ههههههههههههههه ميمي
قلنا نغير شوي

و القراصنة راجعين لهم
لا تفكري اننا طوينا الصفحة <<<<<< فيس يغمزلك

والله بريء يابيه

:)

محمد

احنا بعدين نحكم اذا برئ ولا لا

^_^


ميمي

اوكي ولا يهمك
بالدوووور و الكل رح يشرف باذن الله ^_^

انا مش مفروض ماتكلمش غير ف وجود المحامي بتاعي

يلا ماشي


والله العظيم
هقول الحق


^ صح كده :)




[1]صف حبك .. في كلمة واحدة
مش ممكن أوصفه ولا في كتب الدنيا ولا بكل الكلمات مش كلمة واحده .. هو احساس بكل ماهو جميل في الدنيا

[2]هل يُمكن أن يكون الحب من أول نظرة ؟
امممم .. اه طبعا


[3]متى أحببت لأول مرة ؟ (سؤال جوابه اجباري) .. ^^
مش عارف والله .. الكلمه دي كبيره
انا على طول كنت عايش حالة حب
أساسا كنت بحب على روحي وانا صغير زي مابيقولو
يمكن قصدك امتى حبيت بجد لأول مرة
بعد الجامعه .. كانت أول مرة أحس بشعور مختلف عن كل الي أعرفه من قبل كده .. عارفه الي هو متلخبط ومش عارف أتكلم وباعرق وقلبي بيدق اما اشوفها واتكهرب اما المس ايدها .. كده الأشياء دي كنت أول مرة أعرفها واعرف معناها .. معاها بس

[4] مالذي جذبك لـ حبيبتك وكان سببا لتعلقك واختيارك لــها ؟
كل حاجة فيها - بمعنى الكلمة - كانت تقدري تقولي كنت باشوفها بكل تفاصيلها من سنين في خيالي من قبل اما اشوفها
كل حاجة فيها ..

[5]مالذي عناه الحب لك في ايام الثانوي ؟
ايام ثانوي دي كانت حكايتها حكااااايه - اولى ثانوي كانت أول سنه ليا ف مصر - كنت عايش قبلها في السعودية وعارفه هناك الوضع مختلف شوية - فـ طبعا بما إني جيت فجأة على مدرسة مشتركة وكان نص فصلي بنات ومن النوع الحبيييييب أوي وكان لسه مافيش موبايلات .. كانت الجوابات بقى وكلام العشق والهيام والسهر في التليفون الأرضي للصبح وأحلااااام وردية .. وأعدي عليها تحت البيت مع صاحبي ونقعد نغني عبد الحليم حافظ وتحط جواب في مشبك غسيل وترميه ومرة الجيران يشوفونا يكبوا علينا ميه ومرة أمها تعرف وتعمل مشكله وتيجي المدرسة .. ومرات نزوغ .. ومرات ومرات .. ويعدي علينا ايام ويجي الصيف وتطلع حكايه جديدة وهذكا .. كان لعب عيال بيتهيألي .. بس كان بريء جدا .. حاسس زي مايكون كان زمن مختلف .. مش من كتير يعني من 17 سنه بس


[6] متى يذهب الحب ادراج الرياح لسبب غير الخيانة من وجة نظرك ؟
شوفي
الحب الصادق لا يذهب أدراج الرياح عمروو مهما طال الزمن
بس ممكن عوامل تضعفه منها الغيرة وانعدام الثقة وظروف الحياة او ان حد يتخبط في دماغه ويتجوز على مراتو .. شكرا .. راحت أدراج المأذون أو المحكمة أساسا

[7]ما رايك بمقولة "الحب اعمى " ؟
أتفق ونص
القرد بعين أمه .. ايه
وكتير باشوف أمثله كده .. يبقى واد زي الفل وخاطب واحده يعني زي الـ ... ماعلينا عشان مايبقاش حرام .. والعكس برضو
اقول يقطع الحب وسنينه


