كاتب الموضوع :
وربي أحبني
المنتدى :
الارشيف
[SIZE="7"]البـــــآرت الخــــآإمس
........
جــــــــــدة
بعد اختبآرات الفصل الدراسي الاول
قصر ابو سطام
........:[COLOR="Black"]ماماااااااااااااااا
ام سطام تتحلطم : لا اله الا الله
فتون تصارخ: مااامااااااا
ام سطام : حتى الجيران سمعوا وشبعوا.. خلاص لا تصارخي
فتون: أي جيران تراه عمي وعياله وبعدين هو اكل يشبعوا؟؟
ام سطام عصبت: فتووووون يالله غرفتك
فتون تركض: ماما تقوووول عمتوو ساارة اتصلي عليها
ام سطام تروح للتلفون : الوو
ام رشا: حياك سمر
ام سطام: هلا بك ساره
ام رشا: اتصلت اخبرك ان سطام ورشا جايين بعد يومين
ام سطام: غريبه؟؟
ام رشا : ما الغريب الا الشيطان بس رشا تعبانة تعرفين حامل بالخامس ويمكن توأم
,’,’,’,’,’,’,’,
فتون تكلم بالجوال: الوووووووووووووووو
وجن: اعوذ بالله هذي كلها الو ؟؟ شالت اذني ورجعتها
فتون : قولي ما شالله
وجن بعناد: ماني قايلة
فتون تمسك رقبتها: قولي لا يروح صووتي
وجن ببرود: وش المشكلة لو راح؟؟
فتون عصبت: قوووووووولي
وجن: وجع هذا كله عشان ماشالله..؟ خلاص ماشالله ماشالله ماشالله 3مرات
فتون: نسيتيني ليش متصلة؟ امممم... ايوااا.. طلعت النتايج
وجن : والله؟؟؟؟؟؟؟؟؟؟
فتون: توها رهف اتصلت علي تخبرني
وجن تصارخ: وسااااااااان افتحي النت النتايج طلللعت
وجن: يالله اذلفي بشوف نتيجتي
فتون تترجاها:الله يخليك طلعي نتيجتي
وجن: لييش حبيبتي خدامة ابوك؟
فتون: انا مُعاقَبة ماما حارمتني من النت
وجن: هههههه تستاهليييين
فتون تتمسكن: يالله تكفين ما اهون عليك بنت عممممميييي
وجن تمنن: بما اني طيبة ومساعدة الآخرين شعاري وحاتم الطائي خال عمة جدي و....
فتون تقاطعها: بسسسس لا تمني علي
وجن بتسلط: اقوووول ترى عندك مصلحة لا تمدي لسانك
فتون :امري لله ,, حبيبتي ويجو عمري حياتي عيووني
وجن تقاطعها: بس خلاص رضيت{بغرور} شفتي كيف انا قنوعة ارضى بأي شي؟ ماقلت لك روحي إفرست واصرخي باعلا صوت وقولي انا احب جوجوووو .. على طول رضيت و..
فتون تصرفها: ايوا صح مررره قنوعة روحي لوسن شوفي النتايج واتصلي علي ... قفلت ف وجهها
وجن: وجعووووه انا وجن بنت فواز تقفل الخط في وجهي
وسن: وجاااااااااان
وجن تجري لها: هلا
وسن : طلعت نتيجتي
وجن : وااااااااو يالدافورة مبروووووووووك
وسن : الله يبارك فيك
وجن: شوفي نتيجتي
وسن: هذي نتيجة فتون
وجن: زيييين طلعت منها
وسن : يالله خبريها
وجن تطقطق بالجوال: لا طلعي نتيجتي اول
وسن : وجججججن نتيجتك
وجن:وااااااااااهـ فدييييييييتني
وسن : يالله بروح ابشر ماما وبابا وانتي خبري فتون
وجن: اوكي[/COLOR]{وسن 97 , وجن 94 , فتون 93}........
