكرها وحمرة الخجل بدت تغزو وجهها:لالالا بس كنت لاهيه...
ضحك عبدالعزيز وقال:من اللي مشغل بالك..
نزلت نوره نظراتها وقالت بنفسها"حاولي تبينين له مشاعرك....حاولي.."
ارفعت راسها وناظرت بعيون عبدالعزيز نظرات يشع منها حب صادق نابع من قلبها وقالت بحزن:ومن بيشغل بالي...امي وابوي وجدي وجدتي ماتو...مابقى احد يشغلي بالي..الا انت.!!
انصدم عبدالعزيز من جملتها وقال:استهدي بالله يا نوره...هذا ابتلاء من ربك...
ماردت نوره عليه وكان ردها انها ارتمت بحظنها وهي تبكي..
زاد عبدالعزيز من حظنها وهي يقول بنفسه:لاتخافين يانوره ماراح تنضامين وانتي عايشه معي"
ببيت ابوناصر.....وبغرفه ملاكـ..
ناظرت ام ناصر ملاكـ وملامح وجهها مصدومه ومذهوله...!
ولدها مات....ولدها انقتل...ولدها انعدم.!!
ملت الدموع عيونها وشفايفها ارتجفت وقالت بنبره حزينه والصدمه للحين مستوطنه ملامحها:وش وش تقووووولين....انتي...شلون ولدي يموت...ليه ابوك ما اعطاهم فلوس...كل هالفلوس وماقدر يساعد ولده....ليه ماعلمتوني...كل ذا يصير وانا كني مو في هالبيت
(واكملت وهي تلطم خدودها وتبكي) الله لايوفقك يا حمود(ابوناصر)...الله لايوفقك...
وبـ هالـ اثناء دخل ابوناصر وقالت بغضب:انتي تحسبين كل شي بالفلوس....ماتقعدين مع عيالك..سوق واعراس وسفرات...وتقولين ليه وشلون بعد...هذا انتي اللي فالحه فيه....
ارفعت ام ناصر نظراتها لـ ابوناصر وقالت :هذا انت ماتحب تكون انت الغلطان...لازم تلقي الوم علي...
وبدأت رحله القاء الوم بين ابوناصر وام ناصر...
وانتهت بعد ما قال ابو ناصر جملته اللي اصدمت ملاك وام ناصر"بدددددرريه(ام ناصر) انتي طالق"
انصدمت وتفاجئت من هالكلمه..ابوناصر طلقها...زوجها...عشرة هالسنين....طلقها.!؟!
قالت وهي تحاول تتماسك وماتنزل دموع القهر والحزن:تطلقني ياحمود..اطلقني..بعد ماخليتك تلعب بفلوس لعب.....
قاطعها ابوناصر وقال:تذليني على هالكم فلس اللي سلفني اياهم ابوك...
ام ناصر:هالكم فلس اللي تقول عنهم...هم اللي خلوك تملك هالشركات وهالبنيات وهالـملايين...
وبوسط صراخ ابوناصر وام ناصر لبعضهم
اصرخت ملاك بصوت عالي باكي:بـبـبـبـبـسـسـسـسـسـسـس....كفايه....حتى بعد موت ناصر تتهاوشون....حرام عليكم دمرتونا.!!
بـ احد قصور الاعراس
وعند ام مشعل..
ام فهد: صحيح هو تزوج...بس الشرع حلل له اربع.!!
قامت ام مشعل من الكرسي اللي كانت جالسه فيه وقالت بـ انزعاج واضح:انا ما ارضى بنتي تكون ضرة(ن)لحد
ام فهد:وش فيكـ قمتي...وش فيها اذا صارت ضرة...مو يقولون الحب يطلع على بذره...خليها مثلك
ناظرت ام مشعل بـ ام فهد نظرات استحقار وقالت وهي تحاول تكم الغيض اللي بداخلها:مانب راده على وحده مثلك..ودوري غير بنتي تتزوج ولدك...
مشت ام مشعل واتركت ام فهد اللي افتشلت وانحرجت من كلام ام مشعل اللي عرفها...بقدرها وحجمها..!!
