بسم الله الرحمن الرحيم...
.
.
.
نظرة حقد -8-
.
.
.
مدخل
لا تسل عن ضيقـة ايامـي وقلبـي لا تمـره
ضاعت دروبك على اخر ليل وجروحي عطايب
وان لمحت اسمي ترفّـق بـه وبادلـه المبره
كثر مابادلك شوق وكثـر مـا ودّعـك هايـب
لك على يمة عروق القلـب يالمغـرور جره
ماتواريهـا السنيـن ولا تغيـرهـا النـوايـب
والله ان قربك يسر الـروح وفراقـك مضـره
وأنت علّة خافقي وأنت القريب مـن القرايـب
ماقدرت اتوب عن ذكرك وعن حلـوك ومـره
ليه عن ذبح الغلا ياصاحبـي مانتـه بتايـب؟
هـاك ميـزان الجـروح وقيسهـا ذرة بـذرة
ماوزنت الا غـلاك ولا طعنـت الا الحبايـب
كل مايطري علي ظلمـك تشـب الكبـد حـره
كن في صدري رماح القوم وسيوف وحرايـب
كيف ابنسى ليلة زعزعـت قلبـي مـن مقـره
انفرت كبدي وخفاّقـي غـدا قبـر ونصايـب
هلـت دموعـي وحلّفتـك بربـك الـف مـره
يابن آدم خف من الله مـاورا ذبحـي كسايـب
أنت شخصٍ ماقدرت استوعبـه خيـره وشـره
من عرفتك والدموع دمـوع والخفـاق ذايـب
لا تصدق كذبـة الايـام فـي وجـه المسـره
بسمة في عين طفل ودمعة فـي عيـن شايـب
وان تذكرت الهنوف اللي على صوتـك تشـره
ضمها في صدرك الموحش وعرّضه الهبايـب
انكسر حلم الليـال وطاحـت نجـوم المجـره
أبتدت شمس وتوارت شمس وجروحي عطايب
وأنـــــــــــــــــــــت
أنــــــــــــــــــــــت
انت ماتـدري ولاعنـدك مـن الاحسـاس ذرّه
أشهد ان مصيبتى بك من عظيمـات المصايـب
.
.
.
لآتلهيكم الروايه عن الصلاه او دخول وقت من آوقاتها..
.
.
.
.بدايه...,,,
والله مافيني هذره ولاكلام كثير...حدي تعبانه :(
لكن.. من منكم جرب ان ينزع الشوك عن راحة يده..شوكة ...شوكة..؟
...ينتظركم في البارت..لقاء لبطلين..طال شوقهم....للقاء...
حرارة شوقهم تتضح با البارت القادم..
آيضاً..ينتظركم...مصارحه..من نوع آخر...لبطلين آخرين..؟
..
آرحب...بـ
آنجرحت في زمن لايرحم..متابعه سابقه لي...,,,آفرحني جداً تواجدها..
لما لها مكان خاص...لآيزاحمها عليه آحد :)
و
الرقيقه فيتامين سي....آهلاً بطلالتك..الاولى بينا....
...
...
...
قصر العاجي...
مكتب مقرن ....الدور الأرضي...
بصابعها الرقيقه...
آدارت عدة ارقام...تحفظها عن ظهر قلب..,,,
..من ثم انفتحت الخزنه الفخمه...
طلعت كم مستند.... ومعه مبلغ ....وسكرة الخزنه...
من ثم جلست على الكرسي ...
فتحت اوراق المستند...من ثم راجعت الاوراق مره..وثنين ..وثلاثه..
سكرتها...وبدة في الثاني...
آنفتح الباب الكبير....
رفعت راسها بهدوء...وابتسمت...\زين جيت..كنت برسل لك الخادمه...
بتال بخطواته المتقاربه...بستغراب\وش فيه..؟
جلس بتال على الكرسي القريب من المكتب....
الظبي بهدوئها المعتاد\لآزمني سيوله...
بتال يطلع دفتر الشيكات ويسحب القلم المذهب من الطاوله \كم تبين بضبط...؟
الظبي اشارت بصابعها المترفه بنعومه بنفي التام\خذت المبلغ...مايلزمني اكثر...
بتال عقد حواجبه\شغلك فيه شي..؟حايشك خساره في صفقه..اضبط امورك لو فيه شي..آعرف لي...
قاطعته الظبي بنفي...\لا..بس ها المبلغ فكه...آحتاجها الحين..ومافيني اروح واجي..
والا الحمدلله تجارتي مافيها اي خساره ..
بتال حرك الصوره الصغيره الي على المكتب \الحين تحصلين ربح في السيارات
لما تجيبينها من الامارات لهنا...آحس ربحك ماهو ذاك الزود..يعني لو تجيبينها...
من مكان ثاني آرخص وآفضل..واربح لك..
ابتسمت الظبي\لآ ولي يرحم والديك...آنا احب شي اعرفه مابي ادخل في الي ماهو
مضمون من يوم مسكني ابوي التجاره..وانا هذا طريقي..ماحب اغيره...حتى لو
اخسر خسارتي راح تكون بسيطه...وطارق مايقصر....وهذا هو بعد نفس شغلي...مثل
ماتشوف له معرض بشرقيه ومعرض هنا...وكلها من اهم معارض السيارات في المملكه
الحمدلله ..كذا رضا..
آنتبهت الظبي لتحريك بتال لصوره الصغيره..وهو يسولف معها..
تكره..آطارها..ومن فيها...آن يتحرك من مكانه..آلدائم..,,,
مكانه الدائم..هنا..,,وفي نفس المكان...آلايمن..من زاوية المكتب الزجاجي..
الظبي بعقدة حواجب..\آترك الصوره لا يصير فيها شي...؟؟
آبعدة صورة عبد العزيز من بتال...وثبتتها في مكان المعتاد..,,,
بتال بآبتسامه\تذكرين عبد العزيز..؟
الظبي بعقدة حواجب وهي تقوم\مــآتذكره زين..!
ابتسم اكثر..\بس اكيد تذكرين فلك...؟
آحتدت نظراتها له.... من ثم آبعدتها\مايحتاج اعصر مخي اتذكرها توني شايفتها قبل كم يوم...
بتال بخبث\فلك للحين بجمالها..؟
الظبي لبست قناع البرود...وآتقنته\اساساً ماهنا..زين...فا..مابالك..بشيب الحين مزين
جدايلها..!!
عض شفته .. وآبتسم...
آه..قاعده تلعب معي الظبي..الحين لعبت القطو والفار...
تبي تجس النبض..والصوره
الي في راسي لها تبي تشوها......!
على مين يا الظبي...على بتال...!
وتبيني افهم انك مو مهتمه...؟
والحين نار شابه بجوفك ....
ياحبك انتي وابوي...
لشر والمشاكل..والانساب..وآشياء كثيره ولة وآنتهت؟
بس والله ياياسر بيقلب الطاوله عليكم...آعرفه..شر...ومنّزل....
بس يبي له خبطه..
(قويه)...وتبدل كل شي...!
بتال بصوت ساخر\ياحليلك ياالظبي..! توني اكتشف الغيره بدمك...!..اجل ملوك ماهي
بزينه...وفلك ماهي بزينه...؟
انا اتذكر ملوك زين...مايمديني انساها لو اني فاقد الذاكره..!
وفلك...توها صغيره..؟
وين طلع في شعرها الخمري ذاك شيب...ياحبكم ياها الحريم لكيد..!