الــــــــــرياض
بيت رامي
........سامر : ياهووووووووو يا دنا
ريما : قول ماشالله لا تنظلها
سامر : ماشالله 99,5
دنا: وريمااااا؟؟
سامر: 98,66
روزانا: مبرووووك خواتي دافورااات
ام رامي: ليتك مثلهم
رامي: والله زي رزوونتي ما في
روزانا تحضن رامي: فديته اخوي
سامر: احم احم انا اخوك بعد
ريما ودنا: و إحنا اخواتك لا تنسى
ام رامي: الله يخليكم لبعض
:آآآآآمييييين........
جـــــــــــدة
........تمشي في اكبر مستشفيات مدينة جدة وهي تدعي لاختها بالشفاء العاجل
دخلت غرفة اختها الصغيرة
شافتها ممدة على السرير الابيض باستسلام والمغذيات في يدها
اللي يشوفها ما يصدق ان عمرها 16 سنة ومريضة بالفشل الكلوي
تاله: لانا حبيبتي كيفك الحين؟
لانا بتعب : الحمد لله احسن بس الغسيل اليوم كان مُتعب
تاله تمسح على شعر لانا: ما عليه حبيبتي بكرة بتخرجي
لانا : ايييه اشتقت للشرقية وللدمام ولخالاتي
تاله: يالله الحين بجهز اغراضك عشان نخرج بكرة الفجر
........[SIZE="7"]الــــــــــرياض
بيت رامي[/SIZE]........
روزانا:ماااااااااااالي شغل برووووح لننننننننندن
ريما تحط يدها على راسها من ازعاج اختها: روزاناااااا خلااااص امي قالت لا
روزانا: اجل بروح الشرقية ..{تصارخ} امييييييييييي بررررروووووح الدمااااااااااااااااااااام
ام رامي: ان شالله بس انتي هدي الحين وبعد بكرة نمشي عالدمام
روزانا: يااااااااااااهوووووو
ريما: امي مايا وجواد رجعوا من شهر العسل؟؟
ام رامي : ايوا رجعوا وبكرة لانا راجعه من جدة على الدمام
روزانا: يا عمرررري يا لانا كلمتها امس تعبااانه مررره
ام رامي تتنهد: ريما يا بنتي خالتك تقدم لها واحد و..
روزانا تقاطع : وراااااااااافضة كالعااااادة هالخالة عجيبة صكت الـ26 وناوية تكمل الـ100 عند جدتي
ام رامي بتأديب: روزانا عيب عليك هذي خالتك
ريما: خلاص امي بكلمها
روزانا : وانا بعد بكلمها في ناس يتمنون النعمة اللي هي فيها كل يوم ناط واحد في مجلسهم وهي بكل بساطة ترررفض
ام رامي تتحلطم: متى بتعقل هالبنت جننتنييي
........جــــــــــدة
اليوم الثاني
قصر ابو رشا
........فتون داخله بيت عمهآ: انا جييييييت
وجن: لا يا شيخة احسبك رحتي
فتون: وجوج بلا عبط
وسن: انتي وياها عليكم دلع .. ما ادري وش تحسون فيه؟!
وجن: احس اني وجن بنت فواز بن احمد الفــآيز
فتون بهبال: لا بالله؟؟؟ اححححلفي
وجن بغرور: لا ما يحتاج انا واثقة من نفسي
وسن: اووووف لـ بديتوا مااحد يسكتكم
........الــــــــــرياض
بيت رامي
........سامر: اممم طيب احسه شوي خطر
رامي: لازم اغامر
سامر: بس انا خايف يا رامي
رامي: هذي التجارة
سامر: طيب فهمني كيف بتنفصل؟؟
رامي: انا ما بنفصل انا بافتح شركة جديدة باسمي
سامر: وانا اشتغل معاك؟؟
رامي بنص عين: بكيفك
سامر بغرور: يحصلك اصلا سامر بن فهد يشتغل معك .. المفروض تفرح وترقص
روزانا داخلة الصالة بدفاشة : مين بيعرس؟؟ بصفق له مييييييين؟
سامر مااااات من الضحك
رامي: احد طرى العرس؟؟
روزانا: لا .. سمعت الرقص بس
ريما تدخل بالعصير لاخوانها: مين يرقص
هنا كلهم ضحكوا
ريما: خييييييييييييير!!