بـ احد مستشفيات الولاده
طلعت احد الممرضات من غرفة العمليات...
واسرع ابوغاده للممرضه وقال بخوف وقلق:وشلون بنتي..
الممرضه:مبروك بنتك جابت ولد...
ابوغاده بـ ازدياد الخوف والقلقل:طيب بنتي وشلونها..
الممرضه:بنتك بخير..
رفع ابوغاده يدينه للسماء وحمد ربه من كل قلب:احمدك يارب
بكرا
وبـ احد الفنادق...وعند ريما وخاالد
قام بضيق من الكنب اللي نايم فيه وهو يحس ان جسمه متكسر...
التفت لـ السرير شاف ريما مغمضه عيونها واستنتج انها نايمه....كان شكلها ساحر وفاتن....انقاد لها بدون مايحس بنفسه...
جلس على طرف السرير...وهو للحين يناظر ويدقق بتفاصيل ملامحها....ماحس بنفسه وهو يستلقي جنبها ويقرب منها...
حست بأنفاسه تلفح وجهها...وندمت انها مثلت النوم ومافتح عيونها من اول شي ...قررت تفتح عيونها...لكنها ترددت ومافتحت عيونها..فكرت لو فتحت عيونها راح تسبب احراج لخالد ولها..
ظلت مغمضه عيونها وقلبها يدق بسرعه و جسمها يترجف رجفه خفيفه...زادت الرجفه لما حست بشفاة تقبلها...
وزدات دقات قلبها لما سمعت كلام خالد..."آه.... لو تحبيني كثر مااحبك"
ببيت ام مشعل
وبالدور العلوي...
مشى مشعل متجه لـ غرفة ياسمين وشوق...
فتح الباب...ودخل.!!
شافها نايمه ومتلحفه بالبطانيه ومابان وجهها مجرد جسد مستلقي.!؟
توجه لسرير...وقرب..وحط يده على جزء من جسدها... وبدأ يهزها بحركه بطيئه ..وقال:ياسمين...قومي...ياسمين..!!
حست بضيق وعدلت من وضيعتها...تفاجئ...حسبها ياسمين...ماتوقع انها هي...وش يجيب هيفاء الـ بيتهم..!
انصدم وانبهر من جمالها الساحر الفاتن...معقوله كل هالجمال متجسد بـ انسانه ...بـ زوجته..!!!
ماتحرك من مكانه...جلس يتأملها بهيام واضح...صحيح انه شافها يوم الملكه...لكنها كانت مجرد لمحات..!!
لما حس بحركه قريبه ركض متجه لخارج الغرفه....وعند باب الغرفه لقا ياسمين..!!
ناظرت ياسمين مشعل بـ استغراب واندهاش"وش جايبه للغرفه"
جاوبها مشعل وهو ضايع:هاه....جيت بقومك مادريت ان ان هـ ـيـ ـفاء مـ ـ ـ ـوجـ ـ ـودهـ ـ ـ
وبعد ماقال جملته ركض متجه لغرفته...وبعدها انفجرت ياسمين بالضحك وهي تتذكر انها ماقالت لمشعل انها بتجي مع ابوخالد هي وهيفاء لبيتهم"ههههههههههههههههههه"
ببيت ام صالح...
وبأ احدى الجلسات الجانبيه القريبه من الباب المؤدي لخارج البيت
جالسه على احدى الكنبات وتحاتي وكل شوي تعيد جملتها"متى بيجي صالح"
قال عبدالله وهو يحاول يبث الراحه بقلب ام صالح اللي من اسمعت صوت صالح ماارتاحت وماراح ترتاح الا بشوفته...
عبدالله:استهدي بالله يمه...ان شاء الله انه بيجي...تونا على العصر
ام صالح بقلق:طيب اتصلو عليه....(وبحزن واضح)قلبي ناغزني يقول اني مب شايفته
عبدالله:هذاني اتصل عليه بس تلفونه مسكر...تلقينه نسى يشحنه...
