كاتب الموضوع :
♫ معزوفة حنين ♫
المنتدى :
القصص المكتمله
البارت الحادي عشر
بعد مرور اسبوع
وبعد ما انتهى ابوخالد من امور الارث وراح يقول لام صالح وعيالهـ عن المرأة الثانيهـ وعيالهـ
وبعد مكالمات عديده بين ساره وياسمين
وبعد ماوثقو سوسن وساره بملاك وحسبوها تعدلت
وبعد محاولات نسيان عبدالله الـ شوق اللي كذبت وقالت انها انخطبت ووافقت
وبعد مكالمات عديده بين ياسمين وحبيبهـ
وبعد ماقرر صالح يخطب
وبعد مكالمات عديده بين ريما وخالد
وبعد ماعطت ام صالح ام عبدالعزيز الفلوس وسكنت ام عبدالعزيز بشقهـ قريبهـ من بيت ام صالح
وبعد ماتعلقت البنت اللي تحب مشعل بـ مشعل
وبعد محالات اذاء حمد لـ غاده
وبعد ماصارو غاده ودلال صديقات
وبعد ما انتهى فيصل من التفكير للأتنقام وراح يبدأ الانتقام عمليا
عند ساره
منسدحة على سريرها
وتحركـ خصلة من خصل شعرها بأصبعها
حست بطفش وملل
ملت من الانترنت اللي مقابلتهـ اربع وعشرين ساعهـ
فكرت وش تسوي عشان تبعد هالملل عنها وقالت بنفسها(خلني اتصل على ياسمين واعزمها)
قامت وتسندت على ظهرها
مدت يدها واخذت الجوال واتصلت على ياسمين
ساره:الوو
ياسمين:هـلـا
ساره:كيفك
ياسمين:بخير
ساره بطفش:ياسمين بليز تعاليـ عندي بالبيت انتي واختكـ
ياسمين ببتسامهـ:مدري اقول لـامي واذا وافقت جيت
ساره بترجي :بليز قولي لها اللحين عشان تجين بدري
ياسمين:طيب اللحين اقولها وارد لكـ خبر باي
ساره:طيب باي
وبعد ماسكرت ياسمين المكالمهـ طلعت من غرفتها وركضت متجه لامها
ولما شافت امها هدت بمشيتها
ياسمين وهي تمشي:صباح الخير يمهـ
ام مشعل:وش صباحهـ اللحين الظهر تقولين صباح الخير.!
ياسمين بمزحهـ:اجل ظهر الخير هههههههه
ام مشعل:ههههه
ياسمين وهي تجلس جنب امها:يمهـ وحده صديقاتي تقول تعالي لمي بالبيت
ام مشعل:منهي هالصديقهـ انا ما اخبر عندكـ صديقات الا هيفاء
ياسمين:ذي تكون قريبة هيفاء
ام مشعل:هيفاء بتروح معاكم
ياسمين:لالانهـ بيت عمه مسوين عزيمهـ
ام مشعل:كيف تروحين بيت ناس توكـ متعرفهـ عليهم ولوحدك،
ياسمين:عادي يمه قريبات هيفاء ما ينخاف منهم ومو بس انا بروح انا وشوق
ام مشعل:لا مافيه روحه الا مع هيفاء وهيفاء ماتقدر تجي يعني مافيهـ روحهـ
ياسمين بـ احباط:بليز يمه وافقي
ام مشعل:مافيه روحه
ياسمين:طيب يمهـ انتي تعالي معنا منهـ تتطمأنين علينا ومنهـ تتعرفين علي امهم
ام مشعل:طيب اجي امري لله
ياسمين باست راس امها وقامت وراحت الـ غرفتها واخذت جوالها اللي حاطتهـ فوق وسادتها
واتصلت على ساره
ياسمين:الوو
ساره:هلا (وبحماس)هاه امكـ وافقت
ياسمين بمزحه:لا ماوافقت سوري مقدر اجي
ساره بـ احباط:اوف قهر
ياسمين بضحكه: هههههههه لا امزح وافقت
ساره:ههههه الله يقلعكـ صدقت
ياسمين:هههههههه
ساره بفرحهـ وحماس:وناااااااااااااسهـ بتجين
ياسمين :ههههههه شكلك طفشانهـ مره
ساره:طفشانهـ وبس
ياسمين:الا وين بيتكم
ساره:بحي(****)قبال مسجد(****).!
وتفاجأة ياسمين انهم مايبعدون عنهم الا بكم بيت.!
ياسمين بحماس:احلفي شكلنا طلعنا جيران.!