رامي :هههه ولا شي
روزانا: موووتي بحسرتك {وتمد لسانها}
سامر يهز راسه بالايجاب: مثل ما قالت اختك
ريما تطلع ومعاها العصير: اوكي خلّوا روزانا تنفعكم وتسوي لكم عصير {تقلده} مثل ما قالت اختك
رامي: ههههههه {ينظر فـ سآعته} يالله نص ساعة ونمشي الدمام
روزانا بقهر: لااااا يعني ما نوصل الا آخر الليل
رامي: لااا يا روح اخوك رايحين بالطيارة
روزانا تنقز: هييييييييي هيييييي
سامر باستنكار: هي كلها 4 ساعات؟!!........
لنــــــــــدن
بيت ابتسـآم
........دق الجرس وركضت رغد للباب
ابتسام: رررغد لاتفتحي قبل ماتعرفي مين
سمعت صرآآخ رغد: مااااااماااااا برووووووو جااااااا
ركضت ابتسام تشوف نور عينها يبتسم لها
: امي رجعت
ابتسام فتحت حضنها له: تعال يآ رووح امك
ركض لها ورمى نفسه بين احضآنهآآ بعيدا عن الألم والذل
,’,’,’,’,’,’,’,’,
رغودة: ماما
ابتسام وولدها نايم جنبها: نعم
رغد بتردد: وين كآن البراء؟؟
ابتسام اختفت ابتساامتهآآ: عند بابا حبيبتي
رغد احمر وجهها وبعصبية طفولية: مررررره ثآآآآآآآنية؟؟ .. انتي قلتي بتخليني اروح معاه {برجآآ} ماما الله يخليك ابى اشوف بابآآ
ابتسام "يا عمري يا رغد خليك على عمآآك لا تشوفينه وتصدمين بابوك الفارس البطل في خيالك": عيوووني رغودة بابا مرررره مشغول
رغد خرجت من الغرفة بزعل
وابتسام حطت يدها بحنان على ظهر ولدها
البراء بانين: آآ .. آهـ
ابتسام خافت ورفعت التيشرت
غمضت عينها بألم من المنظر
كالعادة يرجع ولدها وذآآق أنواع العذاب من ابوه وزوجته
{نبذة عن ابتسام وحيآآتها
ابتسام كانت الابنة الوحيدة لابوها وامها
تزوج ابوها امها وكان له زوجة قبلها له منها 5 ابناء وطقها بعد 3 سنين وكمل حياته مع امها
كان عمرها 16 لما اصرت على الزواج من جاسم ولان جاسم سآكن في لندن وهي بتروح معه
ما رضيوا اهلها عن زواجها منه وحاربت اهلها كلهم وفي الاخير هربت معه ..
عاشت معه حياه حلوة بس ما استمر هالحال الا 7 سنوات وبعدهآ اكتشفت انه متزوج من قبل ما يتزوجها وعنده اولاد غير اولادها ..
تركته وما رضي يطلقها ..
سكنت في بيت لوحدها وكانت حامل برغد وبراء عمره 7 سنوات وكانت في ذاك الوقت ما كملت 23 سنة حاولت ترجع السعودية بس وصلتها اخبار ان ابوها توفي وهي تعرف اعمامها ان شافوها ما رحموها
فجلست في لندن وحصلت على وظيفة تصرف فيها على نفسها وعيالها.. وجارها {يحيى} ما قصر ما خلاها تحتاج شي
وجاسم ما سأل عن رغد ابدا وكأنها ما همته لانها بنت
أما براء فهو يزور ابوه بالايام ويرجع معذذب من ابوه وزوجته ابوه
البرآء عمره 12 سنة رغم صغر سنه الا انه ذكي امنيته يزور حضن ابوه
ابيض البشرة وشعره مآيل للاشقر عيونه عسلية وآسعة
رغد عمرها 5 سنوات عقلها اكبببر من سنها بكثييير
قصيرة ودبووبة بيضـآ وعيونهآ مثل البرآء وشعرهآ بني فآآآتح طويل لتحت اكتافها
دايم تتكلم عن بطولات ابوها اللي ما شافته بحياتها تسأل براء عنه بس براء مستحيل يهز صورة ابوه في عيون اخته
ابتسام معلقة وعمرهآ 28}........
