كاتب الموضوع :
♫ معزوفة حنين ♫
المنتدى :
القصص المكتمله
السلام عليكم
.
.
تكلمة البارت الاخير...ونهاية الرواية
ــــــــــــــــــــــــــــــــــــــــــــــــــ ـــــ
بعد مده
ببيت ام مشعل وبغرفة ياسمين وشوق
غمضت ياسمين عيونهاوابتسمت وضمت الجوال لصدرها بعد ماسكرت المكالمة من صالح....زوجها.
صحت من خيالها واحلامها الوردية لما نادتها شوق"ياسمين...ياسمين"
التفتت وناظرت شوق المزينه بالاصباغ والالوان الصناعية واللي لابسه فستان وردي ابرز جمالها
ردت ياسمين على شوق بـ "هاه"
شوق بخوف وتوتر وبلهجة متقطعة:خا...خايفة...اللحين وقت الشوفه.!!!
ياسمين بنبره هادئه:لاتخافين...مو انتي كنتي تكلمين عبدالله..وشايفه صورته بعد
شوق:خايفة يلومني على اني تركته وضحيت بحبنا بسهوله
ياسمين:خلاص ياشوق...اللي فات مات...واهم شي انكم رجعتو...وهذا هو خطبك...واللحين هو بيشوفك وانتي تقولين خايفة...المفروض تقولين مشتاقه.!
ببيت مرام.!
رايحة وجاية...وجاية ورايحة...القلق والخوف مالي قلبها...عبدالعزيز للحين ماجاء رغم ان اليوم يومها.!!؟!
رن التلفون...والتفت...والقت نظراتها عليه ثم التقطته بسرعة وردت وقالت:عبدالعزيز
:انا ام عبدالعزيز
مرام:هلا خالتي..اعذريني حسبتك عبدالعزيز لانه للحين ماجاء
ام عبدالعزيز:عبدالعزيز راح مع نوره للمستشفى لانها حست بألم ووداها
قالت مرام مجاملة:عساها بخير
ام عبدالعزيز:ان شاء الله انها بخير
بسيارة عبدالعزيز
قال عبدالعزيز لنوره:هاه..للحين تحسين بألم
نوره بصوت مبحوح:خف شوي
عبدالعزيز وهو مبتسم:الحمدلله
ابتسمت نوره اللي ادعت الالم عشان تخرب ليلة مرام..!!!
عند وليد
نظراته متعلقة بالفضاء الواسع...ويفكر بماضيه واخطاءة اللي بيحاول يصلح لو بعضها...
التقط جواله وكتب رقم هيفاء اللي لقاه بصعوبه...واتصل....!؟!
بأحد الاسواق التجارية
دخلت غدير المحل الخاص بفساتين الافراح ودخلت اختها غادة بعدها
رن جوال غادة...افتحت الشنطة وطلعت الجوال...وردت...
غادة:اللوو
المتصل:الوو...غادة...انا مشعل...غادة...انا اتصلت...لاني بخطبك من ابوك...بس قبل ما اخطبك...حبيت اقولك اني تعرضت لحادث...واني بسبب هالحادث صرت عقيم(وبعد صمت)...غادة انتي موافقة علي واناعقيم؟؟؟؟؟!
امتلت عيون غادة بدموع...وقلبها دق وخفق...وتذكرت ايام حبها...وتذكرت مشعل...عجز الكلام يطلع من فمها...وماقدرت ترد لان مشعل فاجئها بكلامه المتتابع والمفاجئ...قالت "مع السلامة"...وسكرت المكالمة؟!!!
باحد الدول الاجنبية وبشقة عبدالمجيد ومشاعل
ساهية وشاردة...بحالها وحال زوجها...مع طليقته..
متضايقة لان مريم توها طالعة من الشقة بعد ما شافت ولدها سلطان...صحيح ان مريم امه...لكنها غصب عليها تتضايق..!
ببيت ابوحمد وبغرفة دلال
محتاره...ماتدري وش تسوي...تقوله عن اللي قرأته بالورق...ولا ماتقوله؟؟!!