ساره بحماس اكثر:واو وناسهـ (وبمزحه) اجل كل يوم بجي عندكـ واصير مثل العظمه بالبلعوم
ياسمين:من قال انكـ عظمه بالبلعوم
ساره تتصنع الحيا وبثقهـ:ادري اصلن
ياسمين بمزحه:انتي مو عظمه بالبلعوم انتي شوكه بالمرئ ههههههههههه
ساره:هههههههههههههههه وانا ماخذه مقلب بنفسي
قاطعتها ياسمين:ايش تعوى امزح معكـ
ساره:ادري بس بشوف غلاتي
ياسمين:لاتخافين تراكـ غاليهـ
ساره:المهم متى بتجين
ياسمين:العصر ان شاء الله
ساره:طيب باي بروح اجهز
ياسمين:طيب باي
وركضت ساره لدور الارضي
وشافت كلهم مجتمعين.!
وقالت بصوت عالي وبحماس:يمهـ اليوم بيجون صديقاتي.!
ام صالح:طيب خليهم يجون
مها:منهم صديقاتكـ سوسن (وبـ استهزاء)وملاكـ الحبِيبهـ
ساره بتكشيره:لا موهم وانتي مالكـ دخل
ام صالح:وش هالكلام يامها
مرام:من اجل
ساره:شوق وياسمين صديقات هيفاء
مرام:اها خوش بنات
مها كشرت بعد ماسمعت اسم ياسمين:مالقيتي الا ياسمين تعزمينهـ
ساره:انتي مالكـ دخل
مرام:وش فيها ياسمين خلوقهـ وحبوبهـ ما شاء الله عليهـ
مها بـ استهزاء:ايه مبين
ساره:المهم ماعلي بروح اجهز
وركضت ساره عشان تخلي السواق يشتري الحلويات وبعض الاغراض
واما البنات رجعو لسوالفهم
والشباب مستمرين بسوالفهم ولاقاطعهم حماس ساره والضجه اللي سوتهـ قبل شوي
اما ام صالح رجعت لتفكيرها التشاؤمي
فكرت اذا تزوجو البنات والاولاد وكل واحد منهم سكن ببيت
كيف بتبقى بلحالها بالبيت.!
كيف بتعيش لوحدها.!
فكرت وش اللي يخليها ماتعيش لوحدها.!
فكرت وفكرت
وقالت لـ عبدالله كلام فأجئ ـه
ام صالح:عبدالله موافق تتزوج مها وانتي يا مها موافقهـ تتزوجين عبدالله
كان كلام ام صالح صدمهـ للكل خصوصا عبدالله
اللي ماتوقع يوم انه يتزوج البنت اللي يعتبره مثل اختهـ
لكن تذكر انه تحبهـ تذكر انه بنت عمهـ ومستحيل تبيعهـ مثل مايفكر ان شوق باعتهـ
وقال كلام فاجئ الكل خصوصا مها
عبدالله:ايه انا موافق اذا وافقت مها
مها نزلت راسها للأرض
وقامت وركضت ولحقتها مرام
ام صالح تعالت زغاريطها
وحست انهـ مابتعيش وحيده طول عمرها
وصالح حس بفرحه كبيره
وعبدالله قام وراح لغرفتهـ
ببيت ابوعبدالمجيد(ابو ريما)
كانـو يجهزون لجمعة العيلهـ اللي بتكون فبيتهم
استعانت ام عبد المجيد بخدامات ام مشاعل وام خالد عشان يساعدونا
بغرفة ريما
كان ريما جالسه بسريرها وتفكر بمشاعل
اللي من زمان ماكلمتها واشتاقت لها
فكرت تتصل عليها وتفهمها نيتها
لكنها خافت تعلم خالد بكل شي لانها تحبهـ وماتتمنى له الا الخير
قالت بنفسها(ليه ما اتصل عليها بدون ما اجيب طاري خالد)
واخذت جوالها واتصلت على مشاعل
ريما:الووو
مشاعل:اهلين
ريما:وراك ماتتصلين ياالدوبهـ ما اشتقتي لي
مشاعل:الا اشتقت لكـ بس
ريما حست كلمة بس بتجيب طاري خالد فـ قاطعتها وقالت
ريما:المهم ماعلينا متى بتجين لبيتنا
مشاعل:العصر
ريما:نبي نفلها اليوم ودي اعوض الايام اللي ماكلمتكـ فيها
مشاعل: ان شاء الله نستانس
ببيت ابوخالد
ام خالد:محمد(ابوخالد) متى بتوصلنا لبيت ابوعبدالمجيد
ابوخالد:خلو خالد يوصلكم انا اليوم بروح لبيت ام صالح عشان اعلمهم
ام خالد:اها طيب اقول لخالد
ام خالد فكرت بـ ام صالح وش بيصير فيهـا اذا عرفت بزواج ابوصالح.!
