فرسان على جمر الغضى

الجزء الخامس

بعيد عن الديره وصل فهاد ومعه المها الي كانت دافنه راسها بحضنه وهي ترجف

اول ما وصل بعد راسها عنه واخذ يناظرها بابتسامه وهو ماسك وجهها

فهاد وصوته متغير من قربها:وشلون اقدر اعلمج على السلااح وانتي ترجفي من خوفج من الفرس... انتي وش انتي يا المها.. الي يشوفج اول ما جيتي على الهودج وتطلبي الي طلبتيه ما يقول انج انتي الي جالسه قدامي ترجف

المها:قليبي محروووق على اخووووي وابوووي مات من حرقة قلبه عليييه...النار بعدها قايده بصدري يا فهاااد

فهاد:عهدا علي اني اخذ بثااارج وبقلبه قال ليت انج تكلمتي معي بس

ناظرت المها فهاد وظلت عيونهم متشابكه لين ماتحركت الفرس ومسكت بيه بقو

نزل من على الفرس ونزلها معه

مشى لبعيد عنها يحاول يسيطر على مشاعره ووقف عود من الحطب ورجع لعندها

فهاد:تعالي

قربت منه

فهاد:اجلسي اهنيا

جلست المها وهي تناظره وهي متدري وش اتسوي

فهاد:امسكي الباروده ذي

المها:ارجااااك اتهقا اني راح اقدر والخوف يدب بصدري

زجرها:امسكي

مسكت المها الباروده وكانت تحس بيها ثقيله

فهااد:ترا دلع البنات ماودي بيه ودج الييوم تتعلمي زيين

هزت له راسها بالسمع والطاعه ووقف ومسك بارودته وصوبها للعود

فهاد:وهالحيين امسكيها مثل ماتشوفي

حاولت المها بالبدايه وكان الامر صعب عليها:ارجاااك يا فهاد

فهاد:تعالي واجلسي اهنيا

ومن بعد ما جلست قرب منها وحاوطها بيديه ومسكها الباروده وهو يورجيها اشلون تصوب الباروده

المها برجفه:يا فهاااد مقدر مقوا

فهاد:الامر بسيط اضغطي على الزناد

كان هو بعد يحاول ما يبين توتره من وجودها بقربه

صارت ترجف وهو محتويها لين ما ضغطت والطلقه راحت لفوق تركت الباروده والتفتت متخبيه بحضنه هو ما قدر غير انه يضحك بصوت عااالي

فهاد:ليييه هذي بدايتها صار جذا الله يعييين على تاليها

المها:ما ودي ما ودي

فهاد:ناظريني الامر بسيط والله انه بسيط...اتركي عنج الخوف

ظل فهاد يحاول يعلمها بالاول حصل صعوووبه معها لين ما قدرت اخيرا تمسكها وتصوب لحالها مير انها ما كانت تصوب على الهدف زييين

فهاد كان الوقت الي مضاه معها من اجمل الاوقات الي مرت فيه حس بسعااده غييير ولذه حلوه بتعليمها... كل شي بيها ابهره رجيفها كلامها مسكاتها ليديه حتى خوفها ونظرة عيونها وده يحس ان مابينهم حواجز مير كل ما تذكر الي لزوووم يصير بينهم يبعد حاله عنها

................................

عتيبه جاب رعيان يكونو بدالهم لجل يقدر هو وغيث وقماد يطلعو ومحد يدري بيهم وترخص من الشيخ طايل انهم باكر ما يقدرو يطلعو مع ابنيته

قبل طلعة الضو راحو لوجهتهم ديرة السدر وقبل لا يوصلوها ابعثو رجال يقول لهم ان عيال العطاوي اليوم ناوييين يغزونهم

طاري عيال العطاوي يكفي لجل يبعث الرعب والخوف في القبيله لجل تسهل المهمه لهم لان كثير من القبايل اول ما يوصل الخبر لهم الشيخ وبعض جماعته يهربو تاركين القبيله وهم متاكدين انهم ما ياذون الشيوخ والحريم

على الضحى صار الهجوووم وكانت المعركه بسيطه رجال قلايل الي واجهوهم حوشو النسوان والصغار لمكان وحطو عليهم حاجز جمعو الي يريدونه من الحلال

قوت كانت من الي حجزوهم بالحاجز وكانت مقهوره حيييل من الشيخ وربعه الي فرو من الديره

دخل غيث للحاجز وصار يكشف عن كل وحده متلثمه ويناظر بعيونها

غيث بنبره جاده:هاتي ذهباااتج

الحرمه:ما عندي ذهبااات

التفت لعتيبه الي واقف من ورا الحجز

غيث:وذي بعد تقول ما عنده ذهبااات

عتيبه ارتاب بالامر:الي ما ودها تقول عن مكان الذهبااات نقطع من اذونها شوي

بدت الحريم تصارخ وكلا يحلف ويقول انهن انهبن

غيث وهو يرفع سلاحه عليهن:انكتمن ولا ترا بالباروده ذي تنكتمن

وحده من الحريم:حنا ما عندنا ذهبااات الديره كل يووم بيها حد يسرق الذهبااات ماندري والله من الي يسرقها

كانت قوت جالسه بين الحريم وساكته ما ودها تكون بالصوره

عتيبه:اييييه وحنا بهايم نصدق الحجي ذا....اقول يا لييث خرج لي النسوان وحده وحده والي ما ودها تقول الذهووب وين اقص الها اذونها

غيث بقسوه:انتي اطلعي لبرا

الحرمه:والله انه ما عندي شي والله ان ذهباااتي انسرقت

غيث:امشي يا حرمه

عتيبه:هات السكين يا ليث

مد ليث بالسكين لعتيبه

طلعت الحرمه واخذها عتيبه لمكان بعيد وما انسمع منها الا صرخه

كل الحريم الباقيه رجفت من الخوف وصارن يبكن ويقسمن بالي صار لهن

رجع عتيبه وهو يمسح الدم الي بيده

عتيبه:هااه وين الحرمه الثانيه

المكان على بيه العويل والبكاء

وناظر غيث عتيبه وهز له راسه

قوت وهي تمسك بالحاجز وتنادي بيا جده

قرب منها عتيبه:وش بج يا حرمه

قوت وهي تمثل انها عميا:اريييد جدتي جدتي وييين ...وش الي يصير

ظل عتيبه يناظرها:انتي ماتشوووفي عميا

قوت:جدتي وييين اتركني اروح اشوووف جدتي

عتيبه باستغراب:تشوفيها !!!؟

قوت:اريييد جدتي اتركني ارجاااك جدتي كبيره ووكاد انها طاحت بمكان

عتيبه:ما شفتيها مع النسوان

قوت:للا ماهي موجوده انا ما خليييت حرمه وما لقيتها ارجاااك تتركني ارووح اشوفها

فتح عتيبه الها الحاجز

عتيبه:تعالي من اهنيا

غيث:ليه تتركها تطلع

عتيبه:عميا ما منها خوووف

غيث:ووين ودك تتركها تروح الديره ما بها حد

ظل عتيبه يناظرها وهي تروح وتتخبط بمشيها

عتيبه:ما عليها خلها تشوف سبيلها

من بعيد ظل عتيبه يناظر قوت وهي تمشي وتدووور بالقبيله متخبطه ومتعثره بمشيتها

شافها وهي تتعثر بحجر كانت مربوطه فيه فرس وانفك رباط الفرس بدا يمشي وراها من بعيد لبعيد وده يعرف وش ناويه عليه

الفرس خذت طريق وقوت خذت طريق ثاني لخيمتها متامله من بعد ما تنهي مهمتها انها تركب الفرس وتهرب

شافها وهي رايحه للخيمه وبدون ما تشعر لحقها وظل يناظرها من فتحة الخيمه شاف الي وده يشوفه ورجع وهو ينادي تركت الذهبات مكانها وطلعت

اول ما طلعت

عتيبه:هاااه لقيتي جدتج

قوت وهي تبكي:ما لقيتها مالقيتها ارجاااك تدورلي عليها وييين ودي هالحييين القاها

عتيبه:اسمعي زيين انتي تعرفي تمشي بالقبيله لحالج

قوت:ايييه

قرب منها ولفها لمكان معين

عتيبه:سيري بالدرب ذا وكاد انها هي العجوز الي لمحتها من قبل اشوي

قوت بريبه:انت شفتها

عتيبه:ايييه كثير من العجايز حنا ما قدرنا عليهن وكاد انها وحده منهن

مشت قوت وظلت تمشي بينما ابتسم عتيبه وهو يدخل ويكشف عن المكان الي شافها تكشف عنه وطلع الذهبااات

عتيبه:ملعوونه تقول انها عميا وودها تاخذ الذهبات وتهج وكاد ان حريم القبيله مامنه ذهباتها عندها

طلع عتيبه ورجع للمكان الي بيه قماد وغيث واشار لهم ان كل شي منتهي

الحرمه رجعت للحجز وماكانت اذنها مقصوصه مثل ما وهم عتيبه الحريم الباقيه انه قص اذنها تطمنت الحريم

قوت رجعت للخيمه وما حصلت ذهباتها وماااتت من القهر عاودت للمكان الي فيه الحريم محجوزه وكانت تمشي وهي تشوف قدامها

عتيبه وهو يرفع لها حواجبه:اجل عاودتي وانتي تشوفي

ناظرته بنظره وكملت طريقها لجنب الحجز

ركب غيث وعتيبه كل واحد فرسه ونادو على قماد الي قرب منهم وهو مجلس بنتين وراه

عتيبه:قماااد!!!!

قماد:عهدا على ما نزل وحده منهن والي ودكم تساونه ساووه البنيات راضيات ومن حالهن جن

انطلق حينها بفرسه مبتعد عنهم

حرك غيث وراه الا ان عتيبه اعترضت طريقه قوت

عتيبه:وش اتريدي

قوت:ليه خويك اخذ البنياات؟

عتيبه:حلاله

مسكت بلجام الفرس:ايييه اجل خذني معك انا بعد

التفت لها عتيبه:وش اتقولي انتي انجنيتي؟

قوت:وش ودك اياني اسوي اهنيا انا مالي حد بالديره ذي ودي اروووح معك ارجاااك

عتيبه:اسمعي يا حرمه اتركي لجام الفرس وانقلعي من قدامي

قوت:ارجاااك ارجاااك ودي اروووح معك انا سبيه حالي حال غيري ارجاااك

عتيبه:وش هالنشبه ...قومي من طريقي اقووول

قوت باصرار وترجي:ليييه ما ودك تاخذني هذا هو خويك اخذ ثنتين

عتيبه:هذا مهبول وانا لاحقه لجل يترك لبنيات يعاودن وش الديره ذي

قوت:انتو نهبتو كل حلالنا ورجالنا هجو من الديره حنا وشلووون ودكم ايانا نعيييش من بعد الحلال والرجال

عتيبه:ابعدي ابعدي وانقلعي من طريقي

قوت:ارجاااك ارجاااك والله اني اكون تحت رجيلك وانفعك بكل الي تريده كل حاجه تريدها اسويها ودك اياني اطبخ اكنس ارعالك الحلال اي حاااجه انا مستعده اسويها

عتيبه:يا جهد البلا اتركي لجام الفرس وعاااودي ما ودي ايااااج

ظلت قوت تلحقه وهو يحوش الحلال الي اخذه وماتركته وهي تعيد وتزيد انها لزوم تروح معه

طلعو لمكان بعيد من الديره وهي تترجى وتطلب منه ياخذها معه

عتيبه صرخ عليها:والله انج نشبه انقلعي اقووول

قوت:ارجاااااك خذني معك

عتيبه نزل من فرسه ومسكها من كتفها وهو يهزها:وش اتريدي هااه وش اتريدي تروحي مع الرجال اسمعيني زييين...والله ان لحقتيني انك تشوفي شي ماتمنيه تفهمي

تركها بعد ما رماها على الارض وركض لفرسه وركبها وانصاب انها واقفه قدامه وماسكه بلجام الفرس مره ثانيه

عتيبه:انتي ناويه تجننيني يا حرمه انقلعي اقووول

قوت :للا ودي تاخذني معك ارجااااك

ناظر عتيبه لبعيد وهو منتشب معها وماقد نشب به حد بحياته مثل ما انشبت هي

سحب بارودته من ورا ظهره وصوبها عليها

عتيبه:تدرين ان الحجي معك ضايع انقلعي اقووول قبل لا اصوبك بالباروده

قوت:للا خذني معك او اقتلني ما ودي شي من الدنيا

عتيبه:يا ويلي ويلاااااااه

حرك فرسه من بعد ما ابعدها من طريقه وابتعد عنها وهي تلحقه وتترجاه حاول انه يتجاهلها ويكمل تحويشه للحلال وقال انها وكاد تتعب من المشي وراه

كانت قوت تلحقه وهي تحوش الحلال معه اتورجيه انها اتساعده

عتيبه:اتركي الحلال وارجعي للديره

ما سمعت وش يريد وصارت تلحق الي يهرب من الحلال وترجعه

حط ايده على راسه منتشب بيها:وش اسوي هالحييين هذي نشبه مقد انتشبت بحد مثلها

..........................

فوق بالجبل قماد :اقطع ذالوجييييه عووووووذه

نط قماد وهو مستعد يهرب بينما البنتين كل وحده مسكته من جنب

قماد:الله يقطع وجيييهكن اتركيييني اتركيييني انتي وهي

البنتين كانن جميلات مير يوم تبسمت كل وحده منهن انكشفت له اسنانهن السودا والي كان عددهن قليل تغيرت ملامح وجيههن بابتسامتهن

اخيرا قدر قماد يهرب وينزل من فوق الجبل وهو يركض على رجوله كانه شايف الموووت بعينه

وقف عتيبه يناظره ومستصيييب وش فييه

قماد وهو يركض لوحده من الخيوول:تووووبه توووبه يا خووووي معااادني بعااايدها عووووذه عوووووذه

عتيبه:وش بك يا رجااااال

قماد وهو يقفز على الفرس:الجن يا خوووي الجن شفتها بام عييييوووني

وانطلق قماد وعتيبه مهب فاهمن شي:هذا وش به

قربت منه قوت وناظرها وهو مستغرب ويتسال بنفسه"تكون البنت ذي بعد من الجن هو امرها والله يخلي الواحد يرتاااب بيها

عتيبه:اسمعيييني زيييين

قربت منه وهي مبتسمه:وش تريد؟

عتيبه:هو خويي وش جااه من لبنيااات

ابتسمت قوت اكثر:البنيات ذيلا مهبولااات ووكاد خويك دري بيهن

عتيبه:اييييه وكاااد

قوت:ايييه

عتيبه:وانتي ما ودج تتركيني وتعاودي للديره

قوت:اعاود وش اسوي....تراني يتيمه ومالي حدن ارجع ليه ...ارجاااك يا النشمي خذني معك وانا اكون لك عووون بكل شي تريده

عتيبه:انتي حرمه وحنا رجال وش الهرج الي تقوليه

قوت:انتو عيال العطاوي حنا سمعنا عنكم كثير ...ونعرف انكم مهب من الي نفوسهم شينه

عتيبه:ليه ما شفتي خويي وش كان وده يساوي بالبنيات

قوت:انت مهب مثل خويك ...وانا متطمنه على حالي معك ويرخصلك الحال يا فارس الفرسااان انا سبيتك وكلي فدن لك

عتيبه اخذ يدور بالفرس حوليها:انتي انجنيتي ووكاد ان براسج موااال

قوت:ارجااااك تاخذني معك

عتيبه:اخذك لوين؟

قوت:لاي مكان ودك تروووح له

قرب غيث منهم:وش بك يا عتاااب

عتيبه:المره ذي ما ودها تتركنا لحالنا

نزل غيث بارودته وصوبها ناحيتها:بعد عنها وانا اخوووك ما ودها تفهم الا بالباروده

قوت ظلت واقفه وما تحرك فيها شي ومتحديه الباروده المصوبه ناحيتها

غيث انقهر منها واطلق طلقه بين رجولها على الارض انتفضت قوت من الي سواه ونزل عتيبه بسرعه من الفرس وهو يصرخ على غيث

عتيبه وهو يركض لها لانها جلست على الارض:وش سويت يا ليييث

غيث:اتركها وخلنا نمشي

قرب منها عتيبه وعيونه تدور ان صابها شي كانت ترتعد من الخوف

قوت:الله ياخذه وياخذ روووحه ليييه يسوي فيني كذا

عتيبه:صابك شي؟

قوت:للا مير صب قليبي....اقووول ما ودك تاخذني معك

وقف عتيبه من بعد ماتطمن والتفت لجل يركب فرسه

عتيبه:عاودي للديره

ركب فرسه وانطلق لاحق بغيث

وقفت قوت وهي مقهوره منهم ولحقتهم تركض ورا الحلال الي كانو يحوشونه

غمض عتيبه عيونه ونفث الهوا الي بصدره اول ما شافها انا اشهد انها بليه

رجع الها غيث واخذ يطلق النار حوليها يرهبها لجل اتعاود لاكن مافي فايده ظلت تلحقهم لين ما يائسو يسوو شي لجل اتعاود وكانت فارضه حالها وهي تساعدهم بتحويش الحلال معهم وتمنعه انه يهرب

وبعد مسافه كبيره جلسو يتريحون جنب واحد من الغدران يسقون الخيل والحلال جلست قوت في مكان بعيد عنهم وهي تناظرهم

قرب قماد من عتيبه:يا خوووي وش هالبنيه الي تلحق الحلال

عتيبه:ما ودك بيها؟

قماد:معاااذ الله توووبه من القبيله ذي ...وش يدريني ما تكووون ذي ام الجن لللا للا يا خوووي

والله لو يكووون مابها عذروووب انها تحرم على انا ما هقيييت اني قدرت انجي بروووحي

ضحك عتيبه بصوت عالي وهو يشوف قماد يتحجى وهو مرعوووب

عتيبه:اها يا خوووي اجل انت شفت شي ماقد شفته بحياااتك

قماد:انا اشهد يا خوووي محلاهن وهن يناظرني والزين يقطر منهن ..واول ما تبسمت الا وذيج الخفسه الي انقلبت لي عووووذه وتجيييك الثانيه من فوووقها مابها الاسن واااحد يناظرني...شيييينه عوذبالله

عتيبه:ههههههههه اجل جذا السااااالفه ...بس ذي يا خوووي مزيووونه

قماد:للا للا......من القبيله ذي مالي حاجه

عتيبه:هذا شي زييين وان شالله انك تترك الطريق ذا

قماد:انا لزومن اروح عند شيييخ لجل يقرا على من الايات ويحصني من الجن يا خوووي انا الي شفته جن مهب انس يا دافع البلا وتقولي رح لذي الي جايه برجليها ورانا

ترا انا اقطع ايديني انها وحده منهم ايييه يا خوووي لزومن انها مخبيه شي ترا بعمري ما شفت انسيه تلحق الحلال وصاحيه مابها شي يا خوووي الخيل هلكت من الركيض وهي ابد ما تقول صابها شي

قرب غيث منهم وهو نظره عند قوت:تهقا يا عتيبه حجي قماد صحيح

وقف عتيبه وهو يناظر ناحيتها:والله مدري يا غيث ...وش ودكم نساوي لجل نعرف وش سالفتها

غيث:خلنا ندز قماد يحاول يتحرش بيها ونشوف وش ودها تساوي

نط قماد مثل الي لسعته عقرب:عووووذه ........ولييييه انا انا تراني هالحييين ماشي ومهب بمجنووون لجل اسمع حجيكم ان كان ودكم تدزو حد انت يا ليث كفو تراك تعرف بالسوالف ذي

وحركله حواجبه

صرخ غيث على قماد :انكتم ...وانقلع هالساااع ما ودي اسمع منك هرج

قماد وهو ماسك بارودته ويمشي رايح لفرسه وعينه عندهم:اييييه انا رايح مهب مجنووون اسمع شوركم

وراح قماد بسرعه لفرسه وانطلق عليها

غيث:ودي اقطع لسانه الغثيث

تبسم عتيبه:اتركك منه وقلي وش انسوي مع ذا لبنيه

غيث:نبيعها مع الحلال الي راح نبيعه بعد ما نلاقي الشراي

ابتسم عتيبه اكثر:انا اشهد انك جبتها

كملو طريقهم وقامت قوت ولحقتهم وهم يضحكون عليها

وبعد مسافه قرب منها عتيبه

عتيبه:اسمعيني زييين

قوت وهي تلهث ووجهها يتصبب من العرق والتعب هاد حيلها:اييه اسمعك

عتيبه:الحقي الحلال ولاتخلينه يبتعد كثير من الجنب ذا

قوت وهي تاخذ انفاسها بصعوبه:اييه تحت امرك يا شيخ النشامى

وركضت قوت ورا الحلال ووقف عتيبه ينظر لها وهو مستصيييب من امرها ..... وش هالنشبه

قبل لا يوصلون عند الشراي قعدو يتريحو اشوي وينتظرونه يجيهم ...قدرت اخيرا قوت تاخذ لها نفس وتريح اشوي وهي ميته من العطش الا انها اول ما جلست حست بدوخه قويه تجيها والدنيا تلف من حواليها

قوت:يا وييييلي وش الي يصير لي

مسكت قوت راسها بيديها تحاول انها ماتفقد وعيها لاكن صار الي كانت خايفه منه

نزل عتيبه من الفرس اول ماشافها وهي تحاول تمسك حالها انها ماتسقط وقرب منها بعد ما وقعت على الارض