حاولت تبتسم بخبث...قاعد يسوي شد وجذب...بس يبي يعرف تفاصيلها تغيرت والا على خبره..
آبتسمت وهي تبتر السالفه...
الظبي ..\آنت وين بتروح ..
بتال يدخل المفاتيح بمخباته وخذى الجوال من الطاوله..\كنت بروح لياسر مواعدني... لكن
دق علي
يقول تعبان وبينام...
الظبي تقوس فمها\من جده ذا...
آبتسم بتال واشار بيده\تصبحين على خير...
طلع بتال من المكتب وترك الظبي تدور عيونها با الفراغ..
...
كني طفل تايهٍ في وسط : وجداني
وكن الحزن ( قش ! ) وامآل اللقاء ‘ابره !
...
صباح جديد...
الجريده...
جسار..يقلب الآوراق بستغراب,,,\والفلاش الي معك آيش فيه..؟
عبد الحي..\فيه...دلائل ووثائق لاكبر مصانع الحديد لآكبر التجار...
سعر الحديد الحين نزل عالمياً..عندنا مانزل..وسبحان الله لاحظ انه اذا ارتفع عالمياً يرتفع
بسرعه قياسيه عنداً..واذا نزلة الاسعار لمعدلها الشبه طبيعي..يتوقف سعر التجار
عندنا على السعر العالي ..بمعنى..وين المراقبين على ها التجار..
جسار رجع ظهره على الكرسي..شغل الفلاش على الب توب ...آبتسم...\آوووه..البارون
له يد في السالفه..كل يوم تزيد وقعاته..ها الرجال...
عبد الحي \بس ظهره جامد...
ابتسم جسار بهدوء \وحنى ظهرنا....الحق...ولو يطول..الليل..بعده ضو نهار بيظهر بنوره..
-عبد الحي ....خذى العدد الصادر..الجديد..ومشى بخطوات ثابته لطاوله الكبيره
والبعيده عن جسار...
عبد الحي برتباك\بديت بحملة التصريح والمسائله...!
ياترى بتكمل على كذا...والا...بتوقف...؟
نزلة عيون جسار بهدوء..لجريده.....وعلى مقاله طويله له..
((الحديد...آرتفاع غير مسبوق...؟؟؟))
ألقت أزمة الحديد والمستمرة للأسبوع الثاني على التوالي
بضلالها على أسعار مواد البناء، حيث طالت الارتفاعات أسعار الاسمنت السائب
والبالغة من 250 ريال إلى 265 ريال للطن، بزياده مقدارها 15 ريال للطن.
وكان لهذه الارتفاعات أثرها في قيام مصانع الخرسانة
بزيادة أسعارها لثمانية ريالات للمتر المكعب،
وقيام مصانع البلاط بزياده أسعار البلاط الاسمنتي 10%،
وقيام مصانع البلك برفع أسعارها لمائة ريال لكل 1000 بلكه،
وذلك وفقا لمتعاملون بالسوق أمس.
وشكلت هذه الارتفاعات هاجسا كبيرا للمقاولون والذين
أصبح الكثير منهم في ورطة حقيقية جراء الارتفاعات الاخيره للاسعار.
وكشفت مصادر عن قيام العديد من المقاولون
بشراء كميات كبيره من الحديد قبل ثلاثة اشهر تحسبا لارتفاعات
الحديد أثر الاخبار العالمية بهذا الخصوص،
في خطوة تهدف إلى تأمين سير مشاريعهم ما دفع الكثير
من المواطنين إلى أنتهاج هذه الطريقة لتخزين الحديد ومن ثم
بيعه بعد أشهر قليلة بأرباح تصل الى 40%، كما تواترت أنباء بداية
الاسبوع الحالي بقيام البعض ببيع الطن بسعر 3200 ريال في السوق السوداء
والتي خلفتها أزمة الحديد الحالية بكافة مناطق المملكة.
....ازمة الحديد...من يحق لنا ان نسائل..ونقف بوجه من..؟
ياترى...بوجه المقاولين...او...المواطن...او ..كبار الشركات الي يملكها...مختلف الجنسيات..
لآيهمنا...عن مختلف الجنسيات...ولأ اي جنسيه...تتربع على عرش هذا الشركات..
فئذا عداً...فهم...ليس اهل..هذاالبلد..ولآ يعنيهم امره...
العتب...كله...على الذي يتربعون على عروش الشركات المالكه للآغلبيه الساحقه من تجارة
الحديد وسوقه هنا...؟
وهم..من آبناء الوطن...!!
من آخوتنا....وبمثابة الدروع الصلبه الحاميه لنا..من اي
انجراف..واي استغلال..واي..احتيال...؟
من يحق لنا...ان نحاسبه...؟
ومن يجب عليهم ان يفتحو صدورهم لنا..ويتحملون كلامنا
وان كان قاسي..بقسوة اسعارهم علينا...
نبدا...بشيخنا....آلبارون...بآرون الحديد....
مقرن العاجي....
شيخاً الجليل...وابآنا..العزيز...الم تصلك اسعار انخفاض الحديد..في كافة دول العالم
واسواقه...آم...هي الأبراج العاجيه المرتفعه ...تعجز ان توصل لك آصواتنا النائحه...
من لهيب الأسعار...و...ضمئ العملات النقديه...التي اكتفت آيدينا...بمعرفة فئة الريالات
وان زادة دائرتها الاجتماعيه..تعرفة على المئات...وتقسمونا.علينا...الا ان نقتسم
الفقر...و..نتشارك الدمع...وكل مطالبنا..بيت يئوينا...من لقمة حلال...!
فكيف بلقمة حلال..
خالصه...تخاف..عين الله...التي تراها..مقبلة مدبره...ان تنافس اسعاركم...الملتهبه..!
شيخاً...نحن...لآ..ندنس ثوبك الابيض..بوحل ايدينا...؟
ولأ..نريد...منك...ألأ...مجارة الأسعار...التي الان هي منخفضه...
لانريد فتح سوق سوداْء..تلتهمنا جميعاً....
نعلم...ان صدرك يتسع للجميع...وانتقاداً...لشخصك الكريم...انما..هو فقط استفسارات
نريدها ان تصلك...لئنا..نعلم...ان لك بسوق الحديد صولة وجوله....
والبقية الباقيه..وان حاولو رفع الأعناق..انما هم رهن آشارتك...,,,,
شخياً نعتذر..ان ازعجك كلامنا...فنعلم ان صدرك يتسع لنا...
بقلم...\جســــــــار الراسي...
انتبه جسار لعبد الحي الي تكلم فجئه..
عبد الحي...\ماظن بيحصل خير..بعد ها المقال..مقرن العاجي معروف عنه
الصرامه في كل شي..فامابلك بتهكماتك الواضحه من خلف سطور مقالتك
من ثم دسك السم في العسل ..عن طريق سبه بقالب الاحترام...
جسار\اذا بجينا...با العدل والحق بنغلبه..واذا بجينا بدس ولعب الليل الي يعرفه
بيشوف شي ماواجه من قبل...راح ندخل عرين الاسد في ها التحقيق...ونهده عليه...
عبد الحي\يعني نستمر بحملة التصريح با الأسماء..؟!!
جسار بهدوء\با الاعداد الجايه.....بنسوي ضرب تحت الحزام لهم...نبدا نلفت
الرأي العام ..لها النقطه...من بعدها...نصرح با الآسماء ونبدا حملة المحاسبه العلنيه...