بغرفة هيفاء
كانت تفكر بياسمين تفكر كيف بتخبرها عن شي راح يكون صدمهـ لياسمين
قامت بتختار ملابس للعزيمه لانها كل مافكرت بسالفهـ ضاق صدرها
افتحت دولابها(كبتها)قعدت تقلب بالملابس لين ماثبتت على تنوره
سوده مطرزه بخطوط بيض وفوقها قماش ابيض خفيف وفي اولها حزام ابيض مطرز بخطوط سوده
واختارت معها بلوزه بيضاء ساده والبست فوقها جكيت صغير لونهـ اسود
عند خالد بغرفته
كان فرحان انه بيقابل ريما اليوم
بيقابل حبيبتهـ بيقابل االلي مالكتن قلبهـ
لكنهـ مايدري وش بيصير بـ هالمقابلهـ
وش نتجية هذي المقابلهـ.!
عند عبدالله بغرفتهـ
كان يشوف رسائل الحب والغرام اللي من شوق
وكل ماشاف رساله وقراها بكى بالم وحزن مقدر اوصفهـ
حزن على ان اغلى انسانهـ بتكون موله
حزن على انه مايدري وش سبب تصرف شوق
حزن على فراقهـ بشوق اللي كانت اهم اسباب سعادتهـ
اللي صارت اهم اسباب تعاستهـ
حس بضيقة خلق غير طبيعه
قام نزل تحت وطلع من البيت
وركب السياره وحركـ
وقعد يدور حول البيت
حس بشتات
مايدري وين يروح مايدري وش يسوي.!
ببيت ابوحمد
غاده جالسهـ تكلم اختها الوحيده غدير
غاده:ليهـ ما تتصلين علي ولا تعودتي على فراقي
غدير:وربي اني فاقدتكـ ودايم واتصل ويرد علي رجل يقول غاده مشغولهـ
غاده:شكلهـ ابوحمد او الحقير حمد
غدير بمزحه:الا وش بتسمين ولدك
غاده:مشعل.!بس ابوحمد يقول بسميهـ حمود على اسم ابوه
غدير:حلو اسم مششعل*_^ واذا جت بنت وش بتسمينه اكيد على اسم خالتهـ
غاده:اللحين انتي بس تسألين خليه يشرف وبعدين يصير خير
غدير:ههههه
غاده بعد ماشافت حمد متجه لها:غدير حمد جاء بشوف وش يبي اكلمك بعدين
غدير:طيب
بعد ماسكرت التلفون
حمد:غاده
غاده بنفس شينه:هاه وش بغيت.!
حمد:سوي لي شي اكلهـ
غاده:وانا خدامتكـ ابوكـ
حمد:بتسوين ولا شلون.!
غاده:انت وش تبي فيني.! تراك ابلشتني
حمد:انا ما ابي منكـ شي(وهو يأشر على بطن غاده)بس ابي ذا يطيح
غاده:لـ هـ الدرجه وصلت بكـ الوقاحهـ تقول هالكلام
غاده قامت من الكنب على كانت جالسهـ فيه بتمشي لكن حمد مسكها مع يدها
غاده وهي تحاول تبعد يدها عنهـ:خلني
حمد سحب يدها وطيحها ع الكنب وضربها مع بطنها
حمد وهو يضرب:قلت ذا يطيح يعني يطيح
غاده وهي تبكي وتحاول تبعد حمد وتحمي بطنها:خلني ياحقير
حمد:لامومخليكـ لين يطيح اللي ببطنكـ
غاده تحاول تحط ايدينها على بطنها عشان تحمي بطنها من ضربات حمد
دلال سمعت صوت صراخ غاده فركضت متجه لمكان الصوت
ولما شافت حمد يرفس بطن غاده تفاجئت وجت ركض
ووقفت بنصهم وحاولت تبعد حمد
دلال:مجنون انت
حمد:ايه مجنون
وبنفس الوقت اللي كان دلال تحاول تبعد حمد غاده قامت من الكنب وركضت متجهـ لغرفتها
والحمد لله وصلت غرفتها بسلام وقفلت الغرفه عليها
قعدت تبكي وتدعي على حمد
وحست انها تبي شخص يحميها تبي شخص تلقاه موجود اذا احتاجتهـ
بس ياترى من هو هـ الشخص
بغرفة مها
مها كانت بقمة سعادتها اللي يعصب وصفها
مرام:اخيرن بتتزوجون واصير حماتكـ هههههههه
مها:ههههههههه
مرام وهي تحظن مها:مبروك
مها:الله يبارك فيكـ
العصر
ببيت ابوعبدالمجيد
كانو الكل موجودين ماعدا ابوخالد اللي راح لبيت ام صالح.!
