تآبع البـ 1 ـارت

حتى لو انه حن ( مآعآد يمديه ) ..
قلب خسرته \ مستحي استعاده ..
لبيه يآدرب المفآرق .. و لبيه ..
يالذة النسيآن .. و يا ليل ساده ..
اليوم مثل الامس : و الاس ناسيه ..
فلم مؤثر ؟؟ بس ماله اعاده ..

انزعج من صوت التيلفون اللي عآشر مره يصيح و هو متجآهل وجوده ..
او بالاحرى صوتته ... على الرغم من الازعآج اللي مسببتنيهآ النغمه اللي حآطنهآ ..

و على الضيج اللي اتيمع فيه بسبب هاللي مب راضي يخليه يرقد ..
خذآ التيلفون .. و جب الشاشه يدآ عيونه ..
جآف رقم ولد عمه ..
و رد عليه ..

حآمد : يعلك بياثوم ..
محمد : يضويك قبل لا يضويني .. وين انت ؟؟
حآمد : جهنم الحمرآ ..
محمد : ان شاء الله انك بتضواها على مهاذاتك هذي ..
حآمد : خلصت .. قلت اللي عندك ؟؟
محمد : الشيخ جنك الا نسيت موعدنا الساعه 3 ..!!
حآمد : جم الساعه الحين ؟؟
محمد : لا لا بس 2 ونص ..
حآمد بصدمه : شوووووووه ..!!
محمد بقهـر : بس 2 و نص .. كمل كمل رقآدك ..!!
حآمد : ترررررمس جد ..!!
محمد : ماعندي اي فرصه للتفآهم ويآك ... وسالفة النآموس انسآهآ من بالهآ .. ومب بس تنسآهآ .. اعدمهآ بالاسآس .. الفرصه و فاتتنآ .. و انت تدري شوه كانت بالنسبه لنآ ..
حآمد : آحلف بالله ..
محمد : باي باي ..

وما حس الا بالصوت اللي يعلن انقطاع المكالمه ..
اما حآمد .. فكانت الصدمه مرسومه في ويهه .. من آمتى و هم يترقبون هذي الفرصه ... يترقبون انهم يكونون من المؤهلين لنهائي حلبة العين .. ( مساحه يتجمعون الشباب فيها و يستعرضون بمواترهم .. لكـــن بوسط قوانين محدده
)

حلبة العين كآنت شي مهم في حيآه حآمد .. ومن عشقه للمواتر و لهالمنافسات قدر آنه يخلي ولد عمه بنفس طبعه ..
ويشتركون دآيمآ بنفس المصير .. و يرتبط مصير كل منهم بمصير الثاني ..

نش من صدمته وهو يستغفر ربه .. و محطي في باله ان اللي صآر خيره من عند الله .. و يمكن لو انهم راحوآ يصير اللي مايرضيهم ..
نش من على الكرفايه .. و حدر يتسبح .. ومن بعدها لبس و طلع للصاله ..

جآف غيث في منزه المتحرك .. و اللي غالب مايكون في الصاله .. و راقد ..
تجدم منه بهدوء .. و هو يحس بالشوق اتجآه هاليآهل ..

مهمآ صآر .. و مهمآ كآن ... يبقـى غيث قطعه منه .. يبقـى غيث الياهل اللي يابه وشال له اسمه ..
تجدم منه .. و باسة على يبهته ...
دارت انظاره في البيت .. يدور على مهره ولكن ماجافها ..
يلس على الكنبه حذال و لده ...
وشغل التيفزيون .. و يلس يبدل بالقنوات .. يحاول يتابع اي شي ..
وينشغل فيه ...
لكـــن .. لفت انتباهه الغدى الي ترتب في الصاله وهو مآ آنتبه لشي ابد ..

حآمد : مهــــــــره ..!!
التفت له مهره : هلا ...
حآمد بعد مدة سكوت اربكت مهره : شوه هبّات غيث الحين ؟؟
مهره : الحمدلله تمآم ..
حآمد وهو مركز يطالعها : ارجعت له الحمى بالليل ..!!
مهره وهيه مرتبكه منه : آمم .. لا .. لا مارجعت له ..

وراحت يدا المطبخ تييب بآجي الغدآ ...

..

يالس في الصاله مستانس بيلسته من بين آهله و اليمعه بينهم .. و خص انه افتقدهآ حول الشهر و النص تقريبآ .. بسبب دوآمه .. لان طبيعة دوآمه تحكم عليه بالسفـر لـ بريطانيا شهـر .. و ينزل من بعدهآ للدار شهـر ..