عتيبه:اييييه وش بيها ذي والله انها نشبه مابحياتي انتشبت بيها

مسكها ورفع راسها على رجله واخذ يضرب وجهها لجل اتفوق

عتيبه :انتي يا حرمه وش الي صااارلج انا اشهد انج بليه انتي يا حرمه

شاف عتيبه ان وجهها محمر كثير واخذ يفك عنها الشال الي لافه بيه شعرها واول ما رفعه وانتثر شعرها حولين وجهها شاف ان شكلها تغير وبان زينها بشكل ثاني

عتيبه:ايييه مابج عذروووب مير مدري وش سالفتج

نزل جربة المي المربوطه بكتفه واخذ يرشها بالمي

قوت اول ما حست بالمي على وجهها صحيت وهي تطلب المي وتمسك الجربه وهي تشربها تركها عتيبه تشرب المي وقعد يناظرها

مسحت قوت المي الي على طرف شفايفها واخذت تناظر عتيبه

قوت:انا وش صارلي

قعد عتيبه على الارض من بعد ما كان بس قاعد على رجوله

عتيبه:اريد اعرف انتي وش سالفتج ليييه تشقييين حالج وانتي مهب قد الي تساوييه

جلست قوت وهي ترفع شعرها الي نزل على وجهها وكانت ملامحها الزينه تبان اكثر واكثر

قوت:انا قلتلك ....مالي حد بالديره لجل اظل عنده الرجال هربو والحلال اخذتوه ومن بعد ماتمشو يهجمو علينا قطاعيين الطرق ويسوو فينا الهوايل

عتيبه:قطاعين الطرق؟؟!!!!؟

قوت:ايييه انتو يا عيال العطاوي حنا ندري بيكم انكم جايين تنتقمو من الي تخاذلو يوم تصير الغزوه على ديرتكم ونعرف وش تريدو من الديره ما عمرنا سمعنا انكو اذيتو حرمه ولا شيخ...مير قطاعين الطرق الي يعرفو وين ودكم تهجمو يكونو مجهزين حالهم من بعد ما تمشو ييجو ويقضو على كل شي بقي

عتيبه باستغراب اكثر:وش اتقولي ...انا مابعمري سمعت عن قطاعين الطرق ذيلا وشلون حنا ما درينا عنهم..والله انه يكون اخر يوم بحياتهم

قوت والي كان كل الي تقوله من نسج خيالها:ايييه ترا انا مدري ان كانت لعلوم ذي صحيحه ولا لا مير انا ما ودي اكون عرضه لهم اامن على عمري معكم ولا اكون بين ايديهم

اخذ عتيبه يناظرها وعيونه تستحسن زينها وحست انها قريب تحمر اخدودها وصارت تصرف نظرها لمكان ثاني

هز عتيبه راسه يطرد الي يحس بيه ووقف

عتيبه:اسمعيني زين ان كان كلامج ذا صحيح تراج مامنه ولا تخافي من شي ...وهالحيين قومي وامشي للفرس الي مربوطه اهناك واركبيها..وترااج مهب معفايه من الي طلبتيه ودج تكوني تحت الشور وتسمعي الحجي تسمعييين

وقفت قوت وهي فرحانه حييل:اييه اييه يطولي بعمرك انا تحت الشور والسمع والي تريده امر عليه واتشوف مني الي يسرك

عتيبه:اجل امشي امشي والحقي الحلال ورديه

قوت:ابشر والله

ركضت قوت للفرس وكان عتيبه يناظرها وزاد استغرابه من تمرسها بركوب الفرس وانطلاقها بيها وهي تلحق الحلال

لحق عتيبه غيث وقال له بالي كانت لبنيه خايفه منه

غيث:يا خووي هو به قطاعين طرق غيرنا ترا مقد سمعنا عنهم من وييين طلعو ذيلا

عتيبه وعيونه تراقب قوت من بعيد:مدري عنها تقول لعلوم جتهم كذا

غيث:وش راح تسوي معها

عتيبه:نشوف الشراي وش يقول عنها


بعد ما لقيو الشراي باعو عليه الحلال كله واستلمو المال وقوت تناظرهم وهي متعجبه من الي يساونه

عتيبه وهو يكلم الشراي:تشتري لبنيه يا رجال؟

الرجال التفت لقوت واخذ يناظرها:خلها تجي اهنيا وتخلع شالها لجل اشوف ان كانت تستاهل اني اشتريها

نط غيث بوجهه:وانت وشله تريد تشتريها مهب لجل اتكون جاريه تنفعك وش له تريد تشوف انكانت تستاهل

عتيبه:خلااص يا غييث خلاااص ما ودنا نبيعها

غيث:اجل وش رااح تسوي معها

التفت عتيبه لقوت

عتيبه:تعالي اهنيا

تقدمت قوت منهم

عتيبه:الرجال وده يشتريج

قوت ظلت تناظرهم من دون ماتتحجى بشي

عتيبه:وش قلتي؟

قوت ونظرها لتحت:شوووري بيدك والي ودك تسويه سووه

ظل يناظرها لثواني

عتيبه:يقول وده يشوفج من دون شالج

رفعت قوت ايدها لجل ترفع شالها ووقف عتيبه بسرعه:تمهلي انا ما قلتلج ارفعيه

قوت:السموووحه والله اني ما دريت انت وش تريد مني

عتيبه:امشي امشي وعااودي لمكانج

قوت:ابشر يا عمي

راحت قوت وهي مبتسمه بابتسامه خبيثه وكل الي ودها اياه يتحقق لها السمع والطاعه لك يا ولد العطاوي

اخذ غيث يناظر عتيبه والتفت عتيبه للرجال واسترخص منه وقام هو وغيث راجعين لخيولهم حتى الفرس الي كانت قوت راكبه عليها باعوها وهم معتقدين انهم راح يبيعوها مع الحلال

كانت قوت واقفه جنب خيولهم ركب غيث فرسه وظل عتيبه يناظرها

عتيبه:تراني بعت الفرس الي كنتي تركبيها

نزلت قوت نظرها لتحت وهي مستعده لكل شي يطلبه

عتيبه:كنت ناوي ابيعج للرجال مير اني شفت ان نيته مهب زينه وقلت اشوف لج ناس ثانيين يقبلوبج تكوني عندهم

قوت:الي تشوفه يطولي بعمرك

عتيبه وهو يناظر غيث الي ينتظرهم ويرجع يناظرها

عتيبه:وهلحيين وشلون ودي اخذج معي؟؟

وبنظره مقصوده تريد تذوب مشاعره من وراها رفعت نظرها له وهي ترمش...عتيبه صد بنظره عنها اول ما شاف نظرتها وظل يناظر غيث الي بعده واقف ينتظره

عتيبه وهو مايدري وش به:تعالي واركبي ورااي

ركب فرسه وركبت قوت وراه وهي مبتسمه بانتصارها للي تريده الا ان عتيبه شاف انها ما مسكت فيه ومسكت بحواف السرج الي على الفرس حرك حواجه مستغرب منها لفوق وانطلق لاحق بغيث وهي بعدها متمكنه من مسكتها لحواف سرج الفرس حتى انها مالامست ظهره والي بوضعها وكاد انه متمرس بركوب الفرس

رجع غيث لعتيبه وساله عن السكين الي اعطاه اياها من بعد ما تحسست ايده صدره مكان لجروح

عتيبه:هقوتي نسيتها بالديره

غيث:نسيتها الله يهداك يا عتاب

وحرك غيث فرسه راجع للديره لجل السكين

......................................


على الليل دخل فهاد لبيته وما كانت المها بالمجلس وقبل لا يخلع حزام سلاحه شافها وهي جايه ناحيته وكانت مثل القمر وهي مستعده للنوم وشعرها منهد حولين وجهها يفتن الي ما ينفتن

حس باللهيب يحرق قلبه وصرخ عليها صرخه:وش الي تريديه ليييه جااايه ذالحيين عندي

وقفت المها تناظره ومستغربه من الي قلب حاله عليها

المها:انا كان ودي

فهاد قرب منها ومسكها من ايدها بقو :انتي تريدي تلعبي بي تريدي تبيني اني مهب قد كلمتي

المها:وش الي سويته يا فهاااد؟

فهاد وعيونه تناظرها وقلبه يصرخ من الوجع الي يحس بيه:ما تدري بالي تسوينه بي ...ليييه ماتفهمي ان حنا قريب كل واحد منا بطريق ليييه تريدي

تحرقييني

المها وهي موجوعه من مسكته ليها:انا يا فهااد ما ودي اسوي لك شي ليييه تقول كذا

فهاد وهو يتركها ويلتفت عنها منقهر:اجل وش الي تريدينه هالحييين وجااايه من اجله

المها بارتبااك:انا يا فهااد تخيل لي ان بفراشي انكت جربووع وجييت لجل اتشووفه انت تدري اني كثير اخااف من الدوااب

فهاد بغيض:وش الي يجييب الجرابيع للبيت انا ما خبرت بالجرابيع تدش البيوت

المها وهي مستحيه ودمعتها بطرف عينها:اسمحلي والله انه تهيا لي وما جابني الا خووفي

نزلت دمعتها والتفتت تريد تعاود وهي تحس بالخوف

فهااد:انتظري

التفتت له المها واخذت تناظره

فهاد:انا راح اشوف لجل اثبتلج انه ذا بس خووف ماله داعي

سكتت عنه وتعداها رايح لشقها ...واول ما رفع لفراش نط الجربوعي واختفى بين اغراضها

وقف فهاد وهو يانب نفسه على قسوته عليها وتذكر ان البيت مبناي على طرف القبيله وان الاعشاب الي جنب البيت والي لحد الحين محد شالها هي وكاد سبب وجود الجرابيع

طلع الها

فهاد:مابه جرابيع..نامي وتطمني

هزت راسها ومشت لين ما مرت من جنبه

فهاد:انتي شفتيها؟

المها هزت راسها بنعم

فهاد:تراها ماتخوف وهي بالاصل تخاااف ان هوبتيها

المها:احس برجولي تجمد ولا ني قادره احركها

فهاد:من باكر راح ابني البيت قريب من بيت ابوي الشيخ وهناك الجرابيع ما توصل... اهنيا العشب بعده ما انشال ووكاد هو الي يخليها تجي اهنيا

بلعت المها ريقها وهي ميته من الخوف:هي هالحيين طلعت من البيت

فهاد:باذن الله ما تضرج وانسي انج شفتيها

نزلت راسها لتحت وكان الخوف باين بوجهها ومشت رايحه للشق

ظل فهاد واقف مكانه مختبص حاله مايعرف وش يسوي لجلها

صرخت المها والتفت فهاد لحقها وما حس الا بالي ترمي حالها عليه لجل يوقع هو وهي على الارض من قوة اندفاعها له

غمض فهاااد عيونه وهي تدعس براسها بصدره وظهره مرتمي على الارض





!! !!
!! !!
!! !!


وديمه العطا

فرسان على جمر الغضى

الجزء السادس




المها انكمشت بصدر فهاد الي وقع على ظهره وهي طايحه فوقه وتدعس براسها اكثر فيه

المها:الجربوووع الجربوووع يا فهااااد والله اني شفته

حط فهاد راسه على الارض وابتسامه بسيطه تلوح بشفايفه ولمها لحضنه

فهاد:ويلي ويلاااااااااه

رفع عيونه للسما والنجوم واخذ يناظرها وبعدها عاود ينظر الها وهمس ليها

فهاد:المها تراه جربوعي يخاف منج ازود من خوفج منه وهقوتي هالحين هو بابعد مكان يقدر يوصل له

المها:مقدر يا فهااد مقدر ارجولي جمد الدم فيهن

اعتدل فهاد وهو لافها بيديه

فهاد:ليييه اتسويبي كذا يالمها انا ما هقيت اني اطفي النار بي تقومي وتشعلى الجمر ازود

ابتعدت عنه اشوي وهي تناظره ودها تفهم وش يقول

المها:وش اسوي يا فهاد ارجووولي معاد قادره تحملني

ظل ايناظرها وهو مبتسم وهي كل مارفعت عينها بعينه تعاود وتنظر لتحت

قام وحملها بين ايديه وتوجه بها لفراشه

............................................................ .......



قبل المغرب بنفس اليوم وصل عتيبه وغيث الي قدر انه يلحق عليهم من بعد مارجع وجاب السكينه لوحده من الديرات الي يعرفون بها حرمه كبيره كان لها عليهم معروف بمره من المرات يوم

عالجت غيث من جروح كانت تنزف منه وكانت كفيله انها تودي بروحه

نزلو عندها ورحبت بهم وطلب منها عتيبه انها تستقبل البنت الي معهم تعيش عندها الحرمه رحبت بيها وبعدها قام عتيبه وغيث وركبو خيولهم وتوجهو لوجهتهم الا ان عتيبه تفاجئ بالي تلحقه وتناديه التفت بالفرس ناحية قوت

عتيبه:انتي وش اتسوي اهنيا
قوت:وين ودك تتركني؟

عتيبه:ايييه وين ما تركتج ليييه لحقتيني

قوت:ما ودي اقعد اهنيا

عتيبه بصدمه:وش اتقولي ؟

قوت:انا ما ارتحت عندها ما ودي اقعد بالديره ذي

عتيبه:يا جااااهد البلا انتي وش اتريدي اتركيني بحالي يا حرمه

قوت:قلتلك انا ما ودي اقعد عند الحرمه ودي تاخذني معك

عتيبه:وشلووون اخذج معي انا رجااال ما تفهمي

قوت:الحرمه ذي ما ودي اقعد عندها ذي نوايها شينه وانا اعرف الواحد من نظرة عيونه

عتيبه:انقلعي انقلعي للديره واتركينا نتيسر

قوت:بكيفك يا ولد العطاوي مير اعرف اني خبيرتن بالاثر واني راح امشي ليلي مع نهاري اتبع اثاري فرسك لين ما تلقاني عندك

عتيبه :انتي وش انتي شيطااان ما وده يفارقني

قوت:انا ما هجيت من ديرتي الا وانا طالبه الامان معك ولزوووم تاخذني معك

عتيبه:وليييه يوم قلتلج انه ودي ابيعك للشراي ما قلتي شي

قوت:كنت احسب انك تريد اتبيعني وتاخذ المال ومن عقب انا ادبر حالي والحقك

عتيبه:وش اتقولي؟!!!!؟

حرك عتيبه الفرس وانطلق بيها وظلت قوت تتبعه اخبر عتيبه غيث بامرها

غيث:يا جهد البلا وش هي يا خوووي

عتيبه:مدري عنها

غيث:يا خوووي خوفي انها تسوي الي قالته وتفضحنا بقبيلة الشيخ ابو طايل

عتيبه:الديره بعيد يا غيث ما هقوتي الي تقوله تقدر تسويه

غيث:هي وش اتريد؟

عتيبه:وانا وش يدريني وش اتريد بليه يا خوووي....اسمعني يا غيث توكل انته عاودللديره وانا ودي امر

عند الشيخ بالمغاره واشوف وش علومه ويمكن اني القى طريقه للبنيه

غيث:زين ارخصلي اجل

راح غيث وظل عتيبه واقف وهو ينظر لقوت الي قدرت تلحقه

عتيبه:ودي افهم انتي وش تريدي من كل ذا

قوت وانفاسها متقطعه:ودي ودي اكون معك

عتيبه:تعالي واركبي

ابتسمت قوت ومشت رايحه عنده ركبت وراه وعاودت تمسك بسرج الخيل ابتسم من فعايلها وحرك الفرس رايح لوجهته الا انه حس بيها وهي تمسك فيه وهي تحاول تتغلب على النوم الي جاها بعدها حس براسها على ظهره وكانها نامت

عتيبه:والله اني مدري وش ورااج

عند اسفل المغاره اخذ عتيبه ينادي على رفيجه والي مسمي نفسه الشيخ

عتيبه:يا شييييخ يا شييييخ

صحيت قوت وابعدت حالها عنه

قوت:من الشيخ؟

عتيبه:رجال وحرمته ساكنين اهنيا

قوت:هو الشيخ الي يملك بالناس

ضحك عتيبه:ايييه هقوتي

الشيخ من فوق:من الرجاااال

عتيبه:عتاااااب يا شيييخ

نزل الشيخ وكان رجال قصير اشوي ومليان

الشيخ:عتاااااب يا مية هلا وسهلا حيالله بولد العطااااوي

عانق عتاب الشيخ وهو مبتسم وكان عناق حار

عتاب:حيالله بالشيييخ

الشيخ:الله ايحيييك يا عتاااب انا اشهد انك طولت الغيبه وشلووون يا رجااال تغيب كل هالمده عن حلالك

مسك عتاب الشيخ من ايده لجل يسكت وهو يلتفت لوراه لجل ينتبه الشيخ للبنيه الي معه

الشيخ:من ذي يا عتاااب انته اعرست

ضحك عتاب:هههه لا يا شيييخ ذي بنيه من الديره الي غزيناها اليوم

الشيخ ونظره عندها متعجب:وش قلت انا خبري قماد هو راعي السوالف ذي

مسك عتيبه الشيخ وسحبه معاه وهو يصعد للمغاره وياشر لقوت تلحقه

عتيبه:تعال يا الشيخ تعال وشلون ام صالح

الشيخ ونظره عند قوت وهو يلحق عتاب:هاااه بخير يسرك حالها هذا هي قدامنا تزين العشى

عتيبه نادى ام صالح وهو يدخل للخيمه المبنايه قدام المغاره

عتيبه:يا ام صالح

ام صالح:من اسمع هذا صوت عتاااب

الشيخ:ايييه يا ظبيه هذا عتاااب

ظبيه ام صالح:يا مية هلا وسهلا حيالله بولد العطاوي والله اننا اشتقنا حيييل الكم اجل وين اليث وقماد

ابتسم عتيبه الها وهو يقعد :كلهم بخير ويسلمو علييج وشلونج انتي وشلون صالح

ظبيه:صالح متولع بركوب المهره الصغيره الي جبتها له النوبه الي فاتت هو ذالحييين نايم ...اقووول يا عتاااب من البنت ذي

عتاب وهو ينظر لقوت الي كانت واقفه وتناظرهم:ضيفه يا ظبيه اكرميها

ظبيه:ابشر طال عمرك

راحت ظبيه تزين العشى وجلست قوت مكانها وظل الشيخ وعتيبه يسولفون ويا خذون علوم بعض

عتاب كان حاطط عند كل مغاره حد من الي يوثق فيهم ومامن المال والسلاح الي مخبنه فيها

عتيبه تذكر كلمتها يوم قالت له انه الشيخ الي يملك بالناس

عتيبه:اقووول يا الشييخ

الشيخ:ابشر طال عمرك

عتيبه وهو يحاول انه ما يضحك:اقووول يا الشيخ ودي اياك تملكني على ذالبنيه

تفاجئ الشيخ بطلب عتيبه وغمز له عتيبه بعينه

الشيخ:ايييه ايييه غالي والطلب رخيييص ابشر يا ولدي

قام الشيخ رايح داخل والتفت عتيبه للجنب الثاني بمحاوله منه انه ما يضحك

التفت لها وكانت مندهشه من كلامه

عتيبه:عندج مانع اننا نملك

قوت:هاااه ااا للا الي تشووفه الي تشووفه

عتيبه ووده ينفجرمن الضحك :زييين

دخل الشيخ وكان شايل قراطيس كثيره فتح عتيبه عيونه مستصيب من الي يسويه

الشيخ:هالحييين هالحيييين نملك قربو اهنيا

وقف عتيبه وقعد قدام الشيخ وعيونه تسال الشيخ عن هالقراطيس

الشيخ:تعالي يا بنت واجلسي اهنيا

قامت قوت وقربت منهم وجلست جنب عتاب

الشيخ قام واخذ يفتح بالقراطيس ويقرا منها

عتاب:ملكنا يا شيييخ واخلص

الشيخ:ايه ايه هالحييين هاات ايدك

مد عتاب ايده للشيخ

الشيخ:وهالحييين امسك بيدها

مد عتاب ايده لها وامسكت بيده واخذ بعدها الشيخ يقرا من القراطيس

الشيخ:مبااارك يا عتاااب مبارك هالحين المزيونه ذي صارت حرمتك

عتاب وعيونه ودها تدمع وهو كابت ضحكته

الشيخ:هالحييين ودك اتقوووم معي وتختار نعجه لجل اذبحها باكر واغديكم منها

قام عتيبه:زييين ياله بينا

التفت لقوت:خليييج اهنيا هالحين اعاود لج

طلع عتاب والشيخ الي انفجرو بضحكتهم قبل لا يبعدو

ابتسمت قوت وهي تسمع اشويه من ضحكهم:زيييين يا ولد العطاوي ودك تضحك على بالجوازه ذي والله انا ماخبرت جوازه تتم بالشكل ذا من غير ولي ولا شهووود ...ما علييه ان كنت ولد العطاوي فانت ماتدري من هي قوووت


قعد عتاب والشيخ على الارض وهم يتضاحكون

عتاب:يا ويلي ويلاااااااه اااه قتلتني يا شيييخ بقراطيسك وانت ما صدقت على الله

الشيخ:ايييه تراني اعجبك...والله انها شغلتن زينه وش رااايك يا عتااب انا من البدايه اقول اني الشيخ لجل اكون شيخ قبيله مير هالحييين راح اكووون شيخ يملك بالناس

عتاب وهو يضحك:انت صدقت حالك انك ملكتني بيها وش القراطيس ذي الي نت تقرا منها

الشيخ:قراطيس لقيتها بالطريق واخذتها لجل اقري ولدي صالح منها

عتيبه:ايييه ومن الي راح يقريه وانت ماتعرف تقرا

الشيخ:ايييه خلها يا خووي على الله الا قلي وش سالفة لبنيه

عتيبه:هذي يا خوووي بليه ابتليت بيها وانا ودي اوهمها اني تملكت بيها لجل اتامن وتتطمن اني راح اعاود ليها ودي اتركها اهنيا وانت بعد مده تصرف معها واصرفها لاي مكان

الشيخ:يا خووي الخوف لا تقود لنا حد من القبايل الثانيه اهنيا بالمغاره من بعد ما يدرو ان عيال العطاوي جو اهنيا

عتاب:لا تخاااف يا خوي لا تخااااف هي هقوتي انها تدور الامان واتشوف انها بوجودها مع عيال العطاوي بامان

الشيخ:ما عليه خلها اهنيا لجل اتونس ظبيه وتعينها على البيت

عتاب:سوو الي ودكم اياه المهم اني اقدر باكر ارووح وانا خااالص منها

الشيخ:ابشر طال عمرك


.....................................................


