كاتب الموضوع :
عبير قائد
المنتدى :
سلاسل روائع عبق الرومانسية
السلام عليكم ورحمة الله وبركاته
مساء السكر :)
ازيك بيرو يا رب تكونى بخير يا سكر
اخيرا اخيرا قدرت اخلص بقــايـــــــــــا همــــــس
أنا بدأت قرأتها لأنى كنت عايزة أقرأ اسياد الغرام
فلما اكتشفت انها لها جزء اول جيت علشان اقرأه
وقرأت منها فعلا 7 فصول و بعدين حسيت همس
مستفزة اوى كنت مش طايقها فوقفت قراءة قرابة الشهرين
ورجعت تانى من حوالى أسبوع بدات قرأتها و خلصتها فى
4 ايام تقريبا مع انى مشغولة جدا بالماسترز بتاعى بس
فعليا كنت بسيب اللى ورايا علشان اخلصها مش كنت قاردة
اسيبها ابدا ذنبى فى رقبتك 
رائعة  :55 :
نجى للشخصيات
همس ممكن اقول ايه عن همس ممكن اقول عنها انها شخصية مركبة
بريئة وخبيثة طيبة وشريرة قوية وضعيفة شخصية مليئة بالمتناقضات
لأ مش مليئة بالمتنافضات هى كانت حابة توهم نفسها انها بشكل غير ما هى فعليا
وكنت جديا مستفــــــــــــــــــــززززززززة منها لأبعد حد فى الفصول الأولى
كانت انانية ومتسرعة وغبية فى زواجها من عبدالله وتخيلها لوهلة
انه ده ممكن يأثر أو يفرق مع خالد اللى تخلى عنها بكل سهولة
لا ده جايبلها العريس كمان سوء تقدير فظيع لشخص ولموقف
كرهتها فعلا لما قررت تلعب دور هى مش اده مع يوسف
و بسبب الألم اللى سببته لحمزة بالذات
واشفقت عليها لما اكتشفت مدى فشلها و خسارتها
وحبيت حبها ليوسف واحساسها العالى بيه رغم كل وحشيته
و تفننه فى إيلامها جبيت تمسكها بيه رغم كل المصايب اللى قبلتهم
عشقت أنه بقى أمانها لما والدها قالها انها مش بنته لقت مكانها الصح معاه
اتعذبت معاها فعليا لما الساحرة الشريرة جانا ظهرت وسممت حياتهم
ويوسف اختارها هى وتؤامها قررها بأنها تنساه رجع همس القوية اللى بتفكر
استمتعت اي ما استمتاع بمراحل اكتشافها لنفسها وتحولها من همس الطفلة البريئة
الغبية المتسرعة لهمس المرأة أنثى النمر القوية بعشقها لنمرها المتوحش واكتشافها
لقوة مشاعرها اتجاهه حبت البارت ده جداااا حوارها الأخير مع خالد
هناك حــب وهناك حب أخر هناك حب ياخالد وهناك انتماء روحين تلامس وانصهار قلبين الى الأبد ذاك الرجل هو حب حياتي هو انتمائي هو موطني ذاك الرجل هو مايجعلني امرأة أنفاسه تبقيني حية نبضات قلبه تُجري الدماء في عروقي
إجمالا همس شخصية مكتوبة حلـــــــو اوى لانك وصلتينى انى
احسها انسانة فعلية أتعاطف معاها واتعصب من افعالها واغير موقفى مع كل موقف هى بتعمله كانت انسانة واقعية لها اخطائها لها مميزات زى ما لها عيوب مش خيالية وجاية من الفضاء انا مش بحب ابدا الابطال اللى مش فيهم غلطة ببقى طول الوقت حاسة فعليا انى بقرأ رواية وانا بحب لما اقرا رواية ادخل جواها ابقى وسطها مع ابطالها مش ببص عليها من بره واقلب صفحاتها <<حبة هبل مش تاخدى فى بالك
ليته لم يعرف... ليته لم يدرك كم تحبه!! ؟! ؟؟! فحينها فقط ..عرف أنه يحبها أكثر و أكثر..ينتمى حقا إليها كما تنتمى إليه...قلبه جزء منها...عرف و أدرك أنها موطنه..مسكنه..روحه و فؤاده..عرف أنها تسرى فى دمه..حبــيبتـــه مهما ابتعد عنها سيعود يتلمس الطريق لها مجددا ..مهما عرف من نساء ستظل همس..هى إمـرأتــه الوحـــيـــــــــده
مش عارفة ازاى بعد كل الحب والعشق ده يقدر يحبها اكتر ازاى الكلام تحفة اوى كده ازاى حسيت