ببيت ابو خالد وبغرفة هيفاء
جالسة بالارض وساندة ظهرها على الجدار...وتفكر بحالها...قطع حبل افكارها رنين جوالها...ألقت نظره عليه شافت ان الرقم غريب ولما جت بترد تذكرت ماضيها مع ناصر وكيف تعرفت عليه...وسكرت المكالمة على الشخص المجهول اللي متصل عليها.؟ّ!!
عند غادة
"موافقة"
هذي الكلمة اللي اكتبتها غادة بجوالهاوارسلتها ولمشعل.!
بعد مدة
في بيت ام ريان
جالسة ام ريان على كرسيها المتحرك ونظراتها متعلقة بالارض اللي ماراح تقدر تدوسها وتمشي عليها
ناداها ولدها ريان بصوت عالي وقطع عليها فكرها بعالمها الحزين
ارفعت نظراتها عن الارض وقالت:انا هنا ياريان
جاء ريان وجلس جنب امه وقال لها:يمه...انا ودي اكلمك بموضوع مهم..يمه انا قررت اتزوج البنت اللي احبها...يمه انا قررت اخطب دلال بنت ابوحمد
صوبت ام ريان نظراتها بعيون ولدها وقالت بملامح جامدة:دامك قررت...ليش جاي تقولي؟؟؟
ريان:يمه..انا جيت اقولك عشان اسمع رأيك
قاطعته ام ريان وقالت:يعني لوقلت اني رافضة هالخطبة بتسمع كلامي؟؟
ريان:ايـ.....ايــــــه بسمعه...!!!
ام ريان:اجل...انا رافضة.!!!
ببيت ام صالح وبالصالة
جالسة مها وبجانبها مرام...ومقابل لهم ام صالح اللي بجانبها سارة
الصمت مالي المكان كلهم بعالم ثاني...كل وحده منهم تفكر...شاردة وساهية
مها تفكر بـ عبدالله خطيبها السابق اللي اصبح خطيب اختها....ومرام تفكر بـ عبدالعزيز وكيف تكون افضل من نوره...
وام صالح تفكر بكلام ام مشعل لما قالت لها "علي تزوجني غصب عنه مو برضاه...وساره تفكر بأنها تكلم ملاك وتفتح صفحة جديدة معها...
ببيت ابوخالد وعند ابوخالد
التقط جواله واتصل على عبدالله عشان يقوله ان مشعل بيخطب وانه لازم يجون معه بالخطبة؟!!!
بغرفة خالد وريما
"حاسة بدوخة ونفسي مسدودة"
كان هذا رد ريما على خالد لما سألها" وش فيك؟؟"
قام خالد من مكانه وقال بـ ابتسامة:قومي...بنروح للمستشفى
بأحد الاسواق
وزعت شوق نظراتها باحثة عن فستان لاختها ياسمين...وبعد ثواني التفت على ياسمين وقالت وهي تأشر:وش رأيك بـ هالفستان
قاطعت هيفاء رد ياسمين وقالت وهي تناظر احد الفساتين بـ اعجاب ظاهر:ووش رايك بهذا؟
بأحد الدول الاجنبيه وعند عبدالمجيد ومشاعل
حط عبدالمجيد التذاكر فوق الطاولة ونادى بصوت عالي:مشاااااعل
جت مشاعل وهي شايلة بيدها صحن...قال عبدالمجيد لما شاف مشاعل:هذي التذاكر وجبتها...وان شاء ألله بكرا بنسسافر.!
ببيت عبدالعزيزونورة وبغرفة النوم
دخل عبدالعزيز اللي الارهاق والتعب ظاهر عليه ورمى نفسه بسرير..وبعد ثواني دخلت نوره ولما شافت عبدالعزيز ماتغطى زين عدلت وضعية وغطته
ولما جت بتطلع سمعت صوت عبدالعزيز يناديها:نوره..تعالي...