فهاد من بعد ما حط المها بفراشه كانت ايده تحت راسها ظل منسدح جنبها وهو يناظرها وامنيته انه يمسح بيده الثانيه شعرها

بخجل ناظرت المها فهاد وهو قريب منها

تشجع بعدها ورفع ايده يمسح فيهن خصايل نازله بجنب وجهها حس ان انفاسها سريعه وهي خجلانه

فهاد نسي حاله واخذ يمرر اصابعه على وجهها تلاقت عيونهم وابتسمت المها ومن بعدها ابتسم وهو يحس انه بعالم ثاني

يده الي تحت راسها رفعت راسها لفوق ولمها لحضنه واول ما حست انه رفع خصايل شعرها الي بجنب لجل يطبع قبله على خدها وكانت انفاسه قريب حيييل

المها:هذا وانت معاهد يا ولد الشيخ تسوي فييك الحرمه كذا اجل وش راااح اتسوي لو ما كنت امعاهد

بعد فهاد وجهه يناظرها فيها ويحاول يفهم هي وش قالت

فهاد:وش قلتي؟

المها وهي تبعد حالها عنه وتعتدل جالسه:الي سمعته يا ولد الشيخ .....انت ما قلت انه مهب فهاد الي ياخذ بالثار لجل وصاله حرمه وان الحرمه اتخسي لجل ذلك

فهاد تغيرت ملامح وجهه وحواجبه انعقدت

المها وهي توقف:تراني انا هي الحرمه ذي يا ولد الشيخ

التفتت له:اخطيت يا شيييخ اني طلبت بثار اخوووي اخطيت اني شرطت شرطي وش الي يفرقك عن غيرك يا شييخ لجل ماتطلب وصالي

هذا انت معاهد ونسييت حالك

فهاد وبعده مصدووم:تلعبي على يالمها

المها :انا ما سويييت شي

فهاد:ما سويتي شي وانتي توهميني بخوفج وحاجتج لي

المها:انا ما انكر اني اخااف من الدواب والذيب مير مهو بالخوف الي يخليني اطلب حماك انا بس بغيت اورجيك انك ما تختلف عن غيرك ما كنت اريد اسوي كذا مير الكلام الي قلته بحقي وانك ناوي ترحلني من الديره جرحني حيييل

فهاد:انا ما كنت اريد اسوي شي

المها:ادري انك ما كنت اتريد تسوي شي يكفيني انك تولعت بي انا المها يا فهاد شيوخ العربان كلها تمنتني اكون عروس لعيالهم

فهاد اعماه الغضب وقام وهو يمسكها من ايدها وعيونه الي صارت مثل الدم تناظرها

فهاد:وانا فهاد الي ما نخلقت الي تلعب بي وتضحك على حسابج عسير يا بنت وضاح

المها:اتركني تراك اوجعت يدي

فهاد:انقلعي من قداااامي انقلعي

المها:كنت قادره الزم شقي من اول يوووم وما اورجيك وجهي مير انت الي جبرتني اسوي كذا

التفتت المها وراحت وظل فهاااد الي حس بنااااااار نار غييير الي كانت بصدره اشتعلت وقامت تكبر

دخلت المها لشقها وجلست وهي تضم ارجولها لصدرها وبدت ترتجف وهي تبكي بكا ما كان ودها فهاد يسمعه هي ماتنكر ان مشاعرها تحركت من اجله مير جرحه لها كان طاغي ولفراق كان لابد منه




................................................

تعشى عتاب مع الشيخ وظل معه يسولف وهم فوق الجبل ويناظرون للمكان ووش ودهم يسوو قريب

بعدها نزلو لتحت وتوسد عتاب حجر قدام المغاره وكان وده ينام

قرب منه الشيخ:انت وش ودك تسااوي

عتاب :ودي انام

الشييخ وهو يلتفت:ايييه عتتتاب يا خوووي وش الهرج ذا انت نسيييت انك اعرست

اعتدل عتاب:وش اعرست انت بعد

الشييخ:يا خوووي ودك الحرمه باكر تنشبلك وانت ناوي تروووح

عتاب:هااه

الشيخ:لزوووم تبات الليل بالخيمه عندها لجل هي ما توسوس بالموضووع وتصدق الي يصير غير ذا لو ان ظبيه دريت انك مهب صحيح املكت عليها انها تسوي شي ما يرضينا انت اتعرفها زين ماترضى بالنصب

عتاب:يا شييخ وش الي تريدني اسويه

الشيخ:قم ونم بالخيمه

عتاب فتح عيونه:وش اتقووول انت نسييت اني مهب رجلها وشلووون اناام معها

الشيخ:قلت نم بالخيييمه يا خوووي لزومن ماتدري انك تلعب بيها

عتاب:للا للا يا شييخ هذا ما يجوووز

الشيخ:تراني هالحييين ارووح واقول لظبيه انك تضحك عليها

عتاب:للا يا خوووي ...يا جهد البلا زيين زين

قام عتاب واخ الشييخ يدزه قدامه ليم ما وصلو قدام الخيمه

عتاب:تراني ناوي ادخل واحط راسي واناام

الشيخ:وش الهرج ذا لزومن تهرج معها

عتاب:وش ودك اياني اقووول

الشيخ:تخيل انك بليلة عرسك

عتاب:يا شييخ انت تدري اني معرف اهرج مع النسواان

الشيخ:عتاااب ادخل وخل الليله تعدي على خيير اهرج معها وغازلها

عتاب بصدمه:وش؟

الشيخ:تذكر وش كنت انا اقووول لظبيه وقل لها

عتاب:والله اني منتشب واحس اني وقعت بحباله

دز الشيخ عتاب لداخل الخيمه وتوهق عتاب اول ما رفعت قوت راسها ورفع يده لشعره يحكه وهو مبتسم

نزلت قوت راسها لتحت وهي تمثل دور المستحيه

قرب منها عتاب وجلس جنبهاوهو ما يدري وش وده يقول

عتاب:ايييه ليييه تناظري للجنب الثاني يا......يا حبة عيني

قوت وهي ما تقدر ترفع راسها بينما عتاب حط ايده على فمه يمنع انه يضحك من الي يشوفه منها

التفتت له ونزل ايده بسرعه وناظرها بابتسامه

قوت:مدري وش فيييني احس اني خجلااانه

قرب منها اكثر ونزل وجهه يناظر بعيونها ووجهها ومد ايده ورفع وجهها

عتاب:ليييه الخجل حنا خلاااص صرنا متجوزين وانا صرت رجلج

قوت وهي تبعد ايده ونظرها نازل تحت:ارجاااك يا غلاااي ما تحرجني معك

عتاب والكلمه ماتوقع يسمعها:وش قلتي ويلي ويلاااااه انتي ودج تقتليني

رفعت قوت نظرها له بخوف مصطنع:وش اتقووول سلااامتك يا حبة عيني من القتل

عتاب:لالالا هذا كثير كثير على انا تراني رجال مقد سمعت الحجي ذا وانتي ودك اليوم تقتليني بالحجي ذا

هزت قوت راسها:ما يصيبك شي باذن الله

ظل عتاب يناظرها وهو مبتسم ويقول بخاطره"يا حليلها والله انها مصدقه حالها مير الدور ذا ابد ما يمشي على انا عتااااااب الي ماله بالدنيا ذي غير السلاح والغزو اليوم انجبر واقعد مع ذالبنت لجل اقنعها اني جوزها لو انه قماد كان عرف اشلون يتصرف معها مير انا الله يعينني

عتاب:امممم ودنا ننام

رفعت قوت راسها بسرعه متفاجئه ومصدومه

عتاب:اااا انا اقصد اننا نتريح وكاد ان المكان اهنيا ما يصلح للعرسان باذن الله باكر اعاود للديره الي انا ساكنن بيها وازين البيت اهناك لج وارجع لجل اخذج وتسكنينه

قوت:ودك تتركني اهنيا

عتاب:انا مقدر اخذج معي عندي اهناك اموور لزومن مني بالاوله اشوفها وازينها

قوت بخجل:الي تشوووفه

عتاب:ايييه ودي اياج كذا تسمعي الشور وتنفذيه

قوت:ان كان ودك روووحي ترخصلك يالغالي

غمض عتيبه عيونه وهو يحط راسه على الوساده وابتسامته على شفايفه وظلت قوت تناظره وتناظر الابتسامه الي حركت فيها مشاعر غريبه

عتيبه كان طويل واكتافه عراض وكانت له هيبه غير مع صوته الي كان اخشن عن الباقي

قامت قوت وقعدت بمكان بعيد وسحبت لها وساده وخلعت شالها وحطت راسها ونامت

ومر من الوقت ما مر ونط عتيبه على صريخ قوت الي كانت تتكلم وهي نايمه وتمسك الوساده وتكلها

قوت وهي تبكي:يبه يبه ارجااااك يبه لاتمووووت ارجاااك يا بووي

بعدها التفتت للوساده الثانيه ومسكتها:يمه ارجاااج يمه لاتموووتي ارجاااج يمه يا ويييييلي ماتو انقتلو انقتلو ارجاااك يبه لاتتركني لحااالي

دخل الشيخ ومرته والي صحيو على صريخ قوت

الشيخ:وش بيها

عتاب التفت له وهو مش فاهم وش فيها:مدري مدري عنها وش الي يصير لها

مرت الشيخ:البنيه نايمه وتحلم يا عتاااب ...فيقها يا عتااااب

التفت الها عتاب وبعده مندهش من الي يصير لها

قوت بنحيب وبكا يقطع القلب:اقتلوووووهم اقتلووووهم ما ظل بالديره حد كلهم مااااااتو

عتاب:من الي مات ومن الي قتلهم

قوت بعيون تبكي وهي ماتشوف الي قدامها:الكل ماااات امي وابوووي واخواااني كلهم مااااتو القبيله كلها مااااتت الغزو قتلهم كلهم ما ظل بالديره حد بس انا لحاااااالي انا الحاااالي من غير ديره واهل من غيرابو وام من غير عزوه ونااااس انا الحاااالي

وظلت تبكي وعتاب بحجيها جددت فيه المواجع وتذكر الغزو الي جا ديرته وهي ترسم له الغزو قدام عينه

قوت:ناظر ناظر حولك كلهم ماتو العياااال والشيوووخ والجده وامي وابوووي ما ظل حد ليييه ما قتلوووني معهم ليييه اظل انا الحاااالي

انا صرت من غييير ديره

ظبيه:عتااب يا خوووي خذ لبنيه لصدرك وهديها

رفع عتاب راسه وعيونه للشيخ الي هزله راسه يشجعه

جرها عتاب لحضنه واهو مايدري وش ايسوي واخذ يهديها ويمسح على راسها وهو يحاول يفيقها

عتاب:ارجاااج اسكتي اسكتي انا اهنيا انا كل اهلج وديرتج انا امج وابوووج بس ارجااااج تسكتي

نحيبها بصدره خلاه يرتجف من حالها ويتذكر الي مضى وناااار بدت تلسع بصدره وان كل الي قالته صحيح وينها ديرته هالحييين صار من غير ديره وعشيره وعزوه بينما قوت وهي بحضنه تبتسم انها قدرت توصل للي تريده هي تدري بكل الي مر بديرته من كثر حجي العربان عن ديرة العطاوي والي صار فيها وبكلامها وكاد جددت مواجعه مع انها كل ذا مرت هي فيه لاكنها ماتذكر

سحبت نفسها منه بشويش وهي توهمه انها فاقت وطلع الشيخ وحرمته من عندهم

قوت وهي تمسح دموعها:اسمحلي والله انه ماكان ودي يصير الي صار مير الاحلام ذي ماتفارقني كل ليله

عتاب وبعده متاثر من الي صار:انتي من اي ديره

قوت:مدري مذكر مير الاحلام ذي تجيني دوووم وانا مدري وش يصير لي كل الي اذكره انه من يوم كنت صغيره وانا اخدم ببيوت العربان من غير اهل وسند متشتته مالي ولي ولا اهل

وبدت بعدها قوت تبكي

عتاب:اسكتي ارجااااج اسكتي

قام وبعدها النار تولع بصدره


.........................................

ظل فهاد طول الليل جالس قدام النار وكل شوي يزيد حطبها وكانه يزيد الحطب من ظلوعه

فهاد"وشلوووون قدرتي يالمها اتسوي فيني الي ساويتيه وشلووون قدرتي بلاصل اتخليني اميييل لج انا فهاد وشلوون يصير معي كذا...مير زيين اني انتبهت لحالي هالحيين اقدر اخذ بثارج والنفس طايبه منج بجد

المها بعد ما جاها نوووم وكل شوي طلت عليه تشوفه وهو بالحال الي كان عليه

تمنت انها ما تكلمت ولا قالت الي قالته من بعد ما حست بحنانه وخوفه عليها مير ماتدري ليه سوت كذا يوم شافت ان الوقت قد حان

تنهدت ورجعت لفراشها صرخت اول ما نط الجربوعي مير تمت مكانها

فهاد عرف ان سبب صريخها وكاد انه الجربوعي وما شاف الها اي زووول ظل يناظر الشق وبعدها رجع يناظر النار

بالصباح فتح فهاد عيونه وكان منسدح قريب من النار الي طفيت وقام التفت لشق المها وخطى بخطاه ناحيته هو متعود كل يوم يطل عليها ويشوفها مراات نايمه طل عليها وشافها جالسه وعيونها سارحه لمكان التفتت له وتلاقت عيونهم وكان باين ان عيونها باكيه طول الليل رجع بخطوه لورا وبعدها التفت وراح
..............................................

بالصباح قام عتيبه وظل يناظر قوت الي كانت نايمه بالطرف الثاني

بالخارج نادى الشيخ:يا عتااااب يا عتاااب

نطت قوت بسرعه وسحبت شالها واخذت تنظر لعتاب لي تفاجئ من الي تسويه

عتاب:وش بج يا حرمه انا رجلج

قوت:اييه مير سمعت صووت

عتاب:هذا الشيخ يناديني

قام عتاب واخذ حزامه وسلاحه بيده وطلع للشيخ

الشيخ:حياك يا عتاب افطر معي

عتاب:زيين ودي اوصل الغدير واجيك

بعد ما افطر عتاب والشيخ اخذ عتاب ينظر للشيخ الي كان سرحان

عتاب:وش بك يا شييخ

الشيخ:انا البارحه مانمت يا خوووي البنيه وبكيها والحال الي اشتكت منه اوجعني كثير

سكت عتاب واخذ ينظر لقدام

الشيخ:حنا صحيييح يا عتاب هالحييين امورنا متيسره وعندنا حلال وخير مير يا خوووي انك تكون بليا ديره وعشيره وعزوه ذا يا عتاب يوجع يوجع كثير بالقلب

الشيخ وحرمته كانو بعد ضحية غزو افنا ديرتهم وما ظل منها الا القليل

الشيخ:وش هي الحياه يا عتاب وانت عايش الحالك لاحولك صديق ولا حولك عيال عم ولا ديره تحتمي فيها اويلااااااااه يا عتااااب والله انه ما ودي اولدي صالح يعيش بليا ديره واهل واعمام وخوال كلهم راحو بالغزو

عتاب:ارجااااك يا شيخ لا تصحي المواجع حنا حالنا مهب احسن من حالكم حنا عيال شيوخ وشف لوين وصل بنا الامر رعياااان مالنا هيبه ولا قيمه مير اوعدك يا شيييخ انه قريب ناخذ حقنا من الي عدانا

قريب يا شيخ القبيله المعاديه قبيله اتريد لها عده واعداد وحنا الحمدلله اخذنا حقنا من القبايل الي تخاذلت بعون عمي العطاوي نهبنا خيراتهم وخليناهم يعرفو ان الله حق وبخيراتهم ذي راح انجهز قبيله باذن الله اتغزو الديره ذيييك ونفنيها مثل ما صار بقبايلنا وحينها يا شييخ نعلن قدام الكل عن قبيله جديده وياويله الي يجي جنبها

الشيخ:ودي بذاك اليوم يا عتاااب ودي بيه ودي اطلع عيووون الي كان السبب من راسه....وودي اكووون انا شيييخ القبيله

عتاب:هههه انت قدها يا شيييخ قدها

الشيخ:وهالحين وش ودك تساوي مع لبنيه

عتاب:ما ودي اسوي شي خلها تظل اهنيا وانشوف وش هي نواياها كوود انها تساعدنا بالي نريده

الشيخ:ايييه يا خوووي البنيه قليبها محرووق كثير ووكاد ان قبيلتها صار لها مثل ما صار لقبيلاتنا

عتاب:يصير خير


.....................................


باليوم الثاني استرخص عتاب منهم وما مانعت قوت من روحته وهي تدري انه راح يعاود مرتن ثانيه ودعهم وهو يحس بالغصه بعدها بصدره

كانت قوت واقفه وماسكه بلجام فرسه وعتاب متوجس انها يمكن ماتتركه

عتاب:ديري بالج من حالج وقريب باذن الله اعااود

ابتسمت قوت وهي تهز راسها

مشي عتاب اشوي وبعدها رجع وناظرته وهو واقف فوق الفرس

عتاب:تراني مدري وش اهو اسمك

قوت بابتسامه وخجل:قووته

ابتسم:ايييه قووته اسمن زين ...ارخصيلي يا قوتت قليبي هههههه

ومشي وهو يضحك على بلاهتها

اما الشيخ فهاد طلب من المها تنتقل لبيت عمته ونقل بيت الشعر جنب بيت ابوه من الخلف

حاول يقنع ابوه انه يروح يدور الرجال لاكنه رفض طلبه وقاله بعد يومين تقدر تروح ابو طايل كان حاس ان فهاد حاله انقلب وكان يدري ان السبب هي المها الي محدن ينكر زينها وزين منطوقها

الشيخ طايل مرض المقهوجي الي يقهوي بمجلسه الخاص التابع لبيته حيث انه اهناك يستقبل اهله مثل ابوه واخوه فهاد ولارجال ايريد منه حاجه ووده يكلمه على انفراد وبعث برجال ايشوفله الراعي الي ماسك حلاله لجل يجي اليوم يسوي القهوه لين ما يعاود المقهوجي معافئ

قماد هو الي كان يشوف حلال الشيخ طايل وبامر من الشيخ حضر لمجلسه وقاله الشيخ طايل انه يريده يكون اليوم عنده بمجلسه ذا لجل يسوي القهوه

ومجلس الشيخ طايل ذا متصل بمجلس الحريم ببيته والشق الي يباتو بيه

جلس قماد والي كان دووم بلثامه يزين لقهوه ويحمس قهوه جديده وكان خبير بالقهوه من يوم كان صغير يوم كان عند الحرمه الي انهدا الها وهي الي علمته كيف يسويها بالذوق ذا

دخلت شوق عند ابوها الي كان ينتظر لقهوه وهي تمشي بدلال يحبه ابوها ابتسم لها الشيخ طايل ورحب بيها

طايل:يا هلا ياهلا بعين ابوها حيالله ببنيتي

شوق وهي فرحااانه حيييل بتدليل ابوها:الله يحييك يبه وشلوونك انته

جلست جنبه وطاحت عينها على لمقهوجي كانت متزينه ولابسه اجمل اللباااااس لان ابوها مايقصر بحقها ويطلب لها كلشي تريده

طايل:حالي من شفتك ازين حااال انتي يا بنيتي وش اصبحتي

شوق وبعدها تناظر المقهوجي:زينه يبه

همست له:من ذا يبه

طايل:ذا واحدن من الرعيان جبته لجل ايزين لقهوه المقهوجي مريض وهو بداله لين ما يعاااود

شوق:يبه ودك تشرب قهوتك من يد ذا

طايل:وش فيييه يبه

شوق:يبه انت شفت وش لابس شفت شكله يا بووي ولا ريحته الي خلت المجلس ريحة زريبه المرعى

ضحك الشيخ طايل:وش الي تقولينه يا بنيتي انا مشم شي وحنا وش انريد من لبسه حنا ودنا بقهوته

شوق:يا بوووي انته شيييخ ولد الشيخ وشلووون ودك يكون عندك مقهوجي بالحال المقرف ذا لا يبه خله يتوكل

طايل:يا بنيتي وين ودي هالحيين احصل مقهوجي ...زين اني لقيت راعي يعرف يسوي لقهوه

قرب قماد منهم وصب للشيخ فنجال قهود ومده له الا ان الفنجال طار ووقع على الارض والقهوه انكبت على ملابس قماد ناظرها قماد بالاوله بغيض الا انه تذكر حاله ونزل نظره تحت الشيخ طايل مااات بمكانه من فعايل بنته الي لطمت الفنجال قبل لا تمسكه ايده هووو صحيييح يحبها وتسوا عيونه مير مرااات تقهره بفعايلها وهو يدري انه بسبب تدليله لها وبنفس الوقت ما يقدر يقول لها شي لجل ماتزعل وهو مجرب زعلها بمره من المرات وندم قد شعر راسه انه زعلها

