كاتب الموضوع :
♫ معزوفة حنين ♫
المنتدى :
القصص المكتمله
القسم الاول من البارت الثاني والعشرين
ــــــــــــــــــــــــــــــــــــــــــــــــــ ــــــــــــــ
ببيت ابو حمد
جالسهـ هي ودلال بالصالهـ
ويناظرون التلفزيون
وفجأه رن جوال غاده ردت عليه بتعب بسبب الحمل.!!!
ابوغادهـ:غادهـ.....ابوحمد عطاك عمره,!
انصدمت غاده من جملة ابوها المحزنه والمفاجئه والمؤلمه لها وانربط لسانها وقدرت تتكلم
ملامحها اللي كانت فرحه صارت ملامح مذهوله مصدومهـ وحزينهـ.!!
تجمعت الدموع بعيونها وصارت تغمض وتفتح عيونها دلاله على الصدمه والتفاجئ وعدم التصديق
طاح التلفون من يدها ودموعها طاحت معه وضرب الارض ضربه قويه خلت (جعلت) دلال تلتفت مفزوعهـ
دلال بملامح مستغربهـ ومتفاجئه من ملامح غاده ودموعها اللي خوفتها :غاده وش فيكـ
ازدادت دموع غاده بالسيلان وقالت بحزن وبألم بنبره حزينهـ موجعهـ:ابـ ـ ـوكـ ـ ـ مـ ـ ـ ـات.!!!
دلال ما صدقت اللي سمعته والاستغراب والتفاجئ زاد بملامحها:وش تقولين.!!
غاده بحزن وبألم وخوف من ملامح دلال المتفاجئه المحزنه الموجعه ودموعها تنزل من عيونها بغزارهـ:والله اني قلت له لاتدخن بس ماقدرت امنعه ماقدرت امنعهـ.!!
قالت دلال بعدم تصديق بعد ما ارتسمت على وجهها ابتسامه غريبه حزينهـ والدموع متجمعه بعيونها:غاده انتي تمزحين صح؟ قول انكـ تمزحين..(بـطريقه كلام اقرب للجنون).الا الا تمزحين انا اعرفكـ تحبين المزح
قربت دلال لغاده بملامح جافهـ مصدومهـ ومذهولهـ ودموعها للحين بعيونها مانزلت.!!
مسكت كتوف غاده اللي ما انطقت ولا حرف من شدة الصدمهـ وجلست تهز غاده وتقول بصوت عالي وبنبره حزينهـ :قولي انكـ تمزحين قـــــــــــــــــــولـــــــــــي.!!!
انفجرت دلال باكيهـ وهي تهز غاده وتكرر جملتها "قولي انكـ تمزحين.!!
ظلت دلال تهز غادهـ وتبكي بهستيريا
اما غاده كانت دموعها تنزل من عيونها بغزراه و بدون ماتحس وبكاء دلال وهزها لها خلاها وتتعذب وتلوم نفسها رغم انها مالها ذنب و تبكي اكثر واكثر
امام بيت ام مشعل
افتحت ساره باب سياره صالح وهي تقول لصالح:تبي تجي تاخذني و توديني لبيتنا ولا اقول لـ عبدالله
صالح:لاانا باخذكـ.....بس متى تخلصين
سارهـ:كلها ثلاث ساعات بالكثير
صالح:طيب.....بعد صلاة العشاء بمركـ
سار:طيب
نزلت سارهـ من السياره واتصلت على ياسمين عشان تفتح الباب
ثواني وافتحت ياسمين الباب
وبعد السلام والترحيب دخلت سارهـ
وقالت بـ استغراب صاحبه خوف من شكل ياسمين الجاف المتعب:وش فيهـ شكلك كذا
ياسمين:مافيني شي بس كنت تعبانهـ واللحين تحسنت
بقرية***
ام عبدالعزيز جالسهـ بصاله البيت وتدعي وتذكر ربها بعد ما انهت صلاتها
دخلت عليها نورهـ اللي توها مخلصه صلاتها ودعائها الـ جدتها اللي عودتها على الذكر والقرب من الله
جلست جنب ام عبدالعزيز وهي مبتسمهـ ابتسامهـ بريئهـ مناسبهـ الـ ملامحها الطفوليه الجميله
تكلمت ام عبدالعزيز وقالت:يابنيتي يانورهـ ترانا كلها يوم او يومين وبنروح عن هالقريهـ.....وابيكـ تجهزين نفسكـ من اللحين.....واملاكك كلها بتبقى مثل ماهي الا اذا انتي حبيبتي تتصرفين بهن
اتجمعت الدموع بعيون نورهـ وقالت بنبره حزينهـ آجاعت ام عبدالعزيز:يعني بنروح ومب راجعين.....شلون بتركـ هالقريهـ اللي عشت بها كل حياتيـ...