ورفع غطاء VIPعنهم..
عبد الحي..\بس ياآستاذي...غطائهم سميك...وماظن..آنهم غافلين عن مناوشتكم وتهكماتك
الساخره.. او..مقالتك الساخنه عنهم....وفيه جرايد محليه عندنا شايفن تجاوب
كبير معنا..وملاحظين لها وقوف...وانت بديت با الكبير..وراس اللعبه...
وياخوفي من مقرن..ماهو مثل اي تاجر...طيحته قبل كذا...ودفعة المسؤلون لمحاسبته..
جسار سكر الجريده..\كذا او كذا... راح يكون لي شرف المحاوله
..
كني طفل تايهٍ في وسط : وجداني
وكن الحزن ( قش ! ) وامآل اللقاء ‘ابره !
..
با الجامعه...
الكافتريا...
شهد حاطه راسها على طاولة...وصديقتها بجانبها...
مجد برجاء\شهود...ليه ماتبين تفطرين...بيجي الفطور مع روابي...
شهد بصوت تعبان \توني مآكله الحبوب واحس اني متخدره...
مجد\ليه تاكلينها...كان اكلتيها في البيت اخاف تنامين با القاعه وتهاوشك الدكتوره..
شهد\شسوي...احسها..بتجيني...
آبتسمت مجد وقرصت شهد\لآيفوتك ها البنت...
رفعت راسها شهد بهدوء..\وينـ
اشارة مجد بهدوء..لبنت جالسه بطاوله قريبه منهم...\هذي...آميرة الانآقه عندنا با
الجامعه....
آبتسمت شهد وكانت بتمسخر..لما تراجعت الابتسامه المرسومه لحد العبوس...
آنتبهة..لبنت وهي تفتح المحفظه الانيقه وتتضح صورة شخص بمحفظه...بوسامته
الملفته...وآناقته المترفه...آنصدمت...وحست بخفقات قلبها ..تبطئ من دقاتها...وتتراجع
لتخنقها...!
تسمرت عيونها في الصوره...
عنـــــــآد....
آخوها....
وش تسوي صورته في محفظة ها البنت..!
جفت الكلمات بحلقها وهي تترجم الصور آمامها...
عنآآآد
راعي بنات..؟
والله وطحت وماحد سمى عليك...ايآ القناص...وين قنصتك ها البنت..!
ومضبط لي الصوره..والله وتعرف الذوق..والحركاآآآت...؟
وها الخبله...رازتك بمحفظتها....
بس وش ها السكسوكه..!
متى غيرة شكلك من يوم عرفتك..وانت ديرتي...متى
طيرته وحطيت السكسوكه..
شي غريب...مآذكر!
تمتمت بهمس\وش آسمها..؟
مجد وهي تشرب العصير\رهف الدايس...بنت الجواهرجي المعروف...
شهد\آآآو..مزنقله..!
مجد بآبتسامه\ايه والله من لبسها وحركاتها احسها في خير ونعمه.. حتى البنت ماشاء الله
ذوق واحترام.. لكنها خجوله حيل حيل..حتى الظاهر لحد الانطوائيه...ماتعرف غير وحده..
شوفيها الي معها...كثير بنات يبون يتعرفون عليها وهي ماتعطيهم وجه..
...مع انها فري بقوه...الظاهر انها تكشف...لئني
لمحتتها مره بسوق...بس الشهاده لله محترمه نفسها وكانت معها وحده كبيره بسن
اتوقع امها...جالسين با الكوفي...
شهد بستهزاء \اجل محترمه...!!
مجد بستغراب\وش ها الحكي شهد ماشفت الا كل ادب واحترام منها..مادري عن اخلاقها الخاصه
وحركاتها برى الجامعه..لكن انا اتكلم عن الي اشوفه...بعدين ترى قضت ولآدتها وحياتها كلها
بآ..الاردن.مارجعو لا قبل اربع سنوات...يوم توفى آخوها....
شهد بستغراب\يآختي الملتزم ملتزم في اي مكان والله واكبر..الاردن..لو انها باريس
ومادريت تقدر تلبس غطى..ماهي مشكله...
تمللت مجد\انت وش فيك ماسكه البنت بشراع ومجداف..حنى مانعرف عنها
اكثر من كذا..وانتي شككتي بخلاقها...عشان الغطى...يختي ياما فيه بنات متغطيات
وبلاوي وسواد وجه لآتقيمين على الشكل ابد...وانا مابرر لها ..
شهد حركت عيونها مع وقفت البنت...طالعتها بتفحص تام...وعلامات التعجب مرسومه
على وجه شهد...من متى تعرف عليها..!
كيف اساساً آمداه...
الله يقطع بليسه كيف طاح عليها ..؟
وهو ماهو راعي اسواق
ولا كوفيات...وين شآفهآآآ....
لآيكون متزوجها مثل ريان...!!!!!!!!
يآويلي..من ها الاخوان..قسم ان يجننوني في يوماً آقشر...؟
.....
كني طفل تايهٍ في وسط : وجداني
وكن الحزن ( قش ! ) وامآل اللقاء ‘ابره !
..
مكان ثاني...
مكتب عناد..,,,,
يوسف..\يعني ليه يبيك..تهقى بيرقونك...؟
عناد منشغل با المسدس الي بيده...يعبي المشط رصاص..
يوسف\شكلها شغله سريه وانت متكتم عليها...؟آنت اذا نزلة عليك السكينه..فيك بلا...!
عناد طالعه بطرف عين..وشرب من فنجال القهوه الي قدامه...ورجع لمسدسه..
يوسف\تدريب...لآماظن...مركزك اساساً اكبر...انت قائداً..الا اذا كان بيطلعونك
برا المملكه يدربونك تدريبات خاصه...ومن ثم تجي تدرباً...توقع...
مازال ...حالة الصمت لعناد..
يوسف\لا وش يودونك...وتجي تدرباً.. فريق كوره....!!
يجبون كم واحد يدرباً على العمليات
الادق من الي نعرفها...لا لا...شي اكبر من كذا...
فلك المسدس عناد وجه ليوسف....\اذا ما سكت الحين بفضيه براسك...وبقول
طلع من غير مانتبه...!
بلع ريقه يوسف..بخوف..\وشو عناد..ماينمزح مع السلاح نزله...بسكت وباكل تبن..بعد..!
ابتسم عناد ..ونزل المسدس\طيب انت وش حارق رزك...هو طالبك او طالبني...الى
الان وانا متئكد انت مادخلت ها التخصص الا با الواسطه..الي اعرفهم هنا
مايتكلمون كثير..وانت اللهم لاشماته..بالع لك مسجل...وماينام في بطنك حكي..,,,
يوسف ناظره بنص عين والتفت للجه الثانيه بتكشيره...
.....
كني طفل تايهٍ في وسط : وجداني
وكن الحزن ( قش ! ) وامآل اللقاء ‘ابره !
..
العاجي..
المكتب الخاص...
بتال بستغراب\مين قلت برى..!!
السكرتير برتباك\الظبي...آختك طالع عمرك..,,,..؟
تصلب وجه...وضج الجسم بضخ الدم الى رأسه...شعر..بدخان مآآ..يتصاعد
بقوه من رأسه....
آو..
ماء مغلي..لتو...آنسكب على جسمه من قمة رأسه...الى آخمص قدميه..
بتال بعصبيه\خلها تتدخل..وش تنتظر..!!