ببيت ابوحمد وبغرفة دلال
فتحت دلال صندوق خشبي صغير ووضعت فيه الورقة اللي لقتها بمكتب ابوها...وبعد ماحطت الورقة شافت اول رسالة ورقية ارسلها لها ريان...افتحتها وقرأتها...وعيونها دمعت لماضي سعيد وحاضر تعيس ولمستقبل ماتدري وش بيكون..!
ببيت ابوغادة وبغرفة غدير
دخلت غدير وهي حاملة الهدايا اللي اشترى لها حمد...ودخلت بعدها غادة اللي تمشي بتعب و بخطوات بطيئة
جلست غدير ثم جلست بجانبها غادة...قالت غادة:غدير...بقولك شي مشغل تفكيري
غدير:قولي؟؟
قالت غادة:مشعل اتصل علي وقال انه بيجي ويخطبي...وانا...و...وافقت؟!
اتركت غدير اللي بيدها وصوبت نظراتها بـ غادة وهي مصدومة من الكلام اللي سمعته.!!
بكرا
عند صالح وعبدالله بالسياره
صالح
يناظر بمكان غير محدد وشارد...يفكر بياسمين زوجته اللي بيعيش معها باقي عمره...عرسه قرب...كلها مدة بسيطه وحلمه بلقاء ياسمين يتحقق
عبدالله
"اول مره احس ان الوقت كأنه مايمشي"
هذي الجملة اللي كانت تدور ببال عبدالله اللي ينتظر زواج صالح وياسمين يتم حتى يقدر يملك على شوق.!
وقفت السيارة...ونزل صالح وعبدالله...واتجهو الى باب بيت ابوغادة
ببيت ابوخالد وبغرفة ريما
مستلقيه على السرير وساهية..تفكر باللي صار بالامس...تفكر بخالد اللي تغير شكله لما عرف انه تعبها مجرد ارهاق وتعب مو حمل.!!
بغرفة هيفاء
قالت هيفاء لنفسها:
"مشعل راح يخطب رغم انه عقيم...وصالح ملك على ياسمين رغم انه يتيم...وشوق خطبها عبدالله رغم ان ام مشعل وام صالح ضرات...كلهم عاشو حياتهم وكلهم بيتزوجون...و انا بعيش حياتي حتى لو ما اتزوج"
ببيت ابو غادة
ابتسم وفرح مشعل بعد ماسمع موافقة ابوغادة وغادة ...واكتملت فرحته بوجود كل اهله بخطبته.!!
بعد مده
ببيت ام ريان
مصوبة نظراتها على ريان اللي شارد وساهي...اخذت عكازتها وقامت ومشت لي ريان وجلست بجنبه
تفاجئ ريان لما جلست امه بجنبه وقال:وراك ماناديتيني عشان اساعدك
ام ريان:خلاص انا تعودت وماني محتاجة مساعدة احد
بعد ثواني..
قالت ام ريان لولدها اللي رجع لشروده:انت للحين تبي بنت ابوحمد؟؟
نزلت ريان نظراته للأرض ومارد
قالت ام ريان:انا موافقة انك تتزوجها بس بشرط
التفت ريان على امه وابتسم ابتسامة رجعت الحياة لوجهه وقال:وش هو شرط؟؟
ام ريان:شرطي اني احظر عرس حمد.!!
بكرا
بأحد قصور الافراح...بالقصر اللي يقام فيه عرس ياسمين وصالح
عند ساره وسوسن
التفت ساره ووزعت نظراتها اللي تبحث عن ملاك اللي اعزمتها على العرس وللحين ماجت
قالت سوسن متسألة:وش تدورين؟؟
ساره:ادور ملاك؟؟
قالت سوسن متعجبة:ملاك!!