طايل:ليييه يا بنتي اتسوي كذا

شوق:ودك تشرب قهوتك من يده يبه انت ماتشوووفه ماتشوووف حاله الرث ذا وشلووون تقبل نفسك تشرب من يده

طايل:يا بنتي انا معالي

شوق وبصوت عالي:لا يابوووي الراعي ذا خله يفارق هالحييين ما ودنا اياه يكون اهنيا لد يبه وناظر بملابسه انت ماتشوف العفن وشلووون طالع من ملابسه وبشكله الي يسد النفس انته يبه الشيييييخ طااايل لزوووم تشوووفلك مقهوجي زييين لبسه زييين ونضيف يابووي مهب ذا الي من يصبح لين يمسي وهو مع الحلال حتى ان ريحته يبا اتسد النفس

ناظر قماد ثوبه الي يشوفه هو نظيف مير هي تشوفه وسخ

طايل:ما عليييك منها يولدي وصب لي فنجال قهوه

شوق بغيض:يابووي انته ما ودك تسمع كلااامي

طايل:يا بنيتي انا من صباح الله خير وانا راسي توجعني ودي بفنجال قهوه ارجاااج يا بنيتي اتركيني اتقهوا وعقب يصير خييير صب لقهوه يا ولد

صب قماد فنجال قهوه وهو يحس بالدم يفور فيه من كلامها وتصرفاتها

مد الفنجال للشيخ وتقهوا الشيخ الي حليت له لقهوه وهو يستلذ طعمها

طايل:يا زيييييين اقهوتك يا ولد

شوق:ودك تقهرني يبه

طايل:لا يبنيتي مير لقهوه من ازين ما ذقت بحياااتي

شوق :انت ودك بس تقول كذا لجل اتخليه اهنيا مير ما يجلس بالبيت ساعه وحده وخله هالساع يفارق

طايل:ما عليه اول ما احصل بداله واحد اخليه يعاود للمرعى زيدني يا ولد بفنجاال ثاني

شرب الشيخ طايل من اقهوة قماد لين روي واعجبته حييييل

طايل:انت وش اسمك يا ولد

قماد:قماااد طال عمرك

شوق:هه انت اسمك قماد!!!؟ ...يا شينه من اسم علييك تحسب نفسك ولد العطاااوي لجل تسمي اسمك باسمه

قماد:هذا هو اسمي من وعييت على الدنيا

شوق:انكتم تسمع انكتم يوم اتحجي عمتك انته تنكتم

قماد:ابشري يا عمه واسمحي لي

شوق:قم انقلع من قداااامي

قام قماد وراح لين عند النار ووقفت شوق

شوق:اسمعني يا يبه الراعي ذا خله ينقلع من البيت بيتنا مهب مثل اي بيييت لزومن تجيب واحدن ثاني يليق بالبيت ذا

التفتت عنهم وراحت للداخل وقف الشيخ طايل ومشى مستعد يطلع

قماد:يا عمي ودك اشوفلك مقهوجي ثاني

طايل:للا يا ولد انا ودي ايااااك انت تظل وماعليييك من عمتك اقهوتك جازت لي كثير وانت اسمع حجيها من اهنيا وطلعه من اهنيا فهمت لي يا ولد

قماد:ايييه يا عمي الي تشوووفه

راح الشيخ طايل وظل قماد يحمس لقهوه ويفكر فيها هالحين هو ماعليه من حجيها مير وشلون راح يكون حال اي راعي غيره لو سمع حجيها هي شافته هو وسوت كذا اشلووون لو تشوف واحد من الرعيان التعبانين الي بالمرعى البنيه ذي لزومن تتادب مير شلووون وهي بنت الشيخ وكل الي تريده مجاااب

شوق:انت لين هالحييين ما رحت

قماد:يا عمه الشيخ قال لي ما افارق المجلس لين ما يجيييب مقهوجي ثاني

شوق:وانا اقول لك فاااارق هالحييييين تسمع

قماد:باذن الله يا عمه اول ما يقول لي الشيخ اروووح رحت يا عمه

شوق:تريد اتعصاااني انت ماتدري وش اقدر اسوي

قماد:والله اني يا عمه ماريد اعصااج مير مقدر اخلف امر الشيخ

شوق:زييين ودي هالحين اشوف وش راااح اتسوي

تقدمت شوق من النار وين لقهوه ونزلت على الارض واخذت تملى النار يالتراب والمغلااه بعد من التراب وحتى الدله الي بالنار ملتها بالتراب

وقفت وهي تناظره:وهالحييين وش ودك اتساااوي

قماد كان منصعق من فعايلها وما جابباله انه في يوم يشوف وحده اتسوي مثل ما هي اتسوي

قماد وهو يحاول يبلع غيضه:ارجاااج يا عمه انك اتهدي من حالك انا ما ودي ازعلج والي تريديه انا حاضر له

طلع قماد وجلس جنب بيت الشعر لجل تهدا شوووق من الغيض الي بان فيها وهي تطب النار والقهوه

قماد"ويلي ويلاااااااااه انا اشهد انها ناااار تلسع مير هي ماتعرفني زييييين متونس حييييييييل بزينها ودي اشوووف وشلون هو صبري معاها هقوتي لو كان لييث او عتاب مكاني مقدرو يستحملو دقيقه مير انا جايزتلي السالفه


........................................................


وصل عتاب للديره وراح للخيمه وبعد اشوي دخل عليه ليث

غيث: حيالله بعتيبه وش هي لعلوووم

عتيبه وهو يلبس لثامه:تسرك لعلوم تراني اعرست

تفاجئ ليث:وش اتقوووول

ضحك عتاب:يا رجااااال وش بك

غمز بعينه:لجل تامن اني معاود ليها

غيث:حنا مهب للجواز يا خووووي

عتيبه:داري يا غيث داري مير الشيخ لزم نملك ههههه انت وش علووومك والمهبول وش علومه

غيث:الشيخ طايل خذاااه مقهوجي عنده بمجلسه

عتيبه:وش تقوووول ؟؟!!!؟

غيث:المقهوجي الي عنده مريض ومابه الا قماد يجي مكانه

عتيبه:قماد مصيبه وخوفي انه يفضحنا انا ودي قريب ارحله من الديره يتم بوحده من المغارااات يحرسها

غيث:وانت ظامنن انه يتم فيها وما يروووح يسوي الي براسه

عتيبه:لزوووم اخلي معه حد يشوفه ويعطينا اعلومه....تدري يا غييث انا ودي اياااك تطلع معي للمرعي نتحجى براحتنا به علووووم كثيره مضيقه بخااااطلري

طلعو غيث وعتيبه للمرعى وهناك خبر عتيبه غيث انه لزوومن يسرعو بالي هم يرسمو عليه وينتقمو من الديره الي غزتهم وقاله بحرقته والي صار مع لبنيه الي كانت تلحقهم

عتيبه:يا خوووي لبنيه صارت بليا ديره وقليبها محروووق حييييل على ديرتها

غيث:ما عليها هذا حنا بليا ديره

عتيبه:حنا رجااال مير الحريم وش يكون حالهن من غير رجال ولا ديره

ما درا عتيبه ان كلامه اوجع غيث بقلبه وهو يتذكر كحيلة العين

عتيبه:يا غيييث وين ودك تروووح وتتركني

انتبه غيث لحاله والتفت يناظر عتيبه الي ابعد عنه مسافه من غير ما يدري بحاله

غيث:اهنيا يا اخوووي اهنيا وراااجع

ظل غيث يمشي وهو يحاول ياخذ نفس ومن غير ما يدري حط ايده على صدره وفتح ازرااار ثوبه لجل تلمس ايده لجروووح الي بصدره


!! !!
!! !!
!! !!


ودمتم وديمه

هلا بكل الغوالي ويا مرحباااابكن

ومشكوووره على المروور

فرسان على جمر الغضى


الجزء السابع



رجع الشيخ طايل لمجلسه وشاف قماد جالس برا البيت

الشيخ طايل:وش اتسوي اهنيا يا ولد

قماد:ودي اياك يا عمي ترخصلي العمه ما ودها اياااني

طايل:هي وش سوت

دخل طايل لبيت الشعر بمجلسه وشاف فعايل بنيته بالضو ما كان بيده غير انه تافف وهو ينفض بشته ويروح يجلس بمكانه

طايل:زين لقهوه يا ولد

جلس قماد قدام النار واخذ يشعلها من اول وجديد وهو مبتسم من ردة فعل الشيخ لبنته البنيه مالها من يردعها اذا كان هذا بس الي قدر الشيخ يسويه

طلت شوق عليهم ونظرت لقماد وبعدها نظرت لابوها واول ما التفت الشيخ طايل ليها صدت عنه وهي زعلانه

قام الشيخ طايل:اويلي ويلاااه

وراح لاحقنها للمجلس الثاني لجل يحاول انه يرضيها

نزل قماد اللثام عنه بشوي واخذ ينفخ النار ولو ان شوق طلت عليه وشافت وجهه كان خمدت كل النيران الي اشعلتها فيها

ظل الشيخ طايل يحاول يتحجى معها وهي ساكته متريد اتحاجيه

طايل:يا بنيتي ليييه ليييه تسوي فيني كذا تراااني ابوووج وشلوووون تخليني بالحااال ذا

ظلت ساكته وما كانها تسمعه

طايل:زييين وش الي ودج ايااااه

بعد ظلت ساكته

طايل:الي ودج ايااااه سويييه يا بنيتي سويييه ودج اقوووم هالحييين واطرده

قامت شووق وراحت تاركه ابوها مكانه

دخلت عليه ام شووق:وش فيييك يا ابو شوووق

طايل:شوووق زعلااانه مني يا ام شوووق

ام شوووق:انت بس الي معطيها وجه ومكدر حالك معها اترك لبنيه وتجنب اتحجي معها وشوووف وشلوون ودها ترجع

طايل:متهون على يا ام شوووق انا قليبي يوجعني عليها وما ودي اياها تزعل مني

ام شوق:هي لجل المقهوجي زعلت؟

طايل:ما ودها فيه

ام شوووق:خله يابو شوووق واترك عنك شوووق وسو الي تريده وتر هذا مهب زعل هي بس تريد تمسكك من اليد الي توجعك

طايل:لزوم اقول للراعي يمشي لحاله لجل ترضى علي

ام شوووق:خله يا رجاااال وما عليييك منها اسمع مره مني يا شيييخ وشف وش راح تسوي ان ما شافت الزعل يفيد

طايل:تهقين ودها ترضى على

ام شوق:انت اصبر بس


......................................................


البدور:اممممممم

العمه:وش بج يا بنيتي؟

البدور:احس اني موجووووعه حيييييل

العمه:مهو وقت ولاااده هالحييين يا بنيتي

البدور بصوت عااالي:اويلااااااااااه امتى امتى ودي اووووولد يا عمه معااد بي حييييل

اخذت بعدها البدور تبكي ويعلى بكيها

العمه:تعوذي من ابليييس يا بنيتي وقريييب باذن الله تولدي

غطت البدور راسها باللحاااف وبدت تنتحب تحته

هزت العمه راسها"الله يكون بعونج يا بنيتي

من بر البيت نادى حماد:يا عمه يا عمه يا البدووور

جلست بدور بسرعه ومسحت دموعها وناظرتها العمه وابتسمت

.....................................


قوت امضت اكثر اوقاتها مع صالح الصغير وهي تعلمه ركوب المهره وكانت ظبيه والشيخ سعيدين حيييل بوجودها مع صالح الصغير

الشيخ:شفتي يا ظبيه هالحين ما ودي اسمع صوووتج تصيحي بصااالح هذا هو جااه من يسلي حاله معه

ابتسمت ظبيه ورجعت للخيمه

كانت قوت تسال صالح عن كل الي يجون اهنيا عندهم وكم هو عددهم ولويييش هم جالسين اهنيا وكثييير من الاسئله الي كان ودها تعرفها

الشيخ طايل سمع حجي حرمته وخلا قماد يكمل قهوته وشرب منها وهو متوجس وخاايف ان بنيته ماترضى عنه

طايل:اقووول يا ولد

قماد:سم يا عمي الشيييخ

طايل:انا اناااا ودي اروووح لمجلس ابوووي وانت خلك اهنيا تسمع ما ودي اياااك تفااارق المجلس

قماد:ابشر يا عمي بالي تريييد

بعد ما رااح الشيخ طايل طلت شوق وشافته

شوق وهي توقف وراه:انت بعدك اهنيا؟

وقف قماد وهو منحني بوقفته ومنزل راسه لتحت:حيالله بعمتي ودج شي

شوق:انت تدري وش ودي فيه

قماد:يا ليييت يا عمه اني اقدر اسوي لج الي ودج اياه مير عمي الشيخ قال اني متحرك من جنب الضو

شوق وهي تقرب منه خطوتين وتهمس بهمس يرعب:حتى لو انشويييت بالضو؟

قماد انفجع هي وش ودها اتسوي

قماد:يا عمه الله يهداج بس وش انشويله

شوق وهي حاطه ايديها بوسطها وتناظره بطرف عينها

شوق:الجمر الجمر يوم انه يجي على ملااابسك وتنحرق حينها وكااااد انها تشويييك فيهااا

ناظر قماد النار هي ودها صحيح تحرقه وليييه لااا تراااها مهب صاااحيه وهي تكب الرمل بالقهوه ومحدن قالها شي يا ويييييلي ومن يقدر يقول لها شي لو انها احرقتني اتهبا اتهبا الله يبعدها عني هذا وانا اقووول ان السالفه جايزه لي حيييل

قماد:اقووول يا عمه

شوق:همممه وش عندك

قماد:ارخصيلي يا عمه ودي اروووح اشوووف خويي واقوووله يشوووف الحلااال

التفت عنها وفر هااارب

شوق وعيونها تضحك وهي تشوفه مولي هارب


دخل قماد على عتيبه وغيث بالخيمه وهو يلهث من الركيض

عتيبه:حيالله مقهوجي الشيخ طايل

قماد:والله لعيون المزيونه كل شي يهووون

ناظره عتيبه بغيض:قماااااد حنا وش قلنا

قماد:اجل يا خوووي انت تكفل بقهوة الشيخ طايل انا ما ودي اعاود اهناااك مرتن ثانيه تقووول ودها تحرقني

عتيبه:من الي ودها تحرقك؟

قماد:ابنيته المهبوله

عتيبه:مهبوله ولا مزيونه

قماد:الاثنين يا خوووي

عتيبه:وليييه ودها تحرقك؟

قماد:ماتريييد الرويعي يسوي لقهوه ببيت ابوها تقول ريحتي تقط الطير من السما

جاهم الصوت من الخارج:يا قماااااد

لف قماد اللثام عليه وطلع لجل ايبلغه الرجال ان الشيخ طايل يريده يعاااود

قماد من بعد ما رااح الرجال:يا جهد البلااااا وش السواااه هالحييين؟

طلعله عتيبه:وش عندك

قماد:زهب يا خوووي الي عندك من الي يطيب لحروووق وكاد اني اليوم منحرق

وراح قماد وعتيبه واقف يناظره باستغراااب

كان غيث منسدح على ظهره وهو يلعب بالسكين بيده

غمض عيونه وشافها ....شافها والرجال يسحبوها للحجز وهي تقااااوم بكل ما فيها من قوه...

كان واقف بخيله وهاله الي يشوفه حرمه ورجالين ما قدرو يحركوها وهي ترص برجولها بالارض رافضه انها تستسلم ليهم لفت بيه الفرس ورجع مرتن ثانيه يرجع الفرس لجل ايشوف وش هي من البشر

صوت فرسه خلاها تلتفت صوبه وحس بعيونها تخترق صدره ...بعمره ما شاااف عيون مثل عيونها على اتساعهن بالاصل زاد الكحل وسعهن ازود غير النظره القويه الي تناظر فيها الي حولها...

الفرس عندت به ورجعت تلف به وحس انه وده يذبحها وهي تصد به عن الي يشوفه مير انه من شاف عيونها حس بوجع براسه وعيونه من اتساع اعيونها

فتح غيث عيونه وعتيبه يناديه

عتيبه:يا غيييث

اعتدل غيث بجلسته:وش بك

عتيبه:سمعت قماد وش يقول

تنهد غيث :هذا هو قماد من عرفته

وقف:انا ودي اروح اشوف الحلال

....................................


دخل قماد مجلس الشيخ طايل

طايل:انت وين رحت يا ولد؟

ناظر قماد شوق وهي جالسه وتناظره بتهديد

قماد:يا عمي انا تذكرت وحده من المعز مريضه وقلت لزومن اخبر الرعيااان لجل ايشوفوها وهذا انا جيييت

طايل:ايييه زين زين ...هات القهوه يا ولد

اخذ قماد الدله ووقف يصب لقهوه وبطرف عيونه يناظر شوق الجالسه والي ودها كان تذبحه

سمع الشيخ طايل صوت ولد عمته عايض وقاله يقلط

شوق كانت ناويه توقف مير ابوها قال:اجلسي يا بنيتي ترااه ولد العمه مهوب غرييب

رجعت شوق وجلست وفرح الشيخ انها رضيت وكان ودها تشوف عايض وشلون هو شكله مير تضايقت حيييل وهي تشوف قماد وتقول بنفسها انه ما يبيض الوجه بمجلس ابوها

سلم عليهم عايض وقاله الشيخ طايل يقلط

شوق لجل انها ما تنحرج ازود من وجود قماد عزمت انها هي تصب لقهوه

قربت من قماد وجلست قريب منه

شوق:هات الدله والفناجيل انا ودي اصب لقهوه

قماد:خلي عنج يا عمه

شوق بهمس:انكتم ...هو من اي يد يمسكو الدله

ابتسم قماد من تحت اللثام

قماد:هقوتي الحرمه تمسكها من اليد الثانيه واشار ليها لليد اليمين

شوق:هااات

خذت شوق الدله والفنجال وقربت من ابوها وعايض ولد العمه

ابوها ماااات بثيابه وهو يشوفها ماسكه الدله بالغلط

طايل:يا بنيتي خلي المقهوجي هو يصب لقهوه

شوق:وليييه يا بوووي انا مصب لقهوه هذي هي المها مرت عمي تصب لقهوه دوووم

نزل طايل راسه تحت وهو منحرج وتقهوء عايض الي كانت شوق تناظره وهي تفكر ان عمها فهاد ازين منه ومن بعدها استرخص ورااح بعد ما بلغ طايل ان الشيخ يريده

طايل:وش الي سويتيه يا بنيتي كان لزووم تقهوي الرجال بيدج اليميين

شوق وعيونها نقزت قدام:يا بوووي هذا انا ماسكه الدله بيميني

طايل:ميجوووز يا بنتي تمدي يدج الثانيه له

حست بناااار تشتعل بصدرها وهي تلتفت للمقهوجي الي جالس بجنب النار قربت منها وكبت دله لقهوه كلها على ظهره

ارتعد قمااد من حرااارة لقهوه ووقف ما يعرف وش يسوي الا انه ثبت بمكانه وهو يسمع ام شوووق تانب بنيتها بالي سوته وقربت بسرعه من قماد وكبت جربة المي على ظهره لجل اطفي من حرارة لقهوه

كان يحاااول يسحب انفاااسه من قوة الحرااره على ظهره وحس بالمي برد اشوي من شدة الحراره

طايل:وش الي سويتيييه يا بنيه لييييه ليييه اتسوي كذا

شوق:ترااه هو السبب ويستاااهل ما جااااه

طايل :اويلاااااه

التفت لقماد:يا ولدي وش صااار لك تحس بشي

قماد رفع عينه وهو متوجع حييييل من الحرق مير انه ما بين شي وهو يقول للشيخ:لا تاااخذ هم يا عمي لقهوه بااارده

من قهرها رمت الدله الي بيدها حييييل على صدره لجل توجعه مرتن ثانيه من قدام

شوووق:وتخليييني اصب قهوه بااارده الله يوخذك

التفتت عنهم ورااحت لشقها

ام شوووق :البنيه ذي لزووومن توقف عند حدها شف وش اخرة سكوووتك عنها هذا هي اتريييد تذبح الرجااال

طايل:اسمحلي يا ولدي تراااها جاااهل ووحيده والي تسويه غصبا عنها رح رح يا ولدي وتخير لك الي ودك ايااااه من الحلااال رضوتن لك

قماد:مريييد شي يا عمي وانا تراااني ما فيني شي مير ارخصلي لجل اروووح اغير ملااابسي

طايل:رح وماعليييك شر باذن الله

ترخص قماد وراااح ودخل على غيث وعتيبه وهو موجووووع بالحيييل نط عتيبه

عتيبه:وش بك وش به وجهك اسود

قماد:احرقتني الله يحرق قليبها

عتيبه:من الي احرقتك

التفت قماد وهو يورجيهم ظهره :كبت لقهوه على ظهري

قام غيث وقرب منه يناظر ملابسه الي لصقت بظهره

عتيبه:وكااااد انك سويييت شي بالبنيه

قماد:للا يا خووووي مسويت شي مير هي متريدني اقهوي بمجلس ابوها

غيث:مستوجع

قماد:حييييل

غيث:اخلع ملااابسك

قماد:هقوتي انها ناشبه بظهري

غيث:اجلس اشوووف

عتيبه قام وراح للخارج لجل ايجيب شي وطلع غيث السكين وغرزها بملابس قماد لجل ايشق الثوب حولين الحرق

كان يحرك السكين ويشق الثوب ورجفه قويه مشت بيده والذكرا اتعود له مرتن ثانيه

سحبله نفس ورجع يكمل شق الثوب

قدرو بالاخير انهم يطيبو حروق قماد الي كان طوول الوقت ساكت وفكره بعيييد حتى ان عتيبه خاف منه يسوي شي

عتيبه:اقوول يا قماد وش راييك تطلع من الديره وتجلس بالمغاااره مع خوييننا اهناااك

كانت عندهم اكثر من مغاره مخبين فيها العده الي مجهزينها للغزو

التفت قماد لعتيبه :وش قلت؟

عتيبه:تطلع من الديره يا خوووي

قماد:وليييه

عتيبه:لجل تريح رااسك من رعي الحلال وقهوة الشيخ طااايل

وقف قماد:للا ما ودي ودي اظل بمجلس الشيخ

وقفله عتيبه:مجلس الشيخ معاااد تروووحله ابد

قماد:بس هو يريدني وانا ودي اظل اهناااك

عتيبه:انت هالحييين متقدر شف وش صاااار لك

قماد:معلي ولزوووم اني اعااااود مرتن ثانيه

عتيبه وبنفسه وده يكلم الشيخ طايل ويطلب منه انه يعفو عن قماد:زييين هالحييين قم وتريح ترا الحروووق مهي بهينه وكاد اتصيبك منها حمى


...................................................