السكرتير ارتبك اكثر من وقوف بتال من الكرسي بعصبيه\طال عمرك هي دخلت
على مكتب الوالد...وقالت آعطيك خبر بجيتها...؟
بتال..كور قبضته..من ثم آزاح ..بقوه..تحفه آنيقه كانت تقبع بترف..على مكتبه الامع..
لتسقط على الارضيه الرخاميه...وتعلن عن تشتت آجزائها...الى مئات القطع...
وبخطوات غاضبه...ترسم ناراً مشتعله...ورائه... وهو يعلن خروجه من المكتب..
با الجه الثانيه..,,,
مكتب مقرن العاجي...
الفسيح..بفخامته...والالوان القاتمه...التي تعكسها...الطاولات واللوح..المعلقه...
ومن ثم الارضيه الرخاميه الامعه...
يستمع لها..والغضب يرنسم على حنايا وجه..التي اختطت السنين عليه
تجاعيدها...,,,
وانزلاقة الزمن بين قسماته...
يذهب لكل نقطه تثيرها...ويتئلمها...بوتيره هادئه...
الظبي ..\يبه يعني وشلون...نخلي ها الكلاب تنبح من دون عقاب...
قبل ان يرد مقرن..,,,
آنفتح الباب بعصبيه..من ثم دخل و بقوه اغلق الباب وادار القفل...
الظبي انصدمت من خطوات بتال الواضح عليها البعد تماماً عن الهدوء...
بتال يحاول جاهداً ان يكبح وتيرة غضبه في ان يدق عنقها الان وفوراً.. بعصبيه\وش جابك هنا بين الرياجيل...؟؟؟؟؟؟؟؟!!!
الظبي تكشف الغطى وبرود\زين سكرة الباب..الغطى كتمني..
تبعد الخصل التي ابتلت عن جبينها الناصع..وترجعها لخلف اذنها الصغيره المزينه..
بحلق من ماس..
سرق عنقها الابيض المتورد من الماس..بريقه...
ليستحوذ..على صفائه...
بتال بفوارن دم\قلت لك وش جابك..انتي شايفتني جدار قدامك تجين هنا
ماكئني موجود...
مقرن بصوت عصبي\وانت شايفني ميت وماكني موجود...؟؟
بتال حاول يكتم اعصابه ويتحكم فيها ..بنفاذ صبر..وصوته..آقرب لضجيج\يبه الله يهديك وشو له جايه والله لو القصر محترق
ماتجي هنا...كيف اقابل الموظفين الي شافوها داخله هنا..ماعندنا نعاريه..؟ولاغيره
على محارمنا...
مقرن يمتص غضب بتال ويكبحه بصوته المائل لهدوء وان سرق من الحده قليل\وش غيرته..؟وش شايفها مسويه..؟جايه بسترها كامل..وجايه لبوها....وين الغلط
في هذا كله....!
بتال بعصبيه يطالعها...
ماقدر يستحمل اكثر...آفلت حرائق تلتهب صدره من برود والده ..
وبصرخه على وجها الجميل \انتي ماتقوليني وش جابـــــــك..؟؟
الظبي ترمي الجريده على الطاوله\جابني ها الي مو شايفنا شي...؟
بتال بعصبيه\عساه ان شاء الله قالب الدنيا علينا...ماتجين هنا ..مره ثانيه فاهمه
والحين امشي معي..؟
آرتد..بخطوه تقدمت ..بعد كلام والده الآمر...
مقرن بعصبيه \بتال آجلس وعين من الله خير...مآبي آطردك من المكتب...
آختك لها مثل مالك هنا....والظاهر انك عارف ها الشي..وفوق ماهي جايه لمصلحتنا
هي جايه لمكانها وحلالها...هي جايه بمكتبها...ومكتبك انت المكان الثاني...
والحين اجلس وخلنا نشوف وش بنسوي لولد الراسي...
بتال كتم غيضه ....وجلس بعصبيه على الكرسي المقابل لظبي...
ماهي الا دقائق..وادرات كفة الحوار الظبي....
الظبي بهدوء\ماعنده ناس بجريدته نقدر نشريهم با الفلوس...؟
مقرن بهدوء\مافي احد عنده مناعه من ها الشي...!
الظبي بحيره\نشتري السكرتير حقه...آو احد موظفينه الخاصين الي يثق فيهم...
مقرن بخبث تاجر\لآ..ماظنه غبي لدرجة ان سكرتيره حي الله..,,آكيد انه واثق من سكرتيره...
الظبي...عفست وجها...,,,
مقرن يلتفت للجه الثانيه.. \وانت يابتال وش تقول...
مرة دقائق..ظن مقرن ان بتال... بعدها ..لن يتكلم...
بتال قلب الجريده بين ايديه\هو ماقال شي...؟صحيح ان فيه بين السطور...آشياء
كثيره..لكن نحن مئمنين مكان ...وماافي ولادليل ضدنا..نقدر نقلب الطاوله عليه
..ونطالبه بئدله..واثبتات لكلامه..
الظبي بستغراب\ماراح يحكي الا بثبات...يبُه...وش رايك نحرق مكتبه كا انذار اول..؟
آبتسم مقرن..\والله انك بنت آبوس...ودمس مصفى ما خالطه دم ثاني...
بتال مقاطعه\بآ المافيا انتم...!!وشو تحرقون مكتبه..؟؟لآ...راح اكلم محامي الشركه
واخليه يشتغل قانونياً بهذا الشي...واذا عنده اثباتات مستعدين نفندها...
آنا ...آقدر..آكذب اي دليل...يحطه لرائ العام..وبعد راح نخلي جريده ثانيه
توقف بوجه وتدافع عنا..ونستئجر كم قلم...يهاجمونه...
ابتسم مقرن لراي بتال...وآعجبه...
الظبي رجعت للمقاطعه..\هو تجرئ...ودامه تجرئ...ينفى..مو يسكت له...!
بتال ناظرها بصدمه\القلم هذا ماراح ينكسر...حتى لو هاجمنا..لآتنسون انه قلم
محتاجين له...لآتنسون ان مثل جسار بها الوسط قليل...شخص نظيف..مايقبل بئي
خط ثاني غير الصحيح...حتى لو عآدانا...مستحيل اتسبب بكسر قلمه لو بئي شكل من الاشكال..
واذا رجعنا فيها هو ماقال الا الحق...مفروض نزل اسعار الحديد..لكن انت يايبه
الله يهديك وكم تاجر ثاني معك...مانتم راضين..,,,
الظبي تحكمت بآعصابها..لآتفلت من كلآمه الحيادي\بتال...جسار الراسي تربطك فيه صداقه..؟
بتال \لآ...لكن بصراحه..آتمنى..!!
الظبي\آنت فيك شي..؟واحد مهاجم ابوك ومشرشحه قدام الله وخلقه وتقول اتمنى اصادقه
هذا بدل ماتمسح فيه وفي الي خلفوه والي مسكوه الجريده الارض...
بتال بابتسامه\نظرتك للاشياء سوداويه,,,يابيض..ياسود...انا...آبعد...
مقرن بتهكم\وآسمع ملامه...ليه اسمي نفسي ابو الظبي...بتال وش رايك تعزمه عندك في
بيتك وتضيفه...مآقصر والله رايته بيضاء..
ضحك بتال...\آنا مآ..آقول لكم...ماراح آئدبه...انا راح اسوي له قرصة آذن
بس ماراح آئذيه...الشخص هذا انا احترمه...