ساره:ايه ملاك...أنا عزمتها عشان نتفح صفحه جديده معها ونرجع صديقات
تذكرت سوسن الماضي وقالت:صحيح اني سامحتها بس اني مانسيت اللي سوته
قالت ساره لسوسن:هي غلطت ودفعت ثمن غلطتها...وانتي الحمدلله بخير وما صار فيك شي...فعشان كذا ابيك توعديني ياسوسن انك تنسين وتعيشين حياتك وتشيلين ذكرى اللي سوته ملاك
قالت سوسن بتردد:اوعدك
عند ام مشعل
الابتسامة مرسومة على وجهها...والفرح مالي قلبها...اليوم عرس بنتها ياسمين...وبعد اسبوع ملكة بنتها شوق....وبعد اسبوعين ملكة ولدها مشعل....هاليووم هو اسعد يوم بحياتها
عند مها ومرام
قالت مرام لمها:شوفي هالمرأة من اول ماجلسنا وهي تناظر
التفت مها وشافت المرأة اللي قامت متجه لهم...وبدأو مرام ومها يتهامسون..
جت المرأة وقالت لمها:وين امك يابنتي؟؟
اشرت لها مها على امها وقالت هذي امي...!
عند ام صالح
"السلام عليكم"
كانت هذي المرأة اللي ماشالت نظرها عن مها المرأة اللي تكون ام سوسن
ردت ام صالح وقالت:وعليكم السلام
ببيت نوره
ناظرت بطنها ثم ارفعت نظراتها الـ صورة عبدالعزيز المعلقة بالجدار ادمعت عيونها على حالها مع زوجهااللي اتعبها واللي لازم تتعود عليه.!!
بأحد المستشفيات
قال الدكتور لـ عبدالمجيد:مبروك زوجتك حامل
ابتسم عبدالمجيد وقال بفرح ظاهر:الله يبارك فيك
باحد قصور الافراح وبأحد الغرف
مسكت ام غادة يد غدير وقالت لها:وش فيك ترتجفين
غدير:مادري ليه خايفة رغم اني مرتاحه لحمد
ام غادة:ترى حمد اللحين بيدخل وابيك تبعدين هالخوف
بالقصر المقام فيه عرس صالح وياسمين
جالسة ام صالح وجالسة بجنبها مرام ومها
قالت مرام لـ ام صالح:وش كانت تبي منك المرأة
قالت ام صالح:كانت تسألني عن مها...والظاهر انها بتخطبها لولدها
ابتسمت مرام...ومها نزلت نظراتها وفكرت لو كلام امها صار وانخطبت وش بيكون ردها؟؟
عند الرجال
وعند صالح وابوخالد
قال ابوخالد لصالح:قبل ماتدخل على ياسمين يا صالح...اوعدني انك ماتزعلها وما تضيمها
صالح:اوعدك....!
عند ياسمين
دخلت ام صالح الغرفة الموجوده فيها ياسمين...والتفتو الكل عليها
قالت ام صالح:صالح بيدخل اللحين.!!
بالقصر المقام فيه عرس حمد وغدير
دخلت ام ريان القصر...ومشت بكرسيها المتحرك ثم وقفت....ارفعت نظراتها وشافت حمد اللي الفرح والسرور مالي قلبه لان غدير زوجته بجانبه
لما شافته تذكرت ولدها اللي كان مفروض يكون بعمر حمد...تذكرت لما ابوحمد اخذ ولدها منها وبعدها ماشافته...تذكرت لما كانت تبي تقتل ابوحمد وماقدرت ....دمعت عيونها لماضي اليم وازداد الحقد بقلبها ..ثم دخلت يدها بشنطتها واخرجت مسدس..ارفعت المسدس وضغطت الزناد واطلقت الرصاصة.!!
الكل التفت لها بعد ما سمع صوت انطلاق الرصاص...ثم التفتو الـ حمد اللي دخلت الرصاصة بقلبه.!
صرخت غدير بألم:حممممممممممممممممممممممممممممممممد.....يماااا اااااه....أتصلوعلى الاسعاف
اصرخت ام ريان بجنون:قتلته ولده مثل ما قتل ولدي.!
قبل مدة
ببيت ام ريان وبغرفتها
فتحت الدولاب(الخزانة)وابعدت بعض الملابس واخرجت مسدس كانت راح تقتل في ابوحمد يوم كانت بشبابها وناظرته بعيون دامعة ولما سمعت صوت خطوات ريان خبأته بسرعة.!