الدمـــــــام
المــــطار
........داليا: هيثم متأكد ان الطيارة بتوصل الحين؟؟ لنا ساعه هنا
هيثم : اتصل عليّ عمي حسان وقال بيوصلون الساعة 2 الظهر
داليا تشوفهم من بعيد: هيثم شووفهم وصلوو
هيثم يسلم على خالته : نوورتوا الدمام
خالته: منورة باهلها
داليا تحضن لانا: كيفك حبيبتي؟؟ خوفتينا عليك ليش رحتي جدة؟؟؟
لانا: نفسيتي تعبت من مستشفيات الدمام والخُبر من صغري وانا فيها قلت تغيير
تاله تاشر: شوفووا راااااااامي معقوول جو من الرياض الحيين!!
رامي : السلام عليكم
هيثم يسلم عليه: وعليكم السلام نورتوا الدمام
تاله: شوفوا النصااب توها نورت فينا
روزانا تدف تاله وتطيحها على داليا: يا عمري هو يراعي مشاعركم والا الاعمى يشوف نورنا
هيثم يعلق على دفاشة روزانا: ههههه رامي اختك ما عقلت؟؟
رامي يهز رآسه: ما في أمل
في السيـــارة
هيثم يسوق وجنبه رامي وورى الحريم ورجتهم والسيارة الثانية كانت في المطار سآقها سامر ومعه دنا وعفشهم
هيثم: رامي اسمع
رامي: هلاا
هيثم : هذي ابيات ابي رايك فيها
وصيت قلبي عليك وفكـري وظنـــي ..
أن غبت عنهم عليك عتابهم هــادي ..
ما ودي تجرح شعــــورك كلمةٍ مني..
وأنتي حياتي وعمـري ومهجة فؤادي..
ودي تعيش العمـــر راضي ومتهني ..
مرفوع راسك عليك العـــــز متفاني ..
يا تاج رأســـي وأنت منـــي وعني ..
تأمري وتنهي وأمـــرك أول البــادي ..
يا شوق روحي وقلبي وقطعةٍ منـي ..
عتابك ألطف من النسمه على فؤادي..
ما يجرح القلـب إلا غيبتـك عنـــي..
وإلا عتـــــابك يشابه طبعك الهـادي ..
أنا احتري يوم اشوفــك انت متهني ..
وأشوف نور الهــــنا في طلتك فادي..
ما يختلف فيك ظني يا حسن ظني ..
دايم وفــيه معي يا وردة بـــــلادي ..اللي ورى سسسسكتوا يسمعون
وريما دمعت عيونها
رامي باستعباط: وش دخل ورده بلادي في النص؟؟
هيثم: وش اقول ورده الرياض؟؟
رامي : تبي تكحلها عميتها خليها على بلادي احسن
هيثم: كلها بلاد ابو متعب
داليا تنط قدام: الله الله يا بختها
هيثم: ميين؟؟
داليا بخبث: اللي لها الابيات
هيثم يلبس نظارته الشمسية: يا بختي انا فيها بس ليتها تحس فيني
ام رامي تنهي كلامهم: تحس فيك ولا يهمك بس سوق وانت ساكت
روزانا ولانا يتهامسون ويضحكون <<عن ريما لان الابيات لها
اهل مها (ام رامي)
{الجدة صالحة عندها اربع بنات}
الاولى نهى الجابر (ام غيث):
زوجها متوفي {حُسني اليامن} وساكنة عند امها في الدمام
اولادها
غيث 27 سنة
{ خلص دراسته الجامعية في كندا مع بنت خالته(تاله) وخطبها مراااات ورفضته وما يأس تخصصه هندسة وموفق في عمله.. اسمر طووويل وشعره كثييف لاهو ناعم ولاهو خشن وجهه دائري مميز عيوونه سودا وشنبه خطين خطييييييييره ومرتبه معطيته شكل جذاااب }
مايا 25 سنة
{ متزوجة ولد خالتها وتوهم راجعين من شهر العسل .. قريبة مررره من اخوانها تعرف ايش فيهم من دون ما يتكلموا .. قصيرة والكل يعلق على قصرها بيضا وعيونها بنّية وشعرها اسود يغطي كتفها}