ضربة كفوفها الظبي ببعض والتفت للجه الثانيه بقهر..
مقرن بتهكم\والله ياذا الحلال...مايديره الا الظبي..بعد ماتغمض عيني..والا والله الي
ضاع تعب السنين..
آنت تخاوي عدوي..
وذاك يداري بنت منهوبين الجد مثل يادهينه لاتنكتين..!
ضآعت علوم الرياجيل..ايه والله ضاعت..
.....
كني طفل تايهٍ في وسط : وجداني
وكن الحزن ( قش ! ) وامآل اللقاء ‘ابره !
..
با المستشفى..//
بهو خارجي...قريب من الحديقه الخارجيه...
ملوك..تضحك من قلب..... وهي تجلس على آحد الاحواض\نصآآآآب ..ترى يكذب.
ياسر بضحكه يفتح كوب القهوه...\ايه هين نصاب..نآشبه بحلقي..آسر حقي آنا آسر حقي آنا..
ترى نشبتها لي آزليه...من يومها صغيره...حتى البنات ماتحبني العبهم او اركبهم
مراجيح..مآركب الا هي....المشكله انا كبير...عيب علي العب البنات وهي ..ناشبه لي
حتى تروح لبوي الله يرحمه...(يقلد صوتها بستهبال)عمي الله يخليك عمي الله يخليك خل آسر
يتزوجني....وفي وقتها كانت صغيره حيل...شفتي شلون متصربعه على العرس..ماتو الي
يستحون..!!
نوال كانت غارقه بضحكه ماقدرت تمسكها..,,,
ملوك ماقدرت تطلع منها الكلمات من الضحك..\خلآص آسر..تكفى والي يسلمك..أسكت
كل الي هنا آنتبهو...
ياسر يطالعها بعيونها وبضحكه وخبث\طيب قولي لها صآدق...قسم بالله اني صادق..
واني مازدت شي من عندي..من يومك صغيره وانتي الي تبيني...
ملوك بضحكه\وقسم صغار..مانعرف شي..وانت مسكتها علي..ياربي يا اسر..قسم
بالله عمري بخمس سنوات او ست ها الكلام وش فيك..وش مذكرك ها الخرابيط...وماسكها
علي اعوذ بالله منك...
ياسر يقوس فمه\صار والا ماصار..؟
ملوك \مدري عنك..آنت تقوله..شايف ذاكرتي مثل ذاكرتك...ياابو الهول...
ياسر يشرب القهوه وبعدها\آيه ...آجل ابو الهول...يا الي طاري العرس تدورينه دوارا...
نوال\اخس عليك يامليك وانا احسبك الراكده العاقله الثقيله آخس...والله
طحتي من عيني...ياحسافه يا الصوره الي راسمتها عنك..لآه..لآه..
ياسر بستهبال\آيه..شفتي...عليك فيها بس..قليلة الحياء..ماتعرف السحاء..خلة ابوي
يخليني اخطبها با الغصب...
نوال\آسمع مني وآتركها وانت با البر..قبل مايجون عليك عيال مثلها...فاسخين
الحياء يادافع البلا..من ثم ابتلش انا في عيالكم...
ياسر طالعها بنص عين \آقول نوال عطيتك وجه..قومي فارقي..بس ماعاد الا تستلمين
ملوك...الخلا...
نوال خذة المويه وهي توقف\آنا اقول الشمس اليوم من وين شارقه..مستلم لي الضعيفه
ملوك..واتاريك ماخليت احد من الخلق اليوم...وتبي تختمهم فيني...يالله انا طالعه...
ياسر\ماتشوفين شر....مابغيتي ياشيخه...
تجاهلته نوال ومشت...
ملوك ضربته بيدها على ذراعه\وقسم ان مافي اسخف منك..ثقيل طينه وتميلح..
ياسر غارق في الضحك..
ملوك مقهوره\ياربي لاينشق حنكك بس
ياسر\طيب بذمتك انا قلت شي كذب..
ملوك تقلب جوالها\لآ..آفا بس من يكذبك..آستاذ طال عمرك في ها المجال..
ياسر بنص عين طالعها...وهو يشوف حركاتها وصدها ..
رموشها الكثيفه..تئسره لحد الوجع...
مسك يدها ولف اصابعه الطويله على معصمها الثلجي..,,,يذوب الى حد الاحتراق..
منها..,,,
يخنقه المعترضون لهذا الزواج...,,,
يقسون عليه بآسهم مسلطه على جروح لم تندمل..وانّ لم يحسبو لها في يوم اي
حساب..,,!
ببحه\خلاص..مافيني آتحمل..آكثر...بكلم خالي ..لآتئجلين آكثر من كذا..؟
تجمدت ملوك في مكانها...
حست بهروب ذرات الاكسجين من عالمها...
آختناق..آو ..محاوله يائسه للهروب...
آهتزت ..قليلاً...من ثم ابتلعت كميه كبيره من اللعاب شق طريقه الى حلقها
الذي شعرت انه اصبح ..صحراء قاحله..,,,جافه....
آرتعشت اطراف اصابعها بكفه الذي احتضنها...بدفئ تكره...
ياسر بهمس\هاآآآ..تكفين مافيني اكثر...ماتشوفين حالتي..!
حاولت ملوك تسحب اصابعها من قبضت كفه..التفتت ليده الاخرى
تحيط بمعصمها... مطوقتها...كآسوار من نار..ملتهبه...تحرقها...
كلتا يديه...
تخنق روحها....
لآتنسى ..آبداً...كلماته...
تكررت مراراً...وبنماذج..وطرق آخرى...لغيرها..!
تحاول لممت آنفاسها المضطربه ..والمبعثره.. من قربه الساخر من روحها...
واجرامه في قدسية برائتها...
وتهكمه في محراب..الحب الذي ينعته بئبشع الكلمات...وهو يهينه..بخيانته..
المتكرره...
وآخرها..اليوم...اليوم...
وهي تستعرض الرسائل في جواله..لتنصدم برسائل وقحه...منها..!
كيف يبتسم..في وجها من جديد..
وهو يغرس رمحه في طفولة سقاها ...وآينعت...فـ..كبرت...
من ثم شنقها...ليزهق روحها...غير مئسوفٍ عليها..
هزها...من ..جديد...
ياسر بهمس\آعرف انك تستحين..بس لمتى..؟آنتي والله ماتصدقين الضغوط الي علي..
بس ماحد يهمني منهم..دامك معي...انتي بس وافقي على اليوم الي تحددينه انتي..؟
والله ياملوك...آن حطك بحنايا الروح واطلع فيك.. للغيوم البيض..
ليه اشوف في عيونك التردد...والله مآذوقك الي ذاقته خالتي...ولاآخلي آحد حتى
يجرحك با الهمس...
ملوك تقتل الكلمات وتنحرها قبل ان تعلن وجودها على شفتيها..\بعدني صغيره ياياسر..!
خلنا نصبر سنتين... صبرت..كثير..ومابقى الا القليل..ماتقدر تصبره... الحين آنا ماقدر آتحمل حياه زوجيه ...مافيني...وبعدين وين آهد آهلي..
