السلام عليكم ورحمة الله وبركاتة

جزاكِ الله خيراً أخيتي الفاضلة ..وراضين بالبارت حتي لو كان صغنون ...

المهم شي نقرأة ونستمتع بة وبأطلالتك الحلوة ....

ومن خلال تحليلي للأحداث فأقسمها إلى قسمين ...

أولاً : -

أحمد والله أعلم أنة سيتزوج زهرة زوجة خالة لانها سوف ترث أملاك زوجها وبيكون هذا الزواج من تخطيط

هدى حتى تكون الثروة تحت أيدهم مثل ما يقول المثل (( زيتنا في دقيقنا ))وطبعاً بيكتشف أنة أول بختها ..

ثانياً:-

أو أن أحمد سيتزوج أخت زوجتة خالد جنان أو سلمى على أعتبار أن خالد سيأخذ واحدة منهن وبترشيح

وتشجيع من خالد لصديق عمرة ...

أرجو أن اكون قد وفقت في التخمين ...

ومشكورة يا قلبي مرة ثانية على ها الرواية الروعة ...ومتابعينك للأخر أن شاء الله ...

صباح الخيييراات والليرااات
يعطيك العافيه ام رنو
اشين شي بهالبارت انك بديتيه بالعله هدى لييه كذا كان خليتيها باخر البارت ماتستاهل تجي باوله
اول ماقريت جزئيتها بغيت انقز للي بعدها اااه بس يانتي بردتي قلوبنا فيها ياعلك من هالحال واردى والا كان خليتيها تقعد بالشمس اكثر لين تجيها ضربة شمس تفقدها وعيها وتموت وتريحنا
جابتها جنان يوم وصفتها بالشحاده والله انك شحاده يومنك بتكوشين على فلوس خالك اللي مالك حق فيها
ياربي لك الحمد اللي راحوا لمكه قبل تجين والا كانت علوم
نجي عاد للدثوي زوجها والله انك منت رجال شبيه الرجال اجل الحرمه تنزل فيك بالارض وتسبك وتسكتك وانت صنم اللهم يا كافي ماتحرك ساكن
ماهو عذر الحب مثل ماقال احمد يضرب الحب شو بيذل لا ياخي ياكثر الرجااااااال اللي يحبون حريمهم بس مو بهالشكل ابد كل شي له حدود حبها ماقلنا لا بس وقفها عند حدها لا تتجرا ترفع صوتها عليك والا تهينك ياحيف عالرجال ياحيف
هدى تستاهل واحد مثل ابو فتو يديها على راسها اتخيل ابو فتو وهو يسكتها \هس هس اتكتمي يابت اتكتمي بلا بشكلك حسك عينك ترفعي صوتك عليا مرة تانيه والله مايحصلك طيب
كيفي مع الحجازي ضابطه الدور
الله عليك يازهرة رحتي لمكه واعتمرتي وتحققت امنيتك الحمد لك يارب اللي استجاب دعانا \ترى كنا ندعيلك وانتي ماتدرين انها تتيسر العمره
لا وركبتي طياره والله توقعت ابو ناصر ماعنده هالحركات وبيوديك بالسياره بس الحمد لله
روعه ام رنو وصفك لمكه والحرم وزمزم وضياع زهره صراحه اعطيك ميه من ميه فالوصف مبدعه
احمد نفس توقع الاخت موزه الحبوبه انه هو اللي بيتزوج زهره عشان الورث ومالورث وان شاءالله بتكون سعادتها الثانيه معه \هههه الله يالتاليف خالد كويس اخته داريه عن موضوعه بس باقي الروس الكبيره
يعطيك العافيه بانتظار القادم

تسلمين ام رنو البارت جدآ رائع

هدى تستاهل الي صار ولو انه ما يبرد القلب فيها

احمد اتوقع انه فعلن هو الي بيتزوج زهره

هو جرب مدح هدى وفشل زواجه اكيد ان هدى راح تسب زهره عنده

واما ان احمد راح يعجب فيها من سب هدى او ان ابو ناصر يوصيه يتزوجها ويعطيه خبر عن الوضع الي بينهم

خالد مصيبه ان الانسان يخبي عن اهله قرار مصيري مثل الزواج

والعذر خايف من زعلهم
ابوناصر اتوقع بيوافق انه يخطب سلمى

لكن راح يدخل على العايله وهو ما خبرهم ان ولده عنده بنت لا بعد ومسميها على امه من زين ها الام