ام عبدالعزيز بتأثر واضح:ايه يابنيتي و...
وقبل ما تكمل كلامها
قامت نورهـ وراحت ركض لغرفتها وهي تبكي
بـ هالوقت اللي اركضت فيه نورهـ دخل عبدالعزيز اللي توه جاي من الصلاة
وقال لـ امه بملامح مستغربهـ:وش فيها تركض
ام عبدالعزيز:يوم قلت لها اننا بنتركـ القريهـ قامت وهي تصيح.......(وهي تأشر بنظرتها للجهه اللي راحت نوره منها) روح لها...
راح عبدالعزيز لنورهـ وشافها قاعد فوق السرير و دافنه راسها بين رجولها وتبكي بكاء قطع قلب عبدالعزيز وآجعهـ
ارفعت راسها وعدلت من وضعيتها لما حست ان احد دخل الغرفهـ ......وبكاءها الموجع مستمر
قرب عبدالعزيز وجلس جنبها ومسح على شعرها وقال بحنان :ان شاء الله كل عطله بنجي هنا لان المزرعه مب بايعهـ.....
نوره وهي تبكي وتشاهق وبكلام متقطع:شـ ـ ـ ـلون بتـ ـ ـ ـركـ القـ ـ ـ ـريه الـ ـ ـلي عـ ـ ـشـ ـ ـت فـ ـيـ ـهـ ـا كـ ـ ـ ـل حـ ـ ـ ـايتي
قرب عبدالعزيز نورهـ له وقال بذات الحنان:القريه مب بعيده مرهـ وانتي بأي وقت قول لي انك اشتقتي للقريه واجيبكـ....(وبـ ابتسامه مفرحه و)هاه تامرين على شي ثانيهـ
ارتمت نورهـ بحظن عبدالعزيز لما حست بحنانهـ الكبير
اما هو حس بحساس غريب لما ارتمت بحظنهـ...ضمنها اكثر وقال:خلاص يكفي بكى
ابتعدت عن حظنه وقالت بحزن بريئ:طيب ليه بنسافر....وش فيها العيشه هنا
رد عبدالعزيز بذات الحنان:قلت لك بأي وقت ودكـ تجين للقريه جبتكـ لها
اكمل عبدالعزيز وهو يمسح دموع نورهـ بـ اطراف اصبيعهـ:وهالدموع مابي اشوفها مره ثانيهـ...
ببيت ابو مشاعل
بـ ع ـد الحوار البسيط اللي دار بين ريما ومشاعل
الحوار اللي صدم ريما.....وعرفت فيهـ شي ماكانت تعرفها في صديقة طفولتها وعمرها"مشاعل"
عرفت ان مشاعل اقوى من الحب وماهي اضعف منه مثل ماكانت تتصور
عرفت ان مششاعل تحررت من حب خالد
وتغيرت بـ هالحوار البسيط بعض معتقدات ريما ونظرياتها
كانت تعتقد ان مشاعل واي انثى غير مشاعل ضعيفه امام الحب
لكن مشاعل غيرت هالـ اعتقاد وهالـ نظريهـ
واللحين بعد ما استوعبت ريما كلام مشاعل اللي صدمها وفاجئها واذهلها
راحو اجلسو بالصاله
قالت مشاعل وهي تقوي نفسها بداخلها:ريما ما اشوفكـ رحتي لسوق ولاسويتي انتي مو ناويه تشرين فستان عشان الملكه قربت
ريما بـ استغراب وبـ لامبالاة:بلبس أي فستان عندي وانا الحمدلله اعرف ازين نفسي يعني مب رايحه للمشغل عشان يزينوني
مشاعل:لاااازم تشترين فستان جديد مو تلبسين شي شايفينه الناس عليكـ وبملكتكـ بعد؟!وترا كلها ايام يعني مافي وقت كثير يالله يالله تتجهزين من اللحين.....خلاص وش رايكـ نروح بـعد صلاة المغرب لسوق ونشتري لك فستان جاهز ونحجز بـ مشغلـ......