فهاد من بعد ما نقل بيت المها لجنب بيت ابوه ماطل على المها ابد وكانت العمه عندها

جا الليل وكان فهااد نايم بمجلس ابووه

ابو طايل:يا ولدي لييه نايم اهنيا ما ودك تبيت ببيتك

فهاد:اهنيا وهناااك كله واحد يا بوووي

ابو طايل:وحرمتك

فهااد:ماعليها شر العمه تبيت عندها

ابو طايل :يا ولدي ما ودك اتعاود من الي انت ناوي عليه

فهاد التفت لبووه:اعاااود عن ايش يا بوووي

انك ترحل حرمتك من بعد ماتجيييب ثارها

اعتدل فهاد وهو يناظر ابوووه باستغراب:وش الي انت قاعد تقوله يا بوووي اتحيدني رجالن مهب قد كلمته

ابو طايل:يا ولدي الغضب مرااات تخلي الواحد يقول شي يندم عليه

فهااد باصراار وهو قاعد:وانا ماندم على شي قلته واول ما اخذ بثارها توقع عليها يمين الطلاق وترحل من الديره

ابو طايل:الله يهداااك يا ولدي

قام الشيخ ورااح لشقه الي يبيت فيه تارك وراه واحدن النوم جافى عينه

...............................

مرن يومين وفيهن كان قماد طريح لفراش من وجع الحرووق الي صابته من وراها حمى شديده

غيث:يا عتيبه الحال ذا ما ينسكت عنه لزززومن واحدن منا يروووح يجييب دوا ينشف لحروووق تراها كل يوووم تزيد اوجاعه...الله ياخذ الحريم وياخذ فعايلهن

ابتسم عتيبه:الحرييم ههههه هذا انتو يا عيال العطاوي على كل الغزوات الي غزيتوها الا ما طيحكو بلفراش الا هن وزين ان ذا سلم ضدره لجل يقدر ينام عليه مير انت الي ماكنت تقدر تنام على ظهرك ولا صدرك

وقف غيث:ودك تروووح ولا اروووح انا

وقف عتيبه:ارووح انا يا غيث وخل بالك منه

غيث:تيسر والله يعيين

...............................


اليوم هو اليوم الي كان ناوي فيه فهاد يرحل من الديره لجل ياخذ بثار اخو المها

كانت شوق جالسه مع المها الي ما شافت فهاد من ذاك اليوم

شوق:اليوم عمي فهاااد راحل من الديره

ارتجف قليب المها وناظرت شووق وش ودها تقول هي كل يوم تبكي على الي قالته لفهاد

شوق:هو عمي لييه مايجي عندك اهنيا يا المها

العمه من وراهن:اقووول يا شوووق اتركي الهرج ذا عنك وتيسري روحي شوفي امك وش ودها اياااك فيه

شوق بعناد:ما ودي اروووح وامي ما ودها اياااني وهرجي ماني تاركتنه

العمه:يا بنت تحجي معي زييين

شوق:ليييه وشقالولك عني يا عمه

العمه ابد ما تطيييق شوق ولسانها الي كل ماتحجت معها بشي ترادها

العمه :هذا حجيج معي كذا وفهااد يقول ازوجج لولدي عايض عزالله ان ولدي بخييير منج

وقفت شووق وهي غاضبه:ومن هو ولدج يا عمه ؟...حتى لو كان ودج اياني انا ماريييد اكووون حرمة اولدج

العمه طلعت وهي ما ودها تزيييد بالحجي مع شووق

المها:ليييه يا شوووق الي تسوينه مهب زييين

شوق:العجوووزه ذي انا ما طيقها تفهمي ما طيقها

المها:هذي عمتج يا شوووق

شوق:عمتي وهي سبب

فهاد من الخارج:المها يالمها

حست ان روحها ودها تطلع منها وقامت بسرعه

المها:هذا فهااااد

العمه قربت من فهاد:وش عندك يا فهااااد

التفت فهاد لعمته:ودي احجي مع المها قبل اطلع من الديره

العمه:زين يا ولدي وش ودك اتقول لها

فهاد باستغراب:لييه هي وييين

العمه:بالشق

فهاد وهو ناوي يقلط بالمجلس:خليها تجي لجل احاجيها

وقفت العمه بطريقه:انا يا ولدي ابلغها بالي تريد تقوله

فهاد:وليييه ما احجي معها انا

العمه:انت نسيت يا ولدي ان كل واحد منكم راح يكون بطريق وش اتريد منها

فهاد:ودي اسالها عن الرجال الي قتل اخوها ما ودي شي ثاني

العمه:زييين وش تريدني اسالها عنه

فهاد حس ان في شي صاير للمها تقدم ومر من جنب العمه وراح للداخل :المها يالمها

لاكنه ما قدر يظل بالمجلس وراح للشق لجل ايشوفها ...وقفت المها الي كانت من غير شالها وهي تناظر فيه وتاكد ان مافيها شي

دخلت العمه وراحت للمها ورفعت لها شالها وظلت واقفه بينها وبين فهاد والتفتت لشوق الي اخذت تناظر العمه وبعدها طلعت من بعد ما ودعت عمها فهاد

رجع فهاد يناظر المها الي حس بمشاعره الحلوه ترجع له من شافها الا ان العمه وماعرف وش سالفتها ظلت واقفه جنبها

فهاد:الحقيني بالمجلس ودي اياك شوي

طلع فهاد وجلس بالمجلس ينتظر المها طلعت المها وهي تناظره وجلست بمسافه عنه

فهاد:انتي وش قلتي للعمه؟

المها:ما قلت شي

العمه قربت منهم وجلست بينهم وكان فهااد منجن مايدري وش فيها عمته

العمه:وش ودك تسال فيه المها عن الرجال الي قتل اخوها؟

حست المها بخيبه امل يوم دريت انه جاي لجل يسالها

فهاد:ودي اسالها هو الرجال كان جاي لحاله ولا ان معه حد

وقعد فهاد يسال المها عن الرجال والمها اتجاوبه

وقف فهاد:خييير يصير خييير

كانت جالسه وتناظره وودها تقول له انه مايرووح ماتدري لييه حست بوجع بقليبها وخووف ان فهاااد مايعاااود للديره مرتن ثانيه

فهاد:ارخصيلي يا عمه

العمه:موافق خييير يا ولدي

طلع فهاد ومن بعد ما طلع وقفت المها ومشت كم خطوه وهي ناويه تناديه

المها:فهاااد

امسكتها العمه:وييين يالمها

المها:يا عمه لزووم.............

العمه:لزوووم ويش يا بنيتي

هزت راسها وراحت لشقها لجل تنزل دموعها بعيد عن العمه

فهاد ومعاه اثنيين من اخوياه طلعو من الديره لوجهتهم وكان عايض وده يطلع معهم الا ان فهاد طلب منه يظل بالديره
...................................................


عتيبه طلع لوجهته بعد لجل يجييب الدوا لاخوه قماد وكان بطريقه لزووم يمر بالجبل الي فيه الشيخ وحرمته تشاور يمر فيهم ولا لا وبلاخير عزم انه يمر

وبعيد عن الجبل شاف قوت وصالح والمهره الصغيره وكانت قوت تعلم صالح عليها ...ركضت قوت اول ما عرفت انه عتاب ومسكت بلجام الفرس

نزل عتاب:وش اتسوو اهنيا

التفتت قوت لصالح وكان نفسها منقطع:هو اليوم مشي بالفرس مسااافه كبيره وانا امشي ورااهم

عتاب:وشلوونكم

قوت:الحمد لله انت وشلووونك

عتاب وهو مبتسم ويشوف صالح الي رجع بالمهره بطريق الجبل:انا اشهد انه صار فااارس بيها

قوت:ويعرف يركض بيها

التفت عتاب لقوت واخذ يناظرها كانت بملابس غير الي كانت عليها المرة الي فاتت وكان شكلها غييير كنها زايده حلاااه

ابتسم ليها وهي ابتسمت وناظرت لتحت

عتاب:وشلووون ظبيه والشيييخ ان شالله تكوني مرتاحه معهم

قوت:حييييل مرتاااحه مير ما ودي بفرااقك

عتاب:وش قلتي؟؟

التفتت تناظر صالح الي غاب عنهم

عتاب:هو الشيخ بالمغاااره

قوته:اييه اليوووم بطنه توجعه

عتاب وهو يضحك:هو دوووم كذا ان كان ما وده يطلع يقنص لهم شي اشتكى من وجع بطنه

ضحكت قوته وكانت ضحكتها شي غييير

عتاب وهو يحس بوناسه ما يدري ليييه:تعالي لجل انروووح ونشوفهم

ركب الفرس ومد الها يده ترددت بالبدايه وبعدها مدت يدها وركبت ومثل اول مسكت بالسرج ابتسم عتاب ومد ايديه لوراه ومسك ايديها ولفهن بوسطه وهو يقربها منه

عتاب:اعتقد اني صرت رجالج ليييه مبعده عني

عضت قوت شفايفها وغمضت عيونها وهي تتوسد ظهره براسها ومشو رايحين للجبل

نزل عتاب وما حست قوت بنفسها الابيديه تنزلها وهو ماسك بوسطها حست باحرااج واخدودها تحمر وماغاب هذا عن عتاب الي كان مبتسم طووول الوقت

لف عنها ومشي رايح للشيخ

اجتمعو كلهم قدام النار وخبر عتاب الشيخ بحالة قماد ووصفله دوا عند حرمه بحدى الديرات ومن بعدها عزم انه يرووح معه وطلعو من بعدها

على الليل من بعد ما خذو الدوا عاودو للجبل وتعشو ومن بعدها طلب عتاب منهم يرخصو له

كان يغسل ايديه من بعد العشى وكانت قوت تسكب المي على ايديه

قوت:صحييح ودك تمشي

ناظرها عتاب:اييه ودي اوصل الدوا

قوت:الديره بعيييد

عتاب:بعيييد

قوت:اجل ليييه ماتمسي اهنيا

عتاب:ودك ايااني امسي

قوت :مدري عنك

تركته ومشت لداخل الخيمه

جلسو جميع حولين النار وجلست قوت جنب ظبيه واول ما رفع عتاب نظره ناحيتها رجعت لورا لجل مايشوفها متخبيه ورا ظبيه استغرب منها ورجع يناظر النار ويسولف مع الشيخ

بعدها بشوي رجع يناظر ناحيتها ولمح شوي من وجهها قبل ما ترجع تخبيه ورا ظبيه

ابتسم وحس بشي يصير بصدره هي وش سالفتها لييه ما ودها اياني اشوووفها

وظل عتاب سوالف مع الشييخ وكل ما حس بيها تناظره رفع نظره لها وهي بسرعه تعاود تستخبا

عتاب الي كان يحس بيه خلااه يطول بالسهره معهم لين ماتكلمت ظبيه

ظبيه:اقووول يا خووي يا عتاااب

عتاب :قووولي يا خيه

ظبيه:انت ودك تمسي اهنيا ولا ودك تمشي لجل ان كان ودك تمسي اخذت صالح معي وان كان ما ودك تمسي خليته نايم اهنيا عند قوته

الشييخ من بعد ما ناظره عتاب مستنجد:وده يمسي يمسي يا حرمه قوومي وخذي ولدج معج

ظبيه:لا والله انت الي ودك تقوووم وتاخذه انا ودي انااام ارخصووولي يا جماعه

قامت ظبيه وراااحت وقام الشيخ وهو يتحرطم وشال اولده ولحقها من بعد ما غمز بعينه لعتاب

ظل عتاب مايدري وش يسوي من بعد ما حطه الشيخ قدام الامر الواقع

ناظر قوت الي كانت جالسه بعيد ومنزله راسها

عتاب:قوته

ناظرته

عتاب:ليييه قاعده بعيد تعالي اهنيا بالدفى

كان عتاب متوسد وسايد كبيره وفارد رجيله وقفت قوته وقربت منه ومد يده ليها وطلب منها تجلس قريب منه وكانها جالسه بحضنه قريب وسطه وهو متمدد

عتاب اعتدل بجلسته وهو متسند على يد وحده واخذ يناظرها

عتاب:وش فييج؟

قوته بخجل:ما فييني شي

عتاب وهو يناظرها رفع يده ولمست اصبعه خدها:ليييه خدوودخ محمره؟

عضت قوت شفايفه وعتاب يناظرها باستغراب

قوته: يووو يا عتاااب لييه تحرجني

عتاب:احرجج بشوو؟

قوته :انت ليييه ما تفهم؟

عتاب:وش افهم؟

قوته :انك يوم تناظرني احس اني خجلااانه

عتاب وهو يحك راسه:هو وش الي يصير ترا انا بعد مدري وش يصير بصدري

ناظرته قوته "يا قواااتك ويا كذبك

قوت:يا وييييلي

ضحك عتاب :وش بج؟

قوته :انت وش بك وش تحس صاير بصدرك؟

عتاب والي ماكان يفهم بامور القلوب:مدري بس احس برجيييف اهنيا كل ما ناظرتج هو صحيح وش الي يصير؟

وقفت قوته وهي تبصم انه واحدن ما مثله حد يكذب ما تدري انه صحيح ما يفهم وش يصير له

عتاب:لوييين ودج تروووحي؟

قوت:ازين لك لفراش

عتاب:انا ماعلي اهنيا ودي انااام

قوته:جنب النار؟

وقف ومشي ناحيتها:اجل وييين ودج ايااني انااام

قوته :اهنيا اهنيا هالحييين ازين لك لفراش

وراحت بسرعه تزين له لفراش
!! !!
!! !!
!! !!

لقهـــــــوه يا ولد

صباح الخير لكل الغالييين

كل الحب والشكر لهذا التواصل المستمر ...محبتي وديمه










فرسان على جمر الغضى

الجزء الثامن

حس عتاب بقوته ماتدري وش اتسوي وهي تدور بالخيمه اتدور لفراش مسكها من يدها ولفها ناحيته

عتيبه:انتي وش اتسوي

قوت:الفراااش

عتيبه:انا مريييد فراااش تكفيني وساااده

قوت هي تناظر ليدها الي بيده:زين اا

عتيبه وهو يجرها للنار:تعالي وخلينا نتعلل جنب الضو

جلس بجلسته الاوليه وجرها تجلس جنبه

ابتسمت له وهي متوتره

تمدد عتاب وتساند على يده

قوت:اجيبلك وساااده

عتاب سحب الوساده الي كانت قدام قوت وما شافتها واتكى عليها رجعت وابتسمت

قوت:زين وش ودك ايانا نتعلل به

عتاب:مدري ...امممم ما ودج تقوليلي لييه تركتي الديره

قوت سكتت وناظرت لجنب ثاني

عتاب:زين زيين ان ما كان ودج بكيييفج

قوته بابتسامه:تراني قلتلك

التفتت وناظرته وكان لهيب النار منعكس بعيونها عتاب من غير ما يشعر سحب شالها وقووت حابسه انفاااسها

ابتسم ليها وماعرف وش يقووول يحس ان الي يسويه مايجوز وانه ليييه يسوي كذا بلاخير اقنع حاله انه لزوووم يسوي كذا لجل اتصدق انها حرمته:زيين ودج اياااني اقول لج لغز

التفتت له بوناااسه:تعرف اتقووول الالغاااز

عتاب:قلييل

قوته:قلي ترا انا احب الالغاااز

قال عتاب لها بعض الالغاز الي ماعطته قوت يكمل اللغز الا وهي قايله الحل

عتاب:هذا انتي تعرفييين

قوته:ودك اياني انا اقووولك؟

ابتسم وايده تلامس شعرها وهو يلعب فيه:قووولي

قالت قووت اللغز وكان عتاب ناسي حاله وهو يناظرها ويناظر شعرها الشلال الي محاوط بوجهها وايديه كل شوي تسحب خصايل شعرها ويقربها من وجهها بعمره كله مقد جلس بجنب بنت ولا ناظر اي بنت من كل هالقرب كان يناظر كل شي بوجهها وهو مازاال يلعب بخصايل شعرها... شي جديد يعيشه لاول مره قوته حاولت انها تتجاهل الي يسويه وهي تقوله الغازها لاكنها لاحظت انه مهب معها

قوت:سمعت وش قلت؟

عتاب:هاااه مدري؟

قوت:وش الي ماتدري به؟

عتاب:انتي وش قلتي؟

قوت ناظرته وهي توقف وتسحب شالها

واعتدل عتاب:وين ودج تروووحي؟

قوت:اجيييب حطب للضو

نط عتاب:خلي عنج انا رااح اجيييب

وطلع عتاب الي كان هو وده بعد يبعد عنها وهو ميدري وش يصير له

قوت "وش البلا ذا يا قوووت خوفي والله منه وش السواااه ذالحييين لزومن احط حد للي يصير بيننا

دخل عتاب بعدها وشافها متكيه على ايدها وهي جالسه ومغمضه عيونها

حط الحطب على جنب وجلس بمكانه وهو يناظرها لين ما فتحت عيونها

قوت:انت جيييت لييه ماقلت لي

عتاب:ودج تنامي ؟

قوت:وانت ما ودك تنام؟

تمدد عتاب على ظهره وشبك ايديه ورا راسه

عتاب:وكاااد لجل اطلع من طلعة الضو واروووح اودي الدوء

قامت قوت :زيين اجل ودي اتركك

التفتت وراحت لفراشها ونامت

غمض عتاب عيونه وهو مبتسم وبعدها ناام

لاكنه صحي على ونيين جاي من عند قوت قام وقرب منها

عتاب وهو يهزها:قوووته يا قوووته

نطت قوته مفزوووعه وطلعت سكيين كانت معها وخلتها بينها وبين عتااااب

قوت بخوووف وهي تزجره:وش اتريييييد؟

ناظر عتاب السكيين وناظرها وهو متعجب:مرييد شي مير اني سمعت ونيين جاااي منج

انتبهت قوووت لحالها

قوت بتمثيل:انت من؟

عتااب:انا عتاااب رجلج

قوته وهي تضيق عيونه وهي تناظره وكانها انتبهت

قوته:يا وييييلي وش الي يصييير

مسك عتااب بيدها واخذ السكييين

عتاب:ماعرفتييني؟

نزلت راسها لتحت:ارجاااك تسمح على ترا انا يوم اصحى معرف وش يصير حولي

ابتسم عتاب وهو يناظر السكين:زين زين ما صار شي انا بس سمعتج تونيين وما عرفت وش يصيرلج

قوت باستغراب:صحيح

عتاب:كود انج تحلميين بحلوومج الاوليه

قوت:للا ما حلمت شي

عتاب:اجل لييه الونيين

قوت:مدري

عتاب وهو يتقدم منها بجلسته:يوجعج شي

قوت وهي تشوف قربه وتبعد هي نفس المسافه:هااه للا

عتاب قرب اكثر:وش فيييج ليييه تبعديين مني

وقفت قوت بسرعه:انا انا ودي اروووح اشرب مي تررريييد

ابتسم عتاب ووقف:للا تعالي ودج نرووح للغدير

قوت:هااه للا للا الجربه اهنيا

وركضت قوت للجربه تشرب منها وعتاب راح للمكان الي ينام فيه ونام

صحيت قوت باليوم الثاني وما شافت عتاب ركضت لخارج الخيمه وما شافت فرسه وكاد انه رااح


قماد تجاوب مع لعلاج الي جابه عتاب وطابت احروقه بعد ما مر عليها اسبووع

دخل عتاب وغيث على قماد

عتاب:اسمعني يا قماد ما ودك تمشي معنا

قماد:للا يا خوووي ودي اظل اهنيا

عتاب:زين دير بالك على حالك حنا باكر ودنا انغزو ديرة الشيخ حماد والرجال بانتظارنا ودنا ناخذ المعشووقه والي معها

قماد:كان والله ودي انا الي اخذها منه مير انت تشوف اني مقوء

عتاب:زين حنا نترخص والرعيان تراهم عندك ان بغيت شي

قماد:توكل يا خوووي


.................................................