تصلبت ملامح ياسر.. وهو منتبه لمراوغتها الدائمه..و..بحه\بعدك صغيره..!وين آودي آعذارك الي ماتخلص.. ملوك انا
عمري 34.. الشيب كسى راسي..الي مثلي عيالهم بمدارس..وانتي تقولين بعدني صغيره...آذا انتي صغيره
آربيك...؟
قالها وهو يبتسم...آبتسامه باهته..التقطتها عيون ملوك المضطربه...
ملوك برتباك..وهي تبعد خنجر لعين..مازال يعبث بؤردتها ويمنعها من مصارحته بما
يبعدها عنه...وعن التفكير حتى با الاقتران به...
لآتريد هذه الفكره ابداً وغير وارده اطلاقاً...
فهو آسر...و,,,آسر فقط...
يكفي تحطم صورته,,آمامها..بخياناته...يكفيها بشاعة ...الثقه عندما تعلن آنتحارها..
على آعتاب الكذب...
و
المرواغات الدائمه...
تنصلت من الاجابه...وهي تسمع اعلان استدعاء..ياسر..للعمليات..
..رفع عيونه لجهة الصوت..من بعده آنزل...نظره لها...
ملوك برتباك..\انا الليله عندي لـ 3 الفجر..آشوفك على خير...
آنصدم ياسر...من بترها الدائم...لموعد الزواج...
لكنه قرر وانتهى...آكتفى با ابتسامه..وهو يعلن رحيله...وتوديعه..لها...
......
كني طفل تايهٍ في وسط : وجداني
وكن الحزن ( قش ! ) وامآل اللقاء ‘ابره !
..
مشغل سيوف...
دارت با المشغل الانيق..وهي تقطعه..بصوت كعبها الرنان...ذهاباً وآياباً...
جاكلين.\شو مدام...آنا...بعرف في..هي الشغلات..بدك آياني..آتركو آلك متل الخاتم بصبعك..آنتي بس بتئمري..
آغتاضت سيوف..ووجها آحتقن بدم\مابي...عمل ياجاكلين..آبيه هو بتفاصيله و نبضاته..
جاكلين تشرب بقايا القهوه بفنجانها الانيق\شي غريب..........كيف بتتحملي هيك..والله
آلاستاز جسار كتير مهضوم وبيعئد..وكتير جنتل..بس ها الي آسمو عناد..ماشفتو..آئبل..هيك
شو..ماعندك ائلو شي صوره...
آنتبهت سيوف..آنها فعلاً لاتحمل لعناد اي صوره..سوى واحده وقديمه..وتخفيها في علب
مجهوراتها..\عندي...بس مو وقتها...مو فاضيه تشوفينه وش تستفدين..
جاكلين تطلق ضحكه مجلجله\بدي شوف..حبك الاول...شو من كم سنه..وانا بعرف بهي
الموضوع...مابيحق..ائلي..شوف صورته..
جلست سيوف..وهي ترتب شعرها...بصابعها الرقيقه..وتحمل احد الخصل المتمرده وراى
آذنها...\مو لازم...
جاكلين\بدك عمل...راح نعملو...وخلص...بتعيشي معو...شو..مابدك..؟
سيوف بعصبيه\بس جاكلين..أنا ماحب السحور والخرابيط فكيني منها...وعناد...
مابيه يجيني وهو مسحور...آبيه..واعي...ومن حاله يجيني..
جاكلين نتزل الفنجان بصحن الصغير\شو من عئلك..شو...!سوسو حبيبي آنت مرتو..لأ آخوه..
كيف بدك آياه يخونو لآ آخوه..!
سيوف وهي في حالة آرتباك تام..\وين الصور...ماصورتي جديد...
جاكلين ترفع حواجبها وابتسامه خبيثه\ولو..؟
...
...
...
عجبي من زمان..تدنس الحب فيه بقدام حفاة ملئها الوحل..ولطخ بها...
آرضه البيضاء...
عجبي من زمان..خان فيها الحبيب...كل الطهارة الشفافه المصلوب عليه ذاك الحب..
عجبي من زمان..بقت آوردة الحب..مفتوحة عاريه..لذرات الرياح...وماتحملها من آتربه..
عجبي...! وعجبي..! وعجبي...؟
...
...
...
بعد عدة ساعات...وبوقت متئخر..من الليل.....
با الفور ..
ياسر يطفئ السيجاره بيده في الطفايه الانيقه..والابتسامه تعلو محياه...
على عنادها ..وطرقها الملتويه...يحبها..الى حد الانجراف معها..الى وحل افكارها
الممتلئه بآسم العائله المقدس...
يكره عجرفتها...ولكنها..ترضي غروره بحبها المزعوم له...
يعلم..علم اليقين...انُه..آرض خصبه..لآحلامها..في مناطحة السحاب...وتمعن
في جره..لتلك الاحلام...
التي يكرها...حين...ويتسربل في عشقها حين آخر....
بتال يبتر سرحان ياسر\عمتك هذي افكارها افكار يهود ..!
اشعل سيجاره جديده ليتراقص دخانها بجوائه \تعجبني بس لو لسانها عليه فرمته شوي...
بتال ينزل كاسة المويه على الطاوله..\آنت ماتركت ها التدخين...آتركه..
هذا وانت الدكتور الفاهم الي مفروض تنصحنا...؟
مالت الابتسامه التي كان راسمها بسرحان على وجه....,,,
ياسر ببحه\..ماحب انصح..ولاحب اتبع النصيحه..مخي كذا ماتركب الا كذا..
بتال بهدوء..التفت لشاشة البلازما البعيده...وعيونه تدور في الشاشه بهدوء...تمركزة
على الاشخاص الذي يمثلون..آدوار...في المسلسل المعروض...
ياسر ينفث دخان السيجار \عم..الحين ليه ماتصفونه بطريقه ثانيه..!
بتال بستغراب وهو يلتفت له\من..جسار..؟
ياسر\لفقو له قضيه..احبكوها..وحوروها...حطو لها سيناريو...وجيبو كم ممثل..وعطوهم
دور البطوله..وجسار الضحيه..
عقد حواجبه..,,آبعد ظهره عن الكرسي المريح...وتحرك للامام قليلاً..بستغراب وصدمه\ياسر
صدق انك حفيد مقرن...زين ان مجالتكم ماهي ملتقيه...؟
آبتسم ياسر..على وكزة بتال...
وتم ساكت لفت انتباه صوت الجوال..وهو يهتز على الطاوله
استغرب آكثر...لما شاف رقم خالته..
دب الخوف..بعروقه...وهو ينتبه لساعه..,,,,
رد بخوف يسبقه الارتباك..\
-هلا..خالتي...
ماهي الا لحظات وصرخ بآعلى صوته..\
آيش.....!
قفلي على نفسك ...آنا ..دقايق..عندك...
سكر الجوال بعصبيه وقام بسرعه..
بتال بستغراب وقف معه\وش فيك..وش فيها خالتك...؟
ياسر يمشي بسرعه لجهت الباب...والدم يحتقن في وجه..واطرافه المتصلبه بعروقه الواضحه\آنا ذابحه ذابحه..والله ماخليه حي بعد اليوم..
بتال بصدمه \آيش...؟من الي بتذبحه وش صاير.....؟
ياسر بقهر\الكلب مناف جايب شلته ومقضيها سهره ماجنه عند خالتي قسم بالله
ان اشرب من دمه اليوم لين ارتوى...
.........
كني طفل تايهٍ في وسط : وجداني
وكن الحزن ( قش ! ) وامآل اللقاء ‘ابره !
..
بعد نصف ساعه...
بمكان ثاني...