ببيت ابوحمد وبغرفة دلال
ببيت ابوحمد وبمكتب ابوحمد الموجود في البيت
قال حمد لدلال:هاه لقيتي شي؟؟
دلال:لا مالقيت
كمل حمد ودلال دوراة بأوراق ابوهم عن اي شي يدل على ان لهم اخو
وبعد دقائق..
افتحت دلال ورقة..وقعدت تقرأ فيها...وتحولت ملامحها المرتخية الي ملامح جامدة..لان اسم ابوها واسم مرأة اسمها لطيفة واسم اخوها حمد وتاريخ ميلاده موجودين بـ هالورقة.!
عودة الى الماضي
بأحد البيوت
وبغرفة ام ريان
جالسة على الكرسي والمرآة مقابل لها...ناظرت نفسها بحزن على حالها ثم افتحت الدرج واخرجت مسدس وقامت.....!!
بأحد الفنادق
ماسك ابوحمد ولده وولد ام ريان بين يدينه
دخلت زوجته وقريبته بنفس الوقت (ام حمد وام دلال)وقالت:حبيبي...فيه احد يبغيك؟؟
حط ابوحمد الولد(حمد)وقام واتجه خارج الشقة
بأحد الشقق المجاورة
جالسة لطيفة(ام ريان)تنتظر ابوحمد...تنتظر اي اخبر عن ولدها...دخل ابوحمد عليها...ارفعت نظارتها ودمعت عيونها وقالت:وين ولدي
قال ابوحمد بنظرات وصوت غاضب:خلاص...اعتبري ان ماعندك ولد
ام ريان:شلون تبيني انسى قطعة مني شلون....تكفى...سوي فيني اللي تبي بس عطني ولدي.!!
قال ابوحمد بصوت عالي سبب لـ ام ريان الخوف وخلاها تصير اضعف من الضعف اللي هي فيه:ولدك ماااااااات...انسيييييييه
فتحت ام ريان شنطتها كانت تبي تطلع المسدس وتقتل ابوحمد لكنها عجزت وماقدرت.!!
بعد عدة ايام
وبأحد الدول الاجنبية
جالس ابوحمد وبجانبه زوجته
قالت زوجته:حبيبي...ان كل هالوقت وانا ساكته وما سألتك عن هالولد...واحس انه جاء الوقت اللي اسألك فيه...من ذا..وليه خليتني اربيه
قال ابوحمد:هذا ولدي من طليقتي هذا ولدي حمد اللي ابيك تربينه وتعتبرينه ولدك يا ام احمد.!!
نزلت زوجته رأسها بالموافقة على تربية حمد اللي راح يوهمون الكل انه ولدها.!!
عودة الي الحاضر
بأحد ممرات المسشتفيات...وامام احد غرف العمليات..!
خرج الدكتور...وقال بلهجة قد يكون اعتداها:عظم الله اجركم.!
بعد مرور عدة سنوات
ببيت ام صالح وبغرفة صالح وياسمين
قالت ياسمين لصالح:كنك ودك تتزوج علي...يا صالح تزوج
قال صالح بلهجة معاتبه:ياياسمين..كم قلت لك انا يكفيني بـ هالدنيا وجودك...والاولاد لاحقين عليهم...واللحين يالله قومي البسي عباتك بنروح للمستشفى عشان تزورين زوجة خاالد.!
بالصالة
جالسة ام صالح وبجانبه عبدالله وزوجته شوق اللي حاملة بنتها وتلاعبها
قالت ام صالح:شلون امك ياشوق
شوق:الحمدلله بخير مع ان وجع رجولها زايد هاليومين.!