كانت قوته بالمغاره والمغاره كان لها مدخل ومن بعدها يتفرع المدخل لمدخلين واحد كان يودي للمكان الي فيه الاسلحه والمال وكان له مدخل صغير وواطي مغطى ببيت شعر مطوي والي يمر من جنبه مايدري عنه اما المدخل الثاني فكان مكان فيه غدير صغير

ومن فوقه فتحه للسما منوره بالمكان كانت قوت تستحم بالغدير ولفت حوالين جسدها قطعة قماش كبيره ومكان مبين منها الا ايديها واكتوفها وشوي من رجولها

عتاب دخل المغاره على عجله لان الجماعه ينتظرونه وسمع صوت جاي من المدخل الثاني وبخطوات سريعه راح وهو خايف ان يكون حد يتجسس عليهم لاكنه تفاجئ بالي شافه

كانت قوت تمشي ناحية المدخل وتفاجئت بالي طلع بوجهها صرخت وحطت ايديها على وجهها منحرجه والتفتت بسرعه لجل تركض بعيد عنه لاكنه كان اسرع منها بخطوتين ومسكها وهو يرفعها شوي عن الارض وينزلها ويده محاوطه خصرها وقرب منها وهمس باذنها

عتاب:وييين ودج تهربي انتي نسيييتي اني رجلج

كانت تحس برجفه حقيقيه ومسكت يده الملفوفه على خصرها وباحراج قالت

قوته:ارجاااك يا عتااااب اتركني ترااااني خجلااانه منك

انتبه عتاب لحاله ورجع يهمس لها

عتاب:زييين ودي اتركج مير البسي بالسرعه ودي اياااج ضرووري

قوت:زييين زيين هالحييين اجي

تركها والتفت بسرعه وطلع

قوت خذت انفاااسها وبسرعه راحت تلبس

طلعت وراحت لظبيه الي كانت تجهز الغدا

قوت:من اهنيا يا ظبيه

ظبيه:عيال العطاوي ودهم يغزووون

قوت:عتاااب معهم؟

ظبيه:هو الغزو يكوون من غير عتااب هذا شيخهم

قوت:مكنت ادري انه اهنيا

ظبيه:اشتقتيله يا بنت

ابتسمت قوت ونزلت راسها:وو وكاااد يا ظبيه

ظبيه:عتاب يقول انه وده ياخذج معهم

قوت:يا خذني معهم!!!؟

ظبيه:ايييه يا خيه لجل ان غزوتهم ذي ودهم يتمو كم يوووم بديرة الشيخ حماااد رجالها مهب هينيين ووكاد ان الغزوه تطووول ووكاد ان حد من الرجال ينصاب وعتاب وده اياااج تكوني مسعفه لرجال

قوت:انا!!؟

ظبيه:اسمعييني السالفه سهله انا ودي اعلمج كيييف تسعفينهم عندي دوا وشاااش واعشاااب زينه وكل السالفه ماتاخذ وقت ولزووومن اعلمج وشلووون تطلعي الرصاصه من الجسد امرها هين تاخذي سكييين وتحميهااا

دخل عتاب على صوت ظبيه الي تتكلم

عتاب:وشلووونكن يا حرمااات

التفتت قوته لعتاب وابتسمت وهي تنزل راسها لتحت مستحيه

عتاب بدوره ابتسم ليها:وشلووونج يا قوووته

قوت:زييينه

التفت عتاب لظبيه:وانتي يام صالح

ظبيه:الحمد لله يا عتاااب توني اقووول لقوته وشلون تقدر تسعف الي ينصاااب بالغزو

عتاب استغرب منها:ليييه؟

ظبيه:انتو ما ودكم تاخذوها معكم الغزو؟

هز عتاب راسه وقوته صاده للجهه الثانيه وهمس:الله يهداااج يا ظبيه

ظبيه:يا خوووي انتو من زمان ودكم حد يروووح معكم للغزو وانت تشووف اني انا هالحييين مقدر ارووح لجل ولدي صالح

فكر فيها عتاب وشاف انها فكره التفت لقوت:وش رااايج يا قوته؟

قوت:الي تريده

عتاب:هذا غزو فيه مووت وحيااه

قوت:دام اني معك معلي من شي

عتاب:وتعرفيين وشلوون ودج تسعفي الي ينصاب

قوت:ظبيه علمتني ولا تخااف انا قدها وقدووود

عتاب:زييين خليييج جااهزه اجل

.......................................................


فهاد ومعاه صديقه صقراان ظلو ينتقلون من ديره لديره يسالو عن سدحان السحومي بقصد انهم يوصلو له امانه

عجزو يلاقو عنه علوم ولا مكان وفيوم كان صقران وفهاد يتعللون

صقران:يا خووي يا فهاد حنا ندور على شي يمكن ان ماله وجوود

فهااد:وشلوون يا خوووي

صقران:كود ان له اسمن ثاني يا خووي العربااان الي جيناها كثيره وماله طاري باي وحده منهن

فهاد بضيقة خاطر:مكنت اتخيل ان الموضووع يصير كذا ويين ودنا انلاقيه

صقران:ماعليييه ان راااد الله لقينااه خلنا نمسي هالحييين يا خوووي وباذن الله باكر نرووح لشيخ يعرف بلانساااب ونساله عن قبيلة السحوومي وكاد انه يعرف ليهم طريق

فهاد:زيين هذا هو الراي الزيين

تمدد فهاد على ظهره وهو يناظر للسما والمها طيفها يحوووم حوليه:ويلي منج يالمها

وفهااد قبل كم يوم كان في ديرة المها وسال اهنااك رجال عن سدحان الي قال لهم انه جاهم وهم متعجبين منه كان لباسه غريب وما جلس بمجلس الشيخ الا باول يوم جا فييه وانه ظل باقي الايام في بيت سعد الي كان لحاله لين ما جا يوم وقرر معه يطلعو ومابينو من بعدها ووصلتهم لعلوم ان سدحان قتل سعد
........................................


توجه عتاب والجماعه الي معه ومعهم قوت الي كانت تحس باحساااس غريب وانها مقبله على شي ماكااانت بيوم متخيلتنه لاكن الفكره اعجبتها حييييل

في ديرة الشيخ حماد الشيخ وصلته لعلوم ان عيال العطاوي جايين لانه حاطط عيون على مشارف الديره يخبرونه اذا جاهم غزو

دخلت العمه على بدووور:بدووور يا بنيتي

البدور التفتت للعمه:خير يا عمه

العمه وهي ضايقن خاطرها:يا بنيتي ودي اقووولج شي وما ودي اياااج تخااافي

البدور:وش صاااير يا عمه ؟

العمه:الغزو يا بنيتي جاينا

بدور:وش اتقووولي غزو

العمه:لا تخافي يا بنيتي باذن الله انه ميصير لنا شي دام الشيخ وسالم حنا بعد سالمييين

البدور:وش تقصدي يا عمه؟

العمه:الشيخ حماد ومعه رجاله طلعو من الديره لجل يتجنبو الغزو

البدور بصدمه:وش قلتي يا عمه طلعو وحنا ليييه يتركوونا

العمه:يا بنيتي حنا ماعلينا مخافه الخوف الاول على شيخنا لزوومن يظل حي لجل الديره ....وعيال العطاوي ما ودهم شي من الديره غير الحلال والمال

البدور:عيال العطاااوي؟؟؟

العمه:انتي تعرفي يا بنيتي هم وش يريدو

البدور:يا عمه هالحييين الشيخ حماد هج من الديره؟؟ وترك الديره لجل عيال العطاوي ينهبوها ليييه يا عمه لييييه ما يوقف في وجيههم ويرد الغزو عن الديره

العمه:ودج ايانا نظل من غير شيخ وكاد انهم يقتلوه هذولا عيال العطاوي يا بنيتي

الغضب كان معمي البدور:للا يا عمه هذي مهب شجاااعه انه يخلي ديرته للنهب والسرقه لجل انه يرجع يكون شيخ القبيله ان ما وقف هالحييين بوجيه الي يغزون ما يستاااهل يكون شيخ القبيله

العمه:وش الهرج الي تهرجييين به يا البدووور انتي نسيييتي من هو الشييخ حماااد

البدور:لا مانسيييت يا عمه مير الي يصير ما ينسكت عنه ..وحنا يا عمه لمن تركنا

العمه:حنا مهب صاير لنا شي باذن الله

نزلت دموووع البدور :يا عمه انا مقدر انا تعباااانه حييييل تعبااانه ودي استريييح لييييتهم يذبحوووني وارتاااح لييييه الشيييخ يهج ويتركني لحااالي ليييه

العمه:اسمعيييني زييين يالبدور حماد لزوووم يسوي كذا حماااد عنده فرس تسوا كل الخيووول وعيال العطاوي ارسلوله كم مره من قبل لجل ياخذوها منه وهو رفض هي تسوا عيوونه المعشوووقه كلا يتمناها

ولزوومن يبعد عن الديره فيها لجل عيال العطااوي ما يقدرو ياخذوها

البدور:وانا يا عمه هنت عليييه يتركني بحالي ذي هالحييين وش ودهم يسوو فينا

العمه:ميجينا شر يا بنيتي باذن الله مايجينا ووكاد انهم ان جو ومالقيو الشيخ والمعشوقه انهم يعاودو من ويين ما جو



عتاب والليث والي معهم من الرجال دخلو الديره وكان الكل في حالة استسلااام

عتاب:شف يا لييث هذا الي ما جا ببالنا وقلنا انه مجهز العده ولعدااد هج من الديره بالمعشوقه

التفت له ليث:زيين خله يهج وحنا ما ورانا شي نظل بالديره وننتظره ووكاد انه بعد كمن يوووم يرسل يساوم لجل نطلع من الديره

عتاب:تهقا

ليث:هذا هو الي راااح يصير

عتاب :زييين اجل انا ودي اجمع الي بقو في مكان واحد لجل نقدر انشووف وش ودنا نسوي

وكالعاده جمعو كل النسوان بمكان واحد والشيوووخ بمكان والرجال الي بقو في مكان ثاني وحطو عليهم حراسه

وقف عتاب جنب قوته الي تناظر الي يصير

عتاب:هااه يا قوته تذكرتي شي؟

التفتت له قوته وهي مبتسمه:وش ودك اياني اتذكر

ضحك عتاب بصوت عالي:ماتذكرتي شي ابد

قوت بحركه فيها شوي من الدلع:مهب اول مره اكوون بمكاان فيه غزو ترااني حضرت كثييير من الغزواات

ومشت ومسكها من يدها:وش تقصديين

التفتت له قوت:انا عشت في اكثر من ديره والغزو دايم يكون فبعض الديراات الامر عندي عااادي

تركته ومشت بعدها بشوي التفتت له:اقووول ما ودك اروووح اجمع الذهوووب من الحرييم

عتاب:ههههههههه

قرب منها كثير وناظر في عيونها:انتي نسيييتي لييه انتي اهنيا

حركت قوته راسها لجنب وهي تناظره

عتاب:ان كان نسيتي ودي اذكرج انتي اهنيا لجل تسعفي الي ينصاااب اما الذهووب ذي فهي مهمتنا حنا زييين يالغلاااا

قوت:زييين كنت اريييد اسااعد

تركته ورااحت

ناظر عتاب ناحية الحرمتين الي يمشو قدام واحد من الرجال رايحين بهن للحصرونادا الرجال

عتاب:من ذيلا

الرجال:هذي عمة الشيخ حماااد وذي حرمته

التفت عتاب ناحيتهن منصدم:وش اتقووول عمته وحرمته

كان منصدم واكثر ما صدمه حرمة حماد الحامل

ليث:وش بك يا عتاااب؟

عتاب:هذا شييخ يترك عمته وحرمته وهي حاامل ويهج من الديره

غيث الي كان يفكر انه يغير كل شي:هم عرفو لينا يا خوووي وصار عندهم كل شي امره هين مير يا خووي انا ودي اقلب السالفه عليهم

عتاب:وشلووون

غيث:حرمة الشيخ وعمته تكفينا بس حرمته

عتاب:وش فيها

غيث:وكاد ان امر حرمته وولده يهمه نعزل الحرمه ونوهم الي بالديره اننا نعذبها لجل لعلوم توصل الشيخ حماد ونقايضه بحرمته بالفرس وبكذا راح يرسل لنا الفرس ونعطيه حرمته

عتاب:صدقت يا خوووي وان ما رضي اخذنا الحرمه وخلينااه يستادب

ليث:لاا يا خوووي وين ودك تاخذها وهي حبلا وكااد انه يرسل الفرس

عتاب:زيين زيين اجل هالحييين انا ودي اعزلها

راح عتاب من بعد ما نادا قوت تلحقه للحصر

كانت البدور دموعها ما وقفت وهي تحس بتعب من بعد المسافه الي مشتها للحصر وجلست على الارض تريد تريح

البدور:يا عمه وش الي يصييير انا مقوء والله اني مقوء

العمه حزنت على حال البدور:يا بنيتي اصبري وباذن الله تفرج

وقف عتاب وقوت قريب منها

عتاب:وش فيها

ناظرتهم العمه:البنيه حبلا وتعبااانه حيييل ارجاااكم تتركونا

عتاب:وليييه رجلها تركها ورااه وما اخذها معه

العمه:يا ولدي انتو وش اتريدو هذا هو الحلال والمال والي تريدوه خذوووه واتركونا لحالنا

عتاب:ودنا بالمعشوقه

التفت للبدور:اقووول يا مرة الشييخ قوومي معي ودنا نريحج بمكان ثاني يليق بج

ناظرت البدور عتاب وعيونها تبكي:ارجاااك انا مقوء اتركني لحالي

عتاب:لالالا انتي مرة الشيييخ لزومن تكوني بمكان ثاني ولحااالج

ارتعدت البدور من الخوووف واخذت تناظر العمه ومسكت فيها:عمه ارجاااج ارجاااج لا تتركيهم يا خذوني عنج بعيييد ارجاااج يا عمه

وظلت تبكي

العمه بعيون تبكي:يا ولدي اتركها ارجاااك

عتاب ماعجبه الي يصير وخاف انه يضعف قدام دموعهن

عتاب:ايييه مير لزومن تمشي معي

طلع عتاب من الحجز ونادى ليث الي دخل وزجرهن وقامت البدور من الخوف من زجرته مسكتها قوت وقادتها معها لمكان منعزل وقدام الكل

العمه:يا ويلي عليييج يا بنيتي وش الي يصير لج

بدور اول مادخلوها للمكان الي اعزلوها فيه نامت على جنبها من الوجع الي تحس فيه واخذت تنتحب

وظلو على ذالحال جمع عتاب وليث كل الحلال والمال وذهوب الحريم وظلو ينتظرون مرسال من الشيخ حماد باليوم الثاني بعث الهم الشيخ حماد مرسال لجل يطلعو من الديره من بعد ما خذو الي يريدوه ورجعو مرساله يقول له انه ان ما بعث المعشوقه ودهم ياخذو حرمته

وطال بهم الانتظار وما بين شي من الشيخ حماد

عتاب وهو جالس ومعه ليث:وش تعتقد انه يفكر فيه

ليث وهو يناظر قوت الي جالسه جنب البدور من البارحه وهي بالخارج:مدري عنه يا خوووي ...اقووول يا عتااب ترا الي تقول انها مرتك مهب عاجبتني وتراااني متوجس منها

ضحك عتاب:ليييه يا خوووي

ليث:مدري وشلووون انت متطمن لها هذي من جينا وهي تحوووس ببيوت القبيله

رجع عتاب يضحك:ترااها تدور الذهوووب هههههه ما تدري ان الذهوب ارسلناها خارج الديره

ليث وهو يزين سلاحه الي قام يطلق البارود لحاله:يا جهد البلا زييين وليييه كل شوي نطت عند حرمة الشييخ

عتاب:انا قلت ليها الحرمه تعبانه وانا خايف انها تولد علينا انت ماتشوووف وشلوون حالها من دخلت وهي كل شوي نايمه على جنب..وش به سلاحك

ليث:مدري وش به البارح واليوم اطلق البارود لحاله

عتاب:خذ بالك يا خوووي خوف انها تصيب حد ولا انها تصيبك

ليث:لا معلي هالحيين انا ازينها

ابتسم ليث

عتاب:وش بك

ليث:تدري وش رااح اسوي انا ان ولدت حرمة الشيخ

عتاب:وش رااح تسوي

ضحك ليث:ودي اهج واتركك معهن لحالك ههههه

عتاب:اشووفك تضحك يا خوووي صارلي زمااان ما شفتك تضحك

نام ليث على ظهره وهو يناظر لفوق وحط ايديه على صدره:مدري احس روحي اهنيا سكنت

عتاب:وكاد انه بسبب المعشوقه

ليث:وكااد يا خوووي وكاااد

غمض ليث عيونه وهو يتذكر المعشوقه جته ايام معها وهو يحاول يروضها ويووم صارت تحت شوره اصبح ومالقيها بمكانها

وخذته الافكار لليوم الي غزو فيه ديرة ام عيون كحيله كان ذاك اليوم الي هلكو فيه وهم يقاومو فرسان القبيله ومن بعد ما قدرو ياسرو الي قدرو ياسروه وحطو الحاجز للحريم طلعتله ام عيون كحيله وهي وحده من بنات الديره الي كانت عنيده يوم جروها للحصر وخلتهم يبذلو كل طاقتهم لين ما دخلوها الحجز حتى ان النسوان اول ما دخلت ابتعدن عنها تاركات الها مكان لحالها

عيونها ذاك اليوم اوجعته في راسه وهي تناظرهم بنظرات يتطاير منها الشرار وزينها الي ما غاب عنه يوجع بالقلب

التفتت يومها للفرسان الي اعلنو استسلامهم وكانو قريبين منها

ام العيون:يا حيييف على الرجاااال يا حيييف على الرجااال وشلووون ترضون على انفسكم للي يصير بالديره هاااه انتو رجال انتو

الفرسان نزلو روسهم لتحت وهم خجلانييين

ام عيون وهي تاخذ شالات الحريم وتحذفها على الفرسان

ام عيون:خذو خذو الشالااات والبسوووها البسوها

يومه غضب غيث ودخل للحصر وزجرها والتفتت له

غيث:انتي وش الي قاعده تسوينه؟

كانت تناظره بكره وغييض:هذولا مهب رجااال

غيث:انكتمي يا حرمه واسكتي

ظلت تناظره بغضب باين بعيونها وماقدر هو يناظرها التفت عنها

غيث:اسمعيييني زييين ان سمعت لج صووت ودي اقطع لساانج تفهمي

ام العيوون:وش ودك تسويي؟

التفت ليها وهو يحس بنبرة تحدي

غيث:ترااني معيييد كلااامي والي براااسي اسويييه

تركها وطلع

كان طول الوقت يتجنب يناظر ناحيتها ميدري لييه يوم يناظرها تربكه ولجل ان بعض الرجال انصااابو بالغزوه ذي ظلو يومين يداوو جرووحهم

ام العيون كانت كل محطو قدامها اي شي من الطعام ترفضه وتسم بدن الي يجي جنبها بالحكي

باخر يوم لهم دخل غيث الي طلب منه عتاب ياخذ الذهوب الي لابستنهن ام العيون

غيث:اخلعي ذهوووبج

ام العيوون بابتسامه ساخره:وش قلت؟

غيث:الي سمعتيييه

ام العيوون:ودك بذهباااتي ليييه؟

كانت جميله حيييييل وزينتها مكانت على حد من الي بالديره ونظرتها تربك الي يناظرها..والشامه الي على جنب خدها تضيع عليها قبااايل...عرفو انها من بنات اخو الشيييخ الي توفا قبل الغزو بشهر وكانت القبيله يومها بدون شييخ وكان متقرر انهم يعينو واحد من وجييه القبيله شيخ لها

غيث:اقطعي الهرج الي مامنه فايده واخلعي ذهباااتج

بدت ام العيون تخلع واحد من الاساور الي بيدها وهي تناظره وتقوول:تر الذهب ما يلبسه الا الحريييم

ناظرها غييث وهو مهب فااهم هي وش ودها تقوول

ام العيون وهي تخلع الثاني:والله اني شكيييت مير هالحييين توكدت

غيث وعيونه تتسع:وش اتقووولي انتي وش تقصدي؟

ام العيوون:وش ودي اقصد يا خيه خذي البسيها حلااال عليييج ومباااركه

كان كف اعطاه غيث لام العيوون خلاااها تدور على جنب الا انها التفتت له بكل قواة عيين وناظرته

ام العيووون:انا ما اخطيييت بالي قلته انتو مهب برجااال انتو نسووووان وهذي هي حياااتكم تلمو بذهوووب الحريييم

تقدم منها غيث وصرخ فيها:انكتمي

وكان على وشك انه يذبحها الا ان عتاب ورجال ثاني مسكووه

عتاب:ليييث يا خوووي الله يهداااك

التفت غيث لعتااب وصرخ

ليث:انت ماتسمع وش اتقووول حنا مهب برجااال

عتاب:اتركها يا خوووي اتركهاااا

غيث وهو يدز عتاب على جنب:لا والي رفع سابع سما انها تعرف زييين من هو الرجال

كانت تناظره بابتسامه شمتاانه فيه

عتاب وهو يحاول مرتن ثانيه يمسكه عنها:يا خوووي وش ودك اتسوووي

ام العيووون :اتركه اتركه وش وده يسوي يعني ليييه خايف ان امركم ينكشف

دز غيث عتاب على جنب والغضب معميه وبحركه وحده كانت البنت على اكتاف غيث الي صار مولع للاخر

عتاب مسك راسه وهو يشوف الامر صار صعب لاكنه سكت وهو يدري ان غيث ان ماخذ حقه منها لزوووم يذبحها

التفت للرجال واخذ يوجه كل واحد يعاااود لمكانه بينما كان غيث وام العيون على الفرس ومتوجه بيها لاعلى الجبل صرخ حينها قماااد وهو يفهم وش وده ليييث يسوي