فلك في مجلس الحريم..,,,,والباب ينضرب بقوى ماعنده..ويهتز....
وصلت الشياطين في سهرتهم لحد الافق...
تتراقص بشهوانيه..,,,وتمتم با المجون المقترب..,,,
فلك وصلت لحد آلانهيار..,,,لما طفى شحن جوالها...,,,
بكت بحرقه..وهي تسمع الضحكات...والنشوه الماجنه..,,,,
حرك مقبض الباب...كذا مره...من ثم عاد للهدوء...
جعلت هذه الحركات...قلب فلك الصغير...يدق بآسرع...من طبول آوقدتها
نيران الحرب..فتبعث الهلع والخوف..في الأطراف المتحاربه...
آين المهرب...؟
والحامي...؟هو الند والضد والخصم...؟
رحل العقل..في سبات شتوي...مع هذه الضحكات ...
آين الامان...
وقد اغتصب...بخطوات غريبه...تذهب...اياباُ وعوده...في
حرمة هذا البيت التي لم تندس يوم....
فيدنسها...من هو بمثابة حامي عرضهم وشرفهم..!
اي انين..آو ..دموع...تنهي هذه الليله...الثقيله...!
واي ذئاباً بشريه تحوم الان حول فريسه مكبله في عشها..؟
استجمعت قوتها..المسلوبه تماماً...
التفتت لشباك غرفة الحريم تذكرت انه بدون امان..,,,
آقتربت منه بخطوات متعثره..
فتحت الشباك...حاولت تسجمع قواها لنزول..على الرغم المسافه القريبه..
لكن الربكه والرجفه المجتاحه خلاياها..اعجزتها...وتركت لصوت دموعها
النحيب...
في ها الوقت...
رمى جواله بقوه على المقعد المجاور له....وهو يسب ويلعن...
فتح باب سيارته وهو يلتفت لسيارة بتال الي كان صوت فراملها القويه..
تطرد هدوء المكان..
ياسر بصوت مرعب\جوالها متقفل...؟؟
مشى بخطوات سريعه..
ضرب الباب الرئيسي بركله قويه منه...وانفتح على مصراعيه...مشى بسرعه لما
استوقفه...شبابك غرفة الحريم وشافها..,,,,
حس بخلايا جسمه كلها تنتفض ...
وهو يشوف الحاله السيئه الي وصلهم لها مناف...
ركض بسرعه لها وببحه..\فلك...
آنتبهت فلك لياسر وهو يقرب بخطوات سريعه منه...لها...وهي باقيه في مكانها عالقه...
واضعه ركبتها على الشباك ورجلها الثانيه بداخل على الكنبه...
وقد شلت حركتها تماماً من الخوف...
ياسر يرفع ايدينه..لها\تعالي....
لفت فلك اذرعها على رقبة ياسر...
صمام الامان للجميع..
والحضن..والملجى..من الايام...
حتى من نفسها...ومن كل مايحيط فيها..من وجع والم..وخوف...
بآيديه العريضه....
سحبها من الشباك وانزلها على الارض على صوت شهقاتها..ورجفتها ...
ياسر بعصبيه\خالتي تكفين صار فيك شي...قولي..دخل احد عليك...
آشارت فلك من بين شهقاتها با النفي التام..
آرتفع راسها بتلقائيه لتحضن وجه ياسر...
آنصدمت بتواجد..شخص ...
مالبثت ان تعرفة عن تفاصيله الغائبه الحاضره...
شعرت بصاعقه نزلت على رأسها شطرته لنصفين وجعلت منه الالاف القطع..
فوق رعبها وخوفها...تسلل الم يسري في عروقها... وجفاف لآزم حلقها..ليعتصر
قلبها المثقل با الوجع...والمر..الذي نافس العلقم..
تعلقت كل الدموع بين آهدابها...وبين بكائها المر...
دفنت وجها وجسمها بصدر ياسر وهي تصرخ\ياسر آسترني معك رجال مو محرم لي..
رنتة كلماتها بئذنه ...لتزيد الم والوجع بداخله...وتزيد وتيرة الغضب التي اجتاحت
خلاياه...وتفجر عروقه ان لم تنطلق من كبتها...
مشى بخطوات سريعه لداخل البيت وضرب الباب الداخلي برجله وانفتح على شلة
مناف متوسطين الصاله والكؤؤس تدور بينهم...
ياسر وهو يشوف عمه يدخل البيت ..عطى شماغه عمته...وبين اسنانه..يعطيها مفتاح السياره\خليك فيها...لآتتحركين...مهما سمعتي.....سامعه....
آشارة فلك براسها وهي تترجاه...\تكفي ياسر..لآتخسر نفسك عشان بهايم مو بشر....
بعد ياسر خالته ودخل لجوات البيت....
فلك قامت بتعب وتوجهت لسيارة ياسر ..وركبتها وأقفلت على نفسها...وهي تختمر با الشماغ
و
تبكي الم...لآيتجزء..بل يئتي دفعة واحده..
ليقتلها..كلما حاولت التفكير...بئن السعاده لابد في يوماً ان تعرف الطريق
لحياتها....
بين رجفة شفايفها \يارب ..يارب...يارب...مايئذي ياسر مناف..يارب لاتفجعني
يارب لاتفجع ابوه..ها العبد الضعيف..
يارب لاتفجعه بعد ها العمر وها الشيبات البيضاء..
يارب ارحم ضعف ملوك..وارحم ضعفي..
يارب ارحمنا...
لاتشمت فينا عاذل ولاتبكي علينا صديق..
يارب...
يارب
يارب..
ماهي الا لحضات...ربع ساعه او آقل....
فتحت عيونها ورمشت بسرعه... وهي تشوفه من جديد..بعد كل ها السنوات..
هذا هو جاها...بشكل ثاني...متغير حيل..,,,,
لكن مو لدرجة تنكره عيونها...
ازاداد رجوله وصلت لحد النضج...
وتصارعت الوسامه على حنايا وجه الى حد الوجع..,,,
حطت يدها الصغيره على صدرها وهي تحس بينخلع..من كثر مآدق...وآعلن...
عن آختناقه....
بتال بفوارن دم....يسحب آثنين..واصلين لحد السكر....من ثم ركبهم شنطة السياره...
وضربها بقوه...على رجولهم.....
ماشفع لهم آنينهم ...
ولاغيابهم عن الوعي...
من فرط السكر ومن فرط لكمات بتال التي آمتلئت وجوهم
بدم
ضربها مره ثانيه على رجولهم....حتى..آختفت آصواتهم تماماً..
من بعدها دخلهم ...وسكر الشنطه...
اكمامه المنفثه..,,وازرة جيبه المتفتحه..
والاحمرار الي اكتسى جسمه من العصبيه
الواضحه...,,,
فتح باب السياره والتفت بقرف على ياسر الي كان ضارب مناف وساحبه من
ياقته من ورى وصار منآف يزحف..
بتال بعصبيه \ها الكلب...امسح فيه الارض...وش تمسح اذبحه...الموت فيه حلال..ها
الي ماعنده غيره على اهله...
ياسر فتح باب سيارته الخلفي...ودف ياسر فيه..\قسم بالله الموت ماراح يشفي غليلي في
ها الكلب...وها الي معك آرمهم في اي زباله......
بتال سكر الباب وآشار بيده ومشى بسيارته وصوت فرامل السياره يرن بجواء السكون...,,,,
فتح باب فلك في ها الوقت...ياسر..