هيثم 24 سنة
{خلص الجامعة من سنة ويدور وظيفة يمووت على ريما بنت خالته والكل يعرف هالشي وينتظر يتوظّف ويخطبها .. اسمر طويل شعره بني فآآتح عليه عيون تذذذذذبح >احلى عيون في الرواية< وله غميزات على خده اليسار}
صُهيب22سنة
{ ثالث سنه جامعه تخصص ادارة اعمـــــال ينجح بالدف لانه من جنــــــــــــب الدراسه وهي اخر اهتماماته .. واهم لا عنده الوناسه وساعة الصدررر
اسمر ووسيييييييييييييم بشكل غير طبيعي هو احلى اخووانه عيوونه عسلييه وشعره مايل ع البني دائما سبايكي طالع حلوو علييه وانفه سنة سيف مربوع لاهو طويل ولا قصير .. ما يحب يطلع الا وهو مكشخ نفسه ع الاخر .. مغازلجي بس ما يتعدى المكآلمات
طوول الوقت برا البيت ونادرا ما يكون موجود بالذات اذا تجمعوا خالاته مايحب يجلس ابد ويقابل عيال خالاته عند النوم او برا البيت}
الثانية مها الجابر (ام رامي)
الثالثة سهى الجابر (ام جواد):
متزوجة حسان اليامن{سهى ونهى متزوجين اخوان} وساكنة في الخبر
اولادها
جواد 26 سنة
{ متزوج بنت خالته (مايا) .. متخررج من الجامعه قسم محــآسبه ويشتغل في آرامكو.. اسمر قصييير شوي عيوونه سودا ودائرريه فيها سحبه بسيييييييطه شعررره بني غــــــــــآآآمق}
تاله 24 سنة
{ درست الجامعة في كندا بشرتها تميل للسمره وعيونها عسلية وآآسعه جسمها يجننننن وشعرها بني غامق له لمعه مدرج لنص الظهر}
لانا 16 سنة
{مريضة بالفشل الكلوي .. صديقة روزانا الروح بالروح .. ملامحها قريبة من روزانا واللي يشوفهم يحسبهم خوات بس لانا شعرها طويييييل قريب الركبة وجسمها مررره نحيف بسبب المرض}
الرابعة داليا الجابر:
عمرها 26 سنة
(اصغر من غيث ورامي وفـ عمر جواد)
{ رااااافضة الزواج رفض نهااااائي وكل ما خطبها واحد تقفل على نفسها الغرفة وتبكي بصوت عااالي الين تنام واذا قامت من النوم ما احد يذكرها باللي صار امس(يخافون عليها) ويرفضوا الخاطب على طوول وعلى هالحال من اول خاطب كان عمرها 19 سنة
مع انها حلووة وشكلها وخفة دمها تعطيها اصغر من سنها .. قصيرة شوي ونحيفة بيضا وعيونها سودا وااسعة شعرها لاخر الظهر اسود حريييير}
........
لنــــــــــدن
قصر المحـآمي يحيى
........
يحيى يكلم بالجوال ووجهه احمر من العصبية: انت ما تفهم؟؟
...: انت اللي مو راضي تفهم .. زوجها ولدي ونطالبهم بحقها اللي بيكون لولدي .. وفي النهاية انا وانت الرابحين
يحيى: واذا قلت لك مستحيييييل اروح لهم عشان هالمواضيع التافهه؟؟
...: تسمي موضوع ورث بنت اختك تافه؟
يحيى:أي ورث؟؟ مااعتقد ان ابوها مات
...بسخرية: وانت تسأل عنه ما شالله؟؟ خال مثآلي
يحيى يقفل الموضوع: انا قلت اللي عندي وانسسسى تزوجها لولدك الصايع دامني حي
ما كان يدري بالنفس الخآئفة خلف الباب
كانت ترتجف
مجرد ذكر اسمه يرعبها..يقتلها ويشتتها
كيف تتخيل ان يكون يوما من الايام زوجها..؟
ابتسمت بامتنان: الله لآآ يحرمني منك يآآ اروع خآل
........