ريما بـ استغراب وتفاجئ:وانتي ليه هالـ اهتمام؟
ابتسمت مشاعل ولمت ريما وقالت:صديقتي وحبيبتي وتبيني ما اهتم فيها....اذا ما اهتميت فيك من اهتم فيهـ..
ريما بذات الاستغراب والتفاجئ:بس..
قاطعتها مششاعل وقالت:لابس ولاهم يحزنون.....ويلا البسي عباتكـ عشان نروح لسوق.!!!
ببيت ام صالح
بغرفة مها بالتحديد
مها وهي تبكي قالت بنبره حزينهـ:ارجوكـ قولي لـ امي اني مابيهـ
مرام بتأثر واضح من ملامحها:ياقلبي يامها من امس وانتي تبكين مايصلح كذا.....يمكنكـ سامعه غلط ويمكن عبدالله قال هالكلام بتسرع
مها بـ ازدياد البكاء:الا متاكده ماسمعت غلط..
مرام:انتي فكري زين قبل لاتتخذين هالقرار.....عبدالله وش قال بضبط؟
توقفت مها عن البكى وقالت :قال انه مثل ماعاشت حبيبته حياتها وتزوجت بعيش حايتي وبتزوج
مرام:يعني هو ما قال مايبيكـ؟
مها ودموعها ترجع وتتجمع بعيونها قالت بنبره حزينه:ساره قالت له قول لامي انكـ ماتبي مها وهو قال مقدر اقول...(ودموعها تنزل بغزاره )..لاني وافقت وخلاص
مرام بـ ارتياح واضح من ملامحها ونبرة صوتها:يعني هو موافق وما قال ما يبيكـ.....يمكن بعد الزواج تحبينهـ وتعوضينهـ عن حبيبته الاولى...عبدالله يبي وحده تحبه وتنسيه حبه وانتي انسب وحده لـ هالشي يامها
مها حست بـ ارتياح كبير من كلام مرام
رغم ان صار لـ حبها الـ عبدالله جمود....لكن هالجمود ممكن يروح وترجع مها المجنونهـ بحب عبدالله.!!!
ببيت ابوخالد
بغرفة هيفاء بـ التحديد
جالسه تفكر كيف تقتل فيصل (ناصر)ووش الطريقهـ اللي تفتله فيها عشان ترضي اللي بداخلها .!!
عشان ترتاح منه وترتاح من حياتها اللي صارت جحيم بعد ما اعتدى عليها
كان كل يومها بكى في بكى واللي زاد عذابها وبكاها الخطاب اللي جوها وكلام امها اللي بس تقول "ليه ماتوافقين"
غمضت عيونها وهي تحس لو تزوجت واكتشف زوجها انها مو بكر وش بيصير
هل راح يفضحها ولا يستر عليها
فكرت هل ممكن اهلها يغصبونها على الزواج لانها بس ترقض بدون سبب.!!
فتحت عيونها وهي تبعد عن فكرها هـ الـ افكار الموحشه بنسبه لها
بغرفة خالد
غريب حاال خاالد ملكته على اللي يحبها بعد ايام.!!
لكنه مو فرحان ابداً ولا ضاق طعم الفرح
كان في قمة حيرتهـ
قبل كان اذا احتار بشي يشاور صالح وصالح يبعد هالحيره عنهـ
لكن صالح كل مااتصل عليه يلقى جوالها مغلق او صالح يرد عليه بكلمات بسيطهـ وقليله ويعتذر عن الخروج معهـ لان صالح صار متوحد بعد الصدمهـ...
فكر كيف بعد ايام بيصير زوجها.!!