ببيت ام مشعل وبغرفة ام مشعل
متسلقيه على سريرها وممده رجولها...لها يومين ماتحركت...وجع رجولها كل يوم يزيد
قالت غادة:خالتي احط لك شي تأكلينه
ام مشعل:لا والله ما اشتهي
دخل مشعل وقال:وش ما تشتهين...لازم تأكلين يايمه(ثم التفت لغادة وقال)روحي جيبي الاكل وجيبي ادوية امي...
ببيت ابوخالد
جالسة هيفاء امام التلفزيون وقاعدة تقلب بالقنوات...وقفت قناة وشاف رجل ملتحي حست ان شكله مألوف...تفاجئت هيفاء لما تذكرت هالرجل...تذكرت وليداللي صار شيخ وداعية يستيشرونه الناس بأمورهم الدينيه والدنيويه.!
ببيت مها وزوجها طلال اللي يكون اخو سوسن
جالسه مها وزوجها جالس مقابل لها
قالت مها الحامل بالشهر السابع بتألم وبصوت عالي:طلااااال احس اني بولد.!!
امام بيت نوره
جالس عبدالله ولد نوره بجانب محمد ولد مرام
قال عبدالله لـ محمد:تعال...ادخل بيتنا عشان نلعب بلعبتي
محمد:لا ما اقدر...امي تقول تدخل بيت خالة نورة
ببيت عبدالجيد ومشاعل
"سلطاااان....انزل..وخل اخوك ينزل"
كانت هذي مشاعل تنادي سلطان عشان ينزل يتغدى ويساعد اخوه اللي انولد وهو فيه اعاقة فكرية.!
ببيت ابو ناصر(ابو ملاك)
جالسة ملاك وبجانبها سارة وسوسن
قالت ساره لـ ملاك:مبروك الخطبة
ملاك:ألله يبارك فيك
قالت سوسن مازحة وبتذمر مصطنع:عقابلنا حنا اللي للحين محد جاء وطق بابنا
ببيت دلال وعمر (ولد خالة شوق وياسمين ومشعل)
قاعدة تدور بين الاوراق ورقة يبيها زوجها وهي تدور لقت ورقة ذكرتها بماضي اليم...ورقة ذكرتها بـ اخوها حمد اللي قتلته امه...شققت الورقة اللي للحين محد يعرف عنها الا هي...الورقة اللي أصبحت في طي النسيان.!!!
ببيت ريان وزوجته ريهام
ناظر ريان صورة امه اللي حكم عليها بالاعدام بعد مقتلها لحمد...ثم التفت لـ زوجته ريهام وقال لها:وين بنتي دلال؟؟
ردت ريهام وقالت:خليتها عند امي......................!!
ببيت ابوغادة وبغرفة غدير
قالت ام غادة لـ غدير:يا يمه يا غدير...وافقي لي متى بترفضين اللي يخطبونك...تراك كبرتي ومب كل بيجي واحد ويخطبك.!!
قالت غدير بحزن:كم قلت انا ماني متزوجة احد
قالت ام غادة:لي متى هذا حالك...انسي حمد وعيشي حياتك
قالت غدير بنبرة باكية:شلون انسى زوجي اللي انقتل ويدينه بيديني...شلون؟!!
بأحد المستشفيات وبأحد الغرف
متسلقية ريما على السرير وحاضنه بيدينها ولدها اللي كانت ولادته صعبه
دخلت ياسمين الغرفة وسلمت على أم خالد وأم ريما ثم اجلست....!
خارج الغرفة
قالت خالد لـ صالح:فيه ولد ماتت امه وهي تولده وما عرفو عنه شي للحين
وانا برأيي بدال ما يودونه لدار الايتام انت تتبناه
صالح:انا مافيني عيب وزوجتي مافيها عيب...ان شاء الله رزقنا بأولاد وان ما شاء الله فحنا نحمده ونشكره.!
ــــــــــــــــــــــــــــــــــــــــــــــــــ ــــــ
تمت بحمدالله
اعذروني على التأخيرات وعلى كل شي بدر مني
اخوكم
تـ ع ـبت اصبر
|
12-06-11, 12:40 PM
] ---
جديد مواضيع قسم القصص المكتمله
العرض العادي