[8] ما هي مواصفات فتاة احلامك ؟
اممممم
حاسس بتنهيده سخنة طالعه من الأعماق :)
عشان حاسس كاني هوصف حد فعلا
كانت ..
شوفتو بدأتها بـ كانت
ماعلينا .. هي كل شيء رقيق في الدنيا ممكن توصفيه بيها
كائن كل قوته ف ضعفه و رقته
جمييييله .. صوتها رقيق شبه همس الملايكه.. شعرها ناعم طويل زي الليل الهادي .. عينيها على طول بتضحك وفيهم صفاء سماوات الدنيا وغيوم وشتا الكون اما تبكي .. صوابعها رفنوووعه وطويله شبه ايدين الباربي .. ضحكتها صافيه زي ضحكة النونو .. عارفه كمان اما تشوفي ولادك الي لسه ماجوش في عينيها وتحسي فيها بحنية ام وبوفاء أعز صديق و
وكتيييير عليا كده :)


[9] بوجهة نظرك هل الحب ظروري ؟؟
الدنيا يا ناس من غير الحب ماتتحبش
الله يرحمك يا ورده


[10] مارأيك في مقولة ( الحب عذاب ) ؟
مقوله سليمة جدا .. اكتر مرادفات لكلمة الحب .. عذاب فراق جرح تضحية حيرة سهر دموع .... اكتر من باقية المردفات صدقيني
وبعدين مش بننجرح اوي غير لما بنحب اوي .. صح ؟

[11] اي من هذه الطرق يمكن أن تؤمن بها ولو 1% أكثر من غيرها


[أ]- صدفة ؟

[ب]- اتصال عن طريق الخطأ ؟

[ت]- عن طريق الأنترنت ؟

[ث]- عن طريق شخص تعرفه ؟
كل ماسبق ممكن .. ده اذا كنت فاهم السؤال



[12] هل يمكن أن تسمي ( ابنك / ابنتك ) على اسم ( حبيبتك ) التي احببتها يوما
وفقدته / فيه لأي سبب ؟
اتمنيت :)
بس خفت أشوفها فيها .. وافتكر .. وانا مش عايز افتكر



[13]هل تؤمن اكثر بالحب قبل الزواج او بعده ..ام الاثنين ؟
الحب الحقيقي الصادق هو الحب الأول .. احساس بنحسه مرة واحده
ماتصدقووووش الي يقولكو اننا بنحب مرتين .. ممكن ده يكون قبل وممكن يكون بعد على حسب ظروف كل حد .. بس في قيم بين الزوجين ربنا خلقها أسمى يمكن من الحب او نوع من أنواعه .. الألفه
والموده .. والرحمه واذا ماكانتش موجوده مش بيدوم الزواج


[14] أي من الأسباب تجعلك تخون..وتتجرد بسببها من خصلة ( الإخلاص ) ؟
مفيش سبب على وجه الأرض ممكن يخلي الإنسان يخون غير الخيانه نفسها وقت العناد كمان مع النفس بس لكن حتى الخيانة مش مبرر في نظري .. اللهم ارزقنا الإخلاص في القول والعمل

[15] يقال ان الحب يموت بعد سنوات من الزواج .. ما رايك انت ؟؟
مش عارف .. ماجربتش غير قبل الزواج
بس في ناس بتقول .. بيقولو يعني .. ان الحب .. آخره الزواج
تتفهم بالمعنيين

[16]نصائح او كلمات تريد ان يستفيد منها الجميع ؟
الأول بادعي ربي لكل الي بيحبو بعض ربنا يكرمهم ويكملوا على خير ويتجوزوا .. عايز اقولهم ياريت تستمتعوا بكل لحظة وكل ثانية بتعيشوها .. عشان لو راحت مش ممكن تلاقو وقت أحلى مهما حصل تستمتعوا فيه وكمان ياريت تحافظو على الي بتحبوه وتشيلوه جوا عيونكو وتقفلو عليه عشان القلب مالوش غير مفتاح واحد بيضيع اذا الباب اتقفل



الحمد لله
ياريت ماكونش طولت بس
وربنا يستر وآخد براءة




أشكرك .. هايين

متميزة يارب دايما .. دايما







تحياتي