السلاااام عليكم ورحمة الله وبركاته


بيرو يا بيرو............اقول ايه بس واعيد ايه؟؟؟؟ دا مش ابداع.....دا اجراااااااااااااااااااام ولا مؤاخذة


حرام عليكي قطعتي نفسي...مش نفسي انا بس...ونفس القراء اكيد

تصدقي بالله انا ما اعرف ايه اللي خلاني اصلا ادخل قصتك..بس الحمد لله اني دخلت

اول ما بدأت فيها حسيت ان خالد حيحصل له حاجة او يموت والقصة تقلب غم، بس أم اسيل قالت لي لا اقري وعلى ضمانتي....لا خلا ولا عدم يا أم لولي

لقيتني في يومين خلصتها، وحمووووت واعرف حيحصل ايه بعد كدا

نيجي للتعليق على القصة بقى

في البداية ذوق اكثر من رائع في اختيار الخواطر اهنئك عليه، وحتى خاطرتك كمان رااائعة

اختيارك للفصحى مغامرة لا تلجأ إليها إلا من تتمتع بالجرأة بالفعل حتى لا يخرج الحوار مملاً، وأعترف بإجادتك

رسمك للشخصيات...لافت للنظر، خصوصا ان فيهم كتير معضلين....
وصفك بالذات للماااااااارد ابو اكتاف عرضها ميل تقريباً عجبني جداً...هو دا اللي بيقولوا عليه عريض المنكعين مشلولح الفلنشات شلولو...على رأي عادل امام ههههه

بالنسبة للاحداث فيه كذا نقطة حابة اتكلم فيهم بعد اذنك يا دكتورة

في البداية لما خالد احجم عن مشروع ارتباطه بهمس شعرت ان الموضوع له علاقة بأمها اللي مانعرفهاش وكأن فيه مشكلة ما، ويمكن اصلا الام ما ماتتش وهما بيقولوا كدا وخلاص. وزادت الشكوك لما حمزة قال لابوه انا ليا في همس اكتر منكم... الجملة دي وقفت عندها كتير جدا لدرجة خمنت انها اصلا بنت حمزة لولا ان فرق السن بينهم قريب...يعني مش معقول خلفها وعنده 10 سنين مثلا

يوسف وحياة مستهترة بوهيمية مقرفة صراحة...ويمكن انجذابه لهمس قد يبدو غريبا لكن الحقيقة انه لاول مرة بيجرب الحلال وعشان كدا حاسس بطعم مختلف وانجذاب غير عادي...دا تفسيري يعني
بس برضه توحشه مع همس يوم الزفاف كان قاسي. مش عارفة حيصلح غلطته ازاي بعد كدا

خالد على أد ما حبيته في البداية على اد ما نرفزني وقهرني وكنت عاوزة اكفخه بجد...انت فعلا ما تستحقش همس ولا حتى فكرت تحارب عشانها رغم ان الموضوع كان بسيط

تعرفي لوهلة حسيت ان همس زي كاسرة في بين الامس واليوم، مع فارق ان كاسرة كانت قوية من الاساس، بينما همس بيحركها الانتقام والغل ويخليها تكتشف جوانب جديدة في شخصيتها

مش فاكرة كنت عاوزة اقول ايه تاني بس لما افتكر حاسدحه في التعليق الجاي ان شاء الله

تسلم الايادي على الاجزاء السابقة وعاوزين بارت اشكبره بقى تعويضا عن الغياب...سلامتك ألف سلامة

واسفة اذا دخلت هجووووم كدا بس دي طريقتي لما احب اللي قريته واتفاعل معاه


ما تنسيش تعزميني في الفرح الجاي هههههه

دمتي بحفظ الرحمن