كاتب الموضوع :
عبير قائد
المنتدى :
سلاسل روائع عبق الرومانسية
صباح النور والسرور يا بيرو
سوري على التاخير يا دوك
اصلا لولا ان رباب نبهتني اني مش رديت
كنت فضلت فاهمه اني رديت على البارت
عادي الزهايمر واصل للاخر عندي اليومين دول
المهم طولت عليكي انا من غير لازمة
نيجي للمهم
الفصل المرة دي رائع كالعادة يا بيرو
فصل الفراق
الاسم يقبض القلب
بس عادي اتعودنا يا بيرو
هههههههههههه
بتغشمر معك انا
همس الزمن رااااااااااااائع
الكلمات قوية جدا وعجبتني جدا جدا
نيجي باى للاحداث
الحاج ابو يوسف بيموت
لا حول ولا قوة الا بالله
مع اني مش بحبه اوي يعني بس صعب عليا
الاخوان الحلوين ، اتفقوا اخيرا
وبسبب موت ابوهم هيقفوا الاتنين في وش عمهم الزفت ده
ايه البني ادم ده
عمل ايه يا عم العبيط
الرزق ده بتاع ربنا ، يهب من يشاء ذكورا ويهب من يشاء اناثا
الظاهر ان مخه فسفس خالص
نرجع تاني ليوسف بك وحالته المزرية بسبب موت والده
وطبعا لازم يلاقي همستنا الغالية بجانبه
توقف جنبه وتخفف عنه
عشان هو يجي بغباؤه في الاخر يقلها انه هيسبها
بصراحة كان نفسي الطشه قلم اسوره فيه
ليال
يعني عليكي يا بنتي
جوزك الغبي فكر يضايقك عشان متعرفيش انه رجع يتعب تاني
بصراحة لا اشجع هذا النوع من الغباء
يعني المفروض تبقى جنب منه في وقت زي ده
ربنا يستر منك يا بيرو
وسام وشفا
وسام ده حماااااااااااااااااااااااار
a big donkey
بصراحة يعني رايح ليه اذا كان انت لسه زي ما انت
ادعي عليك يعني
وشفا
متخافيش يا بنتي ربنا يرزقك بواحد ابن حلال
بدل التور ده
رائد باشمهندسنا الهمام
ههههههههههه
يا ختي على جمالك وحلاوتك وانت غيران ومتضايق من رافت
بصراحة عندك حق
يعني مش كفاية اسمه
لا جاي بلزاجته وسماجته على الصبح يعمل ايه
بس يا عنان يا قمر
مش عارفة انه غيران يعني
الغيرة بتنط من عينيه
ونيجي للخبر الصاعق بتاع والد حمزة
ربنا يستر بس كويس انه عاوز يشوف همس
نصيبحة غالية من عمور ليوسف
لا تتركها اذا كنت تحبها حقا
مشكور على النصيحة يا عمرو
وتنبيه كطلقه مدوية ليوسف برضه من عمرو
بصي انا مش هاقول زي البنات وان موضوع الوحمة ده مش منطقي
انا عندي وجهة نظر وطبعا قابلة للصحة اوالخطا
وجهة نظري انه مجرد تنبيه ليوسف
وخصوصا انه اخد العزا قبل ما الميت يموت
يعني صوت ولطم وجهز الكفن
والميت لسه فيه الروح
نتايج التحليل مطلعتش وهو مصّّر يسيب همس
بس عندي رؤية برضه يا بيرو
عقلي بيقول انه هيعرف ان التؤام مش ولاده
ويرجع لليمن عشان يرجع همس بعد ما تكون اتصالحت مع اهلها وابوها رضي عنها
وكمان ياخد حقه في اسم الشهري
يعني نهاية سعيدة باذن الله
طبعا بتمنى
ان فيسك الحباب يحل عننا
ههههههههههه
رائعه يا بيرو
بل كل بارت بيبقى رائع عن البارت اللي قبله
تسلم يميناك يا قلبي
نيجي باى للتعليق الشامل
اسمحيلي مش هاقدر اعمل كده
بس هاقولك عن احساسي
ومش هقدر اكتب خاطرة او انظم قصيدة لروايتك
لاني مش بعرف
بكلمك بصراحة
بس هحاول اقولك كل اللي في قلبي
دخلت اقرا الرواية لان اسمها شدني جدا
وللعلم دي اول رواية اقراها ليكي
يعني مقرتلكيش قبل كده
ويمكن عشان كده كنت مصدومة من الفيس الحباب
لاني مشفتش قبل كده
الاسم استغربته اوي في البداية
وخصوصا لما قريت البارت الاول
قلت ايه ده
قصة حب بين بنت وابن عمتها عادي يعني
شكلهم متفقين ومتفاهمين وبيموتوا في بعض الاتنين
ايه المشكلة
وكاني حسدتهم فنقلبت الدنيا كلها
خالد بجبنه وغباؤه هرب لورا وهمس اخدت خطوة كبيرة اوي بتهور وبدون تففكير
تتوالي الاحداث بعد كده لتثبتي ان الاسم صح جداجدا
وان همس وبقية الابطال بقم بقايا
ومين مننا مبقاش بقايا
روايتك فيها جزء واقعي ( هكذا اعتقد )
مست شغاف قلبي
لدرجة اني كنت ببكي مع همس واضحك معها
مش عارفة في اوقات حسيت اني ممكن اتصرف زيها لو اتعرضت للموقف ده
مش عارفة ليه شعرت بانها قريبه لقلبي
في حاجة منها قريبه مني انا شخصيا
اما دكتور جو
فرغم اني كرهته في الاول
وحبيته في النص
واتضايقت منه البارتين دول
الا انه يظل يوسف الشهري
او جوزيف فلدينيج العظيم
رائع بكل وجوهه
طبعا كنت بنتظر البارتات بفارغ الصبر
وكل بارت كان بيجي رائع عن اللي قبله
سمفونيه رائعة يا بيرو
عزفتي الحانها بابداع
فاتي اللحن رائع قوي يخطف الاذان
ويتسرب الي الروح فيمتلكها
منتظرة بقية اللحن يا بيرو
واتمنى ان اكون وفيتك ولو جزء من حقك
سلمت الايادي يا قلبي
موووووووووووة
في حفظ الرحمن
|
28-02-12, 07:02 PM
جديد مواضيع قسم سلاسل روائع عبق الرومانسية
العرض العادي
