كاتب الموضوع :
♫ معزوفة حنين ♫
المنتدى :
القصص المكتمله
القسم الاول من البارت الواحد والثلاثين
ببيت ام صالح..وبغرفة مها..
قالت مرام بتردد وتخوف:مها..عبدالله قالي ان التحاليل ماتطابقت..وانكم..مايصلح تتزوجون.!!
تغيرت ملامح مهاووضح عليه الصدمه...امتلت عيونها بالدموع ونزلت..!!
عجزت تتكلم...عجزت تصدق...معقولة..حلمها بلحظة انتهى.!
ببيت ابوخالد وبغرفة ريما وخالد
جالس خالد على الكرسي...ويفكر...ساهي وشارد بموضوع اخته هيفاء..مايدري وش يسوي...متردد يروح لابوه ويقوله
جت ريما واجلست بالكرسي المقابل له...وقالت بعد تردد:خالد فيك شي؟؟
خالد بشرود:لالالا...مافيني شي
وبعدها نزلت ريما رأسها وهي يآإسة ان خالد يتجاوب ويأخذ ويعطي معها
"مشعل طلق هيفاء...وانا متردد اقول لابوي..."
ارفعت ريما رأسها وقالت بعد ما استوعبت:مشعل ليه طلق هيفاء؟؟
خالد:هيفاء هي اللي طلبت الطلاق...لان مشعل عقيم..ومشعل طلقها..!!
ريما:خلاص..قول لعمي(ابوخالد)..واكيد بيتفهم بعد ما تشرح له...
ببيت ام ريان
دخل ريان على غرفة امه واتجه لها بخطوات بطيئه متردده..جلس جنب امه وعيونه ممتلئه بالدموع
قال بتردد:يمه...لي متى وحالنا..كذا؟؟
التفت ام ريان على ريان وقالت هي تناظر ريان نظرات حادة:وش فيه حالنا؟؟
نزل ريان رأسه وعلق نظراته بالارض وقال:من اول ما انولدت..وانتي تكرهيني بـ ابوحمد..وتحثيني على الانتقام...واللحين بعد هالسنين بعد مالقينا ابوحمد..او بالاصح عيال ابوحمد...اكتشفت ان كل هالسنين اللي دورين فيها ابوحمد ضاعت لان اكتشفت اني انتقم من نفسي..اكتشفت ان البنت اللي احبها هي بنت ابوحمد...هي اللي بنتقم منها..(وبنبرة حزينه)يمه خلاص..انسي..حرام تضيعين الباقي من عمرك عشان قصة لها اكثر من عشرين سنه...
ام ريان بألم وبـ ابتسامة حزينه:انسى..شلون تبيني انسى قطعه مني...شلون تبي انسى ولدي؟؟
ريان:يمه..ابوحمد مات...وحسابه بيلاقيه عند ربه..عياله مالهم ذنب...يمه..لو انتقمتي من عياله انا متأكد ان نار الانتقام ماراح تنفطي..يمه تكفين..
قاطعته ام ريان وقالت:على الاقل تخف وتقل...وعلى الاقل احسن اني ضيعت هالسنين على شي يستاهل..!!
بعد اسبوع
ببيت ام صالح...وبغرفةساره
جالسه على الكرسي وعبدالله جالس بالكرسي المقابل لها
عبدالله:ساره ابغيك تخدميني بخدمه ماراح انساها لك
ساره:تأمر امر...بس وش بخدمك فيه
عبدالله:لما رحنا نخطب لـ ام صالح..فيه وحدة نادت مشعل...وصوت هالوحده حسيت اني اعرفه..صوتهاذكرني بصوت شوق.!!
وانا ابغي اتأكد ابغيك تتصلين على بيت ام مشعل ودي اسمع الصوت واتأكد..!!
ساره بعدم استوعاب:معقولة شوق حبيبتك..تصير هي شوق بنت ام مشعل.!
عبدالله:مادري...انا من بعد خطبة صالح..وانا بعقلي مليون سؤال مالقيت لهم جواب
التقطت ساره جوال...وبحثت عن رقم ياسمين بين الارقام واتصلت..!
ببيت ابوغادة...وبغرفة غدير
جالسه بسريرها ومدده رجولها وسانده ظهرها على خشب السرير
تفكر بكلام فاعلة الخير..معقوله كلامها يكون صحيح...ووش مصلحتها لما حذرتها..معقولة تكون فاعلة خير مثل ماتدعي..حركت رأسها بـ"لا"...نافية وغير مصدقة لكلام فاعلة الخير..!!
ببيت ابوحمد وبمكتب ابوحمد الموجود في البيت
قال حمد لدلال:هاه لقيتي شي؟؟
دلال:لا مالقيت
كمل حمد ودلال دوراة بأوراق ابوهم عن اي شي يدل على ان لهم اخو
وبعد دقائق..
افتحت دلال ورقة..وقعدت تقرأ فيه...وتحولت ملامحها المترخيه الي ملامح جامدة..ّ!!
كرر حمد سؤال لـ دلال اللي اسأله قبل دقائق:هاه لقيتي شي؟؟
قالت دلال وهي تقرأ الورقه:لالا..مالقيت شي..الظاهر اننا مب واصلين لشي مهم..يكفي دواره..خلنا نطلع..!
وطلع حمد فارغ اليدين..وطلعت دلال وهي ماسكة بيديها الورقه اللي كانت تقرأها
ببيت ام صالح وبغرفة ساره
"بخير الحمدلله...انتي كيفك؟؟"
قالت ساره وهي تناظر بعبدالله وكأنها تسأله هي شوق حبيبتك ولالا:الحمدلله..حالي يسرك
واكملت ساره بعد ثواني من التفكير باحثة عن سبب لمكالمتها:انا اتصلت عشان اعزمك لملكة مرام..!