كيف بتتسكر عليهم غرفهـ وحدهـ
كيف بتكون عيشته معها
كيف...وكيف...وكيف
تمنى انهـ ما حبها ...وتمنى انه ما خطبها...وتمنى انه يصير شي ويمنع هالزواج.!!
لكن كل هذي مجرد اماني....اماني وبس.!!
ببيت ابوغادهـ
بـ ع ـد بكاء طويل من دلال اللي صارت مثل المجنونهـ وهي تبكي بعد ماعرفت بموت والدها
وغاده اللي بكاءها مايقل عن بكاء دلال
صحيح ان ابوحمد حرمها من حبها وحرمها من كل شي
لكنها بكت بكاء موجع عليهـ بالم وبحزن وبأسى
قامت من الكرسي اللي جلست فيه مدة طويلهـ بصعوبهـ بسبب الآم اللي ببطنها والدوخه اللي في راسها
لما قامت حست بدوخهـ اكثر ورجعت وجلست غمضت عيونها وهي تبكي بداخلها
وفجاه فتحت عيونها مفزوعه ومذهوله وهي تشوف حمد ماسكها مع رقبتها ويخنقها والغضب يتطاير من عيونهـ.!!!
ببيت ام صالح
بغرفة سارهـ
رن جوالها وشافت الاسم وردت بضيق
ملاكـ:الووو ساره....ساره
ساره ببرود غاضب:سويتي اللي قلت لك عليهـ ومسحتي الصور
ملاكـ:ايه...ايه....وربي مسحت الصور..والله العظيم مسحتهن
ساره بذات الاسلوب الجاف الغاضب اللي يناسب ملاكـ:ترا والله ان دريت انك كذبتي راح تندمين
ملاك:حلفت لك بالله العظيم وماتصدقيني.!!
ساره بذات الاسلوب:لو انتي تعظميين ربك وتخافينهـ كن ماعصيتيهـ
ملاكـ بخوف مغلف ببرائه مصطنعه:ليه وش سويت
ساره بغضب واضح.:قولي وش ماسويتي مصورهـ سوسن وتحبين بنات ومادري وش تسوي فيهم بعد ....(وبغضب اكثر وضوح)وتراني اعرف كل سوالفكـ
بعد جملت ساره الغاضبه انربط لسان ملاكـ وماتكلمت
في احد الطرق العامه الواسعهـ
سياره منقلبه قريب من الرصيف
الناس مجتمعين حول السياره اللي قلبت واللي في شخص داخلها
كلهم يناظرون بدون مايسوون شي ويروحون يطلعون اللي بداخل السيارهـ وينذقونه من الموت
واخيرا جائو ثلاث شباب وهم يركضون بكل شجاعه و يطلعون مشعل من السيارهـ بعد دقائق من انقلاب السياره
كان نص وجهه مجروح لدرجه ان ملامح وجهه مو واضحه وكميات دم كبيره تنزل من عدة اجزاء من جسمهـ
كان اللي يشوفهـ يقول هذا ميت بتأكيد بسبب منظرهـ لكن العلم عند الله هل هو ميت او لا
حملوه اثنين وواحد ركض وفتح باب السيارهـ دخلو مشعل بـ السيارهـ وحركو متجهين للمستشفى بسرعهـ جنونيهـ
وطول الطريق وهم يحاولون لف بعض الاماكن اللي بجسمهـ بشمغهم(جمع شماغ) وبأي قماش موجود بالسيارهـ عشان مايفقد دم اكثر من اللي فقدهـ
ببيت ام مشعل
نادت ششوق سارهـ عشان تاخذ رقمها
وهي ما تبي رقم ساره لان رقم ساره مع ياسمين لكن اختلقت هالسالفهـ الاقرب للغباء
عشان تقولها عن سر صالح اللي راح يصدم كل العايله وخصوصا صالح وام صالح
شوق بتردد:سـ ـاره بـ ـ ـ ـقولـ ـ ـكـ شـ ـ ـي.......
ــــــــــــــــــــــــــــــــــــــــــــــــــ ـــــــــــــــــــــــــــــــ
انتهى القسم
|
12-06-11, 12:13 PM
جديد مواضيع قسم القصص المكتمله
العرض العادي
