لاتسأليني من انا..شاعر مقيد بالحنين..سطام الشامان

يكفـيّ . .

يَ غآيبه مآ عآد فيهـآ يقولـون
اللي خذيته مـن غيآبـك يِِكَفّـي

يكفي تعب يكفي معآنـآة وظنـون
يكفي ألـم كـل الخلآيق بِ كفـي

أنتِ تركتيني على شآن يرضـون
عذال قلبي مآ وقفتـي بِ صفـي

غبتي وصرتي شيخة اللي يغيبون
يومك مرآدي واللقاء فيـك شفـي

واليوم ابنسى مثل مَ النآس ينسون
والنآر في " قلبي " مع الوقت تطفي

بعلمك وشلـون الأحرآر يقفـون
وأعلمك وشلون الأشـوآق تقفي !

( )

يَ حيآة الشقى. .

بين نآر الفـرآق وسلسبيـل اللقـى
بين صمت التجآفي وأنهمآر الغـرآم

هو بقى شي منـي يستحـق البقـى
غير ضيم الليآلي وأنت عنـي تنـآم

ايه أقلب قصيدي والظروف أمحقـى
شفت أخر محطآتـي وذآب الكـلآم

والله أني وهمي صآيريـن أصدقـى
مرتكز في ضلوعي من ثلآثة عِـوآم

مآ أقآوم حضوره , بِ الفؤاد أرتقـى
قآدني لِ الضيآع وجرّني لِ الظـلآم

مآشي ٍ في طريقي يَ حيآة الشقـى
المسافة طويلـة والمحآنـي حطـآم

يآعدّيم المشآعر وبل دمعـي سقـى
وجهي اللي من اللوعآت أضحى عدآم

كيف ترسل حروفك في دعآوِ النقـى
وأنت تآرك " حبيبك " في حيآته يضآم

ليه خيبت ضنه خآفـق ٍ بـك هقـى
عاش لِ أجلك وخلى في يديك الزمـآم

( )

كل مآضآق صدري . .
كل مآضاق صدري سولفـنّ الضلوع
سولفي يَ " ضلوعي " في ليآل التعب

أسهري فوق جرحي وأشعلي هالشموع
وأن بغيتي حقيقة " جرح قلبي " عطب

سولفي , وأن تعبتي صوتي لِ الدموع
دمع عيني حلآلـك , مآلنا بِ العتـب

أستبيـحي عيوني , والشقا ألف نوع
وأمسحي دمع عيني في كموم النصب

آآه يآحزن ليلة , في حسآب السبوع
آآه يآطول " ليلي " يـوم همي ضرب

كنّ سآعات حزني أبتدت بِ الرجوع
كنّ سـيل الثوآني وَ الدقآيـق نضب

كنّ مآعآد بآقي شي وَ أموت جـوع
وأتجرع ( مرآرة قلب ) خـل ٍ كذب

كآن ميعآد وصلي في نهآآآر الربوع
فآت يوم الربوع وفي عـروقي لهب

ولّعي يآعروقـي , وأحرقيني بطوع
من جحد يوم وصلي واللقـآء مرتقب

ذنبي اللي جنيته , بِ الزمآن القطوع
التجآفي وَ هجري بعد " قطف العنب "

أسكتي يآ " ضلوعي " مآلنآ بالخضوع
ومآلنآ بِ السوالف دآم موتـي قرب !

( )

ي عزي لِ حآلي . .

يَ برّي قلبـي ويآعزّي لِ حالي
من موآعيد الهنوف النرجسيـه

جآدلٍ تسطي على فكأري وبآلي
وتحدّآني , وأنآ آ آ مآفـيّ يديه

ومن كثر مآأحلم بهآ والحلم غالي
وأتشفـق شوفهآ صبح وعشيه

والله إني صآيرٍ كنّي هلآلي
يحلم بِ " كآس آسيا والعآلميه "
( )