ياسر ببحه\خالتي...عطيني يدك..أنزلي..
الرجفه مازالت متعلقه بآوصال فلك...وواضحه لاتحتاج لها تنبئ...
ياسر يعيد لها كلامه من جديد بصيغه ثانيه\خالتي يالله انزلي قبل يحس علينا احد من الجيران..
نزلت فلك وهي تعتمد على يد ياسر...المتحول وجه للون آخر...آسود..,,
بقتامته....
دخلها السور الصغير ودخل البيت ....جلسها على عتبة الباب الداخلي.,,,
سحبت برتباك يده مع جلستها وسحبته لجنبها...وانهارات بين آذرعه الدافئه....
ياسر وهو يغرس راسها بصدره...متجلد الصبر..\خالتي...آوعدك..ها الموقف ماراح
يتكرر ابد...الله يرضى عليك هدي نفسك...خليني اخلص شغلي..وراجع لك...
فلك بشهقات متقطعه\وش بتسوي فيه...والله انه مراهق والعب عليه...من شلل السوء..
تكفي ياياسر لآتنسى انه يتيم...وضعيف..ولد خالك ونسيبك...
بعد راسها من صدره..\وين خالي..,,,ليه ماهو في البيت..,,,
فلك تمسح خشمها المحمر\خذوه عيال ابو جار الله لقصيم...يبون يونسونه معهم يومين...
تنهد ياسر\الحمدلله...والا كان راح فيها..,,,,
وقف ياسر....\قفلي على نفسك..,,,,آنا برجع عندك ...بس بشوف لي حل مع ها الكلب..
سكتت فلك وهي تبكي بصمت...
..
بجناح...الظبي..,.,,,
أستغربة من الرقم الغريب..
يتصل من المغرب..الى ها الوقت والوقت يقارب الفجر...
ردة بهدوء....
آلو...
جاها..صوت صغير...\الظبي...
الظبي بستغراب\آمر...؟
الصوت الصغير..\وينتس عن رجلس ياحظي..يسرح ويمرح على كيفه وانتي لاهيه
لي با الرياض واهلها...الهمام الهمام يا المصروعه على المساير...لآتطير الطيور برزاقها..
الظبي بستغراب\عفواً...وش تقصدين...؟
الصوت\وش عفواً وشكراً يا سبدي سبداه..يا الضعيفه..آقولك زين الحلايا طويرق..
ماخذأً راحته...ومعلي جوه...أيه دام القطو غاب العب يافار...ماعندس احد يفطنس
قلت اسوي خير واعلمس..كود...تروحين تلحقين على عمرس..
الظبي بهدوء\اسمعي...ماهو بطالع الصباح الا انا عارفه من هذا الرقم رقمه..ومن وين
متصل..وساعتها ياحلوه...انتي الي الحقي على عمرك..ناس فاضيه...ماعندها...شي
غير...قذف الناس...يالله اقلبي وجهك
سكرت الظبي الخط بوجها.....
با الجه الثانيه
مناير\وجع يوجع حنوكها ايه والله...سكرت الخط بوجهي...سويدة الوجه...
مناهل\ماعليك منها اكيد خلينها الحين تفكر وتهوجس...
مناير بخوف\وش تفكر وتهوجس يا البقره بكرا بتجيب خبرنا..وفكينا من عمك وولده..
مناهل...\اهم شي نفتك منها هي...ونشغلها برجلها...
مناير\والله ماظني...ياخوفي والله ان حنى زدنا النار بنزين..
...
با الجه الثانيه...
التفت جهت الحاويه الكبيره....وجزمات واحد منهم طايحه با الازفلت....
تف عليهم....وركب سيارته
آنتبه للجوال...
بتال \ها ياسر وين الوعد....زين...,,,خلآص...
سكرالجوال..ورماه على المرتبه الي جنبه....عض على شفايفه...
حس با الوجع يدخل الى حنايا روحه..وينتزعها...على مهل...يتلذذ
في آنتزاع..تلك الروح الميته..منذو زمن بعيد...
ينثر دائماً عليه الملح...على ذالك الجرح الذي لم يندمل...من ثم يكبس عليه
بوجع...
وحرقه..تصل العظم..فتعطبه...
صورتها الجميله ترجع ترسخ من جديد وتعمق جذورها وترويها بعد الجفاف..
ازادادة جمال حتى ارتواء الوجع....
خوفها ورجفتها...
آنوثتها المتفجره...بعد ما كانت طفله ..صغيره ...مائله لنحف ..
لم يعرفها آبداً...لكن ..ياسر...نطق آسمها..بخوف...
فآوجعه الاسم والنداء...
وجها الانثوي الصارخ بنعومه قطعت شريان قلبه بخوفها وارتمائه بحضان
ياسر....
يآسر..
يآسر...
آه...
محرمة على آحضانه..المشتاقه والمتعطشه...لها....
ولجسدها الغض اللين..
ورائحتها...الجوريه..معطرة الانفاس...
وضع يده على صدره...ويده تمر على تلك الازرة اللعينه...تخنقه...
وتبعد الهواء عنه..,,,
فتحها كلها...من ثم سحب الاوكسجين..من جديد..من ثم زفره بحرقه..
تصل الى خمسة عشر سنه...من البعد ولوعته..!
...
نقف هنا..
...
أخرج ابن ماجة حديث برقم 3629، و ابو داود برقم 4160، والنص لأحمد برقم 22844 "عن عبد الله بن بريدة: أن رجلاً من أصحاب النبي صلى الله عليه وسلم رحل إلى فضالة ابن عُبيد وهو بمصر. فقدم عليه فقال: أما إني لم آتك زائراً؛ ولكنِّي سمعت أنا وأنت حديثاً من رسول الله صلى الله عليه وسلم، رجوت أن يكون عندكم منه علمٌ. قال: وما هو؟ قال: كذا وكذا. قال: فما لي أراك شعِثاً، وأنت أمير الأرض؟ قال: إن رسول الله صلى الله عليه وسلم كان ينهانا عن كثيرٍ من الإرفاه. قال: فما لي لا أرى عليك حذاءً !؟ قال كان النبي صلى الله عليه وسلم يأمرنا أن نحتفي أحياناً". اسناد حسن، وهو صحيح على شرط الشيخين [7].
أما قوله: نحتفي، أي نمشي حفاةً بدون حذاء، واحيانا، أي حين بعد حين.
~سبحان الله المعنى والفائده يآخوات..
هذا النوع من المشي يمد الجسم بالحيوية والطاقة اللازمة. فمثلا: تدفق الدم لخلايا الجسم المحمل بالأكسجين، والطاقة، يحارب كافة حالات التعب المزمن والكسل. ويعمل أيضا على إزالة الأحاسيس السلبية. ويعيد التوازن العضوي والفكري. وهذا بدوره يساعد على تجلي الأفكار، وزيادة القدرة على التركيز والإنتباه، ويساعد على إزالة الضغط النفسي الذي يدمر مناعة الجسم، ويجعله عرضة للإصابة بالأمراض العضوية [6].
~وله فوائد كثيره وكثيره..لكن آنا استخلصت لكم القليل...لضيق وقتي والله..لكن
لنا بقيه مع هذا الحديث....
..
اللقاء يتجدد السبت...آذا الله مد لنا با العمر =)
دمتم بحب ضمني بين الاهداب...
31-05-10, 05:18 PM
المشاركة رقم: 6
العرض العادي