عند البنات(ريماومشاعل وهيفاء)
بدور العلوي
كانت هيفاء جالسهـ بعيد عن البنات وتفكر
بياسمين تفكر وشلون بتقولهـ ان..........!
اما ريما ومشاعل قاعدين يسولفون ويضحكون وقطع سوالفهم صوت خالد اللي ينادي ريما
ريما طنشتهـ وماردت لانهـا تدري انهـ سوى هـ الحركة عشان يقهر مشاعل.!
خالد بصوت عالي:ريما حبيبتي
مشاعل وهي خانقتهـ العبره:قومي له يبيكـ
ريما:لامو قايمهـ
خالد قرب عند مشاعل وريما
خالد عشان يقهر مشاعل
خالد:ريما حبيبتي وراكـ مارديتي علي
ريما قامت من مكانها
ريما:هاه وش بغيت
خالد:تعالي بكلمكـ
ريما:ماتشوفني قاعده مع مشاعل
مشاعل وهي منزلهـ راسها عشان مايشوفون دموعها اللي انزلت غصبن عنها:روحي كلميهـ
ريما تنرفزت وراحت مع خالد عشان مايجرح خالد مشاعل اكثر من كذا.!
ريما:يعني بحركتكـ هذي بتقهر مشاعل
خالد:ليه انا وش سويت
ريما:كل ساعهـ والثانيهـ حبيبتي وحبيبتي
خالد:انا بصير زوجكـ وماتبيني اقولكـ حبيبتي
ريما عصبت وماقدرت تمسكـ نفسها وقالت
ريما:ومن قال انكـ بتصير زوجي.!
خالد تفاجئ من كلام ريما وماصدق لدرجة انهـ كذب سمعه وقال
خالد:وش تقولين ماسمعت.!
ريما بعصبيه:قلت اني ماودي اتزوجكـ
خالد دموعهـ ملت عينهـ وقال بنبره حزينهـ
خالد:بس انتي قلتي انكـ تحبيني .!
وريما بعصبيه اكـثر:كنت اكذب عليكـ وانت صدقت على طول
خالد بعدم تصديق:لا انتي تكذبين علي اكيد انتي تحبين
ريما:لا ما احبكـ
خالد بعد ماسمع جملة ريما الاخيره نزلت دموعهـ غصبن عنهـ رغم انه من النوع اللي صعب تنزل دموعه بسهولهـ
خالد وهو يبكي:لا انتي تكذبين ارجوك قولي انكـ تكذبين
ريما:كله السالفهـ كانت لعبهـ انت ماتفهم
خالد وهو يمسكـ كتوف ريما ويهزها
خالد بنبرة صوت حزينهـ:لا مو لعبهـ انتي تحبيني تحبيني
ريما:اتركني
خالد بنبرة صوت اكثر حزن:لا مو تاركك الا لما تقولين الصدق
ريما:الصدق اني ما احبكـ
خالد ظل يهز ريما بقوه ويبكي ويقول بصوت عالي
خالد:بس انا احبكـ كيف ماتحبيني
ريما:مو كل من حب واحد لازم يحبهـ
خالد:الا لازم يحبهـ
ريما:اجل ليش ماحبيت مشاعل.!
مشاعل سمعت صراخ خالد وريما
وقامت لهم وشافت خالد يهز ريما ويقولها(انا احبكـ ياريما)
ريما:انا ما احبك ما احبك ماتفهم انت.!
مشاعل وعيونها كلها دموع:لا ريما تكذب ترها تحبكـ ياخالد
وتركـ خالد كتوف ريما
خالد:كلام مشاعل صح ياريما
ريما:لاموصح انا ما احبكـ
خالد مارد على ريما لان لسانهـ انربط وكان رده كم دمعهـ نزلت من عينهـ
ريما:ابكي ياما بكيت مشاعل وماحسيت فيها
مشاعل:يكفي ريما حرام عليكي
ريما:ياما عذبكـ وانتي تقولين حرام علي
مشاعل بنربه حزينهـ:ريما يكفي.