عتاااب:انكتمم

بالمغاره باعلى الجبل نزل غيث البنت الي كانت مازاااالت تضحك وكآن الامر عندها صحييح

غيث وهو يخلع حزامه واسلحته ويناظر ابتسامتها:والله لا اخليييج تندمي على اليوووم الي تحجيتي فييه معي

البنت:تراني بعدني مهب امصدقه

خلع غيث ثوبه :هالحييين ودج اتصدقي وبطريقتي انا

اول ما حاااول غييث يقرب منها تفاجئ بالسكين الي طلعتها من بين ملابسها وهي تضحك

كان عاري الصدر فهم اهنيا هي وش اتريد توصله

البنت وهي تستعد تنقض عليه:ان كنت رجال صحيييح قرب وخلني اشوووف الرجال كيف هو بالمنااازل

كان يناظرها بكل غضب وايديه ممدوده قدامه في محاولة انه يمسكها

كانو اثنينهم يدورو على بعض وكل ما مد ليث يده مدت هي يدها بالسكين بمحاولة جرحه

ابتسم غيث:كل ذا لجل تستفردي بي وتواجهيييني لحااالي

البنت:وتراااني ناااويه اعاااود واقتلهم كلهم انت ماتدري من انا

لييث وهو بعده بمواجهتا يحاول يلاااقي طريقه يمسك فيها يدها:ومن انتي تراااج حرمه قريييب تعرفي من انتي بين ايديه

ابتسمت:نجوووم السما اقرب لك وان كان ودك تعااال تعااال وخلني اشوووف

حاول لييث يمد يده وكانت مقاومتها قويه

البنت:هاااه يا حرمه ليييه ما تقدرييين توااجهي زيين

تقدم ليث منها وكان نصيبه جرح غزير بوسط صدره شاق صدره بالعرض

ابتعد وهو يناظر الجرح الطويل والغزير والدم الي نزل منه ناظرها وهي تبتسم ابتسااامة نصر

ليث:زييين هذا انتي مهب هينه

حاول مره ثانيه يقرب منها وحاول يتصدا لجرح السكين والتفت لجل يجي الجرح الثاني بظهره بالعرض

حس لييث بالغضب يتصاااعد فيه وتهجم عليها مرتن ثانيه وثالثه وفكل مره تقدر البنت تجرحه بمكان في جسمه الدم صار ينزف منه وهو للحين ماقدر ليها

في اثنينهم صارو يلهثو من التعب والمواجهه بينهم طولت لا هو قدر يمسكها ولاهي قدرت تخليه يستسلم او انه يطيح من كثر الجروووح الي صارت بكل مكان فيييه

صمد ليييث لين قدر اخيرا وهو يرمي بحاله عليها بقو ويخليها توقع على ظهرها وهو منقض عليها وممسك يدها صرخت البنت تتوعده

كان ممسك بيديها ومثبتها على الارض جمع ايديها الثنتين مع بعض واخذ بيده الثانيه السكييين

كان يناظرها وهو يحس بجسمه يوجعه حيييل والدم صار ملطخ المكان وحتى هيه غرقها بالدم

ليث با نفاااس متقطعه:وهالحييين .......ودج....... تعرفي..... ان.... كنت رجال ولا لاااا

كانت تحاول تقاااومه لاكنها ما قدرت وهو يمسك السكيين ويشق بيها ثوبها




با سفل الجبل الكل كان جاهز وطلب منهم عتاب انهم يتحركو

قماد وهو يحرك حواجبه:وليييث

عتاب كان متوتر وما يعرف وش ايسوي لييث تاخر عليهم كثير ومايدري وش يصير عنده

عتاب:مدري ياقماااد مدري وش السوااه ننتظره ولا نرووح انشووف وش صااار علييه

قماد:يا خوووي وش انروووح نشوف وش يصير عنده ترااه مهب جاهل لجل اتخاااف علييه هالحييين ودك تشوفه نازل

::

::

::

ناظرها بابتسامه ماتدري هي ابتسامة نصر ولا ويش وفقد وعيه من بعدها بسبب لجروووح الي بجسده وغزارة الدم الي نزل منها

اما هي بحاله ثانيه ودموووعها الي مابيوم نزلت مغرقه وجهها

فتح غيث عيونه وهو يفكر هو ويين وتذكر البنت ام عيون كحيله التفت لوراه ومالقيها وقف بسرعه واخذ يناظر بالمكان نط رغم الاوجاع الي فييه ورااح لين باب المغاره وماشاف الفرس عاود لجل ياخذ ثوبه وسلاحه وما حصل شي اخذ يدور حوالين نفسه وهو مهب مصدق وش يصير

البنيه اختفت واختفى ثوبه وسلاحه والفرس بعد اختفت ناااار اشتعلت فييه من اول وجديد لسواتها وشلووون له وجه هالحييين قدام ربعه والحرمه سوت به كذا اشلوووووون؟؟ ظل يحرق بنفسه وهو قاااعد ينتظر ما يعرف وش يسوي وطال انتظاره لين ما حس بالتعب يعاود له مرتن ثانيه وغطت عينه ومن بعدها قااام على صوت عتاب يناديه فتح عيونه وكان عتاب يناظره وهو مرعووووب من شكله

عتاب:ليييث يا خوووي انت بعدك حي

ليث بوجع ماكله:شفت... وش... سوت ...فيييني

عتااب:هي سوت بك كذا ...وشلوووون؟؟!!؟

علمه وهو منكوي بالناااار :انا يا عتااااب انا الي مابيوووم طوااال الشوااارب قدرو يمسو بي شعره تجي اليوووم حرمه وتسوي سواااتها ذي انااا انا ولد العطاااوي يصير حالي كذا والله والله اني ملاااقيها بيوم واني اخذ حقي منها بطلعة روووحها

عتاب:استهدا بالله يا خوووي المهم انك سالم وهي قرييب نلقاااها وتاخذ حقك منها

::

البنيه من بعد ما صحيت كانت تبكي وما كله حالها من الندم ما كااان هذا الي ودها تسويه ولا يصير فيها كانت ناويه تستدرجه وتقتله وتعاااود للباقي وتقتلهم

هي ما عندها شك بقدراتها لانها بنت فارس الفرسان الي ظل طووول عمره يعلمها ويدربها كانت اجمل بناات الديره وكثييير من عيال الشيوووخ رفضتهم لانها تشوووف انهم مهب كفؤ لها

بعد ما خذت كفايتها من البكي التفتت له شافت انه وكاد مات والدم ذا كله ينزف منه خذت ثوبه ولبسته وسلاااحه والفرس وهجت من المكان كله

معاااد لها خاااطر تعااااود وتتصادم مع الباااقي وهي بالحاااله ذي على اليووم الثاني لقيها رجال وهي تشرب من ماااي الغدير الي بديرتهم سلم عليها وهو يعتقد انها رجال وطلب منها

تقلط لمجلس الشيييخ

ما كان قدامها الا انها تلبي الدعوه وهي متلثمه وبمجلس الشيييخ رحب فيها الشيخ

الشييخ:يا مرحبا يا مرحبا بمن جانا ولفانا ...

البنت بصوت خشن:الله يرحب بييك على فضله يا شيييخ

الشيخ:من انت يا ولدي ومن اي عربن

البنت:انا عااابر سبيل يا عمي

الشيييخ:وش اسمك يا ولد

بعد حينه من السكوووت :سدحااان ....................سدحااان السحووومي يا عمي

!! !!

!! !!

!! !!

وديـــــــــــــــــــمه العطا

فرسان على جمر الغضى

الجزء التاسع

فتح غيث عيونه بالواقع الي هو فيه وتنهد... بعدها الحسره بقلبه على الي سوته ام العيون الكحيله فيه ويييين هي ديااارها ووين وده يلقاها

كل ديره غزوووها كان كل همه فيها انه يحصلها بالديره لاكن الوقت مضى والشهوووور مضت وهو للحين مالقاها ليالي يقضيها منقهر منها وليالي يقضيها وهو يتقلب على الجمر لجل اتشوووف عينه عينها مرتن ثانيه

اعتدل غيث بجلسته وناظر عتاب الجالس قريب منه

ليث:ما بين شي من الشيخ حماد

عتاب:للا يا خووي وش السوااه هالحييين

غيث:هو يحسب اننا راح نرحم حال حرمته الحبلا

عتاب :وش ودك اتسويي

غيث وعيونه عند حرمة الشيخ وقوته الي كان بينهن حديث وكل وحده اتقرب راسها للثانيه تهمس لها

غيث:عتاااب...الحريم ترااهن يخططن على شي

عتاب بضيقه:والله يا خوووي هذي عيني عندهن من الصبح ومدري على ويش يخططن

غيث:وش السوااه القوته ذي لزوووم تشوووف لها حل انا مهب متطمن لها

قربت البدور راسها من الحاجز الي يفصلها عن قوته وهمست:انقلعيييييي من قدااااامي ترا صبري علييييج بدا ينفذ

قوت:انتي على ويييييش شايفه حااالج لجل انج حرمة الشيييخ يعني

البدور:ترا والله ان وصلتج ايييدي ماتشوووفي شي يسرج

قوت:وش ودج اتسووي هااه هذي رقبتي اشوووف وش ودج اتسوووي

البدور:يا حرمه انا تراااني مهب ناااقصتج اتركييني في حااالي

قوت:زييين قلتلج اعطيييني السلساال الي برقبتج واوعدج انج ماراااح تشوووفي وجهي

البدور:ما ودي

قوت:انا اطلبه هالحييين برضاااج مير عقب ودي اخذه بالغصيبه

البدور:قربي ايدج ان كنتي حرمه

غيث وهو واقف قرييب منهن:وش الهرج ذا؟

وقفت قوته بسرعه

غيث:تريييدي سلسالها؟

قوت:للا للا انا بس كنت اهرج معها واشووف ان كااانت تريد شي

والتفتت قوت بسرعه وابتعدت عنه وظل غيث يناظرها وهي تمشي بسرعه مبتعده بينما ظلت البدور جالسه وهي تناظر لتحت

اول ما قااال غيث لعتاب عن الي يصر بينهن و قعد يضحك بصوووت عالي وهو يناظر ناحية قوته

عتاب:اقووول يا لييث ودي اياااك تجيب لي سلسال حرمة الشييخ منها

غيث:لييه

عتاب وعيونه عند قوته:لجل اراااضي حرمتي بيه انت يومنك تصرخ تطير نعاامة القلب شف وشلووون واقفه ماتدري وش اتسووي هههه

غيث:اترك عنك سوالف النسواان


........................................................


في ديرة الشيخ ابو طايل كان قماد واقف قريب من المرعى وهو متلثم ويناظر للمرعى

من يوم ما كبت بنت الشيخ عليه لقهوه وهو يحس بضيقه تكتم على صدره وده ينفس شوي من الي بصدره مير شلووون وهي بنت شييخ وعتااااب لزووووم ما يرضى انه يغلط عليها

شاف واحد من الرعيان يمشي

قماد:على ويين يا مصلوووح

مصلووح:الشيخ طايل يريدني ارووح مع بنيته للفلا

قماد:خلك انت يا مصلوووح انا ودي اطلع معها

مصلووح:بس انت يا قمااد مرييض

قماد:لالا انا الحمد لله زيين وودي اروووح اوسع عن خاطري شوي

مصلووح:زيين

مشى قماد رايح للجهه الي يتوقع انه يلاااقي فيها شوق جايه

شافته ومشت بفرسها راكضه وهي تشيير له يلحقها ما كااان يهمها من يكووون من الرعيااان


.......................................


جلس فهاااد ومعه صقراان عند الغدير

فهااد:وش السواااه هالحييين الشيخ يقول الاسم ذا مقد مر عليه بحياااته

صقراان:يا خوووي لزووم تعاود لحرمتك ولا نعاااود لديرتها ونسال اكثر عن كل لعلوووم الي تخص الرجال حنا هالحييين ندور رجال ماله وجووود ولاله اصل بلانسااب

فهاد:مدري يا صقرااان خووفي ان عاودت يقولو عني اني ذليل لزووم مارجع للديره الا وانا ماخذ بثار اخوها

صقراان:اجل قم وخلنا نعاااود لديرة حرمتك ونسال كود ان حد منهم عنده علم وحنا ماندريبه

وقف فهااد:زييين توكلنا على الله

صقران:هي قالت من متى انقتل اخوها

فهاد:يمكن حول الثمااان اشهر

.......................................................

ظل قماد بعيد عن شووق يناظرها بس وهي تجري بالفرس رايحه وراااده حس انه بدا يتعب وجلس على التل

شوق رمت شالها على نبته كبيره بالارض واخذت تجري رايحه جايه وهي تحاول تلتقط الشال من النبته وهي على الفرس

هز قماد راسه"هذي انجنت وكاد وتقول لبوها ودي اتدرب على الفرس لو انه جا وشافها كان قال لها تدربه هو على ركوووب الفرس

قام قماد واخذ يقرب كل شوي منها ويوم شافها ابتعدت بالفرس راح للنبته واقتلع منها جزء كبير وخلااه على الحفه وهو يدري ان حوافر الفرس اول ما تظرب قريب من النبته انه لزوووم النبته الي اقتلعها تتحرك من مكانها

ورجع لمكانه وقعد وجت شوووق من بعيد تحاول تنزل تلتقط الشال الفرس اول ما شافت النبته اعترضت طريقها ارتعدت ورفعت حوااافرها لفوووق وكان لا بد من سقوووط شووووق بوسط النبته الكبيره

ابتسم قمااد اول ما سمع صرختها وشافها توقع بوسط النبته الي كانت كلها اشواااكِ

قرب بخطوات بطيئه وهو بعده مبتسم لين ما صار قريب منها وهو يسمعها تصرخ وتحاول تقوووم مير انها ما قدرت لان الاشوااك كلها مسكت بثوبها الفرس هجت من عندهم لمكان بعيد

ظل يناظرها وهي ما تقدر تسوي شي عدل لثامه زيين وجاها صوته وهو يصرخ

قماد:وش صااار يا عمتي وش صاااااار

شووق ماهقت تسمع صوووته:انت وش اتسوي واااقف تعااال وطلعني من اهنيا

قماد:يا عمه وشلووون انتي بوسط النبته وانا ما اقدر اوصلج

شووق:الله ياخذك الله ياخذك

قماد:يا عمه انتظريني هالحيين هالحييين انا جاااي اساااعدج

شوق حست ان ودها تبكي من الحال الي هي فيه تحس انها ما تقدر تتحرك من مكانها والشوك ماسك فيها من كل مكان بدت دموعها تعلن وصولهن وهي ما تعرف وش اتسوي

اخيرا شافت الراعي واقف قدامها

قماد:هاتي ايدج يا عمه هاتي ايدج

بدت دموعها تنزل:وشلووون ودك تطلعني الشوووك ماسك بي

قماد:هااتي ايدج يا عمه

مدت ايدها وهي كااارهه انها تحتااج لمساعدته لاكن قماد اول ما مسك بيدها سوا حاله انه اختل توازنه ورمى بحاله عليها

صرخت شوووق اول ما ارتمى بحضانها

شووق:انت وش اتسويي يا مهبوووول

قماد:يا عمه هونج على انا ودي اساااعدج مير هالحييين انا ودي من يساااعدني

شوق:الله ياااخذك الله ياااخذك قم انقلع من اهنيا

صارت شووق تضربه بيديها ترييد تبعده عنها

قماااد:يا عمه انا مقدر اتحرك كل ما حطيت ايدي ودي اقوووم الشوووك دخل فيها

اخذت شووق تصرخ وتضربه وتدعي عليه بكل شتيمه تعرفها لين ما حس انها انقهرت منه

قماد:زين يا عمه هالحيين هالحيين انا احاااول اقوووم مير اصبري علي وحط راسه يريحه على صدرها وصرخت باعلى صوتها منقرفه منه

قماد رفع راسه:زين ياعمه زييين

كان يناظر وجهها الي كان قريب منه وعيونها الي تلمع من الدموووع"يا زييينج يا بنت الشيييخ مير زين على نفس شينه ما ودي بيها

قام قماد وهو يولول من الشووك الي دخل بيده وابتعد عنها

شوق:انت وييين ودك تروووح؟

التفت قماد ليها:ودي اصيح بالقبيله لجل ييجو ويخلصوونج من النشبه ذي

شوق:والله لا اقتلك ان سويتها

ابتسم قماد:لييه يا عمه انا مقدر اسوي شي لزوووم الشييخ والفرسااان يدرووون لجل يطلعوووج

رجع قماد راجع للديره وتركها وهي تصرخ وتتوعده حااولت تسحب حالها من بين الشووك وما قدرت وظلت تبكي ما ودها حد يجي ويشووفها بالحال ذا

قماد صيح بالديره كلها الحقو لبنت الشيخ طااايل الفرس وقعتها بوسط نبتة الشووك

والكل فزع ومعاهم الشيخ طايل وفرسان القبيله وعايض

كان وجهها اسود من الفضييحه وهي تشوووف الكل تجمع حواليها وابوها يحاول يطلعها وبعد معاناااه قدرو يطلعوها وهي تتوجع من الاشواك بجسدها

ظلت شوووق تبكي بحضن ابوها لين مارجعو البيت وهو يقول لها انها اخر مره يتركها تطلع بالفرس

لين ما وصل لخيمة الرعيان وهو مبتسم واول ما دخل وكشف لثامه جلس بابتسامه تتسع وبعدها اخذ يضحك بصوت عالي

حس انه تخلص من الضيقه الي كانت كاتمه على صدره

...............................................


قرب عتاب من البدور :يا مرة الشييخ حماااد

التفتت البدور له

عتاب:اسمعي يا مرة الشيخ حنا ودنا بالسلسااال الي برقبتج

البدور:ما ودي؟

عتاب:الا ودج تعطيني ايااه بالزييين

البدور:قلتلك ما ودي

عتاب:يا حرمه هااتي السلسااال واقطعي الهرج

البدور:وانا قلتلك ما ودي

غيث من ورا عتاب صرخ عليها:هاااتي السلسااال يا حرمه

بيديين ترتجف فتحت البدور سلسالها وفتح غيث الحاجز لجل يدخل وياخذ السلسال وقف جنبها ومدت بيدها له بالسلسااال

لاكنه مسكها ووقفها لجل يزجرها:مرتن ثانيه يوم يقوولج اي حد منا شي تنفذي وانتي ساااكته تفهمي

كانت تصد بنظرها لاي مكان غير وجهه وهي تهز راسها بنعم

تضايق وهو يشوف انها ماتعطيه وجه لف وجهها له بيده وبردت اعضامه وهو يشوف وجهها من قريب

عيونه ضاقت وبدا شي بصدره يدق بسرعه وهو يحاول يستوعب زييين "هي لالا مهب هي وشلووون تكون هي

ظل ينااظرها بعدها مسك كتفها بيد واليد الثانيه مسك فيها وجهها من فكها واخذ يناظر اكثر واكثر

غيث بصوت ما حس انه يرجف:ناظريني

صدت بنظرها لمكان ثاني ومن بين اسنانه:قلت ناظريني

واخيرا تلاقت نظراتهم وارتجف قلبه حيييييل وهو يشد اكثر بمسكته ليها"مهب هي مهب هي لالالا مهب هي ام العيووون مهب هي ذي وكاااد انها مهب هي يمكن انها تشبهها ايييه هذي وييين وذيييك وييين هذي عيونها مبها كحل.... زيين وان كان مابها كحل تكون مهب هي

غيث:ناااااااظرييييني

حطت عيونها مرتن ثانيه بعينه وبدت دموعها تنزل

غيث بقهر:انتي هي؟......انتي هي؟

وبدا يصرخ:انتي هي؟

البدور وهي تبكي:ارجاااااااااك اتركني

غيث قرب يفقد وعيه:وشلووووووون انتي هييي هااااه وشلووووون

عتاب:ليييث وش بك يا خووووي

غيث بغضب بدا يتصاااعد فيه:هذي هيييي يا عتاااااب هذي هيييي ام العيوووون

وظل يناظرها

غيث:لالالا مهب هيييي

التفت لعتاب وده يسعفه:هي ولا مهب هيييي

عتاب لو شافها البارحه ماذكرها:وانا شدراااني يا خووووي

اخذ غيث يناظر الشامه الي بوجهها:انتي هي؟

البدور:اتركني اتركني وش اترررريد مني

غيث:وش اريييد منج تساليييني وش اريييد منج؟

البدور وهي تبكي:منت سوييييت الي تريييده وش اترييييد مني ازود

غمض غيث عيونه وهو يتاكد اخيرا انها هي

غيث:انا ماسوييييت شي بمقابل الي راااح اسويه بج هالحيييين

البدور:ارجاااااك تركني اتركني ترا انا مقوء على شي ارجاااااااك انت ماتشوووف الحااال الي انا فيييه

غيث وعيونه بدا الدم يلونها من الغضب:وشلووووون تسوي الي سويتيييه فيه هااااه وشلوووون تسمحي لحالج تاخذي فرسي وسلاااحي وتهجي وشلوووون تتركيييني بالحااال الي تركتيييني فيها

البدور:انت نسيييت وش سويييت فيه؟

غيث وهو ما زاال ماسك وجهها بين ايديه وماسك كتفها:اقل من الي تستاهلينه ومن الي جايج امشي قداااامي

