ياهلا والله وغلا بام رنو
مساء الخير والحساس والطيبه مساء مايليق الا لبنت عمو
حتى الاغنيه بنحرفها على كيفنا هههه
احييك الصرحه على هالابدااااع ماشاءالله تبارك الله اقولها لك بدون مجامله
الفكره مره حلوه وغير مكرره ياحبي للماضي وايام زمان ابدعتي في الوصف الاماكن والبيوت حتى الزوليه واصفتها حمرا مخططه باسود
زهرة وماادراك مازهره ياقلبي اخيرا ابتسم الحظ لها الله يوفقها مع ابو ناصر ويهنيها ويبعد عنهم كل حاسد خصوصا الكلبه هدى ياكرهي لهالاشكال الله يمحيهم من الارض الحححححسددده ياربي كارهه ان خالك يتزوج ويستانس باخر حياته ضعيف مسكين عايش لحاله لا مره ولاولد ولااحد يخدمه لوفيك خير كان اخذتيه عندك مو لحاله لا انيس ولا جليس ويوم تزوج كل شوي وانتي مرتزه عنده تنكدين عليه هو والضعيفه زهره تراك ماتنكدين عليها تنكدين على خالك يازفت
ياخوفي عندي احساس ان ابو ناصر بيموت ويتركها ياعزتيلها بتصفقها الدنيا عقبه يمين ويسار \لا والله عشوقه موتي الرجال وقضيتي لا والدنيا بتصفقها بعد وش رايك تكتبين بدال ام رنو
شريفه ياوك يالانانيه حتى ولدك موسالم منها ماتبينه يتزوج ويستانس حرام عليك ياشيخه قولي غير هالكلام يا قلبي ياناصر وش الحظ هاذا اللي طيحك بمثل شريفه والله انك رجال سنافي وابن حلال
ام فيصل وبناتها سميتي اشوى انك خليتيها طيبه وبنت حلال وسنعه تعرف الواجب وجيرانها يحبونها والا لو غير كذا ياويلك مني ويلاه ايه بنت عمي زيدي المدح كمان كل مايجي طاري ام فيصل ياحبي لهالاسم \الله اكبر يالخقاقه
ام ناصر واعجابها بسلمى ان شاءالله انها من نصيب خالد بس ياخوفي من سالفة زواجه وبنته تاثر على موضوعه عند اهله
فريزا ماادري من وين جايبه هالاسم عساها للماحي هي وش بلاها على الرجال لا وطلع زوج اختها وشوله كل هالتلصق عيييييب وقطع جنييييب ياحرمه الرجال مايفكر فيك \بس وش رايك بقطع جنيب قلت القصه تكلم عن الماضي خلني اجيب من الماضي بعد مافيش حد احسن من حد خخخخ
شيري بنته والله وطلع اسمها على اسم العله امه شريفوه الله والكوبه
ام حسين وماادراك ما ام حسين يوووه ياللقافه هي ورى ماتقر ببيتها وتترك خلق الله والله وانا مادري عن علاقتها بزوجها بس الله لا يلومه يوم تزوج عليها لا ومقطعه البنت سلمى كل ماشافتها هاتك يادعاوي وش ذنب البنت تكرهينها باسمها وباليوم اللي عرفتك فيه
ام حسين ذكرتني بوحده باقولك عليها بالخاص والله ياني فطست ضحك يوم قريت مواقفها وهجولتها بكل بيت كنا نسميها لصقة جونسون
يالله ياقلبي شفتي اني عند وعدي قلت ابقراها الخميس وقريتها وماتركتها لين خلصت كل الاجزاااء والله متعه ماقدرت اتركها تسلم ايدينك بنت عمو
بس على وجهي النحس قلتي باخليها مره وحده بالاسبوع اهي اهي والله احزن
واصلي وحنا معاك حبيبتي الى النهايه انتظر ابداعك القادم بشوق

السلام عليكم و رحمة الله و بركاته

صباح الخير و الرضا من الرحمن

تسلم الايادي يا أم رنو بارت رائع عجبني حيل و خصوصا المواقف بين زهرة و محمد^ـــ^

====================
(( زهرة و محمد ))

البعد اللي كان من طرف محمد كان سببه احساسه بالذنب اتجاه زهرة و انها صغيرة بالسن و

ابتلشت بشيبه مثله و خصوصا و هو عارف أنه ما وراه ضنا يشيل زهرة بكبرها بس بعد كلام

أم ناصر أحسه طلع من هالقوقعة اللي كان حاكر نفسه فيها و عرف أنه زهرة تبي تعيش و تكمل

معاه ,و حتى زهرة لما شافت شوي تقبل منه هي بعد فكت عن نفسها و قامت تعبر و حتى لو

قليل و هذا اللي صاير تقدم كبير بحياتهم بس السؤال هل بيستمر مع وجود ناس مثل هدى تكره

الخير لغيرها و عينها ضيقة لحلال غيرها ...

====================
(( خالد ))

oـــ O<<< فيس مصدوم منه ...

قال ما يبي يتزوج و هو عنده بنت و باين من كلامها أنها مو بصغيرة حيل وش سر هالزواج اللي

محد يدري عنه إلا أحمد , البنت عايشة عند فريزا و أكيد أنها خالتها و هي قاعدة تحاول تلف عليه

منها تفيد و تربي بنت اختها و تستفيد من وراء خالد ,بس أكيد هالشيء مستحيل تصير و خصوصا

بسبب نفور خالد منها و زواجه المنتظر من تخطيط أبوه ...

====================
بانتظار القادم ...

..
..

مسااااااء الورد ام رنو


تسلمييين غلاي على هالبارت


زهره حست بالحنان والعاطفة تجاه محمد وهو متعامل معها بكل حنيه ومحسسها بقيمتها المسلوبة منه من قبل
وروحه العمره مدري تتم ولا لا دام العله هدى بتجيهم وبتنكد عليهم


ام ناصر شكلها بتخطب غاده لولد ولدها خالد وامه اكيييد بتسوي ازعاج وترفض

وبصراحه خالد قهرني ليش ماقال لاهله انها متزوج مو يلعب على بنات خلق الله وتحسب نفسها انها اول زوجه لها وتنصدم مسكينه



ام رنو انتظرك يالغالية يكل شوق

تسلم الايادي يا الغاليه على البارت الروعه
محمد يحلو الشيبان وحركاتهم خاصه اذا كانت كتعويض تجي غير مباشره
زهره عسى تهنين وتروحين العمه قبلتجيش هادم اللذات ومفرق الجمعات
هذي اللي معنده الا النكد على الناس ولي مقويها الرخمه اللى وراها مقوي ظهرها
لومعطيها العين الحمره كان حسبت له حساب موعادة هو والطوفه واحد
خالد صدمه ارمل وعندك بنت بس اذا كنت رجل واجهه اهلك بالحقيقه وقبل يخطبون
هنا الله يعينك كل شي ممنوع عاد اذا شي ممنوع يصير مرغوب ويحلا في عيونا
احمد جيته فيها مفاجاه