وبيكون فيه صدامات قويه بين خالد وسلمى بسبب البنت

وصف رائع لمشاعر زهره كانها حقيقه

بارت رائع تسلمين شبيهة امي

السلااااااام عليكم

تجنن القصه والله العظيم وانا اقرها رحت بعالــــــــــــــــم ثااااااااااااااااااااااانــــــــــــــــــــــــــي.. جووووو غير صرااحه عن جو كل القصص اللي اقراهااا.. شبيهة امهاااااا ابدعتي ابدعتي وبكل قوووه. ويعطيتس ربي الف عافيه على هالقصه الرايقه.
عشت مع زهره لحظات توترها وخوفها وحتى يتمها .. والا وهي تقول عن ام ناصر انها ام بس فيه بينهم حدود ياااااااا الله ربي يووفقها هالانسانه عاانت صدق صدق بحياتها .. ومقهووره صراحه من ام ناصر لان زهره شكلها ماادرست ولا كملت تعليمها.. ياا قهر صح ام ناصر يمكن تكون حنت عليها وعطفت بس بنظري وبدون زعل ام ناصر قصرت مع زهره لان وحده بظروف زهره مالها اهل ومالها سند وهي عارفه كيف وضع شريفه معها ..كيف ماخلتها تدرس وتتعلم وتاخذ شهاده تكون سند لها وماتحتاج لاي احد يذلها ولا يتمنن عليها.. يعني لو ام ناصر ماتت كان شريفه بطيرها على طول براا البيت تزوجت والا لأ. بس ابو ناصر محمد طيب طيب طيب مرره مررررره ..وفعلا عوضها بقدر مايقدر عن ايام الشقاا اللي شافتها وايام اليتم اللي عاشتها والاهم انه هوو محتاج بنت اكثر من حاجته لزوجه وزهره خير بنت له وهو خير ابو لها..
وصرااحه احسن انه عاجز استغفر الله كان الحين منشبها وملووع كبدها بطلباته اللي ماتخلص .. وياااااليت كل الشيااااااااااااب والله لين صارت اعمارهم سبعين يصيرون عاجزين ويفكون هالبزارين اللي بيجيبونهم من اليتم.. ادري ان كلامي ممكن يجرح بعض الناس وبيعتبرون ماعندي احساس لكن والله صدق يتزوج الشاايب بنت صغيره ويجيب منها ولد والا اثنين وثم يودّع الدنيا وتنشب البنيه بعيالها الايتام وهم مابعد دخلوا المدرسه .>>فيس قاسي موو..؟هع

هدى : يمااااااااااااال والله السم والحمى اللي تقب في جلدتس وتلهين عن ابو ناصر وزهره بنفستس.. يااااااااااا بغضي لتس بغضاااة جلعتس والله الكسار اللي يكسر يدينتس ورجلينتس هاللي كل شوووي ذالفه لبيت خالتس وجالسه تطقين هالباب لين تبين تكسرينه من الطق عساهم يطقونتس على راستس والله..
اناانيه بكل شي حتى لما زوجتي اخوتس زوجتيه حريم على شاكلتس صدق من قال الطيور على اشكالها تقع.
تدرين عاد مدري ليش متوقعه ان ابو ناصر يمووووووت واخوتس احمد يتزوج زهــره .. بس المصيبه على قلبتس وعقلتس لوو اللي تزوجهااا عبدالهادي..هههههههههههههههه والله يااحنااا بنضحك عليتس ضحــــــــــــــك.بس لأ لو مات ابوناصر اتوقع احمد يكون نصيبها .. وبياخذها بسببتس انتي لانتس بتسبينها الليل والنهار وبيعرف انها ماوافقتس مزاجتس لانها عكس طباعتس الخااايسه ياا الخااايسه..

خالد : مايحتاج اقول انك بتاخذ سلييم.. ويمكن تتزوجها وانت مااقدرت للحين تقول لاهلك ان عندك بنت.. وبتاخذ سلمى وتسافر فيها وهناك تحطها امام الامر الوااقع.. وهي بتساعدك عشان توصل هالمعلومه لاهلك..

امجد وزوجته وامه: صراااااااااااااااااااااحه اشوف شخصياااااااا انكم مسوين جوووووو خاااااااااااااااااااص بالقصه وخصووصاا اللهجه ..احوبها هااادي اللهجه تجنن ولها جو خاص فيها..
ايه امجد وين تبي يبقى معك فلوووس وانت جالس على هالبلااا اللي تاخذه الله يعافيك بس وتتخلص منه..
على فكره مهجه علاقتها بعمتها وااقعيه جدا جداا وحبيتهاا مره بس ماحبيت ازعاجهم للجيران ومشاكلهم بس فتوو هالبنت دخلت قلبي من اوسع ابوابه هي وام حسين ..ههههههههه
بس مهجة صراحه مدري شلون قايل الاسم هي مهجه وحياتها كلها نكد وشقى عسى يكون لها نصيب من اسمها قريب وتلقى بحياتها بهجه ومهجه..

شبيهة امهااا.. تدرين اني متحسفه اني ماقريت القصه الاولى لتس .. شكلي بقراها هالايام اذا الله احيانا .. اسلوبتس يجنن وبسيط والاهم من هذاا وذاك يدخل القلب بسرعه الصااروخ..
الله يزيدتس من عنده يااارب ..
و اذا الله احيانا بنكون بشوووووووق وحنا ننتظر باقي الحكااايه فلا تتأخرين علينا يااعسل..