علي : والله يانه بيتكم على المواتر المصفوفه فيه بيقول الواحد هاييلا بيتهم مب ضآمنهم من كثرهم .. لغير اللي يعرفكم و يعيش و يآكم بيقول هاييلا بيتهم بس فندق رقاد ..
ام فيصل : شسويبهم يابويه .. هاييلا خوانك و انت تعرفهم .. فيصل دوامه ماخذ يومه ... ومن يتصلوبه مجبور يروحلهم جانه يبا لقمة عيشه .. و محمد الله يحفظه يتبع ولد عمه .. و طول يومه مخآونه .. من يصبح لين يمسي .. و تحيدها انته علومهم .. هاببهم يلحقون للسباق الفلاني .. و يجهزون مواترهم للسباق الثاني ..
علي يطلع فونه من مخباه : الحين اييبه لج حمّود الهرم .. يقص عليج يجابل حآمد طول اليوم .. و هو كل وقته يا في عزبته يآ في المقهى ..
شمآ بابتسآمه : حمّود طلع من البيت معصب .. متواعد ويآ حآمد على اساس اليوم عندهم نهائي حلبة العين .. و آضني انه حآمد رقد .. و فاتهم الموعد .. وطلع من البيت و ابو ابليس راكب راسه ..
علي : هههههه و هاييلآ الاثنين بعدهم مآ عقلوآ عن هالعلوم ؟؟
نوره : عفوآ .. شكلهآ بريطانيا بدت تغير تفكيرك في اخوك وولد عمك ..
علي : ههه لا لا لغير قلت خلاص صاروا شواب ... مالهم حايه بهالعلوم ..
نوره : محمد و حآمد لو يمشون بعجويتهم ( عصآتهم ) هالسوالف مابيودرونها...
علي : ندخل في المهم .. آمــيه .. شوه ترتيبا عرسي ؟؟
ام فيصل : و الله ترتيبات عرسك كلها في ييد فيصل ..
علي : لا لا هذي ادريبهآ ... ترتيبات الحرمه .. جآهزه و لا ؟؟
آم فيصل : ان شاء الله انها جآهزه ..
علي : آنزين تراه العرس باجي عنه 15 يوم .. و انا بعدني ماملجت .. متى تبونآ نملج ؟؟
ام فيصل : على راحتك ابويه .. مابنتخالف .. شوف لك يوم اخوانك موجودين .. و عمك مب مشغول و هاتوا المليج و ملجوآ ..
علي : مآنسوي حفله ..
ام فيصل : و الله يابويه انا مابعارضك بحايه .. لغير انا اقول العرس بعد اسبوعين .. حق شوه تسوى حفله الحين .. و خلاف تراك الا مسوي حفله ..
علي باقتناع : شورج ؟؟
ام فيصل : نعم انه هذا شوري .. و شاور اخوك بعدك .. بتجوفه الا بيخاويني بالشور ..
علي : خلاص عيل .. شوركم و هداية الله ... لغير لابد من آنآ عشـى للمطوع ...

وعلى هالموال .. دخل عليهم فيصل ..
سلم عليهم و يلس على نفس كنبة امه ...

فيصل : اسمعكم تتشاورون .. علومكم .. ؟؟
ام فيصل : آخوك يشاورني على الملجه .. ؟؟
فيصل : على شوه ناويين ؟؟
علي : كنت ناوي اسوي حفلة ملجه ... الا امك كنسلت بي .. قآلت مآشي باجي على العرس ..
فيصل : صدقهآ .. العرس باقي عنه حول نص شهـر .. خلك بلا حفلات .. هات مطوع و املج .. و بنت سيف مابقصر على ذبيحتين للمطوع تروم تتطبخن .. ولا شوه شورج بنت سيف ؟؟؟
ام فيصل : نعم انيه اروم اطبخهن .. و اروم اطبخ الزود ..
فيصل : عشآ رياييل يكفي .. وجان امايه و خواتي بيروحن صينية عشا مابتعز عنهن ..
شمآ : انا اقول ان نحن انروح .. لان اذا رحنا بتنجبر ساره تتعدل .. و يمكن هيه ماتبا تتعدل لين يوم العرس ..
فيصل : المهم .. وبخصوص العرس ؟؟
علي : موضوعه عليك ؟؟
فيصل : اوك اعرف .. بس تراني للحين ماحجزت لك حربيه ؟؟
علي : وابويه عليك تبانا نحجز و خالي سالم فرقته موجوده .. بيعطينا اياها حتى بدون فلوس .. ههههههه .. و لا اخو امايه بلاش ؟؟
فيصل بنغزه : هيه خالك سالم بيعطيك اياها بلا فلوس ..

...

يالس في عزبته وهو في قمة ضيجته ..
ومآغير التيلفزيون مطلع ضيجته فيهآ ..

صآح تيلفونه وجآف رقم ولد عمه ... و لكــنه تجآهل رقمه ..
ضيجته اليوم بسببه مسجلنها على حسابه ..
يكفــــــي انه بسببه خسروآ حتى المشاركه في الرالي ..
يكفــــــي بسببه اليوم خســـــروآ الشاره و الناموس ..

فر التيلفون بغير اهتمآم و هو يخليه على الصآمت ..