وبـوسط تهدئة عبدالله لـ ام صالح قامت مرام اللي من امس شاغل بالها موضوع الكل ما فكر فيه رغم شدة اهميته.!!
وبعد ثواني رجعت مرام ومعها ساره ومها اللي مغطيه بجلالها...وجلسو الكل عند ام صالح...
اشرت مرام بعيونها لـ عبدالله بمعنى"ابيك فموضوع" وفهمها عبدالله وقامو مرام وعبدالله وجلسو بعيد عن ام صالح ومها ومرام
قالت مرام بقلق وبحيره وبحزن:شلون صالح بيشوف امي(ام صالح) وهي مب امه يعني ما تجوز له...!!
بـ احدى الفنادق
وعند عبدالمجيد ومشاعل
"مشاعل...حبيبتي وين تبين تسافرين...تراني للحين ما حجزت"
قالها عبدالمجيد وهو يتامل مشاعل وهي تحط بعض مساحيق التجميل على وجهها...
مشاعل:كيفك...بس اهم شي نروح نعتمر بمكه....وبعدها نروح للي تبي...
قام عبدالمجيد من السرير متجه لـ مشاعل وهو يقول:ان شاء الله..يعني تبين نروح لدوله عربيه ولا لـ دوله اوربيه ولانقضيها في ربوع بلادنا العزيزه
ابتسمت مشاعل على جملته الاخيره وقالت:الشور شورك....لو تروح للمريخ رحت معك...
قرب عبدالمجيد لعند مشاعل وقال وهو يناظرها:صدق مشاعل بتروحين معي وين ما اروح...يعني ماراح تتركيني..
انصدمت مشاعل وبنفس الوقت تألمت من كلمته وقالت:لاتخاف ماني تاركتك...
قال عبدالمجيد وهو يدقق بتفاصيل وجه مشاعل بهيام:خلك طبيبعه احلى...من هالالوان اللي تحطينها..
انحرجت مشاعل ونزلت راسها ونظراتها للارض بخجل..
عبدالمجيد:مريم....
وقبل ما يكمل عبدالمجيد كلامه ارفعت مشاعل راسها بصدمه وقاطعته وقالت والدموع تملى عيونها:بس انا مشاعل مو مريم.!!
بـ احدى مستشفيات الولاده
وبـ غرفة غاده
"وين ولدي...بشوف ولدي..وينه"
قالتها بحزن وبتعب واضح على صوتها وعلى ملامح وجهها
ام غاده:اصبري يابنيتي...شوي ويجيبونه...
وخارج الغرفه...
كانت الممرضه حامله ابن غاده ومتجه لغرفة غاده....ولما وصلت الغرفه..
كان ابوغاده وحمد موجودين امام الغرفه...قال ابوغاده للمرضه وهو يمد ايدينه:عطيني ولد بنتي
وبعد ما حمل ابوغاده الولد راحت الممرضه...
قال حمد وهو يمد ايدينه:عطني الولد وشوفي لي طريق بتحمد لغاده بسلامه.!!
ببيت ابو ناصر
باست ملاك يد ابوناصر وهي تبكي بشده وتقول:تكفى يبه...تكفى رجع امي..
ابوناصر:رجعتها او مارجعتها مايهم...من متى وهي تجلس بالبيت..
ملاك بنبره فاقت حدود الحزن:طيب رجعها...يمكن بعد موت ناصر تبدى تجلس بالبيت وترجع امي اللي اعرفها يوم كنت صغيره..
ببيت ام مشعل...وبغرفه مشعل
جالس على الكرسي وغاارق بـ افكاره
قال بنفسه"لازم اتعالج...دكتور قال مافيه لحالتي علاج...بروح احلل اليوم عند دكتور ثاني وان شاء الله القى لحالتي علاج"
ــــــــــــــــــــــــــــــــــــــــــــــــــ ــــــ
انتهى القسم
قرائة ممتعه
|
12-06-11, 12:20 PM
جديد مواضيع قسم القصص المكتمله
العرض العادي
