هلا عدنا عضوة جميلة ورقيقة .. متواجدة في قسمي الروايات المكتوبة
دائما عم تشجعنا بكلماتها وذا غابت احدى العضوات عم تسأل عنه
وهذا دليل طيبة قلبها .. العضوة هي nona1979

مرحبآ حبيبتى ريحانه القلوب فى البدايه أحب أشكرك جدآ لستضافتك اللى ماتتصوريش مدى سعدتى بيها أولى احب اعرفك انى كان بينى وبين النت عداء ومش بحبه خاص وبسبب ليلاس بقيت كل وقتى قدامه و بقيت بأخذ اجازاتى من الدوام كامله بسببه بالرغم من انى من قبل ما كنت بحب العطل...ابتدى معاكى
متى بدأت قراءة الروايات الرومانسيه؟ ابتديت وانا فى الصف الثانى الاعدادى (المتوسط) ومش هقولك ده كان سنه كام وأول ماقريت ابتديت بأدهم صبرى وبعدين صديقه لى اعارتنى روايه من روايات عبير
و أول روايه كان اسمها (توأم التنين )وعلى فكره كانت نسخه قديمه
وبالنسبه للروايه اللى اتمنى أقراها أنا بتمنى قرأت كل الاصدرات لكن اللى بجد نفسى فيها اسمها(الوهم الاسير) بالرغم من انى قريتها من قبل
هل تبحثين عن روايه ولم تجديها؟
نعم أنا ببحث عن رواية(خاتم الأنتقام)
من تحبين من الكاتبات؟
من أكثرالكاتبات اللى بحبهم ومش بالترتيب ان ميثر آن هامنسون بينى جوردان كارول مورتيمر فلورا كيد كاى ثورب مارغريت روم مارغريت واى معلش هما كتير
من أى دار نشر تحبين القراءه؟ بحب كتير روايات احلام ودار نحاس
هل لديكى مكتبه خاصه ؟ انا بسكن فى محافظه بعيده شويه من العاصمه ولذلك فالرواياتن مش متوفره بكثره وكمان انا كنت لما بنزل العاصمه كل فتره بتعامل مع مكتبه بس هى مش بتبيع لا بيتم التبادل يعنى ابدل روايه بروايه بس عندى مجموعه باعتز بيها بس اغلبها من روايات عبير زى توأم التنين قلب فى المحيط ندلْ الدم الحصن المرصود حطمت قلبى
ايهما تفضلين الروايات المصوره ام المكتوبه؟ ولماذا؟
أنا بفضل الروايات المكتوبه لان الروايات المصوره ساعات الصفحات مش بتبقى متحمله بالكامل والخط ممكن يكون مش واضح رغم ان المكتوبه أكيد بتكون متعبه جدآ للعضوه اللى بتقوم بكتابتها بس أكيد لما بتلاقى الردود على موضعه بتكون سعيده كتير
أذكرى قصه تعارفك على ليلاس؟
الفضل فى تعارفى على ليلاس انا كنت بتجادل مع أخى الصغير عن سبب شغفه بالنت ةايه اللى بيخليه يقعد قصاده الوقت ده كله فقالى أن عن طريق النت اى حاجه فى الدنيا نقدر عايزنها نقدر نوصلها عن طريق الجوجل بس فرحت كتبت روايات رومانسيه وعملت بحث وفى ثانيه لاقتنى قدامى أختيارات عديده أخترت على طول روايات احلام المكتوبه على ليلاس وأشتركت فى المنتدى بصعوبه علشان خبرتى القليله اللى لسه قليله كتير
هل فكرتى فى تنزيل روايه مصوره أو مكتوبه ؟
بصراحه أنا أتمنى بس مش هاعرف لان زى ما قلتلك انى خبرتى فى مجال النت قليله وبلاش احراج أكتر من كده
هل فى عائلتك من يعشق الروايات الرومانسيه؟
لا طبعآ وده كمان بيتريقوا عليا وبيقولولى أنت ماكبرتيش على الروايات دى والمفروض انى أكون أتخطيت مرحله قراءة الروايات