خالد:جلس يبكي مايتكلم
مشاعل التفت على خالد وقالت وهي تبكي بألم شديد
خالد يا اقسى شخص بحياتي
ياللي انا ميتتن لشوفة عينيه
ياللي ملكت قلبي ياغلاتي
رجع لي قلبي ابيه
رجعه لي يااسوأ ذكرياتي
ودي انسى حبي لك او اتناسيه
ارجوك حقق لي مناتي
وصحيني من اللي انا فيه
ابيك ان حانت لحظه مماتي
تبكي بكي(ن) محد(ن) بكيه
وابيك لامن تذكرتني بعد وفاتي
تقول آه ياليتني كنت وفي ليه
ـــــــــــــــــــــــــــــــــــــــــ
خالد ركض ومشاعل التفت على ريما وقالت
ــــــــــــــــــــــــــــــــــــــــ
وارجوك يااعز صديقاتي تزوجيه
لانه يحبك وانا ماودي يتعذب ويصير مثلي يحاتي
لاني مجربه طعم اللي يحب وحبه ناسيهـ
ومجربه حبيب (ن)يحزن لضحكاتي
انتبهي لو لحظه تعذبيه
لانه اغلى البشر ياغناتي
امانه ما ااوصيك تقولي ليه
ان لو كل حرف صار قصيده من ابياتي
ماراح يكون كثير حبي ليه
ترى والله لو اوصف حبي له تقولي بس تطلبين سكاتي
بودعك بس قبل الوداع امانهـ روحي له لاتخليهـ
وقولي له اني ماراح انساه وانسى اكبر غلطة بحياتي
غلطتن عذبتني عذابتن بعينك شفتيه
بودعك وبخلي الزمن يحكي معاناتي
ــــــــــــــــــــــــــــــــــــــــــــــــــ ـــــــ
مشاعل ركضت وهي تبكي
ولما وصلت الدرج اركبت الدرج وهي للحين تركض وللأسف طاحت(سقطت)من اول الدرج لين نهايتهـ.!
ببيت ام صالح
بعد ماوصلو ياسمين وشوق وام مشعل اللي راحو لبيت ام صالح مشي بحكم قرب البيت
بصالهـ كانو موجودات ام صالح وام مشعل
اما ياسمين وشوق ساره كانو جالسين بالمجلس(غرفة الضيوف)
ومها ومرام بغرفة مرام
وصالح بغرفتهـ
وعبدالله مو فالبيت
صوت الجرس يرن
ام صالح:نانسي(الخدامه)قومي افتحي الباب
ام صالح مالقت رد
ونادت الخدامه بصوت عالي:نانسي
وبعد مالقت رد
وقامت ام صالح بنفسها تفتح الباب
وافتحت شوي من الباب
ابوخالد:السلام عليكمـ.!
عند البنات
ياسمين رن جوالها وشافت المتصل(هيفاء)
وردت
هيفاء:الوو
ياسمين:هلا
هيفاء:ياسمين انا لي اسبوع افكر كيف اقولكـ وشلون اقولكـ
ياسمين بخوف:وش اللي بتقولينهـ خوفتيني
هيفاءبحزن :انتي تحبين اللي عرفتك عليه
ياسمين بحياء:ايه
هيفاء بنبرة صوت حزينهـ:ليهـ حبيتيهـ ليهـ.!
ياسمين بتعجب:وش فيكـ هيفاء خوفتيني
هيفاء وهي تبكي:اللي تحبينهـ يطلع اخوكـ صالح اناعرفتكـ عليه عشان بعدين اقولكـ انه اخوك ومادريت انك بتحبينهـ.!(اوضح لكم اكثر خالد له منتدى زي ماتعرفون ومسجل فيه صالح وياسمين وهيفاء وهيفاء عرفت ياسمين على صالح)
ياسمين امتلت عيونها دموع:انتي تكذبين ياهيفاء صح انتي تكذبين..!
هيفاء:ياليتني اكذب ياليت
ياسمين طاحت دموعها وطاح الجوال من يدها واغمي عليها.!
عند غاده
قاعده بغرفتها منسدحهـ على السرير ومعها جوالها
حست بملل قالت خلني اتصل على غدير(اختها)
وهي تدور اسم غدير بس الاسماء اللي بجوالها
لقت اسم مشعل.!!
وحنت وتذكرت حبهم ولاشعوريا
اضغطت الزر الاخظر
ــــــــــــــــــــــــــــــــــــــــــــــ
انتهى البارت
ياترى وش صار بمشاعل
ياترى وبيصير ببيت ام صالح ؟ووش بيصير بياسمين؟
ياترى وش بيصير بعد ما اتصلت غاده على مشعل؟
هل اثرت فيكم القصيده؟
|
12-06-11, 12:01 PM
جديد مواضيع قسم القصص المكتمله
العرض العادي