الدمــــــــــام
بيت الجدة صالحة
........
في الصالة:الجدة والخالات(نهى,مها,سهى)
وفي الغرفة: تاله وريما ومايا وداليا ودنا
وفي غرفة داليا: لانا وروزانا يفتّشون
روزانا تدخل الصالة وتصارخ: اممييييي
ام رامي:لبيييه
روزانا: حكرات امي تقولي لبيه والله الجلسة مع ماما صالحة جابت نفع
لانا تطلع من الغرفة: يا بنت الناس اسمها حركاااااات مو حكرات
الجدة معصبة: وششش ماما صالحة هااا؟؟؟ والله ما تستحين
روزانا تضيع الموضوع:امييييي ابي لاب توووب
الجدة : وش بالتوب؟؟
ام غيث:امي لاب توب الجهاز اللي مع داليا وعند تاله ومايا وريما ودنا
الجدة عرفته:اهااا هذاك اللي بغت عيون داليا تجلس على ازراره
روزانا : يما الله يعافيك وش تجلس على ازراره؟؟ هذا ان بغت تجلس كلها عليه <<قصدها انه مررره كبير>> مو زي حق دنا وريما حمدلله والشكر من صغره ما اعرف هو كتاب والا جهاز
الجدة تدخل موضوع ثاني: وش فيها الكتب انفع من ذا الـ..
روزانا تقاطعها وتصارخ:اميييي ابي لاب تووب زي حق داليوووووووووه
البنات يطلعون من الغرفة
داليا: وش داليوه؟ انا خالتك
روزانا تخصرت: يا سلاااام وعساك تبيني اقول (بدلع) خالتوو دلّوو
داليا: ههه يكون احسن
روزانا: يالله امي تكفييييييين
ام رامي اقتنعت تقريبا: وهو بكم؟؟؟
روزانا تورطت: اممم مو كثير تقريبا الف وشوي
الجدة متفاجئة: الـــف!! هذا مهر عروس
روزانا: الـــف مهر عروووس؟؟ ليكون مهرك يمآآ الف؟.. قويييييييية الف انا ما بعرس الا بمييييية الللللللف
مايا: نشوف مين ياخذك
تاله: شكله بطراااااااااان
دنا: هذا اذا مارجعها ثاني يوم من رجتها
ريما: صادقة .. الله يعينه
روزانا تخصرت: هييييي لا تحشون في رجلي
الجدة شرقت بالقهوة وكانت بتبدى محاضرة الله اعلم متى تنتهي
قاطعها ام رامي:يا امي لا تعبين نفسك انا تعبت منها ما ادري متى تعقل
روزانا: بعقل اذا اعرست خالتوو دلّوو
كلهم تلفتوا بعيونهم يدورون داليا
.....غرفة داليا.....
داليا بحزن: يبوني اتزوج؟؟ لا مستحيل مستحيييييييل
قامت لدولابها وطلعت صندوق احمر كبيير وفتحته ونزلت دموعها
كان الصندوق كله العاب وملابس وكتب لأعمار 16 او 14 سنة واصغر
فتحت الالبوم وحضنت صورته وهو في عمر 9 سنين
احذت تيشرته وشمت ريحته رغم السنوات ما تغيرت
داليا بكت بقوة
روزانا تدق الباب: يا سلام يالدوووبا ما كملت تفتيش افتحي الباب
اخذت الصندوق وخبته في مكان ما تفكر فيه روزانا
رددت
"يآآآرب يرجع لنآ بخير"
"12 سنة يالغـآلي ماذبحك الشوق مثل ماقطعنآآ"
"اعرف ان قلبك حنوون وبترجع يوم من الأيـآم"
--------------------------------------------------------------------------------[/SIZE]
|
23-05-11, 06:12 PM
يـــلآ هالبــآرت لعنوووونكــ
اهئئئئئئئئئئئئئئئئئئئئ اهئئئئئئئئئئئئئئئئئئئئئ ولا رد
جديد مواضيع قسم الارشيف
العرض العادي
