السلاااااااااااام عليكم ورحمة الله وبركاته

باقول السلام الاول اهه عشان متقوليش حاجة

عارفة اني اتأخرت شوية...بس على ما عملت الفشار

البارت زغنون جداً صحيح بس حلو...اصلا اي حاجة منك حلوة يا قمر

يعني صحيح قلبنا اتقطع على همس واخواتها وجو
بس عرفنا شوية عن المستخبي واساس علاقة حمزة بيها
وفعلا هو معاه حق لإن مادامت همس رضعت من ام حمزة تبقى اختهم كلهم


عنان الحمد لله اتصالحت على ابوها اللي مطلعش خنيق زي ما كنا متصورين...فعلا انت عدو ما تجهله وهي كانت متخيلة ان ابوها قاسي وواخدة عنه فكرة زبالة، بس لما عرفت الحقيقة كل شيجن انكشفن وبان
فمبرووووووك يا باشمهندس رائد، بس ربنا يستر ورأفت ما يلبسكش مصيبة

شفا...احبك يا اصفر
ايوة اديله على نافوخ ونافوخ اللي يتشدد له كمان...وذلي انفاسه بالمرة
خليه يعرف ان الله حق ويحس بقيمتك
وياحلاوتك وانتي اوفلاين ههههههههههه كتري من المشخلع الله يكرمك

نيجي بأه لنجم البارت الاستاذ عمرو

اولا عمرو ورفيع ماتمشيش....اغلب اللي اسمهم عمرو واعرفهم تخان وبكرش ههههههه

بداية شكله يدي انه سهن وإن عمه قاسم هو الكل في الكل
بس لما خرج يوسف من المكتب اتضح ان العكس هو الصحيح
يبدو ان عمرو هو الكل في الكل بشكل او بآخر، بس جواه بلوة مسيحة
يعني هو متجوز بنت عمه وبيذلها نكاية في عمه
وفي نفس الوقت بيخطط مع عمه لحاجة بخصوص يوسف
يمكن أتفق مع لولي في ان ممكن ابو يوسف كتب له حاجة كبيرة وعمرو عاوز يسترجعها
صراحة معنديش توقع محدد بس عموما محبيتوش...كش في وجهه


يوسف وهمس...كالمستجير من الرمضاء بالنار
هربا من اليمن ومن اصل همس المشبوه الى المانيا وماضي يوسف المشبوه وصدمة جانا تنتظرهم

ربما تكون هذه الصدمة سبباً في انعزال همس عنه
وربما تكون دافعاً لها كي تحتضن الطفلين بما انهما غير شرعيين مثلها

ومادمت قلبت فصحى يبقى شكل الفشار اشتغل وانا هيست ههههههههههه


بيرو.....لا تغيبي في الفصل القادم
واوعدك مش حعمل فشار احتراما للدايت بتاعك


دمت بحفظ الرحمن

بيرو
هو انا ملياش هدية
مش انا اول رد اهو
يعني فوتي حاجة من البارت اللي جاي
مش كده يعني
ههههههههه
منتظرين يا فمر
ودوم الضحكة يا رب
هههههههههههههه