انه على وشى ابتسامة بلهاء وقلبى بيدق بسرعة زى ما اكون انا اللى اكتشفت الاكتشاف ده
من كل الرواية فعليا ده افضل مقطع على الاطلاق و يتقدم بمراحل عديدة عم يليه
مبـــــــــــدعة فى صياغتك واختيارك للكلمات لحــــــدود السماء
وسـام
جبان متخاذل ظالم ضعيف ابدا لم اشفق عليه فى اى جزء من قصته
و مش لقيت له عذر واحد يشفع لى افعاله كونك ترغب فى استمرار
حياتك ده شىء وانك تدمر حياة انسان اخر ده شىء كونك لسه بتفكر فى
واحدة متزوجة من غير ما تحاول تمنع نفسك ديه خسة وقله اصل وانعدام رجوله
ميزته الوحيدة انه صديق وفى جـــــــــدا و مخلص لأبعد الحدود
حمزة
اخ رائـــــــــــع رجل حنون حازم عطوف قوى سند فعلا
كنت متألمه له لما همس صارحته بزواجها من يوسف لأقصى حد
كنت حاسه انه انا اللى مش قادرة اتنفس انا المصدومة فى اختى
الصغيرة بنتى اللى ربيتها اللى لما بعدين عرفنا الحقيقة قدرنا مشاعره
وصدمته اكتر واكتر
علاقته حبه الهادئة العميقة مع مها مش كل الحب محتاج نار وصدامات
علشان يبقى عميق هما الاتنين باحتوائهم لبعض و تفهم كونه لوحة
جميلة جدا
مها
ابنه عمة فى مقام الاخت تمام ناضجة عاقلة هادئة حنونة
وبئر لا ينضب من الدعم المعنوى والتفهم لكل الاشخاص
وفى كل المواقف خالد حمزة همس شفا
مها شخصية ملائكية اكتر بنت حبيتها فى الرواية دى
صراحة اكتر من همس طبعا انا حاليا بموووووووت فى شٍفا
بس هنا كنت لسه مش حبيتها كده خخخخخخخخ
رائد وعنان
على عكسهم تماما رائد وعنان بكل تناقضاتهم وجنونهم كانت تركيبة غريبة اوى
بالنسبة لى يمكن لانه كل الكوبلز عندك شبه بعض اوى اه ممكن تكون
فى متاهة جوه شخصياتهم ومليون الف فكرة محتلفة لكن هما فى كده زى بعض الا رائد وعنان هما الوحيدين اللى مختلفين القط مش بيحب الا خناقة تجديد لطيف وممتع اهنيكى عليه
والد يوسف(سالم)
ظالم ايوه فى ظلمه له وتخليه عنه حتى لما عرفت السبب بعدين مش عذرت والده
ابدا هو فعلا تخلى عنه ومش فكر ابدا انه يرجع تانى مع انه والده اتوفى من زمان وكان ممكن جدااا
يرجع لابنه و لوالدته والفلوس ممكن تسبب بعد وفراق لكن عمرها ما بتبقى السبب فى القرب والحب
الحاجة الوحيدة اللى انا شايفة والد يوسف كان محترم فيها انه اكد على اولاده انهم مش يفترقوا طبعا
ده عززه انقاذ يوسف لعليا الصغيرة و تغير احساس عمرو من ناحيته لكن اظن بخلاف ذلك مش حد
فيهم كان هينفذ الكلام يلا الله يرحمه راح لحاله مش لنا دعوة بيه
ولهنا للأسف الأسيف هكتفى بهذا القدر
مع انه انا كنت اتمنى اكومنت على كل الشخصيات
بس مش عندى القدرة 
تســـــــــــــــــــلم ايــــــــــــــــــــــــــــدك يا سكـــــــــــــر
استمتعت بالقراءة و اتبسطت منها جـــــــــــــدااااا بالرغم من الحزن
الالم الظلم التشتت اللى متشبعة به الرواية الأ انها ممتعة لاقصى حد
انا يمكن مش عارفة اعبر عن اعجابى حاسة انه مخى متوقف
وفقدت القدرة على التعبير بس جديا رائـــــــــــــعة ,اتمنى انه احساسى
يكون وصلك
يا رب من نجاح لنجاح يا دكتور و اتمنى انى اشوف اسمك على كتاب منشور 
لانك تستحقى وموهبتك تستحق الانتشـــار و انه اكتر عدد من البشر يتعرف عليها
دمتى بكل الخيـــــــــــر برنسيـــــــــــــــــس عبيــــــــر :)
|
29-08-12, 09:21 PM
جديد مواضيع قسم سلاسل روائع عبق الرومانسية
العرض العادي
