"
"
"
نزلت من على الدرج وهي ترفع راسها مره للاناراه الي تملا المكان وتخفضه مره لمكان خطوتها
ناعمه في ملامحها عيونها صغيره وشفايفها صغيره وخشمها صغيره حتى قوامها ناعم وصغير وشرتها بيضا وصافيه شعرها يميل للون الاشقر
ينعكس اللون الاحمر القاني على نقاء بشرتها ويشع بجبروت
تفاصيلها بسيطه وغير متكلفه
عيون واضاءه وفلاشات تتوجه نحوها على اختصار الحضور لكن مبالغه في كل شي
بنت وحيده لعائله غنيه وامنيه تحققت لرجل مقتدر واحتفل فيها بكل مااوتي
اول خطوه على الارض امسكت بيد امها الملازمه للدرج قبل تداهمها أي كف وتلامسها سمت عليها وقبلتها
وصلت لمكانها وعامده حركت راسها للعنود الي تراقبها من بعيد فهمت عليها واقتربت منها حطت يدها على كتفها ووقفت وراها
شدت كل تقاطيع وجهها حتى تمنع تهجدها وتظهر بصورة السعيده
اشغلت نفسها بمراقبة الملتفين حولها اول من طاحت عينها عليها كانت خلود الي سبق وتعرفت عليها بزواج سلطان تجاورها هند الي كانت رائعه بكل ماتحمل الكلمه ولكن كان المظهر فقط يليها امجاد وكانت ام مشعل قبل نهاية الصف الي يحاوطها وتلازمها ام ندى "زغاريد وتصفيق وجو يحمل فيه رعب تتلى اهله يسلمون عليها بمافيهم هند الي قلة الحضور ماساعدها للتهرب
خفق قلبها وحست ودها تهرب وهي تشوف العنود تركض وتلبس عبايتها حست غياب العنود واقترابه بلحظه وحده شئ لايمكن تطيقه
لمحت راسه يعلو الرؤس حوله وملامحه مابانت لها حتى اقترب ووقفت وحست بقلبلته على جبهتها
اوشكت ان تهوي من اعلى قوتها الي اسفل ضعفها
لكن امها كانت وراها ثبتت اكتافها واخفضتها بعد ماجلس
لفح نفسه وجهها وهو يهمس قريب منها
..الف مبروك
بشفايفها فقط وحتى يظهر انها ردت كان جوابها
امتدت يده ليدها واختطفها من حضنها ولبسها الخاتم واعظم ماهزها وهو يلف يده حولها ولبسها العقد تمنت لو عندها قدره تلامس صدرها وتدفعه عنها قبل تختنق
اشار بيده لخلود الي فهمت عليه وكلمت امها حتى يكون لهم مكان خاص فيهم
وقف وسلم على امه وخواته شد انتباهها هند كانت ابعد وحده عنه ولاباركت له مثل امه وباقي خواته
فعلا انقادت مع خلود الي اوقفتها ومسكته يدها مشت مثل الغايب عن وعيه حتى دخلت مجلس ثاني تركها حتى جلست وجلس بااقرب مكان لها ومثل طبع مشعل المباشر بسرعه خاض في الكلام
.. حبيت انا نجلس لحالنا بعيد عن الازعاج عشان نسولف شوي
كانت معتقده انها تقاوم الخجل وتظهر على طبيعتها لكن خجل الانثى فيها خذل تمردها واسكتها
..ودي اسمع صوتك
ابتلعت ريقها ولفت اصابعها حول بعض حاولت ترفع راسها وحاولت تتكلم لكنها ضعفت مره ثانيه
..طيب ارفعي راسك
رفعته او يخيل له انها حاولت مااعتقد ان بنت تربت تربيتها وعاشت مدلله مثلها ممكن يهزمها الحياء قاومت اكثر حتى رفعته لكن مازالت عاجزه عن النظر له
.. يمكن اللقاء الاول يكون صعب بس ان شاء الله مع الوقت نتعود على بعض
وهو يتكلم استرقت النظر له كان شخص عادي لكن يبدو عليه الاحترام والثقه بنفسه "ابدا ماادركت انها بيوم شافته وتلفظت عليه
.. قولي لي متى تحبين نحدد موعد الزواج
رفعت راسها بصدمه كانت متناسيه الامر وهو قربه اكثر مماتوقعت ضحك على فزتها الواضحه
.. لهاالدرجه الموضوع يخوف
اخيرا نطقت وفجرت القنبله الي صعقته
..انا ماني مستعده هالفتره
من اول حرف نطقته ارتد الصوت لذاكرته واحياها كان افطن منها وحيث ماتذكرت صورته تذكرهو صوتها
حاول يستدرجها حتى تتكلم اكثر ويتأكد
حاول يسيطر على رجفة صوته
.. وليش وش المانع ؟
تعجبت من النبره الغريبه المتحوله بصوته ومن اسلوبه الي يحمل بعض الجديه هزت كتفها وعينها تراقب حضنها
.. الزواج فكره تحتاج تاخذ وقتها
هنا تأكد واجزم لكن مايدري في هذا الموقف وش يقول ليس الي شافه منها ذلك الذنب الكبير ولكن مجرد رنت صوتها بااذنه شي اربكه امال شفته ووقف
..مابعد الملكه شي يحتاج التفكير عموما مانبي ندخل من اول مقابله بالتفاصيل وبيننا اتصال "عن اذنك لازام اطلع الحين
طلع من الباب الثاني المؤدي مباشره لقسم الرجال وتركها تنفض على نفسها الهوا من قطعه متدليه على جانب الفستان ارتابت من خروجه الغريب لكن ارتاحت بخروجه
واخذت وقت تجلس لحالها
............................
دخل عليه يركض من بعد اتصاله سابق الهوا وراح له
تقدم حتى اتضح له مطروح على الارض بلا حركه وبلا نفس
اقترب اكثر منه حتى وقف عليه وجهه مختنق وازرق وجسمه مرتجي
طاح وركبه مثنيه جلس عنده اول جزء من جسمه لامسه كان راسه حركه لكن ساكن
انزل يده على صدره كان ثابت بلا انفاس تعطلت مسيرة انفاسه
حط اذنه على صدره كانت نبضتها متوقفه
مسك يده ونسلت منه بارتخاء
هزه وصرخ بااسمه مرات ومرات لكن ايقن ان منيته انتهت
نهاية البارت
القاكم على خير
14-04-12, 09:58 PM
جديد مواضيع قسم الارشيف
العرض العادي