شوق:مادري احس صعبة نحضر الملكه..لكن..مشكوره على الدعوه..!
ساره:العفو...براحتك...ويالله مع السلامة
شوق:الله يسلمك
وسألت ساره عبدالله ناسيه انها ماسكرت المكالمه:هاه هي حبيبتك شوق؟؟
عبدالله:ايه..هي...هي شوق.!!
وبغرفة مرام
جالسه مرام وجالسة ام صالح بجانبها
قالت ام صالح:قبل شوي اتصلت علي ام عبدالعزيز..وتقول ان ولدها مستعجل ووده يخلي الملكه والزواج بيوم واحد...وانه يبي الزواج يكون عائلي ويصير بعد اسبوعين.!!
مرام:هاه..انا ودي يكون يوم العرس الكل يتكلم ...لكن دام هذي رغبة عبدالعزيز انا موافقه.!!
ببيت ام مشعل وعند ام مشعل
دموعها تنزل من عيونها بغزارة...تنزل لانها حزينه على ولدها اللي الله ماراح يرزقة بأولاد..!
بعد اسبوعين
بـ هـالسبوعين انتشر خبر طلاق هيفاء وعقم مشعل اللي انصدم الكل بعد ما عرفوهـ..
وبـ هالاسبوعين سافر عبدالمجيد ومشاعل لـ احد الدول الاجنبيه..علشان يكمل عبدالجيد دراسته بالخارج..
وبـ هالاسبوعين تمت خطبة حمد وغدير ...وكانت ملكتهم بالامس..وتم تحديد زواجهم بعد شهرين.!
وبـ هالاسبوعين تطورت علاقة ريما وخالد...واقدرو يتقربون لبعض اكثر...
وبـ هالاسبوعين تم تحديد موعد ملكة ياسمين وصالح..اللي راح تكون بعد اسبوع
وبـ هالاسبوعين استعوبت مها ان حلمها بزواجها من عبدالله ضاع..!!
وبـ هالاسبوعين رجعت ملاك من الخارج بعد ما استعادت عذريتها..رجعت انسانة ثانية غير ملاك المغتصبه..!
وهالاسبوعين مرو وكأنهم دهر على نورة اللي للحين متمسكة بأمل ان عبدالعزيز ما يتزوج عليها..
بأحد المجمعات التجارية..وبأحد المحلات الموجوده فيها
ماسكه ملاك يد ابوها وعيونها متوزعة على بضاعة المحل..سمعت صوت تعرفه..ألتفت..شافت سوسن ومعها احد اخوانها.!
تقدمت لسوسن بخطوات متردده..سلمت ومدت يدها...وردت سوسن السلام وصافحتها..!
قالت ملاك بكلام متقطع:انـ ـ ـا مـ ـلـ ـلـ ـاك.!
قالت سوسن بـ استغراب:هلابك...واكملت قائله..أعذريني ما اقدر اتكلم معك اخواني مانعيني اكلم اي بنت من عقب سالفة الصور.!
قالت ملاك بنبرة حزينه وبعيون دامعه لان ضميرها انبها:سوسن سامحيني..كنت طائشه..ودفعت ثمن طيشي.!!
سوسن:مب مسموحة..اللي سويتيه فيني..ماني ناسيته طول عمري...وبعدين وش اللي يخليني اسامحك؟؟
مسكت ملاك يدين سوسن وقالت برجاء حزين:سوسن ارجوك سامحيني..وربي اني دفعت ثمن غلطتي واكثر..موكفايةاني اُغتصبت..وان اخوي انعدم.!!
قالت سوسن بعد ما استوعبت الصدمه :الله يسامحك.!
بأحد الدول الاجنبيه وبأحد الفنادق..وبشقة عبدالمجيد ومشاعل
جالسه مشاعل على الكنب وحامله سلطان..وتنتظر عبدالمجيد اللي راح يجيب عشاء ويرجع..!
سمعت صوت رنين الجرس..حط سلطان بالكنب وقامت من الكنب متجه لباب....افتحت الباب..شافت بنت وضحت عليها الملامح العربيه.!
وقالت مستغربه:عفوا..بغيتي شي.!
قالت البنت:دي موش شئة..عبدالمقيد؟؟(هذي مب شقة عبدالمجيد)
مشاعل:ايه...انا زوجته.!
قالت مريم بحزن:هو تقوز(هو تزوج).!!
مشاعل بـ استغراب:عفوا...اختي من انتي؟؟
مريم:انا مريم طليئته...وام ابنه.!!(انا مريم طليقته وام ولده)
بأحد القاعات الفخمه..!
جالسه مرام وجالسه بجبنها ام صالح..
قالت ام صالح وهي تأشر:وقعي هنا..!
مسكت مرام القلم وجت بتوقع لكن وقفها صوت المرأة اللي تقول بصوت عالي باكي
"لااااااااااا..لااااااااااااااا..توقعين"
ببيت ام مشعل..
قالت ام مشعل لـ ام فلاح اللي تكلمها بالتفلون:بنتك مضاوي..للحين ماتزوجت؟؟
ام فلاح:ايه والله للحين...خبرك محد يبي وحده ماتجيب عيال..
ام مشعل: واللي يقولك اني لقيت لها زوج؟؟
ام فلاح:احلفي..والله انك بتكسبين اجر ببنتي..بس منهو...ومن ولده؟؟
ام مشعل:ولدي مشعل.!!
|
12-06-11, 12:27 PM
جديد مواضيع قسم القصص المكتمله
العرض العادي