هل تفضلين ان تكون الروايه بين يديكى أم على الجهاز؟
أنا بفضل أنها تكون بين يدى لان فى برتات من الروايه بحب ارجع لها مخصوص
هل تقرائين الروايات على الجوال؟
لا ممكن لونزلت الروايات على الجوال يبقى أكيد انهم هيستغنوا عنى من الدوام بسبب الاهمال انتى عارفه انا كان نفسى أشتغل فى مكتبه ميكونش فيها الا روايات رومانسيه وطبعآ أكيد كنت مش هبيع حاجه
ماهى أول روايه قرأتها على ليلاس وأخر روايه؟
أول روايه كانت للعزيزه أماريج أسمها (مزايا الزمن العائد) وأخر روايه كانت للمجتهده النشيطه نيو فراولة أسمها (نصف الحقيقه)
مت تحبين القراءه؟
فى كل وقت وأى وقت وبخلق الوقت ومن ساعة ما أشتركت فى ليلاس أصبحت أجتماعيآ كسلانه جدآ وبقيت بيتوتيه جدآ
هل تعرفتى على أعضاء عاشقين للروايات؟
أنا بعتبر كل أعضاء منتدى الروايات المكتوبه على ليلاس أصدقائى غصب عنهم زى طبعآ ريحانه المنتدى أماريج دىدى77 وانسى العالم اللى تعليقتها على الروايات بتخلق للروايه جو جميل والعضوه الغايبه نها حكيم
هل لديكى أصدقاء عاشقين للروايات الرومانسيه خارج ليلاس؟
لا لان الغالبيه العظمى اللى كانوا بيحبوا الروايات الرومانسيه كانوا بيحبوها لغاية المرحله الثانويه أو الجامعيه وبعد كه بطلوا وبقا رايهم فيها زى رأى اهلى
أذكرى10 روايات نالوا أعجابك لدرجه رغبتك فى قراءتهم مره أخرى؟
هممم هم كتير وعيبى ان احيانا ببقى فاكره أحداث القصه كويس جدآبس نسيه أسمها تصوروا بس ممكن أذكر روايه(الوهم الاسير)وعلى ما أعتقد انها مش موجوده مكتوبه على ليلاس وبحب جدآ(عصفور الصدى)ممكن أقراءها مليون مره وكمان (حواجز الصداقه)و(اعدنى الى احلامى)و(كانهما غريبان)و(من أجلك فقط)و(البلهاء الذكيه)(دموع على خد الزمن)(شعاع خلف الغيوم)(شئ من القلب) بحبها جدآ جدآ وكل الروايات القديمه ولوكتبت كل اللى بحبها مش هخلص لبكره
هل انتى راضيه عن أقسام الروايات الرومانسيه
طبعآ دى أكتر ما اتمنى رغم أنى ما زرتهاش كلها لانى بحب جدآ الروايات المكتوبه
هل لديكى كلمه توجهيها ليلاس وعشاق الروايات الرومنسيه؟
أنا أفتخر أنى عضوه فى النتدى واتمنى للمنتدى دوام الازدهار والتقدم لانه بيتى التانى وكل الاعضاء عائلتى بس انا عندى عتب ليه بس المسؤلين على المنتدى بيتمنوا انا الاعضاء مايكتبوش شكر للاعضاء اللى بينزلوا اى موضوع ويكتفوا بايقونه الشكر رغم انى بعتبر ان الردود نوع من أنواع التواصل بين الاعضاء
ماهو رأيك فى الموضوع؟
ممتاز وفكرته حلوه كتير علشان الاعضاء يقدروا يعرفوا بعض أكتر مشكوره حبيبتى كتير لاستضافتك لى واتمنى انى أكون ضيفه خفيفه على الاعضاء ومساكم الله بالخير

استمتعت جدا جدا جدا.. بتعرفي عليك وانا بحب المصريين كثير لأنهم طيبين
والى في قلبهم بيقولوه بدون لف او دوران
نورتي الموضوع وسعيدة بتعرف عليك نونا
وبشكرك لتواجدك وقبولك الدعوة