البدور بنظراات مرعوووبه:وييين ودك توديييني؟

غيث:امشي قدااامي

البدور:يا وييييلي ارحم حااالي حرااام عليييك

غيث بصراااخ:قلت امشي قداااامي

عتاب:ليييث وش الي ودك تسويييه

غيث:انا انتهيت من اهنيا يا عتاااب ودي امشي معاااد لي حاجتن اهنيا وذي ودها تمشي معي

عتاب:هذي حرمة الشيييخ يا ليييث

التفت له غيث وصرخ عليييه

غيث:هذي كانت لي من قبل لاتكووون حرمته تسمع

عتاب:يا خوووي والمعشوووقه وكاد الشيييخ يرسلها لجل مرته وولده

غيث:مريييييد شي مرييييد غير اني اصفي حسااابي معها

عتاب:يا رجااال اترك الحرمه .....الحرمه حبلا

غيث:امشي قدااااامي

كان الغضب كالعاااده معميه وهو يربط ايديها ويركب فرسه لجل تمشي وراااه

عتاب كالعاده بعد مسك راسه مايقدر يسوي شي ان شاف غيث بالحاله ذي

قربت منه قوته:هوووو وش وده يسووووي ترا انا خلاااص ما ودي بالسلسااال خله يرجعه ليها

التفت عتاب ليها:جهزي حالج ودنا نمشي هو ذلحييين مايمشي الابشوووره

البدور كان امر صعب عليها والي يصير ليها اصعب شلوووون وده يخليها تمشي وراااه بالحااال ذا غصبا عنها كانت تجر خطواتها وتلحقه رغم انه صعب عليها

البدور:انا مقوء ماقوء والله اني ماقوء ارجاااااك ارجاااااك تتركني

ما يدري ليييه يشوووف الدنيا مسوده بوجهه مهب بمصدق انه لقيها وتمنى انه مالقيها بالحاااال ذا متزوجه وحبلا ...هذا هو الي غااايضك يا غيييث لاااا هي سوت بي امر ثاااني سوت بي سواااه طوال الشوارب مقدرو يسووه فيني

زيييين ترااك اخذت حقك منها وش تريييد منها هالحييين ...انا من زمااان وانا ادورها لجل اخذ حقي منها

التفت ليها:امشي

لاكنه تفاجئ انها طايحه على الارض نزل وقرب منها وشاف انها فاقده للوعي

رجع للخيل واخذ جربة المي وكبها كلها على راسها وشهقت قايمه من الي هي فيه مسكها وخلاها توقف

غيث:يا ويييييلج ان عدتيها مرتن ثاااانيه تسمعي

البدور كان منهد حيلها:ارجاااااك والله مقوء

اخذ يناظرها باستغراااب وشلووون هي تبكي وتطلب منه وتترجااه مخبرها كذا وش الي صار ليها

رجع والتفت وراح لخيله يصعده وجبرها مرتن ثانيه تلحقه غصب عنها ...سمع بكاها وهز راسه مهب متصور انها تبكي وبالحال ذا كان يتمنى يلاقيها بالحال الي يذكرها فيه كل شي فيها تغير وجهها من غير كحل متغير.... وزنها زااايد غيييير الغصه الي يحس بيها وهو بطنها حاااامل من الشيييييخ حماااااااد

ويييين نظراتها الي قتلته وكان يحس براسه يوجعه منها ويييين نظرة العنااااد... ذي حرمه ثانيه ضعيفه وتبكي الي منجن منه انها تبكي

البدور كانت تمشي وهي ترتجف تحس حالها بعالم ثاني دموعها ما وقفت ورجولها ترتجف كل خطوه تخطيها تتعثر بالخطوه الي بعدها تاااايه وكل شي حواليها صار اسود

نزل غيث للمره الثانيه بعد ما شاف انها فقدت وعيها واعطاها كف على وجهها خلاها تفيق بالغصيبه وما حست بنفسها الا وهي مسحوبه لفوق يحاول يوقفها الا ان رجولها ما شالتها ووقعت مره ثانيه وهو يمسكها يحاول يوقفها صرخ عليها

غيث:اوووقفي قلت اووووقفي

البدور:ممممقوء

وظلت تبكي

غيث:ترااااني قربت اقتلج

بمعناااه قدرت توقف وهي ما زااالت تبكي

البدور:يا وييييلي وش الحااال الي انا بيييه الله يااااخذك يا شييييخ حمااااااد

التفت عليها واعطاها كف ثاني فقدت وعيها منه

نزل عتاب وجر غيث بعيييد عنها وهو يزجره

عتاب:وش الي انت قاااعد تسويييه انت انجنيييت

غيث:اتركنيييي انركنييي ودي اقتلها

سحب عتاب الحبل الي بيده واخذ يسحبه لفرسه ويطلب منه يمشي

عتاب :رح يا لييييث رح رح واترك الحرمه هقوتي انك ازهقت روحها

قوت بعد نطت من فرسها وراحت للبدور واخذت تشوف وش حالها وتحاااول تصحيها

عتاب وغيث دارت بينهم مواجهه وصرااخ

فاقت البدور وهي تسمع صراااخهم ومسكت في قوووت واحتمت بحضنها وهي ترجف من الخوووف

قوت لفتها بيديها وهي تناظر عتاب بتوسل انه يبعده عنهم حينها نزل عتاب بارودته وحط فوهتها بصدر غيث

غيث :ودك تقتلني لجلها يا عتاااب

كان عتاب ياخذ نفس وهو يلهث من بعد مواجهته بغيث:اسمعني زيييين خلنا نمشي وهناااك بالمغاااره سو الي ودك تسويييه مير هالحييين اترك الحرمه

التفت عنهم غيث وركب فرسه وراااح وهو بعده غضباااان

اخذت قوت تناظر عتاب وهو واقف قريب منهن ولا يعرف وش يسوي

عتاب:خليييج معها لين ماتهدا ومن عقب ودنا نمشي

وظلت البدور تبكي وقوت مطوقتنها بيديها لين ما حست انها سكتت لاكنهن تفاجئن بغيث رجع مرتن ثانيه ونزل من فرسه وجرها توقف وهي تناظره مرعوووبه

غيث:امشي قدااامي

البدور:ليييه ماتتركني لحااالي وش ودك فيييني

غيث:قلت امشي

ومشت معاه لين الفرس وطلب منها تركب

البدور:مقدر اركب انت ماتشوووف حالي

بزجره ارعبتها:قلت اركبي

البدور:يا ويييييلي ودك تقتلني قلتلك مقوء

مسكها من كتفها وهو يقرب بوجهها عليها وبتهديد:واني قلت ودج تركبي يعني تركبي

البدوردفعته بيديها وصرخت معلنه تمردها:ما ودي اركب زييين وان كان ودك تقتلني اقتلني

كانت تناظره بعيون غاضبه خلت الرجفه تعاااود له وهو يحس بشي يريده هو

ظل يناظرها لو كانت بس بكحل كان كانت نفس العيون هي الي تناظرني الله يااااخذج من حرمه وش الي انتي قاااعده تسوينه في

التفت للجهه الثانيه ورجع من بعد ما حس انه هدي والتفت ليها:وشلووون ودج تمشي معي

البدور:ما ودي امشي معك خذ بارودتك واقتلني وخلصني من الحاااال ذا

والتفتت عنه لجهه ثانيه مسك وجهها ولفها ناحيته:عاد انا بكيييفي ودي اقتلج ولا ما ودي انتي ماعليييج هالحييين الا انج تسمعي شوووري....اركبي الفرس

البدور بصوت عاالي:وشلوووون اركبها وانا كذا

كان واقف جنبها ونظره رااح لبطنها لي كان باين وحس حينها انه وده يقتلها وهو يمسكها من اكتوفها ويهزها وهو يقربها منه

ومن بين اسنانه:يووووم انج صرتي ملك لييييي وشلوووون قدرتي تروووحي وتتجوزي الشيييخ حمااااااااد تحسبي عمرج حره هاااه

البدور:انا حره غصبا عن الي يريد والي مايريييد

غيث:انكتميييييي تعرفييين وشلووون تنكتميييين

عتاب:ليييث حنا ودنا نمشي

ناظرهم ليث:تيسرو

عتااب:وانت وش ناااوي تسويي

غيث:خذ حرمتك يا عتاااب وتيسرو وانا الي ودي اسويه اسويه

عتاب:زيين ترانا عند اقرب مغاااره

ومشي عتاب وقوت والي معهم من الرجال

غيث:ودج تمشي ولا تركبي الفرس

ناظرته:انا مقوء لا امشي ولا اركب الفرس

ناظرها وهي تمسك ببطنها

غيث:الحجي ذا ما يمشي معي امشي قدااامي

ربط ايديها مرتن ثانيه

البدور:هذي مهب سوااات رجاجيييل

ناظرها بغضب :اسمعيييني زييين تراااها واااصله حدي وبعدج ما شفتي شي من الي ودي اسويييه فيييك انكتمي وامشي قدااامي

مشت البدور تجر خطاها مرتن ثانيه ودموعها بدت تنزل اكثر وهو يرتجف على فرسه

البدور"الله ياااخذك يا شيييخ حمااااد هذا هو الي كان وده يحميييني يهج من الديره ويتركني وهو يدري ان ولد العطاوي هو سبب الي انا فييه ليييتك يا سعد ما امنتني عنده وانته تعطيه فرسك المعشوووقه ثمن لجل انه يحميييني اويلاااااااه

تذكرت البدور يوم انها خبرتها انها وكاد تكون حامل حينها خبرت الشيييخ حماد الي قال ان وده يعلن عند الجميييع بانها حرمته والولد يكون ولده

والشيخ حمااااد رجال عمره بالخمسييين ماقد تزوج لاسباااب تخصه وتمنعه بعد يتزوج البدور كان سعيييد بالولد ومتلهف حيييل لجيته

للمره الثالثه حست بالدنيا تدووور وفقدت الوعي

التفت غيث ونزل معلن غضب لاكنه اول ماناظرها قرب منها وجلس يناظرها

غيث:وش الي انا قاااعد اسويييه؟؟

جلس قريب منها وظل يناظرها كانت بينهم مسافه ثنى ركبه واتكى عليهن وهو يناظرها ناظر وجهها الي ملامس بخدها الرمل وشعرها المتناثر حوليها على الرمل وجسدها المرمااي على الارض وودته عيونه لرجولها الي امتلت بالاشواااك زحف وهو جالس وقرب من رجولها رفع وحده وهو يشوف الشوووك فيها رجع وناظرها وهي بعدها فاااقده الوعي..هذي كم مره تفقد وعيها

حط رجلها على رجله وبدا يسحب الشوووك منها ارتجفت رجلها اول ما سحب الشوكه الكبيره وحينها فتحت عيونها كانت تحس بلمسة يده وهي تسحب الشوووك الصغير غمضت عيونها ودموعها بدت تزيييد

انتبه غيث للي يسويه "انا وش قاااعد اسوي اسحب الشوووك من رجولها من بعد الي سوته فييني قاعد اسحب الشوووك ..نسيييت يا ليييث هي وش سوت فيييك نسيييت انها تركتك بجروووحك الي كانت هي السبب بيهن من غير ملابس وسلاااح وفرس نسييت حالك ذاك اليوووم

وقف غييث بعد ما ترك رجلها التفت ليها وشاف عيونها مفتوحه

غيث:وش تتنتظري قاااعده ياله قووومي

غمضت عيونها ما فيها حيييل لاكنها حست بيديه الي سحبتها فوووق لجل توقف

البدور:زيين زييين تمهل علي اشوووي

غيث:امشي قدااامي

البدور:ارييد مي

ماكان عنده مي:حلم بلييييس بلجنه امشي

مسك لجام فرسه وظل يمشي قرييب منها كان يسمعها وهي تلهث وبطرف عينه كان يشوفها ماسكه بطنها تمشي معااه كم خطوه وتوقف تااخذ انفاااسها التفت ليها

غيث:وعلى كذا متى ودج نوووصل

البدور:وش اتريييييدني اسوي

وجلست على الارض

غيث بنفاااذ صبر:ياااااااجهد البلااااا ترا صبري عليييج نفد

البدوربانفاااس متقطعه:مقوء مقوء

ونااامت على جنبها حينها حس غيث ان وده يقطع شعره بقلة حيلته هو

غيث بصرااخ:وش السواااااه معج يا حرمه

البدور وهي تغمض عيونها:ودي اناااام ودي اناااام معااااد بي حييييل ارجاااااااك

غيث:تنااامي والشمس تصهلنا

لاكنها ماردت عليه وهي مغمضه عيونها لين ماحست بيديه تسحبها مرتن ثانيه لفوق واول ما وقفها طاحت من طولها وتداركها ومسكها

غيث:وش ذالبليه

حملها بين ايديه وظل يمشي والفرس تلحقه ومشي بيها مسافاااات طويله كان كل شوي يناظرها

غيث"من قبل لا القاااج كنت احس اني اتقلب على جمر والحييين احس اني شاااايل جمره



ودع عتاب وقووت الرجال الي معهم ورااحو للمغاره الي اتفقو يجتمعو فيها تعجبت قوت من الرجال الي لقيوه قدامهم والي رحب بعتاااب وبالمغاره شافت حال ثاني المكان فيه كل شي مجهز مكان وكاد جلسو فيه وقت طويييل عتاب طلب من الرجال انه يصعد لفوق الجبل ويبلغهم اول مايشوووف غيث جااي

توجه عتاب لنار واشعلها ومن بعدها لواحد من الصناديق وفتحه

عتااب:اقووول يا قوووته

قوت:يا عووونك

عتاب:تعرفييين تطبخييين

قوته:وكاااااد وش ودك اياااني اسوي

عتاب:تعااالي اهنيا

قربت منه وشافت وش وده يريد

قوت:زييين اترك الامر لييي واليوم ودك تذوق طباخ ماقد ذقت منه

ابتسم عتاااب:زييين وكاااد اني ماقد ذقت منه

ومشي عنها وطلع برا المغاره المهم انه اعطاها شغله تلهيها

فوق الجبل قعد مع الرجال وساله ان كانو وصلو الذهوب والمال له وتاكد انه وثقه بمكانه وقاله انهم يمكن قريب ينتهو من الحال ذا

انشغلت قوته بالبدايه بتزهييب الغدا ومن بعدها ظلت تناظر لكل شي وبالمغاره وتحاول تربط بينها وبين المغاره الي فاتت

وبعد ما مضى من الوقت وقت دخل عتاب على قوته وهي تحرك المرق بالقدر الصغير

عتاب:وش ذالريحه الزينه يا قوووته

قوت:اعجبتك

قرب وجلس قرييب منها:وش الي اعجبتني دخلت براااسي حييييل

ابتسمت قوت وهي خجلانه وتناظر لتحت

عتاب وهو يمد يده ويمسك بها خدها:الحيا ذا تراااه يذبحني

قامت قوته وابتعدت عنه:عتااااب

ضحك عليها:وش بيييج يا حبة عيييني

قوت وهي ملتفته للجهه الثانيه وماسكه ايديها:يوووه يا عتاااب تراااك اتزيييدني خجل

حط عتاب يده على ثمه ووقف وقرب منهالين ما وقف وراها وهمس ليها:ليييه يا حبة عيييني

التفتت وناظرته بعيون تبرق:انت وش تريييد ما ودك اياااني اسوي الغدا

عتاب:وش الي يمنع انج تسوي الغدا

قوته :انت

عتاب:وانا وش سويييت

قوته وعيونها تدور حوليها وهي ملتفته لجنب:انت يا عتاااب تربكني واحس بقليبي يومن تجي جنبي يرجف كانت يدها قريبه من صدرها

عتاب وهو يحط يده على قليبه ويغمض:يا ويييييلي وهو الي يرجف اهنيا القلب

قوته بنظرة عتاب لعتاب:عتاااب وش السواااه معك

عتاب:زييين يا قوووته هالحييين وكاد ليييث قرب يوصل ودي اياااج تزهبي مكااان للحرمه لجل تريح فيييه والله اني مدري بليييث وش ناااوي علييه

قوته:هو كل ذا بس لجل السلسااال

ابتسم عتاب:اييه ترا غييث ان زعل زعل حييييل تجنبي تسوي شي يزعله

قوته:ايييه وانا وشلي بييه انا حرمة الشيييخ عتاااب

وابتسمت وهي تناظره

عتاب:ولا تقووولي انه القلب الي يرجف هنيا

التفتت عنه للجهه الثانيه وهي تمثل الخجل ومن بعدها ركضت للقدر تشوووف المرق

من الخارج وصلهم صوت الرجال يصييح:يا عتاااااي هذا هو الليث وصل

دخل ليث وهو شايل البدور ووجهه احمر من التعب وحرارة الشمس

نطت قوته لفراش مركوون على جنب وزينته وهي تناديه يجيبها عنده

ليث راح للفراش ونزلها عليه وجلس قريب منها ياخذ انفاسه واتكى بظهره على جدار المغاره

عتاب قال ان وده يروح يربط فرس غيث وقربت قوته منهم وهي ماسكه المي

قوت:ودك يا خوووي بمي

مسك غيث المي وتوه ناوي يشرب التفت للبدور ورجع الجربع لقوته

غيث:ما ودي

قوته وهي جالسه وتناظر البدور:هي وش فيهاااا

غيث:انقلعي من قداااامي

قوته:ييييه زين زيين وش اريد بيكم

تركتهم ورااحت لغداها

حط غيث راسه على فراش مركون قريب من البدور ونااام وهو يريد يتذكر ام العيون السووود هذيييج الي كانت غييير عن الحرمه الي جنبه هذيييج الي كانت عيونها

توجع براسه ونظرها سهووووم تطعن بصدره هذيييج الي كان يسمع لها صهيييل مثل صهيييل الفرس الي تريييد تروييييض ام الحرمه الي جنبه حرمه ثانيه مايشوووف منها غير دموووعها وضعفها كيف تكووون هي ام العيووون السووود

دخل عتاب وراح عنده وجلس قريب منه

عتاب بهمس:ليييث يا ليييث

فتح غيث عيونه وناظر عتاب

عتاب:يوجعك شي يا خوووي

هز رااسه ونام

قام عتاب وراح لقوته وظل جالس قريب منها وكل شوي يلتفت لغيث والبدور الي كانو نايمين بطرف المغاره وبينه وبينهم عشر خطاوي

قربت منه قوته:وش بيهم

عتاب:خوفي انه الهدو الي قبل العاااصفه حال لييث مهب عاااجبني

قوته :زييين خلك منهم وناظرني

ابتسم عتاب والتفت ناحيتها

............................................................

فهاد وصقراان عاودو لديرة المها وخذو لعلوم وعرفو ان سعد عنده فرس تسمى المعشوقه والكل كان يريد يشتريها منه وهو مايرضى وان سدحان السحومي وكاد غدر فيه بسبب المعشوقه الي اخذها معه يوم طلع مع سدحان من الديره

فهاد:لزووم نلقى المعشوقه يا صقرااان لجل نعرف وش السالفه زييين

صقرااان :الامر هالحييين هين نسال عن معشوقه الي لها وجووود ولا نسال عن رجال ماله وجووود

فهااد:ههههه ويمكن المعشوووقه مالها وجووود وتبدل اسمها

............................................




قربت قوته من قدر الغدا ونط عتاب جنبها

عتاب:ترييدي مساااعده

ابتسمت له:زيين

كان يناظرها ومسك بطرف القدر وصرخ وهو يولول

نطت قوته جنبه:وش صااارلك

كان ينفض يده :انحرقت يا ويييلي يا قماااد اثر الحرق مهب هين

قوته:يا وييييلي وش تريييدني اسوي

عتاب:خفتي على يا قووته

قوته:وكاااد يا حبة عيييني وليييه ما اخاااف عليييك

عتاب بابتسامه:زين لاتخاافي ترااه ما يوجع كثير مير وشلوون ودي اكل

قوته :انا اوكلك يا حبة عييني

عتاب بتعجب:صحييح انتي

ابتسمت :ايييه هالحييين من بعد ماتوكل من يدي ما ودك بعديها تاكل من يد حد

عتاب:ايييه ومن لي انا غيييرج

جلست قوته جنبه من بعد ماحطت الغدا واخذت تجهز له لقمه كبيره وهم اثنينتهم مبتسم

حطت قوته اللقمه بيد عتاب ومسك يدها واخذ ياكل الحبات الي بقيت بيدها

قوته:يوووه يا عتاااب لييه تسوي فييني كذا

عتاب وهو متونس حيييل بيها:ما ودي اترك حبه

قوته بخجل:زيين مهب هالحيين خلني ليين اعطيك اخر لقمه

كان غيث فاتح عيونه ويناظرهم وهو مبتسم غمض عيونه وتذكر ام العيون الكحيله لاكنه شافهامن غير كحل ونط حينها وهو يتذكر انها جنبه والتفت ليها كانت منسدحه جنبه وملتفته ناحيته وفاتحه عيونها وتلعب بطرف الفرش

غص عتاب من حبة رز نطت بحلقه اول ماحس بغيث نط وقامت قوته بسرعه وجلست جنبه وهي جايبه المي وتظربه على ظهره وتسقيه المي

كان غيث جالس يناظرها وهي تناظره بنظره وترجع تناظر طرف الفرااااش


يا ااااااااااااااااااااااااااااااااااااويلي ويلااااااااااااااااااااااااااااااااااااااااااااااااااااااااا ااااااااااااااااااااااااااااااااااه


كانت هذي صرخة قماد الي نطرت عيونه قدااام وهو متعجب ومندهش ومهب مصدق عيونه الي تشوفه واحد جالس جنب حرمه نايمه والثاني جنبه وحده ماسكه بظهره وتسقيه مي

عتاب كل المي الي بثمه طلعه برا اول ما سمع صوت قماااد