صآح للمره الاولى ...
الثانيه .. .
الثالثه ..
السآدسه ..

و السابعه اعلن التيلفون عن وصول مسج ..
انسدح على وراه .. و رد الغتره على ويهه .. و هو جنه ناوي يرقد .. او يغفي لشي من الوقت ..

لكـــــن ...
محآل يتم على هالحال ...
رفع غترته وهو يمع باب الخيمه ينفتح ...
وجآف الهندي عامل العزبه دآخل ؟؟

طآلعه بعصبيه : علومك ؟؟
العامل : فيه ريال يقول يريد انته ؟؟
محمد : منوآ ؟؟
العامل : مافي معلوم ..

فز محمد و هو يسحب نظارته وياه .. و طلع للريال .. و توايه وياه .. و تبين له انه يبا يشري البجـره من عند محمد ..
لكـــــم هالبجـره غاليه عند محمد .. ومستحيل يرخص بها لو شوه ماصار ...

تعذر من الريال .. و رجع لخيمته ..

....

نزل من موتره مستعيل ...!!
و العيله مبينه في ويهه ..
دخل البيت وهو يركض .. و في نفس الوقت مركز في تيلفونه .. اللي بين انه في شي مضيج به ..

ولكـــــن ..!!

زآدت ضيجته بالشخص اللي دعمه ..
زآدت ضيجته بشوفة الشخص اللي مول الوقت مب مساعد انه يشوفه فيه اليوم ..
زآدت ضيجته بالوضع اللي انحط فيه ..
و تعرض فيه لنظـرآت مول مآتمنآهآ ..
وتعرض فيه لقربه وهو ابد ماتمنى قربه ...

ادآرك الوضع و تراجع على وراه ..

فيصل : السموحه .. السموحه مآنتبهت لج ..
ظبيه بصوت خفيف و هو مول مانزلت عيونهآ عنه : لا .. لا عادي ..

طآلعهآ فيصل بنظـره في غالب الاحيان الكل يخآف منهآ ... و عدى من حذالها و هم متجآهل تواجدهآ .. و بالاخص متجآهل ظبيه من هالدنيا بكبرهآ ..

بس .. ؟؟

صدمتـــــــــــه حركتها زود ...

ظبية : فيصل لاتعذبنيه جي .. ارحمنيه الله يرحمك ..

غمض عيونه بغيض ..
و كمل دربه يدآ غرفته و هو يحاول يتجاهلها ..
و هو يحآول مايحسب لوجودها اهميه ..

دخل قسمه و سكـر الباب .. وهو يتعوذ من ابليس ..
وكعادته ..
طآحت عيونه على ذآج البروآز ..
تنهد .. و تراخآ على الباب ..


السموحه .. هذا اللي قدرني الرب عليه .. ومثل مآكلت تكملة البآرت الاول ..

و على هالنظآم بنمشي ...

بارت بالثلاثا ... و نكمله ان شاء الله باليمعه ..


و السموحه ..

نورتي بروايتك الثانية


الرواية فيها الكثير من الغموض وما بعد اتضحت فيها شخصيت كل واحد منهم


وننتظر توضيح الشخصيات واحداثهم

هلاااا يالغلااا آكبر طآف

تسلم يدينش على هالبارت

توني اليوم الصبح مخلصه من يزيد بي الصوع

وقمه في الابدااااع ورهيبه ولو ان النهايه سرعتيهاااا والا يشهد الله انه قمه في الروعه

بانتظارش ياقلبي
عشان تنفك الرموووز
حامد ومهره هل هو زواج بالسر ؟
فيصل وش قصة البرواااز هل يحمل صوره زوجه ماتت ؟
ونبي تعريف بالشخصيااات

السلام عليكم ورحمه الله
اكبر طاف هنا منزله بارت يا مرحبا وسهلا

انا قريت لك يزيد بي الصوع وكانت حلوه
وان شاء ذي ما راح تكون ذي اقل منها
الروايه شكلها حلوه بس غامضه الى الان ما فهمت الشخصيات
موفقه يالغلا حنا راح نكون وياك

صبااح الخير طفطف ..

الحين هالفيصل ..وش وضعه هااجر زوجته ظبيه والا كييف ؟؟ وياترى وش السبب ؟؟

اتوقع البرواز فيه صورته هو وظبيه اياام الزوااج ..

بس غريبه ليه يسوي فيهاا كذاا ..قايله لكم هالفيصل وراه سااالفه ..

علي ..كلللولييييييش ..ياترى من هي سعيدة الحظ ..والا بعدناا ماتعرفنا عليهاا ..

حاامد ومحمد ..كنت متوقعه انهم مشتركين في الرالي ..يالله خييييره انه طااف عليهم ..

بس تعاالي طفطف وش هي البجره ؟؟؟ >>فيس يناادي بوووحه تشرح له ههههه

طفطف ..يعطيك العافيه ياارب ..ونظاامك مررره حلو ..
بانتظاارك ..